رواية اغفري لي الفصل السابع والخمسون بقلم أوتار حزينة
غاده
صارت هوسه
معاذ هد علي العياط گب من خواتي وزهره
وكفوا بوجهه ماخلوه يتلازم ويا
بابا دفعه يصيح
«،،ولك ااانت ماعليك امشي منااا
«،،ولكم جاااي يهددها كدامنا
«،،اااسمعي،،،،الجلمه وامشي
صاح بيه بخبال ويرجف من غضبه اخويه ماسكت
ظل يغلط علي ويهد خفت لاا واحد
منهم يوكع واخسره صحت
بصوت عالي
«،،كااافي راح اااروح ويا
«،،ماتروحين واريد الرجال الي ياخذج بالقوه
معاذ صاح بيه حمزه تجاهله وحجه
وياي يخزر بغضب
«،،انه طالع بره وكاعد بسيارتي ربع ساعه
الج تلمين غراضج وجبين ولدج
وتجين
حجه هيج وطلع اخويه صاح بي
«،،مااتجي وشتريد تسوي سوي
«،،ولك كااافي وسد حلگك
بابا صاح بي زهره كعدت
تبجي تردد
«،،شلون ياربي والله تعبت وراح اموت من قهر
السويته
«،غاده لاتسمعين كلامه والله ماانطيج اله
لو على گص رگبتي
«،،،ولك انت شتريد تهجم بيت اختك
ابويه انهد بي ماما صاحت بي
«،،الرجال غلط وعرف غلطه واكثر من مره اجه
واعتذر منها وهي راكبه راسها وماسوه
هيج الا من قهره
«،،ياابه جااي يهدد بيها
صاح بيها بابا خزره وصاح بي
«،،من قهره يريدها ترجع لان مايكدر بلياها
ماشفت روحك شسويت من كال
اخذ زهره ماتخبلت
وهديت علي
اخويه سكت كمل
«،،اسالك انت تكدر تعوفها الهم
«،«لاااا
صاح بغضب وكمل
«،،والله اموت وما اسلمها الهم
«،،حلال عليك وحرام علي
بابا نتر بي وكمل بغضب
«،،انت ابدا لاتخلي روحك بشي يخصها هي
تقرر تريد تروح خلي تروح ماتريد
اني اصرف ويا
«،، اريد اروح
جاوبته بشهكه مشيت من يمهم صعدت لغرفتي طبيت وكمت الم بغراضي بعصبيه واخلي بالجنطه
ماما اجت ورايه هي وصبا
حجت ويا
«،،على كيفج وي روحج ولاتعاندين ولج والله
يحبج وميت عليج وماسوه هيج
الا من وره حبه الج
سكتت وكملت
«،،،غاده ماما لاتخسرين حمزه من وره عنادج الولد
تعب ومو قليل الصار بي وانتي شفتي
شصار بيج من وراه شتريدن
هم من القهر يصير بي
شي وانت عرفتي
هو من طلگج ضغطه صعد
تخربط ووكع فاقد الوعي
كعدت اشهك بصوت قوي علي كعد يبجي
صبا شالته ونزلت بي جوه
كلت
«،،قهرني ماما
«،،اعرف والله اعرف بس والله من قهره شاف
عمره راح يروح بالسجن وهم تهدد
بالموت كال مااريد اظلمها
وياي وسوه هيج بس
ماكدر ياماما يعوفج
ورجعج وهالشي
يثبت هو شكد
متعلق بيج
ويحبج حب جبير
مارديت ظليت ابجي اعرف بروحي متعلقه بي
ومااكدر بليا وهو هم مثلي ماما ظلت
تحجي ويايه وتهدي بيه
لميت غراضي
ونزلت لجوه شايله عمار وخواتي الجنطتين معاذ
كاعد بالصاله يهز برجلي متوتر باوع
عليه وماحجه شي كام ومشى
بسرعه صعد لفوك
زهره جانت كاعده دمعتها بعيونها بابا كال
بتأثر
«،،،سامحيني بنتي قصرت وياج هوايه بس
اكول الولد تعدل حاله وخاف الله
بيج وعوضج عن كلشي سواه
بيج
اختنگ من شفت الدموع بعيونه رحت لحظنه
لمني بي يردد
«،، بنتي ديربالج على حمزه تره الولد زين ويحبج
وتعب وانتي هم تعبتي لمي ولمي
ولدج ولاتهجمين بيتج بأيدج
هزيت راسي بأي هو اخذني ليمه جان كاعد
بالسياره وصافن والخلقه مقهوره
من شافني وياهم نزل
اخذ الجنط من
خواتي
خلاهن ليوره اجه ليمنا ماباوعت عليه ولا
رفعت راسي بابا كله
«،،ابو علي اني اعتب عليك لان اجيت تهدد بيها وكدامي ابو علي
«،،اعتذر منك عم وكول من قهري منها
سويت هالشي وهذا راسك
ابوسه واحسبني ابنك
وغلط
باس راس بابا لزمه وباس جتفه وكله
«،هالكلام طيب خاطري واريد منك ماتغث غاده
ولا تقهرها بالكلام
«،،انت وصيها عليه لان لسان بنتك رشاش
كلامه كسر الجوه بابا ابتسم ورد
«،،لا بنتي عاقله
«،،اي والله مسودنه وسودتني وياها
ماما ردت
«،،بهاي اكلك اي
ماحجيت كلمه راد ياخذ علي من ماما ماقبل
يروح علي كال بصوت مخنوك
«،،هينه القهر
«،،هو شويه شويه يتعلم عليك
ماما ردت علي كال وره لحظه
«،يله بويه امشينا
راح كدامي فتح باب الي كدام مادرت
بال فتحت الوره صعدت ماما
جابت علي خلته بصفي
وكالت
«،ها شوصيتج اعقلي ولاتقهرين الولد
رجع سلم عليهم،،،،،بعدين صعد
وحرك طلعنا من يم اهلي من صرنا بالشارع العام
رفعت راسي شفته يباوع على بالمرايه كال
«،،هيج احسن الا تخبلت عليج وتسودنت
يله عگبتي وياي
مارديت درت وجهي منه اباوع على الجامه
«،،بس هينه غاده اعلمج اذاا
قاطعته
«،،شتريد تسوي حمزه
خله عيونه بعيوني كملت
«،،انت شنو طاغيه محد يكدرلك
«،،انتي كلتي اني محد يكدرلي بس الله
نتر بيه وكمل
«،،والي اريده اسوي وانه ابو جمرة
«،واني هم الي براسي اسوي واني غاده
«،،لاتخلين راسج براسي تره تتعبين
«،،خليته وشفت منو تعب
سكت كملت
«،،شفتك شلون ماكدرت توكف كدامي ولا
كدرت ترد الكلمه وهاي شوف سكتت
من اول مواجهه بينا
«،،هي گوه ولج والله عرمه صلفه مااكدرلج
وحگ هو الله
حجاها مبتسم رديت
«،،كل قوي ويجي الي اقوة منه
نترت بي ودرت وجهي منه بعد ماحجه
بس قبل لا نوصل خابر وحجه
