رواية القلب وما يريد ( أرض الانتقام ) الفصل السادس والثلاثون والاخير
بروج فضلت تلعب علي اعصاب جسور شويه
وافتكرت لما كانت خارجه من المستشفي هي وإسلام وحسناء خرجت وراهم ووقفتها
حسناء : لو سمحتي يا بروج عيزاكي دقيقه
اسلام : طب انا هبقي في العربيه يا بروج
بعد مام اسلام مشي
بروج : نعم
حسناء : في حاجه عايزه اقولهالك ومش عارفه هتفيدك ولا لأ بس لازما اقولهالك
بروج : تمام قوليها
حسناء : وقت ما كنتي في المستشفي ومكنش فيه نفس فصيله دمك.... جسور خدني وجينا اتبرعنالك بالدم... لو اقولك كان خايف عليكي قد ايه مش هتصدقي... ده كان بيبكي وكان ناقص يبوس ايدي علشان اتبرعلك
بروج كيانها كله اتهز من كلام حسناء بس مثلت انه ميهمهاش ومالت علي ودن حسناء
بروج : عارفه مين اللي ضربني بالنار اصلاً... اخوكي جسور
وسابتها ومشيت
فاقت بروج علي صوت جدها
فوزي : ها يا بنتي قولتي ايه
رجعت بروج لقوتها وقالت وهي بتبص في عين جسور بتحدي : موافقه بس ليا شروط
جسور : شروط !!!
بروج : لو مش موافق... متكلمش حتي وننهي الموضوع خالص بدل ما اتكلم علي الفاضي
جسور : لا موافق
بروج :يبقي ليا بيت لوحدي علشان مجاليش المشاكل الا من ورا بيت العيله ومتأخذنيش يعني بس اللي انا شوفته كتير
جسور فكر شويه : انا موافق
بروج : ده اولا ثانيا بقي زي ما طلقتني بعلم اهلك كلهم ومحدش قالك عيب تعمل في بنات الناس كدا... تتعتذرلي قدام اهلك كلهم
فضلت تبص في عنيه بتحدي ان هو يرفض .... جسور اخد نفس عميق
جسور : تمام موافق ليكي طلب تاني
بروج : مش عارفه... بص خليك معايا علي رنه يمكن احط شرط تاني
جسور :يا الله... طب هترجعي امته
بروج: شوف يا جدي اقوله ايه يقولي ايه... بقولو مش عايزه اقعد في بيت العيله يقولي هترجعي امته انا عايزه اقعد في بيت لوحدي الله
جسور : يا ستي ترجعي معايا البيت لغايه ما اشوف بيت واظبطه وتتنقلي عليه
بروج : لأ انا مش هطلع من هنا غير وعلي بيتي
جسور بزهق : طب واعتذر لحضرتك قدام عيلتي ازاي وحضرتك مش راضيه تيجي معايا البيت
بروج بنفس نبره الزهق بتاعته : والله حضرتك تقدر تعزم اهلك هنا وتعتذرلي قدامهم مش قضيه هي
فوزي كان قاعد يبص للي بيتكلم فيهم لغايه ما رقبته تعبت
فوزي : بقولكوا ايه انا صدعت صوتكوا ده يهدي شويه انتوا مش في الشارع
الاتنين شاوروا علي بعض في نفس الوقت
جسور : هي اللي غلطانه
بروج: هو اللي غلطان
فوزي : والله انا اللي غلطان ان انا قررت اصالح اتنين عيال زيكم... قصر الكلام علشان حنجرتي تعبتلكوا سلف يا جسور وقت ما تلاقي البيت تعالي خودها وان فتحت بوقها ساعتها انا اللي هقفلها ماشي
جسور : حاضر يا جدي
********************************************
فضلت واقفه عند البوابه مستنيه دخول المشئومه والمأسوفه علي عمرها سهام
واول ما دخلت راحت عليها جري
بوسي : سهام تعالي انا عيزاكي
سهام : معلش يا بوسي هروح بس اسلم علي تلا واجيلك
بوسي شدتها من قفاها : تلا برضه ولا اسلام تعالي اما اقولك
بعدت بوسي عن البوابه بشويه
سهام : سبيني انتي عامله زي اللي ماسكه مجرمه كده ليه
بوسي ضربتها علي كتفها : بصي يا ماما انا عارفه بتيجي ليه هنا كويس... انتي بتيجي علشان اسلام
سهام: لا طبعا انتي ازاي تتجرأي وتقولي كده
بوسي : اهدي بس يا حبيبتي اهدي انا بقولك مش بسألك وعلشان ترتاحي اسلام خاطب يا قلبي
سهام : ايه خاطب مين
بوسي : انا يا عنيا
سهام بصدمه : ايييه
بوسي : ايه مش عجباكي ولا ايه
سهام : مقصدش... بس مش شايفه في ايدك دبله يعني
