رواية المتمرد والصغيرة الفصل الثالث والثلاثون بقلم رسل
_______
خاف اموت و لسة ما طايبلي خاطر
خاف اموت و جبت عمري
شامر احلامي أعلة باچر
_______
نزلنة جوة ...
ابو سراب : مشكور ابو فهد علة وگفتك
ابو فهد : دنچب غير تچايتك انا
ابو سراب : والله وكفو
فهد : يابة اريد عشرتالاف المعلمة كالت لازم تتبرعون
ابو فهد : وهاي بس انتة تتبرع عشرتالاف
فهد: لا بوية هي كالت الف بس انا كلت للجهال البصف اني راح اجيب عشرتالاف غير ابوي الشيخ
زيد : وعلي هذا مبين من هسة ابو درب ههههههه
ابو فهد : صار يابة بس خلي بالك مخلي عليك حراس مو تطلع چذاب
فهد : لا يابة و علي ما اچذب
زيد : ههههههه عمي راح يموت دنطي عشرة
... كملو ريوگ يريد يطلع ابو فهد طلعت ورا ..
ابو فهد : هاا بعد ابوچ
اديان: اريد سمچ
ابو فهد : مو متحبي
اديان : مادري مشتهيتة
ابو فهد : اناااخوك بس لا حامل
اديان : مادري
ابو فهد : يعني صارلهة شگد ؟؟؟؟
... استحيت اجاوبة ضليت اباوعلة و مبتسمة
ابو فهد : هههههههه دمشي بساع بدلي منتظرج
.. لبست الجبة و الشال و هم استغربو طلعت لكيتة مشغل السيارة بس الابتسامة مرسومة على وجهة شكد ارتاح من اشوفة فرحان
اديان : خاف ماكو دكتورة هيج وكت
ابو فهد : شنو بكيفهم ميگعدون هيج وكت
اديان : هههههه لعد بكيفمن
ابو فهد : لا هاي العيادة متنسد
.. نزلنة و العيادة جان بيها درج طويل هو احنة نصعد و هو يسب بيهم شفت اكو غرف وحدة منهن مكتوب ليفوگ نسائية و گاعدة بالباب سكرتيرة كالت اكو وحدة بالغرفة خلي تطلع و دخلي
ورا ربع ساعة ضلينة كاعدين لحد ما طلعت البنية دخلت اني وحدي بس اخاف ماعرف اسوي كلشي وحدي لازم احد وياي
كالت روحي سوي تحليل دم و تعالي هو اخذني من نفس العيادة سوولي تحليل دم ورا شوية اخذت التحليل للدكتورة
- مبروك حبيبتي حامل تعالي خلي اسويلج سونار نتطمن على الطفل
.. فرحتتت كلشششش ما اصدك يعني اني اصيرر ام مجرد هاي الفكرة تخليني اسعد انسانة ونوب ضليت اتخيل اذا كتلة شلون راح يفرح
سوتلي سونار كالت الحمدلله الطفل نبضة زين بس لازم ترتاحين لان انتي ناعمة و عمر الجنين شهر و 10 ايام اخذت الاوراق و طلعت ابو فهد انطة لفلوس للسكرتيرا
اول ما دخلنة طلعت هو جان كاعد بسرعة وگف يمكن عرفني من فرحتي
ابو فهد : بشري بوية
اديان: حااامل
.. حضني و باس راسي جانت السكرتيرة بس موجودة
باوعت علينة ابتسمت و دنگت شگد فشلة
هو يمشي و يگول .. الحمدلله و الشكررر يا اللهي
ابو فهد : صعدي بالسيارة خل اجيب العلاج
.. صعدت بالسيارة هو دخل للصيدلية بصف العيادة ورا شوية اجة انطاني العلاكة مال الادوية و باسني من شفتي
- احبججججججججججججججج وحگ هو علي
اديان : اموت عليك
... نزل گبال مطعم ورجع جايب اكل عرفتة جايب سمچ من ريحتة
ابو فهد : ليش لا يدلل صگر و امة
اديان : منو يگول ولد
ابو فهد : بنية و انتي امها شريد بعد ؟
اديان : شتسميها اذا بنية
ابو فهد : يمامة
اديان: لعد اني شنو اتعب و انتة بكيفك تسمي
ابو فهد : لا عمي براحتج انتي سميهم اهم شي ما يشتغل علية لسانچ
اديان :هههههه ترى والله حبابة بس انتة ماخذ علية مو خوش نضرة
ابو فهد : اي صدك بوية انا اتبلة عليج
