رواية ساقي الود الفصل الثلاثون بقلم هاله ال هاشم
.
وأفيضَك بالحَجي وگلبك ولا چنه
يَـ شالع گلبِي هَلبت تنشلع مِنه
-اباوعلـها تروح تجي ، قلقة و خايفـة رغم بظهرها جبل ساندها ، بس هي هيج تركيبتها امرأة اصيلة ، معجونـة بماء الحيـاء و العفـة ، بارة بأهلها ، تحترم أخوتها و كلمة الواحد بيهم مثل سيف على ركبتها بس بلحظة من اللحظـات و بعدما تكالبت عليها الظروف و ضغط حمدان اضطرت تنسلخ من شخصيتها الخاضعة اله وتتخذ خيـار و هذا الخيـار متأكدة مليون بالمية ما راح تندم عليه ،
15
لحظـات و سمعنـا حسّ سيارته ، ركضت تباوع من شباك المطبخ المطل عالطارمة بقلق واضح ، همست والدمعـة معلكة بطرف رمشها :
كفاية :: اجـه ،، اجه ياربي شراح اكلّه
-زحت البردة بمقدار قليل شفت حمدان نزل لابس خاجية ومتأنق بعكاله و نزل ويـاه فتاح و الظاهر جايبين الشيخ ، هزيت راسي بأسف و گُمت تقربت عليها ، اخذتها بحضني احاول اطمنّها :
10
انتِ مالج شغلة بابا الي راح يگول عليچ الصـافي
گعدت و صارت تضرب على رجليها :
4 ت
نهضت تحجي بأنفعال :
كفاية :: چـا ما اعرف انحلّت بس موش بهالطريقه ، خايفة ود ، خايفة صير مصيبة من وره عملة ابوچ هاي
7 ت
-ميصير شيء لتخافين وراج سَد منيع ، امشي خلي نحضر الكهوة لعريسج ، لو خاف يسمعني هذاك الرجال اكول عريسج و يحط طلقة براسي ،، غمزت
17
ضحكت جوه ايديها بخجل و همست :
فلكج گون ، صايرة فويسدة يالمهطورة
7 ت
-هو الي يعاشر زنيبه شيطلع ؟
5 ت
غمزت و تكلمت بتخابث :
كفاية :: بس زنيبه ؟
-هممم دا تشتغليني موو ، ماشي مقبولة منج فيفي بس اهم شي يروح التوتر منچ
2
لحـظات و طلع بابا علينـا كاتم ضحكته بالگوه و لا كـأنه صايرة مصيبة ، سألته بحماس :
3
بشّر بابا شصـار ؟
1
سليمـان :: كلشي مصـار بعدنا اسم الله بالطبك و فتاح خاش بنص هدومه عودين عريس و مستحي
ضحك بخفوت و ضحكت وياه الا فيفي وجهه صوفر ، باوعلها بابا و حجه وياها :
سليمـان :: هاه احنه شگلنه
2 ت
كفاية :: خويه خايفـة ، خاف هذا المصكوع يسويلنا طلابة من يسمع
1 ت
سليمان :: بسج عاد ، بوخـه و كلشي ما يسوي حده يذبله تهددين ثلاث و يمشي لهله
6 ت
كفاية :: بس اهيس راح يصير خراب بيناتنا
6 ت
سليمـان :: خله ، شيصير خله يصير المهم انت بأمان ، يله بساع خفن ايديجن و زهبن الچايات الجماعة على جيه
6 ت
صَبيت الچاي لان كفاية صارت ترجف واعصابها شبـه تلفت وهي منتظرة اللحظة الحاسمة ، اجه خنجر اخذ الصينية مني وهو يباوعلها بأسف مقهور عليها :
دخل جـوه و بقينـا اني وياها نتصنط من ورا باب الديوانية ولاول مرة احب حمدان لان ديلعلع و الصوت يجينـا واضح ،
8
لحظات و سمعنا حسّ برا ، ركضنا اني وكفايه وكفنـا نراقب من الشباك ، طبكت سيارته و نزل عمـو مهران متكشخ بالزي الجنوبي تكول راجع شباب و نزل بعده فارس گلبي واحلامي الما حظيت بي متأنق بدشداشة نيلي و جناد حني وچراوية بيضة طالع يموت ، هزيت چتف لكفاية و منتظرة الاكشن الي راح يصير جوه
47
دخلوا للصـالة و احنا مثل ام البزازين نكمز مابين المطبخ و باب الديوانية ، بعد السلام بيناتهم و تبادل الاخبـار ، استلم دفة الحديث عمـو مهران او بالاحرى تغدا بحمدان قبل لا يتعشى بيـه
4 ت
مهران :: افلح من صلى على محمد و ال محمد
20 ت
-اللهم صل على محمد و آل محمد
1 ت
مهران :: الله بالخير بويه
2 ت
- الله بالخير و العافيـة
مهران :: انه جيت اليوم كاصد آل داوود بطلبة و من محاسن الصدف لگيت عمي فتاح رجال حاج بيت الله واتمنى خطوته تكون خير و بركة عليـه
22
سليمـان :: آمرنا خوية و حاجتك مكضية بأذن الله
3 ت
حمدان :: مكضية ان شاء الله بس اول هيل نعرف شنهي طلبتك
2 ت
مهران :: الله سبحانه و تعالى كال في محكم كتابه الكريم بسم الله الرحمن الرحيم :
﴿ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ﴾
صدق الله العلي العظيم
8
و هم كال نبينـا محمد صلى الله عليه و اله :
الدُّنيا متاعٌ وخيرُ متاعِها المرأةُ الصَّالحةِ ،
صدق رسول الله .
وآنه اليوم اجيت طارق بابكم و طالب ايد كريمتكم على سنة الله و رسوله
18
-بعدما خلص كلامـة عمو مهران ، حلّت دقيقة صَمت گدرت اتخيل بيها شكل حمدان و هو مصدوم ، كفاية اكلت اصابيعها اكل بقلق ،بس اني ضحكت متشفيه بحمدان و ابو ضاوي الواثق من نفسـة ، شي اكيد بعدما يكدر يفتح حلكـه و يگول اني جـاي اخطب اسـاسـًا لو عنده عقل افتهم الرسـالة زين .
