رواية جذبني فمك البني الفصل الثاني والثلاثون 32 بقلم عبير إدريس

٣٦٥ يومآ في السنه الميلاديه ....

شهور

اسابيع

ايام

ساعات

دقائق

ثواني

لحظات

ومن ثم ذكريات 

فيما بعد عرفت بأني املك فرصه جميله بالحياة كان يجب ان لا اتجاوزها لاي سبب كان ربما لاسباب نفسيه او اجتماعيه او لاجل اشخاص ما ؟

عش حياتك كما تحب لا تتأثر ولا تستمع للأصوات الناشز ولا تجامل احد على حساب راحتك الجسديه والنفسيه والعقلية...

ان احببت اعترف وان كرهت ابتعد وان تمارضت ابحث عن وسيله للشفاء اترك العيب من الناس وتمسك بالخوف من الخالق...

٣٦٥ يوم عشها كما تحب نفسك لا كما يحب الناس...

ادهم _ سيلين 

______________

سيلين : انت وين تريد توصل بكلامك يعني شتريد توصلي فكره؟

فهد : انتي لو غبيه لو تستغبين الوضع،،، تره كلشي واضح ...

سيلين : الواضح تصرفاتك الما بيها معنى وكل يوم تحاول تفتعل مشكله احنه بغنه عنها وخلي ابالك حتى وان طلب عمو نسكن بيت وحد ما راح اقبل لان مريم متعلقه بيه وبأيفين شايفتنه مثل خواتها لهذا شيل افكارك من راسك ونظف كلبك لان مو كل اصابعك سوه ولا كل البنات مثل العرفتهن انت..

عكد حاجبه وتقرب مني واني ضليت واكفه بمكاني متحركت ورافعه راسي وعيني بعينه منزلتها وهو يخزر وحار شسوه بتعابير وجها عباله يخوفني واني معبرته...

فهد : وانتي شمدريج بالعرفتهن منو حجالج ياسه لو ادهم ؟؟

حجاها ونتر ..

سيلين : وا..

بعدني ممكمله كلام قاطعني صوت عمو التفت فهد عليه واني باوعت جان واكف باب غرفته يعني سمع حديثنه..

ادهم : فهد روح لبيتك وهذا البيت ممنوع تفوتله مره ثانيه.

فهد : والله ..

ادهم : مثل مسمعت..

فهد : ممممم واذا فتت شتسوي تكص رجلي لو تجويني..

ادهم : انت شوكت تكبر وتعقل..

فهد : من انت تنتبه لتصرفاتك وتحسب حساب للناس ذاك الوكت انه اعقل..

ادهم : مو انت التعلمني الصح من الغلط ..

صارو نار ثنينهم احس واحد شايل على الثاني بس عمو يتصرف وياه عادي صح علاقته بيه رسميه بس ماعنده اشكال وياه اله من فهد يتجاوز حدودة يلا يحجي..

ادهم : سيلين لغرفتج بسرعه ..

حجاها بنبره امر واشر براسه وفهد طلع من البيت رحت للغرفه جانت ايفين واكفه وره الباب طبيت وسديت الباب..

ايفين : شكو شبيه هذا الق*** وياج..

سيلين : ماعرف خال باله ويانه شنو اللي يريده و وين يريد يوصل مادري دوخني ودوخ عمو وياه.

ايفين : معليج بكلامه اصلا عمو مو هذا النوع حتى يخلي عينه عليج هو هيج كاعد يسوي حتى نطلع من البيت.

سيلين : اعرف عباله يغيرني على عمو ميدري لو كلهم يكولون عمو رايدني ماصدك اله هو يكول ..

ايفين : استبعدي هذا الشي عمو ميسويها..

سيلين : اعرف اني اكثر وحده اعرفه واعرف بشنو يحس صرت حتى اعرف شيفكر صح غامض وصعب بس جانت حسيت بيه لو عنده شي اتجاهي هيج ثوله اني .

ايفين : هو شنو التغير حتى هيج يحجي شو نفس الاهتمام ونفس التصرفات ادري شافكم بغرفه وحدكم لو شنو اريد افهم..

سيلين : ياالله شكد كارهته لج احس راح نشوف مصايب من وراه وجه المجرمين وفوكاها اول ما اجه شبهتي بعمو ادهم شجاب جاب..

ايفين : شمدريني حسيته يشبها جوز بالدم بعد مادري.

سيلين : يادم يمعوده هذا حتى دمه فاسد..

ايفين : هههههههههه .

سيلين : شبيج تضحكين.

ايفين : اضحك على نفسي اول مره من شفته ماكو اغنيه اسمعها اذا ميجي ابالي وابجي اتخيل احبه وخايني ونتعاوف وبعدين يصالحني بورده هههه شبيج صفنتي جنت ثوله كاعد اعترفلج بعد شكو.

سيلين : لا صفنت بالورده اللي يجيبها هذا هم يعرف الرومانسيه تلكيه بعمره ما حاب وحده..

ايفين : شمدريني صارت بعد..

سيلين : شنو جنتي تسمعين بله ههههه.

