رواية دعني احطم غرورك الفصل الثامن والخمسون
في مطعم باهظ الثمن اجتمع كلاً من رامز وسيلين مع .....،،،،
-سيلين وهي تصافح دارين: Nice to meet you
-دارين: me too مدام سيلين
-حازم وهو يقبل يد سيلين: نورتي مصر سيلين هانم
-سيلين : بليز قولي سولي
-رامز وهو يقبل دارين: You look beautiful Miss Dareen
-دارين: ثانكس مستر رامز
-حازم وهو يصافح رامز: هاي مستر رامز
-رامز: هاي حازم ، ها تحبوا تشربوا ايه ؟
-دارين: nothing
-رامز لدارين بخبث: لأ ازاي ميصحش ، ده انتو ضيوفنا
-حازم: حضرتك بتعرف تتكلم مصري كويس
-رامز: شور ، أنا مولود هنا وعشت فترة كبيرة من عمري هنا ، وبعد كده سافرت للخارج اعمل بيزنس ، لحد ما قابلت سولي حبيبتي في لندن
-دارين: مدام سولي ممكن أعرف حضرتك طلبتي تقابلينا ليه ؟
-سيلين: يعجبني فيكي انك مش بتضيعي وقت
-دارين: ييس ، Time is money
-سيلين: Yes, of course
-رامز: برافو ، انتي مشروع سيدة أعمال ناجحة
-دارين: ثانكس مستر رامز ، بس اللي يقدر !
-رامز بخبث: أنا طبعاً .. قصدي أنا بعرف أقدر الناس الناجحة ، عندي زي ما تقولي نوع من الفراسة أقدر أعرف بيه اللي قصادي
-دارين وهي تنظر اليه : وحضرتك شايف فيا ايه يا ترى ؟
-رامز بنظرات متفحصة لدارين: شايف حاجات كتير ، انتي مش عارفة قيمة نفسك ، بس أكيد معايا ، آآآ.. قصدي معانا هتوصلي
-دارين: ميرسي مستر رامز على تشجيعك
-رامز: I didn't do anything yet
-دارين: بس كلامك لوحده كفاية
-رامز: Wait and you'll see
-دارين: Excuse me ، هاروح التويلت لحظة وراجعة
-رامز: شور ، اتفضلي ، let me show you the way ، عن اذنك سولي
-سيلين: اووه ، It's okay honey
وما أن ابتعد كلاً من رامز وجانا حتى بدأت سيلين بالحديث مباشرة مع حازم عما تريده ،،،،
-سيلين: تعرف ايه عن عز الدين الكيلاني ؟
-حازم: حضرتك تحبي تعرفي ايه عنه
-سيلين: كل حاجة ياريت
-حازم: ممكن أعرف ليه ؟
-سيلين: خد مني بنتي فعاوزة أرجعها تاني لحضني
-حازم: بس كده
-سيلين: ده المهم حالياً
-حازم: وأنا هستفاد ايه من ده
-سيلين: شوف عاوز ايه
-حازم: مم ، هفكر
-سيلين: يبقى انت مش عندك حاجة تقولها وجاي تضيع وقتي
-حازم: بصي يا سولي هانم من غير لف ودوران ، لو الموضوع بنتك بس ده مقدور عليه ، لكن في حاجة تانية ورا بنتك وده اللي مخبياه
-سيلين: آآآ.. لأ ... الموضوع مش كده
-حازم: خلينا صرحا مع بعض ، حضرتك عاوزة ايه بالظبط
-سيلين وهي تميل ناحية حازم: عاوز أدمر عز
-حازم بثقة : كده تعجبيني
-سيلين وهي تضع قدماً فوق الأخرى: يعني اتفقنا
-حازم: اتفقنا ، بس كله بتمنه
-سيلين: وايه هو التمن
-حازم : التمن هو ...................................... !!
..........................
عودة مرة أخرى لمنزل حسين الدمنهوري ،،،
-يوسف: وأنا بكرر طلبي تاني ، عاوزين نطلب ايد الآنسة دينا للمهندس ياسين ونقرى فاتحتهم ان شاء الله النهاردة
-حسين: هههههههههه ، انا معنديش مانع ، ايه رأيك يا سهير؟
-سهير: والله احنا نتشرف يا بشمهندس يوسف
-يوسف: ياسين ده زي ابني عز ، ميفرقش عنه حاجة ، والده ووالدته متوفيين من زمن ، زي ما تقول كده مقطوع من شجرة ، وليل نهار أعد عندنا
-عايدة: اه والله يا بشمهندس حسين ، متربي على ايدينا.
