رواية كريات الدم السوداء الجزء الثاني الفصل الرابع والثلاثون بقلم زحل شريف
-قدر-
-كلمات الرجال وقعت على مسامعي مثل هزات أرضية ،
كاني واكفه على أرض تستدير بيه اريد اثبت نفسي كلمات
ـوالله امس صار الحادث
ثابت::أن شاءالله محد تضررر
رد الرجال
-مااعرف يكولن ام طارق بالمستشفى احنى على صوت
انفجار البيت طلعنا بس حسب ماكالو الشباب الي فزعو
انو الام متضررة لأن همه راحو ويا طارق دتفضلو اتفضلو
-وشه بأذني عيوني تتنقل بالمكان تقدمت اريد ادخل
لزمني ثابت صرخت ماتتت ماتتتت مديحه لا
ثابت::يابة بس اهدي خل افهم .
-تقدم الرجال أخذ تينه من ايد ثابت الي قيدني وأنه مثل
طير مذبوح اصرخ وادفع بي اريد بس اوصل الباب ماخلاني
طلعو الجوارين كلهم من ضمنهم مرأة كبيرة وأنه اصرخ
ماتتتت ولج لااااااا مديحه
تقدمت المرة تحجي وياي بعطف
-اهدءي محد مات بالمستشفى ام ابو محمد كان يمهم
باوعتلها مامصدگه التفتت على ثابت الي سألها
ثابت::رحم الله والديج ،، وين يامستشفى
-بال،،، هناك أهل ام طارق وأهل فاروق خطيه كلهم
لازمين باب المستشفى الله يشفيهم
-صحت على ثابت يله امشينا الهم
هز رأسه تمام وتشكر من الجوارين أخذ تينه من الرجال
وجرني للسيارة ،،خله تينه لحظني وصعد احس بلعومي
وجعني ابجي بصوت وهاي تبجي وياي جرها مني .
ثابت::أن شاءالله مابيهم شي بس اسكتي لأن البت اخترعت
-تمنيت السيارة اطير اريد. اوصل اريد اطمئن اخخخخ
گلبي يممه حسيت بيها شي اي ادري وكتلك ماتعوفني
مستحيل تگطع بيه كله منك من أمس گتلك
ثابت::استغفر الله العظيم اشم ايدي
-سكتت لأن تينه تخبلت لأن تشوفني ابجي
شال نقاله اتصل
ثابت::وينك ها قريب على مستشفى لا لا بس تعالي
-نار بگلبي على الشفته مستحيل مابيهم شي الدخان
صاعد للحيطان ياربي ياربي دخيلك بجيت بقهر احس روحي ضايعه وينج ياسونه ،كتمت صوتي بسبب تينه
ودموعي تنزل مثل الجمر لحد ماوصلنه المستشفى ردت انزل صاح بيه
ثابت::بس اوگفي خل اشوف مولي حتى انطي رقاوي
-هو يتصرف برود وأنه گلبي مشتعل درت وجهي فتحت الباب ونزلت نزل وهو يحجي
ثابت::يمعودة بس لحظه ترى ميخلون الطفلة تدخل
-ابقى أنته يمها حجيتها ومشيت الكارثه بالمستشفيات
الحكوميه مايخلونك تدخل وكفت أتلفت حاجيت الي بالباب
رفض
-ممنوع ماكو زيارة هسه
-ماجيه ازور اختي هنا ،،رد من ورا خشمه
-اي ممنوع
-ياممنوع أكلك اختي هنا أمس جايبيها ،، احجي ويا واجه
ثابت لزم ايدي وحجى ويا
ثابت::اخي حادث الحريق مال أمس
-ماعرف أنه قبل ساعه بدة واجبي اسال الموضفه مال الاستعلامات
ثابت::اي شلون اسال غير ندخل
-من ذاك الباب اكو استعلامات بس ترى ميدخلوك لان مو وقت زيارة
-مارد عليه ثابت جرني دخلنا الاستعلامات هو حجه
وياهم كالوله ادخل امشي وادعي لحد ماوصلنا الممرات
ثابت::اوكفي خل نشوف جناح الحروق وين
-تقدم على واحد واكف سال اشر على. جانب ثاني
مشينا خطوات شثگلها ،،انخمش گلبي من صوت صرخات
ناس تدخل وتطلع ممر واكفين بي نساء ورجال وممرضات
تمشي بسرعه
ثابت::استغفر الله العظيم ،،شو ماكو احد من اهل طارق
خاف مو هنا ؟شو تعاي انشوف خاف هناك
-ملينه من الفرة صرنا مقابل غرفه أطباء دخل سألهم
الدكتور::اي اي بس نقلوهم الطابق الفوك بس اعتقد
وحده منهم جوى شوف ذاك الممر ردهات النساء اسال الممرضات
-احس روحي طلعت وكف. ثابت محتار
ثابت::هنا كلها نساء شلون ادخل
-انه ادخل
ثابت::اي سألي اي ممرضه
-دخلت اباوع ستائر زرق على الجانبين شلون الغرف
متقابلات بس عازليهن بهاي البردات همزين لمحت ممرضه
سالتها
الممرضه::اي هنا انتي شتكونين منها
-اختي اختي حجيتها وتقدمت سحبت البرده
احس رد النفس لصدري رحمة من ربي نزلت عليه اباوعلها
مامصدگه ماعرفت شسوي بقيت أصيح هاي هاي هنا
تعال ثابت ،،دخلت عليه ممرضه
الممرضه::عيني صوتج مرضى هنا.
-اي اي بس عفيه صيحيلي ثابت كليله هنا ،،راحت الممرضه دنكت على مديحه ابوس بوجها اباوع مشكليلها مغذي حجيت وياها مديحه تسمعني ماكو رد ضليت أتلفت المكان ضيق جدا بحيث مااكدر اتحرك هو مثل السرير دفعت حمالة المغذي اباوع شامرين عليها مثل الجرجف بس رديء حسيته وصخ بجيت بقهر ،،سحبتة منها ااريد اتاكد ما بيها شي اگلبت بيها چا ليش هيج ،فاقد ولچ ردي علييه مو راح يوكف گلبي ولج حاجيني مديحه ،،احجي وياها وكل شويه ممرضه
داخله عليه
الممرضه::صوتج يمعودة
-شبيها ليش ماتفتح عيونها .
الممرضه::ضار بيها مهدء .انتي شتصيرين منها؟
-اختها دارت وجها وراحت بعدني مامستوعبة رجعت
الممرضه::اكو ولد برى يريد انتي اسمج قدر
-خل يجي كليله هنا
الممرضه::ميصير يدخل ردهة نساء
- عفتها تحجي وطلعت لكيته واكف
ثابت::ها الحمد الله على سلامتها؟
- بس شو فاقده ولا ردت عليه
ثابت::الحمد الله مادامها سالمه اكيد من هول الحادث
ارتعبت طبيعي ينطوها مهدئات أنه سألت الدكتور
-شو محد بس هيه .
ثابت::اي ام طارق بجناح الحروق خطيه الضاهر
متأذيه
-و طارق وعسل ؟
ثابت:: الي عرفته بس فاطمه
متاذيه ،، بعدني ما صعدت شفتهم اكيد يم أمه
-جا وين خلو عسل ؟دصعد شوفه
ثابت::اي بس انتي لا تتحركين منا ابقي جوى.
-دخلت اريد بس اسكت ماكدرت كتمت شهكتي .
بس ادموعي تنزل بعبرة ،،اباوعلها وجها بي زلخات
واضح مال شخص لاطم على وجهه تقربت لزمت أيدها
الف الحمد الله ربي ،،مدنكه امسح بوجهها وكمزت على إثر
صوت أحقر انسان اكره صوت بحياتي شلت راسي باوعتله
واكف حد الستارة
محمود::شعندج هنا ماخلصنا منجن ومن مصايبجن
-اريد انطق ماكدرت رجفت رجليه ،، اشرلي بمعنى
اطلعي وهو يخزرني اتحركت اريد اعبر هو واكف
والمجال يادوب يكفي لشخص يعبر ،،بلعت ريكي
وحجيت بصوت مهزوز وخر
محمود::اياج المح ضلج
-حجاها وبعد مسويلي مجال عبرت بخطوات سريعه
وهو وراي صاح على الممرضه
محمود::دون زحمه عليج ممنوع احد يدخل على مريضتنا
-فكيت حلگي هذا شيحجي ،،دخل الممرضه وهو التفت
عليه هزيت راسي شكو
محمود::بعد شعدج واگفه
-شنو شعندي ترى اختي ماعوفها ،،
محمود::منين اختج انتي بت وداد الناهبه نغلة راضي الكوتا
وهيه بت الكاوليه ابوها متبري منها
-مقرب وجهه عليه ويحجي بفحيح ،، ضليت أتلفت
لمحت اخوان فاطمه واكفيه على صفحه وهو بقه
ينضرلي هز رأسه بمعنى ها بعدت عنه ،، وأنه احجي
هسه يجي زوجي عود احجي ويا ابتسم بااستفزاز
ودار وجه يريد يمشي واجه ثابت الضاهر شافهم مشي بسرعه ،، تقدم صار گدامي من شافو اخوان فاطمه
اجو ناحيتنا بس نضراتهم النا جانت غير راضيه وصلو يمنا وبدون سلام حجة محمود
محمود::خير شعدكم هنا
ثابت::خير يصيبك وحمد الله على سلامتهم.
-رد بنبرة حادة
محمود::أضن مو من الأصول
ثابت:: يااصول شنو داخل بيتك بدون مااطرق الباب
سمعنا بالخبر وجينا نطمن على البنيه
محمود::والبنية جنتنا ومانريد تواصلكم بيها
ثابت::هل شيء مو أنته تگوله زوجها الي خطبها منا
محمود::وأنه اگلك امشي بدون مشاكل .
هز رأسه ثابت تمام والتفت عليه ،
ثابت::دخلي يمها ولا تطلعين .
محمود::تمام إذن اصيح أمن المستشفى يطلعونكم
-حجاها ودار ومشى وإخوان فاطمة ورا
ثابت::خو ماحاجاج شي شوكت اجه ؟
-يمكن شافوك من صعدت الهم لأن بس رحت هو اجه
ثابت::مالكيت طارق بس نسوان يمكن خوات ام طارق.
نزلت طلعت لمولي لأن بقى برى ورقاوي عنده كتله
وديها للبيت الضاهر همه بالحديقة وشافوني واجوج
-شنو هسه يعني يطلعوني من يمها ،، مارد عليه طلع نقاله
من جيبه اتصل
ثابت::ها يأبه اي دزيتها بيد مولي خلوها
يم نغم بس اذا تكدر تجيني أنته واياد لا ماكو شي تمام من توصلون أخبروني .
-نهى مكالمته وهو يستغفر
ثابت::ادخلي يمها أنه راح اوكف هنا
دخلت بعدني ماساحبه البردة اجتني الممرضه
الممرضه:'هم رجعتي مو سمعتي أهل المريضه كالو ممنوع
-يااهل هذا مايعودلها وأنه اختها.
الممرضه::اطلعي عيني مالنه خلك مشاكل
-طلعت لثابت كتلة
ثابت::تعاي هنا بس خل يوصل الحجي وسهله
ماريد اتصايح ويا ومنا الناس وهاي المرضى ترى
نوب يطلعونا كلنا .
-وكفت يمه وعيني للردهه الممرضه الحاجاني طلعت
كتله خل ادخل مادام راحت هاي
ثابت::لا اصبري .
-تعبت ومن والكفه كعدت بالكاع سانده ضهري على الحايط
مر أكثر من ساعة وأنه اون بصوت ناصي
ثابت::اجه الحجي
-رجفعت راسي واشوفهم الحجي واياد وخالة
بس وصلت يمي حظنتها وبجيت
وفيه::الحمد الله ما بيها شي اسكتي ماما
-مايخلوني ادخل يمها .
وفيه:'كيفهم شنو هسه عمج يحلها تعاي وين هيه
-دخلنا بس شافتها خاله بجت
وفيه::يا يمه سودة عليه يامسكينة
-بقيت واكفه بعتبت المكان وخاله يمها بوستها
والتفتت عليه
وفيه::تعاي خل نكعد هنا
-لاهو سرير لاهو مسطبة يعني الي ينام عليه لازم
ببقى محنط ما يتحرك ،،كوى خالة صعدت رجليها
وأنه هم عيونا عليها وهيه عبالك ميته ،،سولفت خاله
على محمود شلون منعنا ،نوب بنتها ماكو ولا طارق
وفيه::هسه عمج راح يشوف شنو السالفة.
-بقينا كاعدين شويه ودخلت ممرضه سلمت بلطف
شدت مغذي ثاني سألتها خاله
وفيه::شوكت تصحى
الممرضه::حسب كمية المهدء أنه هسه استلمت
ماعرف حالتها شنو بس حسب الطبله انهيار عصبي
ف طبيعي تبقى نايمه وافضل الها .
-سكتت خاله و الممرضه راحت،، احس ضهري تقوي
من الگعدة لانعرف بيش الساعه هسه ولا ندري شصار
ويا ثابت والحجي
وفيه::وجهج صوفر مدي روحج شويه
-لا بس بالي يم ثابت شو مااجه
تعاي نطلع شويه مدامها نايمه بلكي الكى كشك
اخذلج عصير منه حتى اشفايفج صارن بيض
-مشينا طلعتنا خالة من غير باب كلتلها.
مو منا دخلنا .
وفيه::اي هاي طوا ى انتو داخلين من الباب الرئيسي
-جا خاف نطلع ومايخلونه ندخل
وفيه::لا مايحجون
-و الله بس عبرنا المدخل وانشوف الحجي
وفيه::تعاي هذول همه .
-اشرلنا الحجي عبرنا الصفحه المقابيل الباب اكو
تكسيات واكفه وكشك وصلنا يمه سلم عليه سألته خاله
وفيه::ها شنو صار؟
ابو اسعد::ماكو شي حجيت ويازلمهم منتضرين طارق
بعده بالطرق المسكين الله يعينه.
وفيه::چا هو وين؟
ابو اسعد::غير ماخذ بنته يدفنها
-لطمت صدري بفزع يممممه ماتت لااااا
وفيه::اسم الله ماما
ابو اسعد::استغفر الله العظيم لا اله الا الله
طير من الجنة
-تخبلت لااااا شلون ماتت جرتني خاله كعدت على الرصيف
اجو ثابت واياد وكفو يمنا وأنه ابجي بصوت يمممه اشوفها
فاقدة اكيد على بنتها سودة عليه يامديحه
ثابت::اذكري الله يأبه طير بالجنة .
-راح جابلي ماي كوى بللت حلگي كالو دخلن
كمت اجر بروحي .دخلت انوح سودة عليه شلون راح
تتقبل الأمر مديحه دخلت خاله للردهه وأنه وراها وملكة
الممرضه
الممرضه::ميصير ثنينكم مرافق واحد يبقى
-ولج يامرافق شنو هيه جايبه متشوفيها منتهيه
الممرضه::اي ميصير وحدة منكم تبقى بعدين
هو وين المكان شلون راح تنامون
-حجت وياها خالة
وفيه:'ماانام ماما كاعدين واحنى ندبر نفسنا حبيبتي
-ضلت مصرة على ابو ممنوع وأنه اتحاسب
وفيه::خوش هسه اروح أنه
-هزت راسها ومشت باوعت لحاله
وفيه::روح وخليني
-لااا خالة شلون اعوفها وانتي ماتكدرين شو هذا
لا هو سرير لابي فراش
وفيه::اسمعي ماما مناك بنتج خطيه روحي والصبح تعاي
-خنكتني العبرة هزيت راسي لا ،،
وفيه::جا خل اروح اكول للحجي وأشوف منو منهم
ياخذني .
-طلعت وهيه تستغفر،، وأنه كابلت مديحه
جبل ونهد على راسي يمه شلون تتحمل جانت تكعد
باب فاطمه تنتظرها حتى تشوف بنتها ،، ايدي على حلكي
وأشهك بقهر نوب البحي الي بدون صوت يأذي البلاعيم
تفاجئت من رجعت علية خاله
وفيه::ثابت يريدج برى
-عرفت يريدني اروح للبيت كمت وأنه افور لاكاني بالممر
حجيت صاكه على سنوني شوف ماروح ولا تعب نفسك
ثابت::تعاي نحجي برى .
طلعنا يم الحجي واياد
ثابت::بقائج ماله فائدة هيه فاقدة ومناك رقاوي خطيه
هسه خابرت نغم تكول تبجي تدرين ماتنام اله بحظنج
روحي وأنه راح ابقى والصبح مولي يجيبج
-تحيرت بس ماكدر اعوفها
ثابت::أنه ماجبرج بس يهون عليج بنتج تبجي خطيه
يله يابة روحي ويا اياد ،، وام اسعد يمها وأنه والحجي راح
نضل هنا بلكي يجي طارق حتى ننقلها لغير مستشفى
-خاف اروح وماتجيبوني الصبح .
ثابت::وداعتج مولي يجيبج من الصبح وعيونج
-هزيت راسي اي اشر الاياد توجهت للسيارة ودموعي تصب
طول الطريق اياد يستغفر بس ماتوقعت وكفتهم وحيل
متأثرين على مديحه وصلنا لبيتهم تلكني البنات
بنين::حمد الله على سلامتها ،، متت قهر ولج
شيصبرها على بنتها
-نوب هنه نصبنها وياي مناحه ،،كامت نغم جابت
تينه بس شافتني ذبت روحها عليه حظنتها وبجيت يمممه بنيتي يممه.
نغم::دكافي ترى هيه كوى سكتت خطيه يمكن مخترعه
-اي لأن شافتني ابجي ،، كمت اريد اروح لبيتي ماخلني
بنين::دنامي هنا هو شبقى للصبح
نغم::فوتي سبحي بين ماحضرلج شي تاكلينه
-مااشتهي بس جاي
نغم::ماراح اطبخ تمن ومرك جاي وجبن
-سبحت وسبحت تينه وياي همزين نغم جايبتلها
ملابس من بيتنا اكلت شويه،، فرشلي بغرفه بنين سألتهن
عن جهال الباشا
بنين::اليوم دزت عليهم تشوفهم
-مدري شلون غفيت فزيت أتلفت تينه اطگ بوجهي
كعدت لكيت بنين بالمطبخ سالتها بيش الساعه
بنين::ب٨ يله تريكي بين ماكعد مولي ياخذج للمستشفى
-ارتاحيت من كالت ياخذج بسرعه غيرت لتينه
اجه مولي كوى فاك عيونه
مولي::ها شلونج
بنين::غسل وجهك وصحصح شلونج شنو ؟
مولي::جا شكول غير اواسيها.
يجبر الواحد يضحك غسل واجه اخذله مشوار ويا
تينه حطت الصينيه بنين
بنين::يله ترى ابوي يريدك
-باوعلها ورد باوع الصينيه
مولي::اريد بيض عيون
بنين::شو جنك تتمنمن ،، كوم لو اخابر اياد يوصل قدر
وماانطيك السويج مال ابوي
مولي ::ماريدة عبالج تذليني مثل قبل ترى كبرت
-دنكت شالت الصينيه وردت على تينه خذتها من
حظنه وأنه اباوعلها مستغربه
بنين::يله قدر كومي امي كالت خل تجيب ملابس لمديحه
-جا خل اروح البيتنا عندج نسخه المفتاح
بنين::اخذي مني صايه وشال
-كمت ومولي يداهر وياها خذت ملابس صدك أنه انتبهت
مديحه بالدشداشه ،، شلون وصلت للمستشفى هيج
طلعت لكيت الباشا كاعد رفع رأسه باوعلي سلمت
الباشا::ها يابة حمد الله على سلامتها
-الله يسلمك ،،التفتت لمولي يله نروح
الباشا::أنه اخذج بس اغير ملابسي
مولي::لا بداعت الحجي ترى ابوي يريدني
الباشا::كوم تمشي وياي حتى ترجع الحجي بسيارة ثابت
-طلع صاحت ورا بنين
بنين::جيب ملابسك اغسلهن
الباشا::لا يابة دزيتهن للوندري مشكورة .
