رواية قصة زهراء الفصل الثالث والأربعون بقلم زينب نور
زهراء: ضليت كاعده يمه هو مرجع راسه للتخم ومغمض
خاف اكوم خاف يضل يحجي
ضليت على كعدتي رجعت بصفه وخليت راسه على رجلي..
نار يلهب ويون
احتاريت شسوي كام يئذن وهو على كعدته احاجيه بس يون
خفت خليت راسه على التخم وكمت اخذت تلفونه دكيت على سعد كتله ربع ساعه واندك الباب ركضت فتحته هو وعمي واحمد وامه وعمار
دخلو يحاجون بيه ماكو
شويه فتح عيونه عدل كعدته بس ستوه رفع راسه. .
وركض للمغسله يتقيئ
رحت وراه وامه ادك على وجها عايزه خوفه انه انطيته خاولي
صالح:اذكري الله يمره شجاج
ام ياسر:يممه ابني شجاك حطنها بيك المايخافن ربهن
زهراء:كام يصيح عليها عمي سكتت
صالح:بويه شرب العلاج
زهراء:لا هو ماماكل شي من الصبح.
ياسر،،،جيبيه العلاج
احمد:خويه اكلك شي مايصير هيج تشرب العلاج على معده فارغه
زهراء:قنعو ركضت خليتله جبن وزيتون واكلاص جاي وانطيته بالكوه لكمتين اخذله وشرب العلاج وراهم
ضلو للساعه عشره كاعدين هو متمدد وايده على عيونه
ياسر:روحو بويه مابيه شي
زهراء:صدك شويه وراحو كام للغرفه تمدد ع الجربايه رحت يمه
تمددت تقربت عليه
سحبني بصفه
ياسر:لاتخافين مابيه شي
زهراء:ماخف الوجع شويه..
ياسر:لا احسن نامي يله ارتاحي.
زهراء:ادري بيه ختى لو يتوجع مايكول صدك بسرعه غفيت بس كعدت على صوته وهو يون كمت سويتله كمادات ضليت الليل كله مكابلته وهو يصيح من راسه
مرر اسبوع حالته صارت للسوء الماي يشربه بسرعه يتقيئه
وماياكل ضعف واتغير امه اجت يمنه هي وابوه وعمي والولد وابوي رايحين رادين لحد مابيوم
تخربط كلش لكفوه للمستشفى احس روحي راحت وياه
كلهم التمو عدنه ضليت ادك على سعد لو علي مايردون
وانه عايزه خوفه وامه اجملني ابجيها .
لليل كلش رجع طفرت اريد اشوفه بس ماكو ماجايبين
وين ياسر
عمار:اليوم يخلوه بالمستشفى لاتخافون انشاءالله ماكو شي.
زهراء:كلمن اخذ اهله وراح انه قفلت الباب ورحت ويه اهلي عيوني ماوكفن
من البجي
دخلت للغرفه تمددت وهيج الله ذب عليه بجي لمن غفيت وانه اناشغ
لثاني يوم راح علي ورجع بليل سئلته هم مامطلعينه
ويكولون زين يعني اذا زين شكو امبقينه توسلت بيهم مارضو ياخذوني اله
روحي راحت من البجي
واجه اسبوع وهو بالمستشفى وانه روحي رايحه من البجي وكلشي احطه ابحلكي اذبه
8 ايام وهو بالمسشتفى ومحد يضره اروح
لحد مابيوم كعدت ساعه ٩ الصبح شاده راسي يريد ينفجر طلعت من الغرفه واسمعهم بالصاله يحجون
محمد:باجر راح ياخذوه ليران
علي:ايي كملو كلشي
زهراء:دخلت عليهم بسرعه والله تاخذوني اله هسه لا اروح وحدي.
