رواية هشاشة قلب الفصل الرابع بقلم العباديه
ولـدي قـدرة هـائـلـة على هـضم الأوجـاع
والصفعات الرتيـبة التي تأتيني كل صباح .
~~~~~~~~~~~~~~~~~~~~~~~~~~~~
ثريا
رجعت للبيت بالفورتات اني وإسماعيل اول مادخلنا البيت من بعيد شميت ريحة الدولمه ويلي .. ركضت على الطباخ فتحت الگدوره واشم بالريحه وشلون الدولمه تفور مقابيلي وتطلع الفقاعات مال الستاو .
حضرت المواعين والليمون ودبس الرمان وحطيت السماط (سفرة طعام) والصينيه الچبيره وگلبتهه إمي بالصينيه كلنه متجمعين ونسولف وناكل ونضحك هاي اللمه عندي تغنيني عن مية فلس بالدنيا.
كملنا اكل ولمينه المواعين اني والبنات حتى نهى گدرنه نطلعهه من الجو البيه بس كلساع تطگ صفنه .
ظلينا نسولف ونشرب چاي وگمنه كل واحد لفراشه ينام بالعاده الظهر هيج وقت الكل نايمين.
ظلينه اني ونهى نسولف وتقوى يمنه ضايجه ووجهه محتقن صار كم يوم على هالحال وممداومه صار يومين !
نهى.. تقوى شبيج عيني ؟؟
اول ماگلتلهه هيج بچت وظلت تشهك وتناشغ بالبچي !
ركضنه اني ونهى عليهه حضنناهه كل وحده من جهه وقلقانين !
ثريا.. تقوى شبيج فدوه لعينج شكو؟؟
تقوى.. مااگدر احچي !
ثريا.. تضمين عني؟؟ من شوكت احنه كل وحده اسرارهه مضمومه عن الثانيه معقوله؟؟
- ثريا تعبانه حيل احس نفسي اريد انفجر
- اي شبيج شكو؟ احچي خففي حملج اذا تضمين بگلبچ تنفجرين والشيب ياكلچ وحتى يصيبج مرض مُزمن
سكتت..!
صفنت على عيونهه وشفت كمية الحزن البيهه عرفت السالفه بيهه شاب رأساً سألتهه
- اكو ولد بالسالفه؟؟
رفعت عيونهه عليه صفنت بوجهي وحضنتني وظلت تبجي
نهى.. تقوى شبيج احجي فرغي الي بداخلج
تقوى.. اي راح احچي بلكي ارتاح
صفنت شويه وجرت حسره طويله
كالت :-
- اكو ولد وياي بالجامعه من المرحله الاولى بيناتنه نظرات ودائماً يسأل عن احوالي واحسه مراقبني وبعدين صارحني اني مارفضته ولا وافقت عليه خليته معلگ لان احس شي تجاهه بسبب اخلاقه وسمعته الطيبه بالجامعه...
بعدين ظل يتقرب وقنعني .. لما تطورت صارت كعده ع المصطبه وكلمتين كل واحد يسأل عن الثاني اني حبيته وصارلنه هواي بس صار شهر يتهرب ومو نفسه وحتى ميباوع عليه ومتجاهلني لما اول امس إجن البنات عزمنني وياهن على خطوبته !!
ظلت تشهك وتبجي وتناشغ وحسراتهه تشگ الگلب شگ.
نهى.. خيولي امحيه من حياتج لو صدگ يحبج مايسوي هيج
تقوى.. اني اكول خاف اهله جابرينه
ثريا.. تره هوَ رجال ومحد يگدر يجبره فهمتي خليهه ببالج هاي
نهى.. عوفي يولي وتجاهليه اني هسه بعد الي سواه بيه وليد مستحيل اباوع بخلقته.
تقوى.. لاتجيبيه على وليد ابدد انتِ شايفه اخلاقه شايفه شكله وسيد هم لو تشوفين اخته عينهه ماتشيلهه وادب واخلاق وحتى هوَ مثلهه طول هالمده لمسه ماحاول يلمس إيدي
ثريا.. چا ليش هيچ سوه ؟!
تقوى.. وهذا المحيرني ليش وليش !
نهى.. بنات اني باجر اداوم شأسوي اذا اجه وليد لهسه اخاف من عنده
- خيولي حقير ادبسسزز لتحجين وياه ابد
كعدنا نضفنه البيت وسوينه چاي ودزينه على بسكت وظلينه ناكل وسالفه تجيب سالفه الولد بدلوا وطلعوا للشغل واحنه بلشنه بالعشا هم سوينا المقسوم وتعشينه.
