رواية جذبني فمك البني الفصل الواحد والأربعون 41 بقلم عبير إدريس

صناعة الوحش هو من صناعة الانسان 

حب _ طلب _ رهن _ اصطياد

تحول الحبيب الى صياد مترقب لحظه اقتضاضه لفريسته.. 

بسبب تنفيذ رهن يتحول هذا الصياد الى وحش كاسر 

يقضي مع الفريسه سته ايام وسبع ليالي ، يشبع منها حد الارتواء ، لكن اشباعه يشبه الوحوش البريه .. 

من بعدها انطلقت الغزالة هاربة وفرت مفزعه عندما وجدته نهايه الطريق ، وقفت منهمكة لاعنه الحظ.. 

متذمرة بقول يا لسوء حضي كيف وجدني .. 

حملني على كتفهُ الفولاذي ، واعادني الى سجنه الحديدي ، مزق ثيابي نصفين ، اكل من جسدي حد الارتواء ، احتسى الخمر ، سبع كؤوس متتاليه .. 

ابتهج قلبه ، انطفئ قلبي 

اشبع شهوته، امات نفسي . 

اكمل احتسائه للخمر ثم عاد ليدفن رأسه في رقبتي 

مرر شعره المجعد على جسدي ... 

سمعت صوته يتنهد بخشونه ، خفت ان يعيد الكره بدأ جسدي يرتعش خوفآ منه الى ان هدأ وعاد الى النوم.. 

اكثر نموذج عنيف بالكراهيه ، هو هذا الانسان المغدور الذي احب بصدق ، تحول الى شخص ظالم وخارج عن الطريق لايرحم وغير انساني في عنفه ، يستمد قوته ويعيد انكساراته من الاَم .. 

يصبح ذو دوافع قويه للانتقام مصمم على حمايه نفسه 

ويستهتر بمشاعر الغادر... 

المحب المتسلط 

صاحب الذاكره القويه ،

اناني ، يستمع ولا يتكلم .

متسلط مقتحم ...

___

ادهم : اتركوها ترتاح سيلين تعاي احجي وياج .. 

ايمن : شنو ترتاح اريد افهم ليش متقبل بيه شنو شسويت الها.. 

راح كعد يمها يباوعلها بقهر ويحجي وياها متوسل. 

ايمن : افونه والله بعد ما ازعل عليج انه ردت احسسج تصرفاتج غلط وماحبيت تكرريها واعرف شلون كلبج نقي وابيض وهذا وعد مني لا ازعلج ولا اقاطعج وخلينه نفرح حبابه لتسووين هيج ويايه تره ما اتحمل..

ضلت تباوع عليه وعيونها تجري دموع غصتها متخلطه ويه انفاسها وتطلع على شكل شهكات حاره.. 

مسحت دموعها بيد ترجف ورفعت عينها على ادهم.. 

ايفين : طلعه بره ماريد اشوفه ... 

ايمن بهت بوجها وعكد حاجبه مستغرب تصرفها وكلامها.. 

ايمن : شنو هاي شتسولف .. 

ادهم : تعال ايمن منتظرك بره وانتي عينج على اختج ... 

اخذه وطلعو بره واني رحت كعدت وياها . 

سيلين : انتي كاعد تسمعينه صح وتفهمين شنو كاعد نحجي وياج مو لو لا.. 

هزت راسها ب اي 

سيلين : زين بس احجيلي منو وياج ضايجه من زعل ايمن عليج لو بلبيت غثوج هااا حبيبتي احجيلي... 

كامت تبجي بحركه كطعت كلبي حضنتها وبجيت على بجيها ... 

سيلين : انتي سباعيه واعرفج متسوين غلط ومستحيل افكر هيج بس وضعيتج خوفتني وخلتني افكر بتخيلات صعبه وماريد اصدكها بس كليلي اكو هيج شي لو اني غلطانه بتوقعي فدوة لعينج.. 

ساكته بس صوت البجي مالتها كومتها حتى اغسللها تمشي ويايه ورجليها ترجف احسها كاعد تنازع الحياه ، وكعت مني صرخت بصوت عاااالي.. 

سيلين : ايفييييييين عمو الحكني ايفين وكعت ... 

اجوي يركضون عمو وايمن والقلق على وجوهم وملامحهم عاكسه خوفهم ... 

ادهم : الله الله شبيها ...

حجاها ولزم ايدها قاس النبض وكال. 

ادهم : ايمن بسرعه جيب جهاز الضغط وتعال سيلين خلي مخده جوه رجلها ورفعيها ليفوك هسه اجي.. 

طلع من الغرفه وايمن على صفنته .. 

سيلين : ايمن ايمن عمو شطلب منك..

ضل ساكت مصدوم ... 

وره شويه اجه عمو جايب جهاز الضغط وكعد قاس ضغطها ، نازل هوواي ... 

ادهم : غسلي وجها سيلين سيلين مو وياج..

سيلين: هااا

ادهم : غسلي وجها...

حجاها وطلع رحت جبت مي وغسلت وجها ، ايمن راح كعد يم راسها يمسد بشعرها عينه على وجها حسيته يحفظ ملامحها، ايمن ضايع وخايف بنفس الوقت وخوفه ميقل عن ادهم ، وهذا الخوفني وخلاني ارجف على اختي ... 

