 |
رواية دعني احطم غرورك الفصل التاسع والثلاثون بقلم منال سالم
يوم واحد فقط متبقي على موعد الزفـــــاف ، الكل يشعر بالسعادة والسرور إلا جانا ، فهي تشعر بالانقباض والخوف من المجهول ، معظم وقتها جالسة وهي شاردة
-دينا: هاي يا عاروووسة ، مالك ، اللي واخد عقلك يا جميل
-جانا: هه
-دينا: انتي مش معايا خالص
-جانا: دينا بليز أنا مش فيقالك
-دينا: بكرة تبقى فايقة لعريس الهنا
-جانا: بس متجبليش سيرته
-دينا: عليا برضوه الكلام ده
-جانا: يووووووه ، سيبيني يا دينا في الهم اللي انا فيه
-دينا: هم ايه ؟ جانا في حاجة انتي مخبياها علينا ؟؟
-جانا: لأ ماافيش
-دينا: اومال مالك ، مش طبيعية زي أي عروسة
-جانا: دينا ... أنا .... أنا مش عاوزة أتجوز !!!
-دينا: what ؟؟؟؟
-جانا: اللي سمعتيه
-دينا: Are you mad ؟؟
-جانا: لأ انا عاقلة
-دينا: طب ليه ؟
-جانا: من غير ليه
وهنا دخلت سهير الحجرة ،،،
-سهير: لوووووولوووولي .. مبروك يا أحلى عروووسة .. لووووولوووولي
-دينا: الحقي يا مامي ، جانا مش عاوزة تجوز
-سهير بضحك : هههههههههههههههه ، كل البنات بيقولوا كده ، وتاني يوم جوازهم بيبقوا ........ ههههههههههههههههههه
-دينا: بيبقوا ايه ؟؟؟
-سهير: اختشي يا بنت اما تجوزي هتعرفي
-دينا: طب ما تقولي لجوجو يا مامي
-سهير وهي تدفع جانا لخارج الغرفة : سيبي العروسة في حالها ، هي بس تلاقيها زعلانة عشان هتسيبنا .. لكن بكرة هتتهنى مع جوزها وتعيش أحلى أيام
-جانا في نفسها: آااااه ، باينه هيبقى مرار طــــافح
......
في منزل يوسف الكيلاني ،،،
-ياسين: وجاهة وجاهة الصراحة
-عز: طول عمري يا بني شيك واستايل
-ياسين: من أدك يا عم ، كلها يوم وتتأهل
-عز: عقبالك يا سينو
-ياسين: انا المفروض اكون اتجوزت اصلا ، بس انت اللي مأعدني ع الدكة ومستني صفارة الحكم
-عز: ههههههههههههههه هانت ، هنعمل التبديل قريب
-ياسين: يارب ياخوووويا ياااااااا رب
-عز: انا مش مصدق ، حاسس اني بحلم ، مين كان يتخيل ان عز الدين اللي كان مدوخ البنات يطب كده ، لأ ومع مين مع أخر واحدة كنت أتخيل في حياتي أني أرتبط بيها
-ياسين: سبحان الله ، كله بأمره بيتم
-عز: يااااااااه .. الحمدلله .. وزعت الدعاوي ع حبايبنا
-ياسين: كله تمام يا كبير
-عز: متأكد ولا في حد نسيتوه
-ياسين: لأ زمبؤلك كده ، كله اتسنجف
-عز: اتسنجف ؟ انتقي ألفاظك يا بني
-ياسين: ده انا جايبلك احسن ماعندي !!!
-عز بضحكة : انت هتقولي ! ههههههههههه.
................
في النادي ،،،،
-دارين : اييييه ؟؟ فرح عز بكرة؟
-لوجي: ييس .. الـ invitation أهي
-دارين: مش ممكن ، مش ممكن
-ياسمين: اوووه ، معلش دونا
-دارين: استحالة ده يحصل ، عز ده بتاعي انا لوحدي ، بتاعي .. He's mine .. مش هتيجي الجربوعة دي ع أخر الزمن وتاخده مني
-لوجي: انسيه دونا ، في كتير غيره
-دارين: لأ مش هنساه ، انا مافيش حد قالي لأ .. مش هسيبها تتهنى يوم معاه
-ياسمين: احنا في ضهرك يا دونا .. شوفي عاوزة ايه وهنعمله عشانك
-دارين: فين حازم ؟ انا عاوزاه الوقتي حالاً
-لوجي: I don't know
-دارين : اعرفيلي هو فين الوقتي
-لوجي: اوك .. هحاول أوصله
-دارين: مافيش هحاول ، في هنفذ فوراً
-لوجي : اوكي ، اوكي ، بس بليز calm down , اعصابك يا دونا
-دارين: تتحرق أعصابي ، المهم متتهناش البيئة اللوكال دي على عز
..............
