رواية خيط الدم الفصل الرابع بقلم زينب طالب
جوري: من تتخذ قرار بنفسك ويكون
هذا القرار خطأ راح تلووم نفسك كل يووم
وتحاسبهاا، بس من شخص ثاني ياخذ قرار
عنك ومجبر انك تنقاد الةة شنوو راح تگدر
راح تسوووي اذا ماعندك خيار أخر؟
دخلوني للغرفة وسدوو الباب واني احس
جسمي يرجف محد من اهلي اجة وياي
حتى امي لورطتني بهذا الزواج
الأني مو گدةمااأجت وياي ماعرف ليش،
باوعت بأرجاء الغرفة چانت غرفة حلوة
مبينة غرفة عروس بيضة ومنورة
بس ياترى ايامي شلوون راح تكوون بيهاا؟
گعدت عالسرير واني اجذب نفسي مااعرف
شسووي تذكرت كلمةة بيبي من صاحت عليها
اليووم الصبح وهية تجهز بيةة
جمارة: علمتي بنتچ شنوو الزواح لو بس
عرفتي تشتريلها خرگ وتشمريهاا
سهام: ميحتاج اعلمهاا بنات هالوقت كلشي
يعررفن بس طلعي منهاا
_سألتهاا بفضوول، شقصدهاا بيبي يوم
شتعلميني؟
سهام: معليچ بيها خرفت وتحچي شيش
بيش
_فزيت على صوت الباب نفتح، رفعت
راسي شفتةة دخل يباوعلي بضحكة
قفل الباب وتقددم عليةة
رافد: اليووم شطالعةة ولچ هذا
الجمال كلةة اليةة اويلي يابةة
اموت عالحلوات
_ابتسمت مجاملة شكرا
رافد: يلة بسرعة ذبي هدومچ
ترة بالگوة قنعتهاا انطتني نص
ساعة يادووب الحگ
_استغربت كلامةة شنو مافهمت
رافد: اموت عالفهاوة يابةة
بس اليوم مااريد فهاوة اريدچ نارر
شلوون اني هسةة مشتعل
_عفيةة شتحچي انتَ كلامك غريب
رافد: هسةة اني اشرحلچ بالقلم العريض
_اباوع علية بدةة ينزع ملابسسة أستغربت
شبيه هذاا؟ شمرر هدومة بالگاع واني
وسط صدمة من شفتةة حتى ملابسة الداخلية
نزعهن
صرخت واني اغمض عيوني حييل
انت شدسوووي البس عيب عليك
هالحركااتت ترة انتَ مو صغيررر
رافد: اموووت عالخجوول يابة، شوو تعالي ورمتي گلبي راح الوقت علية بس بالحچي
_سحبني عليه واني مغمضة كل قوتي
وادفع بيه بس هووو ولايتحرك سمين
سحب الشال لمغطية شعري بيه فتح سحاب الفستان
لزمت ايدة معترضةة، عفية اطلع اني ابدل
شعليك بيية ماسمع مني جردني من كل ملابسس
واني دموعي تنزل اريدة يبتعد ماكووو
عفيةة والله عيبب شتريدد تسوووي طفي الضوة
حباب حرامم عليك
رافد: شمسوووي يابة حلالي واريد اتمتع
بالمنظرر مااطفي شنوو ولچ گيمررر عرب
هسةة احيررر وين اباوووع
_كل هذا واني مغمضةةة عيووني،
شمرني عالسرير وتقرب مني واني اتوسل
الةة يوووخر وهو ولايسمع مثل الوحش
وهجم على فريستةةة احسةة مستمتع
بدموعي وتوسلاتي ابتعد مني وهوو مستمتع
رافد: اول مرةة بحياتي استمتع
بالعلاقةة بس تعبتيني حيل غشيمة
_ابچي واحچي هوو انتَ ليش هيچ
سويت شنووو الزواج كلةة هيچ عفية مااريدد
رافد: اي هيچ لعد شنو امچ مامعلمتچ
_هزيت راسي بالرفض
رافد: لايهمچ اني ادخلچ يمي
دورة واخليچ خبرررة الأيام الجاية هواي
_يحچي وهو يضحك علية، فزينة
على صووت الباب يندگ بقوة وصوت
زوجتة تصيح
غصون: وينك رااافد اطللع شنو حلتلك
السالففة يلةة فضني اريدد اناممم
_گام وهو مخبوص لبس ملابسةة
وتقرب عليةة ويحچي بهمس