وره نص ساعه اجه ادهم جايب بطل مغذي وابر من سألته شنو هاي كال مهدئات ...شدلها المغذي وضليت يمها صارت ساعه تسعه اجه ايمن كال .. 

ايمن : سيلين سامر بالباب .. 

رفعت راسي باوعتله بتعب... 

سيلين : شيريد اجه مو يدري راح ابات... 

ايمن : ماعرف شوفيه وبلكت يقبل تضلين يم اختج اليوم ... 

جريت نفس وكمت.. 

سيلين : عمو وين ؟ 

ايمن : ماعرف وين راح .. 

سيلين : تعرف شي وضامه عليه.. 

ايمن : بخصوص شنو ؟ 

سيلين : اختي .. 

ايمن : لو ادري جان انه مرتاح ما الوب هيج.. 

سيلين : الله كريم تصحى ونعرف ... 

نزلت جوه وطلعت لسامر جان كاعد بالسياره فتحت الباب وصعدت حرك بدون ميحجي.. 

سيلين : وين ماخذني .. 

مجاوبني بس حسيته عصبي.. 

سيلين : سامر اختي تعبانه وماعرف شبيها رجعني الله يخليك، سامر سامر سامر مو وياك ليش متجاوبني.. 

ضرب بريك قوي نضرب راسي بالجامه.. 

سامر : سامر سامر سامر شبيج انتي فوك شينج تحجين ...

سيلين : ليش شسويت هاي اختي تعرف يعني شنو اختي ... 

سامر : ماعندج اختج وانتهى الموضوع. 

سيلين : لتخليني اختار بينك وبينها. 

سامر : هههههههه قصدج بينك وبينه..

سيلين : انت شبيك من تزوجت لحد الان الشكوك ملت راسك وخبلتني وياك وخليتني اقاطعهم لو بيك تحجي التعرفه لو لتضل تلعب عليه احنه مو صغار.. 

سامر : العب عليج هههههه بسيطه..

سيلين : شنو قصدك؟ 

سامر : ماعندي قصد نرجع لبيتنه ورانه دوام. 

سيلين : بديت اخاف منك تصدك. 

سامر : ليش حبيبتي تخافين ليش انتي مسويه شي غلط. 

سيلين : اكيد لا.. 

سامر : خلص 

سيلين : رجعني لاختي ماعدها احد يداريها منو يضل يمها. 

سامر : كلت لا يعني لا وبعدين شلون تطلعين بدون علمي. 

سيلين : اعرف ما راح تخليني لهذا مبلغتك 

سامر : زين زين. 

حجاها وهز راسه متحلف . 

وصلنه للبيت واني الوب كلبي نار صار..نزلت وهو نزل ورايه فتح الباب ودخلنه لكيت امه وابوه كاعدين سلمت وضليت واكفه هو هم سلم وصعد بايتين من الدرج والتفت كال 

سامر : شبيج متصعدين .. 

باوعتله ورجعت باوعت لعمو.. 

سيلين : عمو اختي مريضه وعفتها ماعرف اذا تصحى لو لا ويم ناس غربه وابنك صارله شهرين ونص مانعني منهم لا يقبل يكلي ليش ولا يقبل اتواصل وياهم ، سحب مني الموبايل وغير الشريحه والبرامج كلها وسكتت كلت حقه رجال وبراحته ولازم اسمع كلامه جيت اريد انقل ارقامهم بموبايلي لان محافظتهن يكلي ممنوع زين ليش اريد افتهم ميقبل يفهمني وكل يوم يبجيني عمو اختي ما الها احد غيري الله يوفقك كله يخليني اروح واذا مقبل اطلع وبعد ما ارجع. 

عاط بيه. 

سامر : صعدي كتلج سيلينننننن.. 

سيلين : ما اصعد اذا متوديني ما ابقه وياك لحظه وحده.. 

سامر : هيج صارت. 

سيلين : اي هيج واكثر . 

سامر : يعني مستعده تخربين حياتج علمود اختج مو ؟

سيلين : اي اخربها اذا اقتضت الضروره اخربها. 

سامر : روحي بس بعد مترجعين. 

سيلين : اي ما ارجع .. 

انداريت اطلع عمو كال  

_ انتظري بنتي وين رايحه استهدو بالرحمن الرحيم ميصير هيج.. 

التفتت عليه ودموعي كامت تنزل من وحدها 

سيلين : عمو شنو استهده ليش اني بطرانه وكاعد يعاندني غير اختي محتاجتني عفتها وبطل المغذي بيدها شيكولون عليه بيت عمو ادهم عافت اختها وراحت.. 

_ شكد تريدين تضلين هناك.. 

سيلين : لحد متصير زينه.. 

_ اخذي ملابسج مال دوام وامشي اوديج ..

سامر : اذا طلعت مترجع بعد 

ابوه التفت عليه وكله. 

_ مو بكيفك هذا بيتها شوكت متحب تجي وهيه سمعت كلامك ومشت وراك من منعتها تروحلهم ولو اني ما ادري ليش وشنو الاسباب بس موقفها حلو وياك البنيه خوش بنيه لليوم ماسمعنه صوتها ممنوع تأذيها امشي بنتي مثل ما كتلج يله منتظرج. 

هزيت راسي وصعدت فوك هو ضل يحجي ويه ابوه وصارت مشاده كلاميه بينهم ، طلعت كم قطعه ملابس خاف اداوم جريت نفس من تذكرت ايفين وحالتها ، يا دوام اللي اروحله واختي هيج. 

