رواية المتمرد والصغيرة الفصل الثاني والأربعون بقلم رسل
_____
تغـيرو حتئ الـنحبهم
مـحد يـضل إعـله حاله
جـنه عـدهم نسوه دنيا
و صـرنا مـانسوه رسـاله
______
اديان : طلكنييييييي يلااا طلكنيييييي اني اتحمل ضيم ابوية مالك دخل بية
ابو فهد : بطرانة بوية
اديان : لتحجيييي هيج بكل برود طلكنيييي يلا الفصلية تتحمل سنة اني تحملتك 3 سنوات حراممممم عليكم
ابو فهد : وين ترحين اذا اطلگچ
اديان : معليك اني اروووووح يم ابوية يدليني على خوالي
ابو فهد : شبيج يا اب هذاا
اديان : ابوية ابوية شنو ماعندي ابو
ابو فهد : بوية انا من اخذتچ منهم ورا يومين عمچ خابرني گال ابوچ ماات
اديان : شنووووو شجاااي تحجي انتة ليششششش ما كتليي
ابو فهد : هو هم ينحسب ابو حتى اكلچ عليه خليني ساكت خليني
.. ركضتلة ضليت اضرب بصدرة
اديان : ليششششش ليششششش اني شسويت و هيچ تسوي بية
اعتقنيييييي طلگنيييي حبااااب ماريدككك و الله ماريدككك
الله ينتقم منك انشاء الله و حوبتي متتعداكم كلكم انتو كلكم
موتوني ذبحتوني ابوية ميتتتت صارلة 3 اشهر و اني مادريً
حتلو مو زين يبقى ابوية مالك دخلللل ليشششش هيج شاد عداوة وياي والله مو اني الكتلت اخوووكم والله مو انييي
مووو كتلك احبككك ليششش تزوجت عليية غلطانة اكعددد علمنيي و كلي هذااا غلط ليششش مو تحملتك هوايي و خسرت جهال اثنين و كلت
انتة تعوضني تضربني و تذلني و تحركني و اكوول عصبيييي
خلي اتحملةةةةةة ليش من اول غلطة اتخليييت عني مو دكول احبججج
مو انتةةةة شيخ مو من تكعد لازم تنصف المظلوم ليشش ما نصفتني مو اني يتيمة و احتميت بيك هيييج تسوي بية
حطيت عقلك وياي الا تكسرر راسي ليشششش شسويتلك اني غلطت و ماعرفت اتصرف اجيتك اعتذر مثل ما جنت تسوي بية و اسامحك بسرعة
لعد ليش من اجيتك ما سامحتني ليشششش كلشي بس الك ليشششش
.... باوعت عليهم كلهم يبچون و ابو سراب مدنگ و حاط ايدة على عيونة و زيد گاعد على الدرج و حاط ايدة على وجهة و فدعة و الحجي يبچون حتى سليمة و افراح يبچن
هذا الحچي كلة و اني واگفة اضرب بصدرة هو ما حچة و لا تحرك حاط ايدة بجيوبة و رافع راسة و يباوع للسگف
ما حسيت على روحي بعد ..
گعدت شفتهم داير مدايري اني نايمة على القنفة بالصالة
زيد : ابو فهد طلگها انا اتكفلها البنية ميتة
ابو فهد : و علي لو خيل تركب خيل ما اطلگ
زيد : هو انتة شمبقي بيها مدمرهة
الحجي : عمي وين نروح من الله باچر والله هاي دموعها باچر تخلي نار جهنم تتمرگص علينة
فدعة : والله انا برية منكم منا اليوم الدين و هذا البيت هم بعد مالي گعدة بي اروح اكعد بالشارع و لا هاي العيشة
افا زين ما نخسفت بيكم الگاع على هاي الحسرة لبگلبها
ابو فهد : محددد يطلع و اديان انا اعرف شلون اتصرف وياها لحد يتدخل
ابو سراب : الله يكون بعونچ بوية
.. گمت من عدهم صعدت للغرفة بعدها القاصة مالتة موجودة بغرفتي اخذت منها فلوس و ضميتهن وي ملابسي لازممم اشرد لازمممم
ذولة يومين و ينسون السالفة و محد يعبرني بعد
ضليت يومين بالغرفة ما نزلت هم يصعدولة الاكل و هو ماشفت شكلة ابد اليوم مفكرة اشردد
انتضرت النهار يخلص صار طويل باليل الساعة ب 11 هم يطلعون يم ولد عمهم بالشارع يعني البيت محد بي اخذت الفلوس و لبست الجبة و شال اسود و طلعت من الباب الخلفي
خلصت الشارع مشي اكو ناس تمشي بس مو هواي اخذت الزايد من الشال حطيتة على وجهي طلعت بس عيوني وگفت 3 سيارات ماقبلو لبغداد
رابع واحد قبل چان رجال بالتلاثين عمرة
- امري خوية
اديان: عمو اريد اروح لبغداد
- خادمچ بوية انا بس بوية خاف ناوية على شردة من اهلچ ترى محد يحملچ غير الاهل