5 ت
صدح صوت بابا يكمل الي بدأ بي مهران من گال :
سليمـان :: خطوة مباركـة خويه ، احنا موافقين عسا الله يوفق بينكم
8
-الباب مسدود ، بس گدرت استشعر ثگل الصمت والصدمة الي ابتلعت المكان :
فتـاح :: الله يوفقكم خويه و يتمم الكم على خَير ، حنـا اليوم اجينه نشوفكم سمعنه بـأبو ود عيان و دام تطمنه على احواله نرفع الزحمة و نمشي
37
سليمـان :: چثر الله خيرك حجي ، جيتك خير و بركة ما تشوف شَر بعزيز
1 ت
-لحظـات و سمعنـا الباب انطبك ، كفاية صارت تهتز بخوف ووجهه صار اصفـر ، اخذتها و دخلتها لغرفتها قبل هبوب العٌاصفة ، نسمع صوت صيـاح عالي محسينـا الا اندفرت البـاب و دخل حمدان عيونه صايرة بكصته ، يصرخ بصوت مجروح :
2 ت
حمدان :: سَويتيها يبت ابوي ، سحجتي راسي برجليج ؟
6
حمدان :: سَويتيها يبت ابوي ، سحجتي راسي برجليج ؟
باوعتله عمتي بعيون متروسة دمع :
1 ت
كفاية :: انت السبب خويه ، ردت احمي رويحتي منك
3
-دخل بابا للغرفـة و مهران و غَيـاث بقوا متأهبين على بعد مسـافة
4 ت
سليمـان :: هدي يحمدان و خَلنـا انتفاهم
تجادحت عيونـه بأتجاه بابا ، صرخ :
حمدان :: شنتفاهم يخوية و انتم مدستريها من وراي ، ولك هاي عملة تعملها بيـه ولك ترخص عرضنـا جدام الوادم الغربة نطيتها سكيتي حالها حال الناهبة
7
قاطع مهران بنبرة عاليـة :
مهـران :: بسسسك ولك حمدان ، هاي الجدامك عرضي و ضلع الزهرة نوبة ثانية تفج حلجك و تجيب طاري عرضي بالموزين اترس حلجك فشك
32
صفك ايده حمدان بمرارة و عاتبها بألم :
حمدان ::هيچ كالوها يبنت أمي و ابوي ، تعرسين من وره ظهر اخوچ ، كليلي شوكت غدرتيني هالغدرة
9 ت
-دنكت راسها و شهكت بصوت مسموع
حمدان :: بسّج بچي و كليلي يا بنت الاجاويد من شوكت وانتِ على ذمته و آنه الماي تسري من جوايه
1 ت
-شالت راسها و باوعتله بنظرة آسفة :
كفـاية :: ما صارلي ايام خوية من بعد ما صفكتني بذيج الليلة خاطر ارضى بفتاح ، من جيت تهادد علينـا انتَ و ولدك .
____ قبل ايـام ____
-تباوع لروحها بالمرايـة و تبجي جوه لمسـات ايديه ، مقبلت تخلي شي و لا حتى جرة كُحل ، حجيت وياها بقلّة صبر :
مو كـافي دمـوع لخاطر الله ، عبالك رايحة بجنازة ترى رايحة تعقدين يعني حيـاة جديدة و شريك جديد ليش وجهج مغيم حزين
4
باوعتلي بحزن و همست :
كفاية :: مدري اهيس روحي مختنكـة گلبي ما ينطين اعمل بأخوي هالعملة
9 ت
-فركت ظهرها بحنية ، اخوج مخلالج خيـار لو شايفة ربع ساعة حنية من عنده مچان خطيتي هالخطوة
2 ت
هزت راسها ببطء :
كفاية :: دليلي مهوجس اهيس حميدان يسوي مصيبة يو درى بعملتي
-بابا يتصداله گدامج و عمـو مهران الجبل بظهرج
گلت و آني ابتسم الهـا
لمعن عيونها بأبتسـامة ، همست بقلق :
كفاية :: الله يتمم على خير
2
-آمين ياوجـه الخير ، باوعت للأثر مال اصابع على حمدان على خَدها انقهرت ، خاطبتها :
خليلي بس احطلج كونسيلر على هذا الاثر ؟
1
كفاية :: خليلي حبوبة خليلي بعد دكيتي رجل
7
-ابتسمت بحماس و دنكت ارتب وجهها ، هي حلوة ما شاء الله وجهها ابيض و صافي و عيونها واسعه بيهن لمعة مجرد رطبت وجهها و خفيت الاثر و مرطب شفه
لبست جبتها و رتبت ربطتها بطريقة تجنن ، تناوشت عبايتها على ايديها ، تنفست نفس طويل و اخذت صفنة طويلة بالمرايـة وكفت وراها و سألتها بقلق :
بيچ شي حبيبتي ؟
كفاية :: لا بس اتنوع لرويحتي واكولن شكد حملت هموم من فتحت عيني عالدنيه فكدت امي و ابوي وتوني شبيت زوجني اخوي موش على رادتي و كبتت هظم الرجال وصبرت على ضيم العيـال و گلت تهون بس ليش اهيس لليـوم ما هانت ؟
-طبطبت على كتفها بخفة ، همست اطمنها :
صدكيني الي تحسين بي شي بديهي ، انتِ مقبلة على زواج وارتباط من حقج تحسين بفوضى مشاعر ، بس صدكيني فيفي ، عمو مهران خوش رجال
2
كفاية :: اعرفن هالزلمة ابن اجاويد بس لهساع چلمات يدتي ترنّ ياذاني من چانت تكول تگول الوشيعـة من اول غَطتها و خايفـة اعيشن نفس المصير ؟
13
-هزت راسها و كأنها تحاول تطرد الافكار السلبية شالت ايديها و حطتها على صفحـة گلبها وهمست :
كفاية :: شماله گليبي من امس ما هود وشمالها عيوني كلساعة هملت ؟
-سمي بسم الله و توكلي على ربج و ان شاء الله تشوفين كل الخير و الراحة .
كفاية :: سَميت بسم الله و راح اطلع و انه شايلة بروحي اماني و وعود بأذن الله تكون حياتي هالمرة زينة .
-تقربت حضنتها حيل و هتفت بسعادة
هاي كفاية الاعرفها ، اللبوة الاصلية
2
جريتها و طلعنـا ، تلكانه ابويه بضحكة تطيب الخاطر ، صلى على نبينـا و اقترب منها باس گصتها ، گال و هو يحاول يطمنها :
سليمـان :: افرحي يبعد اخوج و عيونج لوما اعرفن بي زلمة كفو ما انطيج اله ، عسا عيونج لا تشوف الهم
8 ت
-ابتسمتله و الدمعة مشكلة بطارف رمشّها ، لبست عباتها وتوكلت ويا بابا وبكلبها شايلة احلام عذرية على گولتها بيت دافي و زلمة يسندها لومال بيها الوكت ووليد يگللها يمـه .