ايفين : كلشي من اليسا لتامر حسني اصاله واكعد ابجي.

سيلين : ياااا ومن اسألج شبيج باجيه تكليلي كلاتي ..

ايفين : ههههه اي لعد شكلج غير تصنفيني

سيلين : صدك جان صنفتج..

ايفين : جبتولي شي وياكم لو هم نسيتي.

سيلين : روحي لمريم كله بعلاكتها خلته ..

ايفين : خاف اشوف فهيد.

سيلين : شمدريني كيفج.

ايفين : حروح اجيب واجي ..

سيلين : تره مريم فوك بيت ايمن.

ايفين : هسه طلع ميضل للعصر..

سيلين : مادري كلت اكلج.

ايفين : ماشي..

طلعت من الغرفه ورحت ادور على مريم باوعت بالهول ماكو طلعت للطرمه فارغه مابيها احد كيفت يوميه ابوهم وامهم يكعدون بالحديقه ومرات البنات هم ، وكفت يم الدرج وصحت على مريم...

ايفين: ريمه مرايم رمرم .

اجاني صوت ايمن.

ايمن : نامت تردين شي منها.

ايفين : لا صدك وينها.

ايمن : تباوع كارتون.

ايفين : انت من وين دتحجي.

ايمن : دابث من الاقمار الصناعيه

ايفين : لاصدك.

ايمن : هنا هنا رفعي راسج.

رفعت راسي باوعت ماد راسه من فوك السياج..

ايفين : هاي شدتسوي ...

ايمن : امي حكمت عليه اشيل المبردات تكول تمطر الدنيا ويخيسن.

ايفين : ههههه زين تسوي بيك كون تخليك تغلف مال بيت كلهن..

ايمن : عليج الله تعاي ساعديني.

ايفين : روح بابا توني سابحه ومبدله اجيت اخذ عصرونيتي من مريم واروح اتمزمز كدام التلفزيون واتابع مسلسلتي راح تبلش هسه..

ايمن : تتمزمز وتتعصرن هاي بيا لهجه تحجين كلمات كرديه لو شنو.

ايفين : اللغة الكرديه صارت لهجة يلا المبردات مأثره عليك استاذ التاريخ.

ايمن : شلون راح تخليني انكلب عليها هتلر واموعها بالتيزاب واخليها عبره لمن يعتبر..

ايفين : اي طالع مجرم على اخوك ..

ايمن : ياهو منهم .

ايفين : اللي من تشوفه تطير نعمه الله اكو غيره فهود.

ايمن : هههههههه شبيه شسوالج .

ايفين : مسوه شي بس خال باله ويه النسوان ميستحي..

ايمن : اخ هذا حجي ثكيل ولج شصار ليش هيج تحجين عليه..

ايفين : اسأل اخوتك يحجولك احسن عود صيح مريم خلي تنزل يمي..

ايمن : هسه متجين تغسلين المبردات وياي.

ايفين : انت صاحي اكو واحد بهالبرد يغسل مبردات تهي بهي والله ياالله 

ايمن : روحي عيني بس جفيني شر لسانج.

ايفين : لساني طلع من وحده ،لو ما انت تدوس بطني.

ايمن : هاااااا تره انزل.

ايفين : انزل شتسوي تموعني..

اني قصدت على التيزاب من كال اموعج بس الضاهر هو نسى لهذا فتح عينه شمر الوصله ونزل الدرجات سريع وصل يمي وكال .

ايمن : شلون اموعج يعني مفهمت .

ايفين : لتصغر عيونك ولا تسوي سوالف مراهقين انت قبل شويه كلت اموعج بالتيزاب مثل هتلر وهاهيه فضت راحت

ايمن : هااا اي نسيت عبات عبالك رجل آلي مو بنيه وعدها كتله مشاعر....

ايفين : كمل مبردات امك.

ايمن : لسانج ام لسان 

مشيت للهول وصلت للباب وكتله.

ايفين : عود كصه..

التفتت عليه لكيته صافن عليه ضحكت وفتت ..

مرت اربع ايام ورحت للأمتحان اليوم اخر يوم المركز الامتحاني كلش قريب علينه يعني امشي لهذا اروح وارجع وحدي كملت امتحان ورجعت وصلت قريب فرعنه شخطت سياره من يمي سريع صارت بعيده ضليت امشي بعدين رجع بك وصل يمي باوعت سياره فهد مشيت مدرت وجهي دك هورن التفتت فتح الجامه جان لابس نضاره شمسيه ومبين رايح للداوم ماعرف راجع المهم لابس زي عسكري.

ايفين : هاااا شكو...

فهد : صعدي اوصلج.

ايفين : ميحتاج وصلت..

فهد : صعدي شبيج..

ايفين : كتلك وصلت واصلا البيت قريب ماكو داعي.

راح واني ضليت امشي على كيفي وصلت للبيت لكيت سيارته واكفه بالباب ، وباب البيت مردود فتحت الباب وفتت وصلت للهول انجريت من ايدي التفتت فهد.

ايفين: هاي شكو سالمين..