-ياسين مدعياً الخجل : الله يعمر بيتكم، كسفتوني والله
-حسين: بس ناخد رأي العروسة يمكن ميعجبهاش
-ياسين: هاااااار أسود ، لأ ده أنا أصورلكم قتيل هنا
-يوسف: اهدى يا بني ، هو احنا عرفنا رأيها لسه ، اصبر
-ياسين: طب نادولها عشان اسمع رأيها
-حسين: لأ عيب يا بني ، انا هأقوم أسألها بنفسي
-ياسين: طب اجي معاك؟
-يوسف ممسكاً يد ياسين وهامساً له: اتلم يا زفت ، اقعد مكانك متفضحناش
-ياسين: سيبني يا عمي أنطلق
-يوسف: يعني حبكت تنطلق الوقتي ، اترزع بدل ما الجوازة تبوظ
-ياسين: حاضر
-سهير: عن اذنكم لحظة .
-عايدة: اتفضلي يا سهير هانم
أسرعت سهير وراء حسين لتعرف رأي ابنتها دينا في العريس الذي طلبها ، فقد كانت سعيدة ان ابنتها الوحيدة أصبحت قاب قوسين أو أدنى من أن تصير عروسة ،،،
-حسين: دينا يا حبيبتي
-دينا: ييس دادي
-حسين: فاضية شوية
-دينا: ييس ، في حاجة ؟
-حسين: بصي باختصار يا حبيبتي ، في عريس متقدملك وعاوز يعرف ردك الوقتي
-دينا وهي تدعي الذهول: عريس ؟؟ ليا ؟؟
-سهير مقاطعة: ايوه يا حبيبتي عريس ليكي
-حسين: استني بس يا سهير أما نقولها مين يمكن ميعجبش
-دينا بلهفة: لأ عاجبني
-حسين متعجباً : هو انتي تعرفي أصلا هو مين؟
-دينا وقد ندمت على اندفاعها: لأ ، بس عريس يا دادي
-سهير: ياااني عليكي ، خلاص مافيش كسوف
-دينا: ها ، مين يا دادي ؟
-حسين: الجدع ده اللي بيطلعلي زي فرقع لوز في كل حتة
-دينا مندفعة : المهندس ياسين رأفت
-حسين: ماشاء الله ، وكمان عارفة اسمه
-دينا بخجل: لأ ..
-حسين: على بابا برضوه؟
-سهير: خلاص بقى يا حسين متكسفش البت !
-حسين بهزار : ده انا اللي مكسوفلها هههههههه
-دينا: ممم .. خلاص يا دادي قوله موافقة ، ولا أقولك قوله هفكر وأرد عليه كمان يوم اتنين ، شهر شهرين ، سنة سنتين ، مش تريحه دادي.
-سهير: ليه الغلب ده كله؟
-حسين وهو يتجه خارج الغرفة : يعني أقوله باختصار انك مش موافقة.
-دينا بلهفة وبصوت عالي: لألألألأ متقولش كده يا دادي ، انا شور موافقة عليه
وفجأة سمعوا صوت زغاريط يأتي من الخارج ،فتوجهوا خارج الغرفة ليجدوا ... ،،،،
-ياسين بفرحة : لوووولووووووولي ، الله أكبر أخيرااااااااااااااااااا !!!
ثم سجد ياسين لله شكراً على الأرض ، وقام بتشغيل اغنية (( والله وعملوها الرجالة )) واغنية (( مبروووك مبروووك مبروووك )) على هاتفه المحمول
-حسين: بيطلعوا امتى دول ؟
-سهير: والله ما أنا عارفة يا حاج
-حسين: العيال اتجننوا
-يوسف مقاطعاً : لأ اتهبلوا م الفرحة ، مبروك يا سحس يا حبيبي ، مبروك يا سهير هانم
-حسين: الله يبارك فيك يا جوو
-سهير: الله يبارك فيك يا بشمهندس
-عايدة: ألف مبروك يا سهير هانم
-سهير: الله يبارك فيكي يا عايدة هانم ، لوووولوووولي
.....
