رواية الخباز والاميره الفصل الثالث بقلم جمانه السعيدي
إياد دخلنا على الضابط
الضابط تفضلوووو
اميره اريد اسجل دعوه خطف على زوج امي خالد ريسان كريم
الضابط دعوة خطف خطف منو
اميره خطفني وهذا الولد شاهد خلصني من ايد الي خطفوني
إياد اني اشهد
الضابط انت منو
إياد اني لا شايف هاي البنيه ولا اعرفه من قبل
عدنا بيت بحي الزهور هاي المنطقه توزعت أراضيه قبل ٣ سنوات
ولان بعيده محد سكن بيه الا كم بيت
اني والدي شهيد ونطونا قطعه هناك وسحبنا قرض وبنيناها واليوم اني ابيتنا بلصدفه
صعدت اجيك على السطح من مي المطر
وكفت سياره حديثه وغريبه وكفت كبال جيرانه
ونزلو هاي البنيه مخطوفه ورابطين عيونه وحلكه
اثنيبن زلم ولد شباب
اخذني الفضول اروح اشوف شكوووو
لان هاي المنطقه بعيده وماتجي بيه هيج سيارات
اصلا اغلب الناس الي طلعت قطعة أرض الهم باعوها
لان بعبده ومابيه خدمات
طفرت وسمعت واحد اسمه خالد اتصل عليهم
وكاللهم لا تخلونها تطلع ولا تجيبون اسمي كدامه
عرفت من الحاحه بهذا الموضوع هي تعرفه وخايف تكشفه
واحد منهم طلع يجيب اكل واني ساعدته حتى تخلص منهم
عندي دراجه طلعته وجبته هنا تشتكي
اميره بلضبط هو هذا الي صار
الضابط احجي من وين خطفوج وشلون
اميره اليوم اني وصديقتي متواعدين نطلع الساعه ١١ الصبح طلعت من بيتنا
بس وصلت راس الشارع سيارتي وكفت مااعرف شبيه
نزلت منه جان اجو ثنيبن ولد عرضو عليه المساعده
قربو عليه واحد منهم خله شي على خشمي وبعد ماحسيت
ابد اله إياد دخل عليه للغرفه
الضابط انتي وين ببتكم
اميره بيتنا ..بفلان.. مكان
الضابط ليش زوج امج يريد بخطفج
اميره مااعرف
إياد اني اعرف سمعته يكول يريد يطلب فديه
اميره صدك حقير الله ينتقم منه
الضابط انتي عندج أملاك
اميره احنا عدنا أملاك هواي واني عندي حساب بلمصرف بابا فاتحلي حساب باسمي
الضابط شكد بي مبلغ جبيره
اميره طبعا مبلغ جبير تقريبا كل الفولس الي نملكه باسمي
الضابط تمام تكدرين ترحين ومن نستدعي للتحقيق
نرجع نطلب حضورج
اميره تمام بس اني خايفه ارجع للبيت خاف يرتكب عليه مدام وصل بي الحد يخطفني علمود الفلوس كلشي يسوي
الضابط تكدرين ترحين بم اقاربج اليله
بس نريد رقم تليفونج
اميره تليفوني خذو مني من خطفوني
الضابط شلون نتواصل وياج
اميره مااعرف اني حافظه رقم ماما
الضابط زين اكتبي هنا وانت إياد اكتب رقمك اكيد نحتاجك للشهاده
اميره طلعت اني واياد
اميره ممكن تليفونك افهم ماما شنو صار وياي
إياد اي هاج احجي براحتج بي خدمه
اميره الوووو ماما
امي ومرض شمصخمه يمعزايه شلون تطلعين هيج طلعه
اميره ياطلعه خل افهمج
امي صديقتج اتصلت بيه وتكول اميره انهزمت هي وصاحبه
اميره صديقتي منووو وصاحبي منو
امي بنيه صديقتج اتصلت قبل ساعه وتكول اميره انهزمت
ويه صاحبه ليش ماما هيج ليش اني قصرت وياج بشي
طلبتي شي مني ومانطيتج
خل يجي هذا المصخم ويطلبج كدام الناس واني اوافق
بس لا اجيبين العار النا
اميره صديقتي منو الي اتصلت ببج
امي ماكالت شنو اسمه بس كالت صديقتي اميره
اميره ولله كذب اني لو احب ليش اضم عليج اني هسه بمصيبه
خالد دز عليه جماعه خطفوني ويريد يطلب فديه
واني انهزمت منهم
امي يمه يمه شلون اجذب النوب الجذب وصل الخالد
هلمسكين لان يحبج ويريد خاطرج