««،هلا حبوبه ابشرج جبتلج غيده وولدي
اي والله وروح جدي چا شلون تريديني اظلن
هادهم وبعيدين عني لا بويه
مايصرفلي انه هالوضع
عفتها بمزاجها
حجه هيج وخله عيونه بعيوني وكمل
«،،وجبتها هم بمزاجي
خزرته ضحك بصوت وكمل
«،لجن انه راح اصيرن دخيل يمج بهل جم يوم
خافن على روحي من هالنسره الي
عندي
سكت بعدين كال
««،يمه نسوان مالها امان وخافن يطك
عرج بالراس وتتهور مثل ذيج المره وها الله
فگني منها من الامان جان مقفول
ولا انه هسه جان نايم بسد ابويه ههههه اي والله اسم الله عليه لا من عمري
على عمرج
جان فرحان ويحجي بفرح عيوني غورگت
ماردت هيج يصير بينا گلبي يريد
يروح لحظنه
وكرامتي ماتقبل خايفه منه لا هم نوكع
بمحنه ويتخلى عني
وصلنا للبستان طبينا ورحنا للبيت علي نام
يمي وعمار هم مااجذب روحي
ردت اليه من شفت المكان
الي بدت قصه حبنا
اني ويا
جنت اشوفه جهنم ومن حبيته حبيت ويا المكان
واهله الطيبين جعفر طلع وراه
رانيه وبيبي
الفرح بوجههم هو فتح الباب وكال
مبتسم
«،،يله انزلي وخلي المعركه تبدي
بس ها من هسه اكلج اني غير مسلح
اعزل وهل هل الله بيه
مادرت بال نزلت شايله عمار رانيه اجت
عليه تردد
««،ولج هلاااا شنو هالمفاجأه الحلوه
حظتني
كامت تبجي واني وياها بيبي اجت
كالت
««هلا يمه هلا بالغاليه ام علي
رانيه وخرت رحت لحظنها باستني وبوست
ولدي وراحت اله باسته وكالت
«،،گرة عينك برجعه مرتك وولدك
«،،وعينج يمه
باسها من راسها وايدها جعفر سلم مبتسم
وكال
«،،،ها سودنتي وجبتي عليج بهل الليل
،،،هو مخبل من يومه
جاوبته بضوجه خرب ضحك وهو ويا
«،،امشي وشوفي البيت شلون گلب حمزه
وسوه يخبل
رانيه حجت واخذتني لجوه طبيت المطبخ
مو هو مغير السيراميك مال الحايط
باحلى واحدث وكاونتر جديد
من هذا الغالي
كلشي جان جديد مشيت للصاله مصبوغه
والسقف مغربي وتخم جديد
«،،امشي لغرفتج
طبيت وراها وكفت متفاجأه من شفت الاخشاب
ماكو وحده نفسها بس غير نقشه
صفنت عليها كالت
«،،قاسم باع مالتج حتى يجيب اله
غيرها ويزوج بيها وحمزه وصى
نفسها لان يعرفج انتي اختاريتها وتحبيها بس
اجت بها النقشه وهم اشوفها حلوه
هزيت راسي بأي كملت
«،وغراضج الي بقت اني اخذتهن كلهن يمي
وماخليت احد ياخذ منهن شي
سكتت وكملت
«،،والله خفت لاياخذون من اثرج شي ويسولج
عمل،،، من سمعت بيهم يحجون بالبيت
خابرت امي واجت هي
ورغد واميره لمينا غراضج
كلها ماخليت اي
شي
«،تسلمين حبي
«،،اروحن اجيبلج شي بارد تشربي
حجت هيج وطلعت من يمي انتبهت اكو جربايه
نفر مال ولد بشكل سياره لونها
ازرك كمت شلت علي من
الجربايه مالتي وخليته
بيها
رجعت شلت عمار وخليته بكاروك هم جديد
وقريب من عندي
بس صرت بيتي وبغرفتي حسيت روحي استقرت
وهذا شعور الضياع راح مني هو
طب مبتسم درت
روحي منه
رحت شلت العبايه علگتها بالزوايه
كال
«،،عجبتج الغرفه
مارديت ذب السويج على الميز وطلع
صوت كلت بضوجه
«،،ولدك نايمين لاتكعدهم
«،،خلي يكعدون اريد اخذهم لحظني يعرفون
اني ابوهم من غريب
حجاها بتاثر وكمل
««،وهم مااريدن اظلن غريب بعيونج
سكتت ورحت كعدت اجنب اباوع اله
قرب وخله مسافه بيني وبينه كمل
«،،ماتعرفين بشنو انه كاعد احسن
من شفتج بغرفتنا وولدنا يمنا
عيوني غورگت كمل
«،ردت روحي اليه غيده
دمعتي نزلت ردد
«،لاتبجين بويه والله دمعتج غاليه عندي
غطيت وجهي بايدي وكمت اشهك بصوت قوي
كعد يمي واخذني لحظنه انهاريت
وتعبت واني اامثل على
نفسي اني راح اظل
زعلانه علي
اعرف بروحي ماراح اكدر لان احبه كلش
واموت علي حظنه جنت اشتري
بروحي وهو بس الي
يخليني احس
بالامان
«،،اش كافي والله انه مااستاهل هالدموع
وخر مني يمسح الدموع بأيده رددت بشهكه
«««ليش حمزه ليش كلتها وانت منطيني وعد
ماتحجيها
««حجيتها من يأسي ماردتج يابويه تخسرين
عمرج وي واحد محكوم علي بالموت
ردتج تعيشين وتشوفين
حياتج
«««ليش هي راح تظل اليه حياه من بعدك
سكتت وكملت عيوني بعيونه
«،انت روحي حمزه وحياتي كلها من رحت من
كدام عيوني واني كمت مااحسب
الايام ضيعت كلشي لااعرف
شجاي اكل ولا اعرف
شلون يمر يومي
انام ابجي اكعد هم ابجي هناك
اشرت لمكان الي اوكف بي واصلي كملت
بشهكه
«،،هناك جنت اصلي وانت بين عيوني مااعرف
شاحجي وي ربي ضيعت حتى
صلاتي من وراك وكمت
ادعي الك من اسجد
ومن اكوم
ااحاجي الله اگله ربي يتيم باوع لحاله
ياربي باوع لحالي اني وولدي
مالنا غيره من بعدك
حجيت هيج واختنگت اخذني لحظنه
ختلت ابجي وجلبت بي كال
«،،ماعندي كلام وشاريدن احجي وانه السبب
بهل الدموع
ظليت ابجي بحظنه واشهك حظني بقوه
ويمسح على ظهري بحنيه بعدين
وخر مني باسني من راسي وكال
«،،اسف ولج لو اكولها الف مره اعرفها ماراح
تمحي السويته بيج بذاك
اليوم
فتحت عيوني صارت بعيونه متاثر والوجه
صاير دم كلت
«،اجيتك ملهوفه اريد اشوفك روحي مفرفحه
عليك مثل طفله تريد تشوف
ابوها وانت رجعتني
روحي مو وياي
