رواية أحببت متمردة الفصل الرابع بقلم اسماء السيد
بتدخل ملاك غرفتها وبتدخل الحمام تاخد شاور
......... بعد مده
بتطلع وبتكون لابسه البرنس وبتتجه للدولاب بس موبايلها بيرن وبيكون محمود
ملاك بتنهيده:الوو
محمود:الوو عامله ايه ياملاك
ملاك بسخريه:كويسه ياسياده اللواء
محمود بحزن:مش ناويه تقليلي يابابا بقا نفسي اسمعها منك من زمان ياملاك
ملاك بقهر :لاء مش ناويه سيادتك ممكن اعرف حضرتك بترن ليه
محمود بتوتر:كنت بطمن عليكي يابنتي
ملاك بسخريه:بنتك ااه تمام حضرتك اطمنت انا تمام
محمود بحده:ملاك احترمي نفسك انا مهما كان ابوكي
ملاك بسخريه:ابويا ااه علي الورق بس ياسياده اللواء
محمود بحزن:سامحيني ياملاك
ملاك بحده :الي بيسامح ربنا انما احنا بشر سيادتك مبنعرفش نسامح ياباشا
محمود بتنهيده:تب مش ناويه ترجع القصر بقا ولا تشوفي امك حتي
ملاك بملل :لاء مش ناويه سيادتك ولو علي نرمين هانم فعادي غيابي مش فارق معاها ومن زمان ياسياده اللواء كدا كدا انا هخلص العمليه الجايه وهطلب نقلي وهسيبك خالص ياباشا
محمود بغضب:انا مستحيل اسمح بكدا انتي مش هتبعدي
عن عيني
ملاك بسخريه:لاء هبعد ومش هوريك وشي تاني سيادتك والقصر مش هرجعه انا كدا تمام ويلا عن اذنك مش فاضيه.... وقفلت
واتجهت للدولاب بغضب واخدت هدوم من الدولاب وبدأت تلبس
........ بعد مده كانت لبست شورت جينز وتيشرت اسود قصير وعملت شعرها ديل حصان ولبست كوتش ابيض
وكانت جميله جدا
طلعت من الغرفه وقفلت الباب
في الخارج طلعت وخبطت علي يونس ورعد كان طالع من غرفته لاقها بتخبط عليه وهيا ما اخدتش بالها
ملاك:يونس يايونس
يونس من الداخل:ادخلي يازفته
ملاك دخلت وقفلت الباب ورعد بصلها بشك ونظره استحقار
يونس كان لابس شورت جينز اسود وتيشرت ابيض وكوتش اسود وكان وسيم
ملاك بسخريه:شكلك معفن عموماً
يونس بضحك:متغاظه هتموتي كدا مني ومن حلاوتي
ملاك بضحك: انا دا انتا عيل سيس يالا هههه
يونس :تب يلا يارخمه
ملاك بغيظ:بلاش عشان مزعلكش
يونس:تب يلا
وخرجو وهما بيضحكو
ورعد شايفهم وهم بيهزرو ومستحقرها جدا وكرها اكتر
ودخل عند الشباب الي متجمعين مع مروان في الغرفه
كان رعد لابس تيشرت اسود بارز عضلاته وشورت اسود وكوتش ابيض وعلي كتفه شال رجالي زي بتوع العرب ابيض في اسود وكان شديد الوسامه حرفيا
حسام بضحك: اخيرا جيت يلا احنا جعانين اوي
رعد بحده:يلا وررايا يا زفت انتا وهوا
واتحرك وهما وراه بخوف
@@@@@@@@@@@@@@@@@@@@@@
عند ملاك ويونس
كانو قاعدين في مطعم علي البحر مباشر وكان الفيو تحفه
ملاك:واو بجد المكان تحفه يا يونس
يونس بحب:اهم حاجه تكوني مرتاحه بس
ملاك بحزن:ان جيت للحق انا مدايقه جدا
يونس بخوف:مالك يا حبيبتي انتي كويسه
ملاك بتنهيده:اه تمام بس تعبانه نفسيا
يونس بزعل:انسي بقا ياملاك
ملاك:مش قادره الموضوع مش سهل
يونس بموساه :معلش كل حاجه هترجع كويسه
.............. عند الشباب
