رواية رماد انثي الفصل الثالث بقلم جمانه السعيدي
مرام... ثاني يوم رحت للدوام هم لكيت عادل منتضرني بنفس المكان
عادل...صباح الخير
مرام...صباح الخير شكوو امك بيه شي
عادل...مااعرف الدكتور يكوول تحتاج وقت حتى ترجع الوضعها القديم
مرام...اي عادي هو ابو الجلطه يحتاج وقت حتى يرجع
مثل قبل
عادل...يعني امي ترجع مثل قبل
مرام...ليش انت هيج تحجي انشاء الله حتلو ماترجع مثل قبل على الاقل تتحسن حالته شويه
عادل....ولله ماادري صار ٣ ايام مارايح للشغل
والبارحة ابو الشغل يكول اذا ماترجع نخلي واحد بمكانك
مرام...انت شنو تشتغل
عادل...محاسب بعلوه مال مخضر
مرام...خير انشاء الله
عادل...اذا ارجع للشغل شلون منو يدير باله عليه
واذا عفت الشغل منيين نصرف
مرام...الدكتور شكال يمته تطلع
عادل...يكول اذا تكدر تعتني بيه تطلع اليوم
مرام....زين شوف وحده تكعد وياها بلبيت تعتني بيه منا لمن ترجع من الشغل انت بيش الساعه ترجع
عادل...الساعه ١١ الصبح ارجع
والعصر اروح ساعه ساعه ونص ادقق الحسابات وارجع
مرام...من رخصتك ابصم اسجل حضور
عادل...اسف جاي اضوجج
جمانه السعيدي
كمنا نمشي ونحجي اني وياااا
عادل...المشكله منو يبقى يمه منا لمن ارجع
مرام...ماعندك اقارب
عادل...عندي خاله مزوجه بلكوت وعدها عائله شكبرها
اتصوري سمعت بأمي انجلطت ومنتضره يوم الجمعه حتى تجي وترجع بنفس اليوم
لان ولدها كلهم مدارس
مرام...دخلت بصمت وطلعت لكيته منتضرني
عادل...اعرف جاي اخذ من وقتج بس مااعرف ليش ارتاحيتلج
مرام...زين عندك امكانيه تطلع وحده بمبلغ معين تبقى يمه منا لمن ترجع
عادل...يعني برائيج شكد تاخذ
مرام ...حسب عمله شنو بلضبط وكم ساعه
عادل...اني اخذ ٥٠٠ بلشهر
مرام...بس ٥٠٠ وشلون مدبر عيشتك
عادل...هو بس اني وامي وبيتنا ملك وامي مدبره كلش
تعجبج
مرام...ولله مااعرف ايجوز تاخذ ٣٠٠ او ٤٠٠ بلشهر
عادل...لا هاي هي وشلون نعيش
مرام...انت شمخلص
عادل..معهد محاسبه
مرام...ولله مااعرف مشكلتك شنو حله
عادل... شكرا اخذت من وقتج
مرام...شويه واجي اطمن على الوالده
عادل...تمام
احلام واكفه تراقب من بعيد
احلام...صباحوووو
مرام...اعرف شراح تحجين
احلام...الاخ جنه معجب كل شويه وطلعلج
مرام...يمعوده هذا مسكين حاير بزمانه
احلام...شبي
مرام...امه جلطته قويه ومحتاجه عنايه ورعايه ومصاريف
وهو راتبه ٥٠٠ وفوكاها مايكدر يبقى كاعد يداريه
احلام...ولله خطيه
مرام....اخذتلي فره ودخلت للردهات والي ماماخين علاج
انطيتهم
ورحت اطمن على تم عادل
دخلت لكيته بشكله شوربه
مرام...شلونج حجيه
طبعا كوه تحجي
....الحمد لله
مرام...اي هاي خوش شوربه احين من مال امس
عادل....وصلت جوارينه وسوتله
مرام...بلعافيه
عادل...تريد جاي عادي تشرب
مرام...اي عادي بس مو هواي
عادل...تمام
مرام...اترخص تبقى بكم العافيه
هيام.... شكد نسقت وياا ولد اسحب رصيد حتى اكدر اكنك
براحتي ذوله جيرانه متعجببن كل شويه وغيرو الرمز
بس فلوس البث كلش قليله وماتسوه التعب نهائيا
دخلت على هاي البنيه فتاة مارس
هيام....هلووو
فتاة مارس ...هلو حبي
هيام....راسا من اول كلمه فتحت كامرا
فتاة مارس ....افتحي كامرا خل نتعرف
هيام فتحت كامرا وكلت هلوووو
فتاة مارس ياعيوني شنو هلجمال تخبلين
هيام....عيونج الحلوه