راحـو وبقيت اكل روحي بالتفكير ، اريد اغمض و افتح
ويخابروني يكلولي تم الزواج ، ايباخ اتخيل شكل حمدان والصدمة الي راح ينصدمها ، ظليت اضحك ويا نفسي مثل المخبلة ،
7 ت
استغليت الفُرصة ، گمت جلدت البيت جلد ، تذكرت ماعدنا چوكليت اطشة على فيفي من ترجع ، حطيت شال على راسي وطلع اصيح لخنجر ، اجاني يهرول :
6
خنجر :: شمطلعج بالشمس گولي خوية ، محتاجة شي
3 ت
-رفعت راسي احجي وياه و مغطية عيوني بچف ايدي
فدوة خنجر جيبلي چوكليت
خنجر :: هااه
-چوكليت خنجر شنو متعرفه ؟
خنجر :: لا شلون ماعرفنه ، بس استغربت شتسوين بي بهالظهرية
3 ت
-دجيبلي چيس و معليك بالباقي ، ضروري تجيبلي خنجر
هز راسـه يباوعلي بحيرة
خنجر :: تأمرين خوية ، معتازة شي بعد چبس بيبسي
-صفنت عليه ثواني ،، عزا عبالـه سوالف جهال هزيت راسي بـلا واسترسلت بأبتسامة : تسلم بس چكليت
ضحك و مشى يفر بأذاناته ، خطيه مدري ليش انصدم من طلبي يمكن لان ظهر و حارة ،
3 ت
دخلت للبيت ، باوعت للطباخ و ضربت كصتي عود كفاية وصتني اطبخ الدجاجـة للغدا ، سرفنت رداني و شَمرت عن سواعدي طلعتلي سچينة و تقربت عالدجاجة اكصكصها ، صفنت عليها كصيتها من النص و كصيت الركبة و الجناحات والجلد و المؤخرة و كلهن شمرتهن ، جبت الدجاجة اللخ و نفس المعاملة ، طلعت الكمية اقل بس ارتب ، صفطتهم بالجدر وحطيت مي و توابل صحيحة و ذبيتها عالنار حتى تذب زفرتها ، اجـه خنجر وكف بباب المطبخ ناوشني الچوكليت ومجهود شخصي منه جايبلي حبشكلات لخ ، اخذتهم منه وتشكرته ،
11
كملت طبخ السوب و نكعت التمن صار انقلاب عسكري بالمطبخ و كل القوات بداخل الكاونتر نزلت لساحة المعركة ، صفنت شراح يغسلهم اليه ، تهاويت عالكرسي مكتئبة و تعبانه احاجي نفسي :
شراح اسوي من بعدج كفاية اذا تشريب دجاج مدبرته غصبـاً عني بچيت ، السبب حجـة اعرف نفسي ابچي من تراكمـات لحظات و دخلوا بابا و كفاية وجوهم مستبشرة و شايلين اكياس مال كبار وياهم ، ركضت بسرعة اخذت چيس الچوكليت و فتحته اول مدخلت فيفي طشيته بوجهها بحماس طارت وحدة من الجكليتات نكرت بابا بكرعته ، ميلت راسي بأعتذار :
اسفه بابا هاي تسلل !
13
سليمـان :: و تالي ويا سوادينج انه ؟!
3
-باوعتلي كفاية بنظرات فرحانة جرتني لحضنها و باستني
كفاية :: الله يبارك بيج يبعد چبدي
شاورتها بخفوت : اريد تحجيلي كل شي صار وياج بالتفصيل
1
همست و عيونها تباوع لبابا خاف يسمع :
كفاية :: كصري حسّج يمهطورة ، هو شني الصار و احجيلج بالتفصيل
2 ت
-فجـأة شميت ريحة حرك ، اندارينه ثنينه ناحية الجدر وركضنا نطفي ، باوعتلي بعتب و صاحت :
كفاية :: عاشت ايدج هساع ريحة غداج صدك تجيب التايه
1 ت
-دنكت راسي فشلانه ، والله طبخت حلو بس نسيت انصي النار و اخذتي السوالف بعد
كفاية :: فدوة الج ، ابوچ كلبه هيس راح تشرمينها بالطبخ
حسبنه حسابنه و چبنه اچلنا ويانه
3 ت
-حرامات فاتكم تشريب دجاج انفلاقي
5
فرت ايدها و فاتت لغرفتها كاتمة ضحكتها
فتحت الاكياس الجايبهم بابا و الريحة سطرتني مشاوي
و قوزي ، رتبت الاكل بصحون و طلعت للولد البرة صفنت زين للمطبخ الشغلة ما ادبرها لوحدي لازم اشوفلي معينه تساعدني
3 ت
بعدما تغدينـا و شربنا چـاينه ، استفردت بكفاية وحصرتها تحجيلي كل شي صار وياها ، چانت كاعدة گبالي و فكرها سارح بغير مكان ، بس جبت طاري عمو مهران سبلت رموشها و نعمت صوتها و صارت تجاوبني هي و تفر بخصلة من شعرها
24
كفاية :: شتردين تعرفين ؟
1
-كل شي
كفاية :: ماصارت چثير شغلات اول ما وصلنـا لكينه ابو فاطمة متزهب و زلمتج وياه و هارون رجل زينب
-حلو ،، كملي
كفاية :: اي عقدلنـا الشيخ و ردينـا
2 ت
-بسس ؟
ابتسامة خجولة تسلطت على شفايفها :
كفاية :: من كملنـا ، زلمتج صعد يسوق و لحكة هارون
و گبل لا اصعد ناداني اوكف ..
-اااي
كفايه :: گلالي ما اريد اعطلج موش زين عليج الشمس ، بس ردت اكلج شغيلة گبل لا تتوكلون
كتله شنهي ؟
مهران :: لاتحسبين اخذج بلاية مشية ترفع الراس بس تانيتي احلنّ موضوع حميدان .
8
كفاية :: و من شاف وجهي انلبك على طاري اخوي ، صاح :
مهران :: افااا تخافين وانه موجود يبه ، فوتي بزودج و تطمني وراج سد منيع
15 ت
صحت بحماس :
-اوووي كفاااية شكتلج اني على عمو مهران مو كتلج جنتل مان فديته
9 ت
ضحكت جوة ايدها بخجل ، همست واني اطمنها
خلص كفاية ، خلصت الايام الصعبة و اجه الوقت الي تعوضين كل الي انحرمتي منـه .
3 ت
____ الوقت الحـالي _____
طلع للصـالة مصدوم ، قَرفص على جهـة حابس راسـه بين ايديه ممصدك الي صار ، اساسًا منو يصدك كفاية راح تخرج من رداء الخجل و الخوف و الخضوع و تماشي بابا بهيج قرار و خطة ، صاح بابا يلومـة
2 ت
سليمان :: صوجك ، انتَ خليتني نتجاوزك عبنك تسودنت علينا و عماك الجشع لدرجة تريد تشمر خيتك هالشمرة
قفز من مكـانه چلب بخوانيك بابا ،
حمدان :: ماكو هَيج تزعبل ، هساع تطلك منـة على جثتي تاخذ هالزلمة ، لا ليش على جثتي هسع اروحن للمركز وابلغ عليك ، اكللهم هذا سرجون الخلصتوا عمركم تدورون وراه و اخليك تخيس بالحبوس يا ناقص
8
-تقرب مهران فكهم و صاح كاز على اسنانة :
مهران :: حيونـه لا تتحيون ، اكعد و خل نتفاهم
5 ت
حرر نفسه حمدان بنترة و هتف :
حمدان :: امشو ردو منين ما جيتو مالكم نسوان يمنـا وعلي احشن ريولها التفكر تطلع من باب الحوش
تقرب غَيـاث و تكلم بثقة :
1 ت
غيـاث :: شلون ما اشوفن انتَ الراح تطلع منـا و بعد ما نشوف ركعة وجهك و اذا سمعت لو طرشولي خبر جاي واحد من ولدك و معتب عتبة الدار احسب الله ما خلقة خافن ذيج النوبة مرت بكونه و چسر عظام نوبة اللخ اردهم الك جنايز
10
حمدان :: تخسـه ولك ، تطردنا من بيت اخوي ، شمالك تهرفلت ، هدي و خلي رجليك بالكاع خافن تطير
4 ت
غَيـاث :: انه هادي و مستريج بس چنك انت راح تطير شتكول عمي سلمـان ؟
1 ت
باوعله بابا بأسف وصاح :
سليمـان :: انه عرفت كلشي يحمدان و لخاطر الخوة راح اعضن جرحي واسكت ، كض ولدك و خليك بعيد لا توازيني اصيرن سرجون وياك !
