رواية عشق مابعد الطلاق الفصل الواحد والثلاثون بقلم ساره فاضل
قيصر
هلووو ماما
شنو مافهمتج
الخط يكطع امي مجاي اسمعج
هااا اهاا ماشي جاي اسمعج زين
ماما لاتخافين والله مصاير شيء
اجاني أتصال من حسين ع اساس محتاجني بشغله بعدين اكتشفت حسين عالسني هههخه
ام قيصر
ماما ضل بالي عليك شلون تطلع ومتكلي ميصير ياأمي
وبعدين شلون تروح ومتنطي خبر. لاألي ولاأبوك ياأمي
قيصر
فد ساعه ساعتين واخابرج وافهمج وبعدين الج يمي مفاجئه انتي وبابا بحياتج ممتوقعته
1 ت
ام قيصر
شنوو ماما المفاجئه حمستني اشوفه
شنو بالضبط
بس اكيد مجموعة الكتب الوصيناك عليه اني وعمك وين لكيتهن
1 ت
قيصر
ههههه أقوا من الكتب كلتلج ممتوقعته ولو تفكرين منا الباجر متتوقعيهه
يلاا ماما من رخصتج عندي شغل
ام قيصر
محروس ماما دير بالك ع نفسك
1 ت
قيصر
انشالله ماما
حسين
هااا سلامات
قيصر
كالعاده امي متصله عليه اكثر من مره ومن مجاوبته ضل باله أصلآ أتفاجئت اني يمك بس مبينتلي هاذا الشي تعرف الوالده
حسين
هااا الله يطمنه عليك حقه تخاف
قيصر حبيبي فضو الشغله بيناتكم واتفقو وانطي لهلك خبر خطيه اكيد هاذا الخبر راح يسعدهم
قيصر
اي انشالله
ناي
السلام عليكم
حسين
وعليكم السلام اهلآ اختي اشلونج اخبارج
ناي
الحمدلله من الله بخير اسفه اذا سويت نفسي مااعرفك بس انته تعرف الضروف الخلتني اسوي هاذا الشيئ
3 ت
حسين
ولا يهمج اختي اعرف كلش زين وعاذرج ونشالله بعد ماكو داعي تضمين نفسج مني هههه
حسين
اني بخدمتكم انطيني العنوان واوصلكم وشتردون حاضر اني
قيصر
متقصر
كفوو منك حبيبي متقصر
صعدنه بالسياره من بعد ماسلمو ع خاله ام رضا وصلنه لبيتنه ووالي كالعاده طالع للشغل فتنه للبيت احنه وخاله ام رضا
ام رضا
يمه ناي انه اترخص واليوم والي ابيته يمنه موتقلقين علي
ناي
خاله ماتقصرين تعبتج وياي ووالي يجي لبيته يبات ماطول رجعت مومال يبات يمكم ماكو داعي نزعجكم
ام رضا
موكلنه هاذا الحجي لاتكولينه بعد
وانتي بتنه حالج من حال البنات
واذا ع والي اشو يمي ويم عمج ابو رضا نتونس
ع سوالفه الحلوه وانتي اليله فضيهه ويه رجلج
بعد امج هاذا رجلج وسندج مالج غيره التجي علي وسامحي ع الراح وانتم ولد اليوم لاتاخذج الكرامه والعزه بالنفس تره بين الرجال ومرته ماكو هاذا الشيء من يوم الذبيتي سترج وحجابج وطلعتي كدامه مثل ماخلقج ربج معناته صرتو واحد فيابعد امج ماأوصيج هله هله برجلج اخذي حجايته وصيري وياا واوكفي ويا بالحلوه والمره بعد مااوصيج بعد امج وكلبه انتي معدله وماحاجه تتوصين
3
ناي
والله ياخاله مااعرف شكلج ع النصايح والكلام الطيب ماتعرفين شكد حجيج يهمني تذكريني باأمي الله يرحمهه.
1
ام رضا
الله يرحمه
وأنه بمكانه وشتحتاجين الجان بفلوس لو بالنصيحه والجان بمساعده مايردج بس السانج
ويلاا يمه انه اترخص صار المغرب هم يالله الحك ع عمج ووالي اسويلهم عشه تلكينهم خاويين من الجوع تعرفين البنات طبخهن مايعجب عمج هههه.
