رواية معشوقه الضابط علي الفصل الرابع بقلم ارسلان جاف
مسااااء الخيرلاهل الخير
مسااااء الطيب لاهل الطيب ♡
مسااااء الود والحب ♥
مـساااء التفاؤل واﻷمل المكلل بالسرور ♡
مســائكم منور بالصلاة على الرسول♥ صلى الله عليه وسلم
≈ مســـائكم جنة الرحمن ≈
تجَريُ من تحَتھا الأنھَار ..
≈ لاوَداع فيھا ولا أحزُان ..
ولا هم ولا آلم . .
≈ مســـاء الإحتَياج ≈
لعونه.و. توفيقه .. ورضآھ
مــســاااائكم نوره القرآن
هناس... كعدت شمس عاليه ماما بعدها نايمه عزاا ساعه يااا يا صخام ساعه ٩ ياربي ما ضل وقت هسه يطردوني والله كمت على سريع غسلت وجهي خليت بس كحل اووف وكتج هناس عدلت شالي نفس ملابسي رحت لكيت ماما كاعده صباح العافيه ماما شلونج
فاطمه.. صباح السعاده الج يروحي الحمد الله هسه احسن اخواتج وين شلونهم
هناس.. راحوو للبيت خالتي ام حسام نامت يمهم اني بقيت يمج بس هسه لازم اروح للشغل ما بقه وقت البنات الظهر يجون تمام ماما
فاطمه.. اخذي راحتج بنتي الله يوفقج هناس ديري بالج على نفسج يمه
هناس.. لآ تخافين ماما مع السلامه بستها من راسها وطلعت تكسي اخذت تكسي ألحمد الله رجال جبير لازم اتعلم واعتمد على نفسي خل اشوف اخواتي اي الو هدى شلونج بنات راحن لدوام
هدى.. هلا عيني اي والله راحو واني. جاي انظف البيت انتظر خاله ام حسام نحضر طلبيه اليوم نستلم فلوسها انتي شلونج ماما شلونها
هناس.. هاا اي زين والله الحمد لله ماما عفتها كاعده سألت عليكم تعبانه ديري بالج على نفسج يروحي اني رايحه للشغل اتاخرت هم
هدى.. لآ تخافين عليه اووف اخذي راحتج حياتي انتي الله وياج
هناس.. ماشي باي سديت الخط منا عمو من هذا الشارع ايدي على كلبي خاف تضل تحجي عليه رقيه خاف يطردوني عزاا وين الكي شغل اذا انطردت بعد احسن اشتغل بل المختبر والله كريم
رقيه.. خوش والله دنيا؛ ظهر ولحد الان ماكو اليوم تطردها ليش ننطي فلوس على مزاج يشتغلون
ابراهيم.. هسه تجي ونفتهم منها على كيفج اعصابج من الصبح
سيف.. شصار يجوز عدها ظرف او مشغوله قدري وضعها
رقيه.. اني مخلبني شكو دافع انت هاا اجت واخيرا شرفتي ست الحسن فد مره تعالي الظهر
هناس.. ركض دخلت البيت كلهن مجموعين على ريوك عزاا فشله هسه ترزلني كدامهم اووف بدت خلصت كلامها كلهم يباوعون عليه بس واحد منزل راسه وياكل ما باوع ابد حسيت عمري راح جوا الكاع اسفه والله اسفه حقج عليه أن شاء الله اخر مره ليش اعتذر خل تطردني عووع
رقيه.. ما تمشي كلمه اسفه عندي لا تضلين تمسكنين كدامي امشي ولي مثل ما اجيتي ترجعين
ابراهيم.. امشي بنتي هاي بعد صممت على قرارها ما يصير انتو هم التزموا يوميه تتأخرون
هناس.. عمو والله اسفه عندي ظرف اتوسل عوذه عبالك وحوش ماشي عمو الي تريده يصير من رخصتكم. احجي بكلبي بعد احسن تسون فضل عليه
سيف.. انسدت نفسي
هناس.. ماشي مشيت واحد صاح ورايه
علي... اوكفي روحي كملي شغلج بدون كلام