غيـاث :: شلون ما اشوفن انتَ الراح تطلع منـا و بعد ما نشوف ركعة وجهك و اذا سمعت لو طرشولي خبر جاي واحد من ولدك و معتب عتبة الدار احسب الله ما خلقة خافن ذيج النوبة مرت بكونه و چسر عظام نوبة اللخ اردهم الك جنايز
حمدان :: تخسـه ولك ، تطردنا من بيت اخوي ، شمالك تهرفلت ، هدي و خلي رجليك بالكاع خافن تطير
4 ت
قلص عيونه بتساؤل :
حمدان :: شجاي تدرعم انت هو شنهي العرفته
غيـاث :: الي عرفنـاه انت و جماعتك الهيلكية وره الهجوم بيوم التسليم ، انت الي بكت اخوك يحمدان
15
-بهت لون وجهه وشفافه رجفت ، صاح بنبرة انكار :
1
حمدان :: هه انت لوتي يو تستلوت انه شجابني على شغله الاسود رجال جافي خيري شري و طول عمري اشتغل بالنظيف
9
-اقترب من عنده مهران و رمقـه بنظرة عَرته من كل الادعاءات الكاذبة :
مهران :: و انت الصادك ، جدام العالم انت مامش انظف منك لچن بالخفية ذيب امعط و عندك بلاوي ، البضاعة لكيناها بواحد من مخازن السكراب العايدتلك ، و فاعل الخير مصور واحد من عمالك وهو يحرس جوه
4 ت
أنخطف لونـه و تمتم بتلعثم :
حمدان :: فاعل خير ؟
-رأسـاً اجت عيني بعين غيـاث ، الي ضم ابتسامة صغيرة على شفايفـه ، تهربت بعيوني خُفت ينفضح فخر الي بيه
3 ت
شال راسـه بابا و باوعلة بأسف و بخيبة همس :
سليمـان :: مع الاسف يخوي غدرتني لجل مصلحتك ، عمت عينك الفلوس ما حسبت چان يمكن خسرت حياتي بذيج الهبطة ، عموماً ما راح اكولن تبريت منك لونك وصيت المرحوم و الدم ما يصير ماي ، بس اكللك شغلة وحدة ، ابعد عن دربنا انه و بنتي و عيف اخيتك تشوف حياتها
3 ت
-بعدما شاف روحـه انحصر بزاوية ما لكه غير يطأطأ راسه بخيبة جبيرة ، صاح غياث بتهديد أخير :
غياث :: خلي ابالك حميدان اليطيح على عمي من السما راح اكولن طاح بسبتك ، خاف يوازيك شيطانك وتفكر تبلغ عليه يو تشبج لحية بلحية ، شريحة بخمستلاف احطنها و ابلغ صكبان بكل سوالفك و شلون نهبت بضاعته !
13
-اتسعن عيون حمدان و الشر يطاير منهن ، همس بحنق :
حمدان :: خوش تكالبتو عليه ، عفيه عليك يبن ابويه حطيت ايدك بيد الچتلو مريتك و سممو بنيتك روح من اليوم لا اخوي و لا اعرفك و لا توجف على كبري و لا اوجف على كبرك !
13
باوعله بابا بعيون مدمعـة و همس بألم :
سليمـان :: يجرالك كل التريده يحميدان ، تندل الطريج ما يحتاج ندليك
4 ت
-افتهم الطردة زين و من فشلته ما لكه كلام مناسب يگوله ، حمل نفسه و الضربتين الاجن على راسه و طلع من البيت ،
4 ت
تنهدت ممصدگة اكول معقول انطوت صفحة حمدان من حياتنا لوهم ياخذله كم يوم و يلفي علينـا
3 ت
دموع كفاية ما توقفن ، ادري بيها حنينة و رغم غلط اخوها ما هان عليها يتفشّل هالشكل ، ترخص من عدنا مهران و طلب يحجي وياها على انفراد ، اومأ بابا براسـه كعلامة موافقـة تقدمت بأستيحاء بأتجاه الديوانية ولحكها ، ظلت عيوني تلاحقهم بشغف كلش حلوين سوية اني شلون ما شبكتهم من الاول ، نبهني من شرودي صوتـه :
6 ت
غيـاث :: لكَ ! ،،، حنطـاوي
23
لفيت بأتجاهه : هااه
غيـاث :: ما يطلع من ايديچ ستكين چـاي و لو ما نريد نتعبج
2 ت
سليمـان :: صبيلنا چـاي و جيبي النه للحوش
-تدللون ، هسه رايحة اصب ،
صبيت الچـاي و اخذته الهم برا ، چان مبين عليهم ثنينهم ضايجين ، تساءلت خير ؟
سليمـان :: خير بويـه شو تعالي كعدي چدامي
-كعدت و عيوني تتنقل بينهم ، غياث منزل عيونه بالارض ويهز رجلّه بتوتر صاير كتله مال اعصاب صحت :
قلقتوني ترا شصاير ؟
2 ت
سليمـان :: بويه ود ، زلمتج حاجاني يريد يردج ، وانه كتله ماعندي مانع اذا هي رادت ترد
-بلعت ريگي و باوعتلهم بضياع ، اجه صوته بنبرة منفعلة:
غيـاث :: لا تتنوعين هيچ ود ؟ تدرين مثل هيج ايام احنا عرسـنا
2 ت
-قاطعتـه بأستهزاء : عرسنـا!
غيـاث :: يابه جبرونا عالعرس ، بس بالنتيجة تزوجنـا وصار بيناتنا وفاق و اذا انت مقهورة عبن ما محظيتي بزفة و عرس طبيعي انه مقهور أكثر منج بس هاي قسمتنا بعد ،
4 ت
-صح صار بيناتنا وفاق بس مشاكلنـا هواي و انت غلطت وياي
غيـاث :: غلطت بس ما كفرت ، و شهور انه افتر وراج خاطر استسمحج و تردين لبيتج
2 ت
-بيتي !! البيت الي بي امك مستحيل يكون بيتي
باوعلي بابا بقلّة حيلة :
سليمان :: عين العگل بويه ، بنيتي ود ترى هاي امـه خما يذبها بالشارع ، تعرفين زلمتج يخاف الله و مايسويها
-واني مطلبت منه يذب امه ، تأملت وجهه لثواني ملامحه معصبة بس گأنو تستنجد بيـه ، تنهدت و اني افكر بشي واحد گلته :
تريدني ارجعلك ، و اسامحك عن كل الي صار اهمالك وتقصيرك ، كلامك الجارح ، تجارب امك بصحتي و تحرش ربحة بيه ؟
2 ت
لمعن عيونـه بألم ، همس :
غيـاث :: لااا ، اريدنچ تسامحيني الي و راح اكون كفو لغفرانج بس لا تظنين افوت الي سوته البدوية و ربحة وياج حتى لو انتِ سامحتيهن آنه لا و اجيبلج حكج لعندج
4 ت
-مثل گل مرة يغلبني و يخليني اعجز عن الرد ،صحت :
اني موافقـة ارجعلك بس عندي شرط واحد
زفر انفاسـه بتعب و أسترسل :
غيـاث :: تفضلي ست ود گليلي شنهي شرطج ؟
-اسكن هنـا ويه بابا ، اني ما اكدر اعوفه وحده ، عمة كفاية راح تتزوج و هو مريض على غفلة تجي نوبة لو يتخربط .....
