 |
رواية دعني احطم غرورك الفصل الخامس والخمسون بقلم منال سالم
-جانا هاتفياً: هاي دينا وحشتني كتير
-دينا: انتي اكتر ، احنا عرفنا انك موجودة فهنجيلك
-جانا: بجد؟؟ انا مستنياكو ع نار
-سهير: اوعي يا دينا خليني أكلم جوجو حبيبتي ، ألووو ازيك يا عروسة
-جانا: هاي أنطي ، وحشاني موووت
-سهير: انتي اكتر يا حبيبتي ، اخبارك ايه ، طمنيني عليكي ، ها بتاكلي كويس ، عز بيعاملك كويس ، طمنيني
-جانا: الحمدلله .
-سهير: كلنا هنعدي عليكي النهاردة أخر النهار وتحكيلي بالتفصيل بقى عملتوا ايه
-جانا: تنورونا يا أنطي
-سهير: خلي بالك يا حبيبتي من نفسك
-جانا: حاضر أنطي
.....
وفي نفس الوقت رن هاتف عز الدين ،،،
-ياسين: مش هاقولك غير وااااالعة
-عز: الله يخربيت فقرك ، دكر !!
-ياسين: ايوه ياعم ، اخزي العين عنك
-عز: أبوس ايدك ارحمني من أرك شوية ، أنا مش عارف أعدي level البوس
-ياسين بهزار : بلاش أوفرة يا عمُنا تلاقيك وصلت لمرحلة Game Over .. هنياله
-عز: أنا عارفك مش هخلص منك النهاردة ، انجزززز عاوز ايه
-ياسين: يا عم بسأل عليك
-عز: مشكرين
-ياسين: انت جيت ولا لسه؟
-عز: لأ ياخويا موجود ، وبعدين الجماعة عاملين كبسة علينا النهاردة
-ياسين: جماعة مين ؟
-عز: الحاج والحاجة ، وحمايا وعيلته
-ياسين بلهفة: ايه ده المزة جاية
-عز: مزة مين ؟؟؟
-ياسين: دينا
-عز: أكيييد ، ماهي كانت بتكلم جانا من شوية
-ياسين: طب أنا عازم نفسي عندك النهاردة
-عز: لأ احنا مش فاضيين ، فوت علينا يوم تاني
-ياسين: بطل بقى برود ، انا مش جاي عشانك ، انا جاي لمزتي
-عز: ماهو عشان كده بقولك احنا شطبنا ، قافلين
-ياسين: بقولك ايه ، انت شوية وهتلاقيني فوق دماغك ، لأ خلاص أنا وصلت، افتح الباب أنا برن الجرس أهوو
أغلق ياسين الهاتف ولم ينتظر الرد من عز الدين
-عز: ولا ، استنى .. ياباي عليك، ده انت لزقة بغرة!!!
-جانا لعز : بقولك عمي وأنطي ودينا جايين النهاردة
-عز: ما أنا عارف
-جانا: عرفت منين ؟
-عز: بابا اتصل بيا وبلغني ان هو كمان جاي ومعاه ماما وعيلتك برضوه
-جانا: اوك
-عز بخبث: احنا كنا بنقول ايه قبل ما شركة مصر للاتصالات تفتح فرع عندنا؟
-جانا بتوتر: آآآ.. مكوناش بنقول حاجة
-عز برومانسية: لأ .. افتكري كده ، كنا بنتكلم عن النحل والعسل والـ...
ثم اقترب عز الدين منها وأخذها بين ذراعيه وضمها إليه قليلاً ،،
-عز محاولاً تقبيلها : هاااا.. افتكرتي ؟
-جانا وقد احمرت وجنتيها : هه ...
وفجأة دق جرس باب الفيلا ، فابتعدت جانا عنه ونزلت لترى من الطارق
-عز بنرفزة: أشق هدومي يا ناس ، مش عارف أعد مع مراتي شوية لا في بيت ولا في مصيف ولا في أي حتة ، جوازة فقررررر منظورة من كل الاتجاهات !!!!
