رواية أزمة ثقه الفصل الثاني بقلم جمانه السعيدي
عشتار.. من اول ليله بزواجي حسيت نفسي صرت انسانه ثانيه
انسانه مسؤله
جواد كان انسان عملي عملي بشكل الوقت عنده اله ثمن
والفلوس لازم تنصرف بمكانها الصحيح
ابد مو بخيل بس مو مبذر
يتسوق ويجيب بس كلشي بحساب
اني هلكد ما تعلقت بي كنت احس كلشي يسوي صحيح
انسان مايمكن يغلط
حسيت من اول ايام زواجنا واني دخلت حياة ثانيه
حياة عمليه
جواد يكعد من الصبح يطلع للشغل واني اروح للدوام
من ارجع اجهز الاكل وانتضره نتغدا ويرتاح شويه
ويرجع يطلع للشغل
يجي بعد أذان المغرب
حياتنا عمليه بشكل مبالغ بي
ماكو لحظات حب ورومانسيه
حياتنا ماشيه على الوقت كل الوقت عدنا اله ثمن
حتى النوم لازم يكون بموعد
حتى العلاقه بينا الها وقت محدد بلاسبوع وقت خاص بليوم
كل الحديث الي بينا يدور على العمل
حتى ما نطلع نتونس لان جواد يريد يشتغل ويكبر هذا الشغل
كان يفكر يستقل بلشغل يعني يشتغل وحده
جمانه السعيدي
لان ابن عمه الي هو شريك ويااا عندا عائله يصرف هواي
مو مثل جواد
جواد حريص كلش الفلوس ما تطلع من جيبه اله تروح للمكان الصحيح
جواد...اني لازم اشتغل وحدي هذا عباس يصرف هواي
عشتار...انتم غير كلشي بلنص
جواد...اي بلنص بس هو يصرف هواي من رأس المال
عنده عائله من نجي نتحاسب هو حصته صارفها
ونتسوك من حصتي
منا لمن يشتغل ويرجع الفلوس
اني هذا الشغل مايصرفلي اريد اطلع اشتغل وحدي
بس المشكله ماعندي فلوس تكفي
لو عندي مبلغ زين جان طلعت اشتغل وحدي وخلصت منه
مجاي نكدر نكبر المشروع بسببه
عشتار...عنده عائله يعني شيسوي مايصرف عليهم
جواد...مو هيج على كيفه
احنا جاي نشتري غراض من ناس محتاجه يعني محتاجين سيوله
ليش الناس تبيع غراضها اذا ماتريد فلوس
اني لازم افكر بحل اريد افض هاي الشراكه
عشتار .. حسيت بي انسان عملي من حقه يشتغل وحده
قررت بعد ٣ اشهر من زواجنا انطي الذهب للي اشتريته
بعرسي واني هم عندي ذهب قبل
بس بدون علم اهلي
اني هاي حياتي بعد اذا اني مااساعده منو يساعده
عشتار....شنو رائيك اني ادخل وياك شريكه
جواد...شلون يعني
عشتار.. انطيك ذهبي تبيعه وتشتغل بي واذا اشتغلت اشتريلي غيره جمانه السعيدي
جواد..هم مايكفي اني محتاج مبلغ اكبر
عشتار.. اخذه هسه مشي بي امورك ولله كريم
بقيت اللح علي لان اني اريده يكبر قابل هو شغله وين رايح اذا كبر اني اكبر ويااا
اخذ الذهب باعه وبدا يصفي شغله وياا ابن عمه
بدا يشتري ويبيع وحده
بس حتى يكبر شغله يبيع بلدين ويشتري بلدين بس مو فتره طويله فتره بسيطه
يعني ينطي بلدين بس كون الدين مايجاوز شهر واحد
ويأخذ الفلوس
انشغل عني أكثر واكثر
بس اني كنت ادوام بلمدرسه هم وقتي مشغول
اهم شي بي هو مشغول بلعمل وماعنده سوالف نسائيه
مر الوقت وصار على زواجنا سبع اشهر
واني ماكو حمل
كل شهر اتأمل وانتضر بس ماكو فايده مجاي احمل
عشتار....اريد احجي وياك
جواد..بسرعه لان اربد انام حتى اطلع للشغل الصبح من وكت
عشتار...اريد اراجع علمود موضوع الاطفال
جواد...اي روحي بس اني ماعندي هسه فلوس انطيج
عشتار...اني باجر استلم راتبي وامي من رحت انطتني مبلغ بسيط اريد اروح اشوف شنو المشكله
جواد...روحي ماكو مشكله
ثاني يوم استلمت الراتب والعصر اخذت زوجت علي ورحت
للدكتوره زوجت علي حامل وهم تريد تطمن على وضعها
شنو
الدكتوره طلبت مني مجموعة تحاليل
رحت للمختبر وجيت كل اانحاليل واخذتهن الها
من شافتهن الدكتوره حسيتها ضاجت او شافت شي ما يطمن
طلبت مني اجي غير بوم حتى اسوي زرع للرحم
حددتلي موعد
عشتار. دكتوره طمنيني
الدكتوره...لمن يطلع الزرع حتى اكدر احدد شنو المشكله
عشتار...رجعت عليها بعد اسبوع هلمرع اخذت وياي امي
كل الشغلات الي تخص الزرع اشتريتها على حسابي
حتى ابرة المخدر
بنجتني الدكتوره وأخذت عينه من الرحم
