رواية الضابط واليتيمة الفصل الثاني والثلاثون 32 بقلم بقلم مجهول

كعدت على دكت التلفون 

-الو (بصوت نعسان )

-كومي يلى ساعة ٨:٣٠ ب١٠:٣٠ محاضرتج تلكين الجدول بغرفتج

-صباح الخيرر اول شي 

- صباح النور يلى حبيبتي باي راح اروح 

-دير بالك على نفسك 

كمت غسلت وبدلت اليوم عدي بس وحدة كال الخط قبل نص ساعة من المحاضرة يجون يعني ب١٠ 

رحت للمطبخ طلعت التمن سويتة وسويت مركة بنفس الوقت اتريكت وخليت الجدورة على النار على ما ابدل بدلت صارت ب٩:٣٠ ب١٠ دكوا الخط طفيت النار وطلعت ركبت بالسيارة 

- هلو 

- هلو انتي شنو اسمج 

- مينا 

-اها اني نبا واني ديما 

- اتشرفت بيكم 

- هسة دورنا عيني اني علي وهذا سائقنا المحترم وسام 

- ههههههه اتشرفت بيكم 

- النا الشرف عيني 

وصلنا طبينا للمحاضرة بالاستراحة جنت دا اقرة سوال مفهمتة حسيت باحد بصفي التفت علي 

- هلللو نور 

- هلو حبيبتي شلونج شلونج وية المحاضرات 

- الحمدلله هاي انتي وياية بكل المحاضرات بالمعهد 

- اي اهلي سجلوني بس بهذا المعهد 

- اها اني هم اكلج فهمتي هذا السوال شو ما افهمة 

- دقيقة لا هذا مفهمتة دقيقة هسة اصيح الشاطر لؤي لؤي تعال 

- شبيج 

- تعال هذا السوال مفهمنا 

ردت اكللها عوفي بس مكدرت هي صاحتة راسا واني استحيت بس صار بعيوني وليد هذا اذا درى انو درسني طالب يعصب 

- هلو منو 

- هلو اني مينا (بصوت ناصي ) 

- يا سوال نور 

طبعا لؤي امبين اكبر من عمرة رجولي وحلو ومعدل قميص وبنطرون اخر موديل ولحية ثخينة كلش يختلف عن جيلة 

- هذا دقيقة 

وبدة يشرح وبعدين باوعلي 

- افتهمتي لو اعيدة 

- افتهمت 

- راح اعيدة وهلمرة انتبهي 

هذا شلون عرف ممنتبهة 

انتبهت وافتهمت السوال بدت المحاضرة وكملناها كعدت برة الساعة ب١ الة ربع الخط ديسولفون مردت اضغط عليهم حسيت باحد كعد بصفي التفت جان لؤي 

- هاج هذا عصير 

- لا لا شكرا ما اريد 

- اخذي

اخذتة بديت اشربة 

- ليش لحد هسة مرايحة 

- الي بالخط بعدهم يريدون يسولفون

- وانتي اتريدين اتروحين 

- الصراحة اي

- ميصير اضلين هيج لازم اتكليلهم اريد اروح اذا ضليتي خجولة تاكلج العالم 

- لا 

دا اجاوب ودك التلفون شفت وليد فرحت راسا 

- الوو 

- هلو حبيبتي وين انتي 

- بالمعهد 

- اطلعيلي اني برة 

- برة اوك بس خلي ابلغ الخط واطلع 

- بيباي 

عفت غراضي رحت كتلهم ورجعت اخذت الغراض ودا اكوم 

- اني راح اروح 

- جاي وياج 

- ها 

- يلى امشي 

عزة شبي مشيت بعيدة عنة وطلعت شفت وليد واكف 

-مينا 

التفت على لؤي و وجنت اتمنى ميبين شي 

- بيباي 

- باي 

رحت اركض لوليد صعد بالسيارة وصعدت حرك السيارة بدون حجي 

- منو هذا 

رفعت راسي جان عينة على الطريق 

- منو قصدك 

- مينا 

- طالب وياية 

- اعرف طالب قابل حدقجي ليش يحجي وياج 

- ماكو شي هذا الشاطر كلشي يفهم ف 

-ف شنو

- جان عندي سوال مفهمتة سالت صديقتي هي صاحتة وحجة ويانة وفهمنا السوال وهسة بالطلعة بس كلي باي 