فهد : ليش مقبلتي اوصلج.

ايفين : كتلك قريب البيت ..

فهد : قريب لو خايفه 

ايفين: من شنو خايفه.

حجيتها وعكت حاجبي.

فهد : مني .

ضحكت وكتفت ايدي.

ايفين : منك وليش اخاف 

فهد : ماعرف شمسويلج وهلكد مرعوبه

ايفين : هاي اني ..

فهد : اي انتي.

حجاها وتقدم خطوه اني رجعت خطوتين.

ايفين : شبيك تره زودتها.

فهد : مو تكولين مجرم والمجرم كلشي عنده مباح.

ايفين : هاااا لازم سامعني وضاله الكلمه تدك بكلبك الله يساعدك صارلك اربع ايام منايم وتاكل وتشرب وياك الكلمه.

فهد : ههههههه انتي شكد عمرج بابه ...

ايفين : بكد بنتك انت شعليك بعمري تريد تطلعلي هويه ..

فهد : لا اطلعلج شهاده وفاه..

حجاها وركز بعيني.

ايفين : هههههههه بالقران تضحك انت.

فهد : لو تعرفيني زين مجان هيج ضحكتي ولا شفت لون اسنانج.

ايفين : وانت شكو تباوع وخر عن الباب اريد افوت.

فهد : البيت فارغ اختج وعمج بالدوام مريم بالمدرسه ايمن بالدوام ونرمان واهلي رجعو للمحافظه علمود دوامها يعني وحدنه.

ايفين : واذا وحدنه اغلب الاحيان ارجع الكه سيارتك انت بمكان واني بمكان شنو يعني..

فهد : يعني اذا تجاوزتي محد يرحمج و يخلصج من ايدي...

ايفين: تره انت اوفر زياده والغلط مني واكفه واحجي وياك وخر من الباب اريد افوووت ..

فهد : صوتج لتعلي تره من اسمع صوت عالي...... خليني ساكت احسن.

ايفين: اي احسن على طول ضل ساكت.

فهد : فوتي ومره ثانيه اذا سمعتج تحجين بيه كدام اي شخص زين او شين اطلعها من خشمج واشوفج فهد شلون من يخلي باله ويه النسوان ..

ايفين : يلا وخر كتلك ماذكرك بعد لا بزين ولا بشين

فهد : غصبن عنج متذكريني هلمره حذرت مره ثانيه..

قاطعته.

ايفين : سوي اللي يعجبك ما خاف ...

فهد : زين زين ..

حجاها وهز راسه وراح لجهة بيتهم واني فتحت الباب ودخلت قفلتها ورايه...

سيلين ..

من بعد السالفه الصارت اني وفهد ، تجنبت كل حديث ويه عمو لان صار توتر ملحوظ بينه احسه يريد يوضحلي بس ميعرف شلون و اريد افهمه اني اعرفه هو شنو واعرف فهد غايته يشوه صورته الحلوة ابالي بس مكدرت افتح موضوع وهو هم ضل ساكت ، 

مشت الاربع ايام طبيعيه اجه يوم الخميس وبلغني عمو على العزيمه راح تكون يوم الجمعه بمطعم من مطاعم بغداد..

بيومها حرت اروح لو لا اعرف بنفسي ما ارتاح لان اهله موجودين وخفت اقاربه هم بس ايفين كالت نروح ويه عمو ونرمان شعلينه بالباقين تشجعت وحضرت ملابسي صارت ساعه خمسه ونص دك الباب عمو فتحته و ضحكت من شفته باوع على نفسه وكال.

ادهم : ها هم لابس مثلج تره مادري.

سيلين : شلون متدري مو اشتريت كدامك جاكيت زيتوني وكتلك راح البسه بيوم العزيمه شلون صدفه لبست بلوزك الزيتوني.

ادهم : هاي بعد صدفه صارت يمكن لان اكو توافق بين ميول استاذ علم النفس والطالب مالته..

رفعت حاجبي وكتله.

سيلين : بس اني مو طالبتك هههه.

ادهم : انتي تلميذتي بلبيت وبالدوام وبكل مكان..

سيلين : بهاي صدقت هههه.

ادهم : المهم كملتو ..

سيلين: اي كملنه ...

ادهم : نروح.

سيلين : ماعدنه شي.

التفت على جهة غرفته وصاح ..

ادهم : يلا باباتي مرايم كملتي.

مريم : جيت بابا..

باوعت خال تك ايد بجيبه ..

لابس بلوز زيتوني وكاف الردن شويه ساعه جوزي وبنطرون جوزي والعفو حذاء نفس لون الساعه وحزام ، التفت شافني اباوع كال ..

ادهم : هااا ابدل اذا ضجتي ...

سيلين : لا بس مو بارده تضل بالبلوز.

ادهم : البس ستره من نطلع .

سيلين : اذا هيج زين.

ادهم : شكرا للأهتمام.

سيلين: ما احب هاي الكلمه..

ضحك وكال .

ادهم : بلشنه .

سيلين : اي صرت نسخه مصغره منك.