رافد: انوم البومة العندي واجيك
يحلوو لاتنام
_فتح الباب وطلع يركض، واني على نومتي
ودموعي تجري لعبانة نفسي من الوضع لو
ادري هيج يصير بين المتزوجين ولاازوج
عمري كلةة
نهضت بألم واحس جسمي مكسرر
همزين اكوو حمام بالغرفة دخلت
سبحت وجلفت نفسي زين لفيت
المنشفة على جسمي وطلعت
فتحت الكنتور واني مااعرف ملابسي
وين بصعوبة يلة لگيتهن لبست بجامة
ستن مال نوم بيضة سرحت شعري
وضفرتة وتمددت انام واني فكري
كلة بشفق هسة رجعت لو لا؟ شنو
ردة فعلها اذا لگتني مزوجة شسوي بإمي
خاف صاير وياها شي وين اختفت
ضل عقلي يودي ويجيب الى ان غفيت
فزيت على شخص يگعدني انتبهت هذا
رافد غصيت نفسي خايفة وحچيت
شكوو اجيت
رافد: ههههه شنو شكوو غير غرفتي
ولچ ماگدرت انام احس بعدني معووز
ماشبعت منچ
_لاعفيةة والله جسمي كلة يوجعني
حيل أذيتني روح يم زوجتك حباب
اريد انام
رافد: اششش ماصدگت نامت وجيتج
هيچ تستقبليني يلة تعالي بحضني
_بچيت بعجز وهو يعيد السواه قبل
ساعات اخذ حاجتة وراح يركض
يخاف لاتگعد شگد جباان وحقير
كرهت نفسي هاي اول يووم وهيج
شراح يخلصهةة وياه بقيت للصبح
اتگلب أحس مامرتاحة هناا بالأخير
غفيت من التعب فزيت على صوت يمي
تصيح
فتحت عيووني شفتها واگفة گدامي
غطيت نفسي بسررعة وهية تباوع بحقدد
غصون: ليش لهسةة نايمةة گومي بسررعة يلااا
_شنو عفية شتردين؟
غصون: اريد اصبح بوجهج غير شررريد
يعني نهضي سويلنةةة سمم متنة جوع
_حچيت بصدمة هااا اني اسوي؟
غصون: لعد شنوو بس لاتردين اني اخدمچ
سمعي لچ جري عدل وياي لاتخليني اعاملج
بأسلووب ميعجبج بسرررعة فزييي
_عافتني وطلعت واني گمت خايفة
سبحت وبدلت هدومي ولفيت شعري
بدون تمشيط لان سمعتهاا تصيح وطلعت اركض
چانوا گاعدين بالصالة صبحت عليهم
محد رد تعجبت حچت هيةة
غصون: يلة روحي للمطبخ وسويلنة
ريوگ وجيبيه هناا
_رحت واني حايرة شسووي مااعرف
حتى المطبخ مااندلة بقيت ادور سويت
جاي وطلعت اجبان من الثلاجة چانت متروسة
اشكال الوان خليت كم نوع ورتبت الصينة
وديتهاا الهم خليتهة يمهاا وگعدت خزرتني وحچت
غصون: وين گاعدة گووومي مناااا
_اختنگت ونزلت دمعني فشلت حيل
باوعت عليه اريدة يحچي دار وجه
عني ولاعبالك هو نفسة
غصون: شو تباوعين عليه شنوو
تردينة يحچي ويكسررر كلمتي مووو
_رد وهو يلوچ باللگمةة
رافد: ماعاش ليكسرر كلمتج بس
هية متفتهم عوفيها ختولي واكلي حياتي
غصون: يلة گومي اكلي هناك بالمطبخ
من نخلص تشيلين الصينة ومنا وهيج
وتنضفين المطبخ
_هزيت راسي وگمت خايفة صوتها
عالي ومن تحچي حواجبها ترفعهن
وخشمها ينفرش تصير تخووف
رحت سويت اليةة لفةة اكلتها بسرعة
سمعتهاا صاحت رحت اركض
هااا خالةة
غصون: خلخالة بعضامچ كون شنوو خالة
هازة كاروكچ اني
_حچيت بخوف لعد شنو اگلچ
غصون: سميني غصونة مثل رافد
_اجيت اطگهاا ضحكة بس بلعتهاا وسكتت
شنو ردتي مني
غصون: شيلي الصينة وعزليها سمعي الخدامة
اني بطلتهاا بعد انتِ هنااا
_شنوو قصدچ اني خدامة..