.فتاة مارس.... شكد عمرج
هيام ....توني دخلت بالعشرين
فتاة مارس ياعيوني فدوه تخبلين
هيام......اريد اسئلج صار فتره افتح بث بس الفلوس الي تجيني كلش قليله
اكو غلط بلموضوع لو اكو شي اني مااعرفه
فتاة مارس اكيد الفلوس قليله شنو هذا اللبس والمنضر
هيام....شبي منضري
.فتاة مارس.... يعني عوفي الحجاب وسرحي شعرج ومكياج مرتب وملابس بيهن حركات
هيام.....شلون يعني بيهن حركات بيهن رسومات
فتاة مارس.... هههههه هههههه يا رسومات اقصد دلع شويه من الصدر شويه من الزنود يعني كلج فهم
شنو قابل قحط محجبات لو العالم ادور وحده تحجي النشره الجويه
حتى الي تحجي النشره الجويه هم لبسه كله حركات
شوفي اني راح اشوفج البث شكد يصعد
وشوفي شنو البس
هيام.....رجعت ليوره لبسه ابد مو محتشم كلشي مبين
يعني ملابس بس بلاسم
فتاة مارس.... شوفي البث مالتي شكد صاعد
هيام....لا مااكدر
فتاة مارس.... كيفج اني اريد ادليج الطريق واعلمك شلون تكدرين تحصلين فلوس هواي وبسرعه
ترا اني حبيتج من اول مره شفتج
تعرفين بهذا جمالج اذا سمعتي كلامي
تكومين تلعبين بلفلوس لعب وحتى الناس الواصله
تتمنى رضاج
يعني تمشين على الفلوس
فكري زين مراح تخسربن شي
جمانه السعيدي
هيام...سديت الخط وكمت افكر بكلامه
اني شخسرانه مدام محد مقرب عليه ولا لا مسني
مجرد ساعة زمان واحصل الي اريده
وساعته اشتري اي شي يعجبني
وبعد مااتحمل منية مرام عليه اشتغل واطلع فلوس
واني كاعده بلبيت
لا طالعه ولا داخله وتشوفني الناس
مرام...رجعت للبيت تعشيت ونضفت وتمددت
اجتني رساله على الموبايل
.عادل.......هلو شلونج
.مرام........منو
عادل........اني عادل
.مرام........اهلا وسهلا
.عادل........هله بيج
.مرام.......شلون صارت امك
.عادل.......الدكتور يكول باجر طلعه وسجل اله اكل خاص
ولازم علاج طبيعي حتى تتحسن حالته
مرام........تحتاج مساعده
.عادل......ماقصرتي
.مرام.......الله يشافيه
.عادل....... يمكن جاي ازعاجج
مرام....لا ماعندي شي
عادل...مااعرف ليش ارتاحيتلج
مرام....شكرا
عادل...احجي صدك
مرام....الله يخليك
عادل....اني ماعندي احد مقرب اكدر احجي وياا
مرام...شعجب ماعندك أصدقاء
عادل....عندي بس ماااثق بيهم واحجي كلشي كدامهم
مرام...اي ولله هذا الوكت الناس صارت تخوف
عادل....بس مو كله سوا
مرام...اكيد لو خليت قلبت
عادل....بس اني احسج مهمومه وضايجه اكثر مني
مرام...ضروف
عادل...ممكن اعرفه ايجوز اكدر اساعدج
مرام...لا ادوخ راسك الهموم الي عندك كافيه عليك
عادل.... شوفي يكولون الي داخل الدائره مايشوف الاشياء مثل الي خارج الدائره
مرام...شلون يعني مافهمت
عادل....يعني الي يكون عندا مشكله هلكد مامضغوط ايجوز الحل كدامه ومايشوفه
مو مثل الي تنطرح كدامه المشكله ايجوز يلكه حل
ابو المشكله مامنتبه عليه
مرام....اني مشكلتي مستمره وماله حل
عادل....يعني شلون مستمره
مرام...هاي مشكلتي من جنت زغيره وعايشه وياها ومفتهمته وهي هم فاهمتني
وماله حل واني قررت اتعود عليه ابدال ما اشكي
واضوج
عادل...بكيفج يمته ماتحتاجين احد تحجين وياااا
اني موجود وسرج بير
مرام...طمني على الوالده وسلملي عليه
عادل...يوصل
مرام....تصبح على خير
عادل....وانتي من اهل الخير