~~~~~~~
گعدت ثاني يوم الصبح على صوت نهى تنده بيه كعدت على حيلي تمطيت بكسل وشفت الاجواء تقوى تبدل ع المرايه ونهى وراهه تعدل بشالهه ومروه منتظره السره يوصلهه نفخت انفاس بملل ورجعت لفراشي نمت وغطيت راسي. شويه وانخضيت خص
نهى..ولج ثريااا كومي هم يله تلحكين تبدلين
درت وجههي عنهه وصحت
- من تخلصن من المرايه كعدني
- ولج كومي قبل مروه شتدرين بيهه عشر ساعات يلا تخلص
ركضت طفره وحده غسلت واجيت اركض خلصت تقوى ووكفت بمكانهه ومروه تنشال وتنرگع من الحركه
مروه..وخري دوري وووخري
- هسه هسه خلصت
لبست ع السريع وطلعت لكيت إسماعيل ماموجود !
كالت امي طلع من الصبح عماله دگيت رجلي بالكاع وضجت
- هسه منو ياخذني للكليه هاا؟؟
- خل اشوف حميزه
- نايم مايكعد لو يجي العلاگ
- خل انطيج فلوس واجري تكسي
- ياا بله انخطفت
- ميتين على وجهج ويخطفوج دروحي روحي
انطتني فلوس ..اخذتهن واني متضايقه رحت للشارع العام واجرت تكسي وكفلي واحد شكله بنص التلاثين ومرتب ولاطش شعراته بجل لازگهن على گصته چنه مطيرجي .
صعدت واني حاطه السچينه ام الحلقه مال حمزه بجنطتي اول حركه يسويهه تجيه طايره. همزين قبل مااطلع تذكرت واخذتهه لان حياتي صايره عباره اكشن اتخيل على ساعه يخطفني.
اباوع ع الطريق خاف يطلع خاطفني بس همزين طلع خوش رجال ماخطفني انطيته فلوسه ونزلت . اول مانزلت صار استاذ ماهر مقابيلي گصه بگصه اهوو شلون صباح هذا. شافني نازله من التكسي استغرب وعگد حواجبه..
ابنل ابنل شبيك تعوگد ماشايف تكسي وطالبه جميله انيقه خلوقه تنزل منه شبيك عاد.
دخلنا اول محاضره إله چانت .. اليوم اول شي هوَ شعجب.
بعده ماداخل للمحاضره واشوف الطلاب كلهه تقره وتراجع مااهتميت وطگيت الدنيا چلاق ولاعبالك وياي اصلاً گلت ذوله مخابيل شبيهم يقرون هوَ تحضير واحد وذوله يقرون بآخر الملزمه.
اجت نرجس تقره ومنهمكه
- شبيج تقرين هوَ إحنه شعدنه ؟؟
- شنو شعدنه غير إمتحان شهري
- عززززاااا وين وشوكت ومن يمته؟؟؟؟؟
- شبيج شبيج يابه امس انطانه الاستاذ ماده واليوم امتحان
- شوكت لحگنه نداوم حتى امتحان
- تدرين بإستاذ ماهر طلعلنه ماده من جوه الگاع
- وج ماقاريه كلمه شلون بيه راح يجي يصخمني وحق الله
- وشعندج كاعده روحيله كليله ماادري من طلعت من القاعه انتَ كلت
خصمت عيني وحطيت قبضة إيديه على خصري وباوعتلهه بشك
- لحظه لحظه اني وياج مو طلعنه سويه بعد منين دريتي وليش ماكلتيلي؟؟
- ياا اتصلت بيه شرشبيله وكالتلي وانتِ ماعندج موبايل اخابرج
- اوف ياربي شلون هسه؟
- اسمعي اذا اجه للقاعه وكلتيله مقابيل الطلاب راح يجبرج تمتحنين ويرزلج وهوَ منا مايحب يرزلج ف روحيله احسن
- اي رايحه بس كون ماانطرد
- ديلا تزحلقي
رحت اركض واهف هف حتى الكليه كنستهه بذيالي اريد بس اوصل كل خطوه امشيهه عبالك اعبر نهر..
وصلت لمكتبه ودكيت الباب اجه صوته يسمحلي بالدخول بس متغير صوته مو نفسه مدري شبيه .
دخلت وسلمت عليه رد السلام بس مبين اليوم مريض ووجهه مايگصه الطبر يمه شورطني عفت العالم كلهه تورطت وي ابو خاولي اوف شلون بيه شلون راح اقنعه ماادري.
كتله
- إستاذ اني ماادري عدنه إمتحان ف ماقاريه عفيه أجله لباجر
عاط بيه ويأشر بإيديه بعصبيه
- ثُرىٰ رحمه لربج تره ماإلي خلكج كلش. منشول والافلاونزا طاگه عندي وهسه اليصير كدامي اسويه وصلتين !!
صفنت بيه مصدومه وطلعت حچايتي بغباء
- يححح
اني كلت هيج لو اشوفه تمدد ع الكرسي ومسنكر من الضحك. لااول مره اشوفه يضحك وألمح سنيناته يبوووي ..
يضحك من أعماقه ووجهه صار احمر شرگ وظل يگح بالكلنسه واني اباوعله ومبتسمه ومحتاره شأسوي هسه اضحك، ابجي ،امثل؟
لـّم شفايفه وإختفت الضحكه ورجع القاسي نفسيته كال بنتر
- هسه روحي للقاعه والله كريم
باوعتله بعدم رضا ورحت الخيبه بذيالي حقير فوگ ماضحكته ابو النشله نشلوا عيونك وخلوهن بالطول كون .