ومايرهم بلياي
يلاا يمه عد حمودي العافيه باجر اجي واشوفه
ناي
سديت الباب وره ام رضا ودخلت للبيت لگيت قيصر لازم محمد ويلعب بي ومحمد متفاعل وياا ويحبه سوده عليه من صار الهسه وهوه محروم من كلمة بابا انشالله الله يقدم البي الخير ونرتاح. وحمودي يشبع من حضن ابوو
1
قيصر
دخلت البيت خالي وكلش انقهرت اتذكرت قبل سنتين من اجيت ولكيت البيت يزهي بجال خالي هسه البيت اضلم وموحش بس رغم هاذا ماحسستهم اول مادخلنه ام رضا راحت وناي طلعت وراهه للباب وره شوي رجعت واكفه بالباب وتباوع علينه وصافنه جان كتله
ليش تباوعين من بعيد تعالي يمي خل نسولف نحجي
مشتاقلك كد رحمة الله
6 ت
ناي
وليش اكرهك اني مااكره احد لومهما البشر يئذيني ادعيله ماادعي علي فاماكو داعي لهيج سؤال
3 ت
قيصر
متاكده مجنتي تدعين عليه اشو من رحتي وعفتيني كل يوم مصيبه توكع ع راسي هههههه
3
ناي
ماتعرف يجوز ربك يخلص بالدنيه قبل الأخره هههه
قيصر
وهوه مخلي إيده ع خدهه والايد الثانيه شابكه بيهه
أسف ناي موقصدي،،،
موقصدي أبعدج عني ولاقصدي احطم حياتج ولاجان قصدي إحول ليلة عرسج لجحيم جنت مو بوعيي سامحيني ناي سامحيني
1 ت
قيصر
تحجيلي وبكلبه حسره ولمن ذكرت موضوع الفلوس قهرتني صح اني جنت ادزهن بيد والدي ويدزهن بيد السايق بس اخر 3اشهر اني كطعتهن. وكلت لوالدي اني ادزهن بيد صديقي كلت بلكي من تنكطع الفلوس واني اعرف مااله احد بلكي تتصل يوصل خبر منه بس ماتصلت عاد جنت ناوي هاذا الشهر ادزله مال هاذ الشهر والاشهر الفاتت بس الحمدلله الضاهر كطع الفلوس عليه جانت بيه حكمه حته اندل طريقهم واعرف شصاير وياهم
بس القهرني خانته دموعه وبجت
7 ت
اشششش لاتبجين حبيبتي خلص منا وجاي ماكو بجي ولادموع اني موجود وانشالله الله يكدرني واقوم بواجبج وواجب ابنه ومااخلي شي يضوج حبيبتي ويبجي عيونه الحلوه
ناي
لاتعوفني قيصر محتاجتلك
4 ت
قيصر
اويييليي ربي اروح فدوه لهلصوت عسا محد يكول اسمي غيرج اني اعوفج اعوف نفسي ولاأعوفج اشو تعاي خل احضنج
حضنته وحسيته ردتلي روحي شميت ريحته أوييليي ومااريد تطلع من من كلبي احس الدنيه مسايعتني شلت راسهه ومسحت دموعه
حبيبتي 😘
ههههه جان تروح تركض لان سمعت حمودي يبجي يلا الحجه بحجتين بحجة حمودي شردت مني
1 ت
ناي
مااعرف ليش فرحانه بجيته وفرحانه بكلامنه سوه وتبريراته اليه كله مصدكته ااااخ ياربي هيج والفرح يدك بابي من جديد وارتاح من الهم يااا رب
1 ت
عفت قيصر وحمودي بالغرفه ورحت ركبت لحم ع النار ومااعرف شناويه اسوي عشه رحت توضيت للصلاة وكلت بطريقي اكل لقيصر حته نصلي سوه والله يبارك النه لكيته ينوم بحمودي شكلهم يجنن انتجيت ع الباب وجان كتله
حلووين وانتم سوه والله لايحرمكم من بعض
قيصر
ماتجين انتي حته تصير الحلاوه اكثر هههه
3 ت
ناي
ههههههه لااتكثر حلا لايصير بيك سكر
ناي
قيصر
هيه موقصة عرس ولاقصة دوامي
والي من اله مافكرت اشلون اروح واعوفه منو اله منو يبقاله هناا
قيصر
ومنو كلج مافكرت بيه اكيد فكرت والي طيب وياخذ كلامج قنعي وناخذه ويانا البغداد معزز مكرم