-عايدة عبر الهاتف : الف مبروك يا سهير هانم
-سهير: الله يبارك فيكي يا عايدة هانم
-عايدة: في حاجة العروسة محتاجها نجيبهالها
-سهير: الحمدلله كله تمام مش ناقصها أي حاجة عمها حسين الله يباركله جابلها كل اللي كان نفسها فيه
-عايدة: ربنا يخليه ليها .. احنا خلاص بقينا أهل يا سهير هانم ، وجانا زي بناتي بالظبط هتكوني مطمنة عليهامعايا
-سهير: ده العشم برضوه با عايدة هانم
.................
في فيلا يوسف الكيلاني ،،،،
-يوسف: طب مش كنت تقولي يا سحس بدل ما تيجي بنفسك
-حسين: تسلم يا جوو ، احنا واحد ياخويا
-يوسف: لأ وبقينا أهل كمان
-حسين: ههههههههه الحمدلله
-يوسف : والله نورتني بزيارتك دي
-حسين: الله يكرم أصلك يا جوو ، قولي هو عز موجود ولا لأ
-يوسف: لأ موجود بيظبط نفسه ، ماهو العريس بقى ههههههه
-حسين: الله يسعده يااا رب ، معلش يا جوو يا حبيبي ينفع تناديه عاوز أتكلم معاه كلمتين كده
-يوسف: وماله يا سحس ياخويا .. ثواني أناديه
-حسين: اتفضل ، خد راحتك
صعد يوسف إلى حجرته ابنه ليطلب منه النزول ومقابلة المهندس حسين الدمنهوري ،،،
-يوسف: سيب اللي في ايدك الوقتي وانزل لعمك حسين تحت ، هو أعد منتظرك
-عز: خير يابابا ، هو في حاجة حصلت؟
-يوسف: والله يا بني ماأعرف
-عز: حاضر ، انا نازله ..
-ياسين: وانا يا عم يوسف هتشوف موضوعي امتى؟
-يوسف: مش أما أخلص من عز الأول أبقى أشوفك.
-ياسين: ايوه يا عم خلاص بعد ما المصلحة قُضيت مابقاش في كلام ماهو خلصت مصلحتي من عند جارتي
-يوسف: اصبر يا بني ، لسه شوية
-ياسين: اه ، ماهو انا عامل زي اللبن الرايب ، لا أهل ليا ولا قرايب
-يوسف: ايييييييه ، اصبر على رزقك بقى متستعجلش !!
-ياسين: ماشي يا عمنا اديني صابر وساكت ...
-يوسف: ربنا يهديك
..................
-عز: أهلا وسهلا يا عمي نورتنا والله
-حسين: الله يخليك يا بني
-عز: خير يا عمي في حاجة؟
-حسين: لأ يا بني ، اطمن مافيش اي حاجة ، انا بس كنت عاوز أقولك كلمتين
-عز: اتفضل يا عمي ، أنا سمعك
-حسين: بص يا عز يا بني .. جانا دي غير أي حد ، مهما كانت قدامك تبان قوية وبايعة القضية ، إلا انها في الأخر بنت طيبة جداً ، انا مش بدافع عنها ........
-عز مقاطعاً: يا عمي آ......