دخلت للقاعه متوتره خاف مايأجل الامتحان لان ماكال .. لا اي .. ولا لا .. واني ولا طگه كلشي ماقاريه.
شويه ودخل للقاعه بإيده الاسئله وكال تحضروا.. عينه عليه واني متردده احجي لو لا؟؟
رحت بإتجاهه وقريت الآيات كلهه لما وصلتله كتله
- ها إستاذ امتحن لو لا؟؟
حط إيده على رقبته وكال :- غير تگولين ماقاريه؟؟
- اي إستاذ ماقاريه
- لعد شلون تمتحنين؟؟
- اندري
إبتسم وكال
- اطلعي بره بس باجر امتحنج فهمتي وبعد تأجيل ماكو عسىٰ ما يجيبوج ع السديه مال المرضى يكلولي تريد تموت أجللهه الامتحان اكلهم تمتحن وبعدين خل تموت
همست بصوت خافت
- يا.. اسم الله عليه
عرفته سمعني من خزرته الممزوجه بإبتسامه مخفيه
طلعت ركض من القاعه اول مافتحت الباب لكيت الكليه فارغه تصوصي والله واشتهيت اركض واجدد طفولتي شو خل اطگهه ركضه اشو محد هنا.
رفعت تنورتي بإيديه وطگيتهه ركضه اريد اروح للكافتيريا وسمعت صوت وراي يصيح بإسمي !
اركض وحبشكلاتي يطيرن وياي وينزلن وصدري احسه طالع والشال طاير وراي عبالك سبايدرمان وحذائي تتزحلق بالسيراميك مال الممر مكيفه ووجهي يلفح بيه الهوى المنعش مال الصبح.
من سمعت اسمي جمدت مكاني !
التفتت وياريتني ماالتفت لكيته متخوصر وفاتح عيونه على وسعهن ووجهه احمر من العصبيه يمكن يريد يسمطني كلّه يطير جمجمتي.
دنگت وسحبت الشال على منطقة الصدر ونزلت التنوره من إيديه وحاولت اثبت روحي ع السيراميك لان يتمزلگ.
اني بطولاتي كلهه شاهده ع الركض بحيث چانت امي تدزني على بيض تره يوميه البيضات مكسورات واجيهه رجليه تخر دم .. دوم تگلي بيچ طفگه بس اني ماادري شلون انصمط .. مره لزمت البيضه بقبصة إيدي ولزمتهه حيل وكلت ماانصمط هالمره بس ماادري شلون طحت وراحت البيضه بالكاع ..
من سمعت إسمعي خفت لايعرف ببطولاتي
أطرقت راسي ورحت عليه وإيديه كامت ترجف شكو شسويت ياالله هنه ركضتين .
وصلت يمه وعاط
- إنتِ طفله وهيج تسوين؟؟؟؟؟
حتى الطفله عدهه عقل اكبر من عقلج شبيج انتِ كليلي مخبله , لاكشه , مسكونه؟؟؟؟
متت من المستحه وتمنيت اختفي من كدامه اشر ع الباب مال القاعه وكال بنتر :-
- اددخللييييي
أردف
- حتى شدهتيني من وراج نسيت الاسئله موحده وعندي امتحان بالقاعه الثانيه
كلتله
- بس أستاذ اني ماشفت الاسئله
رفع إصبعه بوجهي وعاط بعلو صوته خله گلبي يگمز من الخوف ونزززيت
- صوووتججج مااسسسمممععععه
حصرتني البچيه ووجهي احسه دخن من الفشله .. سحبت نفس وأخرجته بلهيب حارق لصدري . بقيت واگفه مكاني ومدنگه راسي حييييل .. اي شي مااشوف حتى حسيت رقبتي دخلت بصدري كد ما مدنگه هلكد.
رجع عاط بيه
- ررروحيي لمكاااانج شمنتظررره؟
ركضت لمكاني وكعدت بيه حسيت دمعتي تريد تنزل.. بسرعه حطيت الكلنسه بطرف عيني حتى تنشف الدمع وتمتصه هاي افضل طريقه حتى ماتنزل دمعتي مقابيله .
شدعواه عمي وهيج يسوي بيه ويرزلني شسوي هسه قابل كفرت لو اجرمت ؟؟؟ هسه الكل
يه فارغه وحبيت اركض شبيهه؟؟
شفتي رجفت اريد ابجي والعلامات كلهه تجمعت عليه.. عيوني بغبغت وظلت ترمش داخلي يهتز , يصرخ , يزأر .
حسيت هاي هيَ راح ابجي بعد مااكدر. النوب يباوع عليه وكلساع يركز بيه شكد حقيررر .