سديت الجنطه فات سامر وركع الباب تقرب مني ولزمني من متني .. 

سامر : من شوكت تخالفيني وتشكين مني لوالدي. 

سيلين : منا وجاي اذا ضليت نفس اسلوبك مو بس اشكيلهم لا اعاديك. 

سامر : هااااا صدك .. 

سيلين : اي صدك جنت اسكت اكول عيب بعدني جديده وبيت ناس غربه ميصير يطلع صوتي مو اخلاقي اعاند واتجاوز بس انت جبرتني .. 

سامر : اختج ما احبها وما اريدج تختلطين بيها حقي لو مو حقي. 

سيلين : لا مو حقك واني ما امشي وره شعورك وشتحب وشتكره ، اختي مريضه وبحاجتي تريد نكمل اهلا وسهلا متريد براحتك .. 

سامر : راح اوديج بس ... 

سكت.. 

سيلين : بس شنو راح ترجع تشك لو شنو.

سامر : ما شاك منو كلج شاك .. 

سيلين : لعد شنو سبب عداوتك لادهم وهو صديقك الروح بالروح واذكرك من كعدنه نحجي بالنادي كتلك اذا عندك بذره شك بداخلك لو بيك تقلعها قبل لا تتجذر لو تتركني لا انت مجبور ولا اني شو ضليت كومه تطاردني وتركض ورايه يلا قبلت واول ما اخذتني طلعتها سم من خشمي.. 

سامر : روحي بعدين نحجي كمتي تخربطين هواي. 

سكتت مجاوبته اخذت جنطتي وصلت للباب كال. 

سامر : اخذي موبايلج خاتون.. 

رجعت اخذته واخذت الشاحنه وطلعت وداني عمو لبيت ادهم..اول ما وصلت دكيت الباب طلع عمو يوسف سلم على ابو سامر وطلب منه يدخل جوه رفض وكله دنيا ليل اجي بوقت ثاني راح واني دخلت جوه .. 

سيلين: شلونك عمو. 

يوسف : الحمدلله وانتي شلونج اختج شلون صارت. 

سيلين : اني الحمدلله واختي عفتها نايمه ورحت جبت ملابس وجيت.. 

يوسف : ها هله بيج صعدي اخذي راحتج. 

سيلين : شكرا تصبح على خير. 

يوسف : وانتي من اهله  

صعدت رحت كبل لغرفتنه دخلت لكيت ايمن حاط كرسي وكاعد يم راس ايفين لازم ايدها البيها مغذي و خالها على رجله.. 

من دخلت رفع راسه شافني جر نفس وهمس بتعب..

ايمن : شوكت تكعد.. 

سيلين : خاف عمو نطاها مهدئ ويه المغذي.. 

ايمن : ماعرف زين برأيج شنو الشي الوصلها لهاي الحاله. 

سيلين : ماعرف يا ايمن ماعرف المفروض انت تحجيلي لان انت عايش يمها مو اني. 

ايمن : ليش تركتيها هلكد شكد جانت تسأل عليج وتريدج. 

سيلين : سامر قفل عليها مقبل اتواصل وياها بيوم وليله تخبل منها شنو السبب ماعرف..

ايمن: يعني هو منعج. 

سيلين : اي ومردت احجي لان جنت بعدني جديده وماعرف اطباعهم مكدرت من اولها اسوي هوسات وانت عشت ويايه وعرفت طبعي اليضربني اعوفه وافوت. 

ايمن : اعرف اعرف ليش هو اكو مثل اخلاقكم صح ايفين غلطت بوقت معين بس شايله كلب نظيف وهلكد حنينه تتفكدنه واحد واحد وتسألنه اكلت شربت ملابسنه تغسلهن من وحدها رغم عدنه خوات بس وينهن هاي زمن اذا صخرتها تشلع كلبي ونرمان ملتهيه بدوامها ... 

سيلين : اي افونه طيبه كلب بس عيبها شويه متسرعه وتندفع هسه بس خلي تصير زينه واطلب من سامر نأجر ونكعد سوه بيت واحد.. 

ايمن : وعلى شنو تاخذيها انه كلشي مكمل بس اجيب الغرفه انصبها وثاني يوم اعرس صدك تحجين. 

سيلين : مادري كمت ماعرف افكر خايفه ايمن هوواي خايفه.. 

ايمن : مثلج انه هم خايف بس ماعرف شنو الاسباب الوصلتها لهنا ..

سيلين : انت شكد صارلك مشايفها ولا حاجي وياها ..

ايمن : اسبوعين بس اول اسبوع لمحتها كم مره ، اخر اسبوع ابد مشفت اضفرها وكل ما اسأل ادهم يكلي نايمه لو ساده الباب عليها مرات اصعد الكاها مقفوله وانزل.. 

سيلين : حيرتني بالزايد.. 

ايمن : نشوف شلون تصفة الله كريم.. 

سيلين : شبيها ايدها ليش رافعها.. 

ايمن : كامت تأوت الابره لان تتحرك متدري بروحها وخفت لا تنبت الابره بيدها وتتأذه.. 

ايفين 

اسمعه واتكطع وصل وصل لو تدري بشنو نضربت ومن شنو عانيت جان شسويت وشكال كلبك...

سيلين: جوعان اسويلك ويايه لان اني على الغده وخرطت من الجوع .. 