-انقهرت علية مااعرف حسيت انو تبهذل بسببنا
بقيت ابوس بتينه لحد ماجه طلعت وأنه اوصي بنين عيونج
عليه
بنين::باي مامي لاتقلقي علي أنا في امان عند عمتي
مولي::لغة شنو هاي
-صاح علينا الباشا طلعنا نركض طول الطريق هو ومولي
يحششون وصلنا لكينه الحجي وثابت جوى بالممر سلم عليهم
الباشا::ها شنو الاخبار
بقيت واكفه يمهم
ثابت:: عود ردنا نطلعها لأن طارق منا المصيبه ومنا أمه حالتها مو تمام
الباشا::اي يله لعد شمنتضرين
ابو اسعد::عمامه اعترضوا
الباشا::عمامه منو وليش ماقبلو ؟
ابو اسعد::يكولون جنتنا
الباشا::ومن شوكت هم معترفين بيها جنتهم
حجاها وباوع لثابت
ثابت::ماعرف يجوز.
ابو اسعد::هو شنو الي يجوز غير نفهم؟
الباشا::وينه طارق الحادث بفعل فاعل
ابو اسعد::لك عوفنا شغل التحقيقات يافاعل
الباشا::طارق بوقت الحادث وين
ثابت::يكول جنت بالشغل واحد جيرانهم الضاهر صديقه
هو الي مخابرة
باوعلي الباشا هزيت راسي شكو
الباشا::اذا بس ام طارق متأذيه ومديحه ما بيها شي معقوله
-شهكت لااااا لا مستحيل تسويها لو كايل فاطمه أكلك اي
لأن هيه من قبل دوم تهدد تحرك البيت،، ابتسم
الباشا::إذن اكو شي مخليهم متحفظين على مديحه
-حجاها ودار وجه صاح بي الحجي
ابو اسعد::والله اذا اتحركت لك تريد تسوي مشكله
اخجل الناس بيا حال
الباشا::ما نتمشكل يابة احنى نتحرك بالقانون
-اشرلي ثابت روحي ولحك الباشا
توجهت للردهه عصر گلبي صوتها واصل الممر دخلت اركض
لكيت خاله حاظنتها بس شافتني صرخت
مديحه::ماتتت بتي ماتتتت يمااااااا ولج يمااااا
-اريد احظنها وهيه ترافس بينا تريد تكوم بس اوكفي راح
انطلعج والله ولج اخذج وياي.
مديحه::اريد اموت موتوني المن ضالة عفيه موتوني
ولججج هدينييييي خل اطلع فاطمة اخذت بتي موتتها
ماخلتني اشبع منها مانيمتها يمي ردت احظنها واغطيها
وياي حرموني منها هيه تريدني والله تريدني
من اشيلها تجلب بملابسي وتشمشم بيه
-جنت اكول عشت اقوى الالم بس اليوم وجعت
روحي حالة مديحه خالة لازمتها وتبجي
وفيه::طير بالجنة هناك تدعيلج
كافي ياماما
مديحه::چا خل تدعيلي اروح يمها
-اجت الممرضه بس شافتها مديحه تخبلت
مديحه::إذ تقربتي اكتلج امشي ماريد علاج
-اشرتلها روحي ردت بانزعاج
الممرضه::عزيزتي لازم اضربها خل تهدء بعدين
شنو ذنبها المرضى
وفيه؛:هو احنى راح نطلعها
-ضلت مديحه تصرخ خاله خلت أيدها على حلكها
أنوب ماتقبل ألبسها الصاية
وفيه::غير تردين تطلعين دلبسي حتى اخليج
اطلعين
-لبستها كوى لميت شعرها الي مكطعته من التملخ
خليت الشال على رأسها اشرتلي خاله الزميها
وكامت
وفيه::بس خل اشوف الولد حتى نطلع
-راحت وأنه ضليت مرافس ويا مديحه تسكت ثواني
ونوب تصيح لحد ما جتني خالة كومناها تلكانه ثابت
بس طلعنا الطوارئ دفعتني وركضت الناس بقت تباوعلها
نوب الشال طاح من شعرها لحكها لزمها
واشرلنا على السيارة وهو يعت بيها اباوع يفتح الباب
يريد يصعدها وهيه داگة روحها بالگاع وصلنا يمهم
دنكت أتوسل بيها ولج بس كومي
مديحه::خلوني اموت روحي المن باقيه شعندي ام أهل
وين اروح وشسوي بالدنيا
-خبلتنا كوى أنه وخاله عتيناها من الكاع صعدنها
تحرك ثابت سألته خاله
وفيه::جا الحجي وين؟
ثابت::صعد ويا اسعد اجو ورانا .
-وصلنا نزلتها اجر بيها كوى تمشي فرفحت تملخ بشعرها
ردت لازمها صاحت بيه خاله
وفيه::خليها تبرد كلبها حقها
-تتعب وتسكت شويه ونوب ترجع خاله كالت رايحه
اسبح وغير ملابسي ،، بقيت أنه مكابلتها صوتها اختفى
كوى تحجي اجتني نغم وهم شكد حجت وياها
نغم::الله يصبرج بس لاتجزعين ويروح اجر البلاء
-هلكتنا لا تقبل تاكل لا تحركت من الكاع ،، بتي بقت بيت الحجي وثابت وياها ،،خلص النهار ولليل هيه تلطم تالي تعبت مدت روحها بالكاع شويه وغمضت ردت اكومها
نغم::جيبيلها بس مخدة وغطى
-غطيتها ساكته دموعها تنزل على وجها ،،اجه ثابت
جايب تينه ونغم راحت
ثابت::لو محاولة تشربيها شي دافئ
-ماقبلت همزين من سكتت .
ثابت:'الله يعينها دخذي رقاوي للغرفه أنه راح اروح انام
بيت الحجي احسن وانتن ماعليجن وشتردين اتصلي
-نومت تينه بفراشها وقفلت ورا الباب بقيت مگابلة
مديحه تون بصوت مبحوح ،،من تعبي غفيت وأنه كاعده
فزيت على صوت بنتي باوعت مديحه مستندة على التحم
ومددة رجليها باوعتلها اشرتلي على حلگها ،، سالتها تردين
ماي هزت راسها اي ،،كمت جبت تينه الي جنها مكروصه
بس شلتها سكتت انطيت لمديحه ماي ورجعت سويت ممه
شمرتها بفراشها وخليت مميتها بحلكها وطلعت ،ارد اطب
للمطبخ دك الجرس باوعت نغم فتحتلها.
نغم::صباح الخير ها شلونها؟
-على وضعها بس ساكته
نغم::اكيد صوتها طبگ سوي
ريوك وحليب حتى بلاعيمها تفگ أنه راح اروح يمها
-بالمطبخ كل اشويه. أمد راسي
اشوفها تحجي وياها تالي كومتها للحمام وصاحت عليه
نغم::حضريلها ملابس
-ركضت طلعتلها أخذتهن مني ودخلت وياها للحمام
شويه وطلعتها، خليت الصينيه بالكاع ودنكت اريد
ابوس أيدها جرتها مني بيش اجازيج ربي يوفقج ويرزقج بالولد
نغم::كل هذا لله الكلمة الطيبة صدقة والي يواسي
مسلم بمصابة اله اجر والي يوكف ويا شخص بمحنته
أجرة أعظم تدرن أنه من شفتجن قوة ايماني بالله
شفت صبرجن على البلاء واكيد كل هذا لأن رب العالمين
يحبكم يريد يسمع دعائكم .
-تحجي وتنشف بشعر مديحه كوى قنعتها تشرب من الحليب
واكلت شويه من الصمونه
مديحه::اريد انام
نغم::اي كومي جوى بالغرفه الثانيه
-كومتها وهاي مثل الطفل بيدها ارتاحيت من سكتت
وهيج ايام أنه ونغم بنين اجت كم مرة خاله يوميه
تجي ثابت أخذ ملابسه بيت الحجي ويأخذ تينه
من الصبح لليل يله يدزها الي مديحه التزمت الصمت
كابلتها وبجيت بعبرة شنو بيدي عليج.
مديحه::مابيدج لأن مامقسوملي اعيش
-لاتكولين هيج الله حبها وأخذها .
مديحه:'جا ماخذاني؟
-تحيرني بكلامها،، ردت اسالها عن الصار
بس خفت تنهار سكتت بس فاجئني،، ثابت من اجه وسألته
عن فاطمه وطارق .
ثابت::انطتج عمرها
-لااااا هز رأسه اي ،،شوكت يمممه الله يعين طارق
ثابت:: صار ٣ ايام وطارق منتهي خطيه كارثه
خسر أمه وبنته وحتى بيته هم مو هين .
-شنو رحلته؟
ثابت::لا هو اجه
-مافهمت ؟اشرلي تبعته للغرفه
ثابت::اليوم المغرب اجانه كال عينكم عليها رايح للنجف
-شنو يبقى هناك ؟
ثابت::لا بس بعدة مفجوع امر طبيعي راح ياخذ له
كم يوم بالمقبرة تالي يقتنع ،، المهم انتي حاولي تحجين
وياها ترضى بامر الله ،، لأن هو جيته واضحه راد يأخذها
بس يمكن لأن كتله تعبانه سكت.
- وين يكعدون هو البيت صاير دخان
ثابت::هو عنده خير خو مايصعب عليه يستأجر
لحد مايرمم بيته والفوك مامتضرر .
-شنو غير الحيطان صايرة سود .
ثابت:: الدخان يتصاعد.
-زين ماعرفت شلون هيج محترگين وليش بس فاطمه
وعسل
ثابت::يكول أنه توني طبكت بالباب وسمعت صوت كانو انفجار بين مانزلت ودخلت لكيت مديحه مصطكه
الضاهر جانت تغسل بالكراج ضليت متخردل اباوعلها
واباوع للنار يكول ثواني والنار ضلت تلهب ويمكن عدهم اغراض بالترك وبرميل نفط فهذا الي مسبب الحريق الخارجي ماملحك. على أمه لأن النار مشتعله بالبيت كله بحيث ماكادر يدخل ف مطلع مديحه للشارع وبين مافازعه الناس وجايه الاطفائيه للاگين أمه باب المطبخ و البنيه بحظنها .
-يعني مفجور طباخ لو شنو ،، دنك بأس خدي
ابتعدت يا دحجيلي ابتسم ورد
ثابت::أهل فاطمه متهمين مديحه على أساس هيه
كايلتلهم هيه حركتنا
-لا مستحيل
ثابت::لهذا السبب الباشا اصر ينفتح تحقيق بالقضية
طارق يكول مديحه ماتسويها بس همه مصرين عاد
بقت يم الحكومه ومديحه بلكي تحجي شي
-سكتت باوعلي هزيت راسي شكو
ثابت::سلامتج بس عود اريد ابوسج يصير
-حظنته وبجيت بعبرة ،،محتاجة سونه كلش
ثابت::غير كون اندلها واروح اجيبها من اعطوبها على كولت
الباشا تدرين أمرها انكشف
-جنت متأكدة راح يعرفون طبيعي كالو ليش مديحه
بقت يمي ،، هز رأسه اي سكتت وهو شويه وراح
ضليت اصفن ماعرف شسوي وشتصرف ومثل كل يوم
تجي خالة تطمن على مديحه بس اليوم وجها ثكيل
استغربت شبيها خجلت اسالها وهيه ماحجت بقت شويه
وراحت والضاهر مديحه انتبهت لها.
مديحه::عندج مفتاح بيت سونه.
-لا عند ثابت .
مديحه::خوش كليله ينطينيا اريد اروح اكعد بي
تعبانه ماريد اشوف ناس .
-حتى أنه ماترديني
مديحه::لاتغشمين روحج قدر خالة وفيه اليوم وجها مغيم
ليش تخلينهم يطردوني خل اروح نعم الله عليهم لفوني
-شنو نعم الله مكعدينج بيتهم ترى بيتي
مديحه::ميخالف ثابت هم خطيه ترى ادري بي ينام عدهم
خليني اروح صدكيني اريحلي ماجاي تحسين بيه ماريد بشر
-سكتت عنها اجه ثابت كتله
ثابت::لا يابة وين تكعد وحدها هسه أنه احجي وياها
- عفته ورحت كلتلها لبسي شالج ثابت راح يجي ،،
هزت راسها اي دخل سلم عليها
ثابت::هنا بيتج وان شاء الله أنه اخوج بس مال اعوفج
-قاطعته
مديحه::أنه اريد ابقى وحدي اترجاك
ثابت::يابة مايصير وبعدين طارق امنج عدنا ترى
هو مستأجر بيت حسب ماكال
مديحه::اي وشنو يعني ارجع ويا ؟
ثابت::ترى هو محتاجج لاتتوقعين هين علية الصار
بس الرجل مو مثل المرأة يبجي ويصرخ يكبت حزنه بداخله
صدكيني متأذي ولازم انتو واحد يسند الثاني
مديحه::خل أمه اتسندة.
ثابت::الله يرحمها .
-فزت مديحه تسال .
مديحه::شنو ماتتت لااااا شلون ماتتت ليش جا شلون
أخذ ثأري منها ليششششش ياربي ليشش هيج
-ضلت تصرخ وتلطم كوى لزمتها طلع ثابت
مديحه::انبشها من گبرها بس خل تصبرلي
-تحجي بحرگة تعبت وتعبتني .بقيت يمها مرة ابجي وياها
ومرة اصبرها،، صاح عليه ثابت ،، عفتها وطلعت .
ثابت::راح يجي الباشا لأن كلامها يدل على من افتعل
الحريق فاطمه الله يغفر ذنبها
-معقولة رب العالمين يغفرلها ومايعاقبها؟
ثابت::هو الغفور الرحيم شنو هل كلام يابة انتي ادعيلها
بالمغفرة وهيه وربها جزاها يمه
-لا والله ماادعي وكون مايغفرلها،، باوعلي وهز ايدة وطلع يفتح الباب للباشا وأنه رجعت لمديحه الي سوت صدرها
خريطه لميت شعرها لبستها الشال دخلو كعد كبالها
الباشا::نبشتلج أهل فاطمه نبش بس الموت نفذها مني
هسه اريدج تحجيلي كل شيء لأن اليوم اخو فاطمه
مقدم شكوى ومتهم حتى طارق يكول همه سوو هيج حتى يخلصون منها ويكوشون على الأملاك
-بدت مديحه تسرد.
مديحه::بيومها خابرني گال عندي خطار فكمت احضر كعدت هيه صاحتلي بدلت لبنتي ورضعتها وطلعت اكمل شغلي اجت سألتني .
فاطمه::شكو مطلعه السمج الكبار
-فحبيت اجاكرها كلتلها اخواتي جايات هنه وزلمهن
تخبلت
فاطمه::ادري ابوج متبري منج ومالج أهل منين طلعلج
خوات لو هم مثلج نغولة
-تحجي وتناشغ متت احس عيوني طفت
مديحه::ضلت تصيح وجرت السمجه تريد ترجعها
گلتلها الخطار لطارق اجذب عليج كوى قنعت عافتني ودخلت ،، خابرت طارق گتله قبل لاتوصل كلي حتى اشوي والتهيت انضف كل شويه اروح اشوف بنتي واخذلي منها حظنه
-خنكتها العبرة بجت .
الباشا::الله يصبرج ،، وهيه طير جنة
هزت راسها وكملت كلامها والباشا وثابت يستمعون
مديحه::ضلت تغلط وتسب عفتها بس هيه ماسدت الباب مال غرفتها بقت تباوعلي وأنه افتر بالبيت تأخر طارق خابرته كال اشوي،، عدهم بالحديقة منقلة صعدت اجيب فحم لأن همه مخلينه بالبيتونه نزلت شفت باب غرفة فاطمة مسدود كلت نامت،، بس شميت ريحه غاز قويه
اتفحصت عيون الطباخ ما بيها شي ماخليت أبالي توجهة للحديقه وانصدم بيها اجت من الحديقه تمشي وتتلفت باوعتلي متفاجئة عينها لگونية الفحم الي بيدي سالتني
فاطمه::هذا شلج بي .
-اريد اشوي بي راح يجي طارق
فاطمه::لا اشوي بالفرن مال الطباخ لاتشعلين نار البيت
ينترس دخان
-السمجه جبيرة وماتستوي بالفرن .
فاطمه::گتلج لا
-جا المن حاطين الفحم والمنقله بعد
فاطمه::يله يله لا تدرمين
-ضليت محتارة وهيه بقت واكفه تالي جرت الفحم مني
ومشت دخلت گلت اخابرة بلكي يحجي وياها اتصلت بي
كال عوفيها أنه اشويها ،، يأبه خاف ماتلحك تستوي كال
لا معليج ولاتجادلين امي سكتت عاد هيه بقت بالمطبخ
عفتها وصعدت بعدني على الدرج صاحت عليه
فاطمه::شو ماشويتي .
-هو يشويها بالمخبز الي بالركن صعدت فوگ هم خذتلي مشوار بالغرفه ونزلت هيه سادة باب الغرفه بس ريحة الغاز
دوختني اباوع الطباخ طافيه،،كلت يجوز هيه شغلتها عيالها
اشوي بالفرن ، عاد تذكرت هيه شجانت تسوي بالحديقة طلعت وكل ضني رشت خل على ملابسي كلت خل اشيلهن من الحبل دخلتهن لغرفه قدر ورجعت شغلت الماطور غسلت الكراج دنكت الم الصوندة سمعت باب انطبك رفعت راسي وأشوف فاطمة شايلة عسل بس جانت لابسة عبايتها استغربت،، وهيه شلون الي انصدمت ضلت تباوعلي وتباوع للمطبخ أنه هم صفنت هاي وين رايحه وليش ماخذة بنتي توني اخطي من مكاني واريد اسالها ،، بسرعه دارت وجها وفتحت باب المطبخ ودخلت بس جانت شلون المصدومه ماكو ثواني مثل رمشة عين يمكن بعدها ماواصله عتبت الباب الداخلي لا يمكن يم الثلاجه لأن ماضن عبرت المطبخ والصوت گانو انفجار .بحيث طحت على وجهي مدري من الخوف مدري هو من قوة الطكه بحرورة گلب كمت اصرخ النار جانت توها تلهب واندفع باب الرئيسي من شفت طارق مثلالي امنت
ركضت اريد ادخل وهو لزمني ضليت اصرخ اگله امك وعسل
جوى اريد أفلت روحي منه والنار كامت تلهب بحيث الترك
اشتغل جرني للباب دفعني للشارع ورد دخل الناس التمت
ادخل اوصل الكراج ويجروني ماخلوني أنقذها هو كله منه
كتله بتي جوى ماقبل افوت لحد ما النار لهمت صفحة
ولمحت حتى الشباك مال الصاله هم يطلع منه دخان
الباشا::اي لأن النار لازمه بالبردات ويكول جانت قنفه
صغيرة مخليها بالكدور وهاي قريبه للمطبخ الضاهر النار
مجلبة بيها .
-اي هيه جانت ماتذب شي حتى الملابس القديمه
تحطهن بگواني لو جنط وتخليهم بالترك .