ناي
بس والي نفسه بهاذي الگاع ميكدر يعوفه
قيصر
ليش انتي متعرفين سجاد رافع عليكم قضيه وكله فتره وياخذ ورثه واكيد الكاع والبيت راح ينباع ويتقسم زين مفكرتي من ينباع كلشي والي شيصير بحاله
3 ت
ناي
لامااعرف هسه سمعت من يمك
بس هاذا موعدل شلون هوه القتل وابوي ويورثه
قيصر
هاي هي القانون هيج يكول
القانون يكول سجاد مقاتل والده الشغله قضاء وقدر ماكو اداة للجريمه
المهم ناي اخر كلام شكلتي تروحين وياي شلون حليه
ناي
مااعرف قيصر حيره مااعرف شلون اقنع والي
والي گلبه وعقله بهاي الكاع لاتنسه والي من انولد للان مطالع من هاذا المكان موسهل يطلع من يمه
قيصر
اني عندي حل
راح اشتري بيت بمزرعه وداير ميدور بستان ابغداد وكلي لوالي هاي الگاع الك ورتبه ع ايدك هيج هوه راح يقتنع
قيصر
زين كليلي يمته اجي اخذكم
ناي
3اشهر وتخلص السنه. و الامتحانات حتبدي الشهر الجاي مااعرف شلون تدبر
قيصر
أني عندي سفر الاسبوع الجاي لألمانيا بعثه طبيه ومااكدر ارفضه لان سبق وتركت كذا سفره وراح ابقه هناك اشهر شلون اتركج ابحدج واسافر
ناي
ومنو كال ترفض بالعكس روح وقدم وادرس واجتهد لاتوقف حياتك علينه واحنه هنا نبقئ نرتب امورنه بين ماانته تكمل
قيصر
بس شلون اعوفج انتي وحمودي كلبي مينطيني بعد مافقدتكم فتره طويله وماصدكت الكاكم اروح
شلون عيني تنام وانتم وحدكم
1 ت
قيصر
ماشي اذا هيج ميخالف أروح. وانشالله بيت ابو رضا ميقصرون والله هلبيت ابو رضا ميتجازون الله يجازيهم الخير
بس صدكي راح اليوم يعدي بسنه هسه شيصير لو انتي وحمودي تسافرون وياي
ناي
ههههه شلك بهلهوسه يمعود روح ابحدك اخذ راحتك وبعدين اني امتحانات مستحيل اتحرك من مكاني
قيصر
ماشي امري لله شسوي حبيبتي وابني ميقبلون يسافرون بس الكم عليه شهر عسل يجنن
ناي
اكيد لاحسبالك اتنازل عن شهر العسل ههههه
1
قيصر
اروح فدوه لليتشرط عيوني الج
ورحنه للمطبخ لكيت اللحم مستوي يجنن ذايب ذوبان اباوعله ومااعرف شسوي اجاني قيصر واقترح انحمسه ابصل وفلفل اسود الصراحه خوش فكره وسويت لحمودي شوربة خضار وضربتهه بالخلاط طلعت خبز من المجمده وشكم حاجه مكملات هههه مترهم بدونهن الصينيه اني اصب واسلم القيصر بس بقت شوي شوربه انطيته اله جان تتبده ع بطنه
2 ت
يبووو
صارلك شيئ الله عليك احتركت
قيصر
شسالفه شبيج قابل هاي اول مره ههههه كلمره اجيكم تحركيني الله العالم المره التجي شتسوين بيه
2 ت
نزعت تشيرتي ورحت للسنك غسلت الحرك بسيط ميسوه
ناي
اسفه 🥺 موقصدي
2 ت
قابل مخترعه الاكله تره بسيطه متستوجب تمدحني
1 ت
قيصر
حته السم من ايدج عسل اني بحلم بعلم مكابل الكمر واكل من ايده احمدك واشكرك ياربي
1
ناي
ههههه
خجلتني
شهلكلام الحلو وبعدين شجاب السم بالوسطه اسم الله عليك
قيصر
تخافين عليه نااي
ناي
هااا لا بس بس
قيصر
بس شنو
ناي
قييييصر جاي تخجلني
قيصر
ناااااااي اموت عليج ههههههه
2 ت
اتعشينه وحمودي اخذ علاجه ونومته ناي وراحت سوت كهوه تجنن كاعدين كبال الصوبه ومنتجين ع الحايط واحد بصف الثاني والبيت شبه ضلمه