- اني شكلت مينا 

- وليد مو بقصدي وبعدين هو طالب زميل عادي 

- مو عادي اني ما اسمح بهذا الشي يتكرر مرة لخ تمام مينا اي سوال اي سوال متفهمي اني موجود اني افهمج لو عسا من المريخ 

- اوك فدوة لليغار 

- مينا مدا اشاقة وياج 

- اووه انت البارحة مو حجيت وية هاي البنية 

- مينا (بصيحة )

- هذا شي وذاك شي 

- اعرف انت متخلي احد يكمل قصدي انو من كلتلي فدوة لليغار رسا رضيت شبيك مترضة 

- بلة هاي شكللها مينا ممنوع ممنوع اكبر اتريدين 

- اوك اوكي خلص اسفة لتعيط علية 

بقينا الطريق هادئين اول موصلت طبيت رحت حمت وصبيت غدة للكل وسويت زلاطة اتغدينا ورحت بدلت ونمت 

شفتهم شفت الولد وياها حسيت نار وكبت بيا ضليت هادئ ما اريد اجرحها ولا اريد احرجها انتضرتها خلصت واجتي 

صعدنا بالسيارة رزلتها المشكلة الثولة اتشبه موقف البارحة باليوم 

كلما تفتح حلكها تعصبني اكثر 

واتكلي لتعيط علية نزلنا اتغدينا وهي زعلانة عفتها وصعدت لغرفتي 

كعدت العصر طلعت للحديقة شفتها تقرة بالحديقة كلت خلي احركها اني اعلمها طلعت تلفوني 

- الو هلو حسونة هلو حبيبي اكلك الشباب وين اوك خلي نطلع العصر وين اوك للمول اوك عيني بيباي 

وين وين للمول خرب ما احجي شي ما اوف 

اجة كعد على الميز   

- اريد اطلع اليوم اكمل شغلات الحفلة( جنت احجي ما اباوع علي ومتنكة ) 

- من تحجين باوعيلي 

رفعت راسي علي 

- مثل مسمعتي رايح للمول وية جماعتي 

- المول مو اهم مني 

- شمدريج 

- اها يعني هسة المول اهم مني ها افتمهت قصدك الي بالمول 

شو مجاوب كلامي صح رايح على مودهم مو 

زين اني مفاهمة هاي اريدك ادرسني عدي امتحان باجر 

- باجر اول مرة اطبين محاضرة كيميا 

- قصدي الاسبوع الاخ 

- منا ليوم الامتحان الله كريم 

- يعني شنو هسة 

- كلشي ماكو وكافي لدوخيني وراية طلعة 

- اني ادوخك خوش لعد هسة اخذ ريهام ونطلع انكمل الغراض 

ضرب الميز قوي

- حتى لتفكرين بالموضوع 

- اكرهك اني اكرهك وليد 

كمت مريت بصفة وجر ايدي كعدت بحضنة 

- هدني وخر (كمت ابجي) 

جر اذني 

- تكرهين منو 

- اااا هدني اكرهك 

- ها هيج 

وجرها اكثر 

-ما اكرهك ما اكرهك 

هد اذني 

- عيديها وشوفي شسوي  

ضليت ابجي ابجي وهو كلشي محجة او سوة 

- يعني الى متى راح اضلين تبجين 

- الى ان اتقرر متروح للمول 

-ما اروح ما خابرت احد جنت دا اضوجج بس 

باوعتلة بحقد 

- ههههههههه تستاهلين حتى بعد متسوين الي سويتي اليوم  

- كتلك مو بقصدي 

- خلص الموضوع هاهية 

تعاي شنو الي مافاهمتة ...