رواية المتمرد والصغيره الفصل الثالث بقلم رسل
أشــتاگيـت أطـش روحـي مـلح بجـروحكــم
أشـتاگيـت أشــاقيكـم وأطـلع روحــكـــم 🖤
_____
بس اديان احلا بهواي 🖤
أديـان: مر الروتين عاديي بالبيت لمدة خمس اشهر واني هم بقيت على شغلي وعمامي وابوية بعدهم لسة يسكرون وبيبيتي نفس الشي بعدها بس تغلط وتصيح
الى ان يوم من الايـام انتظرت عمي ما اجة تالي اجة ابو المطعم خطية صعدت بسيارتة گتلة اسم المنطقة وصلنة نوب نزلت على الشارع ورحت للبيت شفت عياط وصياح
والجوارين كلها موجودة دخلت اركض اريد احد يفهمني شكـو لگيت بت جيرانة
أديـان: اكلج شصاير
- عمج جعفر مختفي وهسة دگو عالم گالو تعالو اخذو ابنكـم يمكن ميت
أديـان: يااا عززاا ضلت دموعي تنزل حتلو هو مأذيني بس ما اعرف احقد على العالم ضل البيت مگلوب ناس تبجي وناس تصيح
دخل ابوية وعمي عدنان وجعفر گلت صدك لو گالو العار ميموت بس فرحت لان ما مات لان الموت شي صعب
بيبتي: كلللوووش يمة تكحلت عيني بشوفتك
عمو جعفر: تسلمين يمةة ماكو شي سلامتج
بيبتي: فهمني ييمة شجرالك
عمو جعفر: يوم جنت مو بوعيي افتر بالشوارع ونمت واكو ناس شيوخ ضيفوني يمهم وخابروكم
بيبتي:يمة اناا مو گتلكم اتركو هالسم لٱ يوگعكم بمشاكل
عمو جعفر: ان شاء الله حجية
أديـان: رحت سبحت ولفيت راسي ونمت گعدت الصبح رحت للمطعم بوقتهة جان شهـر الثاني الدنيا كولشش باردة ومكان الشغل سيراميك بارد
راحت ايامم واجتي ايامم جنت اشوف واحد يم المطعم يومية بالـعشرة بالليل يجي يضل يباوعلي فـ مرة من المرات اني واگفة شفتة اجة يمي
- ممكن سؤال
أديـان: ما جاوبتـة
- باعي ترى والله حرگتي شيب الخلفوني بهذا جمالج بس گليلي اهلج شلون مطلعيج وشعدج بالمطعم يوميـة دليني بيتكم اجي اخطبج
أديـان: اني گلت يمكن من هذولي شباب هل وكت يقشمرني ويروح بهاي الاثنااء اجة عمي گبل نزل من السيارة تقرب
عمو جعفر: لج ادبسز منوو هذاا
أديـان: عمو والله ما اعرفة
الشاب : علة كيفك يابة ترئ مو صوجها اني اجيت يمها
أديـان : تعاركو بوكسيات بس الضرب كلة اجة بعمي لان هو مو شكول عركات والعالم كلها جانت موجودة وابو المطعم اجة عزاا شگد عيب گبل ركضت بالسيارة
صعد عمي طول الطريق هو يسوق بأيد ولازم
شعري بأيد ثانية ويجر بي وصلنة للبيت شمرني بالگراج گطعني تگطع يعني
شكلة صار مثل الوحش يجيبني براشدي ويوديني براشدي وهو قبل شوي هذاا الولد گطعة تگطع گدرتة بس علية گبر لفة
اجتي مرتة فاككتنة لان ابوية الودود بالملهى رحت سبحت فتحت الدوش احس جسمي كلة يحرگني ودموعي ضلت تنزل وي المي ساعة كاملة يلا طلعت مـن الحمام وبيبي استلمتني رزايل
بيبتي: ولج سـا... گولي شمفينة شمسوية ووليدي ليشش هيج مضروب
أديـان: عفتها لفيت راسي ونمت گعت ثاني يوم بـ 12 ما رحت للمطعم ابوية نايم بالصالة صار وقت الغدة گعدت وعمي فتح السالفة لابوي وعمي عدنان
اول ما مديت ايدي اريد اكل لزمني ابوية ضربني راشدي گمت اشهگ بالبجي رحت خليت راسي ؏ المخدة وابجي
يعني هو شيدري بنية وبالشارع اكيد راح يتحرشون هواي اهمشي عندا اجيبلة فلوس خرب هيج عيشة ثاني يوم رحت للمطعم دخلت اجة ابو المحل
- عمو اني ادري بيج خوش بنية وما شفت منج شي مو حلو بس تدرين الصار اول بارحة والناس تدري بيج عندي تشتغلين هنا و انا ابو زرق و الوادم ما ترحمج و لا ترحمني
أديـان: هزيت راسي گتلة بس دگلي ؏ عمي خل يجي صدگ دك عليه اجة
جعفر: هاا بشري؟
أديـان: ميقبل يشغلني بعد
جعفر: حقة عمي هو مطعم شعندة ملفي گحـ...