رقيه.. علي شبيك اني طردتها ليش ترجعها منو هيه ترجعها
علي.. كاافي ماما طوختوها ويه البنيه هم بشر مثلكم عدها ظروف ماشي يلا من رخصتكم صدك عندي موضوع وياكم تكلمت ويه جدي
ابراهيم.. خير ان شاء الله ماشي ما عدنا شي من احنا تكدر هسه تحجي
علي.. اي والله ياريت بلا زحمه عليج ريهام كووليها تسويلنا كهوه ساده
رقيه.. اني ما اريد لا تسوي
ريهام... حاضر خاله
هناس.. عود شعجب ما خلاني اروح مشى كلمته عليهم رحت المطبخ مقهوره احس ما عندي كرامه بنفس الوقت ما اعرف فرحت بكلامه اتذكر كل كلمه نطقها صافنه اجتي بنت حبابه ناعمه
ريهام.. هلوو شلونج اسمي ريهام زوجه سيف انتي هناس مو
هناس.. هلا عيني اتشرفت بيج اي اسمي هناس
ريهام.. فدوه اسمج يخبل صدك نسيت عزاا يردون كهوه ساده علي يريدها بل صاله كاعدين عدهم موضوع خاص استعجلي اني رايحه على جهالي فوك نايمين
هناس.. حياتي اخذي راحتج ماشي رحت بديت اسويلهم كهوه خليتها بل الفناجين
علي.. ماما بابا قررت اتزوج تكلمت ويه جديتي وجدي ما عدهم مانع هاا شو انصدمتو
رقيه.. كلوكشسس كلوكششش يم عيد يروح امك فرحتلك واخيرا قررت تزوج اختار الي تعجبك
إبراهيم.. صدك تحجي لو تشاقه خاف مثل كل مره بعدين تنسحب اي اذا بعد متكلم ويه جدك احنا هيج تدلل
علي.. ليش زعطوط اني لا هل مره قررت
رقيه.. منو هيه ما اختاريت
علي.. بنت عمي هيثم الي جاي تدرس سهام بس هاي عاجبتني ادري بيها ما تريدني بس ما تصير لغيري تمام
رقيه. بس هاي جاي تدرس ما مفكره بل الزواج معقده هم همها بس دراسه ليش بنت خالك رواد اطياف تخبل حلوه
ابراهيم.. يكولج يريد سهام بيها الخير ابشر ان شاء الله نخطبها الك وتدلل الف مبروك ابني واخيرا قررت تزوج بنت عمك بعد نعم ما اختاريت
هناس... دخلت اقدم الكهوه يحجون بموضوع الزواج يمكن يريد يزوج خليت الفنجان كدامه صارت عينه بعيني
رقيه.. اني ما ردت كهوه امشي اطلعي يلاا روحي خلصي شغلج
هناس.. ماشي حاضر اخذت الفنجان هو عيونه عليه بس صافن ما عجبني شبي هذا توني امدح منه رحت للمطبخ لكيت سيف نظراته الي مو راحه اووف
سيف .. هلا هناس شلونج خاله فاطمه شلونها
هناس.. الحمد الله بخير الله يسلمك مشكور
سيف.. لآ شكر على واجب تدللين اي مساعده اني حاضر شبيك تصيح اجيت اخذي راحتج
هناس.. طلع علي صاح على سيف بنبره صوت خشنه طلع ركض عليه رحت كملت شغلي
هبه... اي عبير اخبارج اخبار الحب مالتج بعدكم لو يوميه زعل
الكاتب ارسلان جاف
عبير.. لآ حبيبتي ماكو زعل ان شاء الله بس اخلص ناوي يجي يخطبني ونتزوج
هبه..صدك والله ياريت الف مبروك والله فرحتلج هذا هم اجه عبير اني رايحه باي
فارس.. ممكن توكفين لحظه ما اكل ترا عندي كلام وياج
هبه... انطيته ظهري واني ما عندي كلام وياك روح احسن الك والي والا والله اروح اشتكي عليك الي اعرفه انت مو ضمن طلاب جامعة
فارس .. اعصابج عيني ما ناكل ترا براحتج حياتي اشوفج بخير
