رواية المتمرد والصغيرة الفصل التاسع والأربعون بقلم رسل
اديان : ماريد شنو توكلني گدامهم استحي
ابو فهد : انا ما احسها تنقص قيمتي انتي شبيج تستحين
اديان : لا عليك الله ماريد هو اني ما اكل باچةً تلعب نفسي
ابو فهد : هايهية گومي للمطبخ هسة اني اجيج
اديان : ما اريد ابقة كاعد هنا
ابو فهد : ميخالف عود
كمت من يمهم ...
فدعة : يا خايبة حتى ما متريگة
اديان : لا ما اشتهي
هيفاء : هي وين تگدر تاكل متشوفين ايدها ملفوفة
فدعة : يييا صگد والله
ابو فهد : كافي اكلو عوفوها متاكل باچة
- شني هالعيارة شبيها الباچة منو محصلها
- هههههه اي والله
زيد : هسة البنية متحبها شلچن غرض
.. عفتهم و رحت گعدت بالمطبخ
فدعة : يا خايب ما تاكل مفطوم على التليفون
ابو فهد : هسة اوگفي ...
بدو يرجعون بالصحون مال العزايم للمطبخ و هنَ اجن للمطبخ يسولفن اجة هوَ حط على الميز علاگة طلع منها لفتين صاج و لبن
ابو فهد : مو زين الببسي لان مماكلة شي
اجتي هيفاء حچت بصوت ناصي
هيفاء : انا اوكلها خوية غير ياكلنك هسة بهاي العيون
ابو فهد: توكلج هيفاء لو لا
اديان : اي
ابو فهد : يلا كملي و تعاي انا انتظرچ بالصالة
.. اول ما طلع ضلن يسولفن من جان موجود كلهن ساكتات
- هو شدعوة ما مصدگ
- لا خايبة هنَ بنات بغداد ملعبات
- طاگتة بسحر يرادلها روحة للقاضي
هيفاء : لا حبيبة السحورة لاهلها
ام غزوان : بسچن حبيبات ما تكفن من المشاكل
.. اكلت من اللفة للنص و عفتها مو شبعت بس استحي
الله لا يوفقچ سليمة
فهد : اديان ابوية يريدچ
... رحت للصالة اشرلي يمة مشيت و كعدت يمة
ابو فهد : بيت عمي يعگوب شعجب ما اجو
اسماعيل : بعد سوايت بتة يگول خجلان اواجه الشيخ
ابو فهد : هو شلة غرض هي ادبسززً
خليل : يابة ابو فهد يگولون كلة سفري و كذا
... گامو يضحكون يمكن ذولة ماعدهم شي اسمة معليك لازم كلها تدخل بالچبيرة و بالصغيرة
اسماعيل : اي بوية ما گلتيلنة شلون احترگت ايدچ
.. باوعت لابو فهد
اديان : احجي لو لا
.. هزلي براسة اي
ولاء : تعلمن بروح الحسين
خليل : الله وكيلك كل النسوان هيج بس العدنة الله چالبهن
اديان : عمو اني البارحة چنت دا اغسل المواعين اجتي سليمة يم السنك اني رحت للميز اخذ المواعين البقية لان اني ما احچي وياها اصلاً هي تكرهني اجيت حطيت المواعين بالسنك احترگت ايدي بالمي الحار و اني چنت مشغلة البارد
اسماعيل : يابة يحوز السخان ضرب لو انتي فاتحة الحار بالغلط سليمة حلفت بالقران دگول ما شغلت المي الحار عليها
و حتى اذا ما غلطانة اني ادبها وانتن شيلن الحقد البگلوبچن
اديان : والله عمو اني ما عندي شي و ما حاقدة على واحد هي سليمة شادة عداوة وياي و كلها تدري لعد هي الي كتلت ابني متسوي هاي
سجاد : لك نفس الطينة كلهن يرعدن
فدعة : چا اختك حارگة ايدها تريدها تسكت
سجاد : والله هي سليمة ما تگعد راحة
اسماعيل : اليگولة ابو فهد يمشي
ابو فهد : عمي اني ورا حچي اديان ما اشكك لان ادري بيها ما تچذب و حت لو چذبت يبين عليها و سليمة هاي صار الدگة الثانية الها بمرتي المرة الثالثة تتطلگ و هذا ابوي گدامة اگولها
اسماعيل : لا عمي ما تصير ان شاء الله و هذا راس مرتك ابوسة
ابو فهد : لا ماكو داعي عمي
و سليمة ردوها بس نفس ما حذرت لان انا مليت من مشاكلها
اسماعيل : سجاد روح جيب اختك من البيت
.. حاچيتة بصوت ناصي
اديان : ترى ما سويت شي هم رجعت
ابو فهد : مو بيدي وداعتچ مغلوب على امري
اديان : هفففففففف
ابو فهد : سلامتج بوية
.. ضلو كاعدين يسولفون و كل شوي چاي مي
و اجتي سليمة باستني
سليمة : انا اسفة حبيبة بس وداعت الحجي انا ما سويت هيچ
.. و گامت تبچي سكتنها النسوان
اديان : ضجت من. الكعدة هنا
ابو فهد : صعدي بس تكدرين تفتحين الباب مقفول
اديان : لا
.. صاح لفهد گلة افتح الباب لاديان و جيب المفتاح ضليت بالفستان و نمت الله ذاب علية النوم هاي الايام
مرت خمس ايام ايدي صارت زينة ...
.. دخلت للغرفة الظهر لگيتة نايم و تليفونة مفتوح اخذتة
ضليت اتصفح بي و ياريت ما دخلت ......
______
[ أهلي ما جابو بلابُل .. سوالفي محلية السلف♥️😌]
كم بلبل عدنة ؟ 😂