في داخل غرفة جانا ،
أخرج عز الدين من جيبه علبة صغيرة تحتوي على سلسلة رقيقة بها قلب صغير منقوش بداخله حرفي الـ J & E
-عز وهو يلبس جانا السلسلة: اتفضلي يا قلبي دي عشانك
-جانا: الله ! تحفة يا حبيبي ، دي عشاني
-عز: لأ لأمي اللي اعدة بره
-جانا: بطل بقى
-عز: السلسلة هتاكل من رقبتك حتة
-جانا: هههههههههه
وفجأة سمعوا صوت الزغاريط بالخارج ،،،،
-جانا: قوم شوف اللي بيحصل بره.
-عز: لأ مش قايم!
-جانا: يا بني ده في زغاريط بره
-عز: يبقى أعلنوا جوازة الواد ع البت.
-جانا: واد مين وبت مين ؟
-عز: ياسين ودينا !!
-جانا: بجد ! طب قوم يالا ، عيب نفضل كل ده هنا
-عز: محدش ليه حاجة عننا ، خليني أخش ع الاجتماع اللي بعده
-جانا: يوووه ، مش بتزهق ؟؟
-عز: وحد يزهق من المانجة يا ماااانجة
-جانا وهي تبتعد عنه: خليك أعد هنا ، انا قايمة
-عز: ماشي يا اخرت صبري
-جانا وهي تفتح باب الغرفة : خير يا جماعة في ايه ؟؟
-سهير بفرح: باركي لدينا أختك يا جوجو ، ان شاء الله هتتخطب.
-جانا باستعباط : بجد الف الف مبروووك ، مين سعيد الحظ ؟
-حسين: الواد ده اللي بنساه على طول.
-دينا مسرعة : ياسين يا جوجو
-جانا وهي تحتضن دينا: congrats دودي حبيبتي ، وأخيراً
-دينا بغمزة: ييس ، انتم السابقون ونحن اللاحقون
-جانا: واو ، وبقينا بنعرف نقول حكم أهوو
-دينا: البركة فيكي جوجو
ثم توجهت دينا لغرفتها وهي في قمة سعادتها ...
-يوسف: مبروك يا سينوو
-ياسين: أنا مش مصدق يابوعز ، ده انا كنت خلاص قربت أفقد الأمل
-عايدة: ههههههههه يا بكاش
-عز مقاطعاً : خلاص يا سينو، نويت ؟
-ياسين: الحمدلله يا بونسب
-عز: بس افتكر اني قولتلك بلاش !!
-ياسين: اطلع منها وهي تعمر ، وبعدين ياخي بلاش تكسر في مأديفي.
-عز: الله يرحم أيام جدك ماكان بيركب الحمار بالمقلوب ويأدف
-ياسين: مش كان راكب مع جدك
-عز: اخرس ياض ، انا جدي كان ماسكله السلبة بس
-ياسين: لا يا شيخ !!
-يوسف: بتتناقروا في ايه يا ولاد ؟؟
-ياسين: مافيش يا عمي ، ده عز بيشجعني ع الاقدام
-يوسف: بيشجعك ع ايه ؟
-ياسين: هي طلعت كده ، عديها بقى يا بوعز !
-عز: الله يعينك يا سينو ، ان شاء الله هفرح فيك قريب وهحسدك وهأر عليك.
-ياسين: كوووبة ، عين الحسود فيها عود !!
-جانا مقاطعة: ومانجة كمان
-عز محذراً جانا: مافيناش من كده ، كله إلا المانجة !
-ياسين: ليه مالها المانجة؟
-عز: مالكش فيه ، ركز انت في عود القصب بتاعك .
-سهير: اتفضلوا يا جماعة تعالوا اشربوا شربات الفاتحة
-ياسين: عقبال يا رب شربات الفرح
-سهير: ان شاء الله يا عريس
-عايدة: اومال فين دينا ؟
-ياسين: عروستي.
-سهير: في أوضتها جوه مكسوفة
-ياسين: عروستي.
-عايدة: خجل البنات بقى
-جانا: ههههههههه هي دودي بقت بتكسف من امتى ؟
-ياسين: أه ،عروست.ي
-سهير: بس يا جوجو سيبها يومين تدلع كده
-يوسف: وماله ، البنات يستاهلوا الدلع كله
-ياسين: عروستي.