هبه.. راح اشكد تافه راح يجلطني هذا شكو جاي يوميه كرهت جامعه من وراه
عبير.. وانتي شكو صرتي عصبيه فد مره ما كال شي هو شبيج انتي بعدين ولد خوش ولد الف وحده تتمناه ضلي نزيهه برأسي
هبه.. هيج نماذج معروفين ماكو داعي تضلين تلغين برأسي كومي ندخل المحاظره يلااا
فارس ... وين صرت موو كتلك اريد رقمها بسرعه شصار
لؤي.. شبيك ان شاء الله اليوم يوصلك الرقم تدلل سلم بأول يول ما تعرف الأصول
فارس. انجب لك يلا ولي مشكور على خدمه انتظر لا تتأخر يلا باي سديت الخط شفتهم دخلت بعد ما اجي اني اعلمج الا اخليج تكرهين نفسج مو فارس توكف بوجه مره خير انتي
فارس. انجب لك يلا ولي مشكور على خدمه انتظر لا تتأخر يلا باي سديت الخط شفتهم دخلت بعد ما اجي اني اعلمج الا اخليج تكرهين نفسج مو فارس توكف بوجه مره خير انتي الثانيه الو رهف شرايده
رهف.. اترقى اشويه شبيك اسأل عليك صار ساعات من طلعت وينك
فارس .. نار جهنم كرهت حياتي وياج وين رايح منين جاي تاالي وياج انتي هسه اجي
رهف.. شبيك طبعا اسأل عليك مو زوجي بعدين ابنك يبجي يريد يطلع برا ضايج عمامك اليوم يجون على العشا عمي خابرني كول ما كالت
فارس ... ماشي هسه اجيب عشا جاهز لاتسوين ماشي رايده شي بعد
رهف. َسلامتك حياتي اخذ راحتك
كيان.. ماشي يلا باي
هدى... منو بل الباب منوو
خال. عرفان ... اني خالج افتحي
هدى.. عزاا خوالي هلا خالي هلا خاله شلونكم اتفضلو
عرفان... قبل لا تتفضل وين أمكم صدك نايمه مستشفي ليش محد بلغنا
هدى.. منين عرفوو ضليت مرتبكه عاط بيه خالي امي نايمه مستشفى من البارحه اتخربططت
ايمان.. والله ولحد الان ما وحده منكم بلغتنا ليش عود عمج وين ليش ماكو احد يمكم
هدى.. هو عمي السبب اجه كام يحجي على امي واخواتي واتخربطت
عرفان.. اي حقه يحجي اذا امكم تشتغل بل البيوت فضحتنا بعد ما تضل اهنا امشي اختي اي مستشفى احجي
هدى... موجوده مستشفى.... اوووف راحو عزاا ياخذون امي والله نموت والله خل اخابر هناس تتصرف الو ولج الحكي خالي عرفان اجه هو وخالتي ايمان راحو على امي يريدون ياخذونها
هناس.. على كيفج وياي تراا دخت عزاا منين طلعوو احنا نديح تدرين ماشي هسه احاول اطلع ماشي لا تخوفين البنات هدى
هدى.. ماشي عيني فدوه لا تخلين ياخذون امي والله تعبنا انوب امي
هناس.. يلا باي سديت الخط لان شفته اجه على المطبخ فتح الثلاجه طلع بطل مي انطيته ظهري واشتغل
علي... ما اعرف من باوعت بعيونها كل مشاعري اتحركت اشوفها تفتر بل البيت وطولها يوكع اكبر واحد جمالها طبيعي انطتني ظهرها ضليت صافن على ملامح جسمها خرب بس اكو شي هيه وأخويه سيف اصبري اويلي خرب استغفر الله ربي طلعت
رقيه.. يمه احنا رايحين لبيت عمك تجي ويانا نخطبلك سهام جدك دز علينا
علي... شكو مستعجلين عود ماشي رحو انتو بعدين اني اجي
رقيه.. ابوك مستعجل يكول تخطبها احسن لان عنده سفر بعد يومين ماشي عيني احنا نروح نشوفهم خاف ما ترضه كلشي يصير