غصون: اي خدامة ونص تنضفين وتسوين اكل
واذا فتحتي حلگچ ياويلچ مني، هاچ قبل لاانسة
_مديت ايدهاا بصدرها طلعت حب ناعم، اخذتهن منهاا وحچت قبل لااسأل
غصون: هذا حب ماانع حمل تشربين
يومية وحدةة بدون ميدري رافد والله
اذا عررف اقتلچ وادفنچ بالحديقة واگلهم
نهزمت سااامعةةة
_رجف گلبي من تهديدهاا حچيت برجفةة
بس هوو تزوجني علموود الجهاال، نهضت
بهمة لزمتني من ايدي قووي وتحچي بخبث
غصون: سمعيني زين هوو ماالةة كلمة هناا
كلمتي اني لتمشي اخذتچ الةةة من الملحة
اريد اسد حلگةة بس اذا ماندمتة بسيطة،
واذا انتِ لعبتي بذيلچ وياي اندمچ وياه فاهمةة
دفعتني وراحت لغرفتهااا واني احس
جسمي يرجف وين دخلت نفسي اني
مبينة قووية مو گدهااا ابد
شلت الصينية ونضفت المطبخ والبيت
چان چبير حيل الفوگ ماواصلة الةة
جوة غرف 4وحدة الية وحدة لغصون
واثينن مقفولات خفت افتحهن
ومطبخ واسع يخبل مثل اليطلع بالتلفزيون
وصالة چبيرة للگعدة واستقبال للخطار
الطرمة چبيرة توسع سيارتين وحديقة
تخبل وبيهاا مرجوحة
كملت شغلي باوعت الساعة يادوب 11
الصبح رحت گعدت على المرجوحة چنت
حيل نعسانة رجعت راسي ورة واني اهز على
كيف وافكر بحياتي هناا وشلون راح اكملهاا
علساس لخاطر الجهال تزوجني وهسة
تشربني حبوب منع زين مو بنفسهاا خطبت
الةة وجانت راضيةة شنو هالتناقض هذا
فزيت بسررعة من حسيت احد گعد بصفي
باوعت زلمة غريب نهضت اريد افوت لزم ايدي
قووي وحچة بسفاهة
غالب: وين وين تعالي نتعرف مبرووك عرسوتنة الحلوة
_سحبت ايدي منة انتت منووو وشلون تدخل
هناا متستحي
غالب: اعصابچ عيوني اني مو غريب اصير
اخو ضرتچ اسمي غالب هواي راح تشوفين
هناا
_لمن گلي اخوهاا خفت منةة حچيت بهدوء
هاا اهلا وسهلا هسة اصيح غصونة الك
رد بضحكك
غالب: ههههه غصونة لامبينات صديقات
ولو هو ليشوف هذا الجمال ميصادقة
صدقة لهاي الغمازة تمووت
_شكرا شكرا عفتة ورحت اركض حتة ماصحتهااا
دخلت بوجهي للحمام سبحت وطلعت اصلي
رحت اريد اسووي غدة جانت هية ةاخوها
بالصالة فتت منهم صاحتني
غصون: وين رايحةة
_اسوي غدة
غصون: يلة بسرعة بس جيبي شي لأخوية
يشربة يلةة
_هزيت راسي ورحت طلعت عصير قدمت
الةة وهو عيونة تريد تاكلني، حچيت اسألهاا
شسووي غدة
غصون: مااعرف لاتسأليني سوي غدة زين
الثلاجات متروسةة بس ياويلج اذا مو طيب
_رحت للمطبخ طلعت لحم وسويت برياني
لحم وزلاطة المطبخ يسوي واهس لواحد
يطبخ بيه واني بيبي معلمتني الطبخ كلشي
اعرف عكس شفق مو شاطرة بالطبخ مثلي
اخوهاا بقة على الغدة للضهر رافد اجة تغدو
سوية ضحك وشقة محد صاحني واني هم كيف
اكلت وحدي بالمطبخ واستمتعت عزلت الية
