رواية قصة زهراء الفصل الثالث والثلاثون بقلم زينب نور
زهراء:ضليت كاعده يم البنات شويه واندك الباب عمتي سعاد دخلت وكعدت بالصاله
سعاد:هاا شفادج السانج هسه شحصلتي يعمه
زهراء:شحصلت وانه من دخلت ذاك البيت ليهسه مامحصله شي شضلت على هاي خليه يرتاح ويروح لمرته ذيج ام ابنه
سعاد:خاايبه انتي اتمسلتين هو يطيقها حتى يروحلها تتلزك عليه اتلزك وكالساعه مرزالها وهاينها بس هي ماتحس
زهراء:ماعليه بيهم نارهم تاكل حطبهم انشاءالله...
ضلت ليوين اتعقل بيه اخر شي خلت وراحت كمت ويه اسماء للمطبخ
اتحضر بالعشه وكفت اسوي وياها
بس احس جسمي بايد مابيه قوه كعدت على الكرسي والدنيا تفتر بيه
ياسر:كعدت ساعه ٦ المغرب لبست ونزلت لكيت طيبه عدنه سلمت وكعدت
خويه اكو ملابس الي ع الجربايه خليهن بالكنتور رتبيهن
طيبه:صار خويه
ام ياسر:اكعدي انتي هااي مرته وادكومله كومي منال
ياسر:كومي خويه واكوي الدشداشه اريد اطلع حاجيته وطلعت للحديقه جدي وابوي وعمي حاتم وعمي محمد والولد بالمضيف
طلعت بره للشارع
شويه ورجعت بدلت وطلعت اخذت عمار وطلعنه للشط
رجعنه ساعه ١٠ باليل
زهراء:اجه يوم السبت باليل كاعدين نتعلل ودك تلفون ابوي عمي صالح كاله جدي اتخربط ابوي بسرعه جك دشداشته هو والولد وطلعو وامي راحت هم
ضلينه وحدنه بالبيت بس انه والبنات نتصل عليهم مايردون
للساعه ١ دخلو امي وعلي اخوي
تلكيناهم نسئلهم
كالو بالمستشفى طاكته جلطه
هو جدي عنده جلطه بالقلب من زمان بس ينقهر لو يعصب يتخربط
للصبح دكت فاطمه سئلتها شصار وتخربط جدي الفهمته منها متحاجين هو وياسر على رجعتي ياسر يرده ويكله مرتي وانه حر اطلك ازوج ماعليكم
طبعا ياسر اذا سالفه اتخصه مايحب احد يدخل حتى لو ابوه لو امه دومه يعاند وعصبي بشكل ماينجرع. .
رجع ابوي بدل ورجعلهم مره ثانيه بس وجها مكلوب حالت جدي مو زينه
ذكرت اليوم احد احس كلبي كام يوجعني ماادري شسوي وشصرف
للعصر وكب الصريخ ابيت عمي صالح انه كاعده بالصاله بس اريد اكوم ماكو رجليه ما عاد يشيلني كمت فتحت باب الشارع مديت راسي كاله زلم هوسه بالشارع محد بالبيت بس انه وسميه
ادگ على فاطمه يدك وماترد اخر شي لبيت عبايتها سميه وطلعت وانه ضليت افتر بس لا جدي صار بيه شي ربع ساعه دخلت سميه اتخرط بخدودها وتبجي عرفته جدي مات ضلت بس ادموعي اصب اريد اطلع الصرخه احس اتكسرت ابصدري اجت امي واسماء وعلي اخذ فلوس وراح يركض
لبسن البنات اسود بس انه ملابسي السود كلهن بغرفتي لبست ثوب من اسماء بس ضعت بيه سدينه الباب ورحنه لبيت عمي دخلنه من الكراج الببت عباره عن غيمه سوده نسوان وجهال كبار صغار هااي العالم يمته التمو ماادري دخلنه الصاله تروش مالك محط رجل بيها