-عز: ايه يا بني ، انت علقت ع كده ؟؟؟
-ياسين: آااااااه .. عروستي !!
-عز وهو يدفعه : امشي ياض قدامي
-ياسين وهو مُطأطيء رأسه : حاضر بس متزوءش بس
.............
وبعد مرور ما يقرب من شهر ،،،،
في مكتب عز الدين الكيلاني بشركته ،،،
-ياسين: هطق م الغيظ يا زيزووو
-عز: ليه يا بني؟
-ياسين: بقالي شهر متنيل قاري فاتحة ومش عارف أوصل لمرحلة الخطوبة ، أل ايه كل ده أبوها بيسأل عني .. أومال لو مكونتش مقطوع من شجرة ، لا ليا قرايب ولا ضرايب كان عمل فيا ايه ؟؟؟
-عز: ياعم استحمل شوية
-ياسين: والنصيبة مشوفتهاش غير مرتين بس طول الشهر ده ، والأنأح أبوها أعد لازقلنا ، مش عارف أستفرد بالبونية أقولها كلمتين حلوين
-عز ضاحكاً: ههههههههههههههههههههه ، أحسن ، من أعمالكم سُلط عليكم.
-ياسين: وهما كلمتين بس بنقولهم في الأعدة الفقر دي، ازيك يا عمي ، منور يا بني ، مش هتقوم بقى لأحسن عاوز أنام ، والبت وشها في الأرض مش عارف أشوفه، خلاص عرفت مقاس أفاها من كتر ماهي مدلدلة رقبتها
-عز وهو مقتول من الضحك: ههههههههههههههههههههههه ، تستاهل ، ياما قولتلك هيجيلك يوم وهيخلص منك القديم والجديد !!
-ياسين: ده بدل ما تواسيني ، بتتريق عليا
-عز: مش خلاص اتفقتوا ع الخطوبة وتلبيس الشبكة
-ياسين: لأ أنا داخل ع كتب كتاب عدل ، انا لسه هستنى خطوبة وأبصر ايه ، بالشكل ده مع أبوها يدوب اكون طلعت ع المعاش عشان أوصل لمرحلة الفرح
-عز: هههههههههههههههههه ، هانت كلها كام سنة وتتأهل وأهو تتدخل وتتخرج في نفس التوقيت .
-ياسين وهو يرفع يده بالدعاء: يااااااااااااااااااا رب يسرلي أموري وأبوها يحدد معاد كتب الكتاب قريب ، أه وماتشمتش فيها بن الحاج يوسف
-عز: اتلم ياض
...........
في المقر الجديد لمكتب سيلين و رامز ، حيث قاموا بافتتاح مكتب للاستيراد والتصدير في القاهرة ليديروا من خلاله أعمالهم ،،،،
-سيلين: الظاهر انهم كانوا بيشتغلونا يا بيبي
-رامز: تؤ ، معتقدش
-سيلين: فات مدة ولا حس ولا خبر
-رامز: Wait babe .. دارين أنا ظبطتها ، وفاضل just one step وتعمل اللي عاوزه
-سيلين: الزفت حازم ده didn't phone me من أسبوع ، بيضيع وقت ع الفاضي
-رامز: Don't worry babe, it's just a matter of time
-سيلين: تعبت يا بيبي ، محتاجة money عشان الشغل
-رامز: اصبري
-سيلين: اوووف
..........
في منزل حازم ،،،
-حازم: ها فهمت اللي قولتلك عليه ؟
-فؤاد: بس الموضوع ده خطر ، ومش هيعدي بالساهل
-حازم: وده المطلوب انه يقلب بكارثة
-فؤاد: بس اوعى تلطني معاك ، انا مش اد عز
-حازم: انت بعيد خالص عن الموضوع ، ظبط بس الـ shots .. ماشي يا فؤش
-فؤاد: أشطا يا زوما
ثم اتصل حازم بسيلين ،،،
-سيلين: Finally
-حازم: سوري يا سولي هانم ، كنت بظبط المسائل عشان ميحصلش غلطة
-سيلين: هتعمل ايه بالظبط ؟؟
-حازم: أنا مش بتاع كلام ، أنا بتاع أفعال ، وهتشوفي
-سيلين: الظاهر انك just a talkative guy
-حازم: متستأليش بيا .. بكرة هتشوفي ، بس خليكي فاكرة انك تنفذي اللي وعدتني بيه ، وإلا عليا وعلى أعدائي
-سيلين: I know .. اطمن
-حازم: تمام ، وأنا هنفذ م الليلة
-سيلين: اوك .. Go ahead
سيلين لرامز: خلاص هيبدأ الخطة من النهاردة.