الباشا::وبعد انتي ادرى بيتج اكيد الستائر وكل شي
قابل للاشتعال أما الحريق القوي الي منع دخولكم هو المطبخ والترك لأن من منفجر المطبخ بسبب قوة
الصوت الجام تكسر والنار لهبت الترك
مديحه::بس أنه ماشاعله الفرن ابد
الباشا::الضاهر هيه امفلته الصوندة من الطباخ
وفاتحه الغاز وترى الغاز سريع الاشتعال وهم مو بس سبب
الحريق ،، الي أكد الحريق بفعل فاعل بعد كشف الأدلة لكو اثار لشئ كان بي نفط موجود بين المطبخ والكلدور يعني
هاي جانت متصورة انتي بعدج فوك .
-حجيت بقهر يعني بسببها ماتت طفلة.
الباشا::تعددت الأسباب والموت واحد ،، المهم يابة أنه
لازم اخذج للمركز تنطين اقوالج والشغله لو يمي جان
ماخذتج بس تعرفين هذا مركز محلي بس لان الولد بي يعرفوني اجلو احضارج
مديحه::وبعد شنو الفائدة من اقوالي
غير كون عدلة وتنسجن .
الباشا::ربج ماقصر حرمها من الجانت مستخسرته بيج
وتالي راحت وهيه خسرانه الدنيا والآخرة.
مديحه::وأخذت بنتي وياها .خذت فرحتي.
-وجهت كلامي لثابت ها وتگلي
ادعيلها .
ثابت::يابة هيه داخلة عملية وكتلج ادعي
-اي جا تكلي خل رب العالمين يغفرلها
ثابت::هيه وربها يابة
-ان شاءالله يحركها بنار جهنم ،،دار وجه يستغفر والباشا
يحاول يخفي ابتسامته كام.
الباشا::يلة يابه امشينا حتى تبرين نفسج وطارق خطيه
لأن كسر خاطري هذول خوالة شكد انذال بدال وكفتهم
ويا يردون يكسرونه .
-مديحه ضلت ساكته وأنه احجي بحرگة گلب،، خل يسدون فضيحتهم هسه بيت حجي احمد يشروهم على الحبل هم من زمان ضديات .
الباشا::هم ناس تزاود ناس الضاهر أهل فاطمه رادو يثبتون
الأمر عليكم حتى يقصونه بفصل وبيت حجي احمد رادو
يتخلصون من الصفحتين وهذا كلة طمع بااملاك فاروق.
-كمت لبستها وهو وثابت ينتضرونها برى
طلعت تمشي كوى راحوا أنه استغليت الوقت رحت لبيت الحجي ماطولت بسرعة جبت بنتي ورجعت خذتلي مشوار وياها وكفيت بيتي سويت غدة وبقيت انتضرهم اجو
الباشا گبل دنك أخذ تينه غمزلي ثابت بمعنى تبعيها
دخلت لكيتها ممطولة وتناشغ شيجبر گلبج
مديحه::ماكو شي بعد يجبرني
-وهيج ردت اتنوح من جديد يومين وثابت يلح عليها
طارق يريد بس يحجي وياها وهيه رافضه تالي اجه الحجي
وصرت مااهتم من يتغير اسلوبهم كعد وياها
مديحه::عمو مالي رجعه ويا بعد هذول ماينعاش وياهم.
ابو اسعد::لا عاد طارق خوش ولد
مديحه::وأهله موزينين
ابو اسعد::هو بعد منو بقالة
مديحه::لابيت حجي احمد ولا أهل فاطمة راح يتركونه
وخاف نوب يحركوني أنه ويا ياعمي أنه شفت مصائب
والمطع يخلي البشر يگتل ويجرم وهذول يردون يخلصون
منه حتى يورثون المال
-صفن عليها والضاهر اقتنع بكلامها بس هم ماقبل
ابو اسعد::أنه أشرط علية يمنع دخولهم عليج وهو اصلا
علاقتة شبه منتهيه بس يبقون عمامه وخوالة وبلكي
رب العالمين يعوضج بطفل،، يابنتي فكري البعيد الإنسان يكبر ويحتاج اولاد تشيل كبرته ويبقالة ذكر مسامعه الخلف ما مات .
مديحه::اصلا وجودنا غلط واليبقى منا راح تبقى الناس تعيرة فمايصير نترك ذكر ورانا حتى ننسي افضل
النا والناس .
ـباوعلها وكام
ابو اسعد::ارتاحي كم يوم
-عمو إعرف وجودي هنا مو لايق أنه راح اروح اكعد بيت
سونه لحد ماشوفلي حل
التفتت عليها منتفض.
ابو اسعد::لا هذا البيت اصلا راح ينباع
-صحت لااااا عمو مابيعه،، رد بحدة
ابو اسعد::شوفي ياقدر ماردت اغثج بس لازم تعرفين
بعد سوايت اختج مااقبل ولا اتقبل وجودها وإذا تتصل
بيج بلغيها تحضر حتى يخلصها من ذمته .
-قبل مارد حجت مديحه
مديحه::هيه حامل .
-شهكت وهو فك عيونه بصدمه هزت راسها مديحه مأكدة كلامها طلع شايط وأنه بعدني بهول المفاجئة كعدت بهتانه
شوكت وليش ماكالتلي يعني هيه تخابرج
مديحه::بيوم المصيبه اتصلت بيه
-وليش ماكلتيلي وليش مااتصلت بيه
مديحه::ترى مالي خلك اسوالفج
-سكتت بس العبرة خانكتني ،، ردت هيه بصوت مبحوح
مديحه::بيومها كلتلج اكمل شغلي واخابرج واحتمال اجيج
لأن هيه وصتني مااحجي وخافت عليج تبقين تنتضرين
جيتي ترى كالت روحي لها واتصلن
-زين وين هيه ؟
مديحه::ماقبلت تحجيلي بس كالت لاتخافين عليه
-زين رقمها ؟
مديحه::بنقالي واكيد احترك لأن هو بالمطبخ بس اكيد راح تتصل بيج اذا دكت ولكتة مغلق .
وحملها ليش ماكالتلي عنه ؟
مديحه::قدر اترجاج،، يعني ماتعرفيها
-كمت ادور نقالي الي من يوم المصيبه بعد ما شفته
لأن مديحه يمي وثابت مايغيب عني فنسيته نفشت الصالة
و الغرفه ماكو صاحت عليه رجعت يمها
مديحه::أنه لازم اروح بعد مايصير ابقى هنا .
قدر::وروح امي تخليني اطك روحي بهذا الحائط
كافي عاد شبيجن شبيجن كارهات البقاء يمي ليش ؟
مديحه::ولج ماشفتي خاله وفيه ونوب الحجي اكيد بعد خبر حمل سونه راح تصير مشاكل وأنه مو حمل كلام اترجاج
-كعدت كبالها لزمت أيدها ،،شوفي إذا واحد سمعج
كلمة عاتبيني
مديحه::بس حسي بيه اريد ابجي اريد الطم
اريد اصرخ وهنا مقيدة وهم شنو ذنب تينه ضالة يامودينها ياجايبينها قدر احتظني بنتج لاتخليها تتعود على حظن غيرج لاتغلطين غلطي.
-ميخالف بس ارتاحي ونوب اوديج بيت سونه
مديحه::الحجي ماراح يقبل
- لاتشوفيني ساكتة من يجي وقتها العب لعب
واريد اخلي حد لهاي المهزلة .
مديحه::هو أنه خايفة من تسرعج ولج لاتخسرين بينج
وثابت خوش ولد وبنتج فكري بيها .
-بقت تلح حاولت أقنعها بس هل ايام ،،سكتت اجه ثابت ومن وجهه عرفت وصلة خبر بحمل سونه
ثابت::جنتي تعرفين
-بيمن اتثق مااعرف
ثابت::سألي مديحه وين هيه عد منو ساكنه
-تحلف سونه ماكيلتلها شي،، بعدنا نحجي والباشا دك الباب
كعدت مستعدة لنفس السؤال وجاوبته بنفس الرد مااعرف
الباشا::صيحيلي مديحه
-طلعت مديحه كعدت كبالة استلمها تحقيق
ونفس كلامها الي عادته آلة .
مديحه::قبل لا تطلع من البيت باايام اكتشفت الموضوع
الباشا::وين رقمها ؟
مديحه::بنقالي واكيد صار رماد.
الباشا::صدك مو مال احترام ،، اول وتالي تتصل بيج ياقدر تبلغيها عن لساني كوليلها ترجع والبينه الي بطنها
وبعد ماريد اشوف خلقتها .
-وانه نقالي عاطل وحتى مادري بي وين؟
-طلع وهو يتحلف بيها ،، مديحه يوم عن يوم تذبل
تنوح ليل نهار تسكت من تشوف تينه تكعد وأنه بعد مادزيتها لبيت الحجي ثابت حيل مغثوث واكيد متحاجي هناك
تعبت المن التفت بنتي الي تتنحس وهل شي لان مادزها لبيت الحجي لو مديحه الي أحسها تريد تنتحر بحيث قطعت الاكل والعرفته ثابت داز نقالي التصليح وبعد إلحاح جابة بقيت اتأمل من سونه اتصال ،،نغم ماكطعت مني
اتلكيتها من الباب دارت وجهها بزعل تفاجئت من تصرفها
نغم::حسبتج اختي ولج شلون شلون تخليها تغلط هيج
غلطه ليش هيج وأنه اكول سونه عاقله زين ليش انتي
ماحجيتي جان اتلاحكنا الأمر .
-شبيج هو أنه ادري بيها من طلعت
نغم::مامعقولة تضم عنج خبر حملها لو بوقتها حاجايات
جان الكل سد حلگه وغصب تقبلوا الأمر بس بعد هاي الكارثه
مستحيل الحجي يسكت ولج مصيبه ابد مو هينه
-دتعاي فوتي نسولف جوى ،، دخلت وكل ضني تحجي
لأن سونه طلعت من بيتها بس انصدمت من گالت
نغم::شكبرها عليهم من خابرهم الشيخ يكلهم
جنتكم .
-قاطعتها شسالفه ترى كبرتوها ،، باوعتلي ماراضيه
نغم::يعني تشوفيها صغيرة ههه مع الاسف عليج
المهم الله يحل أمرها .
-يابة ترى تعبت ملت شو لأهم عايفيها ولا متقبيها
احجي مالة الله .
نغم:'بعد شتفيد الحجي يوماكاسر خاطري غير اسعد
الي حسيته انطعن .
-سكتت ماردت اجادلها .خذتلها مشوار تحجي وتلوم اعرف مو كرها بينا فمازعلت عليها راحت ،،شويه ودخل ثابت وجهه مگلوب دخل للغرفه وصاح عليه
ثابت تعاي حضريلي صخام
-دخلت احجي ابرود ترى مايحتاج تصيح شگو
ثابت::سلامتج ،، اختج حطتنا بمصيبة
-باوعتلة صاح
ثابت::فضيها راح تبقين صافنه بوجهي
-شكووو ترى مصختوها شو شيصير وصحتو. اختج
خلص عوفوها عليمن ماراضين مو هذا الردتو
ثابت::غير كون صدك ونخلص ولجججج كارثه
مسويتلها مصيبه شكبرها
-احس رجليه كامن يرجفن اريد افهم منه شي ماكو يصيح
ويضرب باب الكنتور ،،انه صوجي أنه لو ماخلي عندج فلوس
لو مامنطيج مجال جان لاطلعت وانجبت بيتها .
-بس فهمني شنو صاير يافلوس وبعدين شنو نأخذه
منك ترى فلوسي ،، تقدم عليه عتني من ملابسي تفاجئت
ثابت::اششش ماسمعلج صوت اسكتي لااجرم بيج
-هزيت راسي اي،، وأنه اباوعلة بخوف نزلت دموعي
حجيت بكسرة عوفني اريد اروح للحمام دفعني طلعت
ركض احس روحي شاطت لشوكت لشوكت تبقى حالتي
لطمت وجهي حيل طلعت من الحمام لكيته بالصالة
ومديحه واكفه تحجي ويا.
مديحه::يابة بس فهمني شصاير غير نعرف .
-باوعلي ويمكن راد يبرر تصرفه حجه بتعب
ثابت::واحد متهجم عليها لبيتها وصايرة هوسه
-لطمت على صدري يممممه التفت عليه
ثابت::ما بيها شي كلش ماصايرلها ذيج هيه جنها قرد
مديحه::ياأخي احجي اترجاك ارحم حالنة شلون عرفت
شنو اتصلت بيكم لو شنو
ثابت::لا بس هيه مشتكيه على الولد الضاهر هو بنفس
المنطقه الي هيه بيها فماخذته الحكومه وشيخه
متصل بشيخنا .
مديحه::هم مافهمت يعني شلون عرفو شيخكم
ثابت::بالمركز كايلتلهم متزوجه واكيد عرفو اسعد
يعني هيه حاجيتلهم .
مديحه::شو دخت
ثابت::هسه مو وكت احجيلكم أنه رايح لأن الحجي منتضرني
-صحت اروح وياك
ثابت::اي رايح سفرة
-كتلك اروح سفرة فرة اروح اختي .
ثابت::اسكتي لأن واصل حدي .
مديحه::روح الله وياك قدر سدي حلكج.
-عافنا وطلع
مديحه::يعني تشوفينه مال حجي ولج يگلج
مشكلة وشكوى وشيوخ،، دخابري نغم خل تجي نفهم منها
-اتصلت كلتلها تعاي لحد مااجت الف سالفه وصيبه اجت أبالي
نغم::من حجيت ماقبلتي.
-ماعبالي صاير هيج بس فهميني شصار ؟
نغم::حسب العرفته واحد متعرضلها وهيه رايحه
مشتكيه عليه وتعرفين الناس بعد أهله تريدين
يفرون السالفة عليها فطاعنين بيها على ابو وحدها وهيه مو راحة واصلا مو من بغداد فالشرطة هم شاكين باامرها
بس هيه شاطرة عاد كايلتلهم متزوجه فطالبين منها العقد
كايلتلهم عد زوجي مطيتهم اسم اسعد وعنوانه والضاهر
الضابط. منطي المعلومات لاهل الولد فواصلين للشيخ
مديحه::بداعت ابوج ما بيها شي
نغم::لا وداعت ابوي أنه سألت اياد كال ما بيها شي
وهسه راحو أسعد وعمو وثابت واكيد يجيبوها وياهم
بلة اروح أنه .
-ضلينا أنه ومديحه بس دموعنا تصب لشوكت نبقى
هيج لشوكت المصايب لاحكتنا ياربييي
مديحه::كتلها لاطلعين من بيتج ولج لا تغلطين
يله هسه شيحلها بعد .
-يومين واحنه على نار اتصل بثابت مايرد عليه
بس نغم راحمه حالنا أخبرها اطمني
نغم::لا تخافين مابيها شي.
-مكابلة نقال وعيني للكامرة فزيت من شفت سيارتة طبكت قبل ماافتحلة الباب صاحت عليه مديحه
مديحه::لاتضلين تنعثلين سدي حلكج وخلينا نفهم
دخل سلم بثگل حضرتلة الحمام سبح وطلع أخذ تينه
بوجهه للغرفه،، التفتت اباوع لمديحه
مديحه::روحي اسألي بس بدون صياح
-دخلت لكيته يلعب بتينة وحتى ماباوعلي حسيته
جاي يذلني ماكدرت اتمالك اعصابي ،، حجيت وأنه افور
ممكن تكلي شصاير ويا اختي ،، رفع رأسه
ثابت::هيه كل ساعة نعيدها گتلج واحد متعرضلها
-ماعرف ومشتكيه عليه هاي فهمتها وشيخهم خابر لشيخكم
وهذا كلة ما يهمني ،، اريد اعرف هيه وين وليش ماجبتها
ثابت::ماقبلت ترجع خو مااجرها بحبل
-وهسه المفروض اصدك لو شنو ؟ يمعود احجي
ترى تعبتني ،، لو أكلك على هو ليش أتوسل بيك
خو اروحلها
ثابت::عتبي الباب وشوفي
-تمنعني شنو ؟
ثابت::واكسر راسج اسمعي يا قدر لهنا وينسد الموضوع
كافي الي صار ولج شكبرها علينا كدام إلزلم ولج الشيخ
لعب بينا لعب تدرين المصيبة الحطتنا بيها ولج شكبرها
علينا من نكول جنتنا الناس ضلت تحجي شنو مرتكم
شنو كاعدة لوحدها شنو انتم بمحافظة وهيه بمحافظه
من غير موقف اسعد بالمركز بس اتلافينا الموضوع
فسكتي افضل ،، جايه تحجين برود شنو انتن ولج
هيج عادي بالنسبة الجن حطتلها بيت وكعدت عبالجن الدنيا تايهه زلم ماكدرت تسكن وحدها بس وين هذا الكلام وياجن
-مااطاني مجال احجي ،، زين بس فهمني ليش مارجعت
والباشا شلون قبل تبقى .
ثابت::ماتدخلين هيه وزوجها يرجعها يطلكها
يخليها هناك مالح دخل،،وهسه بيها مجال تعوفيني انام
-عفته وطلعت بقت تينه يمه
مديحه::ها بشري
-كعدت كبالها وحجيلتاها الكاله
مديحه::لاتلحين خلي يبرد وباجر نفتهم منه
اكيد جابو رقمها عود نخابرها ونطمن .
-كمت احضر مميات تينه گلت اجيبها وانام يم مديحه
اخت. ترمز الماي وقوطية الحليب ارد افتح الباب لگيته
مقفول يا هيه شبيها قفلته دكيت
مديحه::روحي لغرفتج قدر
-خرب ابوج على هاي الدگه درت وجهي ودخلت
لغرفتي لكيتهم نايمين خليت الاغراض على الميز وجريتلي
غطى اريد انام بالكاع فززني من حجه
ثابت::تعاي شيلي رقاوي لفراشها.
-شلتها وطلعت دكيت الباب على مديحه
ولج اريد اخلي تينه يمج فتحت الباب خذتها مني
مديحه::اطنياها وروحي جيبي مميتها وانقلعي
-شمرت الغراض عليها ورجعت لغرفتي تمددت بس
احس نار بگلبي دموعي تصب وصوت حسرتي فززة
ثابت::هسه عليمن تنوحين
ـگلبي نار عليها خاف يصيرلها شي.
ثابت::لا هيه شاطرة والدليل ماسكتت عن حقها
ولا خافت رغم هيه غريبه بس لاعبه لعب بيهم
شبيج غير اجو يتوسلون رادوها تتنازل والشهادة لله
صديقتها وكفت وياها ولو متأكد اهلها مراح يسكتون
عنها بي البنية شاهدة بالمركز بأن سونه ماعدها شي موزين .
-ليش ماجبتها وياك .
ثابت::وروح امي وداعت الحجي ورقاوي والله والله
توسلت بيها ترجع وياي رفضت ولا انطتني رقمها
- لو عارفه بالصار لمديحه جان اجت
ثابت::ماردت احملها الم فوك المها خطيه گلت
خليها ترتاح واول وتالي ترجع وان مارجعت فمستحيل تنقطع عنجن.
ـتاخذني الها .
ثابت::اريدها تجي اذا اخذتج راح تبقى هناك.
-سكتت مجبورة وبقيت اتأمل اتصالها
ثاني يوم حجيت لمديحه .
مديحه::اول وتالي تتصل بينا .