حطيت إيديه ع الستيج وحطيت راسي عليهن صرت مثل النايمه .. القاعه هدوء وبس طگطگة الاقلام مال الطلاب مسموعه وهوَ يفتر على روسهم خاف يكتشف حالة غش. ومر ربع ساعه
حسيته واگف يمي بس ظليت بنومتي كال :-
- اذا تريدين اطلعي وامري لله اغير الاسئله
رفعت راسي عليه وكعدت عدل دنكت وهمست :-
- لا استاذ عادي خليني كاعده هنا
سكت ماحچه شي واستمر يفتر عليهم واني حسيت بملل فضضضييييع ظليت اگص بيه بگلبي يمشي واني استنقد بمشيته واباوع بتفاصيله اول مايلتفت عليه اسوي نفسي بريئه وماچنت اباوعله .. لزمت قلم بإيدي وظليت ادگ بيه بهدوء ع الستيج اقتل الملل لان ماكو شي اسويه.
هوَ يفتر واني اطگطگ بالقلم وگف يمي رفعت راسي عليه بسرعه سحب القلم من إيدي وخزرني كال بنتر :-
- قلقتيني
اخذ قلمي بإيده وراح ! ايا حقير هيَ هاي حركته بس من اسوي اني اطلع اقلقه !
اابنل ابنل القلم رحمه لااهلك القلم..
المشكله مو هنا المشكله متوجه للزباله !
باوع بيه وشمره بالزباله من بعيد ونتر هم .. هذا صدگ زودهه يمكن راح اسرفن رداناتي واكوم عليه اشبعه بوكسات.
سكتت وعبرتهه وجاي احس بيه ينرفز بيه يريد يشوف مدى صبري لوين يوصل !
خلصوا إمتحان وبقت بس نرجس هيَ الستيج مالتهه بصفي كلش واني اباوعلهه وخلص وقت الامتحان وهيَ عدهه سؤال مامخلصته وكف عليهه وظل يرزل
- يلا وين چنتي هسه يلا تكتبين خلص الوقت انطيني قبل مااسحب الورقه
ظلت تبجي وترجف وهوَ مستمر يرزل حتى البنيه تيهت وكامت ماتندل دربهه بس تتراجف وتكتب وتمسح ع السريع.
اني من شفتهه هيج احترگ گلبي كتله :؛
- استاذ شلقضيه انطيهه مجال
- انتِ لاتتدخلين ويلا الورقه بسسرعه
قربت يم نرجس واهدأ بيهه وهوَ بس يلح
راد يسحبهه واني بسرعه حطيت ايدي ع الورقه مالتهه ومدري شلون طلعت مني الحچايه .
نترت بصوت شبه عالي
- ااااوووكف شبببييك تخببلللت !!!!!!
عزااااااا شحجيت !! حطيت ايدي على حلگي مصدومه من لساني ..
فتح عيونه على وسعهن وخزرني يمه شخلني شخل رأساً سويت انسحاب تكتيكي . رجعت لكرسيي وكعدت مدنگه وداخلي يرجف نتر كال :-
- نرجس وعقيل وبنين تعالو وياي كملوا بالقاعه الثانيه
كاموا وهوَ بس يخزر بيه وعينه عليه !!
اني شسويت يربي شلون هيج اعيط بيه . بس هوَ تصرفاته كلش تغث وماعنده إحساس شأسويله يعني ؟ واني هم انفعلت من شفت دموع نرجس .
طلع وهمه وياه واني ظليت وحدي وارجف والطلاب كلهه تباوع عليه يبووي شورطني يربي النوب عفت الناس كلهه لساني زلگ وي القاسي خرب حظي .
اجت ساره يمي كالت :-
- مبروك مقدماً ع الفصل !
رجفت صخام بوجهي كلشي ولا فصل حتى اهلي يدفنوني واني عايشه .. هوَ بالتوسل خلوني اكمل .
ظليت اكل بأظافري والخوف يدب بجسمي اريد نرجس يمي اريد وحده تصبرني راح اموت من الخوف .
مرت ثلث ساعه ودخلت نرجس للقاعه ركضت عليهه وطلعنه بره رأساً سألتهه
- ماحچه شي عليه؟؟
- لا ماحچه شي بس وجهه مگلوب گلاب وينافخ وكلساع يضرب الباب مال القاعه لو يضرب بالقلم ع الستيجات
- خاف يفصلني
- لا ان شاء الله ماكو شي
- انتِ تدرين بالقوانين اقل تجاوز ع الدكاتره فصل لا تصبرين بيه عود .. كليلي يفصلج ولا تصبرين بيه
- يااا مو مال واحد يصبرج دظلي يلا هسه شويه ويصيحج لمكتبه اول شي رزاله معدله وبعدين فصل فلت وانتهت
- لا لا فدوه مااريد هيج اهلي يبطلوني شأگلهم اذا انفصلت
- مدري بعد
- هسه اني شعليه بيج امداني
- اي والله امداج غير صديقتج وتدافعيلي
- اهوو هسه شنو فائدتج من راح انفصل؟
- هسه من يكول تنفصلين اذكري الله
لحظات وطالبه وكفت يمنه كالت :- الاستاذ ماهر يصيحج !!
