رواية جذبني فمك البني الفصل الرابع والأربعون 44 بقلم عبير إدريس

 

 

رواية جذبني فمك البني الفصل الرابع والأربعون بقلم عبير إدريس


هناك شبه ببن الرصاصه وقلم الروج 
واحده للقتل... والاخرى للفتنة 
والفتنه اشد من القتل 
ادهم 
______
سامر : لازم كشفتي ملاعيب اختج.. 
شهكت ودرت وجهي عليه 
سيلين : شنو شلون عرفت وشمدريك. 
سامر : مبين من وجهج راح تموتين . 
سيلين : يعني انت تعرف ايفين . 
قاطعني.. 
سامر : متزوجه فهد.. 
انصدمت اريد احجي بعد ما اكدر حتى عيني مكدرت اخليها بعيونه.. 
سامر : اي ليش مستغربه اني اكره اختج من وره سوالفها وشديت وياج عبالي عندج علم بيها وساكته بس الضاهر جنتي متدرين.... 
سيلين : فهمني وحده وحده شلون عرفت ومنو كلك.. 
سامر : تتذكرين من حللنه دم قبل العرس مالتنه وراها سافرنه ضلينه شهر.. 
سيلين : اي اتذكر 
سامر : من رجعنه رحت اجيب التحليل علمود نروح نعقد اني وياج.. 
سيلين : اي 
سامر : هناك شفت فهد 
سيلين : شعنده ؟؟؟ 
سامر : ياخذ التحليل غير.. 
سيلين: شافك ؟؟؟ 
سامر : لا مشافني بس اني سألت عن اسم خطيبته طلعت ايفين ... 
سيلين : المن سألت 
سامر : صاحبي هناك يشتغل.. 
سيلين : زين شلون هيج صار تدري عقلي مكاعد يستوعب اي شي من السمعته. 
سامر : اختج شيطانه اني ليش اكرها واريد ابعدج عنها لان انتي تختلفين عنها لهذا غيرت الخط وكلشي يربطج بيهم .. 
سيلين : زين عمو ادهم ليش تغيرت عليه هو مو صديقك والله ماعنده شي ويايه وكلش انسان راقي ومؤدب.. 
سامر : هذا الموضوع وحد اكو شكوك بالي اذا تأكدت منها محد يخلصج من ايدي.. 
سيلين : صدك تحجي انت؟ 
سامر : غير اذا عرفت يحبج لو عندج علاقه بيه ومحمد اخبلج.. 
سيلين: زين بشنو تريد احلفلك ماعندي شي وياه. 
سامر : الايام بينه هيه تثبت اذا اني غلطان اعتذرلج كدام الدنيا كلها واذا شكي بمحله محد يخلصج من ايدي ... 
سيلين : لعد ليش تزوجتني اذا عندك شك بيه . 
سامر : مجنت اشك هذا التحديث صار وره الزواج.. 
سيلين : واصلك شي ؟ 
سامر : معليج بعدين كلشي يتوضح. 
سكتت مجاوبته.. 
رجعنه للبيت دخلت سبحت وفكره تاخذني وفكره تجيبني شويه ابجي وشويه اضحك على فطاريتي وعلى شيطنه اختي كملت سبح طلعت بدلت وتمددت اجه سامر طفه الضوه ومدد بصفي مد ايده سحبني ونيمني على ايده وضل يمسد بشعري باس راسي وكال.. 
سامر : كلش حبيتج ودخلتي كلبي واتمنى من كل كلبي نضل سوه ومانفترق ابد.. 
رفعت راسي بسته من شفته وهمست.. 
سيلين : ليش دائما تحجي بالفراق ؟ 
باوعلي وعكد حاجبه رجع ضم راسي وحضني قوي ..همس.. 
سامر : نامي ورانه دوام.. 
ضليت افكر اخر شي تعبت ونمت كعدنه الصبح على صوت المنبه راسي يموتني يدك طبول... 
سيلين : صباح الخير. 
سامر : صباح النور يلا استعجلي ورانه طريق ..
سيلين : روح للحمام من تكمل افوت..
كام وكال.. 
سامر : مو ترجعين تنامين 
سيلين : هئء... 
اول ماراح غطيت راسي وغفيت وره شويه شال الغطه وكال. 
سامر : يلا شو نمتي.. 
سيلين: اخذلي اجازه ميته نعاس وتعبانه ..
سامر : شطلعت هاي تره صار اسبوع انتي مجازه هسه منو ينطيج. 
سيلين : عفيه انت دبرها تكدر. 
سامر : صدك تحجين
سيلين : اي لان اذا داومت ما اتحمل اعرف بنفسي.. 