-ثكل وجه خالة علية ،،وكلهم أخذوا موقف ،،تعبت المن التفتت بيمن افكر وهاي مديحه يوم عن يوم حزنها يزيد وبسبب انتكاس حالتها وبعد ماوصلت مرحله من التعب النفسي وخفنا عليها تسوي شي بنفسها كوى وبعد معانات
عرضناها على دكتور نفسي واخخ ياهاي المرحلة ماتوقعت ولا تصورت اسمع كل هذا أصرت ادخل وياها نضرلها نضرة خاطفه كعدت وأنه مسافة عنها
الدكتور::اي مديحه مو اسمج مديحه
مديحه::اي يمكن هذا اسمي
الدكتور::الإنسان اول ماينولد يأذنون باسمه وبعدها يتسمى
ويمكن هسه الناس تحضر الاسم والجنين بعدة ماكامل بطنه
أمه لكن بالحالتين يتوضعله تعريف اسم ثلاثي مع لقب
بغض النضر عن الديانه
-ساكته وعيونها ادور بارجاء الغرفه
الدكتور::بس أنه اشوف انتي ماحابة اسمج ترى يصير تغيري
مديحه::يصير ؟اغير كلشي لأن أنه كلي مو عاجبتني
يصير امسح عمري من اول يوم وابدي من يوم أنه اختارة
هو بيها مجال ننولد من جديد واحنى نختار اهلنا وحياتنا
زين والماضي
الدكتور::زين تحجيلي عن حياتج ونشوف شنو الي نكدر نغيرة الماضي نكدر نمحي يوم سيء نستبدلة بحدث مفرح
شوفي تكدرين ترجعين نفسج لقبل سنه اكيد لا لأن الزمن
عبر ولا يمكن نرجع الزمن بس نحاول نستذكر
مديحه::من ياعمر نبدي ؟
الدكتور::أكثر ايام عشتي بيها مسئاة حتى وإن كانت قبل
٤ ٣ سنوات
مديحه::كلهن من عمر ٧او٨ وبدت المساة اول ماخطت رجلي الشارع اول يوم عبرت الركن بي اول مدت ابد وأنه اجذب عمو امي ميته وأبو ميت الله يخليك اطيني ربع
-شهكت باوعلي الدكتور معترض خليت ايدي على حلكي
وهي استرسلت تحجي
مديحه::اول يوم جروني للخرابه وجان شي غريب
ومنا بدت ايام مرة اشرد ومرة ينقذني النصافات
الدكتور::تعرضتي للتحرش
مديحه::بكل أنواعه بس مو تحرش كامل لااااا لأن
جانو منتضريني اكبر حتى يبيعوني بسعر زين
تعرف اليشتري شاحنة يريدها اصلية ومحد نستعملها قبله
اول عقوبه من ايد النصافات ،، تدري لو مخلين نغولة الجدة
مغتصبيني ولا عقوبتهن ومنا بدت حياتي احنى مانكبر كل سنه لا كل شهر وبين سيارات التقاطع وبين بساطي الامخضر وبين وكفات الركن اغتصبوا عيوني لأن وقتها
شفت أمور اغتصبوا برائتي لأن علموني السرقه اغتصبوا
اماني لأن من كثر الخوف العشته كمت ماادور امان
وصرت أنه اروح للخطر ردت اعرف كل شي يصير
ولو تدري شيصير باخر الصعدة من بعد الساعه وحدة بليل
وخاصه بأيام الشتى ويدعون تمطر حتى ماكو حركة ومحد
يطلع ومنا بديت احط عيني بكل زف حايط
-لا عقلي تقبل الحجته ولا الدكتور استوعب بحيث
ضغط على الجرس بصفه دخلت السكرتيرة گالها
الغي المواعيد اعتذري من المراجعين وبقى يستمع
لمديحه بتركيز وأنه انهاريت راد يطلعني بس هيه ماقبلت
مديحه::خليها أنه اريدها تعرف شصار وياي حتى لاتعتب عليه
الدكتور::نكمل موقف حدث مريتي بي ؟
مديحه:'من اتعاقب بيد حربا
الدكتور::بس انتي كلتي تعودت وصرت ماخاف
مديحه::مو خوف شي ثاني ماعرف اوصفه
بس ساعتها جنت اطلب امان وستر وجنت ادعي بگلبي
بحيث شفت اي شي ماراح يخلصني من ايدها تمنيت
اسمع صريخ بالشارع وهيه تطلع تشوف شصار ويكلولها
ام مديحه ماتت حتى تعوفني
الدكتور::لا مااتفق وياج الإنسان ممكن يتمنى يموت بس ما يتمنى الموت لامه .
مديحه::لو أنته مكاني،، واكف بدون ملابس مثل واحد
جاي يسبح وكاعده كبالك حربا وكل شويه تمد أيدها
تتلمس جسمگ ونضراتها تخليك تتخيل شراح تسوي بيك
جان تمنيت اهلك كلهم يموتون .
-ماكدرت اكتم عبرتي بجيت بصوت وهو صفن
يمكن ماصدك حجت أمور واحداث ماتوقعتها جنت اكول
اقوى حدث صار بينا هو من دخلنا لبيت طشه وجذبنا
بالطقوس وقتها حسبوني خاصه بيهم وجبرونا على حضور
كل جلسه ويا هاي الجلسات اموت وأحيا الف مرة وماانساها
بس الي مارة بي مديحه شي مايتصدك شلون بقت عايشه
تحجي والدكتور يسمعلها بتركيز .
مديحه::هم جربت احساس من أنته طفل وتنطك
وتسكت لأن محد يدافعلك هيج أنه من جانو يكتلوني
اذا اتعديت التقاطع الي مخصص اجدي بي مرات
تأخذني رجليه وانسى هاي المنطقه خاصه بمجموعه
ثانيه ،، عاد يلزمني يسحلوني سحل ابجي واسكت
تمنيت من أحد يجرني للخرابة وتفزعلي امي تكتلهم
تشتكي عليهم لا جانت دخلني وتسد الباب واقوى شي
تسألني خو ماكدر !!! وتتفحص جسمي وأشوف
اثر عضات وطكات بس ماجانت تعتبر هذا اعتداء
الدكتور::بس انتي بطلة الي كدرتي تحافظين
مديحه::شنو دكتور شفتني حربا ترى همه جانو
محافظين عليه حتى يبيعوني بس ،،منطين مجال
لنغولة الجدة ياخذون حاجتهم بغير طريقه
الدكتور:'عالم غريب ولو أنه اعرف خطورة هل مكان
بس عبالنا اقوى شي بي هو بيع الممنوع وبيوت
العهر .
مديحه::ها هسه شنو نكدر نغير ويايوم نكدر نمسحه
الدكتور::مو ممكن الإنسان ينسى لكن يكدر يتناسه
يعيش ويتضاهر كأنو مامر بهذا كله يكدر يبني حياة
جديدة خاليه من اي خطئ ،، ويترك الماضي بمساحه.
مديحه::غير كون انتم تعوفون الماضي غير تعاملونا
طبيعي زين احلفك باامك ،، لو ابنك بيوم اجاك وكالك
حبيت وحدة واريد اتزوجها
الدكتور::افرح لأن هو اختار
مديحه::من تعرف اختار بنت امها كأولية ومالها اب
وعايشه بالصعدة تقبل
الدكتور:'انه مايصير اكذب عليج ،،اكيد لا مااقبل
بس هو اذا يحبها صدك ماراح يتركها وممكن يتزوجها
مديحه::اي بس أنته راح تتقبل
الدكتور::لا اگوله خذتها روح عيش أنته وياها بعيد عني
وابقى انتضر يفشل هل زواج ويرجع ابني واختارلة زوجه
تناسب مستوى الاجتماعي والعلمي والمادي
-باوعت للدكتور هز رأسه
الدكتور::يامديحه انتي ما تحتاجين علاج
احنى المرضى ومراح نتعالج بسبب العادات والتقاليد
ونضرة المجتمع وتمسكنا بأن نكون افضل وأرقى
شي بالمجتمع كون أنه دكتور ابني صيدلاني لازم
يتزوج محاميه أو دكتورة .
مديحه::خلص إذن نرجع لمكانه لأن ماتتقبلونا
-كامت واشرتلي يله .
الدكتور::بس ماحجينا كلشي
-كملت تحجيلة لحد ماوصلت الحادث وهنا انهارت
خلاها تبجي لحد ماسكتت سألته بتعب
مديحه::هسه خلصت الجلسة اروح
الدكتور::بس سؤال ممكن ؟
-هزت راسها اي .
الدكتور::لو انتي الدكتور وأنه المريض شتنصحيني ؟
مديحه::اگلك ابعد وعيش حياتك لاتختلط بالناس
خليك ويه روحك عندك بيت اكعد بيتك اكل اشرب نام
اطلع روح زور تونس افتحلك مشروع تتسلى بي
الدكتور::خلص إذن انتي عيشي واتركي كل شي
يذكرج بالماضي ابتعد عن كل شخص يعاملج وگانو انتي
نكرة أو خطى ملحوظ .
مديحه::هو أنه هيج راح اسوي.
الدكتور::انتضرج الاسبوع المقبل
اريد اشوف شراح تغيرين حاب اتعلم منج .
مديحه::متفقين .
-طلعنا والحلو بثابت ماسألني عن الدار داخل العيادة
طارق تعب وهو يحاول يقنعها ترجع ويا وثابت ابد ماضغط
عليها رغم الحجي كل يوم يحجي وياها بس هيه رفضت
ابو اسعد::لا تأخذين كلامي بغير معنى بس اذا اطلكتي
لشوكت تبقين وحدج ؟
مديحه::للموت
ابو اسعد::وشلون تعيشين ؟
مديحه::الله كريم شوف رب العالمين شكاتبلي .
ابو اسعد::والنعم بالله عفيه عليج خلي امورج بيد الله
اي قدر شخبار اختج ؟
-ماتصلت بيه عمو .
ابو اسعد؛:شوفي بنتي يمكن تكولين ضلم اختي ماعنده
مالت الله الحجي مو حقاني
لا العفو
أبو أسعد::اسمعي يا بنتي الحياة ماتنعاش مثل ما انتو تفكرون ،، أنه مارفضتها كرها ولا استنقاص،،لكن ابسط
مثال بعد كم يوم زواج اخو نغم واكيد راح يعزمونا
-هزيت راسي اي
ابو اسعد::شتتوقعين اسعد يأخذ اريج لو اختج
-اكيد اريج
ابو اسعد::ليش ؟
-لان هيه زوجته كدام الناس
ابو اسعد::بس الكل عرف هو تزوج اختج بس كولي
كواجه يأخذ اريج حتى لاينحرج من مهامس الموجودين
لو يأخذ اختج راح يكون محط أنضار حتى لو ماحجو بوجه
يحجون بضهرة ها شفت زوجه اسعد الثانيه هاي الي اخذها
من شارع كذا ،، والمقابل يكوله هذا مو عاقل يعني بشرفك
واحد بمنصبة يتزوج هاي لا والكارثه عاف بنت خالة وبهذا
جهالة ،، من غير الي يريد يهز صورته أمام الناس راح يتعمد
يسمعه كلمه وهنا اسعد مستحيل يسكت وتصير هوسه
والناس تبقى تعلج بيها ايام .
-اذا هيج معناها ثابت مايخذني لأن هم راح نتعرض.
ابو اسعد::ثابت مختلف عن اسعد اولا متأكد لو تعرض
لكلمه مستحيل يثير مشكلة وانتي ويا حتى ماينطي
فرصه للي يريد يستنقص منج ثانيه يابنتي ثابت
زرعج وسطنا خلال تنخرطين بينا وأصر على اختلاطج
بناتنا واعرف تفكيرة ماراد يستغربون وجودج خلاهم اتقبلوج بالتدريج ،، شلون افهمج يعني لو صار واجب
بيت اختي ام جواد من راح ترحين اكيد هناك بنتها
وهيه تعرفج وحاجيه وياج وبينكم صداقه فراح تتلكاج
وجدتها هم واكيد بقية اقاربنا من النساء الي التقتي بيهم
بيتنا وراح يستقبلنج لأن انتي استقبلتيهم بيتنا فهمتي
ياقدر إصرار ثابت على تواجدج بيتي لأن لو عازلج
جان واجهتي صعوبه بس هو ذكي خله معرفت الناس
الج بيتي ليش لان مادامج بيتي محد منهن تكدر تعاملج
بستزغار وهيج تقبلوا وتعودو على وجودج بينا .
-هزيت راسي متفهمه كلامه.
ابو اسعد::ماجاملج والحق يقال،، اولا لو ثابت
مستقر بزواجه من مريم جان مافكر يتزوجج
ترى احجي. وأنه متأكدة اي نعم يجوز يوكف وياج
جان امنلج مكان بس مستحيل يهدم بيته لكن الي
ساعد بنجاح زواجكم هو اصلا متأكد من طلاق مريم
ولو مو هيج جان واجهتي مشاكل ويا مريم
والدليل من كانت عدنا كم مرة تعاركتو وبالنهاية انتي
ترجعين لبيتج وهيه تبقعه صح لو لا
-صح .
ابو اسعد::يعني هم جان بقيتي منبوذة بيتج
وهو هم كفا للمشاكل مراح يجيبج النا ،،لكن اسعد مايكدر يسوي هيج
-ليش؟
ابو اسعد::لأن بسبب وجود اريج لا يمكن يكدر يفرض
وجود اختج بينا لنفرض جابها اكيد اول ساعه راح
تصير مشكلة بينهن واحنى نبقى بحيرة أن صرنا ويا اختج
راح نضلم اريج وان دافعنا الأريج نضلم اختج فاكيد هو راح
يجنبنا الحرج فيضطر يرجع اختج لبيتها وهنا النساء تتعاطف ويا اريج شفتي خطيه شلون كسر بنيت عمته وأخذ هاي عليها وذيج ترد اي والله خطيه بس شنكول بعد اكيد هاي فرت عقلة جا هيه غير رقاصه
-هزيت راسي اي
ابو اسعد::ابني وأنه اعرفه اخذها لنفسه حبها ورداها
وميهمه أن تقبلوها أو لا وحتى يخلص من القال والقلت.
راح يگلها بعد لاتدخلين عليهم يخليها مكان ويدللها
بس مايفكر للبعيد بابا،،راح تبقى بعيده والطفل الي
يصير مثلها ومن يكبر يسمع ويلاقي نفس الرفض الي لاقته
أمه وهنا يعيش مأسات بينه وبين نفسه وهيه مراح تتقبل
الأمر صدكيني .ويمكن جدا طبيعي او اكثر النساء حاليا تتمنى وتكيف انو تقطع علاقتها باهل زوجها لكن
بيمن مكتفيه؟ ياقدر انتن ذكيات بابا
ـسكتت محتارة.
ابو اسعد::الي تستغني عن العيال تكتفي بعلاقتها
بأهلها وناسها مراح تحس منبوذة أمها اخواتها
عمات خالات أقارب ،، بس الي مثل حالة اختج
تحس بالوحدة واحجي وماتزعلون
ـاحجي عمو
ابو اسعد::لأن عاشت بالسابق كعشيقه ،،راح تبقى تشوف حياتها ويا بهاي الطريقه هيه مجرد عشيقه مراح تتقبل ولا ترتاح لأن نقص عانت منه والدليل هاي هيه طلعت من بيتها بدون علمه ليش لأن معتبرة زواجه منها كأي زواج سر رجل اخذها لنفسه فما حسبت انو ميصير وإذا سمعو اعيالي
شيكولون والناس زين هو شنو موقفه لا مافكرت
لأن ابالها محد يهمه ومنو يعرف واصلا الكل حاسبني
عشيقه لا اهله اتقبلوني ولا اعتبروني يعني مستحيل
تفكر المهم مستورة بيت وكاعده بذمة رجل حاميني
شايل عيشتي افضل مما أو ابقى اجهد نفسي
لحتى اوفر عيشه لنفسي مافكرت
-اي غير انتو ماردتوها
ابو اسعد::رجعنا لنفس المربع لج بابا أنه ماكدرت
اعالج الأمر يعني لو واكف بوجه اريج وكايل خلص
هو تزوجها خو مايطلكها حرام ،، زين هنا مو حرام
اهدم بيت وبهذل جهال لأن اريج راح تشوفني صاف
ويا وهنا الناس كلها ها ابو اسعد شلون هيج
يابة تزوجها ،، اي وشنو يعني ماعندك كلمه على ابنك
يعني عادي يحطم بنت عمته واولادة يطشرون يعني
توكف ويا الغريبه على اختك ،، ها هنا خليج مكاني
ـدخت
ابو اسعد::وأنه دايخ أكثر منج محتار بين اختج
وطفل معاق يبجي بالم حالتة تحتاج رعاية
-زين شنو الحل وهيه هسه حامل
ابو اسعد::هيه اتفقت ويا اسعد تولد ويطلكها
وهذا افضل حل .
-خلص عمو هيه اختي اساسا بعد ماترجعله.
ابو اسعد::وهيج أنه اكون ضلمتها .
-جا شنسوي غير تكول تهدم بيته؟
ابو اسعد::حجيت وياها وكلت الها بعدي منا وجان
قصدي أبعادها عن المشاكل لاتتوقعين هجوم النساء
عليها مر عليه مرور الكرام لا والله لحد الآن ابحث
بالأمر وخفت يتعرضولها بغير سالفه
-عمو تجي وأنه احجي وياها تبيع البيت اصلا هيه
بعد ماتبقى اذا هل شي يخلي اريج ترجع لأولادها
ابو اسعد؛:هاي عقابها يمي عسير بس خل ترجع
خاف عبالج الي سوته أمر هين لكن الطفل بحاجتها
بس راح تندم واعرف ومتأكد بعد الصار اسعد لا
يمكن يرجع وياها مثل قبل صار شرخ بعلاقتهم
ـخو مو ذنب اختي ترى هيه المفروض ماتعوف جهالها
ابو اسعد::اي هذا الي ماجنت متوقعه وهيح ام
لابد التحفظ منها بعد ماعافت اولادها نزلت من عيني .
ـحسيتها رسالة مبطنه منه
-وهيج الايام تمر والباشا اخ الباشا صار مثل المجنون
رغم رجع اريج الي اجتني بحجت تسلم على مديحه
بس جانت نضراتها شماته ،،وسونه ابد لا اتصلت ولا
منها خبر وكل ضني همه منعوها سألت أتوسل
ثابت::وروح امي وداعت الحجي ورقاوي والله والله
توسلت بيها ترجع وياي رفضت بلكي بعد ولادتها تهدء
واستقر وتفكر بعقل
-وشلون تبقى وحدها هناك ومنو الها اذا رادت تولد
ثابت::اكيد من توصل أشهرها منعوفها
-ليل ونهار افكر ورغم هو ابد ماعافني خالة بعد عتبها الي رجعت تجي بس أنه مارحت الهم بسبب وجود اريج صرت أمر عليهم ساعه وارجع بحجت مديحه لوحدها تجنبت مضايقاتها بالكلام رغم يوجعني .
اريج::اكول قدر بما انو اختج مالها رجعه ليش
ماتبيعين البيت هاي عمتي تريد تعزل ورادت مكان
قريب علينا .
-باوعتلها ثواني،، ابتسمت ورديت،، منو گالج
ماترجع ؟
اريج::اله اذا
-اذا شنو شوفي اريج حتى وإن انباع البيت
فماخليها تبعد ابسط شي انطيها القاط الفوك
اريج::ليش هو بيتج
-اكيد بيتي
اريج::من تسكن بي مريم كولي بيتي.
-ههههههه تحلمن انتي وياها .
اريج::انشوف.
مادامنا عايشين نشوف ،،عفتها وطلعت من الصاله
وبكل مرة اصادفها هيج
ثابت:: اليوم طارق بلغي مديحه
ومثل كل مرة طلعت مديحه كعدت كبالة
طارق::لشوكت كليلي حتى اصبر ؟
مديحه::لا تعب نفسك .
طارق::شوفي اجيتج بكل وسيلة لهنا وكافي
اذا اطريت اطلبج لبيت الطاعه.
مديحه::حتى اخليك اطيعني
-دنك ثابت يخفي ابتسامته.
مديحه::وروح امي لخليك تمشي وتتلفت
طارق؛:يابة اريد أحلف مثلج وروح امي لجرج جر
-خل امك اتفيدك
طارق::هيه وينها وتفيدني شبيج غير كون موجودة.