ابتسم حسيته كلش فرحان ومرتاح عكس ذيج الايام

طلعنه وتلاكينه ويه اهله بالباب جانو يريدون يصعدون بالسياره ...

اخذنه نصيبنه من النضرات العدوانيه سواء من فهد او امه واخته اللي مره صورتني ويه زاكروز اصغر وحده مواليد ٨٩ ومتقبل تتزوج ليش منعرف باقي خواته متزوجات نرمان وزمن كعدو ويانه والمتزوجات بالمحافظه قليل كلش يجون وبس بالمناسبات..

ادهم : جيبي ميلي ويانه ..

سيلين : بارده تتمرض..

ادهم : السياره دافيه والمطعم دافي خطيه جيبهة.

سيلين : بكيفك.

ادهم : راح اجيبها واجي انتو صعدو ..

قبل لا نصعد ايفين النذله حجت حجايه خلتني اخرب ضحك والكل اندار علينه عبالهم اضحك عليهم او كاعد استهزء بيهم خو فهد عبالك كاتله اهله ...

سيلين : شكد نذله ضحكتيني..

ايفين : بشرفج مو صدك احنه صار عمرنه فوك ال ١٧ سنه يلا عرفنه الطلعه شنو والمطاعم شنو وميلي جلبه وعمج يخاف على احساسها.

سيلين: انسانيه عن انسانيه تفرق تجيبين عمج واحساسه على تماره ..

ايفين : اي والله صدقتي.

سيلين : ههههههههه شلون بله كل شويه راح اتذكر الحجايه واضحك..

ايفين : ضحكي ضحكي الدنيا خلصانه..

اجه عمو سد الباب وشايل ميلي بتك ايد شفتهم وتذكرت حجايتها وضليت اضحك اريد اسكت ماكدر اجه من الباب مالتي فتحها شافني اضحك باوعلي نضره حسيتها مليانه مشاعر معرفت بوكتها هاي النظره جانت حب جانت اعتراف الثول مالتي صورلي هو فرحان لان اني مرتاحه واضحك همس..

ادهم : ربي يطول عمري واضل افرحكم هيج دائما.

سيلين : امييين تعال عمو اصعد اسولفلك هسه انت هم تضحك.

مد ايده نطاني ميلي وسد الباب افتر وصعد من الجهة الثانيه كعد وكال.

ادهم : يا الله ، يلا احجولي شنو سبب البهجه البوجوهكم..

سيلين : عمو انت مو كلت.

ايفين : لج لتحجين اموتج والله..

مدت ايدها خلتها على حلكي .

سلين : ولج وخري خنكتيني.

ايفين : لتحجين لعد سكتي..

سيلين : سكتت سكتت بس وخري..

وخرت وره شويه رجعت ضحكت عمو وكف السياره والتفت عليه .

ادهم : تره مكاعد اركز بالطريق كل شويه وكامزات..

ردت احجي هم خلت ايدها وسكت حلكي وخرتها كوه وعمو طلب منها ترجع بمكانها اني تقدمت ليكدام علمود متكدر تلزمني والتفتت عليه لكيته صافن عليه ..

عيونه نزلت من عيني لشفتي ، درت وجهي وره شويه كال.

ادهم : هاج 

التفتت عليه باوعت بيده كلينس.

سيلين : شنو شسوي بيه

اشر على حلكه..

ادهم : صارت فلم.

اخذت منه الكلينس وفتحت المرايا الكدامي باوعت الحمره نازله لحنجي مسحتها والتفتت عليها..

سيلين : يانذله ليش هيج سويتي وحمره مجايبه..

ايفين : يلا اني انطيج..

ادهم : هو شنو الصار شبيكم..

سيلين : عمو انت من كلت اجيب ميلي اونسها هههههه ايفين كالت جعلني ميلي .

اندار على ايفين وحك لحيته.

ادهم : مو ماخذج انه وراح تتونسين عليش مشبهة نفسج بالجلبه.

ايفين : عمو قصدي سابقا يعني الحياه بيت تموره.

ادهم : انسوها اطمروها بالذاكره الرماديه ولتخلوها ابالكم لان مجرد ذكرها نفسيتكم تتعب.

سيلين : اي صدك..

سديت المرايا وعمو حرك السياره ومشه وصلنه للمطعم قبل لا ندخل كتلهم..

سيلين : اروح للحمام اغسل يلا اجي وراكم.

ادهم : روحي ويه اختج وانتضركم تخلصون ونروح سوه.

سيلين : ماشي..

دخلنه للحمام غسلت ايدي لان صارت بيها حمره طلعت علبه الباودر عدلت وجهي ..

سيلين : شنو الوان جايبه وياج.

ايفين : بس وردي واكو ماروني..

سيلين : انطيني ماروني ..

ايفين: العب مو متحبيه.

سيلين : الوردي ميلوكلي اطلع جني بيض لكلك.

ايفين : هاي شنو ههههه.

سيلين : اكله جنه نشتريها من المدرسه عباره عن طوبات وملونه جانت كل الالوان حلوة اله الوردي فاهي ومحد يقبل يشتريه.

