 |
رواية دعني احطم غرورك الفصل السابع والثلاثون بقلم منال سالم
بدأت الفتيات في عملية التنظيف بكل جهدهن ،،،
-دينا: اووف تعبت بقى ، كملي انتي يا جوجو
-جانا: No way ..
-دينا: بقى كده طب خدي ...
قامت دينا برش الماء على ملابس جانا ، فردت لها جانا الصاع صاعين ، وأصبحت معركة بالمياه
-جانا: هههههههه ، ده انتي مجنونة
-دينا: مش أجن منك يا بنتي ، ده انتي تدخلي موسوعة جينس من أوسع أبوابها باللي بتعمليه في الناس.
-جانا: هههههههههههههههه ، وماله مش عيب ، مجنونة وأفتخر .. انا هاقوم أغير هدومي دي اللي اتبلت
-دينا: اها ، وأنا كمان ، by the way بليز جوجو ، انا مش حاسة بايدي ، هاخد بريك 5 minutes بس ...
-جانا: يعني شيفاني أنا اللي قادرة اكمل ، انتي يا بنتي !!
-دينا : جوجو ، بليز ألحق بس أقفل الليفل الجديد بتاع Candy Crash لأحسن زمان الـ lives بقت full
-جانا: يا شيخة ، قولي كده مش تقوليلي مش حاسة بايدي.
-دينا وهي تقبل جانا من خدها : حبي يا جاجووو ، 5 ورجعالك
-جانا: افتكريني بقى لما أعوزك
-دينا: اه شوووور
دخلت دينا إلى حجرتها لتغير ملابسها ثم لتلعب قليلاً على هاتفها ، بينما حملت جانا السلم وانطلقت نحو الصالون لتبدأ مرحلة تلميع النجف بعد أن غيرت ملابسها المبتلة ..
ارتدت جانا ( شورت أحمر قصير ، تي شيرت أبيض cut )
وضعت جانا السلم وبدأت تتسلقه تدريجياً ثم أخذت تلمع كريستالات النجفة
في تلك الأثناء رن جرس المنزل ، فتوجهت سهير إليه لتعرف من الطارق
-سهير: أهلا يا عز يا بني
-عز خافضاً صوته : أهلا يا طنط ازي حضرتك ، جانا موجودة ؟
-سهير : أه يا بني .. اتفضل
-عز: شكراً لحضرتك ، كنت قولت لعمي حسيـ.......
-سهير وهي تبتسم: ايوه يا بني عارفة ، خش قولها ، هي جوه في الصالون ، ربنا يسعدكم يا بني ويتمملكم على خير ..
-عز: شكراااا .. شكرااااا يا طنط
توجه عز الدين ناحية غرفة الصالون حيث كانت جانا منشغلة بتلميع النجف ، ظل صامتاً لبرهة من الوقت يتأمل ملامحها ، يدرس كل تفصيلة بها إلى أن قطع صمته صوتها ،،،
-جانا وهي تنظر للنجفة : خلصتي الـ level يا دودي وارتاحتي ، ناوليني بقى بخاخ المياه اللي هناك ده
-عز: .......................................
-جانا: يالا يا بنتي انجزي ، مش هفضل طول اليوم كده متشعبطة !!
قام عزالدين بالبحث عن البخاخ لكي يعطيه لجانا دون أن يتحدث ،،
-جانا: كل ده بتجيبيه ، اخلصي بقى
-عز: ....................................
-جانا: يووووووووووووووووه
-عز: خدي !!!
-جانا بصدمة: آآآآآآآ.. انت ؟؟؟ انت جيت امتى ؟ وبتعمل ايه هنا ؟ وايه اللي جايبك في صالون بيتنا؟ قول ! اتكلم ! انجززززز !!!
-عز: اييييييه يا بنتي ، ابلعي ريقك شوية
-جانا: اتفضل امشي من هنا
-عز: لأ مش ماشي ، انا مبسوط كده
-جانا: اطلع بره
-عز: مش طالع ، أنا واقف في ملك الحكومة !!
-جانا: يا بني متستفزنيش
-عز: لأ انا عاوز أستفزك وأنرفزك وأخرجك عن شعورك كمان
-جانا: يخريبت ثقالتك وبرودك
-عز: اتعلمته منك .. بس ايه الحاجات النار دي
-جانا : اتلم وخليك جينتل ، واطلع بالذوق
-عز: سوري .. أنا أعدلك هنا ...
-جانا: لو مامشتش حالاً هاحميك بالمياه
-عز بخبث : الله ، ده يوم المنى
-جانا: صايع
-عز: قولي قولي .. واخد ع كده
قامت جانا بكل غل برش عز الدين بالمياه الموجودة في الطبق المخصص لتنظيف النجف
- طششششششششش
-عز: يااااااااااااا مجنونة
-جانا: أنا حذرتك من الأول ، وانت اللي عملتلي فيها دكر بط .. اشررررررب بقى
-عز: دكر بط !!