وصلو المطعم ولسوء الحظ الشباب راحو نفس المطعم الي فيه يونس وملاك
قعدو وطلبو اكل
زياد بصدمه :الحقوا شوفو مين هناك
بصو كلهم لاقو ملاك ويونس
رعد بقرف:سيبك منهم دي تلاقيها ماشيه معاه ولا حاجه انا اصلا كنت بكرها بس استحقرتها اكتر لما شوفتها كانت طالعه من اوضته
حسام بنفي:بس لاء البت دي مش شمال ياسطا
زياد:انا شايف ان حسام عنده حق
مروان:يونس دا زير نساء رقم 1 اكيد ماشي معاها او حبيبته الله اعلم
رعد بزهق:خلصنا اقفلو الحوار
................ عند ملاك
كان الاكل نزل وبداءو ياكلو
ملاك:الواد اياد متغاظ اوي
يونس بضحك:اه اصلي بحنسه كل شويه بصوري هههه
ملاك بضحك:لاء خف شويه دا مجنون وممكن يسيب كل حاجه ويجي
يونس لمح الشباب :الحقي شوفي مين هناك
ملاك بصت لقتهم ومهتمتش
يونس:انتو تعرفو بعض ازاي
ملاك بملل :هحكيلك بعدين
فجأه لمحت شخص معدي وافتكرته ومسكت تليفونها بسرعه وفتحت صوره وكان نفس الشخص
قامت بسرعه جريت نحيت الشباب ويونس راح وراها
مروان:الحقوا دي جايه علينا
قربت ملاك بسرعه
ملاك بسرعه:داري وشك انتا وهوا بسرعه
رعد برفعه حاجب :ودا ليه ان شاءالله
ملاك قعدت جمبه ودارت وشها وهما سمعو كلامها ودارو وشهم
بعد مده ملاك قامت
رعد بغضب:في ايه عاوزه ايه
ملاك بحده :اعطيني سلاحك بسرعه
رعد بكذب:مش معايا
ملاك بصت علي جمبه ومدت ايدها وشدت السلاح وحطته في جمبها وهوا اتعصب وبعدين شدت الشال الي علي كتفه ولفته علي دماغها زي الفرسان ودارت وشها
رعد بغضب:هوا في ايه
ملاك بسرعه :مش وقته اسبقوني علي الاوضه ومتظهروش بسرعه..... ومشيت ورعد اتعصب
زياد بصدمه:هوا في ايه
حسام:والله يا ابني ما انا عارف
رعد بغضب جحيمي:انا مش عارف البت دي اخرتها ايه
حسام:تب تعالو نطلع احنا
يونس بخوف:ياترا ياملاك بتعملي ايه
بصوله بشك وسكتو وحاسبو وطلعو الشباب ومعاهم يونس فوق
@@@@@@@@@@@@@@@@@@@@@@
عند ملاك
فضلت ماشيه ورا الراجل لحد ماوصل مكان بعيد عن الناس وكان موجود غرفه زي استديو كدا دخل الراجل
وملاك مشيت بهدوء وراه وحزر وكان في نافذه صغيره برا
بصت منها بحزر وهدوء واتصدمت من الي شافته حرفيا
شافت بنات كتير ومنهم المق*تول ومت"علق وهما ماسكين سكاك"ين وبيقط*عو فيهم وكاميرات بتصور المشاهد دي ومنهم الي قاعدين بيفعلو ماح*رمه الله وفي ناس بتصوره"م وكان باين ان البنات مش في وعي*ها والراجل الي مشت وراه قاعد علي الكرسي وفي ايده كا'س وبيشرب وبيضحك
ملاك بصت بصدمه من الي شافته ومكنتش قادره تتحرك
وطلعت موبايلها وصورت كل حاجه صوت وصوره فيديو لمده 8دقائق
فجأه شافها احد الحراس
الحارس:انتا مين
ملاك ضربته ط*لقه في دم'اغه وهربت بسرعه بس الرجاله كانت شافتها وجريو وراها وبدأو في اطلاق الن*ار عليها وهيا ضربت عليهم وكانت الطلق*ه منها براجل بس هيا لحقت تهرب بس اخدت طلق*ه في دراعها بس كملت ولقت دراجه ناريه قدامها ركبتها وانطلقت بأقصي سرعه وهما طلعو وراها بالعربيات