ايمن : ما اشتهي . 

سيلين : راح اسوي وناكل سوه شتكول لان ما اشتهي وحدي . 

ايمن : بكيفج سوي اكل وياج شويه . 

ابتسمت وطلعت رحت للمطبخ فتحت الثلاجه طلعت كم شغله وبلشت اسوي عشا اشتاقيت اشتغل بهذا المطبخ وحنيت لحياتي هنا واشتاقيت لكلشي جريت نفس علكت الطباخ وبديت اكلي سويت زلاطه سمعت الكرسي تحرك التفتت لكيته عمو باوعلي وكعد ... 

سيلين : تاكل ويانه.. 

ادهم : شنو راح تسوين. 

سيلين : بورك وفنكر .. 

ادهم : يلا وياكم. 

سيلين : ماشي. 

التفتت اكمل وسمعته تنهد احسه يريد يحجي ويايه بس ميعرف شلون يبدي حسيته متردد...بعدين كال..

ادهم : عبالي ما راح ترجعين.

سيلين : لا رجعت ..

سكتنه و كملت العشا خليته على الطاوله رحت صحت ايمن .. 

سيلين : تعال تعشى ..

ايمن: سويلي لفه بروح اهلج. 

سيلين : ليش تعال مادامها نايمه

ايمن : لا ماعوفها خاف تكعد..

سيلين : براحتك هسه اسوي واجي.. 

رجعت للمطبخ اخذت صمونه فتحتها وخليت بيها فنكر وزلاطه خليتها بماعون وخليت بورك بصفها وكلاص شربت ، اسوي واحسه يراقب حركاتي بعدين كال. 

ادهم : ليش متاكلين هنا اذا مضايقج اكوم. 

باوعتله بهتت. 

سيلين : عمو صدك تحجي انت ليش هلكد متحسس مني تره هاي لايمن مو اليه. 

رجع ياكل مجاوبني وديته لايمن ... 

ايمن : عاشت ايدج ... 

سيلين: الف عافيه.. 

رجعت للمطبخ كعدت اكل ثنينه ساكتين بعدين كال. 

ادهم : اريد اطلب منج شغله بس توعديني متتسرعين ولا تسوين اي شي يشكك المقابل باللي راح اكوله لحد ما نتأكد...

تركت الاكل من ايدي ورفعت راسي باوعتله. 

سيلين : اسمعك.. 

جر نفس دنك بعدين رفع راسه وكال. 

ادهم : اريدج تشوفين منطقه الصدر من ناحيه القلب لايفين شوفي شنو بيها وتعاي كليلي.. 

سيلين : شنو يعني مفهمت. 

ادهم : بعدين افهمج بس شوفيها وتعاي.. 

سيلين : خوفتني. 

ادهم : ضمي خوفج بعدين روحي وتعاي بسرعه. 

سيلين : ايمن شلون كاعد بالغرفه. 

ادهم : كليله ادهم يريدك. 

سيلين : ماشي.. 

كمت غسلت ايدي ورحت للغرفه.. 

سيلين : كملت بالعافيه. 

ايمن : الله يعافيج اي اكلت. 

سيلين : ها زين مو عمو يريدك بالمطبخ.. 

ايمن : هسه كايم تعاي كعدي بمكاني .. 

سيلين : شنو مخلص المغذي .. 

ايمن : مو شدينالها ثنين..

سيلين : هاا زين لعد.. 

ايمن : عينج عليها فدوه. 

سيلين : شبيك يمعود هلكد خايف .. 

ايمن : خايف من شغله وان شاءالله اطلع غلطان بيها.. 

سيلين : والله خبلتوني انت وعمو هسه غير تحجون علمود واحد يفتهم..

ايمن : كعدي هسه خلي اشوف ادهم واجيج. 

سيلين : ماشي.. 

طلع واني رحت وكفت يم راسها جانت نايمه غاطه بنومها ومفتوح حلكها من التعب ، رفعت التيشيرت مالتها وباوعت شنو هاي ركزت زين ، 

مكتوب على جهة القلب مالتها رقم ٦ و ٧ بالانكليزي وحرف F بس صغار ، مديت ايدي مسحتهن ميروحن مثل الوشم زين هاي شوكت داكته غطيتها ورحت لعمو لكيتهم كاعدين منتضريني ثنينهم شافوني وعيونهم تتسابق تسألني.. 

ادهم : ها شنو شفتي.. 

سيلين : ارقام ٦ و ٧ وحرف F 

مجرد ذكرت ارقام تغيرت ملامحهم ثنينهم ادهم كمز من مكانه ونزل جوه صاح بعلو صوته ... 

ادهم : لك فهددددددددددد 

وايمن ضرب ايده بالميز وكام نزل وراه اني هم ركضت نزلت وراهم اسمع عمو يفرفح ويحجي بصوت عالي ويه ابوه ويسأل عن فهد . 

يوسف : اليوم التحق انت مو تدري عنده دوام اسبوع بسبوع. 

ادهم : هسه تجيبه كدامي لو تحفر الكاع تجيبه..

ايمن يرجف ويتنفس سريع ، اباوعله يريد يوكع بعدين كعد وخله ايده على راسه ودنك مكسور..

يوسف : ليش طريقه هنا هنا علمود يرجع شتريد منه غير افهم. 