3 ت
قاطعني بضحكة مريـرة ..
غيــاث :: شلون ،، شلون تريدين اصيرن كعيدي عد ابوچ ؟
سليمـان :: حشا بويه غيـاث ، هي ما كصدت هيچ
انتفض من مكـانه يهتز من العصبية :
1 ت
غيـاث :: كصدت و له ما گصدت شرطها هذا عشم ابليس بالجنـة ولج انه ابن الشيوخ تالي وكت اهدن بيتي و مضيفي واكعد عد النسابةلا والله تحلمين لو روحي معلگة بيج اموتن وما اسويها
4
-افهمني غيـاث اني مو قصدي ...
قاطعني و تگلم بألم :
غيـاث :: ولچ شسويلج بعد و يغزر بيچ ، كل نوبة اچيج وتچسريني اكثر ولچ هلبت غزرت وياج طيبتي ؟
شفايفي ترجف كوة لازمـة دموعي مو عنـاد بس اني مجبورة اسوي هيج ، بهالاثنـاء اجه عمو مهران و كفاية على صوته العالي ،
مهران :: خيركم بويـه شصاير ؟
2
بصوت مخنوك جاوبه :
غيـاث :: ما صاير عمي ، بس هاي المرة ما تفيدني بعد
5 ت
-القى كلماته مثل السـهام بگلبي وطلع ركضت وراه چلبت بذراعـه وصحت : انتظر غيـاث ؟
وكف و باوعلي بقهر :
غيـاث :: هلك گلبي من الانتظـار، كليلي چم دوب اظلن متانيج ؟
1 ت
-غَصيت بالحسرة ،، ما اعرف شأكول وكأنه قرأ افكاري من گال :
غيـاث :: كلشي بيچ رايدني ما حاجة تحجين ، بس نرجسيتج مانعتج تعترفين ، وانه هم عندي كرامة ومزال خَيرتج و انتِ اختاريتي خلص يا بنت الناس ميلي عن دربي خليني اروحن
ما كدرت الومه او انقهر منه لأن هو هم تعب ويايه فسحتله المجال يروح و رجعت اجر بأذيال الخيبة اخذتني عمتي لغرفتها تواسيني و گوه تحاملت على نفسي و حتى ما بينت الها النار المشتعلة جواية، ماردت افسد احلى ايام عدها و لااعيشها الطاقة السلبية الي عايشتها ،
بس من يجيني الليل عيوني ما تبطل تدمع و لا گلبي يسكن من شوگي اله و ظنيت هم راح يجيبه الشوگ اليه ومثل گل مرة يدورله حرشة حتى يحاجيني بس الظاهر هالمرة تختلف ، ابتعد و بعدما سمعت عنه شيء حتى بالواتساب لگيته حاضرني مو حتى لا احاجيـه حتى لا يضعف هو ويحاجيني ،
اني هم أحترمت قراره و عذرت تصـرفاته هو هم تعب ومن حقه يستريح بعدما قطعنا شوط طويل من المعارك و العناد ،
مرت ايـام التهيت بيها ويه كفاية جانت دتحضر للمشية وللعرس ، مستعجلين و ما يريدوها تطول و هم قبل لا يبدأ الموسم الدراسي و بنات مهران ثنينهن يدرسن
جنـا نطلع كل يوم العصـر نفتر بالسوك لحد التعب حدما نلكه شي يعجبنا ، هي مو متطلبة انسانة بسيطة و قنوعة لابعد الحدود بس اني چـان يعجبني اطبق عليها سوالف اهلنـا مال العقد ، صينة البخت سيت النوم الابيض و التزيينات الخاصة بميز المهر ، و مثل الوحدة الي رادت الها حجـة حتى تلتهي ، هيج اني انغمست بتحضيرات مهرها ، چنت اطلع مقاطع على اليوتيوب واشتغل الها الميز و الترتيبات و لكيت صفحة تسوي كيك رتبتلها كيكة بيها اسمائهم ثنينهم ،
صافنـة عليها حالياً دتعيش اسعد ايامها ، مكالماتها المُستمرة ويه عمو مهران وبعد كل مكالمة تظل تصفن كل شويه و تبتسم ومن تبتسم يوردّن وجناتها وكأنها عاشقة غرگانه بغزل محبوبها ، نبهني من شرودي صوتها :
كفاية :: شعندج صافنة و ايدچ على الخد ؟
ابتسمتلها بمكر و هتفت :
-صافنـة عالعاشگة الي ابالها احـدّ
-ابتسمت بحرج و تمتمت بخفوت :
كفاية :: فلكج گون استحي لا تحجين وياي هَيچ
-مني تستحين بس من غزل عمو مهران الليل كله ما تستحين
اتسعت عيونها و احمّرن وجناتها بخجل
كفاية :: و روح ابويه ما مخابرته بليل
-انتِ متخابرين بس هو يخابر ،، غمزت
كفاية :: اي هو خابر نوبه لو نوبتين سويت روحي نعسانه ومافهم شيكول
-هههه صدگ تحجين ؟
كفاية :: چـا شسويله حبوبة ، عودين من اصيرن ابيته خل يسولف براحته ، تعالي حبوبه حفيلي وجهي ما اريدن تحفـه الغريبة
-مو باجر رايحين للصـالون بعد شكو دا احفلج
كفاية :: ولج ما استنظف يجوز حظي ويجيبلي وحدة مجنبة يو موش نظيفة و ينترس وجهي حب
-هاي معلومـة خطيرة فيفي
كفاية :: چـا شعبالج اذا حفتلج وحدة موش على طهارة وجهج يحصف و يغدي يلعب النفس
-همزين اني ما احف
كفاية :: چا انت منيلج شعر ملسة صلوات عالنبي اظن طالعة على امج
-الله يرحمها ، دتعالي خليني احفلج حتى تنامين من وكت اليـوم ،
كمت سحبت عدة الحفافة و كعدت ، حطت راسها بحضني وتنهدت ، سألتها بفضول :
شبيج شو تذبين كل حسرة شكبرها
كفاية :: تريدين الصدگ شايلة همكم ، منهو اليداريكم افكر بيج و بالهم الچاتلج يو بسليمان المعوش هالايام يو بخنيجر سودة عليه شلون راح اعوفنه
-الله موجود فيفي ، بعدين انتِ مو بعيدة و بعد گدامنا شهر للعرس ، احاول ارتب اموري و نشوفلنا معينة
كفاية :: راح انشد ام حساني جارتنا بلچن تشوفلنا مرة مسيچينة حتينة لو بس تشيل الطبخ منج
-فريت عيوني بأنزعاج ،، ترى اعرف اطبخ و انتِ خلال هذا الشهر هم علميني بعض الشغلات
