رواية المتمرد والصغيرة الفصل الخامس والأربعون بقلم رسل
_____
حتـه من اريـد اقبل عـذر
ماشـوف ترضى جروحي ..!
وساعتها راح ادخل حرب
مابين روحـي وروحـي 🖤
_____
جنت نايمة و اندگ الباب..
ابو فهد : نامي اني اگوم
.. اول ما فتح الباب طبت افراح لازمة بطنها گبل لزمت ايدة
افراح : ابو فهد بطني توجعني ماگدر انام
.. اني گبل طفرت من الچرباية رجلي ضلت باللحاف
وگعت على وجهي و اللحاف فوگاي
هو اجة علية گومني من الگاع و حاصرتة الضحكة
ابو فهد : الله الله يابة شجاچ
اديان : شتردين انتي الساعة بالستة الفجر
افراح : ما اريد بس احاچي ابو فهد
اديان : روحي شربي علاج و انطمري شنسويلج يعني
.. هو باوعلي و خزرني
اديان : ليش تخزر هااا ليش تخزر يلا روحلها رووووح
ابو فهد : شبيچ يابة مدگليلي و انتي افراح انا مادري بالسوالف التاخذنها اخذيلج حباية تصيرين زينة
افراح : ابو فهد مشتاگتلك انا ما تحس بية
اديان : امشي طلعو يلا من الغرفة يلاااااااااا
.. ركض علية حط ايدة على حلگي
ابو فهد : لججج شبيج فضحتينة
.. وخرت ايدة من حلگي و گمت ابچي هو طلعها و قفل الباب
ابو فهد : هسة انا رحتلها شبيج دموعج رخاص ما دگليلي
اديان : طلگني يلا
ابو فهد : لا اله الا الله ردييييينة كومي شو كومي ارد احاجيج
.. ما كمت ضليت كاعدة و حاطة ايدي على وجهة هو سحبني من ايدي وو كفني رفع راسي و مسح دموعي وسحبني لصدرة
ابو فهد : وچ يابة شبيچ خبلة اروحلها انتي متربعة بگلبي
اديان: ماحبهاااا اني اكرهاا تعرف شنو اكرهاا و اكرهك لان انتة جبتها
ابو فهد : يعني اضل اعيدلچ السالفة يومية انا مگرب مصوبها مو مگابلچ و گاعد
اديان : وخررر
ابو فهد : اذا گدرتي تطلعين من حضني هسة التردي يجرالج
اديان : حتى لو اكلك طلگني
ابو فهد : هسة دجربي
... شكددد حاولت ابتعد من يمة ماكو حاضني بأثنين اديه و يباوعلي و يضحك
ابو فهد : منتظرج تستسلمين
اديان : هو انتة تدري ما اكدرلك و تسوي هيج
ابو فهد : وانتي اذا تدرين بروحج متكدرين شكو قبلتي
اديان : ديلا وخر هسة
ابو فهد : الخسران بوية يدفع فصل و انا شيخ ما اطيح فصلي
اديان : والله بوسة ما انطي وخررر يلا
ابو فهد : هههههههه اخ يابة تعرفين البالي
اديان : ليش انتة شتطلب غيرهن بشرفك
ابو فهد : هههههههههههههههههههههه اشتعلو عمامچ
.. حضني و رجعت نمت كعدت بالتسعة هو بعدة نايم نزلت لكيتهن يحضرن ريوگ رجعت گذلتي ليورة شفت سليمة و افراح يباوعن ويحچن بصوت ناصي
اديان : اكو فد ناس بالبيت شكد انقهر عليهم
افراح : انقهري على روحچ
اديان : تؤ تؤ خالة ما ناقصني شي
افراح : و خلخالة التخلخل عظامچ
اديان : و لا يهمچ عمة افراح
.. شالت خاشوگة من يمها و شمرتها علية ركضت وطلعت من المطبخ ما طاحت بية نزلو هوَ و زيد يسولفون
ابو فهد : شبيچ تركضين
اديان : افراح تريد تضربني
ابو فهد : استغفر الله
.. لزمني من ايدي و طب للمطبخ
ابو فهد : ليش تمدين ايدچ عليها