مديحه::احمد ربك وبوس ايدك وجه وگفا راحت
لو باقيه جان روايتها الويل
والضاهر استفزته أو هو ماكدر يتحكم بااعصابه
وأنه اعرف هو شكد يحب أمه حيل متعلق بيها
كسر خاطري بس ماكدرت احجي مديحه محطمه
طارق::وأنه مو ناقص واخليج .
مديحه::هو بكيفك قانون جريمه امك لو باقيه
جا سجنتها يأبه واكيد يحطونها بسجن النساء
واروح اوصي عليها سلوم ،، بس اخخخخ ربك بعد
ثابت::يابة انتي العاقلة ومهما كان الميت مايجوز
عليه غير الرحمه
مديحه::جا مارحموني هو وأمه
طارق::شسويتلج بشنو قصرت وياج
مديحه::هواي واكبرهن حرمتوني من بنتيييي
ولك أتوسل بيك جيبها تنام بحظني يوم واحد بس يوم ،، تگلي خطيه امي تنزلني اكعد بغرفتها وأبوس
بتي بحذر مااكدر ابقى لأن فاطمه مااعرف تنام ويمها
احد متعودة على الخصوصيه وهيج لوعتوني
وسكتت وتحملت وگلت اعيش واصبر وصرت
مثل الي يستجدي منها .
طارق::شبيدي عليها مديحه امي مريضه وماردتها
تكره بنتي ردت نتعامل وياها بهدوء ردت احببها بيج
مديحه::وأنه شنو ذنبي شعلية اتحمل حالة امك
طارق::جنى مجبورين نتحمل لأن ماكو حل ثاني
مديحه::اكو جان تكدر تعزلني تخليلي مكان وحدي
أنه وبنتي .
طارق::واعوف لوحدها تقبليها
مديحه::لا جان اعتبرت نفسك مزوج نسوان اثنين
وتقسم وقتك بينهن جان عزلتلي فوك
طارق::ماعزلتج مو بوقتها كلت الها كل وحدة بيتها
وكلمن
قاطعته بصوت عالي
مديحه::وثاني يوم اجو خوالك وهيه تبكبك
وانته ماهان عليك تشوفها كاطعه الاكل رجعتنا.
طارق::صح لان مااكدر اشوفها مقهورة امي
امي امي الي ماعدها غيري .
مديحه::وعادي تقهرني ولان أنه مالي أهل دستوني
أنته وامك وأنه متأكدة لو امك باقيه جان ماعفتها
ولا تقبل اشتكي عليها جان كلت أمر الله وصار .
-وهنا جواب طارق جان الفصل الي زاد الطين بلة .
طارق::صح لو باقيه جان ضميتها بروحي شوفي
مو هين عليه بنتي بس اتأمل رب العالمين يرزقني غيرها بس هاي أنه شوفت عينج اكدر اكول ربي
ارزقني ام بدال امي
مديحه؛:لا بس تكدر تطلب منه زوجه بدال مديحه.
النقاش بينهم ماله نتيجه عقيم مثل مايكولون
ثنينهم مجروحين ثنينهم خسرانين ادخل ثابت
ثابت::يأبه انطو نفسكم بعد مجال خلي تبرد نهاركم
كل واحد بيكم فاقد اعز مايملك فمراح توصلون لحل
مديحه::ولا نوصل خل يطلكني .
-حجتها وكامت صاح مسمعها.
طارق::ثابت خويه زوجتي عندك وتعرف لو ماابيتك
أنه ماعوفها جان خذتها لبيتي وقفلت عليها بس لان
أنته واهلك كلتو اعتبرها بتنا فيا ثابت من هاي الساعه مديحه ممنوع توصل الباب
-باوعتله وهزت أيدها .
مديحه::خاب غير ام اعطوب دكت بيه الناقصه
ولو هيه موجودة لا أنته ولا اي واحد يلزمني اخلعك
مثل مااخلع سن يوجعني
-عركتهم تضحك رد عليها وهو مبتسم
طارق:'علوه تجي سونه أنه متأكد ماتقبل عليج
وتكلي اخذها لأن هيه تفهم وتفكر للبعيد
مديحه:'لو تفهم ماعافت بيتها ولو عدها عقل جا فكرت بروحها فكرت بينا ورادتنا نستقر جانت تكلي اذا جيتج الي تسببلج مشكلة ويا فاطمه لاتجين .
طارق::أنه راح اسافر ابقى فترة خارج العراق
مديحه::طلكني وطير بطائرات اثنين وصدك
مادام الفوك مامحترك كلش وديلي ذهبي لو ماتنطينيا
طارق::لا هذا مهرج صار ادزه وادزلج مصرف
مديحه::مشكور بس حاضري وغايبي
طارق::تحلمين اطلكج،، يله اترخص ماوصيك
ثابت امانه زوجتي عندك
ثابت::بعيني .
-ومنا رجعت مديحه لعزلتها اباوعلها
طفت مهدودة.
-اخلص اليل اتسال معقولة بعد ماترجع مثل قبل
ثابت:'ترجع بس تحتاج وقت عدها أمور متراكمه
مثل الي ماجان يكدر يعترض على أمر وطارق هواي
حملها بأمه فهسه طلعت شكو شي هو ماكدر يمنعه
او ماوكف أمة بوقتها ،، هسه تحس روحها ضايعه
مالها أحد .
ـ بس أنه مامتخليه عنها.
ثابت::بهيج أزمات البنت تحتاج امها أو اخت تكون أكبر منها تحتضنها مرة تواسيها ومرة تقويها بس هيه تشوفج انتي هم تعبانه او تحسج مثلها لهذا السبب مجاي تتجاوز محنتها ليش اگلج خليج قويه يمها بينيلها انج مستقرة وياي ومرتاحه
ـجا أنه صدك مرتاحه وياك ،، باوعلي وضحك
ثابت:'شو أنه ماشوف هيج
جا شتشوف يعني شلون ابينلك
ثابت::أنه اتاكد أن كنتي مرتاحه وياي تحبيني
ـهيج تتأكد
ثابت::اممممم غير نتأكد تطبيقي
-وماعافني لحد ما تأكد وأنه ثبتتلة،،و نعيش بعالم
ثاني وحدنا ننعزل رغم أحسه متقيد من وجود مديحه بس ماكال ولابين الها قلقي على سونه هد حيلي بس مديحه الي مسكتتني وهم منتضرين ولادتها ،، كعدت لكيت تينه بحضنها صبحت وبديت مشواري بالبيت وبقت حسرة سونه لحد ما بيوم دك نقالي باوعت رقم غريب وكانو كلبي ينطيني إشارة صار يدگ بسرعه وقبل لاافتح خط نزلت دموعي وأجاني صوتها
سونه::لاتعتبين .
ـلا بس محتاجتچ كلش حيل شكد ماتتصورين
شوكت تستغنين عني
-ماكدرت حاولت والله واتضاهرت بهل شي بس بس
بيني وبين نفسي امد ايدي واتخيلج حاظنتني
سونه::لازم تقوين وتحتظنين بنتج لأن راح تحتاجج
توكفين درع لحمايتها تحسينها انتي الامان كله تشوفج مهزوزة تنهز تشوفج ضعيفه تضعف اذا تشوفج ادورين امان مراح اتامن بيج
ـاحميها بروحي بس انتي ضهري الي استند عليه
سونه::وأنه ماتخلى عنج ولو بيوم حسيت ثابت جار
عليج تلكيني بوجه.
-يعني ماراح تجين
سونه::انتي تجيني وتبقين يمي كم يوم وترجعين لبيتج،
أنه هنا احسن الي خليني مستقرة
-باوعت لمديحه،، الي كاتمه شهكتها ودموعها مثل
المطر اشرتلي بمعنى لاتكليلها عني ،، نبهتني سونه
سونه::وياي
-اي اي
سونه::بيج شي بنتج شلونها
-زينه هسه اشوفج إياها
سونه::لا اول طمنيني على مديحه ليش جهازها مغلق
حتى على طارق اتصلت وهم ماكو
ـ اي غيرو ارقامهم .
سونه::يعني مرتاحه بنتها شلونها باعي مدامها مستقرة لا تكليلها اتصلت بيج ،، لاتحرجيها اعرف مايردها تتواصل وياي وسوى هيج واكيد هاي سوالف الباشا،، بس هيه تجيج تتواصل وياج
ـهزت راسها مديحه بمعنى كولي اي .
سونه::ها قدر ليش تصفنين ماتجيج حتى منج منعوها
-لا لا تجيني ترى مانعرف رقمج وسالت ثابت
كال ماقبلت تنطي.
سونه::اي صح مانطيته اله المهم تكونن بخير .
-شلونه حملج
سونه::زينه زينه ،،اهم شي انتن مرتاحات
-احتاريت شرد عليها ابجي وهيه تصبر بيه
ومديحه كبالي تعض بأيدها وتبجي بدون صوت.
سونه::خوش من يجي ثابت خابريني حتى
احجي ويا يجيبج الي مشتاقتلج .
-ليش تردين تنهين المكالمة ابقي وياي خل اشوفج
تينه واشوفج مشتاقتلج أنه.
سونه::يله فتحي
-كامت مديحه ركض دخلت للغرفه،، فتحت كامرة
شهكت من شفتها ابوس بالشاشه تمنيت اكدر احظنها
بجيت وهيه تبجي حجت ويا تينه وهاي تهومش بايديها تريد تلزم النقال
سونه::صايرة تخبل ولج شنو هل جمال اكلج
بت مديحه شلونها كبرت اكيد سوالفها مثل امها
-هزيت راسي اي العبرة خانكتني نهيت مكالمتي وياها وركضت لمديحه تحاضنه نبجي ليش ماخليتيني احجيلها .
مديحه::اذا عرفت تجي وطارق مو غشيم
ولج ماراح يخلوني اكعد وياها واكيد حجتهم
زوجج امنج عدنا وهنا اذا سونه واجهتهم يذبون الوم بيها ها لو مانتي جان البت رجعت لزوجها
-يعني انتي ناوية تتطلكين ؟
مديحه::شوفي هاي انتي هيج تكولين اذن همه متأكدين مرجعوي اله لأن مالي احد ولا راح ابقى العمر كله عندج
-جا شلون؟
مديحه::اخلص من طارق وقتها محد اله حكم عليه
وين مااكعد ولو يصير الي براسي اخخخ شسوي
-شنو براسج؟
مديحه::لو ينطيني حاضري وغايبي جا فاجئتهم
اله اشتري بيت سونه وهيج هيه وياي خو مايحكموني أشيل لو يشرطون عليه ماادخلها.
يعني مصرة تتطلكين بس شمعنى بيت سونه
مديحه::كل عقلج أخذه منها بس كدامهم
ولج ماتدرين نار گلبي ذبو الوم بينا بس ماكالو احنى سبب
ونوب من كل عقلهم متفقين وياها تجيب وتتطلك واكيد متوقعين ياخذون الطفل .
-اذا هيج انطيج من فلوسي .
مديحه؛:شبيج غبيه اكيد ماترهم ولا راح يخليج
ثابت وراح يحجي مثل ماحجه وياج قبل فترة
انتي السبب لو ماناطيتها فلوس جان مافكرت
تروح تسأجر وتعيش بغير مكان .
ـجا شنسوي .
مديحه::بلكي يجيبلي ذهبي وفلوس
-خلصنا نهارنا تفكير اجه ثابت كتله على سونه
ثابت::اي اخذج بس أفرغ شويه
-خوش جا خل أخبرها
ثابت::لا هسه تلح علية خليها غير يوم
-وعرفت الكلام مو مثل الفعل وادري ماياخذني
وحتى رفض يحجي وياها بالتليفون وضل ايام
هو ياملني سونه كالت خلي على راحته.
مديحه::شگتلج مو عبالج يريد يكطع تواصلج بيها
-جا شنو.
مديحه:: يريدها تجي هاي وسيله ضغط
بس هم مايريدها تجي هسه منتضر ارجع لطارق
-دخت تعبت كلش .
مديحه::والدليل طارق مادز ذهبي
-مد وجزر أنه والدنيا وثابت.
آخر زيارة لدكتور مديحه كايل لثابت
ثابت::يكول خلوها تعيش حزنها بكل حالاته
لأن مارة بهواي ضروف ويمكن وقتها ماكدرت تحزن لو تبجي فهاي فرصتها تطلع كل الم بداخلها
لشوكت
ثابت::اخذي نغم وروحي للسوك جيبيلها ملابس وشنو تحتاج
-خو اخذها هيه بلكي شويه تغير جو
ثابت::لا خاف تشرد منج وهيج طارق راح يكول خليتها يمك
-تشرد شنو وإذا ماتريدة خو مانجبرها
ثابت::لا مانجبرها بس من يتفقون على انفصال
بعد ماله حجة علينا ولو ماايأيد انفصالها
- شي يخصها ،، وأخذت نغم ورحت للسوك وحسب
طلب مديحه رادت اسود وهنا تاكدت من كلام الدكتور فعلا رادت تحزن ،، سونه مكالماتها قليله
وتختصر الكلام
سونه::انشغل بالنهار بالصالون ونام من وكت.
هم تعرفتي على بنات
سونه::لا حدي وياهم داخل الشغل بس ام كرار
تخابرني دوم
-خطيه وشلون وضعها
سونه::عايشه تكول رجعتي لزوجي افضل
لأن مامنعني من شغلي
-وهنه نفس البيت .
سونه::لا ام كرار اجارت وهيه تصرف على اولادها
بس اسمها بركبت رجال حتى اهلها لايتحكمون بيها
يله راح انام
-وهيج يوميه لحد ما بيوم مديحه كلش مالها خلك
واجن اريج ونغم مسيرات علية واعرف مو حبا بس تجي تغثني لا اكدر اطردها رحبت بيهن وكمت احضر ضيافه تبعتني نغم.
نغم::وداعت ابوي مو متقصدة اجيبها بس انحرجت
بالباب وصاحت عليه .
-عادي ولا يهمج، كاعدين نسولف.
اريج::اي مديحه شنو ناويه؟
مديحه::على شنو ؟
اريج::قصدي اذا اطلكتي خو متبقين هيج؟
-رديت بحدة ،، أضن هل شي ميخصج وان أطلكت
هيه أبيت اختها تبقى معززة مكرمة الحمد لله .
اريج:: بدون زعل اعتبرو كلامي نقاش
-اي ما بيها شي ،، نتناقش .
اريج::تشوفيها لايقه تبقى عندج؟
-يا اريج احنى نفس الضروف ومانكدر نتخلى عن بعض يعني لايقة نعوف مديحه إذا أطلكت نعتبرها غريبه مانعرفها ويتيمه ومالها أحد واجت عدنا اكيد لا الحجي ولا الولد يعوفوها والدليل أنه .
اريج::اي صح ميطردوها بس قابل هيه هم تنتضر
واحد من ولدنا يستر عليها خو حتى لو سواها بس مصيرة يعوفها والدليل اختج .
ـوليش ما تضربين مثل بيه والدليل أنه
اريج::وانتي نفس الحالة بس بسبب تينه مراح تتطلكين حتى وإن رجعت مريم ولو بعد الصار اكيد يرجعها .
-حاولت نغم تتدخل سكتتها وسالت بفضول وشنو الصار حتى مخليج متاكده من رجوعها،، ولوانه متأكدة من ثابت ميرجعها.
اريج::اي صح بس من حاولت تنتحر هنا ثابت
انحط گدام الأمر والواقع الكل لامه واكيد عيب بحقه
يرد جبار الي كال لعمامنا رحت وطلبت منه يرد بنتي ورفض وهيه متصله بي وكايلتله اموت وخطيتي برگبتك
-اريد احجي ماكدرت نغم انخبصت
نغم::ومستحيل يرجعها تجيبين قدر ويا مريم
دخلينا ساكتين يمعودة ليش تعرفونها وتحرفونها
ثابت اصلا ملطلكها حتى قبل ماتضهر قدر بحياته.
اريج::عندج دليل يعني مخليها ويا بنفس الغرفه
وهو مطلكها لعد شلون تمم زواجه منها ويصرف عليها وياخذها ويسافر .
-هنه يحجن وأنه بس اباوعلهن،، مديحه التزمت الصمت
بس كلام نغم الي حجته بساعة انفعال وعصبيه
خله اريج تتخبل .
نغم ::الطلاك مو بس عقد بنفسخ ياما ناس منفصلين
رغم همه نفس البيت يعني مثل حالتج .
اريج::تعيريني بشيء خاص بيني وبيني زوجي
تطعنين بمريم كدام ذني وبعدين انتي شمدريج
بالي بيني وبين زوجي تتسمعين علينا
-والظاهر نغم حست بلي راح تواجه من بيت الحجي
بسبب كلامها كامت وهيه تتعذر مني
نغم::اسفه جدا المفروض من كالت اروح وياج
مااجي لأن أنه اعرف جانت قاصدة هل مشكله.
-رادت تطلع ماخليتها كامت اريج وهيه تتوعد لنغم.
اريج::كلامي ويا زوجج أما بالنسبة لجيتي لهنا
ماانكر وراح ابقى اغثهن واعيشهن العشته بسببهن
هجمن بيتي .
-شالت ابنها ودارت تريد تمشي
استوقفتها مديحه
مديحه::لحظه اريج أنه مقدرة حالتج واي وحدة مكانج ماتقبل ،، بس الباشا قبل مايعرف سونه جان ويا ام طيبة اكيد متعرفيها.
اريج::اكيد ماتشرف لابمعرفتج ولا لمعرفتها
مو مستواي .
مديحه::صح بس مو هذا قصدي ،، اقصد جان ويا ام طيبه الي اكبر منج ومنه بس للامانه هيه احلى ولو تدرين شلون جان مدللها بحيث أم طيبه ماتطلع لغيرة وهو مايفوت ليله منها وحتى جنت اكول هذا ماعندة أهل بيت ومن عرفت متزوج انصدمت كلت معقولة زوجته ماتدري لو اصلا ما يهمها .
-ضلت اريج ساكته بس تنضر لمديحه باستهزاء.
مديحه::ولاتكليلي المرة ماتحس بزوجها؟
اريج::لا ادري بس جنت اعرف ومتأكدة هو الي أنه الزوجه وهنه ساعات رخيصه يخلصها وياهن وهاي أنه كدامج بالنهاية لا ام طيبة ولا احتجن الراقصه نفذ طلبي وطلكها واصلا نفاها .
مديحه::شوفي أنه مااكرهج وراح نعتبرة نقاش
بدون زعل ماشي
-هزت راسها اي
مديحه::اول شي سونه هيه البعدت وعافته أنه احجيلج مو اغيضج بس حتى ننهي هل ضغينه الي بداخلج اتجاهنا وتكفين شرج عنا والمفروض تكونين ممتنه لسونه وتدعيلها لأن لو مااصرارها انو يعوفها هو مانفذ طلبج ولو ترجع اليوم وتكوله رجعني لحياتك يفتح أدية اثنينهن .
اريج::وهم ساعتها اگولة لو أنه لو هيه .
مديحه::نصيحه اذا بيوم وصار ولو ماضن هيه ترجع
بس نفرض فلا تحطين نفسج بهل موازنه لأن اراهنج
مايعوفها .
اريج::إذن متأكدة من سحرج رابطتي مدى الحياة.
مديحه::لا متأكدة من حبه الها اسفه يمكن اغثج
هاي حقيقه وان كانت مرفوضه بالنسبه الج بس اعتبرها واقع حال ولازم يعيشه وهل كلام سمعته منه وروحي اسالي أما بالنسبة لسمج التذبينه باذن قدر وتردين تهجمين بيتها لا هنا نوكفج عد حدج وروح امي لخليج تفرين شكو كشاف وسحار بالعراق لحد ما ينتهي بيج المطاف مثل فاطمه
-فكت حلكها اريج.
