رواية الشيعي وبنت الانبار الفصل الثالث بقلم بنين البصراوي
ترا عباس اسمه الحقيقي وعائشه هم بس حجي عمر غيرت اسمه بسبب شغله الحساس
تعريف
عائشه العمر 20سنه المواصفات عيونها عسليه وشعرها اسود طويل يوصل لحد نهاية ضهرها وضخين حيييل طويله ورشيقه خشمها طويل وبيه شموخ وشفايفها تفاحيه
عائشه بابااا بابااا ه̷̷ذآ الولد ضربهم مو هوا
عمر ها امشي گدامي
عباس عفواً
عمر خزره وراح
عباس ههههه كملت طريقي ورجعت لبيت شيخ عثمان
عباس دخلت للبيت گعدت ب الحديقه
عمر شنو گالج
عائشه گال انتي بخير كتله مشكور بس
عمر عائشه
عائشه والله بس هذا الصار
عمر دخلي
عائشه بابا انت تعرفه
عمر هذا الكلب الي خرب علاقتي وي عثمان
ملاحضه
{ابو عائشه يكره عباس لأن شيعي و ماصدك انو بريئ من تهمت ابن عمه اني دا احجيلكم عن تفكير قبل ب الطائفيه كانت ولاتزال اكو ناس طائفيه ب مجتمعنى هذا اتمنى تتقبلون وماتزعلون مني }
اتركم مع الاحداث
مر اسبوعين وخلف يدور على عباس فر البصره كلهه ومالگاه
اما عباس ف رغم الي صارله الى انو كدر يتعود على حياته الجديده وصار يطلع ويفتر ب الانبار والناس كلهه صارت تحبه ماعدى (عمر)
عباس تعرف ع ولد اسمه راشد من الانبار وصار صديقه
عباس طلعت من بيت حجي عثمان يصلي صلاة الضهر متجه الى الجامع وصاح عليه راشد
راشد الله بالخير شلونك خويه
عباس الله بالنور الحمد لله انت شلونك
راشد الحمد لله اكلك طالعين سفره للبساتين تطلع ويانه
عباس اي يمته
راشد وره صلاة الضهر
عباس خوش يلا نصلي
راشد يلا
وطلعو وره صلاة الضهر وصلو للبساتين ونزلو وجانو وياه اصدقاء راشد محمود و ادهام و
محمود هسه لو الله هاديك وجايبين ويانه ذبيحه
راشد اي مو گاعد على كنز والذبيحه المن لو جوهكم
عباس هههه انا مشمول بهل حجي
راشد اول واحد هههههه
ادهام انا جبت وياي ذبيحه ومنضفينها بس نشوي
عباس جايبين سلاح لا
راشد اي تعرف تصيد
عباس اي اكيد
ادهام شوي واخذك اكو طيور هناك يبجن عليك
راشد بروح امك اخذني وياك
ادهام لا انت اكعد اثرم زلاطه
راشد الله يطيح حضك
محمود طارت رجولتك راشد روح زين شواربك
عباس محمود ادهام ههههههههههه
راشد ذاك بستان حجي توفيق روح نجيب منه خيل ونسوي سباق ونشوف ياهو يفوز
ادهام عباس تشارك لو تدحگ
عباس عفو عليك انا ادحگ انا العب واغلبكم
محمود وكفو ابو عيون زرق
ضحكو الشباب على حجي محمود ماعدى عباس جان سرحان بغير عالم
ادهام يولي هاي سرحة العشگ جنك عشگان
عباس اااااخ
راشد بيها اخ ميه ب الميه عشگان
عباس مو هيج السالفه انا جنت رايد بت عمي بس شلون السالفه هسه تعقدت