افراح : يا شيخ اتشاقة وياها حتى ما طاحت بيها والله بس دگلي خالة و عمة و تغلط انا ما حاچيتها
ابو فهد : انا مو گايل صوبها لا تگربن
الا ابدي اهين
هم انتي و هم البصفچ
سليمة : چا انا شني حاطني جوة لسانك كل سالفة و رزلتني
ابو فهد : مو ما ناسيها الچ ذيچ السواية
.. هنً نزلن روسهن و رجعن يحظرن و زيد يضحك
گعد هوَ و اني گعدت يمة و هنَ يسوون شاورني
ابو فهد : احلف بالقرآن انتي العايلة بيها
اديان : اي والله اني ليش اچذب
ابو فهد : يعني انتي العايلة و انا ارزل حتى الله ما يرضاها
اديان : يعجبك يعجبك ميعجبك بكيفك
ابو فهد : لا يعجبني يابة يعجبني
.. اجوي كلهم كعدو و هي باست راسة
افراح : انا اعتذر ابو فهد حتى ماني غلطانة بس لا تضوج
اديان : ديلا كافي كعدي بمكانچ
زيد : ههههههههههههههه اخ الله لچ كافي
ابو سراب : عمي والله انتي ما تنجرعين ههههههه
... العصر اجتي هيفاء گتلها اريد اروح للصالون
هيفاء : خوب انتي ما تذكريني بس بالصالون
اديان : ههههههه هسة نروح لو لا
هيفاء : يلا بدلي
. رحت بدلت و رحنة للصالون حفيت و سويت خصل لشعري لون اصفر مو ميش بس سحب 5 خُصل شفت بنية سوتة و طلع يجنن
شفت روحي طالعة بالباكيت جديدة ههههه
هيفاء : اليوم اخوي يضل يبلعم
اديان : هو اخوج شعندة غير ذني السوالف
هيفاء : هههههههه يا ادبسزز
.. دخلنة للبيت المغرب همَ بعدهم مجايين على العشة و هنَ يطبخن صعدت سبحت و شسمة و طلعت بدلت
عفت شعري ينشف حتى اسرحة حطيت مكياج و سرحت شعري لك شنو هذا الجمال خرب عرضي هههه
شعري مسرحتة و تعبانة عليه ماريدة يخرب بالشال عفتة نازل على ظهري و حطيت الشال بس من فوگ و نزلت
لگيتهم يحضرون السفرة كلهم ضلو يباوعولي هسة شلون بلة الواحد حتى ميهتم بنفسة
فهد : اديان طالعة چنچ لعابة
زيد : ههههههههه لك هسة يجي ابوك يكسرك
سليمة : خلفلة على المكياج
فدعة : چا انتي مو حاطة شو ما طالعة مثلهة
سليمة : انا شحاطة ما حاطة هنَ ملعبات يحيرن شيحطن لهاي الوجوه
اديان : خلينة هاي السوالف لاهلهة احنة من الله حلوين منحتاج
ابو فهد : هااا هم عركة
اديان : لا مو عركة
ابو فهد : لك شني هاي
فدعة : يا دهر عود الشيخ دلزم روحك
ابو فهد : شمسوي انا شجاج واگفتلي على الحچاية
.. گامو يتشاقون عفتهم و رحت للمطبخ
بشرى : شو نزعي الشال خل اشوفج شعرج
.. نزعتة و راويتهيا
بشرى : اللهم صلي على محمد خية ضمي جوة الشال لا يطگنچ بعين
اديان : بس ارفعة يخرب خليني فرحانة بي
.. شمرت الشال نفس ما چان و وگفت اسوي رگي و بطيخ بالمواعين
حسيت بواحد يلم بشعري گبل درت وجهي بشرى طلعت من المطبخ
اديان : ها
ابو فهد : اشتعلو اهلج على هاي الدكة
اديان : شتريد
ابو فهد: ادياان لتخبليني شعرچ ضمي
اديان : يخرب والله قبل شوي مسويتة
ابو فهد : لتخليني اگصة الچ ضمي يلا گبالي
اديان : مجايبة قراصة
ابو فهد : سرراااب
.. شوية و اجتي سراب
سراب : ها عمو
ابو فهد : جيبي لهاي شي تلم شعرها