لا هاي هيه اقره على روحي السلام.
ظليت ارجف ونرجس تضحك عليه تدفع بيه وتصيح روحي خل نخلص منج بلكي شويه يكص لسانج .
رحت لمكتبه ودكيت الباب ماكو صوت ! رجعت دكيت هم ماكو ! هذا يقشمر عليه شنو ؟!
دكيته واجه صوته عالي وبنتر عبالك يدري بيه اني "تفضل"
دخلت وعيوني بالگاع ومقيده إيديه ببعض تقدمت خطوتين وكتله بتوتر
- آآءء إستاذ طالبني؟؟
- تفضلي إگعدي
كعدت ع القنفه الاسفنجيه وارجف شلون راح يعاقبني ماادري !؟
أحسه يخزر بيه بس اني ابدد مارفعت راسي .. تنهد وكال بهدوء
- اي ثُرىٰ هالايام صايره تتجاوزين ولسانج طويل !
ظليت ساكته بس مدمعه وحاصرتني البچيه
أردف بنفس النبره
- المرادد والتجاوز وهذا كله واني ساكت !
سحبت شفتي السفلى عضيتها قوي وقويت قبضة إيدي اريد احجي حسيت نفسي انخرست .. كتله برجفه :-
- إستاذ اني آسفه والله ماجان قصدي ازمخ بيك مقابيل الطلبه بس من شفت دموع نرجس وشلون تتراجف انفعلت وماادري شلون طلعت كلماتي
- تدرين اگدر افصلج؟؟؟
انتفضت وتوسلت بيه
- لا إستاذ فدوه كلشي ولا الفصل اهلي يبطلوني والله
صفن وكال :-
- بس مااعديها بدون عقاب !!
دنگت وسكتت لساني ماينكض شأسويله.
گال ببرود وإستفزاز
- كَـ عقوبه إلج على تجاوزج إمتحان باجر ماكو !!
غمضت عيوني وإنحدرت دمعه حاره على خدي واتخذت مجراها لرقبتي ووكعت على ثوبي مُحدثه بقعه شفافه سرعان ماتتسع وتتسع .
وگفت بدون أي كلمه إنسحبت بهدوء وداخلي يغلي طلعت للحديقه وانهاريت اشهگ وابچي يعني راسبه الشهر الاول وحتى بمادته راسبه مادام لساني فلت بعد شيفكني منه هسه يحط گوره وگوري .
نرجس ماكو إختفت وبس آني مسحت دموعي وصفنت شويه ع الحديقه وع الطلاب ومليت خليت وكمت اريد ارجع لااهلي اتمشى منا شعندي .
رحت مشي لبيتنه اتمشى بهدوء وافكر بكلامه يرن بإذني رن مثل الإنذار وصلت المنطقتنه القديمه اشبه بالحي القديم ..
البيوت قديمه ومبين عليهه منظر الفقر بس بداخلهه اشخاص نظيفين قلباً وقالباً ..
دكيت باب بيتنه المتآكل فتحلي الباب حسن دخلت لحديقتنه الضيقه وگعدت ع المرجوحه عباره عن حبل سميك يتدلى من شجرة السدر عريقة الجذور ..
شلت المخده وحطيتهه عليهه وكعدت اتمرجح وصافنه بالثيلات ويمهن الارضيه مكسوه بالبلاط النخَّر .. الحديقه مامزروعه كلهه بس اجزاء منهه النسبه الاكثر مبلطه ..
حسيت الشمس تصدع على راسي گمت بإنزعاج ودخلت للبيت تحت تساؤلات أمي تخلصت منهن بكم جواب مختصر ودخلت بدلت ورجعت لفراشي نمت .
ظليت طول اليوم نايمه كلما يگعدوني اتغطه والفلف روحي زين ..
لليل يلا صحيت على نفسي وكمت جسمي مكسر بدون اكل وعطشانه وجوعانه ركضت حميت عشاي وتعشيت اكل بشهيه والجوع باين على ملامحي .. ديلا خل ارسب الشهر الاول وشنو يعني اشد حيلي ع الشهر الثاني كلا كلا لليأس .
دخلن البنات يضحكن عليه واني مستمره اكل وهنه يسولفن
- اي نهى غردي شفتي وليد لا؟
- لا ماشفته ولااجه وحتى موج ماكو طسيس وداعة ألف إبليس
- وانتِ تقوى؟
- هم مامداوم
- عابت شلون شكول چسحتن الرجاجيل
- هههههه
ظلينه نسولف ونضحك واني ملزمه مالزمت ولاقريت شي ..
رحت ثاني يوم الصبح بكامل تفائلي وعادي عندي وشنو يعني ماامتحن اصلاً تندمت بجيت وتندمت على غده امس وجان غدانه مرگة قطين واني احبهه فات عليه الغده من وره ابو خاولي .
ظلينه نسولف ونضحك اني ونرجس وارزل بيهه لان عافتني امس .