قيصر
نااي
ليش سامحتيني بسهوله وردت فعلج بسيطه مجنت متوقع هيج راح تستقبليني كلت راح اواجه بركان غضب وحرمان وتعب انتي رغم مواجهتج الجافه الي بس مجرحتيني
ناي
ولاناويه اجرحك
قيصر
اني صح تركتك ورجعت لبيت اهلي بس مكرهتك اني كرهت تصرفاتك وياي بفترة الخطوبه والزواج وكرهت اعترافك الي بحب وحده غيري وكرهت تصرفك بليلة الدخله الجان اقل مايقال عنه وحشيه
بس ماكرهتك جنت الكالك اعذار بداخلي وحته بيوم اتطلكنه يم السيد وكتلي احبج ع فكره كلش حسيتهه للكلمه وفاتت الكلبي بس مالتفتتلك لان جنت خايفه من ضعفي اخذت وعد ع نفسي بس اقوئ واصير شيء يلا التفتلك وحتئ الفتره الأخيره لمن شحت عندي الفلوس وضروفي صارت صعبه متركت حلمي انو اكون انسانه واعيه ومثقفه وعندي شهاده واستحقك موقصه مستنقصه نفسي لو ماعندي ثقه بكياني بس ردت اصنع الي كرير خاص بيه افتخر بي مااريد نضرة الناس الي انو اني بنيه قرويه ضعيفه ويستخطوني لااا ردت ادخل حياتك من جديد واني بكامل عنفواني
لهاذا السبب ماجرحتك ولاحسيتك بغلطتك لدرجة خليتك تكره نفسك لان اني هماتين الي ايد و سبب بهاذا الفراك
( 2 ) ت
قيصر
مااعرف شحجي لوشكول بس كل الاكدر اكوله لو ابوس رجل امي بليوم الف مره مااوفيه لان خلتني ارتبط بدره ثمينه مثلج
5
احبج ناي وافتخر بيج بشهاده بدون شهاده انتي ناي احلا بنيه شافته عيني واعقل بنيه حبته روحي وأوعا بنيه مرت عليه والثقافه واللباقه العندج يفقدنه هواي بنات بهاذا وكتنه اعتزازج بنفسج وبكيانج هوه المحليج اكثر واكثر والكرير التردين توصليله وتحققينه ايدي بايدج وانشالله كلشي تمام وكلشي يتحقق
ناي
حبيبي تسلم
اخذني قيصر لحضنه شبكته وحسيت الدنيه مسايعتني اااخ ياربي عساا ماانحرم منه بقينه يم حمودي للصبح نايمين وهوه بوصتنه قيصر ماغمض عيونه للصبح يباوعله اخذني النوم وماحسيت بس قيصر يكعدني مجهز لريوك وصايح لوالي اجه كعدني وحمودي ماخذينه يمهم واني ولاادري كعدنه تريكنه وكلش فرحانه بجمعتنه من جديد وفرحانه لان قيصر كلش حاب والي ومتفاعل ويا ويحب سوالفه عكس سجاد اخونه الجان كل مايحجي يضربه ويبجي ودائمآ يكله كلمات موحلوه تخلي ينطوي ويخاف منه الحمدلله قيصر متفهم ويحبه
خلص والي ريوكه وباس حمودي وراح لشغله بقه قيصر يمي كاعد لشوي وكال
قيصر
ناي اني اروح لبغداد لان لازم اكمل اجرات السفر تعرفين بعد يومين لازم اسافر
ناي
تروح وتجي بالسلامه حبيبي
قيصر
يلا بابا حمودي بيباي بابا تعال انطيني بوسه يكلبي اخذته الحضني وبقيت اشم بي مينشبع منه اااخ ياحبيب ابوك مصدكت الكاك راح اروح ومااشوفك كل هلفتره
قيصر
بالعكس ادري اني مقصر بس تعرفين ماعندي علم بالجان يصير وياكم ولااعرف بالحمل الجنتي شايلته جان دزيت ازيد من ذني
ومن البارحه ردت اكلج بس نسيت ع فكره الفلوس اني كطعته اخر شكم شهر كلت بلكي تتصلين تكولين بس الحمدلله رب ضاره نافعه لو ما مانع الفلوس التجيكم مجان اخذتي حمودي وتمرض وعرفت بي وبوجوده الله اله بيه حكمه هذني فلوس هاذا الشهر وباقي الاشهر تجي بعد شكم يوم اني جنت كل شهر اخليهن ع صفحة ع امل تخابرين ادزهن كلهن اسف حبيبتي اذا خليتج تمرين بهيج موقف وهيج ضرف