.. نزعت قراصتها من شعرها و انطتها الة
اخذتهة ونزعت الشال و لميت شعري و هو واگف منتظر شوكت اكمل
اديان : يلا ارتاحيت
.. اتقرب عدل الشال
ابو فهد : هيچ مكياج بالبيت بعد ماكو هو بدونة و حاير وين اضمج
اديان : ترى مو سالفة هاي وخر حتى بعد ما انزل
ابو فهد : اغار عليج و حق محمد
اديان : دوخر يلا
ابو فهد : بطلي مال دوخر يلا لا اكسر راسچ مو من اسكتلچ تتمادين
اديان : هسة شكو لازگ وخر
... لزم ايدي و رجعها ورا ظهري
ابو فهد : گتلچ احبچ مو اخليچ على مايچ تتجاوزين مو گايلچ بطلي هاي النترة مالتچ لو تعلمتي على الكتل
.. عفتة و طلعت لگيتهم منتظرين
الحجي : يلا وين ابو فهد
.. درت وجهي علمود اصيحة هو طلع من المطبخ افراح ضايجة حتى متحچي گعدت يم فدعة
الحجي : چا اليوم ماكو رگي
اديان : نسيتة على الكاونتر
.. راحت سراب جابتة
كمت اني غسلت مواعين العشة لان كلشي ما اشتغلت اليوم و سراب صبتلهم چاي ورا شوية اجة گعد بالمطبخ على الميز
ابو فهد : استكان چاي بعد
.. ما صبيتلة سويت روحي ما اسمع
ابو فهد : نعااال چاي
.. خفت من صوتة گبل صبيتلة و حطيتة على الميز
ابو فهد : كلاص مي
.. انطيتة ورجعت اغسل المواعين شرب الچاي و طلع
هسة اني شكو اگلة لزگة زين ما طير وجهي
كملت المواعين و صعدت لبست دشداشة قصيرة مال نوم
عود اذا اجة قبل لا انام اكلة اسفة و اذا ما اجة يسقط حقة
ضليت العب بالتليفون بس باليوتيوب حتى سوق بلي اخاف ادخلة صرت
ب 11 انفتح الباب و دخل هو بس ضايج عود زعلان اني مغطية راسي و العب بالتليفون
طب يسبح و طلع طفة السبلت و اجة تمدد على الچرباية و دار وجهة
ساعة اگول خل اصالحة و ساعة اكول لا خاف نايم
اديان : كاعد لو نايم
ابو فهد : خيررر
.. سديت التليفون ورحت يم راسة بستة بخدة
اديان : ما چان قصدي
.. دار وجهة علية و گعد خلاني بحضنة
ابو فهد : لخاطر ربچ شگد حنينة
.. باوعتلة و ابتسمت باسني بشفتي ونزل على رگبتي
اديان : توجعني رگبتي ترى
ابو فهد : چا صارلي شهرين ما حاضي بيچ
وووووووووووو
اديان : ترى ادري بيك زعلت متعمد
ابو فهد : لا والله ردت اضربچ راشدي و انقهرت
اديان : ديلا وخر لعد
ابو فهد : هههههه بوية بس لزمي لسانچ ما تنضربين
اديان : احبك بس اكرهك من تضرب و تعذب
ابو فهد : هسة انتي ما تكدرين تمشين الامور عدلة
اديان : اي مو احچي الحقيقة
ابو فهد : بس خرب عرضچ على هاي الترافة الشايلتهة
اديان : هو تدري اني ماعرف شنو ترافة
ابو فهد : هي الترافة بالروح تصير و بالملمس
اديان : يعني شون
ابو فهد : اني اعلمچ شلون هي الترافة تصير للنسوان مثلاً اكو مرة يگولون عليها نسمة محد يحس بيها لا واحد يكرها و لا تسوي مشاكل هاي ترافة الروح
هسة انا من اتقربلچ ما امل منچ بيضة و ناعمة و تبچين بساع و تزعلين بساع من تعصبين حلوة من تنهضمين حلوة
و حنينة هنً ذني من ينجمعن تطلع ترافة
و حتى الرجال المحبوب گدام جماعتة و ماعندة وجه ثاني و محد يكرها يسمو ترف محد يحس بي
