رواية الليلة يا سمره الفصل الرابع
هفرح على ايه على انك طلقتني من جوزي وخليته باعني كده قدام الخلق دي حاجه تفرح يعني
عربي اتنهد وقال... قولي الحقيقه انتي قلقانه من ايه ما فيهاش حاجه لما تفضفضي وياي .....انت كنتي مجبوره على جوازك من عبيد صوح
سمره بلعت ريقها بارتباك وقالت...وحتى لو ..ده مش مبرر يخليك تعمل اللي عملته
عربي ايتسم و قام وبقى يطلع هدوم ليه من الدولاب وبص لها وقال .....انا مبسوط قوي يا سماره
سمره بصتلو باستغراب وقالت....وايه اللي باسطك خير ان شاء الله
عربي ابتسم وقال ....مبسوط اني روحت هناك الليله اللي فاتت وقابلتك...و مبسوط ان الغبي طليقك اتطس في دماغك ووافق يطلق..... ومبسوطه اني اتجوزتك....و قرب منها قوي وقال....ومبسوط قوي بالوقت اللي كنتي بين اديا فيه ..انتي كيف حتت الملبن يا بت ملبن مدقتش احلى منيه واصل.
سمره نزلت عيونها بكسوف وقالت..... انت عايز ايه يا عمده
عربي رفع وشها ليه وقال.... العمده مبسوط اني اول واحد في حياتك.... ورايد اديكي فرصه يوم اتنين تلاته عشره مش يمكن يكون ربك راد يا بت
سمره ضحكت بخفه وقالت ....كده من يوم وليله
عربي ابتسم وقال .... وفيها ايه احنا هنه في الكفر كله بيتجوز من غير حتى ما يشوف عروسته وبيعيشوا عمر بحاله مع بعض
سمره قالت باستغراب ....يعني قصدك ايه
عربي اتنهد وقال ....قصدي اني غيرت رايي يا سمره مهو مش معقول الغباء ده يا بت كلامي واضح فيه ايه
سمره قالت باستغراب.....مهو كلامك غريب قوي يا عربي يعني تشوفني امبارح و
عربي قاطعها وقال بسرعه..... قولي عربي تاني كده
سمره ضحكت بخفه وقالت... عربي
عربي مشى ايده على شعرها بحنيه وقال.... ممكن عربي يطلب منك السماح
سمره قالت بابتسامه ..مسمحاك ما تقلقش.... لان كيف ما قلت انا اصلا ما كنتش طايقاه....ما انكرش اني صعبت عليا نفسي وحرجتني قوي قدام الخلق وبالذات قدامك انت بس في النهايه خلصت منيه.... ابويا كان مصر عليه لانو ولد عمي بس انا ما كنتش عايزاه...من الاول كنت عارفه انه مش راجل و كلمه توديه وكلمه تجيبه يلا اهو غار
عربي ابتسم وقرب منها قوي وقال ....معاكي حق هو ما يستاهلكيش اصلا انت مهره محتاجه خيال وربنا بعت خيالك لحد عندك
سمره وقفت بسرعه وقالت...احم....ماشي روح استحمى واطلع علشان اروح انا كمان يلاا
عربي اتننهد وقال بتتهربي ماشي...هتروحي مني فين قاعدلك
وراح يستحمى
سمره ابتسمت بسعاده وفضلت تفكر في كلامه
بعد دقايق خرج وبصلها وقال...يا بت جملك هبشني....والهبشه جات في العبايه ....رما...
قاطعتو وقالت بسرعه...باااس..عرفاها اتلم بقى حتى غناويك ساقطه زيك
ولسه هتمشي مسك ايدها وضحك وقال..يابت ليقالك خليني اكملها
دفعتو بخفه وقالت...كملها لحالك يا خفيف انا هدخل اخد دش ...صحيح البس ايه بعد ما استحمى
عربي قرب منها وقال ....تعالي على كده ما تلبسيش حاجه هتبقى احلى بكتير صدقيني
سمره بصيت بضيق شديد وقالت... تصدق بالله انا غلطانه اللي بسالك اصلا
عربي ضحك بخفه وهيه اخذت حاجه من دولاب ودخلت الحمام
بعد شويه خرجت وهي لابسه قفطان ابيض بتاعه شكله بيضحك عليها
عربي ضحك وقال....ايه ده بس يا عمده مش بالراحه علينا شويه
سمره بقت تسرح شعرها بلا مبالاه بكلامه وقالت.... على سيرة العموديه ...هو مش المفروض ان انت استلمت العموديه بعد ابوك
عربي قال بفخر...ايوه طبعا انا العمده
سمره قالت...اممم عاد ليه كلها بتقول ان عمك بيعمل كل حاجه وانت زي قلتك وكمان مغلبه ومطلع عينيه
عربي حمحم بحرج وقال...مين قال كده.... انا بعمل حاجات كتير
سمره بصتلو بسخريه وقالت.... صدقتك انا.. قولي هو انت ملكش غير عمك يا عربي
عربي اتنهد وقال ....ما ليش غيره هو ومرت عمي ...ابوي خلفني ولد وحيد واتوفى... وامي دورت على مصلحتها اتجوزت وسافرت وسابوني طايح في الدنيا
سمره بصتلو بحزن عليه وقالت.... انا اسفه مقصدتش اقلب عليك المواجع بس لما لقيتك مش متربي كده قلت اعرف حكايتك
عربي بص لها بذهول وقال...والله ما حد مش متربي غيرك ولا شوفتي ريحة الربايه حتى..ايه طولة الللسان دي
بقلم...زهرة الربيع
سمره ضحكت بخفه وقربت منه وقالت..... طب ما تزعلش يا عمده..انا ما بعرفش اعبر حقك علي
عربي شدها من وسطها عليه جامد وقال ....ده انتي اللي عمده والطلة جامده ....بقول لك ايه ما تاجي نجرب الكنبه دي حاسس انها غارت من السرير
ولسه هيقرب من شفايفها دفعته وقالت.... لاه انا تعبانه و
بس قربها بسرعه وقال..... يا بنت اسمعي الكلام ...يمكن ربنا يكرمنا ونجيبه علام
سمره ضحكت و قالت ....ومين قال لك اني هخلف منك.... انا اخلف منك انت..اتجنيت اياك علشان تطلعلي تسهر وترجعلي بواحده في يدك تقولي دي مرتي كيف ما عملت معاي
عربي ضحك جامد وقال..... اه انتي عايز تطمني... طب اطمنك كيف امريني
سمره قالت ..ولا حاجه انا هطمن لوحدي ادينا قاعدين نجرب يوم ولا اتنين ولا عشره كيف ما انت قلت ....لو لقيتك كيف مانت كده ومقضيها مرقعه يبقى كل حي يروح لحاله
عربي قال.... كل حي يروح لحاله ...جاكي قلب تقوليها بعد عشرة يوم ونص
سمره ضحكت بخفه وقالت..لا وانت الصادق عشره ليله ونص
عربي قربها ليه جامد وقال... كانت اجمل ليله في حياتي يا بت
سمره ابتسمت ونزلت عينها بكسوف وقالت.... انا كمان...
