رواية الضابط واليتيمة الفصل الثامن والثلاثون بقلم بقلم مجهول
رجعنا اندورعلى الفستان اني وريهام وخالة وخالة وليد وعمتة تعبنا من مكان لمكان وبعدين رحنا لمحلات عادية اشترولي ملابس كومة مال طلعة واحذية كعب ومكياج وفساتين قصيرة وتنانير كومة واخر شي رحنا على الملابس الداخلية خالة كالتلي كل الي عدج اتكضين بيها هليام وقبل العرس كلها اتذبيها واني طبعا همة شيكولون اسوي من التعب ما بية حيل اناقش اشتروا ملابس هواية بس من ديختارون سيتات نوم اني رحت واختاريتهم اختاريت شغلات نازكة ومستورة اخذت اسود وابيض واحمر وشغلات بسيطة كلش وناعمة خالة مقبلت بس بعد قبلت واصرت على مال العرس هي تختارة طلعنا
وكفنا اباب المحل دكيت على ايمن اجة اخذنا ورجعنا للبيت اتغدينا
- يلى ماما روحي صعدي الغراض صفطيهن بغرفة رجلج
- حاضر
- لا يمة شنو لازم ايبدل الغرفة وليد
- لا ماما الغرفة مصاللها هواية جديدة انبدل بس البردات والزولية واكيد الفرشة وكم قطعة اثاث بلون الصبغ
- مينا شتكولين
- اصلا حتى ذني ميحتاج غرفتة اتجنن
- لا يمة ضروري
طبعا غرفة وليد كلشي بيها الحايط اخضر فاتح كلش واكو حايط اسود والاثاث اسود كلش حلوة وهو حتى تلفزيون بيها كلشي مناقصها
صعدت فتحت الكنتور فدوة لريحتة وملابسة اوف يربي شكد فرحانة اجتي ريهام بظهري
- يمة الحب يمة خدج راح يطك من الضحك
- ههههههههههه ولج راح اموت من الفرحة
ضليت احضنها
- يلى لعد خلي نركص
شغلنا اغاني لساجدة جانت ريهام تركص واني اباوع صافنة
- تعاي عيني خلي نركص
- ما اعرف
- شنو ... وراج عرس انتي شلون تعاي تعاي اني اعلمج
وبدت اتعلمني
- لا لا اني هديني تعبت شنو هاي والله عيب
- هههههههههه انجبي بعدين بعرسج منو يركص وبعدين من يكلج اركصيلي منو يركص لو اتجيبيلة راقصة
- شنو ..... شنو ليش وليد راح يكلي اركصيلي
- لعد يمة شعبالج
- لا لا وليد ميسويها
- اكصها لايدي اذا ميكلج
- لا لا
- اوك يلى ماشي لعد بما انو انتي مراح اتركصين بعرسج انجيب راقصة تركص كبال وليد
- شنو لا عيني شنو راقصة لاااااااا
- ضلي هيج لعد اصلا بنات عمامي وعماتي وبنات خوالي وخالاتي كلهن راح يركصن ووليد يصفن عليهن
التفت دتروح
- لج تعاي صدك تحجين
- اي طبعا
- تعاي علميني
- هاي بنيتي
بدينا نركص شوية شوية اتعلمني وبعدين خلتني كبال المراية وصدك عجبني بس ورة ساعة تعبت
- بنات وينكم اجوي الولد يلى
- يوووو باعي الغرفة شلون هوسة
- عوفيها خلي نتغدة ونرجع عود
نزلنا ننهت
- هاي شبيج حبيبتي شنو مصخنة
- لا عيني حبيبتك جانت تدرب
سديت حلكها
- لا لا ماكو شي جنا انظف
اجتمعنا على الغدة رادت تفضحني رحت ا اغسل المواعين وياية ريهام
-مينا (بصيحة)
-عزة هذا شبي
رحت اركض للغرفة فتحت الباب واحد جرني ورة الباب راسا لزكني بالحايط
- وليد شبيك عزة
- هاي شنو بالغرفة
- شنوة ملابسي شبيك ( جسمي جان كلة يرجف من الخوف)
ابتسم وطلعلي ملابس داخلية شايلها بايدة
- قصدي هذا ( وعض شفتة)
- وليد راد يوكف كلبي
مديت ايدي اريد اخذة صعدة فوك
- انطينيا
- تؤ تؤ (ويهز بحواجبة)
- وليد
عرضة علية
-ليش حجمة صغير هلكد
- عاااا ولييييد انطينيا
ذبة واجة لزمني اتقرب علية كمت اضحك