علي.. بكيفها ما ترضه اجيبها سحل من بيتها بنت عمي ليش ما ترضه تاكل تبن
ريناد... صدك سمعنا راح تزوج الف مبروك يروح اختك واخيرا راح نفرح بيك
علي.. بعد بس ابوج مستعجل يريد يروح يخطبها هسه وجدي هم كذللك
ريناد... شكو بيها بس ما لكيت غير سهام شايفه نفسها اهوايه وكيحه ههههه
علي.. َاريدها من زمان يمي تصير فقيره ما عندي مره وكيحه كلكم شايفين نفسكم ال حيدر جدي بعد كلهم مثل. عمي نفس هههههه يلااا اني طالع
ريناد... الله وياك هاا ولج ليان ام لسان شلونه الحب وياج عفتكم متزاعلين
ليان.. لآ حبي علاقتنا توب تجنن تعاالي شوفي صور مالته يخبش
ريناد.. ليان شو بان تكول ما عجبتني علاقتهم ليش خوفتني ليان صيري عاقله والله اذا عرفو اخواني يموتوج تدرين لو لا
ليان.. شبيج انتي وبان خل تولي تغار تحجي هيج لان احجي عليها هيه ومصطفى
ريناد.. منو مصطفى عزاا بس لا هيه هم مرتبطه شنو انتو ما تفكرون ليان ديري بالج اذا نيته شريفه خل يجي يخطبج تمام بعد ما اتكلم وياج افتهمتي
ليان.. خلص وعد اخلي يجي يخطبني علمود تصدكين بس لا تزعلين والله هو يريد يجي بس اني ما اخلي شبيج رنود زعلتي
ريناد.. ما زعلت بس اريد مصلحتكم اذا صار شي سيف وعلي يذبحونج يلا اني رايحه كومي لا أحد يشك بيج
هناس... احسه يراقبني بديت اخاف منهم سيف ما ارتاحليه علي ما اعرف خل يطير خلصت شغلي بسرعه اريد اروح على امي ممكن تقبل
ريهام ... هناس ما تروحين يمكن خالتي يجون خطار تتحاجج يمكن هسه خابرتني ما تروحين
هناس.. بس اني خلصت شغلي ما اكدر والله امي تعبانه شلون
بأن .. شكو شعدها خطيه شكلها مشغوله بس أمي هاي تسوي مشكله اذا كسرتي كلمتها ورحتي
هناس.. ماشي متت ما كعدت ابد احس جسمي اتكسر من الشغل جابو شغلات العشا شفت ولد حضرو منقله والفحم بل الحديقه اجو شكلهم فرحانين عزاا راح عليه شغل مختبر اووف
علي... رجعو اهلي عمي كايل ننطي بس يسألون البنيه خليتهم على راحتهم احس شي غير حياتي دايخ لكيتهم محضرين مشاوي هلا اويلي شنو هل ريحه اكل
سيف .. ريناد يلا جاهز بس شوي
ريناد... هسه هناس حبيبتي اخذي شغلات عليهم يريدون يشوون
هناس.. ماشي اخذتهن بس دايخه من تعب بالي يم امي خاف خالي اخذها جاي امشي وصلت سيف وكعت صينه من ايدي عاط بيه دفعني وكعت بل الكاع
علي.. شفتها اجت عثرت وكعت صينه سيف دفعها وكعت فشلت منه شبيك انت شكو تدفعها خبل
سيف.. وانت شكو حامي ما تشوفها ثوله كله صار وصخ صار ساعه نحضر
علي.. وحضره جنابك ما تتنظر يجي غيره كومي ريناد تعاالي كامت تنفض بملابسها انقهرت عليها بجت بس انتفضت بغضب احسها صارت بركان
ليان... ما بيها داعي سيف خطيه هيه ما مقصره
بأن .. كلكم ما عدكم رحمه شنو ذنبها بنت مثل الورده أهلها دازيهاا تشتغل يمكم
علي... كاافي يلا بنات ليان بان تعالو اغسلو كاع يللا وانت احترم عفتهم صعدت لغرفتي اتذكر شلون وكعت وفشلت صرت كالبها الله لا ينطيك سيف