خوش حصةة من كملوو نضفت المطبخ اخوهاا
راح وهمة دخلو لغرفتهم واني رحت للغرفة
اريد انام
يمكن هذا اليووم اطول يووم بحياتي
خلصتها طبخ وتنضيف وكلساع اترزل
لليل هلكت نمت وهو محاچي وياي كملة
وحدة ولا اجة يم غرفتي حيل يخاف منها
واني متونسة على الوضع شربت حباية
مثل ماعلمتني يومية قبل النوم وحدة
وضميتة ورحت نمت بعدني مغافية
سمعت صوتهاا تصيح طلعت اركض
دگيت الباب صاحت
غصون: دخلي وسدي الباب
دخلت وسديت الباب رفعت راسي
لگيتهم بملابسهم الداخلية على الچرباية
ومتحاضنين غمضت عيوني من منضرهم
المقززز وحچيت
شنو تردين ليش صحتيني
غصون: فتحي عيوني وگعدي باوعي
اريد اشوفچ حبةة الية حتى لاتتأملين
ويشطح تفكيرچ لفوگ فتحححي عينچ
للللچ....
...
شفق
بين النايمة والگاعدة احس بأدين تمشي على جسمي
وانفاس تلفح بوجهي نزعجت فتحت عيوون وانصدم بالشخص لگبالييي....
وليددد!؟
دفعتة بقوة وگع ليورة متعجب هجومي
لككك كلب شجابك هنااا شتسووي بغرفتيي
حقيررر الله ياخذك اصيح واضررب بيه بكل قوة عندي
على صوتي اجتِ امي تركض وبيبي وراهاا
باوعتلهاا وصرختت
شووفي هذا الساقطط شعندة هنااا ليش مدخلتة
للبيت ولججج جاي يمي يريد يعتدي عليةةةة
سهام:: اكلييي تبين لچچ ونصي صوتج خليني
افهم منةةة لاتاخذينة بعياطچ
_دگيت على وجهي بقوةة شتفهمين اگلچ يتلمسس
بيةةة تردين منةةة يعتدي عليةة يلة تصدگينن
وليد:: چذابةة سهام لاتصدگيهااا تحچي
هيچ تريد تخرب بينةة
سهام:: شعندك هناا لعد وليد شجابك بغرفتهاا
وليد:: طلعت للحمام وسمعت صوت من غرفتهاا
واني بنتچ مااراتاحلهاا هاي گدامچ احچي دخلتت عليهاا
عباللي يمهاا واحد صوجي اني خايف عليهاا
_حچة هيچ واني هجمت عليةة املخ بيه
لكك كلببب تريدد تضيععع سالفتكك وتذب
عليةة تهمةةة قذرة ولكك اني اشرفك
واشرف عشيرتكك ياساقط
سحبتني بييي وهيةةة منةة وهو نگلب
دجاجة
جمارة:: ولچ كافي راح تموتنين صوتچ راحح
ولچ يمةةة اهددي
سهام:: وليد تعال وياي وانتِ گرصي دودتچ
وگعدي ترة افلامچ مااصدگهاا لو شتسووين
وليد راح يعيش هنااا واذا ماعاجبج اخذي
بيبتح وولي منااا
_اخذتة وطلعت واني جسمي يهتز مثل السعفة
كعدت بيبي ونومتني بحضنهاا وتقرة على راسي
جمارة:: كافي حبيبتي يمة شفوقة ولچ
هذا جبان والله ميسوي شي بس
راد ينتقم منچ شلون تجاوزتي علية
ذاك اليووم
_بيبي امي تعبتني والله شوفيها
شدسوي بيةة گليلي بيبي خاف اني مو بتهاا
والله ماچانت هيچ
جمارة:: لايمة بتهاا بتهاا بس امچ عقلهاا
شخط من ذاك اليووم وصارت تمشي
تحت طوعة مدري خوف مدري حب
_يايووم
جمارة:: كلشي بوقتةة لاتخلين بالچ نامي يلة
وراچ گعدة واني بعدد انام يمچ ماعوفچ وحدچ