سامر : يلا رجعي نامي. 
سيلين : اسويلك ريوك 
سامر : يايوم تريكنه بلبيت حتى اليوم اتريك مو تدرين ما اشتهي. 
سيلين : يلا براحتك.. 
بدل اجه باسني وكال.. 
سامر : رجعي نامي ارتاحي 
سيلين: شكرا. 
سامر : يلا رايح. 
سيلين : الله وياك.. 
راح واني رجعت نمت ومر هذا الاسبوع هادئ نوعآ ما اتصالي ضل ويه ايمن فقط لا عمو ولا ايفين اتصل اسأل عليهم واسد الموبايل ... 
بيوم الجمعه جنت كاعده واجه سامر فتح ويايه موضوع.. 
سامر : باجر عندي ندوه بالشمال تجين ويايه.. 
سيلين : ندوه مال شنو شو ما ادري.. 
سامر : من ذاك الاسبوع بلغوني ونسيت اكلج ها تجين 
سيلين : تدري كلش محتاجه اغير جو بس انت راح تضل بالندوه اغلب الوقت واني اضل بالغرفه اضوج لهذا روح انت واني اروح غير وكت. 
سامر : يلا براحتج بس جان عاجبني اخذج. 
سيلين : مابيه حيل غير مره وعد.. 
سامر : يلا براحتك ياحلوو 
جرني لحضنه وضلينه نتابع فلم بس كلبي نار ويفور على الصار ولا كدرت انسى ولا كدرت اتأقلم احس نار وتاكل بعقلي وجسمي.. 
ثاني يوم سافر الصبح ومشى اليوم عادي الاحد كعدت بدلت ورحت للدوام اخذت تكسي وصلت للكليه اول ما نزلت تصادفت ويه عمو جان ديعبر الشارع شافني ابتسم ابتسامته الحيويه ،
 يكلي بوكتها من شفتج عبالك طفل وشاف امه من الفرحه عيوني ركضت حضنتج قبلي ...
بحيث راد يعبرلي والسياره جانت قريبه كلش منه صحى من صفنته على صوت الهورن اخترع ، مدري اضحك على الموقف مدري انقهر عليه لان اخترع......عبر وصل يمي وكال ...
ادهم : صباح الخير شنو هالصدفه الحلوة 
حجاها بلهفه ... 
سيلين : صباح النور ، توني نزلت من التكسي.. 
عكد حاجبه وكال. 
ادهم : وليش تكسي رجلج وين.. 
مشينه ونسولف..
سيلين : البارحه سافر للشمال.
ادهم : هاا من ضمن الندوه هو. 
سيلين : اي شعجب متدري. 
ادهم : مو انفصلت الغرف مالتنه .. 
سيلين : شعجب.. 
ادهم : ماعرف هو راد .. 
سيلين: هاا. 
ادهم : شنو عندج اول محاضره. 
سيلين : ___ 
ادهم : هاا تمام... 
دخلنه للكليه جان شايل سترته بتك ايد وتك ايد الجنطه ولابس قاط بنطرون قماش وقميص وليلك ولفاف اعشق اناقته يفوق الدكاتره العدنه بالعلم والاناقه انتبه عليه اباوع ضحك.. 
ادهم : عجبج. 
سيلين : من يوم يومي تعجبني اناقتك. 
ادهم : هم زين اكو شي بيه يعجبج. 
سيلين : كلك تعجبني.
حجيتها بعفويه بس هو اخذها بغير قصد...
وكف والتفت عليه رفع حاجبه مستغرب عرفت جفصت.. 
سيلين : يعني عقلك مداراتك للمواقف تعرف شلون تتلافه المشكله المطروحه بعقل رزن من هذا القبيل اعجابي بشخصك..
ادهم : همممم.. 
سيلين: عمو لتركز تره مكاعد اكذب ههههه 
ادهم : ماعدت احزرج سيلينه.. 
سيلين : ههههه يوميه لقب. 
ضحك وكال  
ادهم : يلا روحي لمحاضرتج راح تتأخرين .. 
سيلين : ماشي.. 
افترقت طرقنه هو راح لبنايته واني رحت لقسمي اول محاضره مشت الثانيه انفتح الباب هو دخل ، بنفس الابتسامه الثكيله الجذابه ، الطلاب فرحو بجيته واني من ضمنهم ، صارله هوووواي مماخذنه لان جان زعلان عليه اليوم اجه اعتبرته صلح محبه او عربون صداقه جديد.. 
كتفت ايدي وانرسمت على وجهي ابتسامه من لوح ابتسامته الانيقه ... 