««ولا انه ظلت روحي بيه بنفس اليوم انه تخربطت وغديت فد مره وكعت من طولي وحسيت
روحي انسحبت مني لان حجيت
هالجلمه وعكبتج لان
شفت نفسي راحن
اموتن بحسرتج
حجه بغصه وكمل
««،،،ولج وحگ هو الله بعالي سما انه احبج
واموت عليج وعاشگج عشك مسودن وجدامج انه
ضعيف بس انتي ااي اضعف جدامها وهم عرفوا
بهل الشي واستغلوا غيابي
وكام ياذوني بيج
«،،كتلك عوفهم حمزه عوفهم ذوله مايحبوك
ومستغليك وانت ماجنت تسمعني
لا وتتعارك وياي من
احجي عليهم
«،،حقكج والله كلتها من انحكمت وشفت
عيونهم مابجت علي،كلت
كلام غيده صح
سكتت كمل
«،،عرفت اوادمي وحگي راح اخذه من عيونهم
سكتت وهو هم صفن بعيوني بعدين
لزم خدي نزلت راسي كال
«،،غيده ارضي عليه
ماظل زعل بگلبي ولا اكدر اطول بزعلي
ويا لان احبه كلش واموت
علي كلت
،،اني مااكدر اظل زعلانه منك لان تعبت من هالشي
وحبي الك وحبك الي يشفعلك حمزه
اني حجيت هيج وجان يحظني
بقوه لصدره لمني بي بلهفه
حظنته وخليت
وجهي يم رگبته
شميت ريحته روحي ردت اليه لان ماجنت
عايشه وهو بعيد عني
الباب اندك وخر بصعوبه كال
«،،تفضل
رانيه طبت بتردد تباوع علينا شافته قريب
مني خجلت كام وكال
«««تعالي خويه
اجت شايله لفات وعصير كالت
«،،هاي لفات صاج كلت خاف مو متعشيه
«،تسلمين
«،،حمزه تعشه وياها لان مااكلت شي
«،،تسلمين ام حسين
ترخصت وطلعت كمت للحمام طبيت هم
مغير السيراميك ومسوي حديث
غسلت طلعت شفته مبدل
وكاعد يباوع على
عمار ومبتسم
كال
«،،ولدي كلهم عليه سمر والملامح تشبهني
«،«اي
كعدت قرب الصينيه وكمل
«،،تعرفين منو اليوم عقد
صفنت علي كمل مبتسم
«،،مهيب وتعرفين المن اخذ
«،،منو
««ام يمامه
فكيت عيوني لان سمعت هي طلعت مزوجه
ومهزومه من رجلها واهلها سالت
«،،شلون مو هي طلعت مزوجه
«،،لا ماطلعت مزوجه
جاوبني وانطاني لفه وحجالي قصتها اسمع
واكل اني ويا مو مصدكه الكاعد
اسمعه
««،يعني هاي البنيه الصغيره طلعت بنت
اختها
«،،اي
خطيه هاي شكد تعبت بحياتها
«،،اي بس الله عوضها بمهيب ماشفتي غاده
فرحان كلش والضحكه تارسه
وجهه
«،،يستاهل مهيب هاي الفرحه لان ركض
الك هوايه ووكفلك وكفه اخ
««اي والله ومااعرف شلون راح اجازي
««اوكف بعرسه ونشتريلي هديه غاليه لحنين
«،،طلع اسمها يمامه
«،،ها صدك كلت اسمها يمامه والله شلون قصه
ترهم مسلسل بس شوكت عرسهم
«،،هل الاسبوع بس يجون اخوته
نسوي عرسه وحضري
روحج حتى نروح الهم
«،،اي
«،شوفي شتريدين حتى اخذج،، تشترين انتي
ورانيه
حسيت الجو رجع مثل قبل هو كام غسل ورجع
كعد شلت الصينيه وخليتها على
الطبله رحت غسلت فرشت
سنوني طلعت شفته
مطفي الضوه ومتمدد مغمض عيونه
كلت
«،،حمزه راح تنام يمي
«،،چا وين انام
«،،مو كلت لبيبي انت دخيل يمها هالليله
ابتسم ورد
«،راح اندار انطيج ظهري وخلي مخده بينا
خوش
مارديت خله المخده واندار رحت كعدت
اباوع اله جتف ايده لصدره
جان ضعفان مو ذاك
حمزه الضخم ظل
بس الطول
تنهدت كال
«،نامي بويه وارتاحي
راحتي بحظنك
حجيت وي روحي تمددت عيوني علي اريده
هو يبادر وياخذني لحظنه بس ماتحرك
ولا اندار انكلبت على الجهه
الثانيه مااريد اظل
اباوع اله
وگلبي يحن واندار علي شفته ماتحرك
رجعت انكلبت على الجهه الثانيه
ظليت شويه رجعت انداريت فزيت من
شفت داير روحه يباوع عليه
بنظرات خربطت
كل وضعي كلت
ااني
بعدني مو مكمله كلامي وجان يشمر المخده
ويجرني علي باسني بلهفه ولمني لصدره
بقوه
ضعت ويا واللهفه جانت متبادله لاغفينا
بذيج الليله ولا كدرنا انام
صار عدنا عرس
بذيج الليله
يمامه
اهل مهيب ماقصروا وياي بشي ولا هو اشترى
اليه اغلى بدله واحلاهن والذهب هو
اختاره نازك بس تكمه وغالي
جهزني ذاك الجهاز الحلو
والي فرح گلبي وجانت
فرحتي بي اكبر
عرسنا والحنه صارن بنفس اليوم رحت صالون
طلبت تسريحه نازكه بنيه سوتها اليه والخ
خلت مكياج طوخ وبرزت عيوني
لبست بدله حمره فاتح وتاج نفس اللون
نازك من كملت الكل صفن عليه
باعجاب لان طلعت كلش
حلوه
خاله ارؤى
جرت صلاوات هي وخاله اعتماد
والبنات اخذن هوايه صور يضحكن ويكولون
«،،،كلها راحت لعمو مهيب
يمامه يمي ولبستها بدله بيضه ارتاحت لخاله
اعتماد وظلت بحظنها
من اجه عمو منير ومفيد حتى ياخذونا
خاله اعتماد غطتني بكاب وكالت
بضحك
«،،مهيب خابر كال شعره مااريد تطلع منها
وخلي تنزل راسها ماادحك من
الجامه
الكل ضحك ام الصالون كالت
«،«يمه من الغيره
«،،اي داده يغار وحقه دشوفيها شلون طلعت
عبالك لعابه
«،،اي صلاوات اليوم هي احلى عروس راح
تطلع من صالوني
من وصلوا طلعت وياهن صعدت يم عمو منير
من شافني غمز لخاله
ارؤى وكال
«،،،اليوم شراح يصير بمهيب
متت خجل ونزلت راسي هي جاوبته
تضحك
«،،،راح يتخبل ويعلك الجو
«،ولج هو عالكه من الصبح هو وربعه وتعالي،شوفي الدجي ماسكت وابويه هم جاب فرقه مزيقه وطبل وكل ساع ينزل
للساحه ويركص
««،،يگلبي فرحان بي لان بزر الكعده