ادهم : اريد اطلع روحه شريد منه يعني ، خابره كله ادهم يكول هسه ترجع .. 

يوسف : خابره انت.. 

ادهم : يابه لتأذيني كتلك خابره وبلغه يرجع لو ميصير خير.. 

لزم موبايله خابره ميرد دزوله رسائل يقراهن وميجاوب تخبلوا ايمن وادهم لزمو موبايلاتهم وبلشو اتصالات على فهد اخر شي غلقه .. 

عمو لزم موبايله وركعه بالكاع ، راح كبل للكامرات مال البيت وبده يرجع بيهن ، وكفت بصفه باوعنه كلشي طبيعي ماكو شي بس عمو ذكي انتبه على التواريخ والوقت همس لايمن جان واكف يباوع وياه.. 

ادهم : شوف الاوقات من ساعه ١ بليل للخمسه الفجر مقطوع التسجيل وبيهن ممسوح خلال هذا الاسبوع. 

ايمن : راح اتخبل يعني معقوله سواها . 

ادهم مجاوبه بس اعصاب وجها كلها متشنجه وتتحرك بغضب ، جر نفس وكال. 

ادهم : سيلين منا لساعتين يروح مفعول المنوم الخليته الها ، غصبن عليها تحجيلج لو تعرفين تضربيها. 

سيلين : صدك جذب شنو السالفه غير اعرف شصاير. 

ادهم : انه وانتي والكل راح يعرف اذا حجت اختج ومحد يكدر يحجيها غيرج انتي. 

سيلين : شنو اكللها غير افهم.. 

ادهم : تعاي ويايه . 

صعد وصعدنه اني وايمن وراه وابوه ضل يصيح شكو غير نفهم ايمن جاوبه.. 

ايمن : تفهم تفهم بس الاول احنه نفهم.. 

وصلنه يم باب غرفتي وكف وكال 

ادهم : هسه من تكعد بس سأليها فهد شسوالج و وين اخذج وهاهيه.. 

باوعتلهم بعيون حايره. 

سيلين : يعني شنو شسوالها فهد وشجابه عليها. 

ادهم : ماعرف سأليها بس ... 

سكت مكمل كلام ، ايمن كام يسب بفهد ويغلط عليه بعدين فرك وجها بثنين اديه قوي بحيث صار وجها احمر. 

ايمن : والله اذا سووواها اله ادفنه بيدي وكول كال ايمن. 

ادهم : ننتظر ونشوف اسكت هسه لتسوي شي.. 

ضلينه واكفين باب الغرفه ايمن راح كعد على بايات الدرج واني مرتاجه باب الغرفه واهم مكتف ايده وتك ايد الثانيه على شاربه وصافن بالكاع... 

الكل مترقب اختي تكعد ونعرف شنو صار وياها ، اني كلبي نار يفور واتمنى هسه اكعدها بس ماكدر .. 

مرت ساعتين سمعت موبايلها دك دخلت للغرفه باوعت رقم غريب مجاوبت غلقته ورحت كعدت يم راسها.. 

وره شويه حست رادت مي كمت جبتلها كعدتها وشربتها رجعت نامت ، التفتت عمو واكف بالباب ويأشرلي حاجيها... 

هزيت راسي ب اي والتفتت عليها.

سيلين : افونه احجيلي شنو الصار وياج ماكو احد هنا بس اني وانتي سولفيلي..

ساكته متقبل تحجي بس تلف بشعرها وتكطعه جريت ايدها .. 

سيلين : ليش هيج تسوين شعرج حرامات . 

ضليت احجي واتحايل عليها اريد تسولفلي ، صرختت بصوت عالي وطلعت كلمه وحده وضلت تردد بيها 

ايفين : كسر عيني كسر عيني ... 

التفتت على عمو لكيته واكف مصدوم وايمن وراه ، ايمن كام يضرب على راسه وادهم صافن علينه ميعرف شيسوي ، اني بهتت اريد اسألها بعد ما اكدر اخاف من الجواب اخاف اسأل مرعوبه ... 

دخل ادهم اشرلي اكوم كمت وهو كعد على الكرسي باوع عليها وبلش يسألها ...

ادهم : شجابه عليج انتي مو يمي فوك شلون التقيتوا..

دنكت عينها وضلت ساكته ، دخل ايمن وجها دم عيونه تذرف دموع من وحدها كعد بالكاع وارتاج على الحايط وصافن على ايفين .. 

ساكته متقبل تحجي شكد حاول وياها عمو مترضه.. 

مر اسبوع كامل وبس الله يعلم بحالنه شنو اني وعمو وايمن تخبلنه مكابليها وكاعدين نريدها تحجي متقبل ، خاف جانت تسكت كامت تصيح وتملخ بنفسها بس نحاجيها ، سمعت طراطيش كلام بين ادهم وايمن بس مافهمت معناه ايمن يكله لعمو. 

ايمن : معقوله عاد سالفه روايه.. 

ادهم : ماعرف انه هم اجتي ابالي اخوك راح يخبلني حيرني يا ايمن حيرني.. 

ايمن : صار اسبوع ليش منزل متعمد مو. 

ادهم : اكيد متعمد و متأكد وصله خبر احنه شكينه بيه.

ايمن : هو غير يجي ويصير رجال ويحجيلي علمود احركه . 

سكتوا رجعت كعدت يم ايفين توسلت بيها تحجيلي صار العصر جانت نايمه وفزت تصرخ بصوت عالي . 