انهضمت .. گتلة لا عمو هو اني اهلي ببغداد هسة توديني لو لا
- صعدي يابة صعدي
صعدت ليورة سحبت الشال من وجهي و ضليت صافنة على الجامة
اريدد امي اريد انام بحضنهة و اشكيلهة شصار بية من راحت
لازم البنية من تموت امها تموت وياها
محد غيرها جان يصبرني و يضحكني من راحت لهذا اليوم ما ارتاحيت
و الله وداني من بغداد للبصرة گلت بلكي اخلص من الشغل و معاملة اهلي و من صارت صدگ ضليت اتحسر على ذيچ الايام
عمري هسة راح يصير 19 و هو 42
حبيتة مو بيدي ما خليت فارق العمر يصير بطريقي
و اتحملت منة اشكال العذاب
گص شعري و حرگني و الضرب و التجاهل و لمن چان يخليهم محد يحچي وياي و ذيچ الذلة و گلت يلا عادي اتحملة
غلطت و نزلت هذا البرنامج و اني والله الصورة دزيتها بس للبنات و الولد اي صح كتلهم عمر 41 و احنة من البصرة
بس هو من العصبية گام ميشوف و ربط الاكو و الماكو
اجيت اعتذر منة ما قبل و گبل تزوج علية هيچ بس حتى اضل اتحسر
و بعدين ردت اشرد اني لو ما ضيمة ما اشرررد و اروح امشي بدروب كلشي ما اندل بيها
و من شفتة شلون يعصب من اجيبلة طاري الفيس هذا الشي الي خوفني اگلة على البرنامج ابوية 3 اشهر ميت و اني مادري ادري بي هو هم ابوية ما نصفني
بس على الاقل احترمني و گلي ابوچ ماااات
- بوية على كيفچ وي روحچ هاچ مي اشربي و گولي يا الله
.. اخذت المي منة و شربت لحد السبعة الصبح يلا گدرنة نوصل لبغداد دليتة على بيت عمي ووصلنة الة الرجال ضل منتظرني ما راح
دگيت الباب طلعلي رجال چبير
اديان : السلام عليكم
- و عليكم السلام تفضلي بنتي
اديان : عمو وين الچانو گاعدين هنا
- بنتي اني اشتريت هذا البيت قبل شهرين
اديان : زين متندل اهل البيت وين راحو
- لا والله يابة بس صاحب البيت كال اريد ابيعة مال محتاج و نريد نسافر
اديان : وين يسافرون
- والله ماعرف بعد تعاي بنيتي تفضلي للبيت ان شاء الله محلولة
اديان : لا عمو متقصر
رحت للرجال ابو السيارة كتلة وديني للامام الكاظم
ما گال لا اخذني نزلت انطيتة فلوس ما قبل ياخذ
- بوية مدام اني جبتچ الا اتطمن عليچ يلا ارجع البيتي مو زلمة اليعوف مرة بالشارع و انا هم جاي من البصرة فشلة على شواربي اذا ارجع للبصرة و ما زاير اسد بغداد
اديان : لا عمو متقصر عذبتك وياي اني ادبر اموري
- هسة دمشي طبي زوري و اني اگلج على المكان التوكفين بي
.. طبيت گالو الا عبا اشتريت چادر صلاة و دخلت صليت و بعدين رحت زرت ما حچيت شي هي دمعتي الچانت تحچي
طلعت لگيت الرجال واگفلي بالباب
- شكيتي للامام حالج
اديان : اي
- هايهية محلولة دام صارت عند قاضي الحوائج
اديان : ان شاء الله
.. صعدنة بالسيارة هو راح جابلي لفة و بطل مي
اديان : لا شكراً متقصر والله
- ترى حسبت اخوچ الچبير انا
اكلي و عندي حچاية وياچ
اكلت منها شوية و شربت المي من شفتة ممفتوح قبل اتطمنت لان چنت خايفة گلت كلشي يصير
- بوية انا اريد اساعدج بس شلون اساعدج و ماعرف سالفتج شني
اديان : عمو گتلك نزلني والله ماقصرت اني ادبر اموري
- على عافيتي و عافية خواتي ما اخليچ وحدچ
اديان : عمو اني فصلية و شردت منهم و اجيت لعمامي لگيتهم مسافرين
- لكككككك لاااااا فصليةةةة
لججججج بوية خاف يذبحوج
اديان : هو اني ما ارجعلهم بعد ذبحوني و اني عايشة
- امج ً و ابوج وين
اديان : ماتو
- خوال عندج
اديان : امي هم جانت فصلية و ماعرف خوالي و لا شايفتهمً
- صارلج شكد فصلية
اديان : 3 سنوات
- الله يكووووون بعونججج
الماخذج هو يعذبج لو اهلة
اديان : هو
- وين كاعدين بالبصرة همَ
اديان : ب ........