من بعد ما سلم وشرح عده مواضع عجبني موضوع طرحه كلش مهم وحسيته فعلا موجود بالمجمتع وبكثره .....
ادهم : العقول في المجتمع كثيره منها عقل الانسان والحيوان ، والعقول بداخل الشيء الغير عاقل كالحاسوب مثلا... 
هذه العقول كل منها الها منفعه معينه ومرات يكون عقل الحيوان او الحاسوب اله فائده بحياتنه اكثر من عقل الانسان اكيد استغربتوا طريقه الطرح لكن اضرب الكم مثال قرأته في كتاب ما.. 
شخص زار حديقه حيوان وهذه الحديقه متكونه من غرف كبيره متصله ببعضها عبر ممرات ضيقه والزائر يسير فوق الارصفه ،
 يقف الانسان على بعد امتار من الحيوان المفترس ويفصل بينهم سياج حديدي مشبك ، 
اثناء التصفيق والتصفير للحيوان من قبل بعض الشباب المتفرج سقط طفل صغير من اعلى التل الرملي للأرض ،
 ومكان سقوطه الى جانب غورلا وقرد كبير ، القرد الكبير ركض مسرع واحتضن الطفل خوف عليه من الغورلا اما الانسان اخرج اجهزه النقال ليوثق الحدث ، من هذا الموقف اكدر اكول العقل الحيواني بيه فائده اكثر من هولاء الشباب المتفرج ، وكثير مواقف بحياتنه كاعد تصير ،من هذا النوع ، للأسف الرحمه انزاحت من القلوب والألفه وحتى المساعده .... 
انتو شنو رأييكم طرحت الموضوع لان قبل كم يوم شهدت موقف مؤلم جدا شاب من ذوي الاحتياجات الخاصه بالشارع ماد ايده لطلب المساعده ،
 مجموعه شباب ضلو يتنمرون عليه وحتى ضربوه وصوروه ماكدرت اسكت بلغت السيطره عليهم وتصرفو وياهم ماقصرو وانتو هم صادفتكم مثل هيج مواقف ...
كل واحد حجه موقف صاير وياه واكو اكتفو بالسكوت.. 
ادهم : انتهت المحاضره تكدرون تاخذون راحتكم... 
اخذ جنطته وطلع ضليت كاعد بمكاني انتظر المحاضره الثالثه ... 
وره ربع ساعه قبل محاضرتي بخمس دقايق دزلي رساله. 
عاجبني نتريك سوه اذا تحبين منتضرج ؟ 
ضليت حايره اصعد لو لا خاف تجيني حجايه او واحد يوصل كلام لسامر من تأخرت حسيته قره افكاري دز.. 
بالنادي؟؟؟ 
ضحكت وجاوبته.. 
الريوك دسم لو شلون مجان.. 
دز 
شلون دسم قوزي مثلا؟ 
دزيت 
علواه 
دز 
اليوم تلكيه على الغده 
دزيت 
وين ؟ 
دز 
بيتي الجديد 
دزيت 
هاي شنو شلت شوكت
دز 
تعالي ونسولف.. 
دزيت 
جيت.. 
اخذت جنطتي وطلعت وصلت للنادي رحت لمكانه القديم لكيته كاعد ومنزل ريوك .
سيلين : محسب حسابك قبل لتراسلني. 
ابتسم وكال. 
ادهم : متأكد راح تجين. 
سيلين : شلون تأكدت.. 
ادهم : احساس.. 
سيلين : ممممم عاشت ايدك على العزيمه. 
ادهم : ماحب الرسميه.. 
سيلين : اشيلها يعني 
ادهم : انتي شتكولين. 
حجاها ورفع تك حاجب..
سيلين : يعني اكو امل ترجع صداقته مثل قبل. 
ادهم : انه ماعندي شي وياج انتي اختلفتي عليه. 
سيلين : مختلفت بس صارت ويايه شغلات ويعجبني احجيلك عنها بس متردده.. 
صفن عليه وخله ايده على شاربه.. 
يكول بوكتها من ردتي تحجيلي خفت وخليت ايدي على كلبي كتله ليش يكول خفت ارجع اتعلق بيومياتنه من جديد وترجعين تبتعدين وتخذليني يكول جنت احارب نفسي متعرفين شيصير بيه من اكعد كبالج ساعه احتر وساعه ابرد ومرات ارجف حب .... 
سيلين : اني عاجبني احجيلك او بالاصح اخذ رأيك لان مكاعد اعرف شلون اتصرف... 
حك كصته وهمس... 
ادهم : اسمعج احجي.. 