.. وصلنة للبيت ابو فهد كاللهم كلهم باركولي
صار الغدة و بشرى دخلت السمچ بالفرن علمود تحمي و حضرنة زلاطة و تغدو
ابو سراب : هاي من اول يوم و الجماعة رادو سمچ بعد چم شناكل
كلهم طگوها ضحكة
... مشت الايام و اجتي هيفاء باركتلي صار الاربعين مال ام محمد راحو للنجف بس ابو فهد ما قبل اروح كال اني اخذج اني هم خفت على الطفل ما رحت
زيد : خو ما اديان تبقى وحدها بالبيت و انتو ترحون بالليل
ابو فهد: انا يمكن ما اروح
الحجي : زحمة بوية شنو متروح غير الشيخ انتة
زيد : انا ابقة چا
ابو فهد : هايهية
فدعة : روحو انتو انا يمهة
الحجي : اي امي مابيها حيل درب المگبرة و انتو لازم تجون وي اخوتكم زحمة
بالليل الساعة بالعشرة گال حضريلي دشداشة سودة و غترة
طلعتلة سبح و تعطر و باسني و نزل نزلت ورا اجني اخوات ام محمد و بناتها جايبات جدورة سئلت بشرى
گالت هاي عاداتنة احنة ناخذ اكل للمگبرة لان الناس الي ويانة تجي خو ما تضل جوعانة اجرو كوسترات وراحو ضلينة اني و فدعة بس البيت
فدعة: عود تعاي نامي هنا خايبة شو حتى انا خفت
اديان : لعد شكو يمهم مسوية روحج بطلة
فدعة : خاف اكللهم اخاف و ينصبون علية
اديان: هههههه
... دخلت سبحت و لفيت شعري بالخاولي و نزلت يم فدعة لكيت كمال كاعد يمها انصدمت هذا شعندة هو شافني ضل يباوعلي من فوگ ليجوة اني اذا تذبحوني متلگون قطرة دم بية
كمال : شونج اديان عاش من شافج
اديان : تمام الحمدلله
... هو ضل يسولف وي فدعة و اني حتى بطني كامت توجعني من الخوف لا اكدر اصعد وحدي بالغرفة اضل اتخيل شغلات و لا اكدر اضل هنا اخاف من هذا
كمال : حجية انا جيت هنا لان البيت فارغ و سمعت انتو وحدكم
فدعة : جا شعجب ما رحت
كمال: تصير بية حالة من ورا عياط النسوان
هسة رايح انا انام بالمضيف اخذو راحتكم
فدعة: والله زين طلعت خوش زلمة
كمال : خلفلة عليج ههههه
.. اديان شفتة طلع و صل لباب الصالة دار وجهة ضل يباوعلي بنظرة ماكدرت اميزها مثل الواحد المقهور او جاي يتوسل
اني دنگت و ضليت العب بالتليفون ردت النوم يجيني
ماكو ابدد لحد الساعة بالسبعة الصبح سمعت باب الشارع انطبگ
رحت يم المضيف ما لگيتة يعني رايح الساعة ب12 الظهر انفتح الباب و دخلو بس مبين عليهم تعب الطريق و زيد شايل فهد
لان نايم صعدة فوگ و هم كلمن راح لغرفتة كالو شبعانين و فدعة كالت جيبيلي ماعون رگي و كلاص مي و الدوة انطيتها و صعدت فوگ لكيتة ديسبح
حضرتلة ملابس و دگيت عليه باب الحمام و انطيتهن الة الجو چان بداية الشتة شهر 12 / 2017
بس بالبصرة حارررة حتى بالشتة مرات يشغلون سبالت هو نام و اني هم جنت نعسانة نمت كعدت بالخمسة العصر هو بعدة نايم نزلت جوة محد كاعد بس فدعة يمها مرة كاعدات يسولفن سلمت عليهة و قدمت مي و چاي ورا شوية نزلت بشرى
طبخت عشة و قللت النار بالسبعة كلهم نزلو يصلون و بشرى صبت عشة و كعدو يسولفون على الروحة
فدعة : البارحة اجة كمال ابن ابو عدنان والله خوش زلمة
... شفت ابو فهد و زيد اثنينهم باوعولي ضليت صافنة بوجهم
ابو فهد : شعندااااااااااااا مو مرتي بالبيييت
الحجي : على كيفك بوية شجاك
فدعة : يا و الغسل شمالك الولد حتى راح نام بالمضيف