- هاي ديرة شيوخ
اديان : هو شيخ
- رجلججج شيخ
اديان : اي
- امشي راح ارجعج للبصرة و گعدي ببيتي وي امي و اخواتي بين ما يحلها الحلال
اديان : لا عمو ما ارجع للبصرة بعد
- چا بوية هنا تاكل وجهج الناس حديثة و تفترين وحدچ
اديان : اني اتكفل روحي
- والله ما اردچ الهم مالچ غرض اني اخلي عمامي يسووها وياهم گعدة عشاير و يطلگوچ
اديان : لالالا عمو فدوة عوفني و القران هذا ميتفاهم ابن عمهم و خلو نايم بالانعاش لان راد يشردني
- الراس ما ياخذة بس الحطة اسكتي انا اخلي عمامي يتصرفون
.. ضليت ساكتة شسوي لعد لازم واحد يوگف بظهري علمود يطلگني لان حتى اذا شردت ابقة اني متزوجة
بالليل وصلنة للبصرة خطية الرجال ابتلة بية نزل من السيارة و گلي يلا نزلي دگ الباب طلعت امة تحضن بي و تبچي
- ليش ولك يمة ليش فرفحت رويحتي ما خليت امام ما نذرتلة حتى يردك سالم
- شجاج يمة شني جاهل عمري تلاثين يمة تلاثين جنت ببغداد ازور
- مقبولة يمة .. يا چا مني هاي الحليوة
- دطبي هسة انا افهمج طبي
.. دخلنة و اجني بنات اربعة سلمن علية و كعدو بغرفة مسويها گعدة بيتهم صغير بس نازك و سولفلهن علية و شلون من رحنة لبغداد و اني فصلية
امة حضنتني كالت لا يضل بالج يمة ان شاء الله تخلصين منة الله يعلم شمسوي بيج
- زين اكلج اني لسة ما عرفتج اسمج تدرين
اديان : اديان
- نتشرف بوية انا حازم
... فرشتلي امهم يمهة و نمت من التعب كعدت الصبح لكيت امهم جاي تصلي
ام حازم : روحي يمة ذاك الحمام غسلي و هسة اصيح البنات يجيبلج هديمات
..كل ما احس نفسي ارتاحيت اتذكر ابو فهد و من عرفني شردت شسوة و اذا لگاني شراح يسوي تخيب امالي كلها
ضليت يمهم يومين و الرجال حتى للشغل ما راح گال خاف يندلوهة ثالث يوم اجوي عمام حازم و بيومهة سون غدا نفس المعاناة مال ذاك البيت
ورا الغدة اجة گال شال على راسچ و تعاي هو اني چنت لابسة بس قصدة اعدلة عدلتة و دخلت للاستقبال هو وراي
اديان : السلام عليكم
.. كلهم ردو
- بوية احجيلي قصتچ اريد اسمعها منچ
.. رجعت عدت السالفة بس ابد ما جبت اسمة و لا وين المنطقة بالضبط
- شني اسمة و اسم العشيرة
... ضليت ساكتة
حازم : عمي البنية تخاف مو ضروريات ذني احنة تدلينة على المكان و نتفاهم وياهم
- و البت يتيمة اذا تطلگت وين تطي وجهة
حازم : عود انا اعقد عليها
- بوية رجلها شيخ و من ذاك الصوب و ذولة دوارت مشاكل نروح نتفاهم ويا و نگلة لگينة حرمتك و خليناها وي نسوان البيت بالحفظ و الصون
حازم : هاي شجاي تحجي عمي شبيكككك شيوخخ و تخافون صدگ چذب
- انااا مالي غرضضضض لان انتة يحازم ماتجي منك غير الطلايب اكعد و استر على خواتك حتى قسمتهن راح تطير من وراك
رد البت لرجلها هم يتصافون و زحمة عليك تحط عينك على حرمة متزوجة
.. ضلو واحد يصيح على الثاني و عمامة طلعو زعلانين
و امة دگلة ولك ذولة شوكت حبونة حتى يوگفون وياك
اخواتة حبابات وحدة ارملة و 3 بعدهن ممتزوجات صغار
هو ما سوالي شي بس من گال اعقد عليها صرت اتجنبة
باليوم الرابع چنت كاعدة يمهم العصر بالگراج همَ يسولفون و يتشاقون اندگ الباب قوي همَ كلهم باوعولي
اني گمت اتشاهد
حازم : طبن جوة و اديان شيصير لتطلعين
.. دخلن بالغرفة الي جوة و اني دخلت وياهن نوب الغرفة شباكها على المخزن مالتهم و مادري شصار برة بعدين صار صياح مال زلم عااااالي
و سمعت صوتة الي اگدر اميزة من سبعة الاف صووت
فهد : لككككك اذا ما حچيت الصدگ اخلي الرايح و الجاي يسطي على عرضك گو**
.. لبست الشال و طلعتلة لگيت حازم كاعد على المرسي و حاط المسدس براسة
اديان : شتريدددددد انتة مني يلاااا شردت و ماريدك و مافيدك بعد طلكنيييييي
ابو فهد : صارن هوااي اديان هواااااي
.. طب زيد لازم مسدس
ابو فهد : امشي صعدي انتي بسيارة لا اگرمچ
اديان : شتريد تسوي عوفهم و اطلع وياك
ابو فهد : رجليچ فوگ راسچ و بالحالتين تطلعين
زيد : اطلع ابو فهد صعدها بالسيارة اني اتكفلة
... اشرلي بالسلاح يلا طلعت و زيد واكف گبال حازم و حاط السلاح براسة هو طلع قبلي فتح باب الصدر
ابو فهد : صعدييي ماريد اضربج كدام العالم
... صعدت و هو اجة يسوق صعد الجام و جرني من شعري ضل يحچي و يهز براسي و يسوق
ابو فهد : لججججججج خمسة ايام لا لليلي لليل و لا نهاري نهار
كلتتتتت راحت خسرتها ماتتت صوچي اني كتلتها