سيلين : اول شغله شفتها هناك ومحبيتها ولا كدرت اتأقلم وياها الانفتاح الزايد اللي انت ذكرته قبل.. 
ادهم : وانه شكلت مو كتلج نختلف عنهم بالاطباع. 
سيلين : متصورت هيج يعني مو لدرجه ... 
سكتت 
عكد حاجبه اشرلي براسه وكال.. 
ادهم : كملي..
سيلين : يعني مرات يجون اصدقاء سامر وزوجاتهم اللي اعرفه البنات لازم وحد والزلم وحد همه لا يكعدون مختلط وضحك وسوالف وشقه ثكيل واني من انعزل سامر يضوج اريد اقنعه بطريقه كون ميفهمني خطأ يعني ما اجرحه وابين همه غلط لان معليه بيهم كلمن يسوي اللي يصرفله... 
لم شفته وعضها جر نفس و كال ... 
ادهم : كل انسان اله طبع معين وشريكج مهمها يكون طبعه مادام تعرفين بيه من قبل وصارحج وقبلتي لازم تتأقلمين وياه لان راح تتولد فجوه بينكم وبالتالي تكثر المشاكل لو متدرين الج حق تاخذين موقف وتنعزلين بس هسه ما الج حق لان سامر جان صريح وياج وانه حاجيتج وفهمتج وانتي وافقتي..
سيلين : يعني شلون مفهمت عليك. 
تنهد وكال ... 
ادهم : الزوجه لازم تتبع زوجها مادام ما غلطان لازم تسايره .. 
سيلين: هو صح مغلطان وهذا طبعهم بس اني ما اكدر اتأقلم ابد.. 
فتح ايده ورفع كتفه وكال .. 
ادهم : شبيدي عليج.. 
سيلين : ممممم صح شبيدك عليه.. 
سكتنه هاي نسولف وناكل بعدين كتله. 
سيلين : اريد اطلب منك طلب اعرف مو وكته وعيب اصلا اطلبه بس محتاجه .. 
عكد حاجبه جان ياكل وكف اكل... 
ادهم: محتاجه فلوس؟؟؟ 
ضحكت.. 
سيلين : ادري انت تقره افكاري شنو ...
ادهم : شكد تردين ... 
حجاها ومد ايده بجيبه طلع المحفظه فتحها وطلع ورق.. 
مديت ايدي سديت المحفظه .. 
سيلين : خلي فلوسك عمو مو هذا قصدي.. 
ادهم : لعد ؟ 
سيلين : اني مو عندي فلوس يمك .. 
ادهم : صح 
سيلين : يعني اريد اسحب منهن من احتاج...
ادهم : لتعتبرين سؤالي تدخل بس لازم اسأل. 
سيلين : لا العفو اسأل تمون عمو.. 
ادهم : سامر بخيل ؟؟ 
سيلين : لا مو هيج بس هو يصرف عليه يعني مرات اريد اصرف جنطتي فارغه واخجل اطلب منه.. 
ضل ضافن بوجهي بعدين دنك ونقر بأصبعه على الميز نقرات خفيفه عرفت ضاج هاي حركته من يضوج او يتنرفز يسويها ، رفع راسه وكال.
ادهم : امشي ويايه. 
سيلين : وين ؟ 
ادهم : معليج امشي.. 
سيلين : عندي محاضره وهاي راحت. 
ادهم : منتأخر.
تنهدت وكتله..
سيلين : ماشي..
اخذت جنطتي وطلعنه ، صح اني ممسويه شي غلط بس طلعتي وياه حسيتها غلط لهذا خابرت عمتي بلغتها ... 
سيلين: هلو خاله شلونج.. 
_ هلو سيلين 
سيلين: خاله راح اطلع ويه عمو نروح لبيتهم اشوف اختي مالها خلك وهناك نتغده. 
_ براحتج بس لتتأخرين رجلج ميقبل 
سيلين : اعرف ميقبل بس اذا خابر كليله راحت لبيت عمتها ..
_ اي صار سلميلنه عليهم. 
سيلين : يوصل الله يسلمج.. 
التفت عليه عاكد حاجبه. 
ادهم : تردين اوديج لبيت اهلي 
سيلين : لالا . 
ادهم : لعد ليش كذبتي. 
سيلين: لعد شكول ؟ 
ادهم : سامر مانعج مني مو ؟ 
رجع يباوع للشارع ويسوق.. 
تنهدت وكتله.. 
سيلين: كاعد يشك بينه. 
ادهم : بينه ليش شمسوين ؟ 
سيلين : ماعرف والله. 