ايفين : هاج خلي وكملي بساع بيضه لوكيه.

سيلين : لج كلبتي الاسم.

ايفين : دكملي عاد مو عمو فقس بره.

سيلين : ههههههههههههههه لج كافي انتي اليوم شبيج ..

ايفين : الله هاديني عليكم شبيه يعني.

سيلين : عليج الله لتسوين فقراتج التعبانه على العشا عيب.

ايفين : دكملي كملي فضينه عود بعدين نتفاهم .

سيلين : يعني ناويتها.

ايفين : حسب الكعده اقرر.

التفتت على المرايا ورسمت شفتي انداريت على ايفين.

سيلين : لج حلوو عليه هذا اللون .

ايفين : مو كتلج يلوكلج بس انتي جلبتج بالجوزي.

سيلين : بني بنننننننننييييي.

ايفين : هو مشتقاته بعد شكو يلا لج كملي.

سيلين : هاج كملت.

قبغت الحمره وخليتها بيدها وطلعنه لكيت عمو واكف وناطينه ضهره وصلنه يمه ايفين كلتله كملنه التفت علينه جان مكتف ايده وتك ايد خالها على شواربه.

ادهم : كل هذا تغسيل لو ما تونه ....

باوعلي وسكت شال ايده مررها بشعره ورجع مسد لحيته وكال..

ادهم : يلا نروح منتضرينه .

باوعلي ودار وجها مشه ليكدام بس حسيته ضاج يمكن لان حمرتي طوخ ماعرف..

رحنه وصلنه يمهم جانو بيت عماهم جايين واولادهم يعني اللي فهمته من عمو عرفني عليهم اهل ملاك واهل ضيغم بحيث طابكين اربع ميوزه كبار والكل كاعد ، سلمنه وكعدنه اني بالنص وايفين منا وعمو منا ومريم يم عمو من الجهة الثانيه تقربت منه شاورته.

سيلين : عمو لو مجايه افضل شو الوجوه ثكيله..

باوعلي ودار وجها حاجاني ويباوع على الميز مو عليه..

ادهم : مو وياج الوضع متوتر بينهم اعتقد صايره سالفه جبيره بين ضيغم وملاك و واصله لعمامي.

سيلين : هاا لعد شلون اجوي اليوم.

ادهم : عرسان ميكدرون يرفضون عزيمه لان يكولون الكرايب تحس اكو شي وهمه كلشي ولا الكرايب تسمع سالفتهم.

سيلين : مممم فهمت.

وره شويه جابو الاكل واني كل شويه عيوني تجي على العرسان كلش انقهرت على ملاك احس الف غصه وغصه بعيونها وضيغم نضرات اللامبالاه واضحه بعيونه وبتصرفاته ولا كأنما عروسته بصفه حاير بتليفونه لو يسولف ويه البصفه وعايفها...

عمو تقرب مني وهمسلي

ادهم : اكلي ..

سيلين : اي راح اكل..

ادهم : لتكثرين دهون .

ضحكت ..

سيلين : تره صرت زينه يعني..

عكد حاجبه وابتسم نص ابتسامه..

ادهم : القالون ما اله علاج سوى استقرار الحاله النفسيه والالتزام بالاكل وانتي التزمتي وصار فتره نفسيتج مرتاحه لهذا عبالج تعالجتي..

سيلين : راح اصير عوده من وراك..

ادهم : لالتخافين كلشي موجود بمكانه الصحيح.

حجاها وضحك..

سيلين : شنو قصدك يعني ؟

ادهم : قصدي الاكل من ينهضم يروح بالاماكن الصحيحه.

سيلين : فهمت بس بعد لتحجي الغاز منا وجاي..

ادهم : ما احجي تدللي..

كل شويه يقرب شي كدامي وره شويه جابو ببسي ويه الاكل بدون ميحرجني كام وجاب عصاير ثنين واحد خلاه كدامي والثاني كدامه ودفع القوطيه ليغاد..وبعدين وصه لمريم واحد وسأل البقيه اذا يردون كلوله لا منريد..

كعد وكال..

ادهم : حتى انه ما اشرب وراح اشرب وياج عصير ..

التفتت عليه حجيت على كيفي وهو مدنك على الماعون يكلب باالاكل..

سيلين : صار سنه مضايكته وكيفت عبالي راح تسمحلي اليوم لان كعده وكذا هههه..

ادهم : يم الصحه ماعندي مجامله هاي مريم من اجتي للدنيا لهذ اليوم وهيه متعرف شنو ببسي ..

سيلين : ياعمو احبه شلوون . 

ويه هاي الكلمه رفعت عيني لا اراديآ باوعت على فهد ضارب ركن ويباوع علينه مبتسم رديتله الابتسامه وسويت حركه بيدي يعني شكوو..

رسملي كلب بالهوه وبيه سهم ...

صدك ضحكت اشرتله بيدي يعني انت خبل..

هز راسه يضحك..

ادهم : اكلي وعوفج منه.

سيلين: عود شنو يقصد رسملي كلب بالهوه.

ادهم : معليج بيه اتركيه.