صار هدوء رفعنا راسنه لگيناه هوَ دخل للقاعه ! وگفنا إحترام إله وهوَ گعدنه بسرعه .
دخل للقاعه بس يتقدم بإتجاهي !!
شكو ليش جاي عليه !؟
وصل يمي وبإيده ورقه گال :-
- يلا ماتجين تمتحنين ؟؟
إذا كـان لديك غـرور يجعلك تتعاقبـني
فـ لدي كبرياء يجعلـني أنسـى من أنـت "
~~~~~~~~~~~~~~~~~~~~~~~~~~~
ثُرىٰ
ظلينه نسولف ونضحك بالقاعه اني ونرجس وارزل بيهه لان عافتني امس وسولفتلهه من بجيت يمه ومامهتمين لضجة الطلاب ..
صار هدوء قاتل وأصوات الطلاب تلاشت رفعنا راسنه لگيناه هوَ دخل للقاعه ! وگفنا إحترام إله وهوَ گعدنّه بسرعه .
دخل للقاعه بس يتقدم بإتجاهي !!
شكو ليش جاي عليه !؟
وصل يمي وبإيده ورقه گال :-
- يلا ماتجين تمتحنين ؟؟
صفنت شنو أمتحن غير گال عقوبه ؟!
اني بهاللحظه الكبرياء طگني صفح كتله :-
- لا ماامتحن !!
رفع حاجبه بهدوء عكس الي بداخله
- اخر كلام عندج؟
تخيلت روحي سلطانه .. رفعت خشمي بشموخ وكتله :-
- اي طبعاً اخر كلام غير كلت ماامتحن واني أصلاً ماقريت ماعبالي تخلف
- تمام لعد .. بيج خير وتدللين
سكتت بس الخوف يشتغل بداخلي خاف صدگ يسويهه ويرسبني !!؟
خله وطلع وجهه احمر غاضب وضاغط ايده حيل حتى الورقه البإيده انجعصت مبينه الاسئله .
نرجس.. لج انتِ شسويتي هسه راح يشد وياج ويرسبج
انهديت بيهه عبالك داست على جرحي
- اكلج اشو هوَ كال ماتمتحنين وكلت اكيد عند كلمته وبعدين شنو اني شيكول اسوي خدامه عنده مثلاً؟
- ثول ثولج يمكن أثرت بيه دمعتج
- شدراني ؟ واني مااريد اصير لعبه عنده بكيفه يمشيني وشوكت مايكول امتحان امتحن
- ثرررياا لاتنسين هوَ دكتور اكيد بكيفه
- لا بكيفي هسه شفتي رادني امتحن ماامتحنت غصبني قابل
- بس هوَ كاللج تمتحنين وهوَ الي عاقبج
- اهوو اسكتي بس تريدين تفرضين رأيه عليه
- بكيفج ظلي لما ترسبين
- هوَ اول وتالي راسبه راسبه من وراه ابو الرزايل فالح بس يرزل بيه خل يرسبني بقت على هاي حظي واعرفه ..
اخذنه محاضرات وأي محاضره مافهمت بالي بس وياه وحاصرتني البچيه ساعه اتندم ساعه اگول لا مو بكيفه احس مشاعري مضطربه .
إجه وقت محاضرته واني خايفه اريد افلت ومااحضر بس هوَ منبه أي طالب مايحضر ينقص خمس درجات من درجته ومنا اني ماامتحنت اليوم حتى يخليلي صفر يرگع ..
ظليت طول اليوم بمكاني ماتحركت خايفه من عصبيته حيل ..
تأخر خمس دقائق عكس عادته كل مره بوقت المحاضره ضبط يدخل لادقيقه زايده ولا ناقصه هسه تأخر .
دخل للمحاضره هاااددئ حييييل ويمشي بهدوء كالعاده ورائحته الرجوليه إنتثرت بالجو .. گعد ع الميز وطلع اوراق ظل يصيح بإسماء الطلبه ويجون ياخذون اوراقهم .
شنو هالفلك شوكت لحگت تصحح ابنل ابنل هذا من ذوله الجناني السبعه .
تجاهلني تماماً ولا عبالك اني موجوده عكس كل مره اغلب نظراته عليه حتى من يشرح !
إحترگ گلبي الصراحه ومتت من الحرگه هم من صاح بإسم ساره وطلعت ماخذه درجه كامله ! الوحيده بالقاعه درجه كامله واليوم وجهه ضاوي وحلو ويشع من النظاره مامخليه مكياج ولابسه حجاب أميره والله زين وأثرن بيهه رزايله هم جايبهه بسامير ع المكياج لما عدلهه .
إبتسملهه ومن رادت ترجع مدري شحچه وياهه واشرلهه ع الكرسي اليم الميز مالته .. كعدت بيه وصارت بصفه !!
ظليت اغلي من الحرگه .. صاح بإسم نرجس وراحت تستلم ورقتهه والصدمه جانت راسبه !! ردت انتحر يعني اني صار بيه هيج علمودهه وترسب !! ياحوينتك يثرى ..