شايل كل مسؤوليتنا على راسه
ومدللنا دلال النوب فوكاها تتهمينه تهمه باطله
هاي الشكرا مالتج اله
اميره اقسم بلله كلي الي حجيته صحيح
امي ارجعي للببت وبطلي هاي السوالف التعبانه
اميره مااكدر ارجع اخاف منه اني قدمت على دعوه خطف
امي لا ياحقيره روحي اسحبي الدعوه شتريدين من هذا المسكين ولله عيب فوك تعبه رايحه تشتكين علي
انتي وين تليفونج اتصل عليج وماكوووو
اميره مااعرف تليفوني اخذو مني من خطفوني
امي روحي اسحبي الدعوه وهذا الي لعب بعقلج وكالج اشتكي علي لو يبقى اخر واحد بهاي الدنيا مراح اقبل بي
مالج دخول بهذا البيت اذا ماتسحبين الدعوه وتعتذرين من خالد
وهذا الي شردتي وياااا طمعان بفلوسج يلغبيه
محد يحبنا بكد خالد ولا يخاف على مصالحنا غيره
باعي اذا ماتسحببن الدعوه لا ترجعين للبيت
انتي من يوم ازوجنا اني وخالد وانتي شاده ويه الرجال
واحنا ماشفنا منه اله كل خير
اميره امي سدت التليفون واني نزلن دموعي اذا امي ماتصدكتي منو يصدكني
مسحت دموعي ورجعت التليفون الاياد
اميره شكرا تعبتك وياي ممنونه منك عرضت نفسك للخطر
بسببي
إياد تدللين يله اوصلج
اميره وين توصلني امي تكول اذا ماتسحبين الدعوه لا ترجعين للبيت
اياد كعدت بصفه على الرصيف
...ماتكلليلي امج وين لكته هذا النذل
اميره جان يشتغل مساعد عد بابا وبابا حيل يثق بي
ومسلمه كلشي
يعرف كلشي عنا وعن شغلنا وعن وضعنا فكر يرسم عليه
بهاي الفتره حاول يتقرب مني من عرف الرصيد بلمصرف باسمي واكبد اني راح اورث كلشي بعد وفاة بابا
كل يوم جايني بشكل بس اني كلبي يكرهه احسه مو نضيف احسه خبيث
كنت اصده بكل الطرق
بعدين اجا واحد يخطبني طلع بي كل العيوب الحد مآ بابا رفضه
شكد حاول يقربلي بس اني اصده
بابا كان يعاني من ذبحه وعنده انسداد بلشرايبن
كان معتمد على خالد بكلشي حتى بالعلاج يذكره بي بلشركه ويحاول يخفف عنه الجهد
فجئه اتصلو بينا حالة بابا موزينه ونقلو للمستشفى
اكو علاج ماخذه غلط يعني العلاج مبدل
مو نفسه الي ياخذه كل يوم
بقه اتلث ايام بلمستشفى فاقد وعايش على الاجهزه
الحد مامات
اني اكثر وحده انهارت بسبب فقدان بابا
وكعت مريضه وحالتي النفسيه تعبانه
هنا خالد حاول يستفاد من هاي الازمه ويقرب عليه
بس اني صديته
من شاف ماكو مني فايده دار على امي
امي اكبر منه بعشر سنوات
مثل عليه دور الحب الحد ماقتنعت وزوجته
شكد حاولت افهمه حقيقته بس ماسمعتني ابد
خصوصا هو ناعم كدامه لو تشوفه شلون يعامله
عبالك طفله كدامه اني متأكده جاي يلعب من وراها
ازوج امي ومابطل يتحرش بيه ابد
صار ست اشهر مزوجين واني بسببه كرهت البيت
وكرهت حتى امي
امي ماتقبل اصدكني اهم شي عدها خالد
شكال خالد وشحجه خالد
سلمته كلشي وماتقبل احجي علي او اتهمه باي شي
عمه عيونه ماتشوف غيره ابد
امي تغيرت كلش بسبب خالد
حتى طريقة تعامله وياي تغريت
المفروض اني بته الوحيده اداريني ودير باله عليه
بس هي بلعكس ادور راحة خالد عليه
طبعا هو مخلي وحده متصله بامي وتكول صديقتي وكايله اني انهزمت ويه واحد صاحبي
اكيد الحراس اتصلو بي وراد يدبر اي عذر حتى خاف اشتكي علي
يريد الفلوس الي بلمصرف تتحول باسمه فكر يخطفني
ويطلب فديه حتى الفلوس تروح لحسابه بكل سهوله
شكد نذل الخاطر الله
ماكفا عايش بخيرنا وغير امي عليه....