-رامز: مش قولتلك
-سيلين: برافو يا بيبي ، انت داهية !
-رامز بثقة : طبعاااااااا
..........
في فيلا عز وجانا ،،،
-جانا لنفسها: دي اتـأخرت عن معادها ، مش معقول ، طب أنا لازم أتأكد الأول .. ممم ، أنا مش هاقول لأي حد غير لما أتأكد الأول .. أه بدل ما أقلب الدنيا ويطلع الموضوع ع الفاضي .. صح كده
أخذت جانا تطلب هاتف إحدى عيادات النساء ،،
-جانا: السلام عليكم
-الممرضة: وعليكم السلام يا فندم
-جانا: لو سمحتي عاوزة أحجز كشف النهاردة
-الممرضة: باسم مين حضرتك ؟
-جانا: باسم جانا عاصم ، ممكن أعرف الدكتور بيجي امتى ؟؟
-الممرضة: حضرتك العيادة يومياً بتفتح فترة مسائية من 6 لحد منتصف الليل فيما عدا الجمعة
-جانا: تمام أوي .. شكراً ليكي
-الممرضة: العفو يا فندم
-جانا لنفسها: كده أحسن !!
.........
-حازم : ها فهمتي يا دونا هتعملي ايه ؟
-دارين: ييس
-حازم: انتي وشطارتك بقى تظبطي الليلة
-دارين: م الناحية دي متقلقش
-حازم: عظيم .. يالا بينا
-دارين : والله وجالك يوم يا عز انت والبنت اللوكال بتاعتك دي
........
في منزل حسين الدمنهوري ، كان دينا تتحدث هاتفياً مع جانا ،
-دينا: دادي صعب اوي مش مديني فرصة اتكلم مع ياسين لوحدنا خالص ، حتى الخروجات لازم يكون معايا يا مامي معايا ، ومانع الفون خالص
-جانا: احسن
-دينا: انتي فرحانة فيا؟
-جانا: بصراحة أه، لازم الواد يستوي ع الجانبين
-دينا: ده ممكن يطفش
-جانا: اطمني هو واقع لشوشته
-دينا: Are you sure ؟
-جانا: طبعاً يا بنتي ، مش هو صاحب عز وسره معاه ، وكل يوم عز يجي يحكيلي .. هانت يا دودي ، هتكتبي الكتاب وبعد كده هتزهقي منه
-دينا: ياااا ريت يا جوجو ، بقولك ما تيجي تعدي عليا النهاردة تقعدي معايا شوية بدل ما أنا زهقانة كده
-جانا: النهاردة .. آآآآ... أنا.. بصي .. النهاردة مش هينفع عندي مشوار مهم كده
-دينا: مشوار ايه يا جوجو؟
-جانا: مالكيش فيه يا سوسة
-دينا: ممم ، بقى كده ، طب أنا هاقول لعز
-جانا: بت انتي ، كله إلا كده بدل ما أفركشلك جوازتك
-دينا: لالالالا .. خلاص خلاص ، انا مالي ، you're free.
-جانا: أيوه كده اتعدلي
-دينا: اوك يا جوجو
......
عودة مرة أخرى لشركة عز الدين الكيلاني ،
كان عز الدين على وشك الاتصال بجانا ليطمئن عليها ،
-ياسين: أنا هاروح النادي شوية، مش ناوي تجي معايا
-عز: لأ أنا ورايا شوية ورق عاوز أراجعه وبعد كده هكلم جانا اشوفها ولو كده ممكن نخرج نتعشى سوا بره
-ياسين: هنياله يا عم
-عز: الله اكبر ، بطل أر عليا عشان أمورك تسلك كده وتمشي
-ياسين: يسمع من بؤك ربنا ، سلام يا كوتش
-عز هاتفياً: حبيبة قلبي ، اخبارك ايه؟
-جانا: ازيك يا عمري ، أنا تمام
-عز: بقولك ايه ، أنا هتأخر شوية
-جانا: تاني
-عز: معلش يا قلبي ، بس جهزي نفسك انتي عشان هنتعشى النهاردة سوا.