ادهم : شنو السبب ؟ 
سيلين : كتلك ماعرف لو اعرف جان ارتاحيت.. 
سكت واني هم سكتت... 
مشينه وصف يم البنك فتح الباب والتفت عليه .. 
ادهم : نزلي شبيج. 
سيلين: ليش جينه هنا. 
ادهم : نزلي وافهمج.. 
اخذت جنطتي ونزلت مشينه ودخلنه للبنك بعدين دخلنه بمكان مثل المكتب مال عمو بس جبير رحبو بيه مبين يعرفوه ، استقبلونه وكعدنه بالمكتب ضيفونه وره شويه اخذو البصمه مالتي ، واني ماعرف شنو السالفه... 
من طلعنه كال.. 
ادهم : هسه تكدرين تسحبين من فلوسج براحتج بدون ما اجي وياج وحتى من حسابي تكدرين .. 
سيلين : شلون يعني مفهمت. 
ادهم : يعني حسابج وحده خاص بيج بس حسابي مشترك بيني وبينج. 
سيلين : ليش هيج سويت؟ 
ادهم : هاي دنيا وانه ماعرف مصيري شنو واكثر ثنين أأمن بيهم حاليا انتي وايمن ، انتي امنتج على فلوسي وايمن على شغلي ومريم بأمانتكم ثنينكم 
سيلين : ليش هيج تحجي.. 
ادهم : حسابي ثكل واعدائي كثرو ومن ضمنهم اخويه وماعرف شنو ضاملي.. 
سيلين: يعني انت ما مأمن من ناحيته. 
ادهم : ولا واحد بالميه.. 
سيلين: لعد شلون كتله راح اعالجك وراح اصدك بيك. 
ادهم : اعالجه اي بس مصدك لا ولا مأمن طبعه غدار من الصغر. 
سيلين : عمو خوفتني.. 
ادهم : لتخافين بس الحذر واجب 
سيلين: بس تصورت انت امنتله وصدكت بيه. 
ادهم : ليش الثعلب امين برأيج. 
سيلين : ماعرف شبجت عندي.. 
وكفنه كبال بيت وكال. 
ادهم : نزلي.. 
سيلين : شنو وين .. 
ادهم : بيتي شبيج. 
سيلين : يعني صدك انتقلتوا عبالي تتشاقه. 
ادهم : ثاني يوم من رحتي لبيتج انه بلشت ادور لان ايمن مابات بلبيت. 
سيلين: حقه .. 
شافني متردده انزل فهمني رأسن كال... 
ادهم : نزلي هنا ايمن ونرمان ومريم.. 
سيلين: ها نرمان استقرت وياكم. 
ادهم : اي نرمان متكدر تفاركني ومتكدر تعيش وتتأقلم ويه جو فهد وخبالاته . 
سيلين : قصدك رعونتيه .. 
ادهم : بالضبط يلا نزلي.. 
نزلت وهو هم نزل فتح الباب ودخلنه تلكتنه مريم بوستها وطلع ايمن صفنت عليه هاي شصاير بيه.. 
سيلين : شلونك. 
ايمن : زين وانتي ؟ 
سيلين: الحمدلله.
ادهم : دخلو جوه سولفو اريد افوت. 
ضحكت و وخرت...
سيلين : فوت ههههه. 
دخلنه جوه البيت حلو بس بعده مهوس ... 
ادهم : عذرينه ما مرتب تعرفين دوام عدنه ويوميه نسوي شي انه ونرمان.. 
يشيل بالغراض من على القنفات ويحجي. 
سيلين : اتركهن عمو هسه اني اساعدكم ونكمل. 
ادهم : لا شتسوين كعدي شوفي مرايم مشتاقتلج.. 
سيلين : اني هم مشتاقتلها.. 
جريت نفس وحضنتها... 
يكول اني هنا جنت قاصد نفسي اني مشتاقلج بس اي شي احسه وياج احجيه بلسان مريم يكول شكد جنت اعترفلج بمشاعري بس انتي متحسين واني احرك بنفسي حرك .. 
سيلين : ايمن بالي يمك. 
ايمن: عليمن يمعوده قابل قحط نسوان .. 
سيلين: مقهور الله عليك.. 
ايمن : مو قصه مقهور هيه بنيه تروح تجي عشره بس انصدمت يعني صلافه تسايريني وتسولف ويايه وكأنما تحبني صارلها دهر وتالي تطلع عاقده ... 
سيلين : عقلي راح يوكف تصدك حجتلي الموقف كله كالت صعدت ويه ايمن وهيج وهيج حجينه وحجيتله على فهد لان اتسمعت عليهم ورزلني وبطلنه مرحنه ومن دخلت تعاركت امه ويايه وانقهرت منها يعني فد حبكه ادراميه .. 