بوسي : ده لاننا هنتخطب رسمي بعد اما اخلص امتحانات... فشايفه البوابه اللي انتي جيتي منها دي
سهام : اه
بوسي زقتها : اخرجي ومتجيش منها تاني علشان طلبك مش عندنا... وبصراحه انا مش ضامنه تصرفي هيكون ايه لو شوفتك تاني
بوسي طردتها وجت تدخل القصر قابلت اسلام في المدخل
بوسي : اسلام انا طردت البت سهام ده لو كان معندكش مانع... ولو كان عندك كنت هتطردها برضه
وسابته ومشيت
اسلا : بركاتك يا بروج هانم
********************************************
بعد فتره من الوقت
داليدا : هو كان لازم يعني نسافر البلد النهارده
عدي : هو انتي ليكي في ذمتي هديه ... وهديتك في البلد يا قلبي
داليدا : هديه ايه اللي في البلد دي
عدي : هتعرفي
داليدا : يا ربنا
داليدا لسواق التاكسي : ايه ده ياسطا انت رايح فين
عدي : ما تسبيه
داليدا : الله انت هتجنني هو احنا مش هنروح عندكوا
عدي : لا هنروح عندكوا
داليدا : بس انا مش عايزه اروح زعلانه منهم
عدي : ليه
داليدا : من وقت ما حسناء اتجوزت وهما محدش منهم معبرني
عدي : الا جوازه حسناء دي جت بسرعه كده محسناش بيها
داليدا : دي طلعت عين شهاب يا عيني عقبال ما وافقت
عدي ضحك : مش قادر انسي لما جه يتقدملها وطلبت طلب خلت ابوكي وجسور في نص هدومهم
داليدا :،طلبت ايه طلبت ايه ها
عدي : قالتله هات موبايلك افتش فيه
داليدا : يالهوي علي المجنونه
عدي كان هيموت من الضحك : وعمري انسي لما دخلت علي الرسايل ولاقت اسامي بنات وريأكشنها ساعتها فضلت تقول بنااااااات بناااات وشهاب يحلف 100 يمين ان دول مرضي عنه... عارفه متهدتش امتي الا لما اتصل بيهم كلهم وعرفت ان هما مرضي عنده فعلا
داليدا : يالهوي وجسور سكت علي كده
عدي : كله كوم وجسور اخوكي كوم تاني لما مال عليا وقالي عدي لو لاقتني هقوم امسكني وجامد علشان لو قومت هخنقها
داليدا : يا نهااااار ضحك... طب اسمع يوم كتب الكتاب فضلت قاعده طول اليوم ماسكه الموبايل وتقول اكيد هينبعتلي فيديو ليه هو كمان
عدي : بس علي فكره كانت هتقلب غم
داليدا : ازاي بقي
عدي : الواد اياد ابن خالتي جه وكان عايز يعمل مشاكل بس ربنا يشفيه من العلقه اللي اخدها من عاصي
داليدا : ربنا يسامحه ده سببلها عقده في حياتها
عدي : بس متنكريش ان شهاب انسان كويس وهينسيها كل حاجه وحشه شافتها
داليدا : لأ فعلا هي اتغيرت بصراحه الحق يتقال
عدي بص حواليه: ايه ده احنا وصلنا
سواق التاكسي : احنا وصلنا بقالنا ساعه بس لما لاقيتكوا مندمجين في الكلام قولت اسيبكوا
دخل عدي ودليدا البيت فأهلها كلهم جهم وسلموا عليها ولاقت حسناء اختها موجوده
داليدا باستغراب : انتي ايه اللي جابك هنا
حسناء : اخت العريس بقي والعروسه كمان تصوري
داليدا : ايه ده جواز عاصي النهارده ومقولتوليش ليه... اخص عليكوا
حسناء اخدتها من ايديها وطلعت علي اوضتها
داليدا : يا بنتي فهميني انا مش فاهمه حاجه
حسناء خرجت فستان ابيض من الدولاب : هتفهمي دلوقتي.... البسي
داليدا بصت للفستان : انتي مجنونه ده اكيد فستان تلا
حسناء : لا تلا فستانها عندها... البسي بقي ومتتعبيش قلبي خليني ازوقك بقي
داليدا : تزوقي مين مش هعمل اي حاجه من الهبل آللي انتي بتقوليه ده غير لما افهم
حسناء : انتي كمان فرحك النهارده يعني عندنا عاصي وتلا وعدي وداليدا
داليدا : بتهزري
حسناء : والله ما بهزر ... عدي حب يعملهالك مفاجأه بما ان كان فرحك مش برضاكي... حب يبتدي حياه جديده معاكي
داليدا عيطت ... حسناء راحت ومسحت دموعها : لأ لأ لأ لو عيطي كده بعد المكياج هتبوظيلي شغلي يلا قومي البسي الفستان.