-عز: استني يا جانا ، انا هشوف مين
-جانا: طيب
نزل عز الدين ليجد الشغالة تتوجه هي لفتح الباب فطلب منها الانصراف ،،،
-عز للشغالة : روحي انتي يا دلال ع المطبخ ، انا هشوف مين
-دلال الشغالة: حاضر يا بيه
-يوسف: انت اللي بنفسك فتحلنا يا عريس
-عز: بابا حبيبي ، ازيك
-عايدة: ومافيش ازيك يا ماما؟
-عز: ودي تيجي يا ست الكل ، ازيك يا أمي منوراني والله
-عايدة: حبيبي وشك منور والله ، الظاهر ان الجواز جه ع صحتك هههههههه
-عز بتهكم: اه واضح ، انتي مش شايفاني متاخد ع طول يا امي !!!
-يوسف: ايه يا بني ، هنفضل واقفين ع الباب كتير
-عز: لأ اتفضلوا ده بيتكوا يا بابا ، اتفضلوا
كان عز الدين على وشك أن يغلق باب الفيلا إلا أنه فوجيء بحسين وعائلته ،،
-عز: لأ مش معقول ، انتو مظبطين سوا بقى
-حسين: طبعااااا ، حبيبي يا عريس ، منور والله
-عز: ده نورك يا عمي ، اتفضل
-حسين: شكرااااا يا بني
-سهير: لوووولوووولي ، الف مبرووووك يا عريس
-عز: الله يبارك فيكي يا طنط ، اتفضلي حضرتك
-دينا: مبروك يا عز
-عز: الله يبارك فيكي يا دينا ، عقبالك ان شاء الله
-ياسين من الخلف: ياااااااااااااااا رب ، أنا وهي في يوم واحد
-عز: اعوذو بالله ، بيطلعوا امتى دول ؟؟
-ياسين وهو ينظر لدينا: هييييح ، وحشتني أوي يا عز، مشوفتكش من زمن أعز ، منور والله أعز ، يخربيت جمالك أعز ، ده انا هموت عليك آعز
-عز: ايه يا عم كل ده ، ده انت لسه قافل معايا الخط ، ولا جالك زهايمر
-ياسين وهو مازال ناظراً لدينا : يااااه ، ده انت طيعم أوي يا عز
-عز لياسين : ياهوو انت ، خليك مركز معايا
-ياسين وهو (متنح) لدينا : ما أنا مركز أهو .. ازيك يا آنسة دينا
-دينا : هاي
-عز: احنا هنقضيها ع الباب خشوا بقى جوا انتو الجوز
-ياسين: عاملة ايه؟
-دينا: Fine
-ياسين: يالهوي يامه ع فاين بتاعتك دي ، ناعمة وقوية وكلها حنية !!
-حسين مقاطعاً: دينااااااااااااا
-ياسين بفزع : أعوذو بالله من الخبث والخبائث
-حسين: بتعملي ايه عندك كل ده ؟
-دينا: nothing دادي
-حسين: آآ.. أنا شوفتك فين قبل كده ؟
-ياسين: أنا زفت الطين رأفت ، قصدي المهندس ياسين رأفت صاحب عز ، أبوس ايدك يا عمي احفظني !!!
-حسين: أها .. معلش يا بني ، يالا يا دينا
-دينا: اوك
-عز: اتنيل خش يا سينو
-ياسين: ما أنا متنيل أهو
-سهير: أومال فين العروسة ؟
-دينا: انا هطلع أشوفها
-عايدة: سيبوها على راحتها خليها تجهز
-ياسين: ههههههههه مجمعين عند النبي يا جماعة
-يوسف: أه والله
-حسين: الواحد مش عارف يقول ايه ، بس الحمدلله ان كلنا أعدين سوا النهاردة
-عز: والله البيت نور بوجودكم .. عن اذنكم لحظة
-عز لدلال : دلال بسرعة طلعي حاجة ساقعة للبهوات اللي بره
-دلال الشغالة: حاضر يا بيه
-عز: ومتنسيش الجاتوه والشيوكلاته
-دلال الشغالة: أوامرك يا بيه
ثم صعد عز الدين ليرى جانا التي كانت تعد نفسها لاستقبال العائلتين
-عز: وعزة جلال الله ما ينفع كده
-جانا: ايه في ايه؟
-عز: يخربيت حلاوتك
شعرت جانا بالخجل ، فقد كانت ترتدي فستان كب باللون القرمزي ( موف) فأظهر بياضها ، وكانت تضع شعرها كله على كتف واحد ، ويزين رقبتها عقد رقيق
-عز: انا رأيي نطنش الناس اللي أعدة تحت ، ونسيبهم ملهيين في الجاتوه ، ونكمل المباحثات والمشاورات بتاعتنا
-جانا: مباحثات ايه ؟
-عز: المباحثات يا جانا ، أنا مش عارف بتنسي بسرعة ليه !!