ايمن : شبيج هيج سوت ويايه متفقه وياه علمود تنزل ومتجي ويايه ..
سيلين : يعني قصدك فهد كللها كولي لايمن اني تسمعت على فهد وادهم علمود تتعارك وياها وتنزل متروح وياك. 
ايمن : اي عفيه عليج لان ما الها تفسير ثاني. 
سيلين: زين هيه كلتلي فهد دخل للمطبخ وتحارش بيها وهددها وحلف بداعه روايه اذا تحرشت بيه يأذيها لان لازم عليها صور وفديوات.. 
ايمن : شبيج سيلين اكيد هيج تكلج حتى تمهدلج لحادثه الاغتصاب وتصدكين بيها ،،يعني هيه متحرشه بفهد ومندكه بيه لهذا هيج سوه بيها علمود نصدك لان فهد معروف عدنه كلشي ولا الماضي مالته ينذكر كدام احد متشوفين انه وادهم بسرعه صدكنه.. 
سيلين : عقلي راح يوكف زين ليش هيج سوت شنو السبب والله مكاعد اصدك .. 
اجه عمو مبدل لابس تراكسود كعد بالكاع وخله مخده ارتاج عليها بعكسه وشاركنه الحديث.. 
ادهم : ايفين وراها سر جبير لتضلموها.. 
سيلين : شلون عمو وراها سر مو كاعد نكللها احجي ليش متحجي. 
ادهم : متحجي تخاف. 
سيلين: من شنو اذا على السرقه ندري والتصوير هم ندري والمحادثات مال اسامه ندري من شنو خايفه. 
ايمن : انه اكول غلطانه ويه فهد واتفق وياها يستر عليها مقابل تساعده بأذيتنه .. 
ادهم : لا مو هيج .. 
سيلين : لعد شنو مو اني سمعتهم يكلها اكو شغله اذا حجيتها اكلب عليج سيلين وادهم. 
ادهم : هذا هو رادج تسمعين هذا الحجي حتى يوكع بينج وبين ايفين ويعرف كلش زين جنتي واكفه تسمعين ومو بعيده هذا اتفاق بينهم حتى تبين هيه ضايجه منه وتدعي عليه وهو يهددها مثل ما كلتي انتي بس من خلال الحجي والتصرفات بينهم شغلات اكبر وخطط اكبر من الحجوه. 
سيلين : ههههههه عمو هاي اختي معقوله اني رابيه وياها شنو مافيات.. 
ادهم : انتي فكري بيها وعقليها،، عقل مثل فهد هيج غبي يصعد ويحجي بهيج موضوع مهم ويعرف انتي موجوده اكيد رادج تسمعين حتى تجين تكليلنه .. 
سيلين: زين هاي جذب وسالفه تصوير الكامرات ليش حاذف اللي يريده وعايف بس تصوير يوم العقد زين اذا رادنه نعرف ومخايف ليش حذف التصوير خو يعوفه ونشوف شلون جانو يطلعون وهذا اثبات اكثر لعلاقتهم مثل ما كلت . 
ادهم : لا هو راد نعرف من كلام ايفين لان يعرفني اذا شفت التصوير راح اقره حركاتهم يعني راح اعرفها مجبوره او لا لهذا حذف التصوير وخلانه نعتمد على كلام ايفين ومو بعيده طلب منها متحجي كدامي من باب تخجل وراح تطلبون مني اطلع حتى تسولفلج. 
سيلين : وفعلا هذا الصار.. 
ادهم : اي لان يعرف اكشفها واكيد كللها كل ما يدخل ادهم ويجبروج تحجين كومي صرخي علمود يطلع .. 
سيلين : يعني صدك تره مجاي استوعب. 
ادهم : اي صدك هذا فهد من جنت اكول واحذركم منه مو اعتباطآ.. 
سيلين : زين شتكول صحيح جان ياخذها بهاي الايام وياه. 
ادهم : احتمال اي ياخذها لان هيه زوجته جوز جبر وجوز برغبتها بس عندي شك ياخذها علمود يكعد وياها فتره اطول ويحجون براحتهم ويعلمها شنو تحجي وشلون تتصرف لان اذا بلبيت مياخذ راحته هم انه موجود وهم ايمن لهذا يخاف نشوفه يطب لغرفتها او يطلع او ممكن نسمع حديثهم لهذا راد يشوفها ويكعد وياها خارج البيت. 
سيلين : زين وسالفه التصوير بيوم العقد ليش تضحك بيه اذا هيه مظلومه فعلا مثل متكول ... 