ناي
لابالعكس ع كولتك الله اله بيه حكمه الحمدلله ع كلشي
شببكني قيصر من جديد وبقئ بالعشر دقايق ضامنه جوه حضنه ويبجي مااعرف اني ليش جنت ابجي رغم جان المفروض اهونه علي موابجي طلع ووصلته للباب وراح حسيت روحي راحت وياا
رجعت للبيت وهماتين رجع البيت اضلم وخالي عليه لميت اماعين الريوك وغسلتهن وحمودي بحجلته ركبت الغده ورحت انضف الصاله اندك الباب لنه ام رضا
ام رضا
صباح الخير يمه
ناي
صباح العافيه خاله
ام رضا
يمه فدوه لحمودي شلونك بيبي شلونك اليوم يروحي اشو تعال اشيلك ولك خايس من البارحه لليوم طاك كلبي عليك
ناي
الحمدلله لااليوم احسن بهواي
ام رضا
شاف ابوو وطاب هههه شلونه رجلج يمه راح بعده
ناي
الحمدلله زين
راح قبل ساعه لبغداد ومناك لالمانيا
ام رضا
يااا هم طفرتي الولد
ناي
والله ياخاله مادري شكلج هاذا سجاد فوك ماموت ابوو مطلعله محامي مايخاف الله ويكلج كله فتره بسيطه ويجي المحامي يقسم الورث
ام رضا
ايا خايس ع هلدكه هاذا ماعده غيره ماعده ناموس مايخاف من الله زين منو الكالج
ناي
والله ياخاله بس الله ياخذ حوبتنه منه
قيصر هوه الكالي طلعت السالفه محركه من محكمة بغداد الخايس بس كتلج الله ع الضالم
ام رضا
وقيصر شكال
كال راح يشتري بستان ابغداد قريب ع دواماتنه ويبنيله بيت وباقي البستان يخلي والي يزرعه يشتغل بي ومنه يتونس
ام رضا خوش حجي مابيه شيء والله يامه افراكم عليه موبالهين تشلعون كلبي من تمشون بس انه وعمج ابوج موصينه عليج وانريد انسلكج ابيت رجلج وانشالله ماضل شيء والله عليج يمه موتنسينه هاذا بيت ابوج تروحين وتجين مردج اله احنه اهلج تجينه ونجيج ومانكطع بيج واليمسلج طرف مايخلص منه للموت اهلج وبضهرج
ناي
وكت طلعه ياخاله نتغده سوه وروحي الله عليج
ام رضا
ماتقصرين يمه شني اجربج اشو انتي ام هله
ناي
اهلآ وسهلآ نورتينه
وصلت ام رضا للباب. ورجعت انوم حمودي هستوني نومته ودك تليفوني
الووو
هلووو قيصر شلونك
قيصر
الحمدلله حبيبتي اشتاقيتلج واشتاقيت لحمودي
ناي
ههههه هستوك طلعت انته لوتييي شبسرعه اشتاقيت
ناي
هههه مخبل تسويه بس لاحبيبي كمل طريقك ودير بالك وتوصل بالسلامه انشالله
قيصر
ماشي حبيبتي يلاا احبج
ناي
امووت عليك
مرت الأيام وسافر قيصر اخذله يومين بين مااستقر واشتره خط وخابرنه كلبي جان نار علي بهلفتره اجوني حسين ورفل. خطيه شبعنه بجي اني وياها حبيبتي وصديقتي صح ماتعاشرنه بس ايام بس صدك صديقتي واقرب من الاخت
جابولي مبلغ كلش جبير وياهم كالو قيصر دازه. تعشينه سوه وتونسنه وراحو لان رفوله حامل وتعبانه
مكدرو يباتون يمي الا اني جنت متمنيه يباتون يمي وره اسبوع من جيتهم اجو عموو عصام وعمتي وطبعآ ماسولف ع اللقاء عمتي يوم كامل لازمتني اني وحمودي وتبجي وتتأسف طبعآ كلش فرحت بجيتهم وحمودي لوتي مولف عليهم لازك بعمتي وعمي لزك بقو يمنه اسبوع ورادو ياخذوني وياهم بس اني خبرتهم بموضوع دراستي كلش فرحولي راحو البغداد وكالو كل فتره يمرولي طبعآ جايبين الي ولحمودي ووالي هدايه كومه وحته لبيت ابو رضا اشكال الهدايا وره مراحو بشهر اجه اخويه الجبير الخير سجاد وجايب المحامي الحقير مالته