داليدا قامت تلبس الفستان... موبايل حسناء رن
حسناء : ايوه يا حبيبي... لا لسه مبدأتش تزوقيها... وانت كمان وحشتني يا حبيبي
داليدا حبت ترخم عليهم : حبيبي الله يرحم جنانك عليه وكله كوم ويوم الفرح كوم تاني لما قولتيله وانتوا في الكوشه عايزه اكل وكنتي هتصوتي وسيبتيه المعازيم بالفرج ورحتوا مطعم كلتوا ورجعتوا تاني
حسناء ضربت رأسها بأيديها : متفكرهوش انا ما صدقت نسي
شهاب بهزار : منسيتش اصلا كل اما اجي انسي واحد من اصحابي اللي حضروا الفرح يفكروني
*******************************************
راح عاصي علشان يأخد تلا من البيت.... نزلت تلا بفستانها الابيض وحجابها الجميل كانت ملكه في اليوم ده... عاصي اول ما شافها مقدرش ينزل عينه من عليها
تلا وقفت قدامه وعماله تبصله انه يتكلم بس هو ساكت خالص
تلا : ايه رأيك
رفع كتافه مع ابتسامه جذابه :ملكه... انتي ملكه قلبي
وحضنها وفضل يلف بيها
اما عدي راح يجيب داليدا لأنه كان راح القصر يلبس البدله ورجع تاني
راح وفتح اوضتها
عدي : ها خلصتوا
داليدا قامت من علي الكرسي وراحتله
داليدا : عدي انا فرحانه اوي اوي اوي بس في نفس الوقت خايفه من كلام الناس هيقولوا ازاي اتجوزت وعامله فرح تاني
عدي مال علي ودنها وهمس بحب : متركزيش مع الناس ركزي معايا انا... هو انا مش كفايه
داليدا ابتسمت بفرحه : انت تكفي وزياده
عدي تني دراعه : يلا بينا
داليدا بفرحه : يلا
******************************************
وفي القاعه
لحظه الرقصه الرومانسيه
عاصي : مش مصدق نفسي ان احنا اتجوزنا خلاص انتي بقيتي ملكي... ملكه حياتي.. خلاص هيبقي لينا بيت وحياه خاصه بينا.. انا اسعد انسان في الكون.
تلا اتكسفت وحطت وشها في الارض : انا اللي اسعد انسانه في الدنيا لان ربنا رزقني بيك
عاصي : لا لأ ......قلبي
تلا قلقت عليه : مالك
عاصي بضحك :اصله مش مستحمل كميه الفرحه وحلاوتك دي كلها
تلا : حرام عليك قلقتني
عاصي : جهزي نفسك علشان هتطيري
تلا مش فاهمه حاجه : ايه ؟!
