رواية زواج حياة الفصل الثالث بقلم جمانه السعيدي
حجي رحيم ...تفضلو اني اوصلكم
طلعنا من المكتب واني لازمه ايد امي ونمشي ورا
وصلنا السياره بيكم بس كلش حديثه تخبل
صعدنا وشغل التبريد
حجي رحيم...ليش هيج ام حياة ترا السكر كلش حطر اذا تهملينه ممكن يضرب شبكة العين لو يضرب الكلى
امي... كلمن يموت بيومه
حجي رحيم...آمنت بلله كلمن يموت بيومه بس الانسان يموت وهو يمشي وبصحه ومامحتاج احد
لو يبقى مثل المشلول ونايم بلفراش
حضري نفسج باجر اني اخذج الاحسن دكتور باطنية لازم تاخذين علاج
اذا ماتفكرين بنفسج فكري بحياة منو اله من بعد عينج
كال هاي الكلمه ورفع عينه ؤباوع عليه بلمرايه
اني راسا دنكت
وصلنا للبيت نزلنا وهو راح
جمانه السعيدي
دخلنا للبيت واني حضرت العشى تعشينا ونمنا لان كلش تعبانين
ثاني يوم اني ماقبلت نطلع للسوك
حياة...اليوم مانطلع ارتاحي مراح نموت من الجوع اذا ماطلعنا
بقينا بلبيت حضرت الغدا ونضفت البيت وغسلت ملابسنا
العصر اندكت الباب
رحت راسا فتحت الباب بدون مااكول منو
لان احنا بس نسوان ومايجونا زلم تجينا بس نسوان الجواربن لو خالتي
فتحت الباب اني لابسه دسداشه سوده وضافره شعري كصيبه
بس فتحت الباب جان اشوف حجي رحيم كبالي
هو دنك واني سديت الباب
حجي رحيم...شلونج حياة امج شلونه
حياة...الحمد لله اليوم احسن
حجي رحيم...اليوم مااجيتو للسوك وبقيت بقلق عليكم
وماكو تليفون واتصل
حياة...اي اليوم بقينا حتى ترتاح امي
حجي رحيم...اكدر اشوف امج واطمن عليه
حياة....اي دقيقه
دخلت انطيت خبر الامي لبست عبايته وطلعت
امي...هله حجي هله بيك اعذرنا مااكدر اكلك تفضل لان ماعدنا رجال بلبيت
حجي.رحيم....معذوره اني حجزتلج يم احسن دكتور باطنيه
يله اخذج حتى تسوين تحاليل ونطمن عليج
امي. اني صرت زينه مايحتاج
حياة...يمه روحي فدوه وخل نجيب علاج واطمن عليج
حجي رحيم...كلام حياة صحيح
امي.. اروح بس اني ادفع الفلوس
حجي رحيم.. ماكو فرق بينا حجيه احنا اهل
جمانه السعيدي
كدرنا اني وحجي رحيم نقنعه واخذنا الحجي بسيارته
للعياده وسوينا تحاليل كامله
بس الحجي الي دفع الفلوس ماقبل احنا ندفع
طلعت الكلى اليمنى تعبانه وعدها بداية التهاب بلاوتار والاعصاب
الحجي جابلنا العلاج ورجعنا للبيت
وبنص الطريق وكف وجابلنا مسواك كامل
امي...ليش هيج حجي تكلف نفسك
....بثواب ابو حياة الإنسان الطيب ارتاحي اسبوع خل حالتج شويه تستقر واني يوميه اطمن عليج
واجيبلكم مسواك
امي.. هيج هواي علينا حجي حتى اهلنا ماوكفولنا هاي الوكفه
حجي رحيم...تستاهلون اكثر
وصلنا للبيت ودخل المسواك وراح
امي بقت تلوم بنفسه وكل شويه وكالت
...ولله عيب كلفنا على الحجي
حياة...عليمن كلفتي علي قابل عايز ماشفتي سيارته
لو الفلوس الي شايله
امي.. الله يزيده لان انسان طيب وكريم
ثاني يوم ماطلعنا وامي اخذت العلاج بوقته واني طبختله
اكل بدون دهن
والعصر اندكت الباب عرفته دكت الحجي
لبست عباتي وطلعت
حياة. هله حجي هله بيك
...امج شلون صارت
.. الحمد لله اليوم كلش زبنه
...انتي شلونج والتفت ايباوع عليه