محمود هونها وتهون تعال اسولفلك سالفه هذا واحد ابوي سولفلي عليه گبل جان عاشگ بت عمه ورايدها بس عمه عنده فلوس ماتاكلهه النيران وهوا على گد حاله عمه جان رافض يطيها اله بيوم جان مار من گدام بيت صاحت عليه بنيه الحگلحي بيتنا يحترك شالته الغيره والشهامه ودخل للبيت وطفا النار ومن ردو اخوانها لگو گاعد باب البيت هما بدو يسئلون واختهم گالتلهم شسوه وشلون طفا البيت ضل يشتغل ب المصنع مالهم لان جان الله رازقهم سنه وره سنه جمع فلوس واشتراله بيتين واحد اجره والثاني كعد بيه مرت تقريبا اربع سنوات وتعدلت احواله وصارت عال العال راح لعمه وخطب بنته منه وهم مارضه بعد هنا گال لازم يدخل بيها شيوخ راح ل الشيخ وكاله كلشي ونهى على بت عمه بس عمه ماجان راضي بس بعديش اخذها الولد وعاش وياها احسن عيشه بس ابوها هه بعده بيه طناگير
راشد الله الله قصه حلوه
ادهام تدري هاي القصه انا اعرف صاحبها
الشباب منووووو
ادهام ابووي
بصوت واحد وبصدمه هااااااا
ادهام اي والله
محمود عجب والله عجب
ادهام هسه وراكم غدا لا
راشد هاي انا خلصت الشوي
بعد الغده
محمود نروح ناخذ خيل لو لا
راشد انا اجيبلكم واجي
راشد راح يتمشى
راشد السلام عليكم
توفيق وعليكم السلام هذا راشد حدر بويه حدر هين شلونك الوالد شلونه
راشد الحمد لله بخير وعافيه انت شلونك شخبارك
توفيق الحمد لله بخير ها شعندك هنا
راشد والله طالع سفره وي الربع طالبك طلبه
توفيق كول بويه
راشد اريد منك اربع خيول
توفيق روح جيب ربعك وختارو الي تريدوهن
راشد مشكور وما گصرت
راشد شباب شباب
اجو بعد التحيه والسلام كل واحد اختارله فرس وبلشو ب السباق وطبعا الي غلبهم عباس
راشد طلعت خيال يا عباس
ادهام اي والله
محمود هيبه وانت ع الفرس تخيلتك فارس احلامي
الشباب ههههههههههه
عباس اي انا عمي خيال وعلمني
توفيق سبحان الله هيبة عل فرس كنك ابن شيوخ
عباس الله يحفضك حجي مشكور
رجعو الشباب صادو وگعدو يسولفون ووووو الى ان خلصة سفرتهم »
عائشه صرت يوميه اگعد اسمع الاذان وافكر بيه هواي بس اليوم مو هوا من يقرا قرآن گلبي يصير يدك بسرعه واسرح ما اعرف شنو هذا الشعور بس جنه حب اجه خالي يريد ياخذني ل امي
عائشه ها خالو شونك شخبارك
توفيق هلل بعد خالج الحمد لله بشوفتج انتي شلونج
عائشه الحمد لله
توفيق يلا نطلع
عائشه يلا طلعت صعدنا ب السياره وطلع عباس گدامنا
توفيق هذا عباس عباس
عباس ها حجي
توفيق هاي مال حجي بطلها تراني بعمركم ههه
عباس انشالله
توفيق باجر اريدك تزورني للبستان
عباس انشالله
عائشه گلبي فضحني دكاته مسموعه وكوه اجر النفس عيوني فاضحتني ياربي
توفيق شبيج
عائشه اختنگت
توفيق هاج ماي شبيج بويه
عائشه لا لا هسه تمام
عائشه اووووف ياربي بيا ساعه انفضح من وره كلبي وصلنه لبيت خالو ونزلت سلمت ع امي ووو
عباس ماادري هاي بت عمر كلما اشوفها اتوتر گلبي يدك بسرعه بدي بس اسولف وياها بس شلون ما ادري بروحي يمكن حبيتها
