رواية اريد رجلا الفصل الرابع 4 بقلم اية محمد

 

رواية اريد رجلا الفصل الرابع بقلم اية محمد


 - و أيمانات الله كلها .. رغد أخته يا بنتى .. و إحنا نيتنا خير و مش هنضر لحمنا أبدا ! 
عيون سديم توسعت بتعجب .. و بصت للست بدموع ، ثم قالت بحنين :  د.. دادة فتحية ؟! 
فتحية قلبها استجاب اسرع من عقلها لما سمع صوت سديم .. بصتلها و قالت بانفعال : مين .. سـ سديم .. ؟! 
*جوا فى البيت* 
كانت رغد بعزم مـ فيها بتحاول تفلفص من قبضه مروان ، لكنه زى الجبل ... مفيش شعرايه منه اتهزت .
مع حركتها .. مروان جت فـ أنفه رائحة شعرها .. و جسمها الشبيهه برائحة الفراولة .. بلع ريقه و بص بعيد وهو بيقول بعصبية .. كإنه بيركب قلبه قطر ٦ إلا تلت .. قبل مـ يركبه هو ! : اهمدى بقى يا شيخة ،انا مش عارف سديم راحت فينا داهية هيا كمان ! 
البنت سكنت .. وكان لسه هيشكر ، لقى إلى بتدب فـ ركبته بجزمتها ، و فى لخمته قررت تتحول لزومبى مؤقتًا و تعمله ساعة فـ كف ايده بأسنانها ! 
مروان تأو'ه بألم .. و افلتها بسرعة .. وهو مش عارف يداوى أيده ولا رجله ..: ااه..اخخ.. يا بنت العضاضة ! 
رغد رجعت خطوة لورا و ضمت أيدها لصدرها ...ثم قالت بخوف طفولى .. : ء احسن .. انت واحد متحـ'رش ، لما تلـ'مسنى و تقرب منى كده ! 
مروان اتصدم من كلامها .. و قام فايق لها  : مــ  إيه يختى ، مهو من فركك يا ١٥٠ سم .. شوية و كنتى هتقعى فى جيبى ! 
رغد بعدت عنه اكتر ، و خدت كام خطوه لورا .. : بس متقر'بش... هتندم ! 
مروان حس بالخوف فـ عينيها.. ابتسم بشر و قال علشان يخوفها اكتر و ينتـ'قم لرجله إلى جابت شاشة ...: تيجى نتراهن  .. أنا هوريكى المتحر'ش الحقيقى بيعمل اية وانتى لو عرفتى تندمينى ، فرجينى يا شبر ونص .. ! 
و جرى وراها .. ، رغد بقت تجرى كإنها بتجرى بحياتها بجد.. وهو مستمتع بمنظرها الى بقى زى الفار المبلول .. فجأة رغد حودت على الباب و خرجت بإرادتها وهى بتصر'خ : والله لـهخلى قصى ينفخـ'ك .. يعمل منك كفتة عـ السيخ كده ! 
* فى الخارج *
قصى كان متابع المنظر قدامه .. بص للدادة و قال .. : انتى تعرفيها يا فتحية ؟! 
الدادة مشيت الكام خطوه الفاصلة بينها و بين سديم ،... خدتها فـ حضنها بشوق .. كإجابة وافيه على سؤاله 
فتحيه بصوت فيه حنين .. و شفقة وهى بتتحسس دراعتها .. : سـديم .. ، انتى .. انتى بتعملى أية هنا .. و مالك خسيتى و شكلك بقى عامل كده ليه .. ؟! 
سديم تو'جعت إثر ضر'ب معتز ليها .. مسكت إيد فتحيه ، و قالت : أنا اتجوزت .. 
الخبر نزل كالصاعقة على فتحيه ..وقبل م ترد ، قصى قاطعهم بضيق : الف مبروك للأسف مجبناش طبل بلدى ... مـ تظبطى يا فتحية ، هى اغلى من رغد !؟ 
ثم قرب من سديم و قال بوعيد : بس حلو .. دلوقتى ملكيش حجة لـ تمثيلك البايخ ده .. "بص فى الساعة و أردف " معاكى دقيقة .. اختى لو موقفتش قدامى أنا ههد البيت على صحابه .. !
سديم بجرأة ...: اختك فـالحفظ و الصون .. أنا هخش اجيبهالك بنفسى ..  
علشان فـ ثانية تلاقى رغد بتجرى من بعيد .. ، و نازلة فـ حضن قصى وهى بتتصبب عرق و قبل مـ يغشى عليها شاورت على مروان إلى جه وراها... : قصى .. الـ الحقنى ، مسك إيدى جامد و كان عايز .. عايز .. " فقدت الوعى" 
قصى مسك إيدها لقى فيه علامات حمرا لقبضة إيد متو'حشة !  
شال رغد و حطها فـ العربية بهدوء  ،  و قفل العربية عليها علشان تعزل صوت إلى هيحصل .. 
و رفع وشه وهو بيقول بابتسامة عصبية لسديم .. : قولتيلى فالحفظ و الصون .. ها ؟.
سديم بصت لمروان و رقبتها قد السمسمة من الكسفة .. لقت الرجاله محاوطينه ، و قبل مـ يتعجـ'ن وسطهم قال شىء غير مفهوم .. زى المجنون : يابنت اللعيبه .. كسبتى الرهان ! 
تعليقات



×
insticator.com, 6ed3a427-c6ec-49ed-82fe-d1fadce79a7b, DIRECT, b3511ffcafb23a32 sharethrough.com, Q9IzHdvp, DIRECT, d53b998a7bd4ecd2 pubmatic.com, 95054, DIRECT, 5d62403b186f2ace rubiconproject.com, 17062, RESELLER, 0bfd66d529a55807 risecodes.com, 6124caed9c7adb0001c028d8, DIRECT openx.com, 558230700, RESELLER, 6a698e2ec38604c6 pmc.com, 1242710, DIRECT, 8dd52f825890bb44 rubiconproject.com, 10278, RESELLER, 0bfd66d529a55807 video.unrulymedia.com, 136898039, RESELLER lijit.com, 257618, RESELLER, fafdf38b16bf6b2b appnexus.com, 3695, RESELLER, f5ab79cb980f11d1