«««والله فرحه جبيره ولج هذا الغالي اخونا
الصغير واليوم الا نحرك الجو اله
جاوبها فرحان وعالك اغاني ماريا تهز واطك
اصبعتين وتغني وي الاغنيه وصلنا
القاعه طبيت جانن النسوان ملتمات
لان تاخرنا بالصالون
امه اول ماشافتني جرت صلاوات
وكامت تهلهل اجت حظتني
هي وخاله ام ياسين
كامت تبجي من
فرحتها
خواته التمن يمي يهلهلن ويهوسن
«،،عرس مهيب هيل وطش بالولايه
««،على متونه تلوك الرتبه على متونه
«،،جبنالك ورده تشم بيه بس كون لورده تداريهه
اخذني بهوسه حلوه وكعدت بالكوشه خجلانه
كلش ومتوتره وخايفه من هالليله لان بهل الاسبوع شبعت تهديد منه
خواته علكن الجو هن والبنات وگرايبهم
خنگه صارت بصدري لان ماعندي اهل يوكفون اليه بهل اليوم ولا گرايب عيوني غوركت
ونزلت راسي مااريد ابجي
واكسر فرحتي وفرحته
اعرف بس راح يشوف عيوني راح يعرف
شبيه ومااريده ينقهر واني ادري
بي هو هسه طاير من الفرح
وره مشوار خاله ارؤى اجت كالت
«،،راح يجي مهيب
گلبي كام يدك سريع ولزمت باقه الورد بقوه
غطتني بالكاب ظليت اباوع للباب اسمع مزيقه وطبل والجو معلوك بره طب وي
شباب يركصون اله ويهوسون
هو يضحك والفرح تارس
وجهه جان لابس قاط رصاصي طوخ
والقميص اسود ورباط نفس اللون
مفصل علي وبارز جسمه
اخذ عيوني وصفنت
علي
من شفته ضحك نزلت راسي
بسرعه ونزلت الگاب وحسيت جسمي
كام يرجف الهلاهل علكت والولد واخوته وولدهم
شالوا وكاموا يهوسون بنص القاعه
«،،جبنها واجت وياانا
وهم عريس وهم نشمي وهم
ربعه يزفونا
«،اليوم عرس الغالي اليوم نعلب جوله
«،،سمعونا هلهول
امه والنسوان كلهن كامن يهلهلن جابوا ليمي
بزفه حلوه وتخبل خاله ارؤى
كومتني مد ايده لزم خصري وجابني علي
اخوته وعمو والشباب سوه جوبي وكاموا يركصون
الكل جان فرحان بينا وفرحته هو جانت
اكبر
صديقه قائد اجه واخذه من يمي رجعت
كعدت منزله راسي وميته خجل رفعته وره لحظه
جان يركص وياهم جوبي يضحك
شافني غمز
هالحركه لعبت بحالي لعب وخلتني بعد مااباوع
علي وره مشوار الولد طلعوا ظل بس
هو اجه ليمي خواته وامه والبنات
علكن الجو
يمامه اجت علي شالها وكعد قريب مني كلش
ميسون وخرت الگاب وكالت تضحك
«،،شوف الجمال بس بعد ماكو حسره هههه
«،،لااا اليوم يبرد الگلب
جاوبها وخله الاعصاب تتلف بعد اكثر كال
«،يولي دحگي عليه خلي اشوف العيون
الحلوه شلون طلعت بالكحل
باوعت علي صفن عليه بعدين عض شفته
وكال
«،اويلي يمه اليوم شراح يصير بيه
كلت بگلبي اني الي شراح يصير بيه من وراك
يالوگح
خاله اعتماد اجت اخذت يمامه ماريا جرته من ايده
وياره من ايدي اخذونا لنص القاعه
سوو حلقه اني ويا
صرنا بالنص
علكوا موسيقى هادئه لزم خصري وجابني
علي همس يم اذني
«،بعد شتريدين ركصتلج جوبي وهسه سولو
وخر والعيون التقت ردد
«،،ياگبر فرحتي بيج وبهل اليوم
شالني لصدره وافتر بيه ختلت يم رگبته
وحظنته الهلاهل علگت والجگليت انطش علينا
نزلني الملامح متغيره والوجه
صار دم باسني من راسي حظني
ورگصنا بهدؤ ولا وخر
عيونه مني مبتسم
وفرحان
هو اخذني للگوش كعدت مااعرف شحجه وي
ميسون وطلع وراها كمت بدلت بدله
العرس ورجعت للقاعه
بزفه حلوه
كعدت اشوف نظرات الاعجاب بعيون الكل يمامه
نامت وخاله ام ياسين اخذتها ورجعت وي
واحد من الولد للبيت
وره نص ساعه كالو راح يزفونا
طب بزفه تخبل هم الولد
شالوه يهوسون اله
نزلوا مااعرف شحجه وي ياسر مشى من يمه
وراها اشتغلت اغنيه شايب دكليي
عرفته تقصد يسمعها اليه
وكف بنص اصداقائه يغنون هاي الاغنيه
هو وياهم وجان يصيح
ولكم ااخذهااا الشايب
الجو علك وكام يهز وي قائد وحسين

مهيب
اخوتي اجوي ومنى هم اجت من تركيا وبهل الاسبوع حجزت اكبر قاعه وجهزت كلشي استعجلت وركضت حتى بس ازوج
واخذها للي جنت مشتاگ
اشوفها بثوب العرس
واجت هاي اللحظه وشفتها بثوب
الحنه والعرس
طبيت بزفه حلوه ابويه بصفي فرحان اليه
وماقصر وياي بشي اخوتي هم وكل ربعي وناسي
قائد حسين وحمزه كلهم اجوي
هم واهلهم
وصلت يمها اريد عاد بس اخذها واصير وحدي
اني وياها وثالثنا الشوگ طلعنا
بهوسه والمزيقه علگت
الجو
ابويه باسها من راسها وبارك النا خله ايدي بأيدها
باسني من عيوني وكال متأثر
مبروك وليدي ويوما اشوف ولد ولدك
بسته وشكرته وراها طلعنا ايدي بأيدها
شلتها وخليتها ليجدام اريد ازفها بأيدي وافرح
بهل اليوم
قائد وحسين وولد اخوتي حركوا الجو يم سيارتي
اصدقائي بالشرطه كاموا يرمون صعدت
وكعدت يمها جانت مغطيه بكاب
ماردت احد يشوفها من
غيرتي عليها
قائد صار جدامي يهز كمت اهز ويا واطك
اصبعتين الكل التمت يمه تهز
واني وياهم صحت
«،،،ولكم صارت الي واليوم عرسنا
وراها تحركوا وكل واحد راح لسيارته قبل
لااحرك كلت
«،،ذبي الكاب السياره مضلله
ترددت بعدين ذبته شفتها بثوب العرس لو
ضعت كلت هايم بيها
«««ولج شطالعه اليوم وشلون راح اسوق
«،،راح اتغطه
رجعت الگاب بسرعه على راسها ولفت روحها بي
ضحكت بصوت وكلت