زيد : و هو هذا الگ*** شعندة جاي و يدري احنة مو هنا
فدعة : دلصمو الولد گال ما گدرت انام و انتن وحدچن بالبيت
ابو فهد: انعل ابو لابو هذا النغ** صاير يبيع غيررة براسي اني گلت للشباب عينكم على البيت شنو گو** اني و اروح للنجف و ما متطمن
فدعة : و هسة شجاكم الولد شسوة تراه هو هم ابن عمكم
ابو فهد: تهووووووووون ليش لا
... اني حسيت صار بية سكر من الخوف حتى ما تعشيت گبل صعدت فوگ ورا شوية شفت الباب ندفر دخل هو و قفل الباب
ابو فهد : شعندااااا هذا جاي اليوم
اديان: و الله ما ادري
ابو فهد : شافچ موووووووو ؟
اديان: لا
..خفت منة ليضربني و هم يموت الطفل شفتة الجو صار هدوء هو كعد على الچرباية و لزم راسة ردت انزل جوة كلت اروح اكول لفدعة ما گعدت يمهم كمت من يمة
ابو فهد : ويييييييين ؟
اديان : اشرب مي
ابو فهد : مو هاااي ثلاجة متتزقنبين
اديان : رجعت كعدت بمكاني هو نزل نزلت ورا جانو
كلهم كاعدين بالصالة
ابو فهد : فدعة منو چان موجود من اجة نعااال
فدعة : خايب شجاك غير انا ومرتك
ابو سراب : على كيفك خوية ترى كمال خوش كمال
زيد : دخلي يولي هذا الگ***
ابو فهد : انا بس اريد اعرف المعنى منها شنو مال يطب لبيتي و انا ما موجود
الحجي : دكول يا الله يا بوية َما تسوة
... اني قريت على روحي السلام ضليت اقرا و جعلنا من بين ايديهم سداً و من خلفهم سداً فأغشيناهم ف هم لا يُبصرون
هو صعد فوگ و صااح
ابو فهد : ادياااان
.. صعدت الدرج شفتهم كلهم يباوعولي باوعت
لزيد اشرلي براسة عود اصعدي و هو يدخن دخلت للغرفة صايرة عبارة عن دخااان
ابو فهد : قفلي الباب
.. قفلتة و رحت يمة بسرعة هو وكف و لزم شعري
ابو فهد : ليشششششششش تجذبين
اديان : خفت منك و الله
لزم شفتي ضغط عليها بأيدة و قرب الجكارة على شفتي ما اكدر اتحرك اي حركة بس يتحرك وجهي الجكارة تطخ شفتي ضلت بس دموعي تنزل
ابو فهد : تجذبييييييين بعدددد ؟
... هزيت راسي بمعنى لا
شمرني على الچرباية و طلع كمت ابچي والله مو قصدي اجذب عليه بس خفت منة كمت غسلت وجهي يلا اهم شي ما صار عصبي و ضربني بس شفتي تحرگني
نزلت جوة بس بشرى و فدعة و سراب كاعدات بالصالة
فدعة: خو ما ضربچ ابو فهد
... هزيتلها راسي بمعنى لا
ضليت كاعدة العب بالفون ورا شوية نزلن زهراء و حوراء
حوراء: انكتلتي لا
اديان: شدعوة هلكد مهتمتلي
حوراء : لا بس اضحك عليج
فدعة : شمالج وياها ولج
حوراء: مالج غرض انتي
فدعة : يا والغسل و الكرف هم بيج بلة يالفكر
حوراء: ترى كاعدة انتي ببيت ابوية يعني حچاية مني يطردچ
فدعة : خايبات ما تناوشني نعال الحمام خل الط هاي البومة على حلگها شو انخطبتن ماتت ام محمد هاي اذا تزوجتن تموت العشيرة
زهراء: فالچ ما گبلنا
فدعة : انا شمنتضرة شو تعاي سراب گوميني خل اكسر العصى علة ظهورهن
... دخلو الحجي و الولد
ابو فهد : هاااااا خيررررر
فدعة: تعال سوي حد لهذني الما متربايات
ابو فهد : زيد انا صاعد راسي يوجعني شوف ذني شمسويات و اذا متجاوزات ايدك الك
... شفتة صعد صعدت ورا دخلت للغرفة هو چان نازع الدشداشة
ابو فهد : خير
...ضليت بس اباوعلة
ابو فهد : برا
اديان: بس
ابو فهد : برااااااا
__________