ضلن يدكن ويلطمن وعمتي سعاد ملخت روحها انه مااعرف ابجي بصوت مثلهن بس كاعده على صفحه وادموعي اصب وابن حسين بحضني يصرخ من النسوان اخر شي شلته ودخلت بغرفه بيبي هم بيها نسوان بس مو هوايه
ياسر:طلعنه من المستشفى غسلناه ورجعنه للبيت ساعه ٦ المغرب احس راح بسببي وهو ماراضي عليه وزعلان
وصلنه للبيت وكل عراضه اتلاكينه اشكبرها
دخلناه بالستقبال
زهراء:سمعتهم جابو طلعت الولد كالهم وياسر واكف
وعمتي سعاد اطگ براسها ع التابوت لحضات ماتنوصف وانته اتودع شخص غالي عليك
الله لا يراوي هذا اليوم لحد
شويه وشالوه جلبت عمتي سعاد وياهم بس رجعوها لان هي مريضه خافو تتخربط عليهم
بس راحو شويه وسمعنه صوت الحديد مال الجوادر
والطباخات ترست الكراج والجدوره كومه
ساعه ودخلو مسواك للمطبخ خضره وتمر وغراض كومه كمت للمطبخ بيه نور مرت قاسم ابن عمي وسميه واسماء ومرت قاسم الثانيه وكفت وياهن عزلنه كلشي ونضفنه الخضره
مر الوكت لثاني يوم ماشفنه واحد من الولد ولا ياسر دخل بس وده على دشداشه سوده وغتره انه ماادري منطيته طيبه وسابح من اتراب الدفن ابيت عمي حاتم
كعدنه من ساعه ٥ والبيت متروس والصاله النسوان مجطله
بيهاا
شفت روحي بعدني بالدشداشه الي لبستها من البنات صعدت لغرفتنه
فتحتها ضليت اباوع على حطتها مامتغير شي بيها طلعتلي دشداشه وشال لبست ونزلت
وبدينه بالريوگ
٥ طبقات بيض بس للنسوان سلكناهن غير الجبن والكيمر مااسولفلكم التعب والله انهد حيلنه لمن كفضنه الريوگ
كعدنه شويه وانه بلا ريوك احس اعضامي ترجف ارتكيت على باب المطبخ وكعدت يمي زينب اترضع ببنها ودعاء
شويه وفات ياسر عدلت كعتي بس هو ماجنه شافني عبالك ماموجوده
حاجه زينب
ياسر:دخلت للمطبخ شفتها كاعده الظاهر تعبانه سويت روحي ماشفتها التفتت على زينب احاجي بيها
زينب خويه اكوي الدشداشه بسرعه لان هاي انترست دخان مال طبخ لان واكف يمهم
زينب:هسه يبعد اختك
ياسر:من اتخلصين ودي عليه واحد من الجهال
زهراء:باوعلي بنضره مااعرف شني وطلع بس استحقرني كدامهن يعني حتى لو ماتحاجيني
بس هسه احنه ابمصاب وكلها الناس ملتمه بس كلبه حجر لا ينسه ولا يحن اووووف
هسه انه كاتله روحي عليه وهو مامهتم على شنو قاطعت افكاري زينب وهي ادكول
زينب:خيه كومي اكويها هذا بعده مجلب وغفه بحضني
زهراء:هزيت راسي وكمت مارديت عليها
صعدت كويتها ونزلت
دخلت للمطبخ عبالي زينب بعدها كاعده حجيت بلا ماانتبها
زينب ودي احد عليه كوو....