محمد:اذكري الله بويه المستشفى كلها زلم وين ناخذج
زهراء: والله ماعليه اروح وحدي احجي وابجي
علي:كومي خويه كومي انه اخذج
زهراء:كمت بسرعه مامصدكه راح اشوفه صالي ٨ايام امفاركته لفيت الشال شلون ماكان واخذت العبايه وطلعت بالكراج واجت وراي سميه بيدها حذاء باوعت لروحي طالعه بانعال البيت لبست الحذاء ورحت
احس الطريق صار شطوله
وصلنه دخلني علي لغرفته
بس شنو شفته وجها ااااصفررر حييل وجوه عيونه سواد شفته هيج وكمت ابجي ابو طول الحلو هيج يصير بيك عمت عيني خليت راسي على راسه وابجي
سمعت صوته يحجي على كيف تعبان
ياسر:شجابج هناا المن جابوج
زهراء:اجيت اشوفك كوم ياسر لاتستسلم للمرض .
ضليت نص ساعه يمه مايكدر يحجي بس قربت راسي يمه باسني بخدي واشرلي اروح بسته وطلعت بس مهدود حيلي اسحل برجليه سحل كلهم واكفين اجه علي عليه بعدنه ماواصلي لباب المستشفى وذاهت روحي ماحسيت بشي بعد
فتحت عيوني بالكوه باوعت الكانونه بيدي ردت اكوم دخلت الممرضه
الممرضه:اكعدي ماما وين رايحه المغذي بعده مخلص مو زين عليج جاهل ابطنج
زهراء:شويه يالله انتبهت على احجايتها كلتلها شنوو اانه حامل..
الممرضه:ايي بس حملج ضعيف لازن اتقوين روحج ميصير هيج
زهراء:ضليت لمن خلص المغذي
بس صدك فرحت من دريت انه حامل بس ماتكمل فرحتي لمن يكوم ياسر كمت كوه لبست العبايه طلعت علي بالباب اجه عليه كتله بس احاجي ياسر ونروح فدوه
من شافني هيج ماحجه شي وصلنه للغرفه الدكتور بيها مارضه اول مره امن كالوله زوجته دخلت اريد ابشره مفتح عيونه من شافني خزيني عرفت قصده حتى وهو تعبان يغار وصلت يمه
كتله ياسر انه حامل
بانت ضحكه صغيره على شفايفه
ياسر:ديري بالج على نفسج
وعلى حمودي
زهراء:ابتسمت بعيوني والله بس كوم النه انته بالسلامه وانصير بخير لزم ايدي سحبني عليه باسني بخدي وخرت بسته بوسه بشفته وطلعت
رجعنه للبيت كلت لمي انه حامل ضلت تحجي لاتتحركين لاادكومين
ثاني يوم راحو ل ايران
كل صلاة ادعيله يكوم سالم ويرجع النه متعافي ومتشافي
كتبت بالتلفون علاج لمرض السحايا هذا المرض اكو ناس بأسابيع يشفون منه واكو يبقه مده الحياة
وعسى ياسر يشفه منه بجاه محمد وال محمد
مر اسبوع وهم باايران حسين اخوي وياهم كل يوم ادك عليه لحد اليوم دكيت عليه رد سئلته على ياسر
حسين:هاج هذا اياه حاجيها حركتيني حرك من المخابرات
زهراء:انطاه التلفون كال
ياسر:الووو يارويحت ياسر
زهراء:بس سمعته كمت ابجي اريد احاجيه ماكوو
ياسر:لا تبجين بعد عيني والله صرت احسن لاتبجين ياروحي
دمعتج غاليه
زهراء:مشتاقتلك مثل المخبله ابجي واحجي وياه
ياسر:وانه مشتاقلج ابكد رحمه الله
بس اسكتي لاتبجي
زهراء:يمته ترجعون
ياسر:عگب باجر انشاءالله
زهراء:احلف انته زين
ياسر؛ والله زين واحسن صرت بس باقي على العلاج واكو تحالين من يطلعن نجي
زهراء:بالسلامه انشاءالله حبيبي
ياسر:حمودي شلونه..