بس فهمت لما عدي شالها ولف بيها
والناحيه التانيه
فضلت مكلبشه في عدي وحاطه وشها في كتفه
عدي : انتي مسكاني كده ليه متخافيش مش ههرب
داليدا : انا مش مصدقه نفسي اني وافقتك علي الهبل ده.... الناس هتلاقيها بتقول ايه دلوقتي
عدي : بصيلي كده
داليدا : لأ
عدي : هزعل
داليدا بصتله وكانت هتعيط وهي حاسه بإحراج
عدي : انتي مبتعمليش حاجه غلط تمام ومش لابسه حاجه مش محترمه علشان الناس يتكلموا عليكي بحاجه وحشه بالعكس انتي لابسه فستان بحجاب والفستان محترم وزايدك جمال اهو... وانا غيران وهفرقع علشان طالعه حلوه موت والعيون كلها عليكي ونفسي اصفي كل عين بتبصلك بس اهو مش عايز ابوظ فرحتنا
داليدا ابتسمت
عدي : بحبك بقي
داليدا ضحكت بفرحه : وانا كمان
واقفه في القاعه تتابع الفرح من بعيد شويه... جه جسور ووقف جنبها
جسور : مراتي الحلوه عماله ايه
بروج : تعبااااانه من الترتيبات
جسور : وبنتي الحلوه اخبارها ايه
بروج : عماله تلعب جوه مش ساكته خالص شكلها هتبقي شقيه
جسور : تيجيلي بالسلامه حبيبه قلب بابا
وبص علي علي العرسان
جسور : مش عارف بلال ومنه وبوسيو ‘اسلام متجوزوش هما كمان ليه وريحونا
بروج : حرام عليك دي تلا لوحدها وهدتني ترتيبات فرحها حرفيا كمان كنت عايز بوسي واسلام وبلال ومنه في نفس اليوم حرام عليك ده انا علي وش ولاده.... رغم ان كتب كتابهم هيبقي علي اول الاسبوع الجاي وفي نفس اليوم الا اني خليت فرح منه قبل فرح بوسي بشهر علشان لو ولدت اكون استريحت شويه
جسور : مشتاق اشوف المفعوصه اللي جوا دي اووووي
بروج : خلي في بالك اني بغير علشان لو جت ونسيتني او حبتها اكتر مني هطلع عنيك
جسور مسك دقنها بيهزر معاها : ده انت الاصل يا قلبي
بروج : اما نشوف
جسور خبط كتفه في كتف بروج
جسور : بوجي
بروج : نعم
جسور : مش كنا عملنا فرحنا تاني معاهم النهارده
بروج : وانا ببطني دي. حرام عليك
جسور : تخيلي كدا شكلك في الفستان بكرشك ده
بروج : كرش!! اخص عليك هعيط
جسور : لا يا قلبي ده انتي سمبتيك
بروج : اه بحسب
جسور : بوجي
بروج بنفاذ صبر : ايه تاني
جسور : احنا مش محتاجين نعمل فرح عارفه ليه
بروج : ليه ؟!
جسور : لان كل يوم بيعدي عليا وانتي معايا ده فرح بحد ذاته
بروج : هو انا بحبك من شويه
جسور : انا بموت فيكي
وبص علي بطنها : وفيها
********************************************
يوم كتب كتاب منه وبلال وبوسي واسلام
وقف اسلام مستني بوسي عند مدخل القصر
اسلام : اتأخرتي ليه ؟!
بوسي : كنت بأكل مأكلش يعني
اسلام : بتأكلي لحظه كتب كتابك
بوسي : هو فيه قانون يجرم الاكل وقت كتب الكتاب
اسلام : كل مره بتصدميني
بوسي : زي ما صدمتك بدرجتي في الثانويه كده
اسلام : اه والله اموت واعرف انتي جبتي 94 دي منين وانتي مكنتيش بتفتحي كتاب
بوسي : لما كنت بقولكوا بذاكر في السر مبتصدقونيش انا كنت بدخل اقفل عليا اوضتي واذاكر من وقت ما جدي كسفك وقالك هي ادري بمصلحه نفسها وانا بعمل كده
اسلام : طب يلا يأختي المأذون مستني في الجنينه علشان يكتب الكتاب
وبعد كتب الكتاب
بلال : الف مبروك يا عروستي
منه بكسوف : الله يبارك فيك
بلال : الفرح خلاص بعد يومين.. انا فرحان ان ربنا رزقني بزوجه صالحه زيك. ... زوجه تأخد بايدي للجنه
منه : بمناسبه الجنه بقي ايه رأيك نعمل عمره
بلال : لا احنا هنستني شويه علشان انا ناوي علي حج
منه بفرحه : بجد هنحج
بلال : بجد.. لو عشت وكان ليا عمر هنحج انا ناويها
منه : ربنا ميحرمنيش منك يارب
بلال : ولا منك يا حبيبتي .... ليكي. هديتين عندي اول هديه انا حفظت القرآن كامل وبالتجويد
منه بفرحه : بجد!!!!!