وكالت تعاي بعد عشر ايام حتى نشوف شنو النتيجه
طبعا جواد مشغول الدرجه ما سئلني شكالت الدكتوره
مااعرف ليش اني كنت ما مطمنه
او خايفه اليوم الي طلع بي الزرع رحت الاهلي وراح وياي علي
لان زوجته على وجه ولاده ماتكدر تمشي بطنها شكبرها
وامي حيل تعبانه
طبعا امي صحتها بلنازل
هليام حيل تعبانه بشكل اني كلش خايفه عليها
المهم رحت جبت الزرع وكلام الدكتوره كان صادم بلنسبه اليه
عشتار... هاادكتوره طمنيني
الدكتوره....اسفه انتي عندج مشكله تمنع الحمل
عشتار...مالها حل
الدكتوره اكو عمليه ممكن تنجح او تفشل مو اكيد راح
تنجح نسبة نجاحه ١٠٠/٣٠
عشتار....يعني شنو ماكو حل أو علاج المشكلتي
الدكتوره....مااعرف
عشتار اخذت اوراقي وطلعت الدنيا سوده بعيوني مستحيل
اكيد هاي الدكتوره مخربطه جمانه السعيدي
قررت مااحجي الاي احد وارجع احاول يم غير دكتوره
وكمت اشمر اللوم على الدكتوره والعلاجات
بيومها رجعت الببتي روحي طالعه
ومالي خلك الاي شي وخايفه يكون كلام الدكتوره اكيد
وافقد فرصتي يكون عندي أطفال
من رجع جواد وشاف شكلي كله مكلوب
جواد...شكووو
عشتار. ماكو شي بس امي شويه تعبانه واني خايفه عليها
جواد...سلامتها الف سلامه
عشتار....الله يسلمك اريد اروح اشوفها كلما يكون عندي مجال يعني العصر لمن انت تكون بلشغل
جواد...اي اكيد روحي ماكو مشكله واذا اكدر اساعد بشي كولي
عشتار...تسلم مامحتاجه شي
بديت رحلة العلاج كل فلس احصله اركض بي للدكتوره
علاوي خطيه شكد ساعدني وانطاني فلوس علمود العلاج
بدون علم جواد
اصلا جواد ماكان يسئلني عن موضوع الحمل
ما شاغل عقله غير الشغل وشلون يكبر
بس بدون فايده كل دكتوره اروح تكول مستحيل يصير عندج اطفال مشكلتي مالها حل ابد
صار على زواجي سنه كامله واني اركض منا وارجع منا
وماكو اي فائده
حسيت كل الطرق انسدت بوجهي
والعمليه الي كالت عليها الدكتوره الكل تكلي فاشله
بس صرف فلوس واذيه مابيها اي نتيجه مفيده
اخر محاولة كانت بعد سنه ونص من زواجي
هنا الدكتوره كالت نصيحه كافي تصرفين فلوس على الفاضي
انتي مستحيل يصير عندج حمل
سلمي امرج لله تعالى كلشي بيد ربج
هو الي يكدر يغير هذا الوضع اما الدكاتره والعلاج هاي اشباء ما منها فائده
هم بوقتها جان حصار وماكو علاجات زينه
بيومها
ماكدرت ارجع الببتي رحت الاهلي بس شفت امي شمرت نفسي بحضنها وكمت ابجي
امي.. الله يستر شكووو منو وياج شبيج
عشتار.. اني مراح اصير ام اني مستحيل اصير ام
امي...لاتكولين هيج هم الدكاتره شنو فهمهم بهيج شغلات
اكيد اكو رحمة الله
زوجت علي كانت ستوها والده قبل كم شهر تقريبا
خطيه جابت ابنها واجت كعدت بصفي
وتبجي عليه
احلام....لاتكولين هيج الله موجود
عشتار....هاي ثالث دكتوره تكول انت مراح يصير عندج اطفال مابقى تحليل ما سويته
شلون بيه راح ابقى وحيده طول عمري
حتى جواد من يكول راح يبقى وياي اذا سمع اني مايصير عندي اطفال
يمه فدوه دبريني وين اروح
امي.. خلي عينج بعين الله
ربج الي خلقج ما ينساج
عشتار...تكابلنا اني وامي وكمنا نبجي ثنيينه
حسيت مالي واهس بعد بهاي الدنيا اذا مراح اصير ام ليش اني موجوده
شنو فايدتي شلون راح اكمل حياتي شراح اسوي
عشتار...هلكد مابجيت احس نفسي مااكدر ارجع البيتي
كلش خايفه من ردت فعل جواد
ياترى راح يقبل يكمل وياي لولا
اكيد من حقه يكون اب
صارت الدنيا ليل واني بعدني ببت اهلي
اندكت الباب
جواد من رجع للبيت وما لكاني اجا وراي يشوف ليش
اناخرت
علي دخله للبيت اني كمت غسلت وجهي وطلعت علي
من شافني حس اكو شي مو تمام
جواد...شكو ليش هيج وجهج امج بيها شي
عشتار...لا مابيه شي
علي. ماطلعون اله تتعشون عدنا ثنيينكم
جواد...لا نروح البيتنا
علي....ابد اذا ما تتعشون ماكو طلعه من البيت
شكرا لزيارتكم عالم روايات سكيرهوم