زهراء:ههه زين بس يمكن مو حمودي
ياسر:كلشي من الله نعمه بس لا تتحركين ديري بالج على نفسج
زهراء:وانته همين انشاءالله ترجعلي بالسلامه
ياسر:يله كلبي مع السلامه راح يجي الدكتور
زهراء:سديت الخط فرحت من سمعت صوته احسن مو نفس اخر مره من شفته بالمستشفى كمت لسميه كلتلها حفيلي وجهي
صدك سويت وجهي وعند البنات صبغ كلت خل اغير شويه شعري لونه اسود صبغتلي اسماء غسلته طلع بعد احلى عليه من الاسود
بس سواد جوه عيوني من الضعف وقلت النوم
مر اليوم عادي
لثاني يوم العصر اريد اليوم يخلص ماكو شطوله دكيت على حسين كال باجر الصبح طيارتنه
لليل وره العشه طشو كلمن الغرفته وانه هم رحت انام حتى يمر الوكت
كعدت على صوت امي ادكعد بيه
امي:كومي يممه زلمتج جاي بالطريق
زهراء:كمت اتريكت وكالو عمي ذابح غده وعازم الناس كلها
سبحت وبدلت ماخليت شي الوجهي ادري بيه مايقبل لان لمه وهوسه خلصنه ورحنه كلنه ساعه ١١ دخلت سلمت عليهم
وللساعه ١ يله دخلو كلهم طلعوله للكراج اكو جماعته بالشغل هم جايين يشوفونه اباوع من الشباك مال المطبخ ذبحو جوه رجله ذبيحتين ودخلو للمضيف صح مشيته بعده شويه تعبان بس احمدك واشكرك الهي صبو الغده وخلصو تغدن انه اكلت شويه وكمت بس اريده يجي للبيت حتى اشوفه للساعه ٣ سمعت اصواتهم رحت كعدت بالصاله دخلو هو وعمي واحمد وسعد واخواني و ولد عمي حاتم اتلكنه كلهن خواته وامه ومنال انه ضليت ابمكاني لمن خفن اشويه رحت شويه عنه كتله الحمدالله على السلامه ابو عمار ..
ياسر:الله يسلمج.
زهراء:كعد بالصاله عيونه مشالهن عني بس منال كاعده كدامي واتباوعله استحي اكوم ابصفه الناس كلها يمه
ياسر:احمد روحو يم الولد فشله وحدهم ضلو
احمد:ايي خويه رايحين
زهراء:طلعو كلهم ضلن بس هنا كاعدات وامه اسولف وياه
ماكمت عنه ضليت ابمكاني كامت منال جابت عمار واجت خلته بحضنه خذاه هو يبوس بيه ويشم وهاي كعدت ابصفه..
للعصر راد يروح البيتنه كلاله عمي ابقه اتعشه يله اتروح صدك وره العشه وده عليه رحنه بسيارة احمد بس انه وياه احمد يسوق وصلنه
احمد مانزل تعبان خطيه
طلعت المفتاح من الجنطه اخذه فتح الباب ودخلنه دخلت قبله للصاله دخل وركضت عليه اتعلكت بركبته وهو رفعني اله وحضني
ياسر:اااه يبعد ياسر واهله ماتدرين شكد مشتاقلج
زهراء:ضميت راسي بصدره وانه هم مشتاقتلك..
ياسر:وانضل هسه مشتاقتلي ومشتاقلك تعاي بويه للغرفه...
زهراء:كام سبح انه هم سبحت وصعدت لكيته طالع كعدات امشط هو واكف وراي يعدل بشعره
انتبه على شعري متغير لونه
ياسر:شنوو صابغه شعرج
زهراء:ايي شلونه حلوو عليه لو لا
ياسر:منوو كلج اصبغينه هااا.