-جانا: هع هع هع !! يدوب تمامك
-عز: وترجع تزعل بعد كده م اللي بعمله فيها ...
-جانا: آآآ.. قصدك ايه ؟
-عز وقد اقترب منها: اطمني مش هعملك حاجة
-جانا: أهاااا .. لأ مابقتش باكل م الأونطة بتاعتك دي
-عز: أونطة ! انتي واثقة انك كنتي عايشة بره وخريجة لغات ؟؟؟
-جانا: أينعم !!
-عز بضحك : طالما فيها أينعم يبقى أنا كده اطمنت
-جانا: يالك من شنقيط !!!!!!!
-عز: ايه شنقيط دي ؟ اوعى تكون شتيمة أبت !!
-جانا: معرفش ، هي بتتقال كده .... الله ، انت بتعمل ايه ؟؟؟؟
استغل عز الدين انشغال جانا بالرد عليه دون أن تركز أنه يقترب منها رويداً رويداً حتى استطاع أن ينتزعها من على السلم لتحملها يديه
-جانا: انت اتجننت ، ايه اللي بتعمله ده ؟
-عز: ماهو انا مش هسيبك إلا لما توافقي ، انشالله نفضل طول اليوم كده.
-جانا بقلق: لو سمحت عيب كده ، نزلني من فضلك
-عز: مش قبل ما توافقي الأول
-جانا: اوافق على ايه ؟
-عز: ع ان دخلتنا تكون أخر الأسبوع
-جانا: impossible مش هيحصل
-عز: وايه ياختي اللي هيخليها متحصلش؟
-جانا: أهوو ، شوف انت بتقول انا اختك .. ازاي ينفع بقى يا حلو
-عز: هو انتي ليه بتحسسيني ان احنا أصلا مش متجوزين
-جانا: ماهي دي الحقيقة.
-عز: لأ احنا ناقصنا بس الفرح ويبقى كده تمام
-جانا: لاياخويا ، انا مش مستغنية عن عمري معاك ، وبعدين حوماية بليفة ولا جوازة بتكتيفة !!!!
-عز: نعم ؟ يالهوي ع أمثالك ، بيئة فحت ...
-جانا: هو ده اللي عندي وان كان عاجبك ، سيبني بقى اشوف اللي ورايا
-عز: تؤ
-جانا بضيق: هنادي على انطي سهير!
-عز بفخر: ماهي عارفة
-جانا: عارفة ايه ؟
-عز: عارفة انك معايا الوقتي وعمك كمان عارف وموافق ومؤيد ومشجع و..
-جانا مقاطعة: بسسسسس
-عز: م الاخر كده مقدامكيش حل تاني غير الموافقة
-جانا: وان ماوافقتش؟
-عز: هفضل شايلك كده لحد ما يجي عمك وابويا ونتمسك آداب !
-جانا: صفيق
-عز: وشنقيط ، وتنح وبارد وثقيل ومنيل و.. كملي كملي .. برضوه انا هفضل كده
سمع كلاً من عز الدين وجانا باب الشقة يُفتح .. فتوترت جانا كثيرأ ولكن أصر عز الدين أن يبقى كما هو
-جانا: في حد جه بره ، لو سمحت انهي المهزلة دي حالاً
-عز: مهزلة !! هو انا بسرق ؟؟ طب بالعند فيكي هفضل كده
-جانا: بليز عز ، put me down
-عز: لــــع يا بنت الدمنهوري
-جانا: خلاص موافقة موافقة ، بس نزلني بقى
-عز: اييييه ، سمعيني تاني
-جانا: انجزززز بقى
-عز: مش هنجز غير لما أسمعك بتوقليها تاني
-جانا: يوووه ، أنا موافقة ، ارتحت
-عز: مممممم ، لأ لسه مش عجباني ، قوليها بدلع
-جانا: الله يخدك ، هتفضح
-عز: ميهمنيش
-جانا بدلع: أنا موافقة يا عز
-عز: ايوووه بقى
-جانا: ممكن تنزلني
-عز بخبث بعد أن أنزلها: ماشي يا عروووسة .. ليكي يووووم ، وأهوو قرب
دخلت جانا حجرتها وهي في قمة خجلها بينما رحب حسين بعز الدين وتعالت الزغاريط في المنزل ابتهاجاً بالزفاف السعيد ......
-سهير: لوووولوووولي ،،، لووووولوووولي .. مبرووووووووووك
-حسين بفرحة: ايوه يا سهير سمعي الناس كلها
-دينا: مبروك يا عز
-عز: الله يبارك فيكي يا دينا، عقبالك!
-دينا: ثانكس
...................
