رواية زهور بنت سلسبيل الفصل الواحد والاربعون
زايد جالس بمكتبه في فندق الزهروان ممسك بيدة هاتفة ينظر الي صورة فيه تارة والي صورة بإطار امامه علي المكتب يحدثها وعلي وجهه إبتسامة تملئ فاه.
زايد / سمتها سليا كنت حابب اسميها سلسبيل علي اسمك بس اترجعت لان مش هقدر أنكر عشقكِ ال محفور علي جدران قلبي ، خفت يتهموكِ بحاجه مش فيكِ ولا تعرفيها يقولوا كلام يقتلني يلومو حبي ليكِ.
علي أخر لحظه كتبتها سليا قلت اسم جامع حروف اسمك
إن كنتِ انتي العين والمياه العزبه السهله وحلوة المزاق في سليا هي
الجنة والأراضي الخضراء الملينة بالخيرالواسع والحدائق الجميلة ال بتروي من من المية ال حلوة.
كنت اتمنا سليا تكون بنتي أنا وإنتي بس القدر بعدك
ِ عني حرمني منكِ ليه يا سلسبيل تحرمني منكِ للابد لدرجة دي بتعشقي زياد لدرجة دي فضلتيه للمرة التانيه عليا رحتي ليه وسبتني أنا أجنن بحبك
لية استكترتي نفسكِ عليا ليه حرمتني ارتوي منكِ
ينظر لها نظرة مطولة يمسك الاطار امامه ويضمها لصدرة يشتد بضمها ينزعها سريعا ويضعها في الاحد الادراج ويغلقة سريعا لازم احط حد للجنون ده لازم
اخف من عشقك انتِ جرعة زايدة مش عارف اخلص منها لازم أقاوم ليقف سريعا ويتجه ناحية الباب
أنا اخر مرة هدخل المكتب ده هيتقفل بكل ال فية
طول ما انا عايش مش هيتفتح ابدا مرة تانيه غير لما اتعالج منك وقتها بس المكتب ده هيتفتح ليذهب سريعا خارج من المكتب قبل ان يضعف
ويعود مرة إخري يغلقه خلفة بمفتاحة الخاص
يشير الي سكرتيرتة الخاصة المكتب ده ممنوع
فتحة لاي سبب من الاسباب والادارة من بكرة
هتتنقل المكتب القديم.
يترك الفندق ويعود إلي منزل العائلة يصعد مسرعا
الي غرفة نومه يدق الباب ويفتحة بلهفة يلقي السلام علي زوجتة التي تنظر لمن تجلس جوارها
علي الفراش بأستغراب وهو يتجه الي فراش
صغيرته يحملها بحب يقبل يدها الصغيرة
ووجنتها يجلس علي أقرب كرسي وعينه
عليها يرفع عينه لزوجتة. يحدثها.
زايد / صغيرة اوي شفي إديها صغيرين اوي.
لازالت تنظر له وتعود بالنظر لشقيقتها التي وقفت
تكتم ضحكاتها وخرجت من الغرفه دون ان تتحدث
بكلمه تهز راسها لشقيقتها وتخرج من الغرفه تغلق الباب خلفها وتنفجر من الضحك وهي تستمع لكلمات زايد
زايد / إيه رايك لو نعرضها علي دكتور تغذية يفحصها ويديها فتامينات وادوية تساعدها
تكبر بدل ما هي صغيرة اوي كده.
أمال زوجته تحدثة بحدة قليله / زايد انت واعي لكلامك فاهم بتقول ايه البنت يدوب عمرها يومين
ووزنها كويس جدا ومناسب.
زايد /ينظر الي سليا ويعاود تقبيل يدها متجاهل حديث زوجته والحدة به، يرفع يدها صغيرة أوي
اوي عوزك تتغذي كويس عشان ترضع وتكبر بسرعه.
أمال /زايد انت طبيعي بتكلم بجد ولا بتهزر.
زايد / يعتصر بداخله يجاهد بنطق كلمة تهداء ما بها
اكيد يا حبيبتي متأكد عاوز سليا جميلة زي مامتها
جميلة وحنينة وقلبها طيب بس ياريت ما تخدش عصبيتك ولا صوتك العالي حاولي الفترة الجاية
صوتك يكون أهدي من كدة، أوعدك أني ههتم بيكِ
وبيها ولو محتاجه حد معاكي ياخد باله منها ويرعيها قولي وفي نفس اليوم تكون عندك.
ال تساعدك.
ليقف وهو يحمل صغيرته يقبل جبينها وهو يتلمسها بيده
زايد /سمي الله وشليها وانا هنزل ثواني أطمن علي ماما واجي اغير ليها معاكِ.
خرج زايد من الغرفة يهبط الدرج بسرعه متوجها الي غرفة والده
امال تنظر في أثرة عينها علي الباب تكاد تنفجر من الغضب .
تنظر الي ابنتها تحدثها
أمال / ايه سر تعلقة بيكي وليه سليا باذات انا كنت هسميكي علي اسم ماما.
لازم اعرف سر اصرارة علي الاسم الغريب ده محدش
فاهمك قدي يا زايد أكيد في سبب لدة مش انت ال
تعمل حاجه قبل ما تخطط ليها صدقني لو كان ال في بالي صح اوعدك لا تشوف ايام مكنتش تتخيلها
نهال عندها حق زايد مش طبيعي طول عمرة عملي
جوازنا كان عادي علاقة اهلينا رسموها لينا واتقبلنا
ها حتي زاهر وحازم لما اتولدوا مافرحش كدة ولا اهتم بيا في الحمل ولا الولادة حتي اسميهم مشغلش
باله بتسنيتهم أكيد نهال عندها حق اكيد مش هكون امال ال لما عرفت سر تغيرك كدة.