«،اي تغطي هسه بس جيبي الي يغطيج بعدين
حركت اضحك وطلعت للشارع بس لزمته گضبت
ايدها وبستها بشمه نفس طويل كل
ساع ادحك عليها ومو مصدك
بعد شويه راح نصير
سوه بغرفه وحده
وهي حلالي
افترينا شوارع بغداد وطولنا صارت زفه تخبل
وراها رجعنا لبيتنا طببت السياره
لجوه نزلت ورحت فتحت
الباب شلتها ونزلتها
امي اجت تهلهل هي وخواتي ونسوان اخوتي
طبيت اني وياها للاستقبال عفتها هناك
وطلعت للولد
يمامه
كعدت بالاستقبال مرتبكه والخوف زاد مانقص
لان هو ابدا ماخلاني اهدأ كلامه وعيونه
وتصرفات كلهن جانت ادكول
اني ماراح اسلم منه
هاي الليله
سالت خاله ام ياسين على يمامه كالت
«،،نايمه بغرفه الحجيه
سكتت بعد ماحجيت شي غاده مره حمزه اجت باركت اليه هي وليلى مره قائد البنات يرگصن
هن وكم وحده ماطولت بالكعده
لان امه اجت وكالت
«««يله يمه خلي ناخذج لفوك راح يزفون مهيب
«،هههه مستعجل ابو الشباب
خاله ارؤى حجت والم صار بمعدتي هي وامه
وخاله ام ياسين واعتماد اخذوني
لفوك طبيت غرفته الي
صبغها واخذلي
اخشاب على
ذوقي
خاله ام ياسين وكفت بصفي امه هم خواته
نزلن وره مشوار سمعت علگت جوه
حالي تخربط وكمت ارجف
والم معدتي زاد
مانقص
خواته اجني يهلهن هن وخاله ارؤى وخاله
اعتماد طب وياهن مبتسم والعيون
تضحك امه كامت تهلهل
وراحت اله حظنته وكامت
تبجي تردد
«،،مبروك يمه وشايف كل الخير
«،،تسلمين حجيه
الكل انسحب من يمنا ظلت بس هي يمنا
جابته من ايده ليمي لزمت ايدي
وخلتها بايده وكالت
«،،شايفين كل الخير يمه والله يجعل ليلتكم
مباركه ويرزقكم الذريه الصالحه
««،امين
رد عليها هي كملت
«،ديربالك عليها ليمامه وخليها بعيونك
هاي غاليه عليه وصارت بعد اغلى من صارت مرتك
«،،هههه يمه لاتوصيني اليه وصيها الها لان باجر
شي اكيد اني راح انزل بتك عين
ومزروك
متت من الخجل ونزلت راسي هي ضحكت
وجاوبته
«،،انجب گواد وبطل هاي سوالفك وهل هل
الله بالبنيه وديربالك عليها
«،بعيوني راح اخليها لاا هنا جوة گلبي
اشر على كلبه ضحكت وجاوبته
«،،عفيه واقفله زين
«،،قفلته يمه ومفتاحه ضاع
حجه هيج وغمز اليه ردت اكول لامه
خاله اخذيني وياج بس صوتي ماطلع حجت
«،اني رايحه ومشوار ادزلك العشه
««،خلي اني اخابرج واكلج دزي
«،،ههه تمام
جاوبته وطلعت سد الباب واندار من شفت
النظرات والابتسامه قريت
على روحي الفاتحه
قرب رجعت ليوره
وكف وسأل
«،،اليوم شنو
ماجاوبت كمل الوجه يضحك
«،،اليوم عرسنا وانتي عروسي والليله ليلتي
حجه هيج وذب الرباط وكام يفر بي
ويردد
««وراح العب لعب واليوم الا اكسر الجربايه
صوتي طلع وحجيت بتوسل
«،،مهيب مو هيج
«،،عجل شلون تريدين اكعد عاقل واني
صرت وحدي اني وياج وصرتي
حلالي
جاوبني واجه عليه رجعت كعدت على الجربايه
نفس الشي سواه هم كعد على ركبته
وحاوطني بأيده سكت
وتفرس بملامحي
بلهفه بعدين
لزم ايدي وباسها بشمه نفس طويل
ردد مغمض
««اوف ولج شكد تمنيت هاي اللحظه تمنيت
انتي تصيرين حلالي وبغرفتي اشوفج
وصارت ولج صرتي اليه وهيانج
جدامي بثوب العرس
حجه هيج وكام وكومني ويا حظن خصري والملامح تغيرت ركز بعيونه بعيوني بعدين
نزلت للشفه دنك يريد
يبوسني غمضت ودرت
وجهي باسني من خدي وطول لمني
بقوه لصدره ورفعني لفوك بعدين نزل لركبتي
باسها وشمني من عدها كلت
بصوت ضعيف
«،مهيب بس ابدل
ماكو استلام احجي ويا هو ضاع وداخ الخوف
خلاني ادفع بي بس ماتحرك ولا
وخر مني توسلت بي
يعوفني
ماقبل جان قافل على القضيه تخبل وجان ملهوف عليه كلامه لمساته ولهفته عليه خلتني اسلم
روحي اله وره مشوار تمددنا
لمني لصدره ضحك وكال
«،،ها ولج شفتي الشايب شسوه بيج
ماجاوبته وخر وباوع عليه خجلانه منه وميته
خجل لان اجاوبت ويا ونسيت نفسي
خله عيونه بعيوني وكمل
الوجه يضحك
وفرحان
«،،طلعت شايب لو شاب
«،،كافي
جاوبته وغطيت وجهي بالفرشه وخرها يضحك
وكال
««،اليوم الشايب راح يسهرج للصبح
وهذا الصار تعشينا وماخلاني انام للصبح
غفيت بحظنه وجه الصبح كعدت على بوسات
ترست وجهي جان هو سابح وعطره
ترس خشمي كال
«،،يله اكعدي اخوج جوة وجايبلج ريوك
فزيت اباوع على الغرفه سالت
«،وين يمامه
يم امي
جاوب وصفن عليه انتبهت اني بسيت النوم المشخلع بسرعه غطيت روحي خرب
ضحك وكال
«،،لاا بله تره شفت كلشي وبالملون بس شلون
طلعتي لوز وبالباكيت سر مهر
ولج وخيالج اني
حجه هيج وجر اللحاف صحت
«،،مهيب اكعد
«،اني كاعد اوكف
«،،مهيب
«،،ياعيونه ياقلبه
سكتت وحجيت بخجل
«،،استحي اشوف اخويه
«،،هههه واني هم
«،،انت شكو
««،مو عريس قابل بس انتي العروس والي
جانت دخلتها البارحه
«،،اهو تره انت مجاي تساعدني
«،،هههه شتريدين انزل اكله روح اختك ماتقبل
تنزل عليك تستحي منك
«،لااا شلون ادكله روح
«،،يضوه عيوني شتريدين مني والله حيرتني
«،،اكلك راح اكوم ابدل بس انت اطلع وروح
يمه
««ليش خليني يمج
«،،لاا روح مهيب اعرف بروحي بس راح اكوم