هيَ بعدهه يمه وشهگت من شافت درجتهه هز راسه بأسف الهه ونظراته شماته .. رجعت لمكانهه ..
ظليت ألوم بيهه
- لج رسبت من وراج ياحقيره ليش هيج ليش
- ثريا اسكتي عني ماشفتي اسئلته تكسر تكسر وباعي التصحيح ناسيتلي كلمه مأشرلي عليهه وكاتب ناقص درجتين ولج راح اتخبل فوگ الاسئله فوگ التصحيح
- اسكتي لا هسه انتحر من الچربايه
- والله راح ابچي بلكي تأثر بيه دمعتي مثلج
- ديربالج النوب تفشلينه خل نكمل وياه راح نترزل
ظلينه نباوع ودرجات الطلاب اكثرهه رسوب .. ظل يعيط عليهم ويصيح
- ليش يعني شرحي بيه شي وهيج راسبين يعني بس ساااره !! سااره ماخذه درجه كامله شنو فرقها عنكم ؟؟ غير هم طالبه حالهه حالكم بس هوَ الغباء أنواع
اهو هذا كام يضرب بيهه مثل واني اتخبل من هاي الحاله
طلع من العلاگه مال الاوراق هديه مغلفه !!
عبالك كارتونه جبيره ومغلفهه بطريقه تچتل ..
حچه كلمات فصيح وانطاهه شهاده تقديريه والهديه !!
متتتتتتتت اخخ كلبي راح اكوم ارفسهم اخليهم طشاار .
كال :-
- بعد كل شهر هيج اسوي كَـ تشجييع الكم كل واحد ياخذ درجه كامله نكرمه
رجعت ساره لمكانهه وتتفاخر وتضحك طايره من الفرح .
ظل يصيح بإلاسماء ويجيبوله الورقه ويردوله الدرجه وينزلهه بالسجل ..
اني إسمي وره تماظر صاحهه واخذت ورقتهه اله ووراهه صاح ثُرىٰ وگفت عبالي اني بس كال (ثُرىٰ أمير رسول) گعدت بيأس والفشله ماكلتني .
كمل الاسماء كلهه وبس اسمي ماصاح بيه اني رفعت إيدي ووگفت كتله :-
- إستاذ اني ماصحت بإسمي ؟؟
ماباوع بيه يرتب بالاوراق كال بدون مبالاه وصوت مستفز يستهزأ بيه
- عاجبج الصفر مثلاً؟؟؟
حسيت صاروخ إجه طاير ودخل بوسط گصتي طير الجبهه كلهه .
گعدت بمكاني وداخل
- ولج خاف راح يرسب الولد
- توقعي كلشي بس المهم احنه اخذنه النريده خل نطفر يلا نرجس بسرعه سوي انسحاب تكتيكي .
شلنه جنطنه واشرد اخوي عاامر خلينه بس الگباره مال التراب ورانه .
طلعنه من المكتبه وخلص اليوم ..
رجعت بدون غده رأساً بدلت ملابسي وطلعت الملزمه وسچيت اقره واقره .. استراحه وحده ماخذت حسيت عيوني كامت تغزل من كد مامركزه بالكتاب گمت اشوف الكلمه خمسه .
اريد الهديه الي هذا الشهر .. بس اريد اشوفهه شنو. واعرف شنو ذوق القاسي ابو خاولي .
كملت قرايه الدرخي .. والشرحي عفته بالليل خابرت نرجس واحذنه اسماعيل لصديقه .. هم شرحلنه شرحه يخبل بس مايوصل لاابو الرزايل ذاك وين شرحه يدخله بالعقل گوه .. بس اسئلته تكسر والتصحيح تكسير مثل ماسمعت لان مامتحنه ومامجربه الامتحان عنده .
كمللنه شرح الساعه بـ12 بالليل كد ما الماده هواي وصعبه .. رجعنا ونرجس اجه عليهه ابوهه ذبنه بالباب وراحوا .. دخلت للبيت مامكتفيه من القرايه .. رحت لتقوى وخليتهه تعيدلي كل الماده هم بقينه للـ2 نمت وكعدت بالـ6 هم راجعت ..
هاي كل إمتحان هيج جدولي بس ماكو استاذ يشرحلي مثل صديق سمعو لو تقوى لو اني اسوي نفسي مدرسه واشرح لنفسي واسطر مخاد يمي عود طلاب .
ضبطت الماده ضبط العگال مثل مايگولون .. وتريگت واخذني إسماعيل مثل كل يوم .
التقيت اني ونرجس وضابطين الماده مااحلانه ..
دخلنه للقاعه دائماً يحب يمتحنه اول محاضره ..
كعدت بكرسيي مشتاقه لمحاضرته .
لحظات دخل وجهه مايگصه الطبر والحواجب معكوده كالعاده وبس يخوزر ..
وزع الاسئله وبلشت ساعة الصفر .. اني بهيج مواقف اظل ارجف والخوف يتملكني وانسى كل القريته اذا شفت الاستاذ معصب .