كفاية :: خية يا شهر ، ابو فاطمة چنة مستعجل عالعرس
-شسالفة مو اتفقنا بعد شهر ، شنو مصدك راح ياخذج
كفاية :: اي والله ذيج النوبة كلالي ولمي نفسج بلچن نقدم موعد العرس
-تنهدت بحزن ، ربطت الخيط بركبتي و بديت احفلّها لحظـات وحسيت بصفحتها تهتز ، مدت ايدها بجيب دشداشتها وطلعت تلفونها ، اشرتلي استمر ، فتحت سبيكر و صاحت : الو
مهران :: شلونه الحلـو
-تلبكت هي و توقفت ايدي عن الحفافة بقيت استمع بدهشة ، رادت تسد السبيكر ، جريت التلفون منها و ارغمتها تحجي گدامي ، لمت اصابيعها سوتلي علامة مسبة تريدني ارجعه الها ، بس رفضت خليتها تحجي وياه والتلفون بأيدي
مهران :: الوو وينج كفايتي
كفاية :: هياتني خويـه
-يمه گالت خوية لو حسيت بطني حتنشك من الضحك گوة كتمت صوتي ، بحيث ظليت اراجع ذكريات حزينة حتى اسكت و هي مستمرة تحجي وياه بأرتباك
كفاية :: هياتني خويـه
-يمه گالت خوية لو حسيت بطني حتنشك من الضحك گوة كتمت صوتي ، بحيث ظليت اراجع ذكريات حزينة حتى اسكت و هي مستمرة تحجي وياه بأرتباك
2 ت
مهران :: بعدج تصيحين خوية ، ترى صرتي مريتي ما يصح
كفاية:: هااه ، اعذرني والله ارتبكت وطلعت غصب عني
مهران :: اغدي فدوة لليرتبك ، شلونج بعد طمنيني خلصتي جهازج
1
تباوعلي و تتكلم بحرج :
كفاية :: اي ولمت كل شي الحمدلله
مهران :: الحمدلله ، يعني ما ظل شي و تنورين بيتي
كفاية :: ان شاء الله عيوني بلچن ربك يسهل
1 ت
مهران :: مامش تأجيل بعد چم يوم واجيبنج يمي
-ابتسمت متناسية وجودي و هتفت بعفوية :
كفاية :: عوينة ابوي شني بعد ما تصبر
-اجه صوته بدندنه :
مهران :: يا ريحة مسچ يا هيل ، عذبني ونين الليل
-فكيت عيوني مصدومة صخنت بحيث رأسـاً شمرت التلفون بحضنها وانهزمت الظاهر الشغلة حمت ، عفيه زلم شكد مسترهكة بس كلما اذكر سالفة خوية اخرب ضحك
ثاني يوم توجهنا من الصبح للصـالون رتبتلها شعرها بس بقيناه منسدل هو مو كلش طويل بس سرح و لونه حلو وحرصنـا المكياج يكون كلش خفيف ، تألقت هي بهاشمي ابيض و آني لبست فستان ساك عدل ذهبي مشغول بفصوص من فوك ليجوه ، مقفل من گدام وردان طويلة بس الظهر كله مكشوف ام الصالون اشتغلت شعري ضفيرة هندية راهيـة طلعت تجنن ، كملنا رجعنا ويه فخري للبيت ، بدن يلتمن الحبايب و الجيران وصديقاتها ، لهنـاك و وصلت المشية والسيارات تجمهرت ببابنـا وكفت اتأمل من شباك المطبخ
دخلوا ناس هواي بس مبينين يتسمون بالحكمة والمحضر الخير و دخل سيد معروف بتقواه وورعه يكولون عنه رجل بخيت اخـر شيء دخل عمـو مهران بكامل اناقته و وجاهته ودخـل هو ،، من بعد اختفـاء و انقطاع تـام عني ثواني معدودة ما لحكت اشيح بنظري بعيد لكن للاسف هالثواني ما روت عطش شوكي الـه ،
هزيت راسي و كأني اريد اتمالك نفسي ، دخلـوا النسوان
تباعا زينب و فطومة و حتى سمرة و نسوان اخوته لمهران دلال مجاية لان مريضة ، امتلئت صالتنا الداخلية و بيتنا صار يعج و يغص بأصوات النسـاء و ضحكات الاطفـال شعور حلو لمن الكل يتقاسم وياك هيچ فرحـة .
شمرت زينب عن سواعدها و بدت تساعدني بالتحضيرات للعقد ، حضرنا العصاير و الكيك ورحت جبت وعاء كبير ( طشت) و حطيت بيه المي و حبات الهيـل و وديتـه للصـالة ، حطيته جوه رجلها ودسيت الهيل بين فراغات اصابيعها تجنبنا اي حديث اني وزينب، هذا اليوم خاص بكفاية وماردت شي يخرب فرحتي بيها ، اباوع للميز صار تُحفة اشكال الوان ، صينية البخت و المراية المؤطرة بالليلو امشاط خشبية مزينة بفصوص كريستال و اسمها و اسم عمو مهران يجنن على الكيكـة ، تقربت مني سمرة و تساءلت بأبتسامة صفرة :
سمرة :: عاشت ايدج خوش ترتيبات لعمتج
-جاوبتها بأبتسامة متصنعة :
اذا ما اسوي لعمتي المن اسوي ؟
سمـرة :: سوي لزلمتج عن جريب يعرس
-فلت وجهي بس حاولت مابين تأثري :
اااي مبروك عليه يستاهل
3
-عفتها و مشيت بأتجاه كفاية اعدل شعرها بس احس نار وَجت بگلبي ، صاحوا من خلف الباب :
السيد راح يعقد ، جبتلها المصحف الكريم و خلّت ايديها عالمصحف و بدأ السيد يعقدلهم و هذا ثاني عقد لكفاية ومهران
2
ارتفعت اصوات الهلاهل و التبريكات من الصوبين عيون سمرة عليـه مثل وحدة دا تدرس ردة فعلي بس مستحيل اخليها تتشمت بيه !
4
گامت البنات يركصن من ضمنهم فطومة بت مهران صفنت عليها صلوات صايرة كلش حلوة بيضة و شعرها اسود حيل وملامحها كلها صغار وناعمة ببراءة
3
قاطـع شرودي صوتها :
فاطمـة :: كومي ود جابليني ملچة عمتج يعني لازم تركصين
1
-اعتذرت منها بلطف ،، حبيبتي شوية معدتي توجعني
تقدمت زينب وياها و جرجرني ثنينهن ، اصفگ وياهن وگلبي يئن وينزف ، اتمايل على حسّ الاغاني و اقاوم دموعي لا تنزل وتشمّت بيه سمرة ، اجاري حركاتهن تايهـة بأسئلتي ، شنو يعني يتزوج و آني !