لان هذا بعدد راح يبقى
_بقيت بحضنهاا للصبح واني دمعني على خدي
گعدتني الصبح على صوتها ليريد الروح
والوجه ليجيب السعادة
جمارة:: شفقة يمةة گعدي يروحي يلة سويتلچ
ريوگ بيبي شفقةة گعدي
_بيبي عليچ الله اسمي خربتي اكوو واحد
هيچ يدلع شنوو شفقةة
جمارة:: اني احب هيچ يلةة تعالي تريگي
وياي جعت ولج اريد اخذ دواي
_يلةة گايمةة رحت بسرعة غسلت واجيت
يمهاا، الله شنوو هالدلال هذا عاشت ايدج
مبينة خوش مخلمةة
جمارة:: اعرفچ تحبيهاا يلة اكلي زين وقوي
روحچ عظامچ طالعةة
_ خليت لگمة ورديت عليهاا بيبي هاي
العظام من علامات الجماال يسونهاا بفلوس
جمار:: ديلة عيني حتى الجمال اختلف
المرة اذا مابيهاا لحمة ومرصرصة مو مرة هاي
_ههههه خليني اگووم ابدل تأخرت وانتِ اكلي
حتى ترصرصين بعدد
رحت سبحت بسرعةةة وطلعت لبست بنطرون
اسوود والتشيرت احمر وبيه اسم المطعم
من الضهر يصير نص ردن بس عريض احسن
حتى اخذ راحتي ضفرت شعري ورشيت عطر
وطلعت اركض بعد مابست بيبي واني اسمع
دعواتها اليةة كالعادة
وصلت لباب هدوء بعدني معابرتة طلعت بوجهي
يمةة اسم الله شبيج ولچ گمزيتي شعندچ من الصبح گاعدة
هدوء:: شنوو غير دووام هسة راح ترحين
_اي هم يلة يردينة ب7هناك شبيچ شوو
موعلى بعضچ احسچ؟
هدوء:: تعبانة شفق حيل تعبانة اريد السنة تخلص
مليت من الوضع والله افكرر ابطل
_لاولج ديري بالج ولچ الشهادة اخذيهاا
ترة تتندمين مابقى شي راح تعطلون مال
مراجعة شدي حيلج واقري حتى تعبرين
هدوء:: اووف الله كريم يلة روحي لاتتأخرين
وبعدين نحچي
_تمام يلة باي بستها ورحت اركض
وصلت للمطعم چانوا مفتحين والروائح مال ريوگات
طالعة دخلت صبحت عليهم
عزوز:: هلا آنسةة يلةة همي ايدج ويانة
اخذي هالطلب للشباب هنااك
_تمام نطيني، اخذتة ورحت قدمت الهم
بدون كلام هاي التعليمات منحچي مع الزبائن
بس من يطلبون شي رتبت الصحون داروح
حچة واحدد
:: يبنيةة بس لحظة
_تفضل استاذ تآمر بشي؟
:: يبنةة انتِ جديدة اول مرة اشوفچ هناا
_اي نعم البارحة باشرت عملي هناا اكو شي؟
_ها لالا ماكو شي الله يستر عليچ
_هزيت راسي ورحت من غير كلام
اجاني عباس الولد لوياي يشتغل
عباس:: خوما ضايقج اشوفة يسولف وياچ
_لاما حچة شي لاتهتم، يلة خلينة نكمل
لايجينة عزوز
ضحك وراح يركض التهيت بالشغل احس
الشغل مايخليني افكرر هواي لان اذا افكرر
لو اموت لو اتخبل للضهر اطانة وقت نستراح بيه
دخلت وياهم للغرفة جابو اكل گعدنة ناكل اني
وعباس وحمزة حچة عباس
عباس:: حمزة شبيك اليووم شو ذابهاا عالصامت
حمزة:: مابية شي
عباس:: لاعليك الله شكو اگلك صدگ انزع الشفقة
ترة خنگتني قابل هناا شمس