سيلين : لا شعليه.

رفعو الاكل وجابو جاي الكل شرب بس احنه ما اخذنه لان شاربين عصاير..

كامت ملاك تريد تغسل وتأخرت وره شويه كام ضيغم راح وراها بطلب من ابوه..

  شويه و اجه كعد بس ضايج وعصبي نار مبين من تصرفاته كوه كاعد على اعصابه

ادهم : سيلين روحي شوفي ملاك خطيه ..

سيلين : ماشي.

كمت وكامت ويايه نرمان رحنه للحمام لكيناها مكنبصه بالكاع ومرتاجه على الحايط وتبجي وكفت يمها نرمان وسألتها...

نرمان : شبيج ليش تبجين.

ملاك : على اساس متدرين الكل يدري ومغلس على الوضع وخطيتي بركبتكم كلكم لان رضيتو وضليتو ساكتين ...

نرمان : مو وكت هذا الحجي ..

ملاك : شوكت وكته لعد شوكت فهميني .

نرمان : حبيبتي لا الوكت ولا المكان مناسب كومي غسلي وجهج وبعدين نسولف .

ملاك : اغسل وجهي ويرجع يبجيني.

نرمان : استغفر الله ..

غسلت ايدي وعفتهم ورجعت للمطعم لان كلبي تكطع عليها واني منا نفسيتي يرادلها حرشه مابيه اسمع قهر...

وصلت لكيتهم كلهم كاعدي وعمو ماكو كعدت وره شويه اجه كال .

ادهم : نروح.

سيلين: بكيفك .

ادهم : يلا لعد كومو ..

ابوه سمعه كال.

يوسف : وين بعد وكت.

ادهم: اروح عندي دوام باجر والحساب دفعته حجي.

يوسف : الله يرزقك روح ابني احنه وراك نجي حاجيته لضيغم..

ادهم : اي 

يوسف : عاشت ايدك.

ادهم : وايدك..

اخذ السويج من على الميز مشينه وصلنه للكرسي الكاعد بيه فهد جان مندار ناطينه ضهره كال.

فهد : البيت فارغ والعب دكتور..

دنك عليه عمو ماعرف شنو شاورة خلاه يكمز وجها كام ينطي الوان ...

التفتلي وكال يلا..

صعدنه بالسياره وعمو كل شويه مستغفر وماسح وجها اخر شي صف السياره يم سوبر ماركت نزل جاب مي شرب وغسل وجها كعد على بنيد السياره طلع باكيت الجكاير شرب ثنين ياخذ نفس بعصبيه وايد ترجف يشرب ويغمض عينه قوي يحرك بالجكاره ماعرف هيه تحرك بيه ، كمل الجكاره الثانيه داس عليهة وصعد شغل السياره ورجعنه للبيت ....

ثاني يوم عطله ماكو دوام بليل سمعت كلام بالهول كلت عادي همه دائما يجتمعون هيج وكت بعدين النبره علت والكلام احتد فتحت الباب وكمت اسمع جان ابوه يحجي.

يوسف : لك ابني الولد خوش ولد ومن طلعتو سألني عليهن وكال اريد وحده منهن ايمن جان كاعد كال ايفين انه حاجي بيها لهذا طلب سيلين.

سكت عمو وره شويه كال.

ادهم : ما ازوجهن للمره الالف اعيدها البنات ما انطيهن لا لأيمن ولا غيره....

فهد : خوش قسمه ليش متنطي هذا هم فهد ومتنطيه مره.

ادهم : بكيفي انه مسؤول عنهن وانه ربيتهن انت شكو وتدخل.

فردوس : ليش يمه تكسر بختهن تره البنات حملهن جبير زوجهن واخلص وانت هم باجر عكبه نشوفلك بنيه بنت حلال وتصونك وتصون بنتك.

سمعت عمو جر نفس كلش قوي بعدين كال.

ادهم : راسي يوجعني وعندي محاضرات اريد اراجعهن وانام لان ورايه دوام ..

يوسف : ابني انطيني حجايه علمود الناس تجي.

ادهم : شو من جهة الكرايب تحجي عليك واكلت وجهنة لان بنات تماره عندك وتماره وصمه عار بالعشيره ومن جهة نفس هاي العشيره تخطب البنات مني موهيه نفس المره اللي انتقدوني لان حويت بناتها.

يوسف : بيت جدك ميدرون بالسالفه كلها بس اهل امك عدهم علم.

ادهم : وشعجب حجيه ما حجيتي للكل اول تالي تضمين هيج خبر

فردوس: انه لو ما خواتي ما احجي هيه ويه السوالف اجتي السالفه وانحجت..

ادهم : متأكده لو لان علاقتج مو شي بيهم ..

يوسف : سدو المواضيع ، وعكب باجر الناس تجي الولد يريد يشوفها ويكعد وياها.

ادهم : صارت يكعد وياها ..

يوسف : لعد شلون يتزوجون هذا حقهم الشرعي.

ادهم : ممممم حقوق شرعيه استغفر الله ربي..

عمو يحجي بعصبيه ومتنرفز حيل ..