واقترب عز الدين من جانا ، ولكنها دفعته بيديها بكل رقة
-جانا: حاسب بقى كده أنا هتأخر عليهم
-عز: يوووه ، ما أنا ملطوع بقالي كام يوم ، خليهم يستنوا يعني هيخسوا
-جانا برقة: عز .. بليز بقى
-عز: ياااااخرابي ، انتي مش ناوية تجيبها لبر معايا
-جانا برقة ودلع : الله بقى ..
ثم تركته ونزلت لتستقبل العائلتين
-عز: ياااااااااااه ... أكتر من كده وهنفجر !
..........
-سهير وهي تقبل جانا: وشك ولا القمر يا عروسة ، وحشتني يا بنتي ، موووووه ، لولوووولي
-حسين وهو يحتضنها : ماشاء الله يا حبيبتي ربنا يحميكي
-عايدة وهي تقبلها: منورة يا عروستنا يا قمر
-يوسف وهو يقبل رأسها : ازيك يا جانا يا بنتي
-دينا وهي تحتضنها : وحشتني أوي يا جوجو
-ياسين: نورتي بيتك آعروسة ، عقبالك ياللي في بالي
-جانا بخجل: ثانكس يا جماعة
-عز: مافيش حاجة ليا
-عايدة: يا بكاش ، مش لسه مسلمين عليك
-ياسين: الله !! مش لسه عاملك زفة بره يا زيزووو
-سهير بلطافة: تعالي يا جوجو فرجينا على الفيلا بعد ما نورتيها
-جانا: اوك يا أنطي ، يالا يا دينا ، بليز أنطي ديلة تعالي معانا
-دينا: شوور
-عايدة: اكيد طبعا
-سهير: اتفضلوا ، اتفضلوا
-عز: منورين
-يوسف: ده نورك يا بني
-حسين: الله يكرمك يا بني
-ياسين هامساً ليوسف: مش ناوي بقى يابوعز تظبطني
-يوسف هامساً: مش وقتك ، احنا جايين نبارك ونهني لعز
-ياسين: يادي عز ،مش هتكلم الجدع بقى والله أنا هحليلك بؤك وهجيبلك تورتة بحالها !
-يوسف: اتلم يا سينو
-ياسين: انا قربت أخلل جمبكم ، ستروني بقى
-حسين هامساً لعز: ايه الاخبار ؟
-عز: أمها وجوز أمها جمب النهاردة عندنا
-حسين بخضة: ايه ؟؟ بتقول ايه ؟؟؟؟
-عز: ده اللي حصل يا عمي بس أنا زحلقتهم
-حسين: خير ما عملت ، عز يابني
-عز: أيوه يا عمي
-حسين: خد بالك منهم ، العالم دول أبلسة وشياطين ، ممكن يعملوا أي حاجة عشان خاطر الفلوس ومتفرقش معاهم جانا
-عز: ما أنا عارف
-حسين: عارف ايه ؟
-عز: عارف كل حاجة ، جانا قالتلي
-حسين : قالتلك ايه بالظبط ؟؟؟؟
-عز: قالتلي ع الحكاية كلها من الألف للياء
-حسين: يعني عرفت بأن جوز أمها بتاع قمار وبيعمل صفقات مشبوهة وورطت سيلين معاها وكان ناوي يضحك ع عاصم اخويا الله يرحمه
-عز: أه .. وأكتر من كده كمان
-حسين: هو في تاني ؟؟
-عز: هو أنت متعرفش أن رامز كان عــ........