هسة افتهمتي لو لا
اديان : اي
ابو فهد : جوعان شوفي بالثلاجة اكو شي
اديان : كلشي ماكو اني ماكلتهن
ابو فهد : ههههههههههه بالعافية بوية حضريلي الدشداشة خل اسبح و اروح للمحل
.. سبح و راح و اني هم سبحت و لبست تراك و شغلت السبلت و طفيت الاضوية و كعدت العب بالتليفون
ورا نص ساعة يلا اجة هوَ انطاني العلاگة و نزع الدشداشة و اجة تمدد يمي شغلت التيبلام
اخذت نستلة و ببسي
اكلت و هوَ هم اكل نضفت الچرباية و فتحلي ايدة غطاني و نمت
ثاني يوم ما اجة على الغدة گال معزوم اجة ب 3 الظهر
ابو فهد : شونچ يابة
اديان : زينة و انتة
ابو فهد : انا يمچ يعني شلون اصير
اديان : خايفة
ابو فهد : اناخوك منين
اديان : افراح و سليمة ساكتات و لا يحچن ولا يرزلني عبالك ضاماتلي شي
ابو فهد : شحدهن وعلي اشگهن شگ
اديان : مادري بعد
ابو فهد : دتعاي بحضني تعاي و خل اشوف يا گح** تدنالچ
اديان : هسة انتة ليش تغلط
ابو فهد : ما اكدر لساني ماخذ وداعتچ
اديان : هههههه
ابو فهد : حظري روحچ انام ساعة و گعديني اخذچ اشتري ملابس
اديان : لا ماريد
ابو فهد : هسة انتي شعليج اني ماخذج
.. بالخمسة گعدتة سبح و بدل و نزل كال منتضرج
لبست الجبة و شال سمائي و حطيت شوية مكياج
هم جانو كاعدين كلهم بالصالة ما حچو شي صعدت بالسيارة و هو صعد شغلها و سحب كلنس
ابو فهد : تمسحين لو امسحة اني
اديان : ترى والله ممبين
ابو فهد : هسة انتي عليمن حاطة اريد اعرف المغزة منها شنو
اديان : هيج بس احب المكياج
... لزم وجهي و مسح الحمرة
اديان : هايهية ارتاحيت هسة
ابو فهد : اي وداعتج ارتاحيت
.. رحنة للسنتر كُلشي چان بنفسي اشتريتة و هو يگولي بعد ذني شنو حتى متسوة الطلعة عليهن
جانت اكو بنية لابسة بنطرون و قميص و شال حلوة حاطة مكياج و مهتمة بنفسها لاخر نقطة بس تباوع علينة اني رحت انطي الحساب للبنية
شفتها تحچي ويا سويتها طفرة و وگفت يمة
- شيخ مو
ابو فهد : اي ليش
- مبين من شكلك
اديان : وهسة شتردين بالضبط
- منو يمج انتي
.. لزمني من ايدي و اخذنة العلاليگ و طلعنة اخلص من افراح تجيني هاي
ابو فهد : چان لزمتيها و كتلتيها بالسنتر ليش ضايجة
اديان : احنة مو همج و نضرب بسرعة نتفاهم بالاول
ابو فهد : ههههههههههههه ذيبة
.. بعدين رحنة للمطعم تعشينة و رجعنة
ابو فهد : ضايجة بعدج
اديان : لا
ابو فهد : انتي الاصل بوية شني هالزبل و تضوجين روحچ عليها
.. رفعتلة حاجبي و ما حچيت
.. مشت الايام افراح ابد متحچي وياي رحنة لدبي تجنننننن احلا حتى من تُركيا 8 ايام بس ورجعنة چانت حلوة بس غالية
حيل بضاعتهم
هو چان عادي يدفع بس اني من نفسي ما اخذ استحي
من ما ارفضلة شغلة يدللني و ميصيح و يضحك وياي
بس اذا اعاند يگلبها صياح ويضوج
ورجعنة للبصرة الظهرر ...
سلمت عليهم بس افراح ماكو گبل صعدت نمت هو هم اجة نام بالليل سمعت صيااح باوعت على الچرباية ما لگيتة ركضت يم الدرج
شفت ......
شتتوقعون ؟