انتبهت واكف بالثلاجه ويشرب ماي من البطل وعينه عليه
وزينب ماكو بالمطبخ درت اريد اطلع ولنه صاح
ياسر:دخلت تحجي مامنتبها انه واكف صحت عليها
اووگفي منو كلج تكوينهااا
زهراء:التفتت عليه وانه طالعه روحي منه كتله بنترر
ااختك كالت
ولا تخاف ماحركتهاا
ياسر:صوتج لا تعلينه عليه فاهمه وممنوع اجيسين شي يخصني لا عبالج نسيت طلبج تره بعدني على وعدي
زهراء:دفعني عن الباب وطلع صعد للغرفه صدك حسيت بيه جاي يهيني ابتصرفه هاذا وانه الغبيه عبالي نسه الكلته بس حيييل بيه استاهل
رجعت يم امي كعدت والنسوان شي يدخل وشي يطلع واجت الملايه تقره وكمنه انه والبنات خلينه كاسات ماي بلسلات وافترينه على النسوان
توني وصلت اكو طبله كدام الملايه عليها جهاز مال الصوت فه جاي اعبر من بين النسوان احس الدنيا افترت بيه وعيوني غوشت وطحت بعد ماحسيت لمن على الماي على وجهي فتحت عيوني بالكوه باوعت امي والبنات ملتمات عليه
كامت امي تحجي عليه لان ماماكله شي من الصبح ليهسه
جابلي تشريب مرك سوب ولحم ولا اكلت لعبانه نفسي
بس شربت عصير واكلت شويه كيكه باوعت ساعه ٤:٣٠ طلعت امي للنسوان ضلت يمي فاطمه واسماء
ماطلعت ولا اتحركت لليل اسماء كالت راح ادور للبيت اكو ملابس عندي وصخه ماالحك اغسلهن الصبح كلتلها اروح وياج
لبست العبايه وطلعنه انه وياها من باب الكراج شفنه علي وحسين واحمد وسعد
احمد؛ هااا وين رايحين
اسماء:والله خويه زهراء تعبانه وعدنه شغل بالبيت
زهراء:ماباوعت عليه ولا التفتت اله بس احس نضراته عليه
مشيت واجت اسماء وراي
صاح علي اخوي ورانه
علي:يوول وين بويه رايحات اطفرن من السياج دهاجن هذا المفتاح
زهراء:شمره طاح بالكاع دنكت اخذته
علي:وافرشن جم افراش بالستقبال خاف نجي انه والولد
زهراء: دخلنه للبيت خلت اسماء ابنها وراحت شغلت الغساله
ذبيت العبايه وتمددت ع جربايه اهلي بسرعه غفيت
ياسر:للساعه ١الراح راح والبات فرشناله .
ماكو مكان الزلم نص عد عمي حاتم والبقيه عدنه كال علي امشونه للبيت رحنه انه وسعد وحسين وعلي دخلنه فارشات بالستقبال بس ماكو صوت
ذبيت دشداشتي وتمددت غفيت
زهراء:كعدت على صوت اذان الفجر كمت اتوضه باوعت باب الاستقبال مفتوح والضوه خفيف
كلت يمكن جايين الولد طلعت شفت انعال ياسر اتكرمون بالباب مال الطارمه عرفته جاي
توضيت بالسنگ خلصت وطلعت سمعت باب الحمام انفتح باوعت ياسر طلع خليت ودخلت للغرفه صليت واحس بطني اصوفر من الجوع طلعت للمطبخ واسمع اصواتهم يصلون
فتحت الثلاجه طلعت جبن ومربه وخبز وكعدت على الميز شعر مفتوح ودشداشتي السوده الشال شامرته بهمال
علي:نعلعله ولج عبالي جنيه ماشفت بس الشعر واسود لابسه شعندج كاعده باله وانوب تاكل
زهراء:والله جوعانه ماماكله شي من امس
علي:بالعافيه بعد اخوج سويلي لفه وياج على مااصب اكلاص جاي
زهراء:سويتله لفه وكعد اكلاص الجاي بيده شويه واجه حسين هم شاركنه الكعده وانطيته لفه
ودخل ياسر
ياسر:هاا شعدكم
علي:اجيت والكه الخت تاكل وانه داكني الجوع والتمينه على المسكينه
ياسر:اهااا
حسين:تعال اكعد اكل
زهراء:انته تعزم وحدك شعليك
علي؛ههههه بده القصف اكوم انام احسلي ساعه وكعدوني
زهراء:طلع علي وحسين كمت شلت الصينيه للسنك وكفت اغسل الكلاصات ومهيس بس ايدي انسحبت باوعت ياسر ااااي ايدي شبيك
ياسر:لا عبالج احسبها شقه لو شي لان كدام اخوانج لا والخلقج انه هاي السوالف ماتمشي عليه مال الملاسن
زهراء:عووف ايدي هسه شتريد مني
ياسر:الي اريده اضبين السانج وتحترميني كدام اي احد
زهراء:ماعليه بيك الي بينه راح ينتي بقرب وكت
ياسر:لازم مستعجله على الطلاك خااف ابراسج احد
زهراء:عصبني بكلامه مايدري كلبي مقفول عليه بس مدري شلون فلتت من حلكي وكتله
اااااي عندي اااحد احس شي حار على وجهي راشدي خدي احسه خدر سحبني من شعري عليه
ياسر:والخلقج مااخليج اصيرين عد غيري وماتتهنين وراج وراج
زهراء:دفعني وطلع.....