ايفين: ماريده ماروح ماريده.. 

رحت كعدتها شافتني حضنتني وبجت.. 

سيلين : لج عيني احجيلي مو راح نتخبل بس فهميني شنو سوالج ولج احجي لتخافين كلنه بضهرج اني وايمن وعمو ادهم ، ايمن متنقهرين عليه لا اكل ولا نوم مكابل بابج وكاعد.. 

جانت متمددة وتهز راسها يمنه ويسره وبلشت تحجي بتعب .. 

ايفين : دمرني الله ينتقم منه ... 

سيلين : احجي شسوه وياج شسوه .. 

ايدي ترجف وايدها ترجف ... 

ايفين : قبل لا تتزوجين تعرفت على بنيه بالفيس هيه دخلتلي خاص كالت شفتج معلقه بكروب ودخلت على بروفايلج لكيتج كاتبه معهد معلمات اريد اقدم شلون كتلها من الثالث وقدمت راحت وره يومين رجعت كتبت ممكن ادزلج طلب صداقه واتصل بيج كتلها عادي ، دزتلي قبلته خابرت جاوبتها.. 

ايفين : هلو حبيبتي.. 

_ هلو بيج اني اسمي نوارس.. 

ايفين : هلو بيج كولي شنو محتاجه .

نوارس : اريد اقدم على معهد المعلمات واني مكمله ثاني متوسط شلون اقدم على الخارجي وشكد اطلع معدل علمود انقبل .. 

حجيتلها بالتفصيل وضلت يوميه تراسلني بوقت انتي بالدوام وطلبت منها من ساعه ٣ بعد متتصل يعني بس الصبح كالت ليش كتلها اهلي ميقبلون كالت براحتج استمرينه بالسوالف قوت علاقتنه كامت تدزلي صورها بملابس بيت وطلعه . 

سيلين : وطلبت منج ودزيتي.. 

مسحت دموعها وكالت.. 

ايفين : خليني اكمل . 

سيلين : كملي كملي راح اموت.. 

ايفين : بعد زواجج ضليت وحدي وماعندي غير هاي الصديقه تطورت علاقتنه وكمنه نتصل فديو بالبدايه جنت بالحجاب نتصل ونشتغل ونسولف بعدين بليل كامت تتصل من اني بالغرفه وانتي تدرين شلون جنه نام اني وياج نلبس شغلات خفيفه ، بيوم جنت لابس كيمونه سوده ومتغطايه بالبطانيه اتصلت جاوبتها كالت فتحي فديو اريد اشوفج فتحته وبلشنه نسولف نسيت اني شنو لابسه والله راح من بالي كمت مشيت والموبايل بيدي علكت الضوه شربت مي ورجعت لفراشي وضلينه نسولف تقريبا ساعه.. 

وراها فهد كام يكلي هاي شنو تخبلين بالكيمونه ومن هالسوالف ما اجه ابالي البنيه ممكن هو دازها عليه ، ماعرفت من ثولي ماعرفت عبالي فد يوم شايفني او مريم من لاعبه بموبايلي هو ماخذه منها تدرين بيه احب هواي اخذ صور خصوصا اذا لبس جديد ، وبيوم بليل جانت ساعه وحده ضبط خابرتني ضلينه نسولف وحجيتلها على وضعيتي واني ويامن عايشه وشلون امي تركتني وبجيت بحركه كلب لان فردوس بيومها حيل قست عليه بالكلام تعبت نفسيتي ردت واحد اشكيله وانتي ماكو لهذا حجيتلها...

سألتني عنهم وحجيت الها على عمو شلون حباب ومدارينه وايمن يريد يخطبني بس امه كاعد ترفض وتأجل اخر شي جبناها على فهد.. 

ضربت على رجلي وارجع اضرب بوجهي ملخته تملخ ... 

سيلين : هم صخام هم صخام شحجيتي شنو كلتي سولفيلي شصخمتي... 

دنكت وكامت تفرك بديها وتبجي.. 

ايفين : حجيتلها كم شغله تخص ماضي فهد سمعتها من فردوس وعمو يوسف بعدني ممكلمه الكلام ، ندكت الباب نقرات خفيفه ومتقطعه كمت وبيدي الموبايل فتحت الباب ظلمه الممر كلشي ممبين بس قساوه ملامحه عاكسها ضوه غرفتي... 

ضل خازرني.. 

سيلين : كملي لا اموتج كملي لتسكتين لتستكين ..

ايفين : كال تعاي احجي وياج كتله احجي هنا.. 

فهد : لا تعاي ورايه منتضرج.. 

ايفين : وين غير افهم.. 

فهد : تفهمين ليش مستعجله ياعيني.. 

ايفين : هسه البس واجي.. 

فهد : يلا منتظر.. 

راح واني لبست وعبالي استغل فرصه نزوله واروح لايمن وفعلا ركضت لغرفه ايمن توني اريد ادك الباب ماعرف منين طلعلي سد حلكي وسحبني ، وصلنه يم باب غرفته فتح موبايله وشوفني فديوات وصور اليه كومه عرفت نوارس تابعه لفهد، همس بأذني.. 

فهد : ذني صور وفديوات وقبلها فديوات الركص وسوالف البوك ،كلهن يمي وهااا تصويرج من دخلتي غرفتي هم موجود لهذا امشي ويايه مثل الحبابه ما اسويلج شي بس احاجيج. 