هناس..فشلت من علي اكثر شيء وكعت كباله عزاا اشكد عيب فشلت كلش ساقتي صارن كباله اشكد كرهته سيف رحت لغرفه استراحه بجيت نمت ما حسيت على روحي الا الباب يدك انفتح الباب كوه افتح عيوني
بان... هناس هناس كومي اكعدي اخواني ياخذج للبيت ما ضلل وقت ما حبينا نكعدج اذا موضوع سيف نعتذر منج بابا رزله والله
هناس.. هاا لا عادي حبي ماشي بس احضر نفسي طلعت كمت حضرت نفسي لكيتهم متعشين ومواعين مغسولات الحمد لله خلصت اروح للبيت
علي... كاعد ويه امي وابويه وجهال يلعبون اخواتي يباعون فلم ابويه مندمج وياهم اكلب بل تلفون سيف ولد عمي يلعبون طوبه بل الحديقه اجتي رفعت عيوني اباوع عليها احس روحي ما تشبع من نظر الها عود ليش يالله نزلت راسها شكلها فشلانه مني
علي... كاعد ويه امي وابويه وجهال يلعبون اخواتي يباعون فلم ابويه مندمج وياهم اكلب بل تلفون سيف ولد عمي يلعبون طوبه بل الحديقه اجتي رفعت عيوني اباوع عليها احس روحي ما تشبع من نظر الها عود ليش يالله نزلت راسها شكلها فشلانه مني
رقيه... يلااا حضرتي نفسج واحد من ولد خل يوصلها للبيت مالتهم منو بيكم ما عنده شي بان شوفي أخوج سيف
علي.. اني اوصلها ما عندي شي بان اكعدي عوفي جاي يلعبون
ابراهيم.. ماشي يللا روح وديها لبيتهاا وارجع مو تتأخر ليل وضع مو زين ماشي
علي.. ماشي بابا ان شاء الله اخذت سويج وطلعت هيه وراي احسها خايفه فتحتلها الباب
هناس.. يمشي طوله يخبل بس خايفه اووف يمه وين جبتيني انعل هيج عيشه بل الذل فتح الباب اذا ما تصير زحمه عادي أصعد وره
علي.. اي عادي فتحت الباب صعدت احجي بكلبي سايق مال خلفوج اني شغلت السياره وطلعت
هناس.. جان محترم كلش ابد ما باوع لو غير شخص يضل يباوع بل مرايه اجتي رساله من هدى ( هناس تعاالي للبيت امي رجعت للبيت تمام ليش اتاخرتي وينج) يالله هيه صحتها مو زينه شلون طلعت من المستشفى اووف
علي.. من وين قصدي بيتكم وين..
هناس.. اسفه من هذا الشارع ساكنين بس عجبني كلش محترم وأخلاق ان شاء الله يضل هيج ثاني فرع بلا زحمه عليك
علي... ماشي
هناس.. وصلنا يمك هذا البيت فتحت الباب ونزلت لازم اتشكره نزلت من السياره والتفتت عليه مشكور تعبتك وياي
علي.. لآ عادي ماكو تعب ابتسمت وراحت اشكد بسيطه وفقيره وحلوه هم شغلت السياره وطلعت
هناس.. وصلت البيت سلام عليكم ماما حبيبتي شلونج
فاطمه.. هلا يمه الحمدلله بخير ليش اتاخرتي بعدين منو جابج
هناس.. تحجي وياي بنبره عصبيه ماما عدهم عزيمه جماعتهم يمكن ما خلوني هسه خلصت ابنهم علي وصلني
فاطمه... خوما حجه وياج بل الطريق هناس
هناس.. شبيج ماما اني مو صغيره شكو شغلتيني لعد ماطول ما عندج ثقه بيه لا ما حجه محترم طول طريق ساكت
فاطمه.. مو قصه عندي ثقه بيج بس الدنيا تخوف صحيح همه خوش ناس وصار سنين اشتغل يمهم ما شفت شي مو زين منهم بس دنيا ما بيها امان يمه