لتضع الصغيرة بجوارها وتلتقط هاتفها تجري اتصال هاتفي.
_________________
زهور جلست بإرهاق في احدي زوايا المستشفي
بعد قليل شعرت بالجوع اخرجت من حقيبتها
زجاجه مياة صغيرة وحقيبه بلاستكيه بها سندتشات
اخرحت واحد منه سمت الله وقربته من فمها اخذت قطمه ملئ فاها تلوكها وهي شاردة لتنتفض فور خطف أحد منها طعامها.
زهور/ تنظر بحدة وتتكلم وهي تبلع ما في جوفها
بسرعه علي فكرة دي مش تصرفات دكاترة عقلة
انك تخطف الاكل من ايديا بالطريقة دي.
لو جيت وقلت ممنوع الاكل هنا كان افضل
لتفتح فاها ببلاهها وعيونها تكاد تخرج من
مقلتيها وهي تري الطبيب التهم الطعام بيده
وانحن لاخذ الاخر. التهمه في قضمتين واتي
يمد يده لاخذ قطعه أخري
زهور / اختطتفته منه حيلك حيلك هو جيت ادوقة ولا ايه
ابعد اعم انا جعانه ما اكتش من امبارح جعان نتقاسم
فيهم لكن تكلهم من غير ما تسمي يبق ده ايه.
الطبيب / يسعل من شدة الضحك ليشير لها
علي زحاجه الماء.
زهور/ مدت يدها له حتي المية معتقتهاش خد اعم
وابق بحبها علي نفسك عندك مستشفي كبيرة وعلي قلبك فلوس قد كدة وبتستخسر تاكل اصرف ما في الجيب ياتيك ما في الغيب بلاش تكون قيحه وتبخل
تاكل وتبر نفسك عشرين تلاتين جنيه مش هيضلعوك
الطبيب أحمد /لم يعد يتحمل كتم ضحكاته وهو يشرب ليسعل بشدة وتخرج المياة من فمه علي وجهها .
زهور/ايه ال بتعملة ده ااقطع دراعي ان كنت دكتور
هو في دكتور بيعمل ال بتعمله ده.
احمد وهو يحاول ان يتماسك ويكتم ضحكاته بصعوبة يحدثها بصعوبه .
احمد / هم الدكاترة بياكلوا ازاي بقي يا بخيله هانم.
زهور/ انا بخيله وحضرتك ايه دانت لسه عاكم مني عشرين الف شوف بقي عندك كام عيان بيدفعوا
بالالوفات ومستخسر تجيب أكل.
احمد /الله اكبر في عنيكي بتنقي عليا عيني عينك
طب احسدي من ورايا مش قدامي كده.
نرجع لموضعنا بلاش تخدينا لحوارات تانيه
من وجه نظرك الدكاترة بياكلوا ازاي.
زهور/ بطراطيف صوابعهم مش زيك
كلت الاكل في قطمه علي العموم خد الباقي
شكلك جعان كلهم وانا هنزل أجيب غيرهم
وامري لله.
احمد / بابتسامه لا خلاص نفسي اسادت من كلامك
قالها وهو يلتهم الاخير.
زهور / تبتعد عنه ماهو واضح ان نفسك اسادت
ال قولي يا دكتور هتدخل عمليه امته.
احمد / كمان ساعه كده. بتسالي ليه.
زهور / عشان اروح انبة علي اهل العيان يتأكدوا
من كبدتة ال تجوع تكولها.
احمد/ بزهول من كلامها با نهار ك مش بينه لون
بقي انا الدكتور احمد المغربي اشهر جراح قلب
في مصر تقوليلي أكل كبدة المريض.
زهور / تبتعد عنه دكتور ايه وجراح ايه
والنبي شكلك ناجح بالوسطه زي ابن
ابله شيماء مش بيعرف يكتب اسمه والابلوات
بينجحوه عشان امه ما تسقطش عيلهم في
الامتحانات.
قالت كلماتها وهي تمشي من امامه تهز رأسها
وتحدث نفسها.
زهور / انا هلاكانه مش قادرة اقف علي رجلي
هنزل السلالم دي كلها وامشي لحد ملاقي محل اكل
وارجع اطلع من تاني يا لهوي منك لله يا سكرة
عينك من الصبح رشقة في الشغل اهو القرشين
هيضعوا علي الاكل.
لتصرخ وهي تري نفسها معلقه بالهواء يخرج علي صوت صرختها بعض مرافقين المرضي والممرضات
ليدخلها الي مكتبة ويغلق الباب ويجلسها علي المكتب .
احمد/ اخرسي ايه سرينة واتفتحت عاوز اتكلم معاكي واعزمك علي الاكل ايه رايك .
زهور / مش بقلك شكلك مش دكتور اصل
بالعقل كده في دكتور بيعمل عمايلك كده.
أحمد / خديني علي قد عقلي واقبلي
عزومتي علي الاكل وبعدين نشوف حوار مش
دكتور دي بعدين.
زهور / تومي برأسها بالموافقه ياريت حضرتك
متتأخرش عليا انا تعبانه وعوزة اطمن علي ستي
قبل ما انام.
احمد / هخرج خمس دقايق اشوف اجراءات العملية
والمريض اخد ادويته قبل العملية يكون الاكل
جه وناكل سوي.
نزت من علي المكتب هزت راسها بالموافقة
وجلست علي الكرسي تجاهد في فتح عينها
ليمر وقت يدخل الدكتور أحمد لها يحمل بعض
العلب علي يده.
ليضعهم سريعا علي الطاولة ويتجه اليها ينادي عليها
ويضرب وجنتها بخفه.
احمد / قومي يا زهور الاكل وصل قومي عشان تاكلي