اريج::ها يعني هسه اعترفتي مسويتلي سحر.
مديحه::لا بس اذا تقربتي لقدر مرة ثانيه اسوي وشرط بدجاجه سودة وادفنها بمقبرة الإنكليز
-شاطت اريج طلعت وهيه تتحلف بينا
كلت لنغم اوكفي اروح وياج .
نغم::يمعودة شكو رايحه تولي وهسه اكيد الحجي
يلومج لأن على كلام مديحه
مديحه::أنه مريضه نفسيا ولا على المريض حرج.
-عفت تينه يم مديحه ،لبست وطلعت ويا نغم ومن الكراج نسمع صوت اريج دخلنا الحجي وخالة هم ،مباشرا. توجه نضرة لنغم دنكت وهيه تتعذر.
ابو اسعد:: واعتذارج غير مقبول من شوكت هيج انتي شلون تحجين على زوجه حماج الجبير وتهينيها لا وبعد تطلعين اسرار بيتنا .
-استلمها رزايل متت قهر عليها ضلت مدنكه.
ابو اسعد::روحي لبيتج وكلامي ويا زوجج
-طلعت تناشغ باوعلي
ابو اسعد::مديحه ضيفه والضيف ماله حق يدخل
والمفروض تحترم نفسها .
وهيه ماغلطت أما كونها ضيفه لا عمو هيه كاعدة عندي بيت اختها وان كان ماحاسبين هل بيت الي
فبيت سونه موجود تروح تكعد بي
ابو اسعد::عرضته للبيع ومديحه بذمة رجل وهو أمنها يمنا
-بالنسبة للبيت فمالكم حق تتصرفون بيت اختي يبقى شوكت مارادت هيه تبيعه بقت شغلة مريم الي انتحرت هاي من حقي احجي بيها أضن هز رأسه اي,, تمام اذا رجعها يطلكني .
ابو اسعد::بغض النضر عن كونه ماكال ارجعها ولا أنه
قبلت،، ولو نفرض يريد يرجعها هيه زوجته قبل
ماتجين فمالج حق تعترضين لأن هو ماطلكها لطلب منج ولو نفرض مامطلكها شنو تشرطين علية
-لا بس بما انو هو طلكها بعد الي حق ارفض مو أشرط ولا افرض عليه بس خو مايجبرني
ابو اسعد::اكيد لا بس لاتعتقدين لاي سبب كان
اذا انفصلتو راح ننطيج بتنا
-بنتي عمو بنتي والقانون يفصل بينا أن صارت
أما اريج ماريدها تدخل عليه اختي بعيدة ولا يمكم
وابنكم عدكم بعد يوميه جايه لبيتي وتهين بيه
وفيه::مالها حق ولا توصلج بعد وهل مرة امسحيها
بوجهي بيتج وكيفج تستقبلين بي الي تريدينه مادام زوج قابل ومادامج مامسويه غلط محد اله شي يمج
-دنكت بوبستها حجت بأذني
وفيه::لاتزعلين من عمج بس لازم يحجي هيج.
-وكفت باوعت لاريج نضرة خلتها تتلفت ترخصت وطلعت امشي وأشهگ ها ياسونه هيج ترديني اواجه بس هم احتاجج . دخلت لبيتي لكيت مديحه لامه ملابسها صحت ها وين ؟
مديحه::اروح لبيت سونه وانتي اليوم اكعدي ويا ثابت وتفاهمي لاتنطين مجال لمريم تمسكي بيتج.
-اترجاج ارحمي حالي ولج البيه كافيني.
مديحه::هسه المفروض شسوي ؟
-الطمي حجيتها ومشيت شوهاي صدك لطمت
التفتت عليها ادك على صدرها بحرگه رديت كعدت كبالها لزمتها عود صدك شبيج
مديحه::كلشي بيه ولج اريد اصرخ اريد الطم
اريد ابجي نار نار بگلبي ولج خليني ابرد ناري
-مو كتلج خل ناخذج تزوريها .
مديحه::وازور فاطمه واشوفها يمها .
-قاطعنا دخول ثابت وجها يدل على معرفته بالصار
سلم بثگل واشرلي اتبعه الغرفه دخلت ورا.
ثابت::تروحين بدون ماتكليلي وتحجين
وتهددين شموصيج أنه
-تخابرك وتنتحر وصايرة كعدات وكل هذا ماكتلي؟
ثابت::مو شيء ضروري ماردت اشغل بالج شفتج
تعبانه كافي عليج حالة مديحه بس مو معناها تتجاهلين وجودي وترحين تحجين ويا الحجي
-جنبتك الاحراج حتى يعرفون مستحيل أقبل .
ثابت::وأنه ماعرف وتحجين عني ؟
-لا بس حقي ادافع عن بيتي .ومديحه اختي .
ثابت::وحتى لو .
-اگلك شي هو المفروض اخابر سونه لأن اختي .
ثابت::وأنه اخاف مثلا يعني اريد ارجع مريم سونه
تمنعني قدر انتبهي .
-هو أنه راح انتبه .
ثابت::طارق هل اسبوع يرجع احجي
ويا مديحه تحسم أمرها .
محسوم ماتريد ترجع وراح تكعد بيت سونه
ثابت::تمام
-طلع مزعوج احس ضعت دخت .
مديحه ::خابري سونه بس ابد لاتكليلها عليه
وروح امي اعوفج وامشي .
-بدون تردد خابرت ردت تضحك
سونه::بعد عرفتي رقمي
-محتاجتج تعاي
سونه::شبيج ؟
-كلشي بيه .
سونه::سدي خل اخابر ثابت.
-لا تخابرينه ،، اسمعي .
سونه:: احجي .
-حجيتلها عن سالفه مريم .
سونه::مايرجعها بس عاشت ايدج من رحتي وحجيتي
عفيه خل يحسبون احسابج.
-واذا رجعها ؟
سونه::ساعتها اجيج بس هسه مالنا حق نحجي.
-تعاي اترجاج ولج تعاي اريدج .
سونه::اجي أن شاءالله .
ـنهيت مكالمتي وياها.صفت بوضع مديحه كسرت خاطري فعلا صعبه عليها كعدتها عندي كمت خابرته سألته عن المفتاح
ثابت::شلج بي؟
-انطي لمديحه .
ثابت::گتلج لا يجي زوجها وتحل أمرها ويا
-هو وينه شو خلاها معلكه
ثابت:: لاتدخلين هيه ويا .
-ترى هيه مقررة تكلم بعد ماله داعي هل كلام
ثابت::قدر لاتدخلين بهذا الشي مديحه ماتطلع اله تنهي موضوعها ويا زوجها فهمتي .
- سد التلفون بوجهي سهلة حجيتها ودكيت عليها.
سونه::ها قدر
ـ مديحه صار فترة عندي ولا تسألين شبيها وليش
بس اكلج محتاجتج وأنه مااعرف اتصرف وهيه تريد تطلع من يمي .
سونه::اطيها مفتاح بيتي
-ماقبلو .
سونه::كليلها تحسب مسافه الطريق جم ساعه
تلكاني يمها خل تحضر روحها .
-سدته التفتت لكيت مديحه وراي .
مديحه::طاح حظج .
-ميخالف .
مديحه::وهسه حتى ماطيحه مرة ثانيه، خليني اطلع لأن
إذا اجت مايخلوني اروح وياها وهيج تصير مصيبه
-شبيج شبيج وين تطلعين ؟
مديحه::اروح لبيتها وروح امي ماروح غير مكان
ـ غير كون الكه المفتاح .
مديحه::معليج اكسر القفل بس خليني اطلع
-لا مو ثابت راح بعاركني اصبري خل أخابرها
مديحه::ترى ذليتيني.
-اعذريني ،، دكيت على سونه ردت بخوف
حجيتلها عن كلام مديحه .
سونه::لا تطلع من يمج لا ابد أنه جايه راح اوصل الكراج
بس مسافه الطريق
-سديته والتفتت لمديحه ها سمعتي
مديحه:'احترك بكاز
-يوميه حركي لأن هو سبب الانه بي ،،اجه مولي أخذ تينه وثابت مابين بقينا أنه ومديحه متگابلين العصر واتفاجئ بالحجي وألباشا وخاله وياهم اريج دخلو وثابت وراهم مديحه دخلت للغرفه وأنه اباوع بوجوهم ،، رحبت بيهم قدمت ماي وجاي ضلو يسولفون سوالف عامه نوب الحجي كال .
ابو اسعد::شوفي يابة انتي زوجه اخوي وابني
واريج نفس الشي فماريد يكون بينجن زعل عيب وميصير وانتن جارات ويجمعجن بيتي بغض النضر أن كنتي غلطتي بحقها أو هيه غلطت فاليوم يطيح الزعل وتبدون صفحه جديدة .
-هزيت راسي اي بقى يسولف امثال ويشهد ثابت
يأيد كلامه،، والباشا ملتهي يركص بتينه
ابو اسعد::وينها مديحه شو ماكو ؟
-وماحققت غايته هو واريج واعرف رادها تعتذر
رديت وعيني لخالة ،، خطيه نامت قبل ساعه
سكت ،،رادو يرحون .
ثابت::خلونا اليوم نغير ونتعشى هنا
الباشا::اطالبنا عشى وخابر اياد يجيب نغم
ـ توقيت ابد مو لصالحي بس ماكدرت احجي حاولت
اكون طبيعيه والحجي يلح كعدي مديحه بس غلست
اجو نغم واياد وبنين وصار المغرب مولي راح يجيب عشى تركت استغليت انشغالهم بالصلاة ودخلت لمديحه لكيتها مغطيه حتى راسها سحبت الغطه ومااستغربت من دموعها
مديحه::شلون لو وصلت وهمه هنا ولج خابريها .
لاتجي لحد مايطلعون .
-هسه تزعل مني ،، اذا كلتلها هيج .
مديحه::لو مخليتني طالعه ؟
-دسكتي توتريني طلعت لكيت نغم وبنين بالمطبخ.
بنين::ها ماكعدت مديحه؟
نغم::حتى إذا تكعد لاتخليها تطلع .
بنين::هاي شبيج صدك تحجين؟
نغم::يعني عداله تعتذر من اريج ؟
بنين::لا محد يجبرها .
-وانه مااقبل حتى يحرجوها،، وبعدين أنه زعلانه عليج
حقيرة انتي صار كم يوم حتى ماتجين.
بنين::يأبه من هل سوالف يعني أنه تصير بينجن
وتعاي اشهدي لهاي ودافعي لهاي ،، تجنبا للاحراج
لأن هيه كل ماتشوفي اريد اجي تكول اخذيني وياج
واعرف جينها لغايه لهذا السبب مااجي .
-التفتت على صوت الجرس انخمش گلبيى.
نغم::اشبيج
ـ سونه وصلت .
بنين::شنوووو جا هيه هنا ؟
-عفتهن وطلعت لكيت ثابت طالع قبلي بقيت واكفه
بمكاني فتح الباب دخلت بس لمحتها ركضت
سونه::اششش شبيج شنو جنت مهاجرة
شو خلي ابوسج .
-تبوس بوجهي وأنه مامصدگه .
ثابت::أدخلن يأبه حياج حمد الله على السلامه.
سونه::تسلم بس مفتاح بيتي وصيحولي مديحه.
ثابت::اي دخلي شوفيها وارتاحي وعود أنه اوصلج لبيتج.
سونه::لا والله تعبانه اخذها هناك واشوفها واشبع
منها وعود جيب قدر بعدين يله التكسي منتضرني
لا يأخذ جنطت الملابس
ثابت::فوتي أنه اطلع اجيبها .
-طلع بقينا واكفين انتبهتلي متوترة.
سونه::شبيج؟
ـ بيت الحجي كلهم هنا .
سونه::ادري .
-شنو شلون ؟
سونه::مو وقته بعدين نسولف المهم أنه ماريد
اطول هنا لأن تعبانه
ـدخل ثابت يجر بجنطتها لزمت أيدها ودخلنا واكيد شافوها لأن الكامرة بالصاله سلمت ردو بثگل بس بنين ونغم بوسنها وهيه دنكت بوست خاله والباشا بعدة بهول الصدمه وعينه تتفحص طولها واعرف شيرد يشوف أنه هم نسيت هل موضوع بس هيه ماجنها تشوفه ترخصت ودخلت لمديحه دخلت وياها اخخخ شلون لقاء
سونه::وجهج مو مال زعلانه شصاير وياج؟
مديحه::اخر حلم جنت عايشتة راح
سونه::طارق لااااا .
مديحه::بنتي .
-حظنتها بقوى .
سونه::ربج ماقاسمها وأخذها
مديحه::فاطمه خذتها مني ولجججج حركتهههها وحركت كلبي عليها اخخخخخخ شيبرد ناري
-ضلت سونه تتلفت حجيتلها مختصر ومديحه
تبجي نصبناها مناحه نسينا وجود الكل لحد ما
دخلت علينا خالة
وفيه::كافي هيه عايزة ،، كومي قدر خليلهن
عشى مولي اجه
-طلعت لكيت البنات مادات السفرة بس اريج
تريد تنفجر ومالومها،، كام الباشا وهو يحجي
الباشا::احنى انطونه عشانا نأخذه ويانه
-غمزلي ثابت بمعنى اي ردت اجيب صينيه واريج
صاحت
اريج::عوفو العشى وفهموني يعني شنو هاي رجعت
الباشا::امشي للبيت
اريج::لا والله مااتحرك قبل ماافهم
ثابت::شتفهمين يأبه .
اريج::انتو كلتو ماترجع وهذا اتفاقي وياكم.
ثابت::منو متفق وياج شنو أجينا رجعناج احنى
انتي وزوجج وإذا هو كايلج هيج فهاي مشكلته
اريج::لا ابوي شرط ماتحجي خالو مو هذا اتفاقنا.
ابو اسعد::اي كلتي يعوفها كتلج عافها وانتهت
علاقته بيها
-صاح ثابت معترض .
ثابت::لحظه يابة هل كلمة مو حلوة بحق البنت
هيج تأكد هو جان مصاحبها وهل شي يمسني لأن اخت زوجتي وخالة بنتي كول طلكها لأن هم جانو متزوجين
اريج::يأبه نجاملك ونكول زوجه لأجل بنتك ولو حقيقة خالتها ماتنكر
الباشا::لج دمشي ليش تخليني اسحلج امشييي
كدامي يله .
-راد يجرها صارت ورا الحجي ومعاندة ماتقبل تطلع.
اريج::هسه اخابر بابا وانتم ويا تفاهمو
أنه ماابقى اذا رجعت
-ضلت تصيح اخذت تينه شمرتها على سونه مانطيتهن مجال يسألني طلعت للصاله واريج واكفه بضهر الحجي والباشا يريد يأخذها اياد ونغم بس يتفرجون بنين ضلت واكفه باب المطبخ.
ابو اسعد::امشي لبيتنا نتفاهم هناك .
اريج::مااتحرك اله اطلعها منا
-وصل حدي صحت بيها تطلعين منو لج اختي وبيتي
واذا سكتت عنج لخاطر الحجي بس تفرضين عليه
لا عيني .
ثابت::سكتي قدر ،، اريج روحي لبيتج تفاهمي
ويازوجج نسيبتي بيتي محد اله حكم عليه .
اريج::ماتبقى بالمنطقه .
الباشا::يأبه اترجاك بس وخر .
ابو اسعد؛:روح أنته وأنه اجيبها .
طلع الباشا وهو يفور خاله بقت محتارة
وفيه::امشونا لبيتنا .تعاي بنين شيلي مولي يله
اريج شيلي ابنج وطلعن كدامي
-طلعن اريج وبنين .
وفية::يله حجي امشينا
-ويا كلمتها طلعت سونه ومديحه وياها .
سونه::كملو عشاكم احنى اصلا رايحين
ابو اسعد::مالها طلعه منا لأن زوجها مايقبل .
سونه::عود يجيني .
ثابت::لا من يجي هو يوصلها الج لأن هيه شاهدة
على كلامه كال ماتوصل لباب :
-ضلت سونه محتارة كالت مديحه
مديحه::خابرو خل احجي ويا
ـ هز رأسه ثابت واتصل.
ثابت؛:يأبه هاي مديحه تحجي وياك .
كبل مديحه كبل فتحت صوت وكالتله سونه هنا
واريد اروح وياها لبيتها،، واجه ردة صدمه
طارق::روحي.
-يابة حسيت سونه رادت تطير باوعتلهم بنصر
سونه::يله نترخص وياريت من يكمل عشاكم
ادزولي اختي
ابو اسعد::شوفي يأبه بغض النظر عن جيتج
بدون علمنا وماكتلج شلون تجين لوحدج لأن احنى كان كلامنا وياج واضح واتفاقنا .
سونه::ياتفاق عمو وشنو الاتفاق الي يحدد حركتي
يعني اختي بمصيبه و تخابرني وأنه انتضر موافقتكم
ابو اسعد::اعتقد هذا الي حجينا بي من جيناج
وكلتي التزم بكلامكم لحين مااولد ولاه الطفل الي بطنج مالنا ارتباط بيج وماندخل بحياتج
كتلج تجيبين وتنفصلون .
سونه::وأنه حررتكم من هذا الارتباط ونزلت الطفل
بقى عليكم تنفذون كلامكم وتطلكوني .
-من صدمتي صحت لااااااا وخاله بسرعه
البرق كامت وصفتكتها راشدي
وفيه::طاح حظج ياغبية
ابو اسعد::تمام افضل شي سويتي.
سونه::خو مو حرام ؟
ابو اسعد::هل شي انتي تتحملين ذنبه قتلتي نفس
سونه::يموت مرة افضل مايموت يوميه الف مرة
وهو بعيد عني ،، مو حرام تأخذوا مني لاتحجون بالحرام
ابو اسعد::واحنى موضالمين ونحرم طفل من أمه
وجنت ناوي ارجعج البصرة وحجيت ويا اسعد يرتبلج
مكان
سونه؛:بس أنته مابلغتني بهذا كله كتلي حدنا
وياج. تولدين ناخذ طفلنا
ابو اسعد::اي كلام ردت
سونه؛:شردت استجديك اتوسلك حتى تتقبلني
لا ياعمو انتي غلطان اكو مثل مصري يكول
لو جاك الطوفان حط ابنك بين رجيلك .
-جرت مديحه وطلعت وعافتنا بصدمتنا.
ابو اسعد::لو حاسبتة زواج ماجان نزلت طفل
من كتلكم هل علاقه غلط.
ثابت::وأنه مالومها .
اياد::ولا أنه ويمكن افضل شي سوته لأن تأذت
بس اسعد سراح يكون ردة .
-اريد عيوني تبطل دمع ضليت مدنكه صاح عليه الحجي
ابو اسعد::سمعي يأبه تكولين لاختج تبعد مادام اختارت الانفصال .
ثابت::انه اصلا ماخليها بس ابيع بيتي اخذها يمي.
ـباوعتله ورديت باوعت الحجي وخاله
الي نصدمو اياد اشر لنغم يله وطلعو .
ابو اسعد::وتعوفني عادي هيج هين عندك البعد عنا؟
ثابت::مو اعوفك يابة ولا ابعد بس افضل عن المشاكل ،،خو مااحرم زوجتي من اختها وهم غيرتي ماتسمح اعوف سونه لو حدها البنات بأمانتي وأنه
هاي الفترة كلها ماادخلت حتى لاتكون وكفت ويا ابني ضدي ومادام راح ينفصلون بعد ماله حق يمها وهيج نتجنب المشاكل لأنبقى كل يوم اريج مسويتلها هوسه بعد مالها
عذر تعوف جهالها .