بس هيا كانت اسرع منهم وهربت ووقفت الدراجه بعيد جدا وجريت لحد الفندق وكانت لسا ماشالتش الشال
وصلت الفندق بس قلعت الشال عن وشها
............. عند الشباب
كان رعد رايح جاي بغضب
ويونس قاعد متوتر وخايف
والباقي مستغربين وقلقنين
رعد بغضب:هيا راحت فين دي
يونس بخوف :لاء انا مش قادر انا قلبي وجعني ملاك فيها حاجه انا لازم انزل ادور عليها
رعد بصله بقرف وغضب وسكت
حسام:اهدا يايونس اكيد زمانها جايه
مروان:خير ياجماعه خير
فجأه الباب اتفتح ودخلت ملاك وهيا ماسكه دراعها الي بينزف جامد
جري عليها يونس ورعد حس بوجع في قلبه والباقي اتصدمو
يونس برعب:ملاك مالك يا ياحبيبتي انتي كويسه
ملاك بوجع:انا تمام يايونس
رعد قرب منها بغضب وقعدها علي السرير ومسك دراعها
رعد بغضب:لازم تروحي مستشفي الجرح عميق
ملاك بعند :مفيش حاجه انا تمام
يونس بخوف:لاء تعالي نروح المستشفى
ملاك بغضب:قولت لاء مينفعش
رعد بغضب جحيمي:هوا ايه الي لاء مروان اطلب دكتور حالا
ملاك :تمام بس دكتور موثوق فيه يكون من الحكومه
رعد برفعه حاجب: اشمعنا كنتي فين
ملاك :اهدا عليا بس وهقولك بس مش قادره اتكلم
رعد سكت ويونس كان قلقان عليها جدا ورعد كان مدايق
...... بعد مده وصل دكتور تبع مستشفى الشرطه
الدكتور :ازيكم يا بشوات
الشباب:الحمدلله
الدكتور بصدمه:ملاك النجار
ملاك بألم:انجز يا دكتور البهايم مش قادره
ضحك عليها الشباب معادا رعد
الدكتور بصدمه :حاضر حاضر
قرب منها ومسك كتفها
الدكتور بتوتر:الجرح عميق وعاوز بينج هتقدري تستحملي
ملاك بحده:انجز يلا توكل علي الله
يونس بخوف:تعالي نروح المستشفى
ملاك بغضب:يلا يا دكتور انتا
الدكتور جهز الادوات وملاك كانت متوتره بس مبينتش
نامت ملاك علي السرير والدكتور بدأ يعقم الجرح ويلبس الجوانتي ولبس العمليات
الدكتور:لو سمحتو مش عاوز حد يقرب
وبالفعل بعد يونس والشباب وقفو علي جمب وعينهم عليها
وبدأ يدخل المقص وملاك كانت بتموت من الوجع
الدكتور:معلش يا حضرت الظابط استحملي شويه لسا بفتح للجر*ح
وبلفعل قعد يشتغل في الج"رح وملاك هتموت من الوج"ع بس نزلت دمعه من الوجع و اتعرقت جدا ووشها بقا اصفر ورعد قلبه كان وجعه ويونس والشباب كلهم كان بيدمعو عليها معاد رعد الي كان قلبه وجعه بس مش عارف السبب
ملاك بغضب جحيمي:اخلص يا زفت يلا بسرعه
الدكتور بتوتر:لسا دقايق بس استحملي
وبعد دقايق طلع الطلق*ه الي كان حجمها كبير وطويله
ملاك بوجع شديد:ااه
الدكتور بتوتر:اهدي بس دقيقتين كمان نخيط الج*رح بس
ملاك بألم:انجز بسرعه
وبالفعل بعد وقت كان خيط الجرح ولفه ليها وهيا مكنتش قادره
الدكتور بنبهار:انتي بجد بطله يا حضرت الظابط انك اتحملتي الالم دا كله لوحدك
يونس قرب منها :انتي كويسه ياملاك
ملاك بغرور:انا تمام يا ولا متقلقش مش هموت دلوقتي
يونس ضحك من بين دموعه
مروان بنبهار:انتي بجد بطله ياملاك انا لو مكانك مكنتش استحملتها والله