3
انحشرت غَصـة ببلعومي ، عفتهن وتوجهت للحمـام تقيئت كل قهري ، غسلت وجهي مرة و مرتين وثلاثةاريد ارجع لوعيي ، فجأة صدح صوتها خلفي بنبرة تشفي :
1
سـمرة :: يوجـع مـو ؟
3
-انداريت اباوعلها بتساؤل ، متكئة على الباب و تسولف :
سمـرة :: الحب المستحيل يوجـع ، ادري بيج عاشكته بس صعبة تردين مثل ما خليتني اعشكه و صعبة اكون اله
5
سمـرة :: ما حبنّـه ، بس نار جرحي ما هودت منكم اما اواب زلمة كفو متأكدة راح يسعدني و انت ظلي هَيج تتحلطمين بين الجنـة و النار
دخلت زينب عالخط و بخزرة صاحت عليها :
زينب :: هاه جاية تبخين سمج مو ؟
سمـرة :: اااوي فارجي انتِ وياها
1
-عافتنا و راحت ، طلعت وراها متجاهلة و زينب لزمت ذراعي وكفنـا بالممر :
زينب :: شني زعلانة مني ؟
-لا ليش ازعل قابل مسوية شي يزعلني ؟
زينب :: لچ بطلي سوالفج وجهج مقونج و عاوجـه البچم
شبيها سميرة وياج ؟
-كالت اخوها يريد يعرس بالخير
فلت وجهها و أَرتبكت ، عكدت جبيني اسألها بجدية
شنـو شو ارتبكتي لازم صحيح هذا الكلام ؟
زينب :: موش هو الي يريد ، جدنا الشيخ ضاغط عليه تدرين بي مريض و بنفسه يشوف ضنى غياث بين ايديه اظن هالشي من حكه ؟
2
ابتسمت بمرارة :
اي والله حقه بس مو المفروض ينهي موضوعنا لو الشغلة كسر خشوم
1
زينب :: عاد گامت تزومل ، افهمي يا مرة جاي اكلج الزلمة ما ناشد على زواج
-اي بس كثرة الدك يفك اللحيم و اخوج ميكدر يرفض طلب للشيخ لاسيما و هو مريض
1 ت
-اي بس كثرة الدك يفك اللحيم و اخوج ميكدر يرفض طلب للشيخ لاسيما و هو مريض
باوعتلي بأسف و صاحت :
زينب :: ترى اخوي تعب و انت راسج يابس ويوميا طالعتله بفلك جديد
-اااي و منية المختارة شيء اكيد حليمه انسب اختيار بالسـاحة
زينب :: لاا موش حليمة ، بنية من معارفة بنت شيوخ معروفين
-ااي بالخير
زينب :: انتِ مطفية الحساسات لو شني قصتج
-لا الاحساس موجود و الحمدلله بس وصليها الـه ،كوليله تسلم عليك ود و تگلك تريد تتزوج اتزوج بس مو قبل ما تعتقني والا اني اخلص نفسي منك بطريقتي
4
جرت حسرة طويلة و همست :
الله كريم حبوبة
عفتها و رجعت للصالة ، الجو حماسي و كفاية فرحتها متنطيها لاحد ، لحظات و دخل العريس سلم و كعد شويه لبسوا حلقاتهم اخذتلهم بتلفوني كم لقطـة وطلع رجـع يم الزلم ،
كاعدة اعدل بالصـور و استوقفني سؤال وحدة :
-حبوبة انتِ مرة غَيـاث ؟
اومأت بـ أي
-صلوات عالنبي ،، من اول هيل جت عيني عليچ كلت خيعونه الساكي بيج.
2 ت
ابتسمت الها .. تسلمين حبيبتي صليتي على نبيج
-والله دايمـاً شايله ايدي و اندعيله عبنه خوش زلمة من مات رجلي لليوم متكفل بينا ،
-باوعتلها بتأثر ، انقهرت من گالت ميت رجلي بعدها صغيرةً ، همست بمواسـاة :
الله يرحم فقديج حبيبتي و يربط على قلبج
-الله يستر عليج حبوبة ديري بالج عليه خوش زلمة بلچن الله يرزقكم بالولد الصالح
بأرتباك همست :: الله يحفظج گلبي
بعدمـا انتهت الحفلة و كلمن راح لبيته ، دخلت سبحت وبچيت بچي مصـاير تنزل الدموع و تحرك روحي حرك لا بيـه ارجع وياهم وانسى الصـار و لا بيه اترك بابا لوحده عرفت بهذهِ اللحظة علاقتنا محكوم عليها بالموت مهما جاهدنا حتى نحييها ، و عرفت الحب مو كافي يخلي زواجنا ينجح لان احنـا ما عايشين لوحدنا ، احنا مقترنين بعائلة و مجتمع و اعراف ممكن و وارد انك تكدر تستمر بس لازم تقدم تضحيات كبيرة مثل واحد عنده عضو مريض بجسده و لازم يستأصلة حتى لا تمرض سائر اعضاء الجسد ، هيج اتخيل حياتي وياه ، سعادة منقوصة علاقة شغوفة بس تتخللها فجوة كبيرة و راح اظل احاول اعبي هاي الفجوة لحدما اشوف نفسي خسرت كل الي املكة سابقـاً
اسأل نفسي هواي ، اكدر الومـه ؟
لا ما الومـه هاي امه حتى لو كانت المرأة الاكثر شرّ بالعالم ، وهذا جـده الي يتمنى يشوف احفادة و يستمر نسل جابر كدام عيونه ، بس اعتب عليه لان منطاني فرصة الاختيار ، كلما ابتعد يقربني منه ، كلما تصحلي فرصة للنسيان الكاه يتسلل لعقلي و قلبي ، كلما اريد اكرهه ينطيني الف سبب حتى اعشقه ، بس بعد الي سمعته اليوم صار لازم اتخذ خطوة جدية بأنهاء العلاقة
***
بـعد ايـام قليلة صار وقت انه كفاية تغادر بيتنا ، ليلة عرسها چانت مليانه مشاعر و ودموع ، بيومها ما نمت بغرفتي نمت بحضنها ، تسكتني و ترد هي تبچي و اسكتها واذرف دموعي بحضنها ، شلون راح ابقى وحدي كفاية ،، سألتها بحنين غامر من هسـة
1 ت
كفاية :: بسّج حبوبة راحن عويناتج الحلوات من البچي ، وغلاتج ما اعوفنكم لوحيدتكم كل فترة اطسّن عليكم
-راح اشتاقلج هواااية
كفاية :: وانه همين چثير والله ، شو شيلي راسج من شليلي وتنوعيلي زين
-رفعت راسي اباوعلها بقهر
كفاية :: باجر تجين وياي مو ؟
هزيت راسي بعنف :
مستحيل كفايـة ، ما اكدر اجي
كفاية :: و تخليني اروحن لوحيدتي لا اخت تفرحلي ولا ام
-افهميني حبيبتي ، اذا رحت شي اكيد راح اتصادم بالبدوية ويصير تراشق بالكلام بيناتنا من غير وضعي ويا غياث ، ما اريد اخرب فرحتج بس عذريني
1
-افهميني حبيبتي ، اذا رحت شي اكيد راح اتصادم بالبدوية ويصير تراشق بالكلام بيناتنا من غير وضعي ويا غياث ، ما اريد اخرب فرحتج بس عذريني
هزت راسها بتفهم ، باست جبيني و حضنتني
ديري بالج من البدوية ،، حيل خايفة عليج منها
كفاية :: مسحي دموعج حبوبة و لا تخافين ، البدوية دواها يمي ، الما ندمتها عالسوته وياج فلا اطلع بت داوود
1
ابتسمت برضـا تـام و علقت بمزاح :
اي عفية ثبتيلهم اذا راحت ود فاجت الاضرب منها ههههه
ضحكنا بصوت مسموع و انتهت اخر ليلـة النه سوا
ثاني يـوم اجت سياراتهم دياخذوهـا ، عيوني ورمت من البچي و من اخذها بابا ديسلمها لمهران عبالك شلعها من گلبي شكد ردت الزم روحي و ما ابجي و ابجيها ويايه بس بالنهـاية ضعفت ، خصوصاً ويه كلمات بابا و هو يوصيه عليها :
سليمـان :: يخويه انه نطيتك اغلى ما املك ، كفاية مو بس اخت ربي يشهد هاي وصلة من الگلب سندي والشديت ظهري بيها ، اخت رجال و اتنومس بيها ،كل شي ما اريدن منك ، بس صيرلها سند مثل ما چنت آنه و اعرفك انت كفو و تصون الامـانه .