تالي الگاچ ببيت گو** نايمة خمسة ايام يمهم منووووو يثبتلي ما تقربلجججج فهمييني لجججججج اني اموووت ناقص عمر من وراچ
السويتيهن هواايي هوااااي ما ينغفرررررن و هذا البصدري
شاااد عدواة الا يذلنيييي بحبچ لججججججج يا كوووووو**
يقبلها يلگة مرتة ببيت واحد ما ينعرف اصلة من فصلة
منيلجججج هاي الجرئة منيلججججج تشرديين و ترحيييين لبغداد
سويتيهة مرة و كلت اعديهةةةةة لج صاعدة ويا يوم كاملللللل
معقولة ما دنت نفسة عليجججججججج معقولةةةةة
هسسسسسة اطلگج منو يلفيچ كليلي منوووو يلفيچ
حتى لوچنتي ادبسززز و سا*** و مُنحطة و طالعة من الطريق ماكدر اشمرررررج بالشارع ماكدرررررر
عوددددد شعبالج اعديهن الجج لا وروح امي اندمججج
بعد من تردين تشردين لو يخطر بالچ تذكري شراح اسوي
بيچ
والله الا اخليچ تركضين ورا اليسوة و الميسوة علمود اباوعلچ اني ادياااان تبدليني بواحد اذا اگلبة وجه و گفة ميطلع
غير واحد ساق** مني***
كلة علة بعضة سايقق سايييق لججججج نسيتي دلالي
جبت عمامي و خليتلچ اعتبار گدام العشيرة كلها
اشتريتج من ابوججج حتى بعد ميداعي بيج
و اجيت خلصتج منة مرة ثانية راد ياخذج يگو** بيچ
احرمصلججج مثل الجاهل اريدج ترتاحين اطلعج اسفرج اوديج و اجيبج في سبيل بس تبقين تضحكين مخليچ ام البيت
تالي هيجججج اديان هيججججج هاي جزاتي هيج تجازيني
تحچين وي لمة عفطية و گوا** و نغو** بالتليفون
و بنات تكتيلهن الاكو و الماكو منو كلججج ذني بنات منو ثبتلجج مو ولد ذولةةةةة و فوگ عملتچ مال الگح*** ترحين تشردين وي كماللللللل
و اجيبج اعاقبج تسوييين الاكبر منها تشردين وي واحد لبغداد و تنامين ببيتة لججججججج انا حرمتييييي تنااااام عد غرررريب
اخخخخخخ ياربي دخيلك
اديان ... ما نطقت و لا كلمة بس لازمة ايدة الي لازم بيها شعري و افرفح ..... گتلة ... بس خل
بعدني ممكملة ضربني بأيدة على حلگي
ابو فهد : هم الججججج عين و تحچين بعد نفس اذا اسمعلچ اذبحچ هسة والله
.. ضليت ساكتة و صلنة للبيت فتح الحارس الباب دخل السيارة و نزل فتح الباب مالتي و سحبني من شعري كلهم واگفين يم باب الصالة حط المسدس بظهري
ابو فهد : وخرووووووو خل اصعدددد
... كلهم وخرو و صعدني فوگ فتح الشباك و شمرني يمة
عرفتة راح يجيب الكلبچات اخذهن من فوگ الكنتور حط وحدة
بأيدي و الثانية بالحديد الي چان فاصل بين الشبابيك الشال چان واگع على چتفي سحبة و شد عيوني
ابو فهد : ادري بيچ تعودتي على هاي الگعدة ضلي هنا بين ما اكمل الشغل البيدي و بعدين نتحاسب ما اطول عليچ ساعتين و اجي
ضلت عيوني مربوطة بالشال بقيت ساكتة بعد حتى ما بية حيل ابجي والله و ضليت خايفة شناوي و شراح يسوي وياي
ضليت اقرا ايات و رجعت راسي على الحايط و نمت
كعدت على صوتة يخابر و يصيح على واحد جسمي صار ثلججج
ابو فهد : گوا*** منين ما ادير وجهي تطعنوني نغو**
... حسيتة صار يمي
ابو فهد : هسة نصفي الحساب لو لا
.. ضليت منزلة راسي
سمعتة يفتح و يسد ببيبان الكنتور بعدين فتح الكلبچات لزمني من ايدي ورفعني صار جسمي طبگ وي جسمة شمرني على الچرباية
ابو فهد : اريد اشوفچ المذلة شنو شكلهة يصير
.. شگ الدشداشة و وخر الشال من عيوني حط ايدة على حلگي
و صار فوگاي كرهنيييي بالزواججج و بي و بالدنيا و بروحيي
صحت صياح لو ما ايدة چان رج البيت اكثر من مرة اخذني و اني روحي تتگطع ببداية زواجنة ورا ما صالحني كتلة ذني شغلات
ماحبهن ف لتجبرني عليهن و گال هاهية و ابد ما طلبهن من عندي و هسة بالعناد سواهن خلص من عندي راح سبح
ضل بس صوت شهگاتي تارس الغرفة طلع من الحمام ينشف بشعرة و يمشط على المراية
ابو فهد : عليمن هالبچي هو حقي و اخذتة متستاهل السالفة ترى
... اجة علية يريد يگومني من الچرباية سحبت الفرشة و غطيت جسمي اخذ ايدي و رجع حبسني يم الشباك شكد تصورتة
وحش و مُتسلط بس مثل هيج ما تصورت
ابو فهد : بعد و بعد ما شفتي شي ترى هذا بس اخذت حقي و هسة رايح للسايق النچر المگعدچ يمة بالبيت و عود نتصافة خوششش ابوية انتي
اديان : الله ياخذ حقي منك
ابو فهد : منيلچ حق بوية كلة الي الحق ماسويت شي غير تزوجت كدام رب العالمين و هذا حقي صح لو لا
.. ما جاوبتة نزلت راسي اجة لزمني من وجهي
ابو فهد : صح لو لاااااااا
.. هزيتلة راسي ب معنى اييي
