رواية إبن دار الايتام الفصل الخامس بقلم جمانه السعيدي
لمى سكتت شويه وبعدين رديت علي اني بلنسبه اليه موافقه
اني ما يهمني اهلك المهم انت
قصي لا تستعجلين بلرد فكري زين واخذي رائي اهلج
بهذا الموضوع
ومهما يكون ردكم اني موافق علي ومتقبل الموضوع
ومرا ح ازعل منج ابد
لمى اني موافقه وابصم بلعشره
قصي ميخالف فكري زين ما اريدج تستعجلين
وبعدين تتندمين
لان اني ما اتحمل اشوف الندم بعيونج ابد
قصي سديت التليفون واني خايف
اي خايف اكعد يوم ومالكه لمى بحياتي بعد ما تعودت عليه
بس ماكدرت أضم عليه اكثر
الحب الحقيقي لازم ينبني على الصدق من البدايه
ثاني يوم ما اتصلت اهنا اني تحطمت كليا
خفت وكنت شبه متأكد راح تعوفني
ماكدرت اروح للمطعم وصيت محمد يدير باله علي
طلعت افتر بلسياره والدنيا سوده بعيني
راح ارجع النقطة الصفر راح ارجع وحيد من جديد
من دخلت لمى الحياتي واني احس كلشي اتغير
حياتي صار الها معني وكمت احب كلشي بيه
لليل اتصل عليه محمد وكال لمى وامه وابوها كاعدين بلمطعم ينتضرونك
كنت متوقع راح اسمع خبر الرفض منهم
وصلت ولكيت لمى مبدله لأبيه فستان وردي يخبل عليه
وابوها لأبي قاط رسمي وامه اخر شياكه
سلمت علبهم وكعدت
ابو لمى احب اختصر عليك الوقت لمى حجتلي كلشي عنك واني ماعندي اي مانع موافق على هذا الزواج
احنا نشتري رجال
ومراح نحاسبك على شي قديم انت مالك ذنب بي
ساعته حسيت من الفرحه اريد اكمز مثل الجاهل الزغير
شبكت ابو لمى وبسته من الفرحه
الصراحه هي الشبكه والبوسه المى مو اله بس استحيت بوقته
قصي تسلم الله يحفظك ويطول عمرك
ابو لمى اني مراح اعترض على اي شي بس عندي شرط واحد لمى ما تتزوج بشقه
اريدك تشتري بيت وتزوج بي انت ولمى
قصي ماطلبت غير حقك تدلل
لمى تستاهل قصر مو ببت
ام لمى مراح نسوي خطوبه او عقد قبل لا يكمل البيت
قصي صار انشاء الله باجر ادور بيت
لمى التفتت على قصي والابتسامه شاكه وجهي شك وكتله مبروك حبيبي
قصي الله يبارك بيج نزلنا عشى وتعشو وراحووو
شفت محمد حيل ضايج
قصي ما باركتلي ضلع
محمد الف مبروك
قصي اشوفك ضايج
محمد من نرجع للبيت نسولف اني وياك
قصي ما اخذت ابالي من كلامه لان من الفرحه ما مصدك نفسي ابد
جمانه السعيدي
وصلنا للبيت وتمددنا احنا انام بنفس الغرفه
محمد قصي اريد احجي وياك بموضوع مهم
قصي اي كووول اسمعك
هنا اتصلت لمى
قصي اهلا حبيبتي فد اشويه وارجع اخابرج انتضريني مو تنامين
يله كمل كلامك
محمد انت تدري بيه شكد احبك وانت اخوي واعز من اخواني
قصي اي الشعور متبادل اني هم احبك واحترمك
محمد اني اشوف هاي البنيه ما توالمك
قصي ليش تكول هيج
محمد تعال نحسبه اني وياك بلعقل
البنيه خريجه وحلوه ومن عائله راقيه وانت انسان لا خريج ولا موضف ولا عندك شهاده
وانت صارحته بحقيقة اهلك ليش وافقت هي واهله بكل بساطه
اني مو جاي انتقص منك انت بلنسبه اليه تسوه كل المناصب والشهايد الي بلدنيا
اني صارلي وياك عشر سنوات اعرفك أكثر من نفسك
انت انسان ماكو منك والي ترتبط بيك راح تكون اسعد انسانه بلدنيا
بس هذا تفكيري اني لان اعرفك
وحده مثل هاي ماتعرفك على حقيقتك
اكيد هذا الزواج ورا مصلحه
مستحيل واحد بعقلية ابوها وشيلة خشمه
يوافق بهل بساطه لا وهو جاي بنفسه يبلغك بلموافقه
اكيد راح يدور منصب مكانه وينطي بنته
قصي بس هي كالت احبك
جمانه السعيدي
محمد واذا كالت احبك كل وحده تكول احبك يعني تحبك
انت تستاهل وحده احسن منه بالف مره
اي واحد بمكان ابوها مستحيل يوافق
بهاي السرعه
على الاقل ياخذ وقت يسئل
يحسسنا ان بنتا عزيزه ويريد مصلحته
يثكل شويه بلرد
مبينه الشغله مدروسه وما محتاجه تفكير
ذوله الناس داخلين طمعانيبن بيك
دخلتلك عن طريق الحب لمن اتاكدت ماكو اي وحده بحياتك
ورسمت عليك دور المحبه
ووكعتك بشباكه
وانت ياصديقي ماعندك اي خبره بلحب قبل ووكعت على عينك
حبيته بدون ماتفكر ابد
هسه هي لو كايلتك تعال فاتح بابا بموضوع زواجنا
لو ابوها ماخذ وقت يفكر
لو مطول هذا الموضوع شويه كان ممكن اقتنع
بس البارحه كتله واليوم ابوها اجه وكال موافق
افتهم اني موقصدي انت موزين بس ذوله الناس طماعين
امبينين عدهم نيه
فكر زين يله تكمل مشروع الزواج هذا
جمانه السعيدي
قصي عقلي ما يقبل يفكر غير بيه وما اتخيل وحده غيره زوجه اليه
بشنو راح تطمع بلمطعم اني لازم المطعم
همه ما شرطو اسجل اي شي باسمه
ليش اضن بيه ضن السوء
راسا دك التليفون مره ثانيه
قصي لا تفكر هيج محمد عوفه على الله اني ما اعرف
اي شي غير اني احبه وهي تحبني
وراح يصيرون عندي جهال هواي وانت راح تكون عمهم
محمد الله يوفقك ويسعدك وانشاء الله تكون توقعاتي
خاطئه وتطلع تحبك وتحافظ عليك
قصي كمت رحت للغرفه الثانيه حتى احجي ويه لمى
ما اكدر اقتنع بكلام محمد
اني احبه ومتمسك بيه والبنيه ما بدر منه اي شي
يخليني اشك بيه
ليش اخرب فرحتي
لمجرد شك يعني واذا ابوها وافق بسرعه
اكيد لحت علي وعرف هي تحبني
ووافق هم هيج الناس الراقيه اهم شي عدهم سعادة بتهم
بس كون الله يتمم على خيرررر
انتم شنو رائيكم كلام محمد صح لو غلطان