شفت الاسئله وعقلي جمد هذا وين وشلون قريته وشوكت ماادري ؟؟
ياعلي هسه اتذكر ماكو !! عقلي وينك سويلي إمدادات رحمه لربك .
اسئلته تكسر جايب كله من بين الاسطر ومن الملاحظات الصغيره بأسفل الملزمه اني متأكده هذا راضع وي الجني الاسود .
اكو كم سؤال اعرف احلهن حليتهن وفرحانه .. تذكرت الماده وحليتهه ع السريع خلصت اول وحده وسلمت ورقتي تفاجئ !
باوعلي بنظرات مستغربه ! وكأنما يگلي متأكده !؟ مامتوقع اسئلته التكسر احلهه بهالسهوله ..
خلصت وطلعت انتظرت نرجس طلعت وتبجي ماحاله الاسئله والطلاب كلهه تشكي ومحد حال من صعوبةاسئلته خفه ويهك شدعواك عمي حط رجلك بالگاع ..
~~~~~~~~~~
ثاني يوم إجه مصححهن .. طبعاً اكثر فقره احبهه يصحح ع السريع .
ظل يوزع بالاوراق واني متحمسه واضحك رغم كلهه خايفه وتدعي بس اني متأكده من اجابتي ..
صاح بإسمي رحت اضحك بس هوَ نظراته هم تضحك ؟! ويستهزأ بيه بنظراته ياا شبيه هذا ؟!
مد الوقه عليه واني اخذتهه باوعت بيهه وإنصدمت راسبه !!!
شهگت ووجهي نط !
ظل يقوس بحواجبه عود ماادري ومبتسم جانبي ؟!
رأساً عطت بخوف وهلع
- إستااذ هاي ليش اني حاله ؟؟؟
رمقني بنظرات إستهزاء وإستصغار وزفر نفس بنفاذ صبر كال ببرود :-
- والله هاي اجابتج شنو ليش بعد؟
- والله حاله
- الورقه يمج وشوفي الأجابه
رجعت لمكاني مصدومه واباوع بالورقه ارجف .
يعني كله سؤال صفر بس مأشرلي على إسمي وحاط يمه 3 درجات !!
عود هاي ع الاسم الدرجات والإ انتِ ماحاله !!!
شفت إجاباتي كله خطأ .. يعني المتوقعه عندي صحيح كله غلط خطوه وحده مخليه الحل صفر ..
شمرت الورقه وظليت ابجي لهسه انعس من التعب مانايمه بس ساعتين وعيوني تزرفت وتالي راسبه وسؤال ماحاله ؟!
ظليت اناشغ وابجي بحرگة گلب .. وهوَ مستمر يوزع بالاوراق .. اجت ورقة نرجس ناجحه !وساره درجه كامله !! ظليت الطم على راسي ومن شفت شلون طار بساره وهم إلهه الهديه وگعدهه يمه زادت الشهكه والبواجي !هم من الغيره وهم من القهر .
نرجس.. ثريا وجهج صار دم شبيج كافي
ظليت امسحي دموعي بإيديه وينزلن غيرهن استغربت حتى ماانطاني خاولي
كلما اتذكر ابجي والله قهر ..
ظل يباوع عليه مخنزر ويزفر انفاسه بعصبيه !
نرجس.. ثريا كافي
كلما تحجي ازيد بجي
- والله ظلم هذا التعب كله يروح هباءً منثوراً ليشش كله من وراه لان زل لساني بكلمتين غلط
شويه وسمعنه العيطه مالته يرزل بطالبه !
- انتِ تغشميني عبالج ماحافظ الاوراق هذا حل جديد لاتقنعيييني
دموعي وحدهه وكفت منا الرهبه .. كام يعيط بعلو صوته ويضرب ع الميز .. يمكن البنيه حاله هسه وكايلتله حاطلي خطأ وهوَ لوتي بسرعه كشفهه .. البنيه ظلت تبجي ورجعت لمكانهه وهوَ عصب كال لساره :- لمي الاوراق ع السريع بس ابقى بهاي القاعه بعد لحظه نجلط
لمت الاوراق واني ماانطيتهه ورقتي التفتت عليه وكالتله وهيَ تمط بالكلمات
- إسسستاذ ثُرىٰ متنطيني ورقتهه
باوع عليه وكالهه :-
- خليهه عدهه
حل والله كبسه بطعم القيمه .
ظل يباوع بيه واني هم ظليت اباوعله ومن تذكرت الصفر وعلى اسمي 3 درجات حصرتني البجيه درت وجهي عنه ورجعت ابجي ..
اخذ الاوراق وطلع رأساً اخذت ورقتي وطلعت وراه ركض ..
الورقه بإيدي واني متأكده نص إجاباتي صح بس هوَ معاديني .. هذا كل إي يفور من الحرگه ..
طلع واني انهديت بالبچي اني الدراسه خط احمر اكثر شي ابچي من اترزل ومن ارسب جانن مدرساتي قبل متعودات عليه مايرزلني ومايرسبني واذا ارسب يعيدن الامتحان اليه