ادهم : اكو سر جبير بينهم لان من حاجيتها مبينه خايفه وتبجي مهما يكون ملقنها ومدرسها بس وكت الصدك من تحس راح تخسر عزيز تفقد السيطره على نفسها وتتصرف على طبيعتها واللي قريته بملامحها وخوفها عرفت ايفين مجبوره وفهد لازم عليها لزمه قويه ويهدد بيها. 
ايمن : شلون لعد شنسوي بهيج حاله. 
ادهم : نضل محاوطين ايفين من كل الجهات هسه انه طلعت من البيت وامنته لفهد انه مصدك بيه وراح اسايسه على هذا الاساس بس ميدري عندي رجل بلبيت وراح اكلبها عليه. 
سيلين: يعني راح تبدي حرب العمالقه.. 
ادهم : هههههه عمالقه شو.
سيلين : بالتفكير لان انت بحجيك هذا فريت عقلي اني تصورت اختي فعلا غلطانه وغدرت بينه وعبالي انت مصدك بحجيها وحجي فهد وتصورت راح تعالجه وامنت بيه. 
ادهم : على فكره هو هم ما مصدك بيه انه مصدك بيه. 
سيلين: ههههه شلون يعني راح اتخبل.. 
ادهم : لان ذكي متعبر عليه يعرف راح ادور وراه وراح يحتاط اكثر ومو بعيده يحاوط نفسه بسور من حديد يعني انه العب عليه بطريقتي وهو يلعب عليه بطريقته ونشوف وين توصل...
لزمت راسي وكلبي كام يدك سريع حسيت راح يغمه عليه يعني فعلا موقف صعب مو مال شقه ونتهاون بيه لان فهد فعلا خطرر..
ادهم : شبيج ؟؟ 
حجاها بقلق. 
سيلين : دخت ماعرف منو صح منو غلط منو ظالم منو مظلوم اختي ويانه علينه صحيح السمعته لو متفقين علينه وشلون كلتلي هددها وتعاركت وياه ... 
تأفأفت بصوت عالي....
ادهم : كومي غسلي واذا تحبين غيري ملابسج. 
سيلين : مجايبه ملابس.. 
ادهم : تلكين بالغرفه الجوه بصف غرفه المكتب.. 
هزيت راسي وكمت وين اشرلي فتحت الباب دخلت لكيت جربايتي ام النفر وكنتوري جايبهن وليغاد جربايه مريم فتحت الكنتور اكو ملابس مالتي قديمات صفنت ذني شكد دورتهن قبل لا اروح لبيت سامر ومن ضمنهن الدشداشه اللي ركصت بيها واني اكول وين اختفت لبستها مره وحده ومن نزعتها ملكيتها واني الشي اللي ما احبه ما افكده لهذا مهتميت الها... 
بعدين حجالي كال اني اخذتهن جنت ادور ريحتج بيهن هنه صبرني على فراكج ، ومره ايفين حجتلي جنت طالعه ويه سامر بالخطوبه تكول لكيت عمو بغرفتنه شايل حمرتج البنيه ورش من عطرج على مخدته ترسها ترس واخذ قلمج مال حمره وطلع سألتها مشافج كالت لا جان مقهور كلش وباله مو ويايه...
بجيت متحملت ضليت كاعده وره شويه اجتي مريم كالت ..
مريم : بابا يكول يلا تعاي تغدي جابو الغده.. 
هزيت راسي ب اي تقربت مني وكالت.. 
مريم : ليش تبجين. 
سيلين : هيج حبيبتي مابيه هسه ابدل واجي روحي قبلي. 
راحت واني بدلت لبست دشداشه ولفيت الشال ردت اطلع اندك الباب فتحته عمو شافني عقج حاجبه دخلت للغرفه مسحت دموعي جنت ناطيته ظهري همس.. 
ادهم : مريم كالت باجيه. 
سيلين : لا شويه ضجت. 
ادهم : تنحل صدكيني ماعندج ثقه بيه. 
التفتت عليه مسحت دموعي ودنكت راسي وكتله. 
سيلين : كل الثقه بيك عمو بس صعبه عليه .. 
ادهم : عليه اصعب بس لازم نصير اقوياء ونتحمل المسؤوليه لان هاي الحرب مابيها فوز بكل الاحوال خساره لان اخويه واختج بالحالتين راح نتأذه اذا خسرناهم او همه خسرونه لهذا لازم نتحلى بالصبر ونكبر عقلنه وياهم ونحتويهم.. 
سيلين : صحيح. 