هناس.. لآ تخافين عليه يمه اخذو راحتكم داخله للحمام تعبانه عفتهم ورحت دخلت الحمام ميته تعب
هدى. َليش هيج ماما وياها هيه تعرف نفسها ترا خطيه توها اجت تعبانه
فاطمه.. أريدها تتحذر ودير بالها هيج ناس عادي عدهم كلشي افتهمو يمه
هبه.. لآ والله كلشي ما فهمت تحجون كلام ما مفهوم
نور.. انتي ضلي غبيه ثول اي والله كومي نحضر اكل
فاطمه.. َهناس من تطلع الحمام خل تجي عليه للغرفه مالتي
هبه.. حاضر راحت امي هدى شبيها امي من جابها خالي هيه غريبه بس صافنه بس لا خالي سوالها شي خالتي بس تضحك
هدى... ما ادري والله مثلج هاي طلعت هناس هناس امي تكول خل تجي الغرفه تريد تحجي وياج
هناس.. خير ان شاء الله يمعوده شنو تريد اريد انام والله ميته نعس اكلج خوالي وين لعد منو جابها
هدى.. ما اعرف خالي جابها يضحكون وراح سلم علينا وراح خلاه ٢٥ بيد نور وراح
هناس.. ماشي رايحه فتحت الباب هاا ماما عندج موضوع وياي
فاطمه.. تعالي هناسه بنتي الجبيره فرحت صدري راح تزوجين وافرح بيج وتخلصين من حياتج هاي
هناس.. شنو ماما ما فهمت اي زواج هذا احجي ماما
فاطمه.. خالج رايدج لابنه فهد خوش ولد متعين مدرس يدللج بنتي تخلصين ابن خالج عرفان اليوم اجه عليه كال استري على بناتج هدى هم ابن عمها خالد يريدها يخطبها ازوجكم وارتاح
هناس.. شنو تحجين ماما فدوه لا ما مفكره اتزوج خليني مرتاحه هيج ما اريد اعوفج هدى اي شكو بيها فرحت الها لان اعرف بيها تريده بس اني لا ضليت صافنه بوجه ماما احجي بكلبي وعلي ما اعرف مشاعري متخربططه شجاب علي شبيج هناس هذا شبي كلبي كام يخربط
فاطمه.. شكو صفنتي جاوبي شبي ابن خالج فهد خوش ولد انتظر هبه تخلص ونروح يم خوالج ارجع البصره
هناس.. شتكولين ماما شنو هل السرعه ليش مستعجله علينا بعدين شغلي ما أكدر اعوفه ما متعوده اسكن غير بغداد
فاطمه.. اريد ازوجكم خاف من ناس والكلام طالع نازل تاالي وياج افهمي يلا كومي. نامي شلون الشغل وياج مرتاحه
هناس.. ماشي فهمت الحمدلله بس متعب يعني يلا ماما اروح انام تعبانه من رخصتج
فاطمه.. اخذي راحتج نوم العوافي
هناس.. الله يعافيج طلعت رحت على جربايتي يجي على بالي من دافع عليه من وصلني البيت من انصدمت بصدره اول مره بس ليش هيج نظرته الي ليش شنو تريدين نظرته الج خدامه هو ضابط اوففف شلون ضابط وشخصيه واله هيبته وسمعته خوما مثلج امي تريد تزوجني تخلص مني اووف انام وايصير خير ليش ما احجي خوما اضل ساكته بعدين ما خابرت دكتور واعتذرت منه عزاا راح عليج الشغل هناس
هناس.. كعدت ع صوت امي تصيح حته من تكعدين عبالك اني حيوانه تعبت اوففف مو عيش عبالك مو بنتج
فاطمه... انجبي شبيج من الصبح شنو مسويتلج يلا كومي اتاخرتي خاف يطردوج
هناس... علواه يطردوني واخلص علمود التفتت على شغلي المحترم راح اخسره من وره شغلج بس مذله
فاطمه.. انجبي وكافي لغوه يلا كومي اكلي لكمه وبدلي وروحي لشغلج
هبه.. شبيكم من الصبح وشبيج انتي شنو تريدين تعوفين الشغل