ولسه هتكمل قاطعها وقال......انتي كمان ايه...اه يا قليله الربايه
سمره ضربته في صدره بغيظ وقالت...... انا كنت لسه بتكلم بطل قله حيا.....انا قصدي انا كمان ما اعرفش ليه حاسه اني لقيت اماني من الدنيا ايه السبب معرفاش بس كأني كنت مستنياك يا عربي
عربي ابتسم وهو بيبص لعيونها بتوهان وقال..... وانا هبقى امانك فعلا يا سمره ....عارف انك خايفه مني وليكي حق اذا كنت انا بخاف من نفسي اوقات بس هوعدك وعد رجاله...عمري ما هخليكي تخافي مني واصل ولا هزعلك هنجرب ونعيش سوا لو في اي وقت قولتيلي انا ما عايزاكش يا عربي ههملك بالمعروف ومش هضايقك ابدا تاني بس يعني انتي اوعي تقوليها ماشي ها
سمره ضحكت من قلبها وقربت منو وهو شدها ليه اكتر ولسه هيكمل
سمعو صوت زعيق شديد تحت
عربي قال..يا ساتر يا رب ايه الصوت ده
سمره لطمت لما سمعت الصوت وقالت.... ده ابوي.... اروح فين دلوك يا مراري
عربي بصلها بزهول وقال..... ما تهمدي يا بت في ايه هو ظبطك في شقه مفروشه احنا مش اتنيلنا كتبنا ....انا هروح اتكلم معاه وانتي خليك هنا ما تنزليش بلبسك ده
ونزل بسرعه
وهي بتقول استر يا رب وقفت عند الباب تسمعهم فتحته شويه صغيرين يمكن تحاول تسمع الصوت
عند عربي اول ما نزل اتفاجأ بعبيد ومعاه راجل في الخمسين واقف بيتخانق مع عمه قال بجديه .....سلام عليكم خير يا حاج
ابوها قرب منه بغضب وقال ....مش خير واصل انت فاكر نفسك ايه.. علشان ابن عمده تقدر تخطف البت من جوزها وتجبرو يطلقها
عربي التفت لعبيد بغضب ورجع بص لابوها وقال....مين اللي قال لك الكلام ده....انا ما جبرتش حد انا عرضت عليه عرض وهو وافق
عبيد قال بتوتر.... انا وافقت لاني خوفت خوفت والله يا عمي انا معايزش اططلق سمره واصل
عربي بص لو بغضب وخنقه وقال....امم خوفت...ولا علشان المكان اللي كتبتو باسمك....انت فاكر انك هتضحك علي ضمنت انو بقى ملكك وفاكر هترجع تاخدها بتتعامل مع اهطل اياك
ابوها قال بغضب.... ايا كان اللي حصل بينكم دي بتي انا واللي انت عملته ده خطف..ولا ايه رايك يا حاج صبري
صبري لسه هيتكلم ...عربي قال بسرعه ...مفيش خطف انا وسمره اتجوزنا ادي ورقه اللي ادهالنا الماذون والقسيمه هتطلع قريب
عبيد وابوها اتصدمو جدا وابوها قال ...انت خطفت البت واتجوزتها من ورايا كيف تعمل كده كيف
عبيد قال بغضب.... كده وضحت يا عمي خلينا نمشي ...دول اكيد كانوا متفقين وهو ما جاش بالصدفه كلنا عارفينو مش بتاع جواز ....اتجوزها كده من اول ليله واضحه بينهم اتفاقات
عمه اتصدم بالكلام اللي قاله و عربي بص لو بغضب وقال...غور ياض من هنه مش عايز اشوف وشك لاخلي الغفر يرموك بره ...واستنى ردي حسابك وياي مخلصش ...اخفى من قدامي يلا
عبيد اتوتر وقال.... انا هاسبقك ياعمي وانت تعالى ورايا
اما سمره اول ما سمعت كلام عبيد قالت بغضب .... كده يا ابن الجزمه
وراحت لبسه العبايه بتاعتها اللي قلعتها ونزلت بسرعه
عربي بص لوالدها وقال..... يا حاج اسمعني كله كذب بنتك اشرف من الشرف وانا ما كنتش اعرفها غير ليلتها و
ابوها قاطعو بغضب وقال....انا مليش بنات بتي ماتت
سمره كانت نازله وسمعت جملته وبصت له بزهول وووو
