رواية الضابط واليتيمة الفصل السادس والثلاثون 36 بقلم بقلم مجهول

(ملكي)

واكف برة المعهد منتضر الحلوة مالتي تطلع وياية بوكي ورد احمر منتجي على السيارة دزيتلها مسج اني برة 

اشوف بنات وولد طلعوا اغلبهم يباوعون علية 

اجتي الحلوة تمشي ومن شافتني ما اشوف غير ضحكتها من اذن للاذن الثانية فدوة لهل ضحكة 

- يممممة ولييييد 

-هههههههه هاج 

انطيتها البوكي كدام الكل ولزمت ايدها وفتحتلها الباب وبعدين صعدتها وصعدت 

وحركت السيارة 

اني ما احب اظهر للناس حبيبتي ولا احب هاي النضرات بس سويت هذا الشي للسببين الاول لا ن اريد اسعدها والثاني اكو واحد منرفزني واريد اكلة بصورة حلوة انو هاي مرتي مالتي ملكي وحدي 

قبل اسبوع 

متفقة اليوم نطلع وية وليد وريهام للمطعم وبعدين انروح انشوف فلم بالمول جنت واكفة منتضرتة اجة يمي لؤي 

- الحمدلله على السلامة 

- الله يسلمك ما اعرف شلون اردلك فضلك لو ما الله ثم انت مجان حالي هيج هسة جان بس الله يعلم اشسوة بية 

- انتي صديقتي وهذا واجبي لتشكريني على شي 

بهل اثناء شفت سيارة وليد رحت واشرتلة مع السلامة 

شفت وليد نزل وسلم على لؤي 

- مكدرت اشكرك ذيج المرة بالمركز ارجع واكول شكرا جزيلا وفضلك ما انسى واي شي تحتاجة بس كلي واني بالخدمة 

- لتكول هيج اني قبل شوية كلتلها هي صديقتي ولازم احميها وحتى لو ما اعرفها جان سويت نفس الشي 

نرفزتني حجايتة كلش بس عيب احجي شي 

يلى مع السلامة 

صعدت واني اعصاب

صعد وليد وهو اعصاب خفت لاصار حجي شي بس ضليت ساكتة رحنا للمطعم 

نزلوا كلهم دينزل لزمت ايدة التفت وسد الباب 

- وليد حبيبي 

- همم 

- بس باوعلي شوية 

- نعم 

- حبيبي 

ولزمت وجهة بيدي الثنين 

- صار شي ؟ 

- لا شيصير 

- فهمني الله يخليك 

- يكلي صديقج نرفزني 

- وليد ميصير حتى اتقارن بينك وبينة انت حبيبي زوجي لو اموت لو اموت محد ياخذ مكانك بكلبي 

عيونة لانت 

اتقربت وبست خدة 

- ما ارد اشوف وجهك العصبي اريد نتونس اليوم حباب لخاطري🌹- مم (وهز براسة )

- لتهز براسك 

ابتسم ونزلنا 

طبينا للمطعم وكعدنا بالطاولة 

-ليش اتاخرتوا 

-شطلبتوا اكل 

- اووو مينا اتبدل الموضوع 

كرصتها - ولج عيب كافي 

طلبنا اكل وكعدنا ناكل وبعدين رحنا شفنا فلم ورجعنا للبيت ضليت اتكلب بالفراش ما اكدر انام 

كلت اني عايشة مرة وحدة خلي اسويها 

صعدت لغرفة وليد وطبيت بعدين دخلت بالفراش محسيت الة بايدة تحضني 

-شنو اتعودتي متنامين الة بحضني 

- اي 

- وين مينا التستحي وين وديتيها يا مجرمة 

-ههههههههه 

نمنا وكعدنا بالستة نزلت سويت ريوك وهو يسبح وبعدين وصلني للمعهد هو يوصلني حسب مجالة ونستغل هذا الوقت حتى نكعد سوة ونسولف 

بالطريق اخذنا كيك انوزعة لسلامتي ووصلتي دا انزل الكيك وهو نزل وياية 

- راح تجي 

- لعد اعوفج 

نزلنا واني كلللش فرحانة وفخورة بي طبينا للمعهد وطبيت للمحاضرة وزعنا الكيك دورت على لؤي ماكو سالت علي كالوا بعدة مجاي ضميت حصة الة 