راح اجلب بيه وجيب الي يفگني
منك
«،،هههه تره قادر هسه اجلب بيج
سكت بعدين كمل من غمز
«،بس راح اعوفج هسه نسند افادنا بريوك
زين وراها نصعد نكمل شوط
الخ
حجه هيج وكام صفنت علي جان طالع حلو
بالدشادشه البيضه ووجهه يضوي من
الفرح سال
«،،طالع حلو مو بله
ابتسمت وجاوبته
«،،شوف الغرور ياربي
«،،هههه
ضحك بصوت ورد
«،،اروح
«،،اي روح
«،،طالع اني
«،،الله وياك
خرب ضحك مشى يباوع عليه فتح الباب
وكف يمه وكال
«،،يله كومي
«،،اي رووح واني اكوم
«،،هههه
ضحك بصوت وسد الباب
مهيب صار اليه العوض الحلو وعوضني هو واهله
عن اهلي وعشت ويا احلى ايام حياتي
وجان العوض ليمامه وسجلها باسمه
واسمي بعد ماخله ام سعيد
تتنازل عنها
وبنفس الشهر الشهريه فاتتني
وعرفت بروحي حامل الكل فرح بس هو فرحته
جانت اكبر طلبت منه يطلع ابويه من
السجن ويعوفه لله وطلعه
وعرفت وره يومين من
منتضر خابرني هو مجلوط لان من واصل
بيته مالاكي منيره بايكه فلوسه
وشارده بيهن وماطول
يومين بالمستشفى
ومات
هم نفس الشي من مات قويدر بجيت لان ماخلاني
اترحم علي ولا اوكف بعزاه مهيب
تكفل بدفنته هو ومنتضر
طلع من الدنيا هسه
عاد خلي يقابل ربه ويبدي الحساب
وره اشهر اجانا ولد
وسماه محمود على اسم عمي الي
فرح بي كلش هو وامه
ياسين وره فتره مات وقهرنا كلش وقهر خاله
الي بجت علي الما كالت بس مهيب وعمو
قاموا بالجنازه والفاتحه وماقصروا
وياها بشي
طلبنا منها تجي تعيش يمنا واجت لان ماكدرت
تظل بذاك البيت وهو اصلا جان
ايجار ويريد يوكع
حياتنا مشت وبنفس السنه هم صار عندي حمل
لان هو ماقبل اسوي مانع كال نصطر
فد اربعه ونكعد ومارفضت
لان اني جنت اريد منه
هوايه جهال
وجبت بنوته طلعت تشبه الحجيه وعدها
رصعات بخدودها يمامه الي كبرت وتعلقت بامه وعمو جان من يجي من الدوام يصيحها
حمامه
تطلع تركض علي يشيلها يبوس بيها وهي
هم تسويلي دوده يخرب ضحك
ويكول
امج شابعه بوس فوك ومو مقصر وياها
اهله صاروا اهلي ودللتهم دلال مو صاير وشلتهم
بكبرتهم وهو ماقصر وياي صار اليه
اب ورجال وابو بيتي وجهالي
واماني بهل الدنيا
وره سنتين
صار عندي ولد الخ وكعدت لان تعبت باخر بطن
وصار عندي سكر حمل وهو خاف عليه
هو واهله وكالوا بعد
مانريد
جنات
ام ارشد رغم عرفت بيه صرت حامل ماعافتني
بحالي ظلت كل فتره تجي يمي
تنغز بالكلام وتروح
ووتتعمد تجي
بوكت ارشد
مو موجود يمي
جنت مااحجي اله اي شي لان اعرفه راح
يضوج ويجوز يروح يحجي وياها
وتصير سالفه مو زينه
من ورايه
قبل اذان الظهر اجتي عليه طبت
كعدت بالمطبخ وسالت
«،،اكلج انتي ليش ماتروحين لاهلج
«،،مااكدر اروح من ورة وضعي
جذبت لان مو هو هذا السبب من زمان اني
مااحب اروح الهم من وره المشاكل الي يتعمدون
يسوها من يشوفنا نلتم يمهم اني
وخواتي
وامي اكثر من مره سمعتنا لاتجن كل اسبوعين خلوها بالشهر مره عصريه وارجعن لبيتجن
وابويه ومهند نفس الكلام والوجه
الثكيل
خليت كدامها عصير رمان وفطائر جبن نترت
«،،شيليهن هسه وكتهن الغده بعد شويه
يصير
صفنت عليها كملت بضوجه
«،،عبالك ماتريدين اتغده يمكم
«،،لا عمه ليش مااريدج تتغدين اني اكثر من
مرة الزمج على الغده وانتي ماتقبلين
تظلين
«،،والله اني بمزاجي اريد اظل اريد ارجع
بكيفي البيت بيت ابني مو بيت
احد وشوكت مااريد اجي
واكعد بي
«،،والله بيتج وهلا بيج شوكت مااجيتي
جاوبتها وشلت الصينيه خليتها على الكاونتر
رحت طلعت خياره وطماطه اريد
اسوي زلاطه جنت ضايجه
من اسلوبها بالكلام
بس مابينت الها
الشي
كعدت اگبالها اثرم سألت
«،ماسويتي سونار
«،،لا بعد وكت من اطب بالرابع اسوي
«،،بلكي ولد
«،،ولد بنيه اهم شي تمام الخلقه
ادريس اجه كال
«،،ماما جوعان
««هسه اصبلك انت وتماره بس اكمل الزلاطه
«،،اريد خيارة
«،،اي تعال اخذ الك ولاختك
اخذهاا مني وباسني من خدي وراح درت
وجهي انتبهت صافنه عليه
وجهها تغير وحجت
بصوت متغير
«،،اروح لبيتي
كمت وكلت
«،،ليش عمه ظلي يمي تغدي
««لا عمج على جيه ولازم اروح اتلاگه
حجت هالكلام وطلعت مااعرف شصار وليش الوجه تغير هو والصوت ظليت اشوف
منها هاي النظرات كلما تجي
او نروح الهم
انتبه عليها تباوع على ارشد من يكعد يمي
الوجه يضحك وفرحان وجهاله
يمي ومايعوفوني ولا
لحظه
الخميس اخذت الجهال ورحت ليمهم
نتعشه جنا نجتمع وي خوات
ارشد
ادريس جان يلعب وي ولد اخته ام فهد بره جنت
بالمطبخ كاعده احجي وي البنات
سمعت عيطه ادريس
فزيت من مكاني اصيح
«،،يممه اابني شبي
نسيت وضعي وطلعت مثل المخبله علي
شفته واكع والدم يفلت من
راسه عطت
«،،،يممه عزاه العزاني
شلته مو واعيه وروحي فرفحت علي لان
جان يبجي بقوه ووجهه صار ازرك
ارشد اجه من المجلس يركض بسرعه وراه اخوته
وعمي وراهم ركضت بي علي اصيح
«،،،الحك علي كاعد راسه ينزف
«،،،مابي شي لاتخافين
جاوبني واخذه مني وذب يشماغه وخلاه على راسه ومشى بسرعه للسياره اخذوا من
يمي ردت اوكع امه لزمتني