ادهم : هسه انتي ضلي مصره على موقفج وهو عباله انتي حققتي مبتغاه وابتعدتي عن اختج وطلعنه من البيت بس احنه راح نحاوطه ونكسب ايفين لصالحنه بهيج حاله يلا نعرف فهد بشنو يفكر ويخطط..
سيلين: ما اعتقد تنطي بيه تخاف. 
ادهم : واحتمال تحبه. 
سيلين : مستحيل. 
ادهم : صدكي تحبه. 
سيلين : وايمن؟ 
ادهم : ايمن جان مرحله عابره بحياتها اللي اخذت فهد هيه ربحانه ما اخذته ايمن موجود مثل محطه استراحه خالته. 
سيلين : معقوله ؟ 
ادهم : كلشي نتوقع وتضل مجرد فرضيات وبعدين لابد تظهر الحقيقه. 
سيلين : شوكت ياعمو شوكت مو مليت و صبري خلص.. 
ادهم : هاي الحياه بيها الحلو وبيها المر لازم نضوك من كلشي شويه. 
سيلين : صح ، سؤال. 
ادهم : جواب. 
سيلين : شعجب جبت جربايتي وكنتوري لهذا البيت.. 
جر نفس وابتسم.. 
ادهم : والله ما مفاولج بس عندي احساس بيوم ترجعين تعيشين يمي. 
نزلت دمعتي وطلعت رحت للحمام غسلت ورحت للهول لكيته واكف منتضرني ومبتسم. 
ادهم : برد الغده . 
سيلين: اسفه تأخرت.. 
ايمن: يلا كعدو متت جوع تره. 
سيلين : طول عمرك ميت جوع انت يايوم مجوعان. 
ايمن : على كوله اختج تكول شايل بطنك وتفتر بس نتزوج اله اشبعك شوربات عدس.. 
جر نفس قوي وكال. 
ايمن : حتى العدس محصلته منها...
رغم الموقف محزن بس اني وعمو طكيناها بضحكه وهو هم ضل يضحك اندك الجرس كام ايمن فتحه دخلت نرمان سلمت وراحت غسلت وكعدت تتغده بملابسها. 
نرمان : ممممم اليوم قوزي شنو هاي مدللنه يابه ادهم .
ايمن : اسكتي العزاز هنا لو وحدنه جان كال احمو غده مال قبل اسبوع. 
ادهم : انت تاكل مال قبل اسبوع يا محتال . 
ايمن: بشرفج نرمان احجي ضميرج هذا الاسبوع بشنو كضيناه. 
نرمان مدنكه تاكل كالت. 
نرمان : فلافل واكل شلون مجان. 
ادهم : متسوين مو اشكال متسوك بس انتي عجوزيه. 
ايمن : عبالك هاي سيلين وتسوي والله اشتاقينه لاكلاتج ضلعه.. 
عمو جر نفس قوي ودنك ياكل معلق .. 
كملنه غده ولمينه السفره وبلشنه نشتغل اني ونرمان .. 
نرمان : كلش تعبانه تدرين اريد انام بس البيت هوسه وادهم ضاج . 
سيلين : اي ممتعلم على فوضه وين يتحمل هيج. 
نرمان : سكتي يوميه مترزله منه ههههه. 
سيلين : يلا منا لساعه سته بلكت نكمل كم شغله واروح. 
نرمان : ضلي لليل حبابه والله ضايجه. 
سيلين : شسوي مو بكيفي .. 
نرمان : حقج.
عمو دخل نام وايمن هم اندك الجرس طلعت مريم فتحت الباب دخل فهد شايل دفتر بيده شافني ضحك وكال.. 
فهد : اليوم مرت اخي هنا.. 


شكرا لزيارتكم عالم روايات سكيرهوم
تعليقات



×
insticator.com, 6ed3a427-c6ec-49ed-82fe-d1fadce79a7b, DIRECT, b3511ffcafb23a32 sharethrough.com, Q9IzHdvp, DIRECT, d53b998a7bd4ecd2 pubmatic.com, 95054, DIRECT, 5d62403b186f2ace rubiconproject.com, 17062, RESELLER, 0bfd66d529a55807 risecodes.com, 6124caed9c7adb0001c028d8, DIRECT openx.com, 558230700, RESELLER, 6a698e2ec38604c6 pmc.com, 1242710, DIRECT, 8dd52f825890bb44 rubiconproject.com, 10278, RESELLER, 0bfd66d529a55807 video.unrulymedia.com, 136898039, RESELLER lijit.com, 257618, RESELLER, fafdf38b16bf6b2b appnexus.com, 3695, RESELLER, f5ab79cb980f11d1