حمزة:: عباس لاتلح مااريد انزعهاا شچلبت اليووم
عباس :: لاااشو الا تنزعهاا احسك ضام شي
_همة يحچوون واني اكل واباوع عليهم
طفر عباس يتلاوة وية حمزة وذاك مچلب بالشفقة ميقبل ينزعهاا وهمة يتعاركون وگعت الشفقة من راسة
صارت هدوء واني اباوع شعر حمزة الطويل
البارحة شفتةة كلة ماكوو صاير اگرع
عززة هاي ليشش هيچ وين شعركك
عباس:: ولك ناقص شنوو زينت صفرر
حمزة:: خرب لشتك ارتاحيتت من شفتهاا
عباس:: هسةة غير يحچي ليش هيج سويت
ولك انت تموت على شعرك شجاك تخبلت
حمزة:: مواني اختي زينتني
عباس:: ليشش
حمزة :: لان قبل يومين قرضت اضافيرهاا
وهية نايمة تلعب روكي منهن وهية ضمتها
اليةة گعدت الصبح لگيتهاا مزينة نصةة
واني كملتةة بعد ما طيحت حضهاا
_هو حچة هيچ واني غصيت بالگمة من الضحك
وعباس يضحك بعلوو صوتة فضحنةة
عباس::: يايابةة ولكك والله زحمةة اختك
زينت شعررك هههههه ولك لاتحچيهاا فضحتنة
_هههههه بس ترة مستاهل شكو تگص اضافرهاا
ترة احنة الاظافرر عدنة حالها حال الشوارب
عباس:: ههههه خرب شوف الثانية عمي سكتي
الاظافر مال چلاب تقيسيهاا وية الشوارب
عزوز:: عفية عفيةة خوش سوالف عايفين
الشغل وگاعدين تسوالفون صدگ تحچوون
حمزة:: نعتذر عزوز بس ترة مصار هواي
من گعدنة
عزوز:: يلة كافي اجونة زبائن گوموا كملوا
شغلكم
طلعوا واني لمييت الاكل الباقي ودااطلع
حچة هو
عزوز:: صوت ضحكتچ عالي ترة مو حلوة
بحقچ انسة شفق بعدين اذا سمع الباشا يشلفچ
_ترة ماسويت شي حتى تتكلم وياي بهالطريقة
همة اخواني وگعدت يمهم وضحكنة على موقف
ليش تكبر الموضوع
عزوز:: مااكبر بس حبيت احذرچ لان الباشا
ميحب هيج تصرفات
_شفت الكلام وياه ضايع هزيت راسي الة
وعفتة وطلعت بقيت طول اليوم ضايجة كملت
شغلي واحس رجلية صارت خيوط من التعب
للساعة ب11ونص صاح علية رحت يمةة
طلع 25 نطاني وگال
عزوز:: روحي هسة خلصنة شغل ونامي حتى
تجين من وقت هاي يوميتچ تفضلي
_اخذتها منة
شكراً الك هسة رايحة
عزوز:: عذريني اذا حچيت وياچ بحدة
اليوم لان اني عبد مأمور اذا اجة وشاف شي
كلة يوگع براسي واليوم صوت ضحكم عالي چان
_اي صح حقك يلة مصار شي وشكرا مرة ثانية
اني اروح
عزوز:: الله وياچ انستي
_رحت غسلت وجهي ورتبت شعري وطلعت اركض
عبرت الشارع ركض
وصلت لشارعنة طمأنيت شوية چان الشارع فارغ
وظلمة وصوت الچلاب جاي من بعيد سرعت
مشيتي من حسيت اكو احد يمشي وراي كلما
اسرع احس بالخطوات الوراي تسرع و تلحگني
درت وجهي اريد اعرف منوو هذا مالحگت اشوف بسرعة رش شي على وجهي عيوني نعمت
ودخت ردت اوگع حسيت بأديه حضنتني بسرعة
اريد اصيح مااگدر صوتي ميطلع وعيوني غمضت
وفقدت مادريت بشي يعدد...