زهراء:ليش والله مابيه شي
حلوو
ياسر:ثوله لونه حلو قبل شسويلج هسه
زهراء:كمت وكفت كدامه
شسويلي بالله شعري وصبغته انه حره بيه حجيت هيج سحبني عليه لزم شعري
ياسر:لا ياحلوه غلطانه مو حره
كل شبر بيج ملكي فلا اسوين شي وانه ماكايلج عليه واتغيرين ابجهرتج
زهراء:اروح للصالون ارجع لونه القديم..
ياسر:خلي يابه خلي كلشي حلو على الكيكه...
زهراء:ههههه....
رحنه كعدنه ونسولف بس ماكعد ياسر راحه ههههه...
وصار على حملي ٥ اشهر عرفت بيه ابنيه ياسر فرح اكثر رجع الشغله وطلگ منال ماخذت ابنها اذا ياسر يرجع من شغله يبقى عمار عدنه فدوه عاقل عمره صار٩ اشهر واذا يرجع لشغله ياخذه لبيبيته مايقبله اخذه وياي لهلي
وهيج مرت حياتي ومر حملي
صرت بشهري الاخير صادف ابمحرم ياسر انطوه اجازه اول ١٠_ايام من محرم اجانه اول يوم جنت انه رايحه قبله للبيت بس شكلي يضحك صاير بطني امدعبله اباوع لروحي بالمرايه واضحك
اجه ساعه١١ مار على اهله وجايب عمار سلمت عليه
ياسر:هلا هلا بأام حوراء
زهراء:هههه مو جنت ام حمودي
ياسر:انشاءالله بس جيبي انسوي حمودي شعدنه شغل عمل
زهراء:تحللللم غيرر
ياسر:ايي مو هو ابكيفج اذا مااسويهم ١٥ ماابطل
زهراء:يمممه شعدنه فريق حوراء وعمار كافي مو صح عموري حبيبي
هاااها شوف حتى هو يهز راسه
ياسر:والله انعل ابوج لا ابو عموري
زهراء:هههع انعل ابو عموري ابراحتك بس عوف ابوي ابمكانه.
حاجيته وشردت منه
شفت الغده طبخت سمج صلينه
وصبيته كعد عمار بحضنه وانه اوكل بيه
ياسر:على كيفج لا يغص.
زهراء:ااا اتعلمني شلون اوكل الجهال
ياسر:لا يابه شعلمج نسيتي جنتي تشتغلين بحضانه..
زهراء:ههههه لاتنكت تره مااضحك
ياسر:هههه هسه ضحكتي لو لااا
صايره جنج طوبه كبس
زهراء:عيب عليه غير من وراك
بس صدك والله شكلي يضحك شوكت اجيب واخلص حتى اسوي ريجيم قاتل..
ياسر:حتى اموتج اسوي ريجيم هي اصلا انتي بس كرش
تردين ترجعين عوده
.
زهراء:هسه مافتهمت تمدح بيه اذمني
ياسر:لا حشه انه اذمج شعندي غيرج هو بس انتي الي..
زهراء: ايي عبالي..
ومر اليوم اجه يوم العاشر نروح لبيت عمي نحج عدهم لبست عموري وياسر خبصني خبص حتى كمت احس بالام يمكن راح اجيب طلعنه وصلنه البيت هوس الولد يطبخون بالكراج ٣گدوره كبار لان يوزعون المنطقه كلها والمطبخ هم شي تنضف خضره شي يسوي تمر كلهن ملتمات نزعت العبايه بس استغربت من شي ام ياسر ردت السلام بضحكه مو نفس قبل كامت اصيحلي ام عمار الله يهديها انشاءالله
جابو سلت بصل البنات ملتهيات كعدت مددت رجليه لان بطني طايحه بحضني واكصص واكصص
راحن عيوني كمت عيوني وخشمي يصبن ولج فاطمه راح اجيب
من البصل..