ابو اسعد؛:ومن شوكت احنى نمشي بكلام اريج
ثابت::صدكني افضل
وفيه::كون هيج سهل جان من زمان كتلك شيل
بس مااكدر. اذا اريج أصرت اخلي اسعد يشوفله بيت
ويشيل .
-كسرو خاطري وانقهرت لأن أنه احبهم لميت السفرة
وكعدت مدنكه دنكت خالة خذت تينه وطلعو وأنه انفجرت ابجي بصوت عالي .
ثابت::شكو على شنو بجيتي ،، كومي اوديج.
-مو على هاي بجيت .
ثابت::جا عليمن ؟
ماهان علية الحجي وخالة انقهرو ليش كلتلهم هيج
ثابت::وأنه مانقهرتي عليه ؟
-حجاها ودنك جرني موكفني باوعتله مصغرة عيوني.
ثابت::دتعاي طيبي خاطري أنه هم مقهور .
-مسحت دموعي ،،وهو يضحك جرني للغرفه
يا شنو عوفني يله مو كلت اوديج .
ثابت::جا توني سألتج كلتي مو على هاي ابجي
ـاي عادي هسه ابجي على اختي
ثابت::اوديج بشرط.
-تشرط عليه هز راسه اي ماانطاني مجال احجي وكانو جان منتضر فرصه البت فرغ ماعافني لحد سمعنا الجرس كمت وأنه احجي اكيد جابو تينه.
ثابت::كليلهم رجوها مانريدها
-يا بنتي طلعت اخذتها من مولي ،، دخلت ابوس بيها
باوعت يا وين راح ابوج سمعت صوت الماي عرفته
بالحمام بسرعه لميت غراض تينه وبس طلع انطيتها
اله ودخلت سبحت حتى مامشطت شعري گتله يله
وديني مشتاقتلها عليك الله فدوى اروحلك
ثابت::يله امشي
-ماصدكت طلعت كدامه وطول الطريق أتوسل
خليني يمهن يومين بروح اهلك
ثابت::ابقي
-كول والله صدك هز رأسه اي من فرحتي تقربت
بسته بخدة
ثابت::خرب عقلج ولج لا ادعم
-نزلني وقبل مادك الباب فتحتليا سونه ياربي الف
الحمدلله جنت مايسه يجي يوم وهم اجيج وتتلكيني
سونه::دخلي
-دخلت لكيت مديحه متمددة على التخم وعيونها
تصب بوستها لخاطري كافي ولج راح تموتين
كعدت سونه تكابلنا بعد ما شبعنا بجي عدلت نفسها مديحه
صارت گبال سونه وكالتها
مديحه::غردي
سونه::مادام كلتي غردي إذن مابيج شي وتجاوزتي ازمتج
وهسه اسمعن مني الجرى عليه ..
سلس ماصير وابقى بكيفك انكاد
وحطب ما اصير وانت بعازة النار
جنت زهرة شمس
هسة انا صبير ما دير وي شمسك وين تندار.
الانهيار لايكون دائما مدوياً
احيانا يكون بصمت ثقيل
يبدأ بتصدع خفيف لايرى
وينتهي بأنفجار يبتلع كل شيء
الآن، وفي البارت الأخير من حكايتهم، لا صوت يعلو فوق القرار الأخير.
-سلاسل-
-دوم الدنيا تكفخني واكول لهنا واكتفت بس ما كتفت
خذت الرقم من ام كرار ،، واتصلت على المرة كالت تعاي
لبست وطلعت امشي واحس خطواتي تقودني للنار بس
ماتراجعت وصلت لرأس الشارع خذتلي تكسي وعلى الوصف
اندليت استقبلتني المرة
السستر ::شكد عليج ؟
-ماعرف بس ماصار هواي
السستر::خل افحصج بله
-باوعتلها شكلها مو مريح تتمعلج والدسداشه جنها مال سلوم ودأكه حواجبها ،،رديت بحدة لا على شنو فاحصتني
اذا عندج شي ينزلة اطيني ،، باوعتلي ماراضيه.
!!وشنو مستحبة هيه التفتح
-ماخليتها تگمل كمت وأنه احجي سمعي عيوني
خاف ابالج حبالنة من صاحبي لا متزوجه
!وإذا متزوجه ليش تنزلينه
-ضروف ماريد جهال لأن اريد أطلك من الاخير عندج
!!ااذا زغير نسويلج كورداش ونزلة هسه
-لا عبالي عندج إبرة
!!عندي حبوب بس غالية
-ميخالف
!!اوك باجر تجين .
-وليش مو هسه ؟
!!مو عندي اجيبهن من المستشفى
-خوش من تجيبين خابريني ،، طلعت منها ماكو خطوتين
وانصدم بعلوش كبالي باوعلي بمگر وضحك تقدم صار قريب
عليه وحجة
علوش::اها شعدج هنا شنو تردين تنزلينه
-فكيت حلكي ،،التفتت اباوع وراي شنو يعرفها
رد وهو يغمزلي
علوش::عرفت وراج سالفه بس حرامات شلون هيج
ضحك عليج وانتي شلون سلمتي روحج
-بلعت ريگي ورديت ،، شوف لك تجر لو أجرك
علوش::ليش عيني ،، وحد لو منعجب ترى ندفع
وأنه افيدج .
-فيد نفسك ،،حجيتها ومشيت وهو وراي نوب يريد صار بصفي گانو أنه ويا صحبان مرته بعدت عنه شو هذا كبل لزم ايدي
علوش::خاب تمشين لو اسحلج
-دفعته وخر هوي تسحلني شنو شو وخر لا الم عليك
الناس وافضحك وخاف عبالك اسكت لا غلطان
علوش::أنه اريدج تحجي شو بله لمي الناس
صيحي
-التفتت اباوع بالمنطقه خرب هسه اسويلي هوسه
ونوب اتصير هوسه سكتت گلت امشي لحد مااوصل للسيارات ثأري هو طابك سيارته قريب
علوش::صعدي اوصلج ونتفاهم
-يابة كفيني شرك لاتوصلني ولا اوصلك
علوش::اصعدي احسن الج ترى ارجع لبيت هاي
ام النغولة وافضحج انتي وياها
-گلت استغل. الأمر ويريد يشهرني هنا خل اصعد
ومن اوصل بمنطقتي انعل والديه صعدت ورا حرك
علوش::عندي بيت مال ولد صاحبي
-سكتت ردت اشوف ماية
علوش::ها شكلتي
-گلت تحترم نفسك وإذا شفتني صعدت وياك
فالخاطر ام كرار
علوش::جا اجيج للبيت بالليل
-هزيت راسي اي اريدة بس يوصلني وهو هم كيف
وصلنا لشارعنا نزلت وأمد راسي من باب الصدر باوعلي
مستغرب وتفل بوجه وهو تخبل بسرعه فتحت باب بيتي
ودخلت قبل لا انزع صايتي خابرت ام كرار حجيتلها
ام كرار::يممممه لا تكوليها ولج بس لا عرف بيج
فلك هذا هسه يفضحنا
-هو يعرف هاي السستر
ام كرار::اي مو نسوان اخوتي يولدن عدها بس شلون تبعج
-الضاهر مراقبني .
ام كرار::عفيه سلاسل كلشي ولا يعرف الي ايد
لو هو اكيد راح يكول اني لأن انتي متعرفيها خرببب
-دخل يولي ،، سيدته منها وبعدني صافنه ردت دكت
ام كرار::لج نسيت اسألج شنو سويتي ؟
-حجيت لها عن اتفاقي ويالسستر ونهيت مكالمتي وياها
وكمت تاكدت من البوب مقفله كلتي لگمه وتمددت اگلب
بالنقال القلق مطير النوم من عيني شبيهن معقوله زعلانات
لو يردن ايضغطون عليه حتى ارجع ياربي شسوي شلون
اتواصل وياهن وهيج اغفه وافز طلع النهار الوحدة تعب
افتر بالبيت واحجي ويا روحي لحد مااتصلت بيه السستر
السستر::جبت الحبوب جيبي ٢٥٠الف وتعاي
-تگدرين انتي تجين وانطيج أجرة السيارة
السستر::اوك دزيلي العنوان
-دزيتلها العنوان،، وبقيت انتضر لحد مااجت
دخلتها وقفلت الباب تمشي وتتلفت بالبيت كعدت جبتلها ماي
السستر::انتي وحدج
-لا امي وياي بس راحت تزور،،هزت راسها مامقتنعه
طلعت الحبوب وقبل ماتنطينياهن گالت
السستر::زين ليش ما تخلي واني اشتري منج
-باوعتلها وبدون تردد گلتلها ،، شوكت تنقرضون
فكت حلكها
السستر::شگد عرمه انتي وشالعه
-بس مو مثلج ،، حطيت الفلوس بيدها ،، وسألتها شلون استمالهن انطتني الطريقه
السستر::بس ترى يصير عندج نزف فمن تحسين راح يوكع
ترحين للمستشفى .
-وانه إذا صار نزف شيوصلني
السستر::لعد جيبيهن عيني تردين تورطيني .
-زين همه بالمستشفى. شيسوولي
السستر::يضربوج إبرة توقف النزيف ويسوولج
تنظيف بس اخذي وياج عقد الزواج وهويتج ترى ميدخلوج
وديري بالج يعرفون شي عن الحبوب
-صفنت هو منيلي عقد بس ماردت أبين گدامها ،، زين
انتي تگدرين تسوين هذا كله يعني أنه شفت عندج صالة ولادة فأكيد
السستر::اي اگدر بس خاف تسقطين واني بالدوام
ـشوكت دوامج شوكت استراحتج
السستر::اليوم عندي خفارة ارجع باجر اذا هاي اخابرج
اگلج استخدمي الحبوب شوكت ماحسيت بشي تجيني
بس ها ترى أخذ ٥٠٠
-تمام مو مشكلة ،، ضلت گاعدة وعرفت تريد تحجي هزيت
راسي شكو ابتسمت مجاملة وعينها تتفحص شكلي
السستر::اذا احد راد مرة تقبلين
-ترى متزوجه شبيج
السستر::اي مو تكولين اريد أطلك
-يعني تردين تحجزيني من هسه هو دخل اعيش لباجر
وبعدين هيه التطلگ بعد المن عايدة التجربه
السستر::على گولتج ،، بس هو متبقين هيج حرامات
انتي حلوة ولج گون تشوفيلج صيدة و تقطينه
-انتي من جماعة الصيدات ،، جا أنه عبالي بس سلوم
باوعتلي وضحكت ،، دكومي عيني اريد اطلع
السستر::اوك مثل متفقا.
-راحت وأنه خلصت نهاري ابجي محتارة خوفي على نفسي
قلقي على مديحه وقدر ،، اخخخ يلدنيا شبيج ويانا
يعني معقولة اموت ومحد يدري بيه جا وقدر شلون تعيش ومديحه منو الها ربي اريد اوكف على حيلي حتى ارجعلهن بجيت بقهر احس البيت خنگني بقيت انتضر اتصال من السستر الي ابد ماارتاحيتلها للعصر خابرتني گالت استعملي الحبوب نهيت مكالمتي وياها ومن خوفي ضليت اتحجج على روحي مرة اگول خل أسبح لو انضف البيت اول مرة،،
صفنت لا خل انتضر اطمن على البنات بلكي مديحه تتصل
بيه ،، وهيج خلص اليوم لليل هم دكت السستر
السستر::ها شنو ماحسيتي بشي؟
-ماخذتهن
السستر::لويش
-مادري بس شو احس روحي تعبانه يمكن مصخنه
السستر::هاا خاف افلاونزة
-يمكن
السستر ::لعد لا تستعمليهن ترى تصير عندج مضاعفات
-خوش خوش سيدته منها وهيج ضليت اتعذر لروحي
يوم بعد يوم وهيه هم شلون الحست بيه خايفه وهم
رجعت فتحت موضوع الطفل
السستر::مو گلتلج خلي واني آخذة منج
-يابة شبيج انتي دروحي ،، غلقته بوجها ،هلكني الخوف
والقلق اتصلت باام كرار
ام كرار::ها شنو وضعج
-حجيتلها عن خوفي
ام كرار::والله ياسلاسل هو مو هين وخطر وكل ماتعدت
فترة اتصير اصعب بس انتي مصرة على الموضوع بعد ماعرف شكولج
-وهيج يوميه لحد ما حسمت أمري گلت خل اخلص
ليش يكبر وبعد مااكدر انزلة ،بس خل اروح جيبلي مسواك خاف اتمرض كم يوم ومااكدر اطلع ومنو يجيبلي اي خل تجيب عصائر ورغم هنا الماي حلو بس هم يشترون للشرب يسمونه مي ارو طلعت لرأس الشارع اكو اسواق جبيرة تسوكت منها ورجعت اتمشى وأشوف علوش واكف بابي التفت شافني
هزيت راسي شكو ؟
علوش::وين جنتي؟
-خير شنو ابوي أنته ،، غمزلي ورد
علوش::لا بس الحبيب اني
-شوف ولك ترى مصختها،، وخر مسويلي مجال افتح الباب
نزلت العلاليك والتفتت عليه خير شگو واكف رايد شي
علوش::اي مو اتفقنا اجيج
-خاب أنته ارعن شبيك بابا شو امشي .
علوش::شوفي لج لاتضلين تبيعن ثگل براسي افتحي الباب
وخل ندخل ونتفاهم جوى
-باوعت الدنيا مغرب محد بالشارع واكيد هو استغل هل شي
واذا افتح الباب راح يدفعني ويدخل،، ابتعدت عنه صرت كبال البيت باوعلي مستغرب ،،گلت بكلبي أنه الك خاب أنته
ابو وجه المملوط تريد تلعبني آفى ،،البيت الي بصفي بي
واحد يصلح دراجات مدري بايسكلات وبابه مفتوح والاضويه مشتغله يعني اكيد هو موجود بالمحل كل هذا وعلوش يباوعلي صحت جر لا اسحلك شو هذه توجه
عليه وعتني
علوش::دمشي لج ام النغولة تعاي فتحي الباب لاافضحج
-ضليت اتلاوة ويا دفعت ودنكت على نعالي كبل لاطكه
لزم ايدي لواها فرغت روحي منه وركضت للمحل مال ابو الدراجات الرجال من شافني تفاجئ بدون مااحجي دنكت
خذتلي حديدة ورديت على علوش الي واكف بماكنه
من شافني اجه يريد يلزمني قبل لايوصلني طكيته
على رجليه دنك يتفحص رجله نكرته بطكه ثانيه على جتفه
صاح .
علوش::بنت الگلب اليوم اشكج بالنص
-ويا ما هجم عليه الرجال جفته أنه استغليتها فرصه ركضت للباب فتحته وهو بقى يدافع ويا الرجال دخلت العلاليك وشمرت جنطتي واسمعه ايفشر مديت راسي والكاه متلازم
ويا الرجال التفتت اريدلي شي والمح المساحه خذتها ورديت هو والرجال مدافع انه منا الدنيا طالعة من عيني گلت دخل افوخ گلبي التمت الجيران وهو السافل يصيح
علوش::هاي كحبة وشاردة من أهلها ودخل زلم
-ضليت اصفن أنوب إلزم يباوعون عليه وهو يتهدد
وأبو الدراجات واكف كل شويه يدفعه انخبص الشارع
وطلعن كم مرة كبار بالعمر وكفن بيبانهن تالي كالو له
روح معليك أنته .
علوش::شنو معليه تروح تسويلها مصيبه
مدري ارهابيه مدري بعصابة .
صاح بي ابو الدراجات والي عرفت اسمه
من صاحو عليه الزلم ابو احمد
ابو احمد::لك دمشي بعدين مو أنته الجبتها أني شفتك
علوش::اي گالت امي وياي جذبت علينه
ابو احمد::هم ملك علاقه يله انكسح واني
جاي لابوك .
-ضل ماقبل ينشلع الزلم حجو ويا نوب دارو عليه
عمي انتي شنو فلمج منين انتي وين امج ضليت امتمت
تالي گلتلهم ترى أنه متزوجه وزوجي عسكري وهو بالدوام
علوش::جذابه تعاي كحبة منو زوجج
-حجاها وتوجه عليه صار ابو احمد كدامه والزلم تفاكك
بيهم مدري شلون طك ابو احمد والرجال تخبل لزمه
واستلمه دك والضاهر الجيران يعرفونه وصلو خبر لأهله اجه
واحد متوسط بالعمر عرفت هذا ابو جرة على صفحه وكف يستفسر ضلو الجيران يحجون ويا
ابو علوش:رد بس مايصير ابو احمد يضربه
ابو احمد::لك غير بخته بهاي الزلم الخيرة جان دفنته
-نوب گبو ابو احمد وابو علوش ،،كلمه من هذا وكلمه
من ذاك تعاركو مااشوف اله صارت بالتواثي أهل
ابو احمد طلعو كل واحد بيدة بوري .
ابو علوش::هااا تغدرونه سهله اليوم اهجم
بيوتكم
-واكفه محتارة
وهمه ناس تدفع بناس ومااشوف اله سيارة النجدة
طبت للشارع التفتو يباوعن لحد ماوصلت يمهم نزلوا كم واحد وياهم ضابط صاح بصوت عالي
ضابط::اتفرق بسرعه يله
ـتفرقو تقدم يحجي وياهم
الضابط::شكو
-ردو كم واحد ماكو شي عرگه جيران .
الضابط::جيران ومن بنقتل واحد تكولون لمن خلصت
العرگة يله وصلت الشرطة .
-وانصدم من السافل صاح مسمع الضابط
علوش::سيدي هذا مگعد وحدة موزين بهذا البيت
ومايقبل نشيلها سيدي وحدها محد وياها مدري شاردة
من أهلها .
-حجي ويأشر على ابو احمد
ابو احمد::ولك غير أنته جبتها .
-باوعله الضابط ورد التفتت لبابي ،، ضليت أتلفت
بعد ابو احمد شلون الي يريد يبري نفسه گبل صاح عليه.
ابو احمد::تعاي عمي منين انتي شنو فلمج زين هو هذا
مو جان وياج من استأجرتي البيت منين عرفتي
- اتقدم الضابط عليه سألني
الضابط::منو ساكن وياج منين انتي
-بلعت ريگي ورديت بصوت ناصي بس أنه
عگد حواجبه باوعلي من فوك ليجوى والتفت صاح
على الشرطه الويا .
الضابط::ادخلو فتشوا
-وخرت من الباب دخلو شرطة ثنين وهو ويتهم
يمشي ويباوع للبيت ويحجي
الضابط::شنو وحدج وشلون اجرتي ومنيلج
فلوس واثثتي
-ويا حجايته الشرطي نفش الكنتور وطلع الفلوس
علاكة الفلوس التفت الضابط راواهيا شلون المصدوم
الضابط::حلو هسه تمام
-ضليت ساكته وهو جاب العلاكة وكف اگبالي
الضابط::شنو هذا
-رديت بغباء،، فلوس
ضابط::لا يابة شنو هل معلومه يعني اني ماعرف افلوس
لج احجي منيلج ويامن تشتغلين منو يمولج
- هز رأسه تمام ورد
الضابط::اها تراوغين سهلة ،، تعال ابني اخذها للسيارة
-احس بطني خبطت گبل بجيت لا سيدي وين ياخذني
والله مالاتي ومااشتغل ويا أحد
الضابط::من اعلكج راح تحجين كلشي
-ضليت أتوسل والشرطي ينفش بالغراض همزين ماانتبهو
لجنطتي بالطارمه ونقالي لكو بس القديم و هويتي
صاح بيه يله وكالهم .