-يوسف مقاطعاً: بص يا سحس ياخويا لأحسن الواد ياسين ده عملي كالو في دماغي
-حسين: خير يا جوو
-يوسف: م الاخر كده عاوزين نطلب ايد بنتك الآنسة دينا لياسين ده
-حسين: ياسين مين ؟؟
-ياسين: أنا يا عمي ، أنا رأفت ، قصدي ياسين رأفت ، مهندس وصاحب عز وشوفتني يجي 7 تلاف مرة مع بنتك وبتسألني نفس السؤال ، فأبوس ايدك افتكرني بقى .. مش معقول الملامح المسمسمة دي تتنسى
-حسين: والله انت فجأتني يا يوسف ، يعني سيبني كده أد يومين تلاتة أسأل عنه
-ياسين: أنا معايا الـ CV بتاعي اهو ، اتفضل يا عمي اقراه
-يوسف: هو أنت جاي تقدم على وظيفة
-ياسين: لأ أنقح من كده ، بأقدم على جواز
-حسين: طيب سيبلي الملف بتاعك وهدرسه
-يوسف بهزار: ههههههه هو ملف صفقة
-حسين: هههههههههههه لأ ملف جواز ، وبعدين لازم أخد رأي أمها ، والأهم من ده كله رأي العروسة نفسها ..
-ياسين: ياااااااااااا رب اجعل في وشي القبول ويأشر عمي حسين على طلبي بالموافقة
-عز: أيوه ياعم جاي تظبط نفسك عندي
-ياسين: الله اكبر ، ومن شر حاسد إذا حسد !!
-عز: بقى انا اللي هحسدك ، اومال انت عامل فيا ايه ؟؟؟
-ياسين: أنا عارف نفسي بأر وبحقد وبنق عليك ، فعشان كده هكبر في وشك
-عز: يا رب أشوف فيك يوم يا سينو ، وتدبس زيي
-ياسين: يسمع من بؤك ربنا ، واتدبس في دينا مزة المزاميز
-حسين: نعم بتقول ايه ؟
-ياسين: بقول يا عمي لو وافقت هجيب فرقة مزامير
-حسين: أها بحسب ، أصل سمعت حاجة تانية
-ياسين: مش انا ده عز !
-عز: الله يخربيتك هتلبسني نصيبة
-ياسين: مانا مش هلبس لوحدي
-عز: أصيل يا بن رأفت
-ياسين: الله يكرم أصلك يا زيزووو ، دايما مغطي عليا
...............
-سهير: انزلي يا دودي هاتلي مياه من تحت.
-دينا: طب ما المياه هنا !
-سهير: لأ دي سخنة ، هاتلي مياه من التلاجة
-جانا: ثواني أنطي أجيبهالك أنا
-سهير: لأ دينا هي اللي هتنزل
-دينا: ممم شكلك بتوزعيني يا مامي
-سهير: بس يا بنت ، هو انا عشان عاوزة أشرب مياه ساقعة هتعمليلي فيلم؟؟
-دينا بغمزة: اوك يا مامي ، هجيبهالك ساقعة ومشبرة كمان
-عايدة: هههههههههههه مالكيش حل يا دودي ، استني أنا هاجي معاكي
-دينا: أوك يا أنطي ديلة
-سهير لجانا: اخبارك ايه يا عروسة؟
-جانا: تمام
-سهير: أقصد مع عز
-جانا : كويسة
-سهير: يا بنتي ركزي معايا ، كله تمام ، حصل يعني ؟
-جانا بعدم فهم: ايه اللي حصل ؟
-سهير: ياااني يا ولاد ، انتي مش اتجوزتي عز
-جانا: ايوه مش قصادكوا يوم ما عملنا الفرح
-سهير: ايوه ، وايه اللي بعد الفرح
-جانا: روحنا البيت
-سهير: ها .. وبدين!
-جانا: بس .. Full stop
-سهير: لا والله ، مافيش حاجة بعد كده !!
-جانا: لا والله أبداً يا أنطي ، أكلت ونمت وبعدها سفرنا ورجعنا
-سهير: يعني هو مقربش منك
-جانا: الصراحة يا أنطي هو قرب مني !