حسام:حمدالله علي سلامتك ياحضرت الظابط
زياد بتسقيف :واالله العظيم انتي جامده اخر جموده
ملاك :خلصت انتا وهوا مسمعش صوتكم بقا
الدكتور قرب من رعد :انا كتبتلها شويه ادويه لازم تاخدها وكمان هيا حرارتها هترتفع بليل جدا فخدو بالكم منها ويستحسن تفضلو جمبها ومتسيبوهاش لوحدها
رعد بجمود:تمام مروان وصل الدكتور
وطلع الدكتور ومعاه مروان
ملاك كانت قايمه بس مقدرتش تقف
رعد:راحه فيين
ملاك برفعه حاجب:راحه اوضتي
رعد بحده:لاء انتي هتفضلي هنا اليله
ملاك بغضب:انتا مجنون انا مش هفضل في حته
رعد بغضب:لمي لسانك ودا الاحسن ليكي يا حضرت الظابط
يونس بغضب:معلش بردو هيا تقعد معاك في الاوضه ازاي يعني
رعد برفعه حاجب :وانا كنت قولت تقعد معايا انا بقول كلنا هنفضل هنا اليله يايونس
يونس:ليه بقا
رعد بحده:حضرت الظابط محتاجه رعايه شديده ولسا لحد الان منعرفش هببت ايه
ملاك وقفت بضعف قدامه :اسمع يا اسمك ايه انتا انا مش شغاله عندك فاهم
رعد بضيق:تب ارجعي اقعدي وبعدي ووو....
فجأه ملاك وقعت في حضنه مغمي عليها ورعد كان عارف
وشالها وحطها علي السرير وغطاها
يونس بخوف:هيا ايه الي حصلها
رعد بغضب:كنت عارف ان دا هيحصل بس تقول ايه دماغها ناشفه علي الفاضي..... ونفخ بضيق
@@@@@@@@@@@@@@@@@@@@@@
في قصر الدمنهوري
بيكون متجمع العيله كلها علي العشا
سالم:والله القصر ماليه طعم من غير الشباب
ابراهيم بهزار :اسكت يابابا احسن بلا وجع دماغ
جميله :بس يا ابراهيم دا انا حاسه ان مش عارفه اقعد من غيرهم وبذات حسام ومروان
يارا بسرعه:ورعد كمان
ميرفت وعلي بصلها ومتكلموش
سالم:عموما يرجعو بسلامه
على:صحيح يا ابراهيم هنعمل ايه في الموارد الجديدة
ابراهيم:كل خير ان شاء الله بس في حاجه ناقصه ولازم نجيبها
على:ااه قصدك الحديد الخام
ابراهيم بتفكير:مش عارف اعمل ايه هوا مابيتبعش في الشرق الاوسط كلها غير بإشاره من قاسم النجار
سالم:انتا لسا مقابلتوش ولا كلمته
ابراهيم:لا اكيد عندنا اجتماع معاه بعد اسبوعين
ميرفت:ليه هتقابلو الوزير
ابراهيم:لاء دا قاسم النجار اصل الحديد الخام فعلا دا احسن صانع حديد في الشرق الأوسط كله
جميلة:مشاء الله ربنا يزيده
سالم:ياارب عموما سيبها عليا انا هكلمه وهحاول اخليه يقابلكم الاسبوع دا
على:يبقا ياريت يابابا
سالم:ان شاء الله ياعلي
@@@@@@@@@@@@@@@@@@@@@@
عند ملاك والشباب
كانت ملاك نايمه والشباب قاعدين علي الركنه الي في الجناح بتاع ورعد
يونس بخوف:انا خايف عليها اوي
حسام بتوتر:ان شاءالله خير
مروان :جماعه البت دي وحش دي استحملت وجع انا كراجل مستحملوش
رعد:قصدك لو كنت راجل يامارو
مروان بصله بغيظ ومستجرأش يتكلم
زياد بضحك :دا دشمل خاطرك وجبهتك ههههه
حسام بضحك:معلش يا مارو يا حبيبي ههههه
.......... بعد مده من الضحك كانو الشباب نامو على الكنبه حتي رعد نام
في منتصف اليل صحي رعد علي صوت همهمات ملاك