••••
هدوء
الحب اعتبرة شي مقدس لازم نحارب من آجلة
ومالازم نستلم ونضيع المحبوب خاصة اذا كان
مناسب النةة واني من وگعت عيني عليه
حسيتة هو الشخص المناسب هو الأريد اكمل
حياتي وياه، ماكنت اصدگ بالحب من اول نضرة
بس من صار وياي لاصرت اصدگ وأمن بهذا الحب
شيخ جعفر مثل مامعروف بالمنطقة
رجل صاحب اخلاق حلوة وسمعة طيبة
العالم تتفداه ويموتنون عليه واهلي من هاي
العالم هواي اسمع عنة من امي لو ابوي يحچي
مواقفة النة نعجبت بشخصيتة لو من تجي
امة المرة الطيبة صديقة امي وهية تحچي
بيه بقت بنفسي اشوفة وتعرف منو هذا الرجل
الطيب
شفق تعرف انعجابي بيه چانت تضحك
علية تگلي هسة انتِ وين شايفتة ومعجبة
بيه والله بطرانة
واني اضحك عليها چنة رايحين للمدرسة
نسولة ونضحك چان تأشر وتگول
شفق:: ابن الحلال بذكرة شوفي عيني
هذا هو شيخ جعفر شوفي لايضل بنفسج
_باوعت وين تأشر وشفتة يمة گلبي راد
يوگف لابس الصاية والعباية السود
العمامة البيضة على راسة والسبحة بيدة
الوجه نوراني وابيض والوقار واضح عليه
طلع من بيتهم مدنگ وركب سيارتة وراح
كل هذا واني صافنة عليه احس فصلت
من الدنيا شفق تحچي وياي مااسمع شتگول
عتتني حيلل
شفق:: هيووو شبيچ تنحرتي بنص الشارع
فضحتينة عوبةة لحد يطلع ويشوفچ
_ولچ شفق گلبي راح يطلع من كثر الدگ
ولچ شفتيه شگد حلو عبالي زلمة چبير
طلع ولد شاب
شفق:: اي صحيح هو مال حلو حلو الله يخلي
لأمة
_موتخلين عينچ عليه ترة مالتي هذا
شفق:: الله يطيح حضچ بحال سوالفچ اني
امشي امشي تأخرنة
من بعد هاليووم صار ماتمر علية
لحظة اذا هو مو على بالي من امي
تروح انتضرها ترجع واگعد اسألهاا حتي
تجيب سيرتة لان متاخذني وياهاا
لو امة من تجي احير شنو اقدم الهاا
واگعد يمهن وهية حبتني حيل چانت
المرة فقيرة حيل وحبابة
مشت الايام واني حبة يكبر
بگلبي يوم ورة يووم ومن اسولف
لشفق تضحك علية متقبل تگلي لاتصيرين
خفيفة ردت فرصة بس احجي وياه اريد اسمع
صوتة ماكو لحدما رحت وسألتة على الحب
چان يحچي بهدوء ووقار ابد مشال راسة من الگاع
لو رفع عينة علية واني عيوني عليه
حصلت رزالة من شفق چانت متقبل
بتصرفاتي وراها صرت اضم عليها
لان لبيها كافيهاا ضميت حبة بگلي
وصار يكبر يوم بعد يووم
بيوم اجتنة امة للبيت چانت دائماً