وقسمو الورث وطبعآ لوماقسمت الله والدوله جان شمرنه بالشارع
وطلب من عدنه خلال اسبوع نطلع من البيت طبعآ لوماخالي وابو رضا متوسلين بي جان ذبنه بالشارع بس طلبو من يمه يخلينه بين ميجي قيصر من السفر ونبيع وياخذ حصته اقتنع وكال فتره ويرجع طلع من البيت واني شبعت بجي ع حالنه بيت ابوي وذكرياتنه وكاع والي كلشي راح بهالاثناء وكفت سياره بالباب طلعو عمي وعمتي وحسين ورفل جايين ياخذون رفل لبغداد تولد هناك اجو شافوني بهلحال مقبلو ع سجاد عاد كالو قيصر بعد شهر ونص ويرجع تعالي انتي ووالي
كتلهم
مااكدر هاي الفتره امتحانات اقل شيئ شهر
عاد عموو كال شهر ويجي ياخذنه كلنه حته نسوي مفاجئه لقيصر
وافقت ومابقو بس ساعتين وراحو وهاي الفتره كله قيصر كل ساعه يخابرنه فيديو ويطمن ع اوضاعنه الحمدلله امتحنت ونجت درجاتي جيده وأغراض بيتنه بعتهن وصفيت كلشي مبقيت ولاشيءوكلش جان صعبه عليه ذني من ريحة اهلي كل حاجه تطلع من البيت تشلع كلبي وتطلع واغراض البيت الناعمه كله انطيته الجارتي الفقيره كلش فرحت بيهن والكهربائيات انطيتهن لم رضا مرت الايام وخلصت كلشيء واجئ حسين اخذنه اني ووالي وحمودي طبعآ بيت ابو رضا انهارو من البجي واحنه بعد فراكهم موهين علينه شبعنه بجي والي سوده عليه اخذ الطريق كله يبجي ع كاعه وتعبه كوه قنعته وكتله قيصر محضرلك كاع احلا من عده وبيت حلو بالكوه اقتنع وصلنه الضهر البيت عمتي واستقبلونه ذاك الاستقبال وذبحو طلي لسلامة حمودي وعازمين كل الاهل والاقارب والكل جان متفاجئ شلون ورجعت وجماله ع ايدي حمودي خلصنه كلشي وكعدنه بليل نسولف جان عمو عصام يكول بيتكم كمل اليوم ومن باجر نطلع نشتري الاثاث اني وانتي كلش فرفت من سمعت بهلخبر موعلمود بيتي كمل بس والي احسه يريد يروح لبستانه الوعدته بي طبعآ اخذنالنه اسبوع بس نشتري ونسق اثاث اشتريت كلشي وكله جهزه حسين وعمو ورتبو البيت اني استلمتني رفل صالونات ومراكز طلعتني اجنن وعمتي جهزتني من جديد من الاأبره للخيط وطبعآ اكيد قيصر كل نص سلعه يخابر وكل ضنه اني بعدني بالعماره وجان يكول يوم الجمعه يجي لبغداد طبعآ مااعرف شصارلي من الفرح مابقه بس 5ايام حمودي كبر وصار سنه وشهر ومسويتله عيد ميلاد كلت ابو يجي ونسويله رحنه اني وعمتي اشترينه بدلة العرس ووالي وحمودي حسين اشترالهم كلشي ودزهم للحلاق طلعو يجننون ورحت البيتي جهزته ورتبته لان سوينه العرس بي رحنه قبل بيوم لبيتنه وعمتي ورفل وحسين وعمو عصام ويانه جهزنه كلشي وعزمنه الاهل والااقارب بيت ابو رضا وصلو يوة الخميس خاله ام رضا وابو رضا والبنات وكلش فرحت بيهم حسبالك اهلي وهلو عليه
ثاني يوم اتصلت بقيصر كال طيارتهم ترتنزيت بالاردن بليل انشالله بالعراق طبعآ استغليت الوقت من الصبح لليل رحت للصالون عدلت طبعآ اختاريت بدلة عرس مجبات طلعت كلش حلوه رجعت للبيت لكيت ام رضا والبنات وعمتي مجهزين كلشي وعمو وحسين رايحين للمطار يستقبلون قيصر