-سهير : طب كويس أوي وأنتي عملتي ايه معاه؟
-جانا بكل ثقة: ضربته وزعقتله وشتمته كمان ، ايه رأيك ؟
-سهير بخضة: يالهوي يااااني !! أصوت ويقولي سهير اتجننت ، في عروسة تعمل كده مع عريسها
-جانا: وأنا عملت ايه بس يا أنطي؟
-سهير: عملتي بلاوي سودة طبعاً ، ده كويس انه مستحملك ، والحمدلله أن مامته مش هنا كان زمان فضيحتك بجلاجل
-جانا: اوووف بقى.
-سهير: متقنعنيش انك مش عارفة العروسة بتعمل ايه مع عريسها ليلة دخلتهم !!
-جانا بخجل: انطي بليز ، أنا بتكسف.
-سهير: لأ يا حبيبتي ، ده حق الزوج الشرعي ، وكويس أوي انه ساكت وراضي وصابر عليكي كمان.
-جانا: هو غصب يعني؟
-سهير: لأ مش غصب ، بس لما الزوجة بتمتنع عن زوجها بترتكب ذنب ومعصية.
-جانا: أنطي أنا لسه مخدتش عليه.
-سهير: خد عليه براحتك ، بس حابي على جوزك واحمي بيتك بدل ما واحدة تانية تلوف عليه
-جانا : قصدك ايه يا أنطي؟
-سهير: قصدي يا حبيبتي لما الراجل ميلاقيش راحته في بيته ، هيدور عليها بره ، وعز بسم الله ماشاء الله ، ملين واحدة تترمى تحت رجله ، لكن هو فضلك انتي واختارك واتجوزك ، وفوق ده كله مستحمل اللي بتعمليه فيه ، ده ليه الجنة والله
-جانا: ربنا يسهل
-سهير: يا بنتي أنا بوعيكي ، كان المفروض مامتك هي اللي تفهمك ده بس....
-جانا مقاطعة: بليز أنطي ، انا مش حابة أسمع سيرتها .. كفاية انتي وأنكل حسين ودينا عليا
-سهير: وقبل دول كلهم لازم جوزك
-جانا: يعني ايه؟
-سهير: يعني جوزك وبيتك أهم شيء في حياتك وبعد كده نيجي احنا ، لكن العكس يبقى حياتك معرضة انها تفشل
-جانا: أها..
-سهير: اوعديني يا بنتي انك تكوني الزوجة الصالحة لجوزك
-جانا: هو أنتي معاه ولا معايا
-سهير: هي مش حرب يا جانا عشان أقف جمب حد معين فيكو ، لأ دي حياة أسرية بينكم دلوقتي ، يعني مودة ورحمة وألفة وعشرة ولازم تعملي اللي قولتلك عليه عشان ربنا يرضى عنك ويباركلك في جوزك وحياتك
-جانا: ان شاء الله
-دينا مقاطعة: بترغوا في ايه
-سهير: ياساتر عليكي
-جانا: مالكيش فيه
-دينا: Oh ، بقى كده
-جانا بلؤم: اطعلي منها وهي تعمر
-دينا: ممم ، الله الله يا ست جوجو ، من ساعة ما اتجوزتي ومحدش عارف يكلمك
-جانا: هههههههههه ، نحن السابقون وانتم اللاحقون
-دينا: ههههههههههه يارب يا جوجو يااا رب
-سهير: اختشي يا بت
-دينا: الله يا مامي سيبني أقول رأيي
-سهير: اومال فين عايدة هانم
-دينا: أعدة تحت مع الجماعة ، يالا بقى ننزلهم ، they're all asking about us
-جانا: اوك ، يالا بينا
-سهير: صح لازم ننزلهم لأحسن احنا اتأخرنا أوي عليهم
-سهير وهي تمسك ذراع جانا: متنسيش اللي قولتلك عليه
-جانا: اوك أنطي
-دينا مقاطعة: نفسي أعرف بترغوا في ايه كل ده
-جانا وهي تدفع دينا: اوووف منك ، انزلي قدامي !!!
.................................