فهد : كول رايدها ليش مستحي انت هم تحتاج مره..

لهناك واسمع هوسه صوت امه تعيط ركضت للهول واشوفهم متلازمين اول تالي عمو ابو اعصاب البارده هيج يستفزه فهد ابوهم ضل يصيح وعمو تركه التفت شافنه ضل صافن عدل ملابسه وهمس بصوت تعبان.

ادهم : روحو لغرفكم ونامي من وقت عدنه دوام.

هزيت راسي وباعتلهم يباوعولي نضرات حاقده بس ابوهم عادي وايمن اصلا ويانه اله فهد وامه. 

رجعنه للغرفه مددت وايفين كل شويه تحجي حجايه شكل وتوقعات شكل اخر شي عطت بيها سكتت وطفت الضوه ، 

ضليت افكر والحجي يدك بكلبي اذا كلام فهد مو صحيح عمو ليش عصب بعدين استغفر ربي واكول هذا شيطان ويريد يزرع تفرقه بينه صارت الخمسه يلا نمت سته ونص فزيت على صوت المنبه كمت رحت للحمام غسلت ورجعت لغرفتي بدلت ورحت بالهول انتضره صارت ساعه سبعه ومطلع كمت دكيت باب غرفته يلا فتحها توه كاعد.

سيلين : صباح الخير..

ادهم : صباح النور ساعه بيش ليش مكعدتيني.

سيلين : تصورتك دتبدل لهذا مدكيت الباب .

ادهم : انتضريني ما اتأخر..

سيلين : ماشي.

رحت كعدت بالهول انتضره مريم عدها عطله نصف السنه وايفين هم خلصت امتحانات ..

صارت ساعه سبعه ونص طلع مبدل اشرلي يلا.

عرفت راسه يوجعه مابيه حيل حتى يحجي.

طلعنه صعدنه بالسياره نص الطريق وفات بفرع فارغ صف السياره وخله ايده على الستيرن وخله راسه فوكاها غمض عينه عاصرها..

همست.

سيلين : راسك..

سكت مجاوبني تركته وره شويه رفع راسه وعينه على الشارع كال. 

ادهم : سمعتي كلشي مو؟

سيلين : اي .

ادهم : وشنو رأييج بالسمعتيه؟

سيلين : اكيد ما اصدك.

التفت عليه وعينه مليانه قلق شلون واحد من يخاف يخسر شخص عزيز عليه هيج جانت نضرته..

ادهم : شنو بالضبط المامصدكه بيه ؟

سيلين : كل التفاهات السمعتها وخصوصا سالفه ..

سكتت مكدرت اكمل .

ادهم : اعجابي بيج او بينه علاقه ..

سيلين : عمو هذا بكيفه يحجي انت وين اكو منك اني كلتها لايفين وارجع اكولها الك لو كل الدنيا تكلي عمو ادهم خال عينه عليكم ما اصدك اله اسمعها منك ليش نسوو حبك لعمه ياسه نسو شكد جنت تعشقها لو شكد بجيت عليها ،،،يعني واحد يسوي زين يبتلي معليك عمو لتضوج ولا تهتم اصلا ما اصدك ولا راح اصدك انت اكبر من هيج شي.

جنت اباوع ليكدام واحجي منفعله من خلصت كلامي درت وجهي عليه هو جان يباوع عليه ومنتبه ويايه بس من درت وجهي دار وجها ومسح لحيته صار هدوء بعدين كال.

ادهم :خلينه نحجي بالفرضيات يعني شي مو حقيقي لو مثلا كلام فهد جان بيه نوع من الصحه شنو راح تكون رده فعلج.

التفتت عليه عكدت حاجبي وباوعتله هو يباوعلي بنضرات متوسله يترجاني اتفهم الموقف وما احكم ظلم..

سيلين : انت متسويها لهذا ماكو داعي لهاي الفرضيات تضل زوج عمتي واضل مثل بنتك او اختك لهذا ما افكر ولا اتخيل بيوم من الايام تصير هيج علاقه بينه،،

 عمو اصلا اني من كلام فهد لعبت نفسي وسد الموضوع الله يخليك...

سكت بس صوت انفاسه اعتلت وكسرت الهدوء البينه ، فتح الرباط ونزع الستره ، فتح الجامه اليمه حك ركبته ، وخله ايده على عينه...

سيلين : تره ماله داعي التوتر كتلك ما اصدك لو الدنيا كلها حجت اني اصدكك انت وبس ..

ياربي شنو من موقف بحيث ملامحه كلها تغيرت حسيته يريد يبجي ..

عكد حاجبه وحجه بصوت تعبان..

ادهم : قبل شويه كلتي لعبت نفسي يعني لعبانه نفسج مني لو شنو اريد افهم .

سيلين :لا مو منك اني تلعب نفسي منك عمو افهم كلامي اني لعبت نفسي من تفكير فهد الوسخ شلون هيج يفكر بيك ...

ادهم : زين تردين تكعدين ويه المتقدملج ..