أديـان: رجعني للبيت گلتلهم وكلها گامت تغلط علية رجعت نمت ورجعت حياتي مثل قبل نوب لٱ اگدر اصرف من فلوسي هسة يگلولي منيلج و خايفة خاف احد يلگاهن وتصير قيامة بالبيت وتعاي ميلج واكيد يحيرون شيطلعون حجي علية
اني مخليتهن بجنطة المدرسة القديمة وبالكنتور قافلتهن كلهن عشرات اكثر من مليون و 300 احس نفسي ملياردير
مرت الايام عادية الى ان اجة يوم اني نايمة واسمع البيت انخبص بالرمي عزاا وكلها گامت تتطافر طلع عمي دفعو ودخلو للگراج ولزمو دگ بوكسيات وناس ترمي علينة اني قطرة دم ما بقت بية صار الوضع اشبه بفلم رعب
التمت العالم يردون يعرفون شكوو واحد بيهم يصيح والله الا ناخذ بثار اخونة ابوية نايم بالصالة دخلو سحبو من ياختة للگراج واجة عمي عدنان يتطوطح سكران ولزمو دگ بوكسيات اني خايفة و حاصرتني الضحكة
طلعت بيبتي تلطم بالگراج ودگلهم ولكم يمة شتردون سبيتونة واحد منهم گاللها تجيبون اخويي الكتلتو لٱ والحمزة ابو حزامين اخلي بغداد تسولف بيكم
بيبتي: ييمة واحنة شمدرينة بأخوك ياهو
: حجية رجليج بالگبر لتسوين هاي دروب المزعطة اخويي هذاكك اليومم ابنكم ضاربة وجاية الضربة بگلبة وهو بيبتي فتحة بالقلب صارلنة شهر نعالج بي بالمستشفيات واليوم مات والعباس الا اخذ حگ دمة مربع
منكم
بيبتي: يايمة صخام الصخمج اديان صخام الصخمج
: هاي ياهي؟
بيبتي: ييمة مو ابنكم متحارش بيها وعمها شايفة و تعاركو جا شون يعوفة ما عندة غيرة
الشاب: اذا مو بناتكم ينطن مجال للشاب محد يتقربلهن بس اذا عمها سكير هي شتطلع
أديـان: ضليت مصدومة ودموعي گامت تنزل گوة نوب گال هيج خليت شال ؏ راسي وطلعتلة گتلة
احترام نفسك افتهمت لو لٱ لتگوم تطلع رجولتك علينة ومو كل البنات مثل متگول لو هو كلمن يشوف الناس بعين طبعة ضل يباوعلي مثل المصدوم گال
- تعااي شقصدج بت الكلب اني الكم ان ما خليتكم تتندمون على كلشي وتهجون بليلة ضلمة ما اطلع اخوكك يعباس وانتي العايقة اني الج
أديـان: مدري منين اجتني هاي الجرئة وهذني كامن يجرن بية اجوي عالم يحجون وياهم اخذو ابوي وعمامي بسياراتهم وراحو وبيبي تلطم وتبجي ونسوان عمامي يبجن والجيران يمنة
ورا يومين يلا اجوي بس عمي جعفر ماكوو ابوية من الباب اجاني يركض لزمني ضرب خلاني النفس گوة اشهگة وكلها تفاكك بي واني بس دموع مانطقت بحرف
بيبتي: هايمةة بشر وين اخوكك
بابا: يمةة تدخلت عشاير علمود هاي الگحـ،، الي الله ذبهة علية مدري منين لو ذابحها اشرفلي بس والله لو ما حياة اخويي چا خليتها تلحگهن
بيبتي: ييمة لٱ تفت گليبي احجي
عدنان : يمـة هاي العار مو هذاك الًيَوُمًِ متحارش بيها ولد واگص ايدي اذا مو هي صايحتلة جعفر مو متعارك ويا الولد بي فتحة بالقلب من جعفر ضاربة ورايح العالم ماخذتة للمستشفى الولد شغلة هنا بس بيتهم بالبصرة جايين عمامة للمستشفى
اسبوع تحت العناية المركزة والولد ميت رايحين عمامة سائلين وابو المطعم منطيهم العنوان و مثل ما شفتي من اجويي
بيبتي: وشلون راح تفض بس لٱ يروح وليدي
- لٱ يوم تدخلت عشاير يردون 500 مليون وبأي محافظة يشوفونة دمنة مهدور ويعقدون ؏ هاي الساقطة
أديـان: اني سمعت هيج انهاريت عزاا يربي بس لٱ ذول يعذبوني گمت ادگ والطم
بيبتي: يمة ومنين نجيب الـ 500 بلا هاي خل ياخذوها خفتاً وراحة
عدنان : مادري يمة مادري
الفصل الرابع من هنا