-حسين: لو سمحت يا بني متقاطعنيش ، اسمعني للأخر
-عز: أسف ، اتفضل كمل يا عمي
-حسين: تسلم يا بني، زي ماقولتلك جانا طيبة ومحتاجة اللي يحسسها بالأمان والحب ، هي عاشت جزء كبير من حياتها بره ، ابوها الله يرحمه كان تعبان وكانت مسؤلية تربيتها على أمها .. وطبعا انت عارف اللي عايش بره بيكون نظامه ايه في التربية ، ورغم ده البنت طلعت شبه أبوها مش زي أمها ، أمها الله يسامحها بقى مكنش يفرق معاها عاصم ولا حتى جانا ، هي business woman وهمها الأول والأخير المصلحة فين ومع مين ، جانا وعاصم كانوا رقم 2 في حياتها ، لما عاصم رجع مصر قبل ما يموت وصاني ع إني أجيب جانا تعيش معانا هنا ، بس أمها رفضت ، وكتبلها شيء وشويات باسمها ، وأنا بفضل الله حافظتلها على مالها ، وكان نفسي أنها تجي تعيش معانا من زمن ، لكن هي أعدت فترة بعد وفاة ابوها مع أمها وفجأة طلبت انها ترجع وبيني وبينك أنا فرحت لأني بنفذ وصية أخويا ومبخلتش عنها بحاجة .. خلاصة كلامي يا بني ان أنا عاوزك تحط جانا في عينيك وتوعدني انك متجرحهاش مهما حصل ، ولو غلطت فهمها بالراحة غلطها ، هي لما بتحب بتحب من قلبها ، مش سهل أي حد يفهمها ، هي زي أبوها دايما تكتم في نفسها .. فكرك يا عز أنا مش عارف انها بتتصرف بالاسلوب الناشف ده معاك من اول يوم ، تبقى يابني متعرفش عمك حسين كويس ، ابوها كان كده ، لكن قلبه طيب ، وهي زي أبوها ، بتحاول تكون هو بشخصيتها
-عز: ياعمي ، انا حبيت جانا عشانها كده ، لو كانت زي أي واحدة مكونتش فكرت فيها
-حسين: وياريت تفضل كده على طول متتغيرش عليها.
-عز: اوعدك يا عمي اني أفضل مع جانا ومسيبهاش أبدااااااا
-حسين: ربنا يسعدكو ويرزقكم يابني بكل خير ، والأمر التاني بقى ، اتفضل خد دول !!
-عز: ايه دول يا عمي
-حسين: دي مفاتيح الفيلا بتاعتك انت وجانا
-عز: لأ يا عمي أنا أسف مقدرش أقبلها
-حسين: دي وصية عاصم اخويا الله يرحمه ، ان بنته تتجوز في الفيلا بتاعته
-عز: يا عمـ.....
-حسين: هتكسفني يا بني ؟؟
-عز: يا عمي والله أبدااااا ، كل الحكاية إن........
-يوسف مقاطعاً : متكسفش ايد عمك وخد المفاتيح يا عز
-عز: بس يا بابا ....
-يوسف: خلاص يا عز .. اسمع الكلام يا بني ، طالما وصية عاصم يبقى تتنفذ
-عز: حاضر
-يوسف وحسين : ربنا يباركلك يا بني
..............
في منزل حسين الدمنهوري ،،،
-سهير : يالا يا بنات ، عاوزين نلحق الاتيليه ، معاد بروفه الفستان
-جانا: مش مهم أنطي
-دينا: اوووف ع الغلاسة بتاعتك جوجو
-سهير: يالا يا عروسة بقى بلاش دلع
-جانا: بليز أنطـ......
-سهير مقاطعة : مافيش وقت ، يالااااااااا
.............
وبداخل الأتيليه ،،،،،
-دينا: واو الفستان روووعة
-جانا: أها
-سهير: جمييييل اوي يا جوجو
-جانا وقد جاءتها فكرة : انطي مش عاجبني الفستان ، انا عاوزة استايل تاني
-سهير: نعم يا جانا ؟؟ مافيش وقت يا بنتي ، احنا مصدقنا لاقينا حاجة شيك ومناسبة
-جانا: سوري انطي ، لو مجبتش استايل تاني مش هاجي الفرح !
-سهير: اعقلي يا بنتي
-جانا بتحدي : هو ده اللي عندي
-دينا: يا جوجو
-جانا: معنديش كلام تاني أقوله ، يا يتغير الفستان يا نأجل الفرح
-سهير: اه من دماغك الناشفة دي ، خلاص نحاول نشوف بديل ، ما أنا عارفاكي لو حطينا العقدة في المنشار مش هترجعي عن اللي في دماغك
-جانا وهي تبتسم : بالظبط ....
أخذت سهير تبحث في فساتين الزفاف عن الفستان المناسب لجانا ، وبعد فترة ليست بالقليلة ، وجدت سهير ضالتها ،،،،
-سهير: بصي في المجموعة دي ، ها ايه رأيك؟
-جانا: No ... انا عاوزة من المجموعة اللي هناك دي
-سهير: اييييييييييييييييييه
-دينا: What ............. ؟؟؟
-جانا: ييس ، زي ما سمعتوا من اللي هناك دووووول ................................ !!!
.....................