ابو فهد : لا اريددد اسمع صوتج صح لو لا
... عفتة ما جاوبتة
سحب الفرشة من ايدي شكددددد كرهت الضعف الي عايشة بي
ابو فهد : صح لو لا
اديان : صح
ابو فهد: شاااطرة
اكمل سالفة السايق مالتچ و چم سالفة عندي بالمضيف و اردلچ نتحاسب
_____
انه المنطيك گلب ابيض
عليش اتخلي اصبعي من الندم ينعض ؟
عليش اتخلي حچيي الماحچيته وياك
يم الغربه يتفضفض ؟🕸
_____
عافني و طلع ضليت منزلة راسي و مغطية جسمي بالفرشة
و ميتة من الجوع و بطني توجعني
كل مرةة اقرر انتحر و من تصير صدگ اخاف بالليل كلش الهوة بارد يجي من الشباك و هم منطقتهم بس مزارع الهوى بيهة بارررررد
نمت و گعدت على حركة يمي ديفتح ايدي ضليت مغمضة ماريددددد اشوفة كارهتة كلششش
شالني من الگاع ضليت مغمضة مادري وين يريد ياخذني نزلني و ضل ساندني سمعت صوت الدوش سحبني جوة الدوش و هو وياي بعد مو مال اضل مغمضة
لا دفعتة و لا حچيت احسس ايامي ما بقالها اليشتغل بجسمي بس عيوني من ترمش هو هم ما نطق و لا كلمة سبحني بأيدة
و اسمعة يقرا ايات بصوت ناصي طلعني من الحمام و لبسني و حط راسي على المخدة و غطاني و طلع
ضلت بس دموعي تنزل احسس جسمي اثگل من الدنيا غمضت عيوني و نمت كعدت الصبح على صوت بشرى تگعد بية
لزمت ايدي و گومتني حضنتني
بشرى : والله من سمعنة شهگاتچ البارحة كلنة گمنة نبچي بس والله حكم القوي على الضعيف
اديان : الله كريم
بشرى : امشي نزلي وياي يردون يشوفوچ الحجي و فدعة
اديان : اي هسة
... مشيت خطوتين و ردت اعثر
بشرى : ضاربچ هوَ
اديان : لا
بشرى : چا ليش البارحة صوت البچي هز البيت
اديان : مو قصة ضرب بس شسمة
بشرى : ياااا حبيبتي الله يكون بعونچ و يصبرچ عليه چا هاي ضاربتچ فلاونزا بالعظام تعاي اسندچ
.. سندتني للحمام غسلت وجهي اباوع لوجهي اثار الضربة الي ضربهة بالسيارة على حلگي
و اثار اصابعة على وجهي البارحة لمن سد حلگي
لزمتني هيفاء لحد الدرج نزلت وحدي سندت نفسي بالمحجر مال الدرج
هي و گفتلي بنهاية الدرج تريد تسندني گتلها لا اني امشي اگدر
دخلت للمطبخ زيد و ابو سراب وگفو ضلو يباوعون لابو فهد و يباوعولي
فدعة : تعاي يحبيبة تعاي كومي ولج سراب وصليها يمي
الحجي : شمسوي بالبت انتة
... كعدت يم فدعة سوتلي لفة صحح جوعانة بس اللكمة ساعة يلا تخلص جسمي و وجهي كلشي يوجعنيي
حسيتهم كلهم يخطفون انضار الي و يرجعون ياكلون افراح كاعدة بصفة و سليمة يم الحجي
ابو فهد : سراب كومي جيبي عبا
افراح : المن
ابو فهد : امشي بساع
.. اجتي سراب لازمة بيدها عبا اجة من ورا سحبني من ايدي زيد و ابو سراب وگفو گبالة
ابو سراب : ابو فهد كافي ما مليت عوف البنية
ابو فهد : للطبيب ماخذهة للطبيب
.. رجعو گعدو يتريگون حط العباية على راسي
و فتح باب الصدر صعدت بدون ما احچي هو شغل السيارة
و داس هورن فتح الحارس الباب اخذني لنفس العيادة الي رحتلهة من حللت و طلعت حامل بس مارحنة لهاي الدكتورة صعدنة درج ثاني
اكو غرفة مكتوب عليها الفحص العام مرتين سوولي تحليل دم و قياس ضغط و سكر خاف چنت صاحية شوية من ورة الاجهزة
حتى الشوية راحت
اجتي دكتورة بس چبيرة بالعمر
- روماتيز و فلاونزا بالعظم قوية لازم ترتاح و متشرب شي بارد
و لبسي هواي حتى تدفين
... هزيتلهة براسي و انطتة الورقة مال العلاج
- ماما و هاي الاثار الي على وجهج شنو
ابو فهد : وگعت من الدرج .. يلا گومي
.. شفت الدكتورة ضلت تباوعلي و مقهورة
طلعنة من العيادة و راح جاب العلاج صعدت حط العلاج يمي
ابو فهد : ولو ادري ميغزر
.. حطيت راسي على الجامة و غمضت عيوني
مهضوووومة هواي مهضومة من الدنيا
رجعنة للبيت جانو زيد و الحجي و ابو سراب طالعين و هنَ ينضفن
فدعة : گربي يمي لا تصعدين فوگ
... رحت يمها هو اجة انطاها علاگة مال الادوية
ابو فهد : ام سراب عود من تفرغين ضربيها ابرة
بشرى : صار ابو فهد
... صعد فوگ ورا شوية نزل لابس الدشداشة و الغترة و ينزل على كيف شكددد ماعنداااا رحمة شكدد
افراح واگفة تعدل بالغترة و تسدلة سير الساعة احسة هو هم يتعمد يسوي هيچ فدعة حطت راسي بحضنهة و ضلت تمسد على راسي
فدعة : التالي ربة عالي حبيبة
.. هزيتلها راسي و صعدت لبست اسود حتلو چان مأذيني يبقة ابوية و غصباً علية احترم غيابة
نضفت الغرفة و غسلت ملابسي و اجتي بشرة ضربتني ابرة
و نمت ...