وصاحت
«،،،شلون وكع ولكم بيش تأذه
«،،جده صعد الشجره ووكع
«،،اريد اكعد
حجيت بصوت طلع يرجف عمي كال
«،،اخذوها لجوه لايصير بيها شي وهي شايله
اخذني لجوه
حالي حال كمت ابجي واردد
«،خاف صار بي شي
«،،لاا سكت من اخذه ارشد
ام فهد جاوبتني ريهام جابت مي انطته اليه
اخذته ايدي ترجف شربت شويه
امه كالت
«،،يارب سترك يارب الطف بي وبينا
وره مشوار خابر وكال جرحه بسيط وخيطو
بس نفذتين وهسه راجعين للبيت
شفت امه صافنه عليه والقهر بين بملامحها
على غفله كامت تبجي ريهام
كالت
«،،يمه ليش هالبجي تره ادريس مابي شي
ماردت بجت بجي قوي بعدين كامت تتحسب
على امهم وتدعي عليها بالموت الكل
سكت
من ذيج اللحظه وهي تغيرت وياي وصارت
احسن كامت تجي تكعد يمي تحجي
سوالف عاديه وحلوه مال
اهل قبل
ومن عرفت بيه ولد جهزت اليه ذاك الجهاز الحلو
والغالي من صرت بالتاسع رحت لدكتورتي
اني وارشد فحصتني ووضعي
اني ويا جان كلش زين
طلعت اني ويا
ضحك وكال
«،،مابقى شي وتخلصين من هالعلاكه الي
صارلج تسع اشهر شايلتها
جاوبته مبتسمه
«،،،على گلبي مثل العسل ماعليك بيه
ولا بابني
ضحك ورد
«،،مو صوجج والله صوجي اني الشايل همج
جاوبني وفتح الباب ساعدني اصعد وكال
«،،اروح اجيب دوه الحجيه
««تمام
سده وراح باوعت علي مبتسمه واحب
اشوفه بالزي العربي لان يطلع يخبل وياخذ گلبي
درت وجهي شفت
كريم واكف بالجهه الثانيه من الشارع وصافن
عليه بملامح كلها قهر
درته منه وتوترت خفت من ارشد
لايجي ويشوفه
وتعلك بينهم
واجه يباوع عليه ويضحك ماانتبه علي ولا اني
باوعت صعد وكال
«،،الحجيه تريد حلويات
«،،اي ناخذلها
جاوبته بصوت طلع يرجف صفن عليه
سال
«،بيج شي
«،،ها لاا خلي نروح لان تأخرنا
عكد حواجبه فر راسه على الشارع گلبي كام
يدك سريع من الخوف لان شفته
ذاك حرك وهو شافه
دار وجهه
عليه وسال بخزره
«،،هذا سوالج شي
«،،لا ارشد وشحده يسوي اني مره رجال ومو
اي رجال شيخ ويعرف اذا سوه شي
انت ماراح تسكت اله
الوجه فك سال
«،،اكيد جنات
«،،اي والله
سكت كلت مبتسمه
«،يله خلي نروح نجيب حلو وها تره اني هم
اريد كيك بركاني اشتهيته مو بس
تاخذ لامك
سكت يتفرس بملامحي بعدين
ابتسم وجاوبني
«،،تغارين من امي
«،،اغار عليك منها ومن الهوه لو طخ هالخد
الحلو
ضحك والمود تغير وسال
«،اكلج عبالك الدكتوره كالت خلي يشد حيله
شيخ گلبج بهل الشهر
خدودي اشتعلت نار كمل
«،،دكولي اي وفرحي گلبي
«،،على اساس انت محروم
«،«ههههه
ضحك بصوت ابتسمت وكلت
«،اطلع عيني تره ماخذ حقك وزياده
««اني طماع
«،،ااعرف تره سامعتها من قبل
سكت والوجه ضحك هو العيون وبهل الشهر
اجانا تميم لان ادريس ابوه سماه
وهو راد يسمي الثاني على اسمه وجبت وراه ولد
الخ امه سمته مصطفى واخر
شي جبت بنيه سميتها
شيرين
مهند ماصار عنده اطفال ومرته اطلگت منه
وره سنه ازوج مطلكه عدها ولد
وبنيه ابوهم ماخذهم منها بنيه فقيره وتريد تعيش
بس لا امي عافتها بحالها ولا ابويه
ظلوا بمشاكل وياها وهو
جان يحبها يموت عليها
لان عرفت بي مايخلف واخذته والبنيه
هم حبته اخر شي عاف اهلي
وكعد بشقه
هالبنيه غيرت من طبعه وحاله وكام يصلي
ويصوم ويروح للجامع ويسأل علينا
ودز خبر بأيد خاله رباب تحجي
وي بيت عم فاروق ويبروا
الذمه
وهم بروا الذمه وسامحوا
وره ماجبت شيرين ساعدته بفلوس اني
ودانيه وراح تعالج بتركيا ظل فتره هو ومرته
ارشد هم ساعده من رجعوا وره
شهر مرته صارت حامل
الفرحه طشت بيتنا وكمت ابجي من فرحتي
بي ومر الحمل على خير وجابت توم
ولد وبنيه وبعد ماصار عدهم
حمدت الله على هاي النعمه وحمدت الف مره
على ارشد الي عشت ويا احلى عيشه وجان من صدك العوض الحلو الي عوضني ربي بي جنا من
نكعد ونلتم على الاكل اصفن
علي وعلى ولدنا
اذكر روحي من جنت ادعي الله واتوسل بي
يرزقني طفل من كريم وماصار هالشي
وكسرني كسره ربي جبرها باأرشد
الي ربي رزقني منه الجهال
الي فرحوا گلبي
وجانت فرحتي بي اكبر ولو انطي روحي
ماراح اكدر اسد شي من السواه اليه
وهو هم جان يكول هذا الكلام
والحب الي بده من
قبل خمس سنوات استمر لهاي اللحظه
وصار اقوه
غاده
رجعت من يم الدكتوره ماده بوزي حمزه
ضحك وكال
«،،،بويه شبيج ماده بوزج شبر
«،،شتريد اهلهل حمزه واني طلعت حامل
سكت كملت بغضب
«،«كله منك انت السبب بس فهمني شجابك
عليه بذاك اليوم واني من امداني
غميت روحي خرب ضحك
«،،من امداني شبيه تخبلت عليك ونسيت اشرب
المانع
«،،الله يريد يرزقنا بعد
««،ااي مو انت الي راح تحبل انت الي راح
تتطلك بصاله الولاده وتطلع عيونك
يله اجيب الزعطوطه مالتك
«،،هههه ولج كافي والله راح اروح رون سايد
سكتت بعدين كلت
«،،حمزه راح اموت من قهري
«،،اسم الله عليج ياجمره گلبي
«،«هسه شراح يگلون ارنبه كل سنه جايبه
جاهل
«،،ههه لا راح يكلون ابو جمره شاد حيله
على الاخر
«،،اكلك اسكت تره راح اكزكز واعضك