مرام...اليوم الي بعدا رحت لكيت عادل منتضر بنفس المكان
بس شفته ابتسمت لا اراديا
عادل...ابتسمت واني كلبي انشرح عدلت مناضري وتقدمت
عليه صباح الخير
مرام....صباح الخير
عادل...اليوم تطلع امي
مرام...تمام يعني صارت احسن
عادل....انشاء الله خير
مرام.....بس كون لكيت حل
عادل....قررت الصبح اكعد اغسلله واغير ملابسه واريكه وانطيه
العلاج واروح للشغل
واوصي جيرانه عليه مره جبيره خوش مره تروح تكعد يمه شويه
منا لمن ارجع ماعندي غير حل
مرام...والعلاج الطبيعي ترا مهم حيل
عادل....اكو ولد صديقي تبرع يجي كل ٣ ايام
يسويله جلسه
واني يوميه احاول ادهن رجله وايدها واحركهن
مرام....امك عرفت تربي
عادل....ولله مااجازيه ابد تعرفين ابوي توفا وهي بعدها زغيره وحلوه وشكد ناس تقدموله
بس رفضت علمودي خاف يجي واحد ويعاملني
معامله مو حلوه
واني هسه اتعاجز منه
ابقا طول عمري خادم جوه رجليه
مرام...بارك الله بيك
خل ابصم واجي اودعه قبل لا تطلع
عادل....انتضرج
جمانه السعيدي
مرام....بصمت ورحت سئلت الدكتور عن حالة ام عادل
الدكتور يكول تحتاج وقت حتى تستعيد عافيته
واهم شي العامل النفسي والغذاء الصحيح
صعدت فوك الغرفة ام عادل
لكيته يجمع بغراضهم وجاي يستعد حتى يطلع
مرام...صباح الخير
عادل...صباح الخير
ام عادل رفعت ايدها تسلم عليه
مرام...قربت عليه عدلت فوطته ولبسته جواريبه وعادل جمع كل شغلاتهم
عادل...اروح اجيب كرسي متحرك
مرام اني بقيت يمه
عادل جاب الكرسي ساعدته ونزلناها على الكرسي
ونزلنا بلمصعد وصلتهم الباب المستشفى ورجعت
احلام...وين جنتي هليام هواي تختفين شعندج
مرام...ام عادل طلعت من المستشفى
احلام...الله وياها شو خل اشوف ليش ضايجه
مرام...تعودت على عادل وامه
احلام....شو انجبي واسكتي ناس ادور ناس واصله
عدها فلوس عدها وضيفه على الاقل حلو
وهو المحروس ذني كلهن ماعندا
موزينات علي مايوصلنه
مرام...اهم شي عندا اخلاق
احلام....هااا جنج وكعتي بابا فكري زين واحد راتبه
٥٠٠ وامه بيه جلطه وحالته تعبانه
مرام...كل ذني الي كلتيهن ضروف وجاي يمر بيهن
والضروف دائما تتغير
يعني ايجوز يلكه شغل احسن ويصير راتبه زين
وامه تتحسن صحته
وشكله هذا خلقت رب العالمين
احلام ...لا والف لا ماتبنيين سعادتج على احتمالات
السعاده تنبني على حقيقه مو وهم
مرام...برائيج شنو السعاده
احلام...السعاده فلوس وراحت بال
مرام...السعاده قناعه يمته مالانسان يحس مقتنع يكون سعيد
احلام....ابد مااسمحلج تخطين هيج خطوه
انتي حياتج هسه تلزيك وهو حياته اتعس من حياتج
مثل ثنيين عميان واحد ينتظر الثاني يدلي
مرام...هسه هو لا خطبني ولا شي
احلام....عوزي بعد يخطبج اني أرفض رفض قاطع
مرام ...رجعت للبيت واني افكر بكلام احلام كلش مقنع
تغديت كعدت هيام من النوم
مرام...هاا كعدتي بعد وكت
هيام...انتي شتردن مني
مرام...اريد مصلحتج حياتج مابيه هدف اكل ونوم
هيام....عاجبتني حياتي خلي الأهداف اللج
المهم اريد فلوس
مرام...يالله بعدني اسددبفلوس الموبايل
هيام....لا تذليني على فلوس الموبايل اريد فلوس اشتري
ملابس
مرام...ومنيبن اجيبلج مثلا
هيام...الراتب بعد يومين تحسبي حسابج اربد فلوس
مرام...وناكل حصو
هيام....مااعرف اني اريد فلوس وبس
مرام...كمت من الاكل ياربي شلون وتاليته
ويااا هيام