2
-دك صدره مـهران بعزم :
مهران :: اوعدك وعد رجـال و من هالشارب موش بس اصيرلها سَند ، اصيرلها سند و عزوة و اهل و احميها بروحي لو تطلب الامر ، ارتاح خويه
3
سليمـان :: كـفو منك يبو فاطمة و ربي يوفقكم بحياتكم
-باسها بابا بجبينها و سلمها الـه بدموع و دعاء بالخير
اخذوها و مشوا ، راحت كفاية لأكثر مكان اخـاف منه بس كُلي أمل بأن تكون تجربتها هناك احسن من تجربتي
مرت الايـام الاولى أصعب ما يكون علينـا بابا تمرض على فراكها و آني صرت افتقد صوتها و صدى ضحكتها من يتردد بأركـان البيت ، قاطع شرودي صوت ام غايب مرة مسكينة ووحيدة اجتي عن طريق ام حساني بعدما وصتها كفاية حتى تساعدني بالبيت وتشيل عني امور الطبخ و الضيافة ، ام غايب مرة وحدانية ، استشهد خطيبها بحرب إيران و بقت عايشـه على ذكراه ما قبلت تتزوج بعده حتى مشى بيها قطار العمر وتوقف نصيبها ظلت عايشة بصاية اهلها الى ان ماتو وتركوها لوحدها وبين فترة و فترة يطلون عليها الاهل من بعيد ،
امـا سبب تسميتها ام غايب فهذا تسمية مجازية للي ماعدها خلفة ، اما اسمها الحقيقي فهو ( شكرة ) وهي صدك شكرة بيضة عيونها ملونة الله يعلم بشبابها شلون شايلة جمال تالي متالي انهدرت سنوات من الجمال لخاطر الحب و الوفاء
3
تناوشت منها صينية عشا بابا ، تشكرتها وصعدت كلي امل بأن يطلع من حالة العزلة ويشاركني حياتي هنا دخلت لكيته نايم على جنبة و ظهره عليـه ، تقربت خليت الصينية على الگومدي و طبطبت على كتفه بخفة :
اكعد بابا تعشى !
سليمـان :: ما اشتهي ، فارجي خليني انامن
صحت ممتعضة :
و تالي وياك بابا ،،صارلك كم يوم على هذه الحالة والله تعبت واني احس بالعجز گدامك
التف عليـه و صاح :
سليمـان :: اسم الله بالطبگ شنهي مليتي مني ؟
-اوو بابا شنـو هذا الحجي ؟
سليمـان :: اذا مليتي رجعي لزلمتج و خليني هنا بلچن الله ياخذ امانته و اخلص
1
گعد يمـه بطرف و همست :
اسم الله ، مـو كافي تدلل عليه ، شنو تحب بس كفاية ؟
سليمـان :: ثنينچن عزيزات لچن فراكها ما ينحمل
-خلص خلينا نتآزر بهذه المحنة و نداوي علّتنا سوه
بعدين فيفي هسـه مرتاحة الحمدلله
سليمـان :: خابرتيها ؟
-هي خابرتني و طمنتني على احوالها كلش زينـة بس الشيخ تعبان خطية
سليمـان :: ااي سمعت ماله خلك ، يراد فديوم امرله واطمن على احواله
-هزيت راسي بأسف ، باوعلي بابا بنظرة حزينة :
سليمـان :: بويه ود انتِ رايدة زلمتج يو طابت نفسج منه؟
2
-هه شنـو الخلاك تسأل هالسؤال ؟
سليمـان :: عيونج تگول رايدته بس افعالج تگول العكس جاي اشوفنّج تدورين حجج من جوه الكاع خاطر ما ترجعيله
-هممم لعد ليش ما اعترضت بوقتها ، ليش ما گتلي غلطانة ؟
فلت وجهه و أجـاب بأرتباك :
سليمـان :: لان .. شيسمونه ،، شسمة
2
لزمت ايده وقاطعته :
-لان انت مكيف بوجودي يمك و تخاف اعوفك مثل ما عافتك كفاية ، انتَ محتاجني بابا ليش تنكر و اني هم مشبعت منك واخاف اعوفك و اخسرك بلحظة دا تفهمني :
انسلّت دمعة صغيرة على خَده افصحت عن كل شي بداخله :
سليمـان :: شتريدين اكولن ، انه توي هيست بيه روح من اتنوعلج تفترين چدامي بكصيبتج اتخيل ذيج الجوهرة ام خمس سنوات ، چان مچانج بحضني و فنّة اليحاجيج
مدللة ابوها و جدها ، جاي اعيشن شعور نباك مني من سنين ، ما اچذب و اكولن ممكيف بيج يمي لا والله الدنيـا ما توسع فرحتي !
انكفيت عليه و حضنته و صرت اهتز بنوبة بچي عميقة بداخل حضنـه ، همست :
تصدك بابا ، احس مالي سند بالدنيا غيرك انت و غياث
احتضن وجهي بين چفوف ايديه و تكلم بجدية :
سليمـان :: بس لازم تختارين واحد بينـا بويه ، واذا ردتي تكملين حياتج صح اختاري غَياث
قبل لا افرق شفايفي و اجـاوبه رنّ تلفونه بأسم كفاية ، واحد صفن بوجـه الثاني ،
سليمـان :: يا ساتر شعدها متصلة تالي الليل ؟
-جاوب بابا خلينـا نفتهم
سليمـان :: الـو
-اجـه صوتها من سماعة التلفون وكأنها تبچي ، انخطف لون بابا وظل يمتمت بالكلام
سليمـان :: وويين بيا مستشفى ، تمام تمام جايكم
-خيـر بابـا شصاير الشيخ بي شي؟
بصوت مهزوز :
سليمـان :: زلمتج بويه ،، غيـاث متصوب و بالمستشفى
.
.
و بحزن غيـاث ::
و أدري مجهولة رحلتي ومو نصيبي أعرف انتي
أدري لكن هي غلطة و احنا مسؤولين عنها
احنا لازم بالنهاية اثنينا ندفع ثمنها
خلني أبقى وحدي يمكن أنسى اللي نساني
.
🌺وآني خليتهم و اجيت 🗡️🥀
مساء الخير ،، مساء مثقل بالهموم بالألم دا اتعرض لهجمة شرسة و وسخةوالمشكلة المتربي ميكدر يقاتل بنفس اسلحة الممتربي
شكرا لزيارتكم عالم روايات سكيرهوم