«،،بالغرفه براحتج عضيني هينه عيب الاوادم
راح تشوفنا وننشهر بالولايه
««،حسبي الله
رفع حواجبه سال مبتسم
«،،ها عليمن عليه
«،،لاا عليه اني الثوله الي ينضحك عليه
بوسه وكم كلمه
«،هههه لا اسم الله عليج لاتتحسبين بويه
وبعد لا ابوس ولا احجي
«،،اريد اصدك
«،،هههه جذاب انه
«،،اي وحيال وماكر وبس الله يكدرلك
«،،ههههه
«،اي اضحك واني اريد ابجي
سكت وباوع عليه بذيج النظرات الي تخربط
وضعي صحت
«،،شوف هن ذني الي يلعبن بروحي لعب
«،،هاا يعني هسه انعلب بحالج
«،،،حمزه
«،،ياعيونه ياقلبه ياروحه ينظر عينه
ودلاله
سكتت وابتسمت كمل
«،كولي امري خادم انه الج
«،،حشاك اني اصيرلك خدامه طول العمر
«،،لا بويه انتي تصيرين روحي وروحيتي
وعيوني وام بيتي وام ولدي
الغاليه االي شما
شكرت ربي عليها ماراح اوفي
جزء من شكره
«،اكلك اسكت تره راح ابجي
««ههه بدت الهرمونات وتعال ياحمزه وسايس
«،،،اتحمل مو انت السبب
«،،اي بويه انه السبب
«،،مو انت تريد جهال
«،،اي انه اريدن جهال
«،،مو تريد تسويهم عصابه
«،،ههه لا اريدهم مافيا
«،،،«غير لو يستقر العراب
«،،،ههههه استقريت
وصلنا وخجلت احجي واكول اني حامل
هو اول ماطب بشر بيبي فرحت
كلش وكامت باسته
اجت عليه كلت
بدموع
«،،بيبي مااريد عمار بعده صغير
رانيه حجت
«،،هههه فات الاوان وتلبستي مره ثالثه
«،،يوما الج ولج
نترت بزعل خربت ضحك بيبي كالت
««يمه رزق الله وانطاه الج
«،،،اي افرحي مثل ابنج
مشيت ادردم علي اسمع ضحكهم وره ايام
صارت كعده وفصل بيت متعب
لان هجموا علينا واخذ منهم
فصل وماتنازل عن حقه
يم عمامه وولدهم
وبيعهم الاول والتالي ورجعوا اله الفلوس
الي اخذوهم منه جنت خايفه من
غدرهم بس مهيب وخواله والشيوخ
كالوا بالكعده اذا
اجتي من الله نبليكم انتوا ونريد الرجال
الي يندك بي الا نشوفه منو
احنا وشنكدر نسوي
اله
ووره،اشهر جبت بنوته وطلعت
تشبهني حمزه تخبل
عليها وفرح بيها كلش سميتها ملاك
وره سنتين جبت ولد وسماه
هادي على اسم جده
وبعد ماسويت
رانيه صار عدها ولدين وبنيتين
وظلت عايشه يمنا وظل جعفر وحمزه على
اخوتهم الحلوه وماتغيروا ابدا
شكد حاولنا يرضى عن زهره مارضى وظل
كارهه شوفتها وحتى حصتها بالبستان والبيت دزها الها فلوس هاي الي تنزل راس اهلها
عمرها ماراح تكدر تخليهم
ينسون السوته لان كسرتهم
مالها جبر
اخويه صار عنده ولد وبنيه وظل عايش
بذنب السواه بي رغم اني عشت
ذيج العيشه الحلوه وي
حمزه
صح بدايتنا غلط بس هو عوضني عن السواه
وصارلي امان وسند بهل الدنيا افرح
لشوفته من يطب واروح لحظنه
يلمني بي احس الدنيا
بس هالحظن
وظل هالحظن لامني اني وولدي وكل صلاه فجر
اني ويا ادعي من
الله يخلي اليه خيمه فوك راسنا
ومايحرمني منه
ليلى
صار عندنا ادم وفاروق وردت اسوي بنيه
قائد كال
«،،،واذا اجانا ولد شلون
«،، ،،اسوي بعد
««،،،هههه واني حاضر
وسوينا وكالوا بالسونار بيج بنيه فرحت كلش
وجهزت جهاز بنيه ومن فتحت من
البنج تفاجأت اني جايبه ولد
فرحت بي وبنفس الوقت
انقهرت لان جنت
اريد بنيه
قائد سماه مراد ظلت بنفسي البنيه جنت اطلع
هدومها واصفن عليهن مقهوره
واريد بنوته تلعب وياي
نحجي سوه من تكبر
وهو رافض نسوي بعد جان يخاف عليه من
مراد صار عمره سنتين عفت المانع
بدون مااكله وصار عندي
حمل ضحك وكال
«،،والله مو ناسيه المانع كولي انتي ماشربتي
حتى تصيرين حامل
«،،اريد بنيه
«،«ياربي انطيها البنيه لان هاي راح تظل تفرخ
كل سنه حتى بس تشوفها
واجتنا بنوته عيونها نفس عيوني ونفس خلقتي
الولد صاروا بصفحه وهي بصفحه
من يجي الما ينام هي بحظنه
يحجي وياها ويدلل
بيها
اصفن علي من نلتم وارجع لذيج السنين
اشوف نفسي كاعد يمه وهو يشرحلي
الدروس ماافهم شي لان مركزه
بملامحه
وهايمه بحبه وبقى حبه وكبر بگلبي والي ايأست
منه الله رجعه اليه يردد اغفري لي
النهايه
الى كل متابعيني الاحبه
اليوم نوصل سوا لاخر محطة من قصة اغفري لي القصة اللي جانت بداية دمعة ووجع،،، وانتهت بسمة وقلب مرتاح
مشوار طويل عشنا بيه ويا أبطالنا،،، عرفناهم واحد واحد، ،،،،حسينا بجرحهم، ،،،وشاركنا فرحتهم
مرات بكينا سوا،،،، مرات تنفسنا الأمل سوا
لحد ما وصلنا للحظه الغفران
يمكن من تقرون النهايه تسألون نفسكم
ليش الغفران؟ ليش مو انتقام؟
واني اجاوبكم
لان الغفران مو ضعف الغفران هو القوة الحقيقية لان الي يغفر يكون تعلم،،، ونضج،،، وعرف إن العمر اقصر من يحمل ضغينه او كره
نهاية سعيده،،، تثبت ان بعد كل وجع يجي جبر وبعد كل كسر يجي عوض وتأكد ان الحب العفيف الصادق يبقى أقوى من كل خيانه، واغلى من كل خسارة
احب اكلكم،،، لا تفقدون الأمل، حتى اذا الدنيا ضيعتكم،،،، الله ما يترك عبد،،،، وكل قلب ينكسر الله يرفعه بعوض اجمل واطهر
وهاي النهايه مو بس نهاية قصة
هي بدايه رساله
سامح،،، اغفر،،،،وعيش بحب لان
الحياة مرة وحدة
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