- فطيرة
- ههههههههههه🌹كمزت علي وهو شالني جلبت بي رجلية داير مداير خصرة كعدت ابوس بوجهة بعيونة خشمة كصتة كلشي بي ونزلني
التفت دا اطلع وصلت للباب
- اوووووف شيصبرني ( بصوت عالي )
راسا طلعت نزلت جوة اركض ما اريد اشوف احد من المستحة
مشت التحضيرات مثل ما اريد والفستان لكيتة ووليد اتخبل علي شكد ما حلو حجزنا جلسة تصوير وقررت البوكي مالتي يكون لون الورد ازرق مثل اول وردة جابها الية واختاريت التول والورد مال الكوشة نفس اللون ابيض وازرق كلشي صار مثل ما اريد خلصت الغرفة هم ووليد كام ينام يم اخو على ما يخلص العرس سوينا حنا الولد برة بالشارع والبنات جوة وخالة هي حنتني
الساعة ب٨ كاعدة بغرفتي فستاني مقابيلي التوتر ماكل كلبي اكل احس كلبي من كثر ما يدك تعب كمت بدلت اخذت نفس طويل وصلت للباب
- لا لا
رجعت كعدت على الجرباية
- ما اكدر ما اكدر اطلع يمممممة
اندكت الباب من الخرعة بصوت عالي وراجف
- منوو
فتح الباب
- اني ريهام شبيج
- ها لا مابية
- ولج شبيج وجهج اصفر شدعوة عبالك اول مرة اتشوفين وليد
- ولج كلش كلبي يدك عفية راح ابجي
- اششش لج شنو تبجين مو هسة لازم ورة من خلي مكياج حتى اكلج الجملة الشهيرة " لا لا لتبجين راح يخرب مكياجج"
- هههههههههههه خرب ببليسج اكلج وليد وين
- برة ينتضرنا انروح للمركز التجميلي عيني
- يلى
اخذنا الفستان والحذاء وكلشي نحتاجة لان من المركز مباشرة للقاعة انروح
- منسينا شي
- لا كلشي من البارحة محضر لتخافين
- ها يمة اتخرتوا يلى
- اي خالة باوعت على وليد جان مبتسم نزلت راسي ورحنا صعدنا بالسيارة رحنا وصلنا من طبيت لحد ما طلعت خالة اتسمي علية والناس اتبارك النا كملوا شعري وبدوا ابمكياجي خلصنا كلشي رحت بدلت لبست الفستان والحذاء وحطينا التاج واللمسات النهائية
كلبي مثل الطبل
حطوا علية بركع وصعدت السيارة مشفت وليد ولا شفت اي احد جان وليد لازم ايدي دخلوني للقاعة وبعدين بغرفة الانتظار لان الدخولية اتصير ورة ميحضرون الضيوف
كلشي مدا احس كلشي ديصير بسرعة اجتي ريهام شالت البركع وعدلتلي كم شغلة
- لتخافين ولج اجننين طالعة
- ان شاء الله
- يلى راح يجي وليد حتى ادخلون سوة
اجة وليد
طبيت عليها منزلة راسها كلبي يدك يدك طالعة اتجنن مثل الملاك
- ما شاء الله
رفعت راسها
- حبيبتي شهل جمال
- انت هم اتخبل
- يلى كافي بلة خوف خلي انطبلهم
- ممم
لزم ايدي ودخلنا للقاعة كلها اتصفك كلبي يدك احس روحي دا امشي اعوج من الارتباك
وصلنا لنص القاعة وكف وليد والتفت علية وباس راسي وطول بالبوسة كلشة وبعدين وخر عني واخذوني للكوشة كعدوني والمصور يصور والهلاهل ملت القاعة
كعد بصفي وليد
باوعتلة والتسمت وهو هم ابتسملي وبدت الاغاني تتبدل
وبدوا يركصون ورة شوية صاحوني عمود اركص احس نسيت الي علمتنيا ريهام رجعت اذكر شوية شوية وركصت وياهم ووليد وية ولد خالتة وعماتة والكل فرحان
كطعنا الكيك والهلاهل مستمرة خلصت الحفلة الحمدلله على خير صعدنا بالسيارة وصلنا للفندق دخلنا اني ووليد وليد جان شايل جنطة بيها ملابسنا
سدينا الباب وليد طب للحمام واني رحت يم الشباك وكلبي بعدة يدك قوي واصلا زاد خوفي للضعف
اني كلبي راح يوكف والله 😂😂❤️