وقرب منها ولاقا جبينها متعرق جدا وحرارتها عاليه بشكل مش طبيعي
ملاك بتخريف ودموعها بتنزل:لاء انا معملتش كدا ارجوك
رعد بصلها بنتباه
ملاك:انا عاوزه اموت وارتاح حرام عليك ياظالم
قام رعد جاب تلج وجاب طبق وجاب تيشرت نضيف من بتوعه وغطسه في الميه المتلجه وطلعها وعصرها وبدأ يحطها علي جبينها وهيا بتتكلم كتيير وكان بيمشي ايده علي شعرها وهيا بتعيط
ملاك بألم وبدون وعي:ميه عاوزه ميه
رعد قام بسرعه جاب كوبايه ميه وحط ايده تحت دماغها
وشربها وهيا نامت علي ايده ومعرفش يشيلها
@@@@@@@@@@@@@@@@@@@@@@
في مكان مجهول
الرجل بغضب:ازاي يعني معرفتوش تجبوها
الحارس بخوف:ياباشا دي قتلت 11حارس في اقل من دقيقة دي مش بنت عاديه
الراجل بحده:تب شوفت وشها
الحارس بخوف ااكتر:لاء كانت مخبيه وشها بشال
الراجل :اكيد دي صحفيه
الحارس:يمكن ياباشا
الراجل:تب عرفتو هيا فين
الحارس: لاء موصلناش لطرف خيط حتي بس هيا اخدت طلقه في كتفها
الراجل بتفكير:اقلبلي مستشفيات شرم كلها واعرفلي مين الي اخد طلقه في كتفه يلا بسرعه
الحارس:اوامرك ياباشا
وطلع الحارس وهوا طلع موبايله ورن علي الكبير
الراجل بتوتر:في مصيبه يابوص
البوص :في ايه الي حصل
الراجل:في حد شافنا واحنا في الاستديو
البوص بخوف:تب وجبتوه
الراجل بتوتر وخوف:لاء دي قتلت 11راجل يابوص
البوص بغضب:تقلبلي شرم فوق تحت تجيب البت دي يا شويه بهايم
الراجل:حاضر حاضر.
البوص بغضب وشر:وكمان بنت يا شويه نسوان بسرعه عاوز اعرف مكانها والفيديوهات الي اتصورت انتا عارف المكان
الراجل:كله تحت السيطره
البوص بغضب:تب يلا نفذ وغور من وشيي... وقفل
@@@@@@@@@@@@@@@@@@@@@@
في الصباح
عند الشباب
صحيو لقو رعد نايم وحاطط ايد تحت دماغه والايد التانيه ملاك نايمه عليها وعلي دماغها كمادات
زياد بصدمه:ولا ياحسام هوا دا رعد
حسام بصدمه:ااه هوا دا بجد
مروان بدهشه من الموقف :اوماي جااد بجد
ويونس قرب من ملاك بخوف
يونس بهدوء:ملاك يا ملاك
صحي رعد علي صوته واتصدم من الموقف بس مبينتش لانه نسي يشيل دراعه
رعد شد ايده بهدوء وبصلهم بغضب واتجه اخد هدوم من الدولاب وراح الحمام
يونس قرب من ملاك وكان بيمشي ايده علي شعرها بلطف
يونس بهدوء وخوف:ملاك يا ملاك
ملاك بنوم:اممم
يونس :انتي كويسه
ملاك فتحت عيونها وحاولت تقوم بس معرفتش ويونس ساعدها تقوم
ملاك قعدت علي السرير
حسام بتوتر:عامله ايه دلوقتي
ملاك بهدوء :تمام
زياد:اهم حاجه تقومي بسلامه ياحضرت الظابط
ملاك:انا تمام بس عاوزه اروح اوضتي
رعد طلع وهوا لابس تيشرت اسود وبنطلون واسود
........
رعد بغضب:مش هتمشى من هنا غير لما تقولي ايه الي حصل
ملاك بصتله بضيق:انا عاوزه اخد شاور وارتاح وهاجي احكي وانتا ملكش الحق تقولي امشي ولا لاء
وقامت بغضب بس مقدرتش تقف فسندت علي يونس
فجأه الباب خبط بقوه لدرجه انهم اتفزعووو........
شكرا لزيارتكم عالم روايات سكيرهوم