كعدت على صوت يمي
فهد : بيبي فدعة دكول تعاي تغدي
اديان : ماريد حبيبي
.. طلع من الغرفة و هم رجع
فهد : بيبي فدعة تريدج
اديان : هسة اجي
.. جان شعري مكفش مشطتة و ظفرتة و نزلت
لگيتهم كاعدين بالصالة ياكلون استغربو من شافوني لابسة اسود
ابو سراب : البقية بحياتچ يابة حتى نسينة نگلچ
اديان : لا عادي
.. كعدت يم فدعة و هي تجيب و تحط كدامي
اديان : والله ما اشتهي
فدعة : هو انتي شماكلة خايبة ذيچ الايام چنتي شحلاتچ
الله يحاسب الذبلوچ ان شاء الله
ابو فهد : هسة تنزقنب لو لا
فدعة : مبارك من جاستك الحچاية
.. كام من السفرة و گعد على الكرويتة يدخن
الحجي : كول يا الله بوية و تغدة
افراح : اصبلك وحدك
ابو فهد : بكيفج
... راحت للمطبخ و اجتي جايبة صينية حطتهة على الكرويتة و جابت طبلة و حطتها و كعدت يمة هو اكل و كملو غدة و راحت سراب جابت چاي
قدمتلي كتلها ماريد ضلو يسولفون
افراح : سليمة شدگولين يا لون تخم يلوگ للصالة هذا اريد اغيرة
سليمة : براحتج خية البيت بيتچ
زيد : اديان انتي يا صف و عفتي المدرسة
اديان : ماخذة شهادة الثالث الرابع بالبداية و بطلت
افراح : يااا ليش عاد تعرفين تقرين و تكتبين احنة بناتنة لحد السادس
زيد : ابتدائية لو متوسطة
اديان : متوسطة
زيد : خوية ياهي البيچن طابة اول متوسط
افراح : ههههه يااا عبالي ابتدائية
... مرن خمسة ايام ما مر لساني على لسانة و لا حتى انزل هواي بس من تصيحلي فدعة اروح
نزلت الصبح على الريوگ
سليمة : والله صايرين ما نلحگ بشغل البيت
افراح : عيني اديان اليوم عدنة حملة على البيت همي ايدج ويانة
ابو فهد : انتي مو حامل لتمدين ايدج هنَ يشتغلن
... انصدمت بسرعة رفعت راسي عليهم الموجودين ما نصدمو الظاهر يدرون
افراح : لا ما عليه شي لازم امشي كلشي على ايدي ماحب الشي المخربط
سليمة : خية اشرفي على الشغل سراب و اديان يشتغلن
ابو سراب : سراب يابة ديري بالج ع مرت عمج
سراب : يا هي منهن يابة
سليمة : اكيد افراح غير ام ابنة
ابو سراب : لا خوية جاي اقصد اديان لان مريضة
... شكدد جنت ضايجة بس فرحت على الفشلة مال سليمة الحية
سليمة : صدگ حبيبة اديان شو بعد ما حبلتي
.. ضليت اباعلها هسة هاي بلة متستحي شنو هاي القابلية
فدعة : حبيبة هو من ورا سواالفج يضل طفل شو صايرة بساع تنسين
زيد : ههههههههههع اناخوووك
سليمة : هسة انا حاچية وياچ
فدعة : ادري بيها فاهية و ما تردچ چا اضل سادة حلكي و اصفگلج
الحجي : بسچن كافي
فدعة : مبارك لازم اشرتلك تسكتني
.. كلهم طگوها ضحكة خاصتاً زيد و ابو فهد
صعدت فوگ حطيت المخدة على وجهي ضليييت ابچي
يعني حامل و تجيبلة ولد و اني ابقة هيچ
محددد يعرف ضلتي شنو
اديان : ليشششش يربي اني شسويتتت
خليني انسى مثل ما حبيتةةةة فدوااااااااا
ماريد اذل روحي الة والله ماريدددد
ابو فهد : متگدرين تنسيني بوية متگدرين
.. هذا شجابة هناااا يربي اني منو شاد وياي الا يذلني كدامة
مسحت دموعي و رحت للحمام غسلت و جهي طلعت لگيتة يحسب فلوس من القاصة
رحت افتح الباب اريد اطلع لگيتة مقفول رجعت نمت على الچرباية و غطيت راسي شوية و حسيتة رفع الغطة من راسي
نزل راسة يم اذاني و حچة بصوت ناصي
ابو فهد : راجعي نفسچ انا هسة طالع بفصل گعدي وي روحچ ناقشيها و بالليل اني موجود بغرفة افراح اذا اعتذرتي
و سولفتيلي من نزلتي البرنامج لحد ما جبتچ من بيت الگو**
و سويتي الاريدة يجووز اسامحچ يجووز
اديان : صاير تحلم
ابو فهد : كل احلامي تتحقق
اديان : روحح لافراح تكفيك و توفيك و تجيبلك طفل ليش لازگ بية
ابو فهد : مقهور عليچ والله ادريچ مو گدها
اديان : شكراً متقصر
ابو فهد : طالع اني كعدي وي روحچ و راجعي حساباتچ
اديان : من كل عقلك اجيك اعتذر بعد كلشي شفتة منك
و اني بكل فرصة تجيني اشرد ترى ما عبالك ابقة جوة رحمتك
ابو فهد : و هم الگاچ و ارجعج جوة رحمتي
ووووووين ما تطيرين ترجعيلي
اديان : فددددددد اكرهك والله متتصور شگد
ابو فهد : چا ياهي الچانت تبچي گبل شوية
اديان : ابچي على حظي الشمرني يمك
ابو فهد : احلى شمرة وداعتچ
اديان : والله لو تروح تراجع طبيب احسنلك عود تقنعني انتة نفسك ابراهيم القديمم
ابو فهد : شسويتلچ انا ضربتچ ؟ لااا بوية ما ضربتچ