سيلين : لا طبعا ماريد اتزوج اذا ماكمل دراسه ومريومه تكبر شويه.

ادهم : متأكده ..

سيلين : اي طبعا.

هز راسه شغل السياره ومشينه وصلنه للكليه وافترقت طرقنه كل واحد راح بجهة كملت محاضرتين وبالي يمه لان جان ابد مو طبيعي كملت ورحت لكيته بغرفته مرجع راسه على الكرسي ومغمض عينه ، كعدت بدون ما اسوي صوت همس..

ادهم : جيتي ..

سيلين : شمدريك ؟

ادهم : عطرج شميته ..

سيلين : ههههه خشم لو شنو ..

فتح عينه وكعد عدل فرك وجها سألته.

سيلين : شلون صرت ؟

ادهم : شنو التغير بالساعتين ؟

سيلين : ننزل جوه نتريك شتكول ونفتر شويه نمشي بلكت تتغير نفسيتك...

ادهم : يلا 

كمنه رحنه للنادي تريكنه اكل شويه واكتفى بشرب الجاي..

كملنه وطلعنه نفتر حبيت اغيرله جو واضحكه شويه.

سيلين : عمو .

ادهم : هممم.

سيلين : بلشت اقره عن لغه العيون..

باوعلي وكال..

ادهم : شنو تعلمتي منها

سيلين :توني بالبدايه يعني مو كلشي تدري هيه بحر بس قريت المميزات اول شي...

ادهم : حلوو

سيلين: احجيلك.

ادهم : احجيلي ..

خله ايده بجيبه ويلتفت اليه يباوعلي ويستمع ويرجع يباوع ليكدام..

سيلين : نبلش من لون عيونك لو من لون عيوني.

ثكلت حركته وخفف مشي دنك راسه بعدين رافعه وباوعلي ميل راسه و همس.

ادهم : نبلش بعيونج..

سيلين : تمام عيوني لونها اسود و من مميزات هذا الشخص يكون شغوف ...

ادهم : ممممم.

سيلين: ومثير.

ادهم : صح ..

سيلين : صعب المزاج 

كلتها وضحكت همس.

ادهم : مو شلون مجان.

سيلين : وماكر الى حد ما..

وكف عكد حاجبه وكال.

ادهم : معقوله انتي هيج؟

سيلين : ماعرف علمكم هيج يكول انت شتشوف.

ادهم : انه هنا اكول العلم خطأ 

سيلين : هههههه هسه نبلش بعيونك.

ادهم : يلا.

سيلين : صاحب العيون البنيه يكون عديم الانانيه وسريع الغضب والاشتعال ومستجيب للمنبهات .

ادهم : مو كلها صح..

سيلين : شلون ؟

ادهم : انه مو سريع الغضب ..

سيلين : والبارحه منو لزم فهد راد يموته هههه بس والله يستاهل.

رفع راسه باوع ليكدام وضيق عينه جر نفس وكال.

ادهم : كلتيها يستاهل..

سيلين : اكملك باقي العيون لو دخت..

ادهم : كملي

سيلين : صاحب العيون الزرقاء يكون انيس وعذب المعشر ويحب السهوله في التعاطي في الامور الحياتيه.

تنهد وكال..

ادهم : الله يرحمج ياسة.

سيلين : تذكرتها من قريته كلش ينطبق عليها الوصف.

ادهم : صح.

سيلين : اما صاحب اللون الاخضر يكون انسان غيور او صاحب غيره عنده شغف وعنده قدره دقيقه بالحكم على الاشخاص.

ادهم : قصدك يفصلهم تفصل.

سيلين : ههههه اي يفلسهم تفلس.

ادهم : ههههه

سيلين : ضلو اهل العيون الرماديه اكول لو لا.

ادهم : كولي نسمع.

سيلين : يكون حساس وحساسيته مبالغ بيها ويكون عنده مزاج شعري ورومانسي.

ادهم : صاحب مزاج من الاخير.

سيلين : اي.

ادهم : اقري لغه العيون فد شي كلش حلو تخليج تقرين الانسان وتبحرين بنضراته.

سيلين : هلمره اكابلك واكعد احاسبك على الرمشه اللي ترمشها.

ادهم : هو انتي بس كادره عليه حقل تجارب صايرلج ساعه باوعت على الزوليه ساعه حكيت خشمك ووو الحبل على الجرار.

سيلين : اليوم ارجع واقره لغه العيون والله كريم.

ابتسم وضلينه نفتر ونسولف كوه اجر الحجايه منه شكد ردت اغير مزاجه متغير اخر شي كال.

ادهم :لتعبين نفسج لان صعب تكدرين تغيرين مزاج الدكتور النفسي.

خبلني شلون عرف سكتت اني ردت اغيرله نفسيته كلت بكلبي بعد دكتور ميحتاج معرفه..

رجعنه للبيت بيومها دخل لغرفته ومطلع منها ابد مر اسبوع وهو على نفس الحال ضايج وما اله خلك يحجي ويه اي واحد ، بليل دك الباب طلعت ..

سيلين : ها عمو محتاج شي.

ادهم : تعاي دقيقة