بلال : جد الجد وتقدري تسمعيلي
منه بسعاده : الف مبروك انت متعرفش انت فرحتني ازاي الف مبروووك
بلال :وفري شويه فرح بقي للهديه اللي جايه ..... فستان فرحك اللي حجزتيه انا ضيفت عليه حاجه كده
منه : حاجه ايه ؟!
بلال : نقاااب
منه : بتتكلم جد.... انا هلبس النقاب اخيرا
ودمعت من كتر الفرحه : ربنا يسعد قلبك ويرزقك الجنه.... متتصورش فرحتيني ازاي
بلال ضحكلها : احنا اتجمعنا علي طاعه ربنا ......ربنا يقدرنا علي طاعته .....ويقدرني واسعدك يارب
وقف اسلام وبوسي بعد كتب الكتاب
اسلام : مبروك يا بسبوسه حياتي
بوسي : مبروك عليك انا
اسلام : جايبلك هديه كده
بوسي : هديه ايه
اسلام راح جاب الهديه ورجع... بوسي لاقت الهديه دبدوب علي شكل جامبول فمسكته وحضنته جامد
بوسي : جامبول حبيبي
اسلام : طب والنسبه للي جاب جامبول ملوش حاجه
بوسي خرجتله لسانها : لأ
وسابته ومشيت
اسلام بص للسما : صبرني يارب
الكل كان فرحان وفجأه صوات بروج ملا كل المكان
جسور بقلق : مالك في ايه
بروج صوتت : بوووووولد
جسور مبقاش عارف يعمل ايه : طب طب انا أعمل ايه دلوقتي اعمل ايه
بروج : انت بتسألناااااي انا وانا في الحاله دي
جسور : هوديكي المستشفي
الكل وقفوا بره قلقانين علي بروج
خرجت الممرضه : الحمد لله ولدت بنوته زي القمر
الكل هني جسور والعيله كلها بقت فرحانه بالمولوده الجديده
******************************************
فرح منه وبلال كان تحفه وخصوصا انهم عملوا نظام التفريق.. الرجاله لوحدهم والستات لوحدهم فكلوا اخدوا راحتهم
وفرح بوسي كان بعدها بشهر وكان مجنون زي العريس والعروسه
****************************************
وبعد ايام من فرح بوسي
دخلت بروج اوضه سندس بنتها بعبايه جميله وطرحتها هي اتعودت تلبس كده لما فجر يجي لانه خلاص مبقاش صغير
جسور : بروج مين كان علي الباب
بروج : ده فجر جاي يشوف سندس بنتي
جسور بغيظ : الواد ده من اول ما البت اتولدت ورجليه اخدت علي بيتنا اوي
بروج ضحكت : انت بتغير من فجر ده لسه طفل
جسور : طفل ايه االي عنده 11 ولا 12 سنه
بروج : انت اللي حطه في دماغك وزي ما حطيت حدود ما بيني وبينه لانه مش من محارمي بنتي لما تكبر هتحط الحدود دي بس لما تكبر ووطي صوتك الواد قاعد بره
بروج اخدت سندس واديتها لفجر يشيلها وجسور كان غيران اوي من فجر لانها كل ما تشوفه تضحك
جسور من بين سنانه : اهلا يا حبيبي ازيك
فجر : اهلا بيك يا عمي
جسور بغيظ : ايه اللي جابك قصدي منورنا
فجر : ده نورك يا عمي
بروج بهزار : ايه رأيك اجوزهالك يا فجر
راح جسور ضربها علي رأسها
جسور بغيظ : ايه اللي انتي بتقوليه ده
بروج ضحكت : ايه رأيك لما تكبروا اجوزكوا لبعض وتبقي عروستك
فجر ضحك وسندس ماسكه صباعه بايديها الصغيره وهي بتضحك
فجر بسعاده : عروستي
تمت بحمد الله