ايفين : عليك الله عوفني شنو تريد مني.. 

فهد : ماسويلج شي بس نسولف... 

لزمني من جف ايدي وعصرها حيل مشى واني مشيت وراه صعدني بالسياره وهو صعد.. 

سيلين : والباقين وينهم اهله عمو هيج محد حس بيكم من طلعتو وشغل السياره.. 

ايفين: جانو نايمين مو تدرين بيهم ينامون من وقت .. 

سيلين : كملي كملي راح تموتيني اريد اعرف شنو سوه ناقص الغيره...

ايفين : من صعدني بالسياره قفلها واشرلي ماسوي صوت.. 

سيلين : غبيه انتي شلون تصعدين وياه وليش سكتي حيوانه ادبسز ليش ما عيطتي وفضحتيه. 

ايفين : امني وكال بس نحجي بالسياره لان هنا يسمعونه وماعرفت شنو راد بالضبط والخلاني اسكت خفت ينفذذ تهديده ويفضحني يم ايمن لان كال اكله عدها علاقه بيه ويوميه بالدوام تتصل كامره واخليهم يطردوج لو تجين ونسولف ونحلها احسن كتله لا نحلها راح دخل للبيت وجاب مفتاح غرفتي عرفته من المداليه وموبايلي هم خلاهن بالسياره وفتح الباب الخارجي ورجع صعدت طلع السياره ونزل سد الباب وصعد ومشينه التفتت عليه كتله.. 

ايفين : هاي شنو ليش جايب موبايلي والمفتاح وبعدين وين ماخذني بهليل  

فهد : معليج ... 

ايفين : شنو معليه.

فهد : اشششششش ولا كلمه. 

ايفين : انت شتريد احجي.. 

ضربني على راسي ولطخه بالجامه وضل يفشر عليه ويغلط ، خفت و سكتت... 

وصلنه لبيت بس بغير منطقه نزل ونزلني ، رجلي ترجف خوف منه ومن اللي راح يصير ... 

دخلنه لبيت كله مفروش ومؤثث كامل من كلشي يعني مبين عايشين بيه مو متروك سد الباب وسحبني من ايدي دخلني بغرفه ماعرف شلونها غريبه عجيبه بس حسيتها مال مخابيل كلشي بيها مو طبيعي حتى الاسره البيها صايره تشبه الشازلونج مودرن ، كعد وكال...

فهد : منين سمعتي هذا الحجي عني..

رديت بخوف وتوتر 

ايفين : ياحجي. 

فهد : ياحجي يعني السولفتيه لنوارس.. 

ايفين : انت دازها مو ؟ 

فهد : كتلج قبل احجيلي شنو تعرفين مقبلتي خليتيني اعرف بطريقتي بدون تعب وهسه دورج تحجيلي منو غيرج يعرف .. 

ايفين : والله محد بس نوارس..

فهد : يعني صديقات حبايب منا منا ميعرفون. 

ايفين : لا ميعرفون والله. 

فهد : زين لعد ... 

راح طلع من الغرفه ورجع جايب بطل كزاز وياه كلاص بيه ثلج كعد واشرلي اكعد. 

ايفين : خلي نروح الله يوفقك والله بعد ما اعيدها. 

فهد : اكعدي .... 

ايفين : شبيك شنو تريد غير افهم... 

ضل ساكت ما طولنه غير ساعتين ورجعني. 

سيلين : يعني مسوالج شي. 

ايفين : اول ليله مسوالي شي بس حجينه ثاني يوم الصبح وره مطلعو للدوام صعدلي.. 

فهد : راح اطلع بره انتضرج ولترحين للدوام 

ايفين : شلون والخط مالتي. 

فهد : بس نحجي.

ايفين : مو حجينه 

فهد : ماكملنه كلام تعاي منتضرج. 

اني هم رحت امنت بيه لان قبل بيوم جان سامعني وضايج مني ماسوالي شي كلت الصبح راح يسويلي ، واخذني بمكان ....ماكدر اكلج وين  

سيلين : ليش. 

ايفين : ما اكدر 

سيلين : لتخافين منه احجيلي 

ايفين : اكلها ما اكدر لتلحين عليه وخليني اكمل. 

سيلين : كملي .. 

كمت جبت مي شربت حسيت بلاعيمي راح تطك من البجي واني اسمعها فرفحت روحي اختي راحت انتهت حياتها انتهت....

ايفين : اخذني بنفس المكان ودخلني بنفس الغرفه قدملي عصير وجبرني اشربه شربته بعدها نمت ما ادري بروحي ....

كعدت راسي يموتني لكيته كاعد ويشرب انقرفت منه شرب يمكن سبع كلاصات وراها اجاني مثل المجنون...

مزق ملابسي و تقربلي بغضب متجاهل دموعي وتضرعاتي بدموع الاسى اريد ابعده مني وانهي اللي بده بيه بس ما اكدر يفوقني بالقوه تمتم بكلمات يم اذني ..

فهد : ادعي الله يعفو عني ويغفرلي اللي راح اسويه بيج....حجاها واختلس نظره لشفايفي وكمل البده البيه..