...دنكت وكتله الحمد لله زينه
..اريد.اسلم على الحجيه واروح
طلعت امي سلمت علي وشكرت منه وراح
اليوم الي بعده امي صممت تطلع للسوك
امي.. اليوم نطلع للسوك عيب حجي رحيم رايح جاي
اذا طلعنا مراح يجي للبيت
مااريد الناس تحجي علينا وتكول نسوان وحدهن
وكل شويه الحجي جاي وطابك سيارته بلباب
جمانه السعيدي
طلعنا ورحنا للمكتب نجيب زرع بس شافنا الحجي
اجا علينا
...ليش طلعتي ام حياة موزين عليج
امي...لا اني صرت احسن ولله الحمد وفضلك ماانسا طول عمري
حجي رحيم...اذا كلتي هيج مره ثانيه ازعل عليج
ابو حياة الله يرحمه صديقي
أخذنا الزرع وطلعنا واخر النهار رجعنا انطينا فلوسه واخذنا باقي الزرع ورجعنا للبيت
اكو ممرضه حيل شاطره ومعروفه بمنطقتنا اداوم بلمستشفى اسمه ام ايمان
شاطره بكلشي بلولاده تعقيم الجروح تشكيل كانونه
ثقب اذن والسانه حلووو
وجامل الناس كله الناس كله تحبه
ومنطقتنا يدزون عليه بلزغيره والجبيره
بعد مارجعنا للشغل باسبوع واحد بيوم رجعنا للبيت
قبل المغرب
بس وصلنا للبيت راسا اندكت الباب
فتحته جان اشوف ام ايمان
ام ايمان...شلونج ياحلوه امج شلونه
حياة. ..اهلا وسهلا تفضلي دخلت واني الصراحه حيل استغربت من جيته
دخلت وكعدت اني رحت جبت جاي
ام ايمان .. اكعدي حياة اني اليوم جايه عليج
حياة. كعدت عليه
ام ايمان.. اي عليج حجي رحيم يريد يطلب ايدج
واليوم دزني عليج خطابه
امي.. حجي رحيم صاحب علوة المخضر
ام ايمان.. اي رجال متمكن ويلعب بلفلوس لعب
وراح يسكنه بيت وحده ويكول شتطلب اني حاضر
حياة.. هو مامزوج
ام ايمان.. لا منفصل وماعندا اطفال وهذا الزواج علمود الاطفال تعرفين بعد هو كبر وهذا الخير كله المن يبقى
امي. بس حجي رحيم جبير
ام ايمان...ترا حياة مو زغيره الي بكده جهالهم بلمدرسه
حياة....بقيت ساكته لان تفاجئت من الخبر
ام ايمان ...فكرن زين ولا اضيعين هاي الفرصه ابد
عاجبتجن هاي العيشه
راح تسكن بقصر وتلعب بلفلوس لعب
ويجوز تحصل طفل تتونس علي ويملي عليه الدنيا
قابل هسه هي راح يجيه واحد يملك فلوس بكد حجي رحيم وبيني وبينج هي عاجبته وداخله عقله
اني اكول ابد لا اضيع هاي الفرصه من ايدها ابد
طلعت ام ايمان واني وامي بقينا متفاجئين من هذا الخبر
مثل الي مامصدكين
خلينا العشى واني ماكدرت اكل حسبه اجيبني وحسبه توديني
امي... بيش تفكرين
حياة.. بحجي رحيم
امي. اني اكول خوش فرصه رجال مقتدر وصحته زينه
لا ترفضين اني مادايمتلج
حياة.. جبير
امي. احسن جبير يعني عاقل وفاهم بعدين اذا اخذتي شاب وفكر راح تشبعين ضيم
حياة...يعني اوافق
امي...اي وافقي اريد اطمن عليج
ماكدرت انام بليل الإيجابيات بهذا الموضوع
شاريني ومتمكن يعني راح ارتاح
اما السلبيات جبير وماكو اي توافق بينا
وهو كاله بلسانه هذا الزواج علمود الاطفال
خاف مااعيش سعيده ويااا لو اتندم
بس امي مريضه ومابيه حيل الشغل اذا صار عليه شي
لا سامح الله اني وين اروح ومنو اليه
وحجي رحيم بفلوسه يكدر يزوج اي وحده تعجبه
وبعدين اني ماجتني قسمه احسن من هاي القسمه
مااعرف اقبل لو ارفض
شكرا لزيارتكم عالم روايات سكيرهوم