-جانا: طب بقولك ايه بما انك هتتأخر ، انا هروح لدينا شوية أقعد معاها لأحسن البت هتطق م الأعدة لوحدها
-عز: ههههههههههه أومال لو شوفتي الواد ياسين عامل ازاي ، ده حاله يصعب ع الكافر
-جانا: هانت ، يكتبوا كتابهم وبعد كده هيزهئوا من بعض
-عز: على رأيك ، طيب تحبي أعدي عليكي أوصلك بعد ما تخلصي زيارتك
-جانا: لأ مش مهم . أنا مش ناوية أتأخر
-عز: اوك يا بيبي ، خلي بالك من نفسك
-جانا: وانت كمان يا قلبي
-عز: أسيبك في حفظ الله
-جانا: باي يا حبيبي
...........................
استعدت جانا من اجل النزول ، واستقلت سيارة الأجرة وتوجهت نحو عيادة الطبيب الخاص بالنساء والولادة ،،،،
-جانا: السلام عليكم
-الممرضة: وعليكم السلام
-جانا: لو سمحتي كان في حجز باسم جانا عاصم
-الممرضة: أيوه يا فندم
-جانا: طب أقدر أدخل للدكتور الوقتي
-الممرضة: حضرتك انتظري شوية ، وبعد كشفين هتدخليله
-جانا: ثانكس ..آآآقصدي شكرا
وبعد مرور بعض الوقت ،،
-الممرضة: اتفضلي حضرتك
-جانا: شكرا
-الطبيب: اهلا وسهلا مدام جانا ، خير..
-جانا: أهلا بيك يا دكتور ، يعني كنت عاوزة أكشف ، أصل الـ.. آآآ.. الـ period عندي late عن معادها الطبيعي
-الطبيب: هي المفروض كانت تيجي لحضرتك امتى ؟
-جانا: ممم .. تقريبا من حوالي اسبوعين I think
-الطبيب: اتفضلي حضرتك ع السرير عشان الكشف ، من فضلك ساعديها يا سلوي
-سلوى الممرضة: حاضر يا دكتور
وبعد الكشف عليها ،،
-جانا: خير يا دكتور
-الطبيب: ان شاء الله خير يا مدام ، حضرتك حامل في اول شهر
-جانا بسعادة: بجد يا دكتور
-الطبيب: أكيد طبعا ، وعاوز من حضرتك تعمليلي التحاليل دي
-جانا: طبعا يا دكتور
-الطبيب: وهكتبلك ع شوية فتامينات ومقويات لازم تاخديها ، والراحة التامة في الفترة دي مطلوبة جدااااا عشان الحمل يثبت ان شاء الله
-جانا: حاضر يا دكتور
-الطبيب: الف مبروك يا مدام جانا ، وان شاء الله في انتظارك بنتائج التحاليل دي
-جانا: ثانكس دكتور
خرجت جانا وهي في قمة السعادة والفرح ، فقد انعم الله عليها بجنين ينمو في أحشائها ، وهاهي تنتظر الآن أن تخبر عز الدين بالمفاجأة ......
ولكن تأتي الرياح بما لا تشتهي السفن ،،،
فقد رن هاتف جانا
-جانا : الوو
-المتصل: مدام جانا حرم المهندس عز؟
-جانا: ايوه ، مين معايا؟
-المتصل: حضرتك زوجك موجود دلوقتي مع دارين في النادي في وضع غير مظبوط
-جانا: انت عبيط ولا أهبل ؟؟؟
-المتصل: أفندم
-جانا: بطل الجنان بتاعك ده ، استحالة جوزي يعمل كده ، مجنون ده ولا ايه !!
-المتصل: أنا بس بوعيكي ، وحضرتك براحتك تصدقي او لأ
-جانا: اقفل السكة يا جدع انت ، وبلاش شغل الأفلام المصرية القديمة ده ، مايكلش معايا ...
ثم أغلقت جانا الهاتف نهائياً بعد ان تكرر الاتصال بها من هذا الرقم ،
-جانا: ده ايه النصيبة دي عالم فاضية صحيح !!
..............