قيصر
وصلت مطار بغداد الساعه بال9كلش تعبان لان السفره طويله بس مكيف لان رجعت للعراق قررت بس ارتاح يوم يومين اروح اجيب ناي وحمودي اخذني حسين وعمو للبيت وصلنه للبيت
امي مموجوده والبيت اضلم دخلوني كبل للحمام يابه شاكو ميقبلون يحجون جابولي قاط ولبسوني وطبعآ قبل لاافوت للحمام حسين حلاق اصلي حلقني
ورتبني واخذلي خيط طلعني اخبل هههه
كملت لبس وطلعنه كل ضني مسويلي حفلة استقبال بس اشو اخذوني البيتي الجديد زين البيت شنو موضوعه موعلساس من ارجع اكمل باقي نواقصه والله حيروني وصلنه للباب واول مفتحنه الباب صار حمودي بوجهي ركضت علي وشبكته حبيب بابا صاير يجنن لكيت بيت ابو رضا واهلي وبيت عمي سلمت ع الكل بس ناي ماكو وره شوي نزلت من الدرج هيه والبنات جانت طالعه مثل الملاك استقبلته وبست ايده عاد وكفت كبالي وطلعت منديلي الضايع وخلته بجيب القاط الامامي هههه حبيبتي
وكبت الهلاهل كطعو الحضه الرومانسيه ههههه نزلنه ورحنه للكوشه جانت ناي كاعده مثل الاميرات تجنن كلش جنت فرحان بيه
صار احلا عرس واحلا مفاجئه
ناي
كلشي حلو وكلشي منضم لمة الاهل تسوه الدنيه ومابيه حبيبي يمي واخوي بضهري وابني ع كلبي تسوه كلشي يارب احميهم الي عشنه احلا ليله جانت ولابالاحلام ثاني يوم كعدنه ع ريوك العرسان بجمعة الاهل صار احله عموو جابلنه تذاكر السفر وكال الاسبوع اليجي تسافرون لتركيا تكضولكم شهر عسل طبعآ كلش فرحت بالسفره هههه
مر الاسبوع يجنن احلا اسبوع بعمري وحبيبي قيصر مدللني والي بقه يم عمي وعمتي. وسافرنه وجانت السفره تجنن ولا بالاحلام حسيت نفسيتي تغيرت 180درجه
3 ت
رجعنه للعراق وعمو وعمتي يم والي وخطيه ميقصرون رجعنه وره شهر لكيت والي مشتاقلي بس متعلم ع عمتي وعمو مرت الايام احلا من العسل ويه حبيبي وابني الحلوو
ووالي ملتهي بالبستان طول اليوم بي. احسه متونس بي رغم مرات قيصر يطلعه يونسه بس هوه ميقبل يتركه فعايفينه ع راحته
وحمودي كبر ووكح مينجرع قيصر صار دكتور اخصائي وكلش مشغول بس رغم هاذا لاكينه وقت وكل وقت ففراغه النه
رفل وحسين جابو بنوته وسموهه عسل ومشالله اسم ع مسما. صدك عسل
بيت ابو رضا مكطعو بينه دائمآ نروحلهم ويجونه
8 ت
سمر سمعت حسين يكل القيصر قبل فتره لكوه منتحره بالسجن ودازين ع اهله ومقابلين يستلمون الجثه كلش انقهرت عليه رغم مااعرفه بس حسين وقيصر اكتفو انو يترحموله الضاهر جانت مكروه لان مشفتهم اتاثرو
اني انشالله مابقالي سنه وأتخرج بس اكتشفت اني حامل وكلش تعبت بالدراسه والحمل هلمره بالكوه نجحت ومرت الايام وجبت بنيه وسميتهه منة الله فدوه للبنيات تجنن الحمدلله الله مقصر وجبر كلبي الف حمد وشكر الك ياربي
هاي قصتنه أني وحبيبي قيصر رغم المئاسي المرينه بيه بس رب العالمين يعرف البلكلوب ومحرمنه من بعض الف الحمد لله وانتم بعد الله لايحرمكم من حبايبك
أختكم ناي 😘
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