طيبه:استري علينه مو وكت طلگج هسه
زهراء:لاولله من كعدت صالي يومين اوجاع بضهري بس مغلسه
زينب:صالج يومين ماولدتي اليوم يله تولدين اصبري خيه مالنه خلگ لان هوسه..
زهراء:والله كاعد اتخوفني مااجيب اسم الله عليه
اسماء:ايي خليه ابطنج المن طالع
يشوف امه بهذا الحال خشمها وعيونها يصبن
زهراءء: خلصو طبخ ووزعو الجيران وصبو لعيال البيت بس انه لويات تروح وترجع كعدن يسحرن كعدت بس بالكوه خذتلي لكمه واحس هذا حده كمت ابجي واصرخ اتبهذلن هاي الي ادور على الشحاطه هاي على العبايه ياسر بالحسينيه ساعه يره اجه طلعت وياي عمتي ام ياسر وامي وعمتي سعاد اخذنه ياسر الالم موطبيعي و.للجده ساعه ٢ بالليل اندك الباب وماكو طلعو فتحو ودخلنه ضربتني ابره وانه اصرخ وادموعي اصب
كالت للساعه ٤ عدها ولاده
وصدگ هي صارت ٤ الساعه وانه ذبيت حوراء جسمي خدر سبلت اديه وذاهت روحي كعدت على صوت امي تغسل بوجهي غسلتلي وبدلتلي لفت حجابي وللساعه ٦ رجعنه ابوي عمت عيني هم جاي وره ياسر كالت ام ياسر ناخذها لبيت جدها صدك وصلنه خلني بغرفه بيبي ولحد هسه ماشفت حوري كعدتني عمتي اجن البنات وخطيه اجه عمار شايلته ملاك يبجي عليه عمت عيني خليته بحضني ولو مابيه حيل بس كسر كلبي اباوعله واكول شنو من كلب عليها امه شلون اتعوف ضناها بس شم ريحتي غفه شالنه من حضني وانطني حوريتي يمه فدوه لله شحم بيضه ودبدوبه بس وجها مورم مامبينه تشبهمن
كالت امي ارضعيها طلعت صدري مابيه حليب حاولت اكثر من مره ماكو كالت فاطمه انه ارضعها صدك رضعتها فاطمه وانه كامن ينطني تمر وهاي السولفي الي اتنزل الحليب اجو عمامي سلمو عليه وانطو دلاعه واخر واحد دخل ياسر حوري بحضن عمتي دنك كبر بذنها وباسه بس من بعيد ماشالها اجه باس راسي وضل كاعد شويه وكام انه غفيت لان تعبانه
كعدني حوري تبجي خليتها بحضني ورضعتها ماكو حليب شويه بس اخذت صدري
ومر على ولادة حوري ٣ اشهر
سمعنه خبر منال ازوجت خاطبيها بالعماره
صادف اليوم عيد ميلاد عمار ياسر عدنه كتله لااجيب كيك انه اسوي صدك كعدت من الصبح حوري وعمار نايمين حتى ياسر نايم
وكفت اسوي كيك وحلويات وللساعه ١١ كعدو ياسر اتريك ووكل عمار وانه رضعت حوري للعصر بدل وطلع ساعه ورجع جايب زينه وميز طعام جبير خليناه بالصاله ووكف ينفخ وعلك الزينه عزمناهم كلهم
خلص الصاله ياسر انه بدلت للجهال
شويه واجو كلهم
عمري ماشفت ياسر فرحان هيج
عبالهم الكيك جاهز مايدرون انه محترفه بالحلويات علكنه شمعه وحده وياسر كاعد وخاله بحضنه وانه لازمه حوراء طفه الشمعه ياسر وكعدنه الجهال كلهم وطكينه صور هههه عبالك مدرسه كلمن اخذ حصته وفرحه ماتنوصف كلنه مجمعين وكلنه على كلب واحد
وخلاهم ياسر على العشه وهو طاير بعمار وحوراء يشلهم ويلاعبهم.....
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