- ادورين علية 

- لؤي هلو اي ردت انطيك هذا ماعونك وهو اكثر واحد بالعافية 

- هههههه الله يعافيج عيني 

شفتها رغم ملتهية بالتسليم وهلشغلات تذكر هذا شنو القصة احتركت حرك 

اجة من ورة سلم وضحك وشقة شنو السالفة انوبة يكللها عيني مو افكسها لعينك اخذت ايدها وطلعتها برة العصبية الي بية مدا اكدر اتحمل 

- شبيك 

- ولج شنو شبية راح اتخبل اني مو كلتلج تبتعدين عنة 

ردت ادارك الوضع 

- حبيبي اهدئ اشويونة لعيوني 

ضليت ارمشلة بعيوني 

عض شفتة بتحذير 

- ولج بطلي هل حركات مدا اشاقة 

- وليدان حبيبيييي 

- خرب اشتعلوا 

- هههههههههه احبك يا بعد عمري 

ما اعبرها هيج قررت انو اسوي شي ايبين انو هي الي اكثر من هيج 

صح هو تصرف طفولي بس شسوي الحب هيج يسوي واجيتها من خلصت المحاضرة ووياية البوكي 

رجوع للاحداث 

رجعتها لبيتنا وطبينا على الغدة كاعدين 

الشهر الجاي العرس 

كحيت قوي

- بسم الله بسم الله اشربي مي 

- شنو يا عرس ولك وليد 

- عرسي 

-زين والتحضيرات والدنيا وين انلحك 

- وليد ميفوت شي متفق وية صديقي على القاعة وبقى بس انروح انشوفها وشغلة الفستان هاي بسيطة  

اني مصدومة بالي اسمعة صدك جذب صافنة عليهم شديحجون عفتهم وطبيت لغرفتي 

كامت بدون صوت معقولة زعلت رحت وراها 

- حبيبتي شبيج 

- ماكو 

- كولي 

- يعني انت ليش متناقشني بشي دائما انت قراراتك 

- هسة ضجتي لان قررت بسرعة نزوج 

- وليد مو هيج قصدي 

- لعد 

- انت متاخذ راي بشي كلشي انت اتقررة وحدك بدوني وتجي تصدمني بي 

- اوك اوك اني مو زين 

يعني لان قدمتها زعلت شنو شبيها مخبلة كعدت على ميز عصبي 

- يمة شبيها مرتك 

- ما بيها 

- لعد 

- يمة ماكو 

اجتي ريهام طبتلي للغرفة مسحت ادموعي وكعدت هي بصفي 

- مبنا ....ليش تبجين 

- مدا ابجي 

- حبيبتي شبيج ليش ضجتي 

- اوف ريهااام 

حضنتها وكعدت ابجي اني هم مدا اعرف ليش هلكد ضجت 

كامت رفعت راسي عليها طلعت بدون متحجي التفت شفت وليد 

مسحت ادموعي ولفت وجهي 

كعد بصفي 

- تعاي 

واشرلي لحضنة حضنتة وبجيت ورة شوية سكتت 

- خلصنا بجي 

- مم 

- زين لعد سولفيلي شبيج 

- وليد انت متحترمني ابد متاخذ برائي ابد كلشي بكيفك عفية ميصير 

- بس الي اسوي ميضرج 

- اعرف والله بس معناها بعد متاخذ رائي ابد 

- اذا هذا الي زعلج بعد ما اسويها بعد شتريدن

- راح تاخذ رائي

اخذ نفس - ماشي يدلل ابو دميعة 

- ابو 

- اي 

- وليد 

- ههههههه كومي هسة بدلي دنروح للقاعة وراح تعجبج صدكيني 

- اذا معجبتني اتعوفها 

- طبعا 

- اوكي 

بدلت وطلعت شفت وليد لابس قميص كحلي وبنطرون مقلم رصاصي طوخ وفاتح واسود وحذاء جلد ومسوي شعرة طالع يجنن رحت ركض على الدرج 

- مينا وين 

- دقيقة واجي 

فتحت الباب 

- ريهام ريهام 

- ها حبيبتي شلون صرتي 

- احسن بس اريد خدمة حبابة 

ورة نص ساعة نزلت 

- مينا وين ..... 

ضليت على اعصابي شدعوة هلكد طولت نزلت دا اصيح رفعت راسي شفتها انصدمت 

جانت مثل الملاك اتجنن 

لابسة تنورة منفوشة كصيرة صفرة وقميص اسود وشعرها بيرمن مفتوح ولابسة حذاء كعب اسود وجنطة صغبرة صفح سودة 

وحاطة مكياج خفيف 

انصدمت بيها هاي مخبلة وين اتريد اتروح هيج....

الفصل السابع والثلاثون من هنا 

شكرا لزيارتكم عالم روايات سكيرهوم