فهد جان عباره عن قنبلة موقوتة تنفجر بأي لحظة ، 

الوقت داهمني وبدا العد التنازلي بلشت رحله العذاب 

ضليت اتلوه بالفراش من الالم حتى نزف نزفت كام مني ونام بصفي بسرعه غفه وكام يتنفس بخشونه خفت منه بحيث نفس متنفست خفت يكعد ويعيدها... 

ورة نص ساعه كعد اخذ ملابسه وطلع.... 

من التعب نمت يمكن ساعه ماعرف شكد فتحت عيني لكيت روحي بمكان ماعرف وين بس مو نفس الغرفه ولا ... 

كمزت مثل المخبلة ودكات كلبي احسها توجعني من الخوف ، 

سمعت صوت اقدام تقترب من الغرفه وصلت للباب عيني على اليده شوكت تنفتح واضربه جانت بيده مزهريه ... 

 سمعت صوت خطواته تبتعد لحد ما اختفت ، رجعت للغرفه ردت اكعد صارت المرايا كبالي باوعت ملابسي مو نفسها هاي ملابس نوم جديده ونظيفه ، واصلا مو مالتي ... 

باوعت زندي بيه اثر طبعات اصابعه ... 

حرت شلون شسوي ياربي متأكده هو بلبيت بس خوفي منه ميخليني افكر حتى اطلع من باب الغرفه. ، 

  دورت على ملابسي بالغرفه افتر واباوع ماكو وين وداهن ، حتى اذا اريد انهزم ما اكدر ، قررت اطلع وشيصير خلي يصير ، 

توقعت الباب مقفول بس اول ما فتحتها انفتح تفاجأت ، طلعت البيت سنطة ما اسمع بس صوت طبكه اسناني ، 

جسمي كله يرجف ويختض اريد اعلك ضوه اخاف ، فتحت باب ثاني جانت غرفه صغيره فارغه بيها بس تعلاكه ملابس وفراش وكراكيب ، 

يدخل الها ضوه خفيف من الشباك ،

باوعت بالتعلاكه لكيت ملابسس معلكات اخذتهن ولبستهن طلعت امشي سريع وادعي ربي كون اكدر اطلع منا وصلت للباب الخارجي لكيته مفتوح كيفت طلعت وبديت اركض ، التفتت للبيت ورجعت اباوع الشارع يخوف سنطه لا بيه ارجع ولا بيه استمر ، 

غمضت عيني وركضت كلت وين توصل خل توصل بالحالتين اني متأذيه ، 

لهناك وارتطم بيه واكف عبالك جبل ، بحركه سريعه لزمني من خصري وشالني على كتفه ، كلبي كام يدك من الخوف ، كمت العن بحضني ونفسي الطاوعته وامنت بيه..

مشه بيه ودخلنه للبيت ، دخلني للغرفه شمرني على السرير كأنما لعبه ورقيه بيده هيج تعامل ويايه ... 

تقرب مني وجسمه صار قريب عليه همس بخشونه بأذني ....

فهد : انتي متجين بالكلام وسمعت ما متربايه عندج علاقات وسرقه وغيرها بس لتخافين راح اربيج بطريقتي . 

ايفين : ليش هيج سويت بيه ليش انت متخاف من الله مو عندك خوات شكد كلب ونذل.. 

فهد : تريدين تتزوجين ايمن مو ههههههه 

مجاوبته ، اختلط عندي شعور الكره والاشمئزاز... 

مد ايده ولزم شفتي راد يبوسها وخرت وجهي مرر شعره على جسمي لعبت نفسي وكمت انتفض من القهر النفسي العشته وياه... ....

درت وجهي للجهة الثانيه المعاكسة لوجها ، بدت عيوني تنزل دموع بحركه ارتفعت انفاسه وزادت شهكاتي ،

 دفن وجها بركبتي ورجع اذاني من جديد كمت اعيط واصرخ بصوت عالي ومتجاهلي ...

اتوسلت بيه ميجاوبني ، لزم ملابسي شكهن وبده يلتهم جسدي كأنما فريسه وهو الوحش ، عنف قسوة ألم ، بجيت صرخت استنجدت اخر شي همست بتعب.. 

ايفين : فهد اني مو بنت ليل حرااااام عليك حراااام ..

همس بأذني.. 

فهد : شكد حذرتج وشكد صبرت عليج وانتي خليتي راسج براسي من اكسر عينج يلا تكفين عني وتبطلين تبحوشين ورايه..

نبتت اضافري بكتفه ودفعته لو تخبل ، ضربني واستمر الحال هيج الصبح من اروح للدوام يوكفلي ياخذني ويرجعني للبيت وكت انتهاء الدوام وبليل وره ساعه وحده هم ياخذني ونرجع ساعه خمسه.. 

انصدمت ماعرف شنو اجاوبها وشنو احجي هيه تحجي واني مصدومه ممصدكه والله ممصدكه تحجي واكول لا كذب تتشاقه اكيد اخر شي ماعرف شلون اجتني القوه وسألتها . 

سيلين : شنو الارقام المكتوبه على جهة كلبج وليش متنمسح.. 

جرت نفس قوي وجاوبتني .

ايفين : ماعرف اخر يوم ، قبل لا نرجع لهنا عنده جهاز بيه مثل الابره يأذي ، جر تشيرتي ورسم هاي ماعرف شنو حتى مشفتهن لسه ، همس بأذني من كمل..... 

فهد : هذا نشيان الفهد .... 

الفصل الثاني والأربعون من هنا