تزوجتت و هذا شي من حقي دام انتي خنتيني
و اخذت حقي منچ ذني اثنين الله ميحاسبني عليهن
الصوچ منچ ترى ما سويت شي اناا
اديان : زين مو عندك مرة و راح تجيبلك طفل ليش متطلگني
ترى هي مو شبع السالفة
ابو فهد : اخذتها حتى اكسر راسچ بيها ما احبها
اديان : متحبها وراح تجيبلك طفل لو تحبها شلون
ابو فهد : انتي ليش ضايجة علمود الطفل
اديان : لعد بس ابني يمووووت
ابو فهد : نفس ما گتلچ تعاي اعتذري و اني اسويلچ طفل مالچ دخل
اديان : شكددددددددددد اكرهكككك
ابو فهد : ما اريد امد عليچ لان ادري ما ارحمچ
اديان : هو شبقيت بية انتة
... بس گتلة شبقيت بية ضم راسي بصدرة دفعتة و غطييت راسي
گمت ابچي هو طلع اني شغلت التلفزيون و سديت البردات و گعدت اشوف
ما طلع شي حلو نزلت جوة لگيتهن يطبخن غدة
افراح : خية شنو اديچ محناية ما تمدين ايدچ ويانة
اديان : انتي تكفين حُبي اني ماعرف اتبخ
سليمة : يا و الغسل حتى الدلع ما يلوگ هم بيها بلة ام الدگايگ
اديان : ام الدگايگ و لا لوگية و كلساع اتفشل
بشرى : صلن على محمد
افراح : عوفيها حبيبة سليمة هاي ضايجة لان حطني على راسها
اديان : ترى ستوة نزل من غرفتي يگلي ما احبها عليمن تتفيكين
سليمة : راح تصير ام ابنة و الشيخة هذا الحچي ميفيد
اديان : هم حچت اللوگية ترى لو ما سحورتچ اني هسة ابني صوتة تارس البيت
سليمة : ههههههههه خايبة اذا ما طلعتچ حافية من هذا البيت ما انعد من النسوان
اديان : هو انتي رجال منو گلچ محسوبة من النسوان
... عفتها ترعد و تصيح رحت گعدت يم فدعة
فدعة : خايبة عوفيهن يولن لا يوگعنچ بمصيبة اني اعرف اردهن
اديان : هي يا مصيبة بقت ما وگعت بيها
فدعة : كولي يا الله ربچ موجود ..
... شوية و صعدت صاحولي على الغدة ما نزلت
مر اسبوع حتى يمهم ما نزلت و هو من يشوفني عود يحچي وي افراح عود يضوجني
..العصر كتلني الجوع نزلت لگيت سراب صافنة بالمطبخ
اديان : الصفنة مو الچ
سراب : سكتي اديان روحي طالعة هاي افراح الحية طايحتلي دگ بالشغل و اخاف من عمي ابو فهد و امي دگلي چفي شرهن
اديان : خل تولي هاي الكلبة غلسي من تصيحلچ
سراب : زين اگلچ عمي شون اقتنع بيها والله عجيبة بلة جدي هو شايب منو ترضى بي
اديان : هسة دعوفيچ منهم كاتلني الجوع
سراب : چا ما تغديتي
اديان : ماريد اشوف وجووهم
سراب : نسوي اندومي لو غير شي
اديان : يي مشتهيتة
.. سوت هي اندومي و طلعنة بالحديقة فد حبابات سراب و امهة ابد ما ضوجني من اجيت لهذا البيت لحد اليوم و خطية بشرى
بين فترة و فترة يتعاركون هي و رجلها علمود الجهال و بعدين مدري شلون يرجعون
فجئة و دخلو بيت جد فهد و وياهم زهراء و حوراء
راحت سراب تسلم عليهم اني گبل طبيت جوة
و صعدت فوگ احس روحي من ورا كرهت حتى عشيرتة كلهااا
ورا شوية و اندگ الباب گلت منو
بشرى : انا حبيبة
اديان : اي تفضلي
بشرى : خية طايحيلچ دگ جوة يگولون مو عيب تشوفنة و ما تسلم
اديان : وطبهم مرض
بشرى : لا حبيبة ما تنحل السوالف هيچ كشخي و عدلي نفسچ و نزلي كسري عيونهم ليش تجيبين الحچي لروحچ
اديان : ماريد بعدين اني لابسة اسود و حزينة على ابوية
بشرى : اي ماعندج ثوب اسود
اديان : لا عندي
بشرى : اي لبسي و تعاي انا جوة منتظرچ ما دگليلي شجاج كاتمة على روحچ البگدچ حايرات شمسويات بروحهن
اديان : ميخالف
بشرى : يلا انا منتضرتچ لا تخليني وحدي يمهن انا هم ما اطيقهن بس مجبورين نجامل
.. طلعت بشرى باوعت لنفسي بالمرايا شكدد متغيرة
وين جنت و وين صرت فتحت الكنتور اتذكر من مرة اخذني للسنتر اشتريت فستان اسود چان بي حزام ذهبي
كلشش حبيتة بوقتهة دخلت سبحت سمعت الباب ندگ قوي بسرعة لبست الفستان و طلعت فتحتة دخلت هيفاء بسرعة حضنتني
هيفاء : ولججججج ليششششش متزوج عليچ
اديان : شنو متدرين
هيفاء : لا وروح امي محد كاللنة البارحة بالليل رجعنة و كالولي اليوم و هسة اجيت و هم كلهم اجوي وياي
.. حچيتلهة كلشي گامت تبچي و تخرمش بخدودهة
هيفاء : ولچ ليش هيچ تسوين ما تدرين بي طباگات و هو شجا ضاعت العقابات ما بقة بس الزواج و ليش تشردين
و شون تباتين ببيت رجال غريب تدرين لو يذبحچ محد يدافعلچ يسمون موتچ غسل عارر بس هو چي يحبچ مايگدر