الضابط ::اتصلوا بالدوريه جيبو البقيه وراي للمركز
الشرطي ::كلهم لو شنو
الضابط؛:ذول التعاركين وبالأخص الولد الشاب
-طلعت ويا صعدت بالنجدة مسافه ونزلوني للمركز
هو يمشي گدامي كل اشويه اكمز لأن يلاكونه باخذوله تحيه وصل الغرفه دخل واشرلي تعاي دخلت كامو الموجودين
الضابط::اسريحو
-ساله واحد منهم ،،شنو هاي سيدي
الضابط::هسه نعرف
-حط العلاكة على الميز الي اگباله وكعد
الضابط::اسم وسنج وعنوانج
-وهل سؤال مار عليه قبل جاوبته بس العنوان گتله
هو أنه كاعدة بهذا البيت الجبتوني منه طك الميز حيل كمزت
الضابط::لججج احجي
-مو حجيت سيدي جا شسوي
الضابط::جا انتي من البصرة
-هزيت راسي
الضابط::واكيد شاردة من اهلج
-لا لا اصلا اهلي ميتين ماعندي أهل
الضابط::وهسه المفروض اصدك لج ليش تخليني
اعلكج احجي حتى اگدر اساعدج اذا احد ضاحك عليج
ودك بيج الناقصه تحجي ويا أهلج ونرجعج
-وروح امي ماعندي أهل والله ماتو سيدي والله
باوعلي وضحك
الضابط::خوش امج ميته وهاي صدگتها لأن الإنسان
بالفطره يحلف بامه اذا ميته.
-حتى ابوي هم مات واخواني ثنينهم والله
التفتت على الموجودين
الضابط::هسه هاي شنو بله لج بابا احجي
زين كلهم ماتوا ماعندج عمام خوال أقارب
-دنكت أمسح بدموعي شكد استهضمت ،،رديت بعبرة
عمامي شالو وماندلهم وخوالي مارادوني شسوي يعني
الضابط::خوش منيلج هاي الفلوس
-مالت اختي أخذتهن گلت اشتري بيهن بيت
الضابط::توج تكولين اهلي ماتو
-اي بس اختي متزوجه
الضابط::وليش ماكعدتي ويا اختج وشسوين جايه
وشلون أطتج هيج مبلغ وشلون اندليتي وهيج سهل لوحدج جايه من البصرة لبغداد وتشرين بيت لج حذاء هو ماتحجين
شلون استأجرتي هنا منو جان وياج
-سيدي مو أنه جايه قبل وأجيت حتى اشتغل
الضابط::شنو تشتغلين
-مو أنه جيت قبل دخلت دورة مال حلاقه
وگلت افتحلي محل .
الضابط::شوفي راح احجيلج من الاخير انتي بايگه
هذن الفلوس وشاردة واكيد اختج متفقة وياج
-لا لا وروح امي أخذتهن منها .
الضابط::انتي متزوجه .
-كلت ما بيها مجال لازم احجي كتله اي
الضابط::اهااا لعد وين زوجج
-بالبصرة وأنه اجيت هنا، باوعلي مامقتنع
رد وعينه للموجودين
الضابط:: شسمه وشنو يشتغل
- اسعد ،، ويشتغل عسكري .
الضابط::اي شنو جندي شرطي ضابط
- ماردت انطي عنه معلومات ماعرف بس
هو عسكري يداوم بالشرطه
الضابط::وزوج اختج
-عدة شركة
الضابط::إذن هاي الفلوس سرقتيهن منه
-لا وروح امي مالات اختي ورثها من امها
الضابط::اطيني اسم زوج اختج وعنوانه حتى نتأكد
واذا عندج رقم تلفون اله ورقم زوجج .ومن ياعشيرة
- أنه احجي واحد كاعد على صفحه يسجل
گلتله نقالي أنته أخذته
الضابط::هذا مغلق ليش.
-هزيت راسي اي طافي بس يشتغل طلع النقال من العلاكه
اطانيا ففتحته واطيتهم الارقام .دخل شرطي گاله
الشرطي::سيدي جابو ذول المتعاركين
الضابط::اشمرهم بالتوقيف
-التفت على اليمه
الضابط::اخذها الغرفه الثانيه
-كمت طحوني بغرفه ثانيه ولا ساعه ولا ساعتين
احس ضهري انكسر ،، الخوف هيج الحساسيه عليه
نسحنت سحن خوفي من الصار لو منه إذا وصله خبر
شراح يسوي بيه بجيت ليش هيج ياربي يعني بكل مرة
ابعد ترجعني اله تعبت اجه الشرطي كال تعاي كمت ويا
رجعني لنفس الضابط بس شو اسلوبة متغير اشرلي كعدي
وخلة كبالي كلاص مال .
الضابط::شوفي هذا اتهمج وطعن بيج وجارج
دافع عنج وهمه اشتكو عليه لأن دافعلج كالو عندة علاقه بيها وشفته داخل عليها للبيت ومن حاجيتها ضربتني هيا ويا
-لا لا اصلا ماعرفة
بس هو من شاف علوش هجم عليه لزمه
الضابط::اي بس همه قلبو السالفه وهل شي يمكن بسبب مشكلة ويا زوجج .واكيد راح تصير عشائر فانتي حتى تخلصين نفسج وجارج لازم تقدمين دعوى حتى
اذبة بالتوقيف .
-وعبالي هنا وتنتهي السالفه ،، رجعوني الغرفه الثانية
ساعات وأنه كاعدة اتندمت حيل وكلت يجوز الله عاقبني لأن ردت انزل الطفل اي ،، بس شراح يخلصني من الباشا
وبس لا اهله يعرفون يله اكيد يحجون عليه بس هو اذا عرف حامل يسكت بعد شسوي اذا رجعني لبيتي ارجع وانجب لحد مااجه الشرطي عليه كمت ورجليه
وحدة اطگ بالثانيه احس بطني خبطت من لگيت ثابت
والحجي باوعولي سلمت بتردد والضابط يباوع علينه
كعدت گبال ثابت سألهم الضابط
الضابط::اذا زوجها بالدوام تكدرون انتو تستلموها بس
وقعولي هنا ،،و من يطلبها القاضي نبلغكم .
ثابت::خير ان شاء الله .
-وقعو وسلمهم الفلوس تشكرو منه كامو اشرلي ثابت يله طلعنا،، صعدت وياهم بسيارة ثابت وعبالي بس همه جايين ابد ماحجو وياي دگ نقال ثابت رد
ثابت::اي طلعنا تمام قريب عليك
-مسافه وطبكو احس كلبي انعصر من شفته واكف على الشارع بس شافنه عبر علينا وقبل مايوصلنا نزل ثابت
فتح الباب وصعد يمي والباشا صعد يسوق سكوتهم
دمر اعصابي تالي الحجي سألني
ابو اسعد::وين البيت الكاعدة بي
-قبل مارد حجه الباشا
الباشا؛:شكو رايحين بعد نطلع لأهلنة
ابو اسعد؛:اي وتريد الناس تجي هناك كدام عمامنا
تأخذ عطوى لگ اسكت ماريد اسمع صوتك كافي الوصلتنا
اله من حجيت من كتلك كفنا منها يله شلون انسدها شنحجي ،، نوب مقدمه دعوى يعني هم لازم تحضر بعد
-ضل يحجي والباشا ساكت تالي ثابت كالهم
نروح للبيت الكاعدة بي انه،
ثابت::واكيد راح يجون أهل الولد شوف شلون انحل الأمر وياهم وعود باجر نرجع البصرة
-التفت سألني دليته .بس طبكت السيارة ،التمت الجيران نزلنا سلمو عليهم الحجي وثابت اجو اخوان ابو احمد
يسألون دخلت أنه وهمه بقو يحجون وياهم دنكت على المسواك الي بقى بالطارمه شلت شمرته بالمطبخ وبسرعه
طلعت جوزداني والنقال غلقته ودخلت الغرفه شمرتهن بالكنتور بعدني واكفه وجفت الباشا ماتوقعت يطكني هيج من قوة الطكه گبل خشمي نزف من صدمتي ماصرخت لزمت خشمي أحسه انكسر رد جرني من صايتي يعت بيه شبعني كفخ .
الباشا::شسوي بيج وارتاح ولجججج ليشش هيج
ليش بت القندرة،، لو لا هو المفروض اتوقع كلشي
منج لان الاعوج عمرة ماينعدل .
-ولا دافعت عن روحي ولا قاومته ،، سمع صوت ثابت يصيح علينا دفعني وهو يتحلف كعدت بالكاع والدم ترس
صايتي دخل ثابت وانصدم من شافني.
ثابت::طكيتها طاح حظك ليش هيج .
الباشا::بعدني ماطاكها دخل اتفض اله اكسر رجليها.
ثابت::دطلع اطلع .
-دفعه طلع.
ثابت::شوفي لو أنه مكانه جان ذبحتح لأن
غلطج جبير كلش ،،بس ماينفع الكلام گومي غسلي
حتى نفهم منج لان أهل الولد يردون يجونا اذا عندج
شي نفرشه بالكاع .
-لا ماعندي فراش ،، هز رأسه تمام ،كمت غسلت خليت كلنس على خشمي وتبعته للاستقبال لكيتهم كاعدين أنه فارشه فرشة زغيرة كاعدين عليها دخلت كعدت على صفحه استلمني الحجي
ابو اسعد::الموقف الحطيتينا بي ماينسي بعد الف سنه
عدى طلعتج بدون علمنا وهل شي مااعاتبج عليه لأن
انتي ماحاسبه نفس متزوجه ولهيج تتصرفين وكانو انتي بعدج بذاك
-قاطعته بذاك الشارع لا عمو أنته الكلت بعدي شيلي
كم مرة اجيتني وكلتلي بيته وزوجته .
ابو اسعد::اي نعم بس ماگتلج عبري محافظات
گلت هو يخليلج مكان
-شنو الفرق نفس بالبصرة ولا هنا عادي المهم أنه نفذت طلبك وبعدت عنه حتى لاتكول بسببج جهال اطشرو
ابو اسعد::بدون علمنا وحامل وماگلتي
- من گال حامل دريت مديحه موصله الخبر ،،رديت
لان هو ماعافني ولو عارف بيه حامل مايبعدني.
ابو اسعد::هم جان حطلج مكان ،،لو جنتي ناويه
تلوين اذارعه بحملج
-لا جنت ناويه أنزله اصلا ،، باوعلي ورد باوع الباشا
ابو اسعد::إذن انتي مارايده تستقرين غيرج جان كيفت
-على شنو تبقى منبوذة والطفل وياها واذا أنته تكول ردته يخليلي مكان فااعتبر هل مكان هو كعدني بي
ابو اسعد::لو هو مسكنج جان ماتعرضنا لكل هذا
-ليش مخليلي حمايه ترى عادي اي بنيه تتعرض بهيج
مشكلة واحد سريري وتجاوز عليه،ترى من جنت يمكم هدن عليه النسوان وفضحني ولو فاتحه بابي هم جان
ابو اسعد::لا الكاعدة بيتها محد يعترض طريقها
-قصدك ابقى محبوسه كون محد يعرف بوجودي
وهم من يوصلهم خبر لو احد يشوفه يدخل عليه هم يدزون
ناس تفضحني بالمنطقة .
ابو اسعد::هاي الشغلة من صوبج احنى مالنا ايد
- شعندي أهل كرايب لو متزوجته بدون علم اهلي وهدو
عليه شو الشارع الجنت بي كل ناسه مسجونه بس يمكن
قصدك محابس وهذا منكم ومتأكدة حتى لو عرفتو هو الي دز النسوان ماراح تسووله شي لان يخصكم
ثابت::يابة هسه هل كلام بعد مالة داعي بس فهمينا
هذا الولد الي تهجم عليج شنو فلمة شو أهله يگولون
تعرفينه وهو مستأجرلج البيت .لأن ابو احمد وأهل الولد
طلعو واحد تنازل عن الثاني بس بقى الولد لأن انتي
مقدمه ضدة شكوى .
-لا أخته اعرفها من جنت بالمركز مال الحلاقه
قاطعنه الحجي موجه كلامه لثابت.
ابو اسعد::دشوف هذول أهل ابو احمد خل نتفاهم
وياهم وباجر اخذها تتنازل عن ذاك حتى نفض السالفة
-باوعتله يريد بس ينهي الموضوع كمت وأنه احجي
مااتنازل عنه لو يموت ،ويا احجايتي دخل الباشا
ابو اسعد::ها شسويت؟
الباشا::باجر سيد صلاح يدزلي نسخه من العقد
بيد السواق.
ابو اسعد::تمام حتى الصبح تأخذها تتنازل
الباشا::لا يابة ماتتناز يولي خل يتربى
ابو اسعد::لك شيتربى شبيك .
-صحت عمو كتلك مااتنازل عنه .
ابو اسعد::واحنى كيفج .
-شي يخصني تجاوز علية خو ماتجبرني اعوفه.
ابو اسعد::هل كلام لو انتي ماجايبة اسمنا .
-ماجبت اسمك.
ابو اسعد::بس جبتي اسم اسعد وگلتي زوجي.
-جا غير سالوني مثل هو مطلگني هم جان گلتلهم
مطلگني
ابو اسعد::ولو حاسبة نفسج متزوجه جان ماسويتي
كل هذا ،، بختج بالطفل الي بطنج والا على هاي دكتج
جان ماخليتج على ذمته.
-انه اصلا مارايدة ابقى على ذمته.تقدم الباشا يريد
يطكني صاح بي .
ابو اسعد::اذا ماسكتت اطلع أنه وابقو انتو تصرفوا بكيفكم
-كام ثابت جرة كعدة يمه ،، وغمزلي بمعنى اسكتي
ابو اسعد:: باجر تتناز وننهي هل مهزلة وترجعها
البصرة تخليلها مكان .
-عمو ترى حتى إذا هو گال مااتناز أما بالنسبة
لرجعتي لا ماارجع البصرة گلت بعدي وبعدت
ابو اسعد::هسه يختلف الوضع اول شي حملج
وهل شي يجبرنا نوفرلج مكان لحد ما تولدين
-عمو رجعه ماارجع والبطني مالكم بي شي
وياريت اتكله يطلكني .لهنا وگافي سنين الباشا مرافك
ام طيبه ولو ماقدر فلشت الشارع جان هسه ابنك عنده ثنين جهال من عدها شو ماشفتك استنكرت
ابو اسعد::ماشايف بعيني
-توصلك اخبارة ولاتكلي مهمه ترى جان من اليل لليل
ابو اسعد::ربه يحاسبه .
-خلص عوفوني أنه وربي الي ماضن انتو تعرفونه
الباشا::لج سدي حلگج
ابو اسعد::عوفها .
-عليمن ليش انوجعتو عمي ردونا هناك لأن ماضن الله
يحاسبنا لأن مانعرف ومالنه أحد وحاولنا ننقذ نفسنا
بس جنى واضحين مانجذب نرگص نكول ركصنا
مانكول صلينا .
ابو اسعد::تشككين بالتزامنا
-انتم وربكم هو يعلم بس عرفت هواي من مالات الله
بس ماشفت الناس مطبقتهن ،، فخلينا نخلص طلكوني
الي يمكم اختي يوم اسمع بيها شي ارجع مو أنه
ابو اسعد؛:تهددينا
-لا بس اطيكم خبر ،، كام جرني ضليت مجلبة بالعتبه
مال الباب وأبو ضل يصيح عليه
ابو اسعد؛:كم مرة راح تتجاوزني
الباشا::شمجاوز يأبه وانته دايس عليه مرتي تروح
تگلها شيلي جا أنه شنو موقعي ليش هيج تزغرني
ابو اسعد::بعد تعال أخذلك راشدي
الباشا::العفو يأبه
-فلتت روحي منه وخر عني وتعذر لابوك
وياريت تحقق امنيتي وتخلصني.
الباشا::هو أنه بعد ماخليج على ذمتي بس ابني آخذة
ثابت::سلاسل افهمي يابة ميصير طلاك اما بالنسبه
للطفل فهو ابو شلون مالنا شي بي وهسه خلي ننهي
سالفه الولد وبعدين نتفاهم
ابو اسعد::وإذا تردين تتطلگين انطينا ابنا والله وياج وهم مانحرمج منه الج ايام تشوفينه بس مال نعوف ولدنا يعيش بعيد عنا لا
-تمام لحد مااولد ادز عليكم تاخذونه بس منا لحد مااولد
ماريد اي تواصل بيكم ، باوعلي وهز رأسه تمام ،
ابو اسعد::لحد ماتولدين انتي تخصينا ف ما
تطلعين بدون علمنا ولا تتصرفين اي تصرف
-هزيت راسي اي عفتهم ودخلت الغرفه احجي ويا روحي
يعني مديحه گالتلهم واكيد كالولها لاتتواصلين وياها
بس معقولة ،، اي عادي يله المهم اطمت مابيها،بقيت
اسمع صوتهم يتصايحون شويه وسكتو أنوب هو دخل
عليه باوعتلة
الباشا::شكد جنت مغشوش بيج
-وهسه كشفتني ؟
الباشا::متأخر كلش بس هينه شراح اسوي بيج سهله
-اكثر من السويته مايوجعني شي
الباشا::شسويت شردت وخليتج ادورين لو كلت ماريدج كدامهم توكفين بوجهي وتحجين گدامهم تكولين ماريدة
-لان الف مرة گتلك مانصير اهلك
الباشا::ولج گولي ماتكدرين تستقرين
كولي تعلمت امشي بكيفي ولا تكولين اهلك ذيج قدر
ومديحه لأن رادت تتستر تحملت ام طارق وكعدت
-محد اجاهن مثل ماجاني ابوك وگالي بعدي لأن زوجته
عافت الجهال وإذا ماعفتي تطلك وابنه مريض وبحاجه
أمه ،، ابعدي لأن زواجه منج راح يسببله حرج بدوامه اذا عرفوا لأن ابوج جان مسجون بتهمه مخدرات واخوج انقتل
على ايد عصابة وانتي شاهدة على اكثر من شخص نحكمو
بس ابد ما ذكر انو الترقيه الاجتك بسببنا ماكال تحبي
وراح تكلي اعتبريني ماعندي أهل واگلك لا لأن لو ماعندك
جان عشت وياك مرتاحه جا محد هاني .
الباشا::وتشردين وحامل وتردين تذبينه
-اي لأن من حجينا أنه وابوك كال تظلمين الطفل اليجيج
بالاخص إذا اجه وهو يحمل جينات اهلج يعني اسود وشعرة
عكش يصير حالة غريبه .
الباشا::وانتي خفتي من كلام ابوي ،، هههه كولي
أنه سلوم
-شكد جنت خايفه يجي يوم
وتعيرني بس تدري هسه ولا جني سمعتك لأن ماتهمني خذتني راقصه من بيت أنته تعرفه وراح تبقى تشوفني بذيج
الصورة وتخليني مالتك الي بالسر مو مهم تتقبلها الناس لا
اصلا شعدها ويا الناس باب مقفول عليها
الباشا::مو هذا الطلبتي مني من جنتي بالصعدة مو كلتي
ماريد شي بس حطلي مكان وباب ينسد عليه
-وخاف حلمان أنته حطيتلي ترى البيت بيتي
واذا حاسب نفسك متفضل عليه لا غلطان ومن طلبت بذاك الوقت ماجنت بهذا الوضع جنت بدون بيت جانت الصعدة
وناسها مخوفتني بس بعد الصار أنه استحق اعيش مثل البشر ماعيش بالضلمة وانته ماتكدر تطلعني للنور
الباشا::وعلى السويتي وعد عليه لخليج طول عمرج
بالضلمه ومادام اختاريتي البعد خليج هنا لحد ماتولدين
وأخذة ونوب اعلمج .
-هزيت راسي تمام وبگلبي الف سالفه عافني وطلع
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