هناس.. اي والله ياريت يطردوني
هبه.. وليش عيني بشنو نعيش شلون اكمل دراستي فكرتي
هناس... ما مجبوره بيكم اني بس تعب مذله مو وضعيه هاي اذا ما طردني اليوم دكتور عفتهم وادردم دخلت الحمام اغسل
هدى.. شبيها هاي تنككك من الصبح اني مو جاي اشتغل بعدين امي كالتلها فتره لما تصير زينه شصار يلا كومي نشوف ماما اكيد ضاجت من سمعت كلام هناس من الصبح
هناس.. طلعت بدلت وطلعت يلا مع السلامه بدون ريوك رحت لبيتهم بدت فقره التنضيف
والغدا اهوووو اجوي البنات حبابات
كعدو وياي قبل الغدا راحو بدلو ونزلو اجه وقت الاكل علاقتي ب ليان وبان اشويه اتحسنت حجيتلهم عن شغلي اتفاجو عبالك اتقربو مني شنو الفايده بنظرهم خدامه لا أكثر اجا سيف من المحل بدل. نزل هو ومرته صبيت الغدا نزل علي ضليت اشتغل تعبت ٤ العصر
وطلعت يم الباب كبل اروح للمختبر شفته اجه شغل سيارته وكف سألني
علي... ليش مستعجله بعد
علي... ليش مستعجله بعد وكت
هناس... كتله ماضل وكت والله تكملت بنبره عصبيه منو هو يسألني
علي... تكملت وياي عود هيه ما عاجبها عابت شغلت السياره طلعت اني وصاحبي أمير
أمير... البارحه سويت تحليل تعال نمر ناخذه
علي... اوكي بس لا تكولي هذا المختبر ماشي طبيت شفت بنيه منطيتني ظهرها كتله عفوا بس اريد تحليل مالت امير ساهر
هناس.... التفت شفت علي نعم
علي... انت شجابج٠ هنا
هناس... اني محلله استاذ
علي... شنننو
هناس... اسم المريض عفوا لان شفت دكتور اجه يباوع بطريقه مستفزه غيرت الموضوع اخاف تصيرلي مشكله
علي... شتحجين سالتج
هناس... رجاء لاتسويلي احراج باجر تتفهم السالفه
علي... ماشي طلعت اخذت تحليل بس ما باوعت عليها ابد معقوله هيج بشر من الصبح لحد الان وتعبت عيونها نعسانه شنو من اهل حيوانات
ياسر.... هناس اخر مره اسامحج هاي اخر مره مو بس انتو اكو غيرج اهوايه
هناس... ماشي دكتور مشكور
علي... رحت للبيت سألت البنات كالو اي هيه خريجه علوم كيميا حياتيه
وتعرف بالمجال ذكيه وتشتغل وتعين اهله بل المصرف
ليان.. وليش سألت مو من عوايدك اسأل على خدم
علي... انجبي مو احسن بكيفي انتي كيفي
ليان... مو صوججك صوجي اني كتلك
علي..زعلت هههه مر اليوم وليل كله انتظر الصبح وافتهم منها اجت الصبح اتتنضف كتلها اريد احجي وياج مكالت شي
هناس... اتفضل استاذ
علي .... انت محلله
هناس... اي المطلوب
علي. ... انت ليش تشتغلين هنا اذا مو بحال الفلوس
هناس.... نزلت راسي ميكفي. مصرف رفعته بشموخ لان اخواتي يدرسن جامعات وحده سادس وامي مريضه
علي... ماكو بس انتي
هناس... للاسف اي يلا من رخصتك استاذ عفته ورحت للمطبخ ما حبيت تتدخل مالته زايد من عنده واذا شافني محلله شنو هل فضول يلحكك تسأل بعدين منين عرف اكيد بان او ليان كالولاا
علي... استغربت كلش شنو من اهل اهله بعدين هيه شكو رافعه خشمها بدلت وطلعت بس دوختني خرب بيومها..
شكرا لزيارتكم عالم روايات سكيرهوم