تدرين لو باقية بس على سالفة البرنامج چان كلها لامتة و گلنة مراهقة و غلطت بس حقج كلة ضيعتي من شردتي و كمال شفتة ببيت عيالي
خطية رجلي اثنينهن و اديه مكسرات و يگلهم عندي عداوة وي اصدقاء اثنين من اصير زين اكلكم منو و نروح لاهلهم
و امة نصبتها مناحة البارحة طلعت علينة هاي الروحة سم
اديان : و انتو شدعوة هلكد بقيتو
هيفاء : اربعين يوم لان سوينة لعدنان عملية مال غدة
و لحد ما استقر وضعة يالله رجعنة بس ابد لا زيد و لا ابو فهد گالولي صاير شي والله الا اتعارك وياهم
و انتي شون عايشة وي ذني الحيايا هسة الا اگلب الدنيا على راسة والله ما يخلون احترام لواحد و يگلولة
اديان : قنعي يطلگني
هيفاء : حبيبة مو دگولين عمامج سافرو و ابوج مات وين ترحين من كل عقلچ يعوفچ وحدچ عايشة خوب يطلگ افراح
اديان : حامل افراح
.. ضربت وجهة
هيفاء : وچ خايبة زين بجسمچ حيل لسة الله يصبرچ يبعد روحي
اديان : الله ينتقم من اخوچ
هيفاء : لا دگولين هيچ تراچ انتي هم ما مقصرة
اديان : هو انتو كلة شامري براسي اهمشي هو متجي عليه حچاية
هيفاء : هو رجال ما تجي عليه حچاية
اديان : اي شون رجال على اساس
هيفاء : هسة احچي عدل لتضلين تچفصين
اديان : روحي حاچي اخوچ شكو جايتني لعد فوگ حگة طگة
هيفاء : رايحتلة هو گلبي مجمر عليه و انتي نزلي ليش ما مسلمة عليهم مو عيب
اديان : عود هسة انزل
هيفاء: عفية حبيبة
.. طلعت و هي تحچي و تدعي بصوت ناصي مدري عليمن
حطيت مكياج خفيف و شمرت الشال و رشيت عطر
باوعت لنفسي بالمرايا بلة اني افراح تصير ضرتي
والله هضيمة طلعت من الغرفة و قفلتها لگيتة واگف جوة يم الدرج
و هيفاء تحچي ويا ما شافني هو نزلت نص الدرج هم كلهم گاعدين بالصالة ضلو كلهم يباوعولي درت وجهي شفتة منتچي على المحجر و صافن علية
و هيفاء تباوعلة و تضحك حسيت روحي شخصية و كذا ما ناقص بس واحد يضربلي تحية طلقتين بالجو هههههه
مشيت من يمة سويت روحي ما شفتة سمعت هيفاء دگلة اذا تدري بروحك ما تتحمل عليها ليش هيچ سويت
دخلت للصالة سلمت عليهم
ابو عدنان : هلا بوية ولو زعلان تشوفينة و ما تسلمين
اديان : اسفة عمو بس شفت وياكم زلم و طبيت
ابو عدنان : چا بوية الولد مو غربة هم اخوتچ
.. ابتسمتلة و رحت للمطبخ هسة بالله واحد بكفية ميريد يسلم شلون هي بالگوة شافتني بشرى ابتسمت
زهراء : شخبارج اديان
اديان : الحمدلله
حوراء : شونج عمة افراح وي اديان
افراح : ههههههه ولچ هي وين تنشاف
حوراء : غير رجلها نوخذ منها حقها معذورة
افراح : مگرودة ما تدري بيدمن طاحت
اديان : بيدمن ترى كلچ على بعضچ افراح الارملة
- يا دهر باع لسانها
افراح : ام المصايب اشرفچ واشرف اهلچ
اديان : روحي بابا روحي عاذرتچ عايشة اللحظة
افراح : هو لو بيچ خير ما تزوجني عليچ
اديان : صدوووووگ يمعودة ترى اخذچ يكسب بيچ اجر
ابو فهد : هاي شكو
.. راحت يمة تحچي و تبچي
افراح : شيخ تقبلها اديان تگلي الارملة و ياخذچ يكسب بيچ اجر
ابو فهد : تعاي اديان بالصالة و عوفيهن يشتغلن
حوراء : يابة جاي تگلك تحچي على عمة افراح دگلها امشي بالصالة
... طلع من المطبخ و سليمة و حوراء يسكتن بأفراح
ما رحت للصالة ولو يموت ماروح هو هم لگاها حجة
اجة زيد جايب مسواگ الظاهر عشاهم هنا
زيد : اليوم منين طالعة الشمس
سليمة : عمي ترى هي اديان لا تاكلون روسنة منيلها جمال شو چنهة حية تنگط سم
زيد : شجاچ بوية الله يساعد گلبج على هذا الحقد
سليمة : احنة ما نحقد كلوبنة طيبة
زيد : اي والله واضح
... ساعدتهن بالعشة بشرى و هيفاء و سليمة هنَ يطبخن نوب دخلو ولد عمهم و صبو عشة بقيت بالمطبخ اكره اكعد وياهم
سمعتهم يحچون
- ابو فهد حرمتك عد اهلها
ابو فهد : لا هنا ليش
- لا بشرفك شون قنعتها و تزوجت
فدعة : شقنعها المگرودة بيوم العرس يلة درت عبالها يضحك عليها
.. صار صوتهم عالي كلهم يگلولة لالا بشرفك عود صدگ
- و اهلها شنو ردة فعلهم
فدعة : منيلها اهل المگرودة يتيمة
ابو فهد : كافييي سدوو الموضوع
الحجي : چا ما تزوجون انتو مو زلمة الما ياخذ اثنين
.. كلهم گالو اي ان شاء الله ليش لا و يضحكون
ابو فهد : اديااااان
.... هسة اني ما احچي ويا و مسوي روحة شخصية يصيحني ليشش ضليت كاعدة ما رحت
ابو فهد : ادياااااان