تجي علينةة اذا امي يومين مامرت عليها
تجيهاا رحبت امي بيهاا وصاحت علية
اقدم شي
ركضت بدلت ورتبت حالي وحضرت الضيافة
دخلت سلمت عليها
ام جعفر:: هلا هلا بيچ يحلوة
ليش كلفتي نفسچ دادة والله ماكو لزوم
ام هدوء:: صدگ چذب حجية هسة
شجايبة الج بردي گلبچ ادري بيچ تعبين
من تمشين
ام جعفر:: اي والله يووم شسوي
هذا كلة من السمن دمرني لچ عيني
كلما جعفر يسويلي نظام يگلي التزمي
بيه ارجع اخربط والله روحي تنسحن اجوع
دادة اجوع
ام هدوء:: غير علمود صحتج يراد تضعفين
شوية ولو اكلچ يخبل لييقى يمچ يسمن
غصباً عليه
ام جعفر:: مو شرط هسة مو هذا جعفر
يخبل جسمة محافظ عليه بس اني
وين اكل وحركتي قليلة طبعاً اسمن
ام هدوء:: اي صحيح الزلم يتمرنون
ويمشون هواي مو مثلنة بس بالبيت
_چنت اسمع لكلامها واني مستمتعة
طريقة كلامها تخبل وسوالفها متنمل
ركزت وياهن من جابت سيرتة
ام هدوء:: يعني بعدة ميريد يزوج
ماعرفتي شنو ااسبب
ام جعفر:: بدون سبب يگلي مااريد
وينهي الموضوع لك امي تعبانة اني
واضوج وحدي ابقة بالبيت يعني
انتَ الصبح بالجامعة والعصر بالجامع
وباليل تطلع اريد بنية وياي تنونسي
تسولف اشوف اطفالك افرح بيك
ماكو كل سنة يأجلني على السنة
الوراها وهاي عمرة دخل ثلاثينات
وهو بعدة
ام هدوء:: ماالچ غير حل واحد لان صدگ
بزعچ
ام جعفر:: ايدي بيدچ دادة شنو نوريني
ام هدوء:: تخطبيلة وتخلينة گدام
الأمر الواقع هيچ ميگدر يفشلچ
ولايگدر يرفض
_رجف گلبي من نصيحة امي الهاا
لايمة لاتكسرين بنتچ والله اموت
اذا ازوج, ردت عليهاا
ام جعفر:: لاعلى بختچ دادة شلون
اخلي بهيچ موقف يعني تردين اهدم
ثقة ابني بيةة لا ابد اذا مو هو يگلي
روحي خطبيلي ولااسويهاا
ام هدوء:: والله علمودچ اني اشوفج
شلون مفرفحة وابنچ عنودي الله يسلمة
وراسة يابس
ام جعفر:: بهاي صدقتي اعند منة ماكو
بس ربچ يلين گلبة اليةة دعوة ام لأبنهاا
ام هدوء:: امين يارب
_بقن يسولفن واني ترخصت وگمت
وصار عقلي يجيب ويودي خاف امة
تقنعة لو تجبرة على الزواج شلون اموت والله
مااتحمل بهذا اليوم حتى مادرست احس
راح اضيع السنة الثانية علية بقيت افكر
بحل شلون اتقرب الةة شلون
اتواصل وياه، خطيت خطوة
بلحضة ضعف ولسة متندمة عليهاا ..
شكرا لزيارتكم عالم روايات سكيرهوم
