رواية فصلية الشيخ اركان الفصل الخامس بقلم رقية
_أركان ... رجعت للبيت رحت لغرفتي لكيت الباب مردود دخلت شفت أرق واكفة بس ضهرها ألي حاجيتها أرق مادت رجعت حاجيتها ماردت عطت بيها موو أحجي وياااااااج فزت وكع العطر منها ونكسر كامت تحجي وتبجي
_أرق ... أركان والله مادري بلغلط وكع مني أسفة والله مادري🥺
_أركان ... هااي شبيج وتقدمتلها رجعت خطوة ورة
_أرق ... جان الكزاز وراي ورجعت ودست علي عطت ااااااااااااخ يمة😭
_أركان ... عاطت باوعت على رجلها تنزف دم رحت عليها كعدتها على الجرباية أجت أمي وغصون يركضن
_أم أركان ... يمة بنيتي شبيهاا
_أركان ... يمة نجرحت بلعطر غصون جيبيلي اسعافات اولية بسرعة جابت غصون حاجيتها أرق هسة أريدج تتحملين علمود أسحب الكزازة
_أرق ... لا عفية أركان والله أخاف
_أركان ... جاا شنون اضل برجلج وسحبتها لو هية رجت الغرفة بعيطتها
_أرق ... اااااااااااااااااااااااااااااااااخ 😭
_أركان ... باوعت عليها أمي حاضنة راسها وتبجي وياها وغصون وياهن علواهس😊
حاجيت أمي يمة بدال ماسكتنها تبجن وياها
_أم أركان ... يايمة شوفها شلون تكسر الخاطر
_أرق ... ضمدها أركان غصون جابتلي مهدء أخذتة ومددت عمتي راحت غصون لمت الكزاز وطلعت ضل بس أركان يمي كاعد
_أركان ...أرق شبيج من أحجي وياج متردين ألة عطت بيج
_أرق ... ماعرف جاي أمسح وصفنت على العطر يشبه عطر بابا وانتة ليش عطت بية وفززتني
_أركان ... اذا احجي وياج ومتردين شسويلج
_أرق ... هسة شكو جاي ترد علي هسة هية بعد صارت شراح تسوي قابل
_أركان ... مو صوجج صوج اليخاف عليج
_أرق ... ومنو طلب منك تخاف علي يلة كاف أمشي أطلع من الغرفة خل أنام شوية
_أركان ... أولآ هاي غرفتي الي نايمة بيها ثانيآ متنامين لازم عيونج قابل
_أرق ... أي خلي غرفتك ألك أني طالعة منها كمت أريد اطلع أجة علي لزمني من أيدي
_أركان ... تعالي تعالي نامي ماعلي بيج والله شينزلج بهاي رجلج
_أرق ... بس ماريد تحجي وذا أضل كاعد تسكت متحجي
_أركان ... تدللين بنيتي😊
_أرق ...لا تكول بنيتي أني مو بنتك
_أركان ... لعد مرتي😊
_أرق ... ولا مرتك
_أركان... عمي حبيبتي😊
_أرق ... ولا حبيبتك
_أركان ... بيبيتي😄
_أرق ... هاي علية اني بيبيتك وشمرت عليه المخدة
_أركان ...هاي تضربيني بلمخدة ولج اليوم أنهيج أحجي واتقدم عليها
_أرق ... لا لا أركان والله أشاقة وياك أسفة والله ماعيدها بعد غمضت عيوني ومخلية أدية على وجهي هوة تقرب وخر أدية من وجهي ماحسيت الة وباسني بخدي فتحت عيوني ضليت أباوع عليه😳
_أركان ...أشوفج أنصدمتي تريدين بعد وحدة حتى تصحين من الصدمة
_أرق ... هاا لا لا
_أركان ...ههههههه علمود بعد مضربيني بلمخدة ترة أعيدها فهمتي
_أرق ... لا والله بعد ماضربك ولا علية بيك
_أركان ... عفية يلة نامي أني طالع
_أرق ... الله وياك طلع اني ضليت بلغرفة أفكر بي هذا ليش هيج يسوي معقولة يحبني لا لا شبيج أرق أنتي شدتكولين ماكو هيج شي بس ليش من باسني حسيت أحساس حلوو والله مادري يربي كافي يلة خل انام احسلي غمضت عيوني وغفيت
_أركان ... طلعت من الغرفة أروح لجماعتي الساعة 4:00 رحت يم جماعتي ضليت كاعد يمهم ساعتين صارت الساعة 6:00 رجعت للبيت أني وراجع شفت محل أيس كريم أذكرت الصبح طلبت مني وعلا الأساس اطلعهن بس بعد نجرحت طبكت السيارة صفحة نزلت أخذت أيس كريم رجعت للبيت لكيت غصون بلمطبخ سألتها غصون وين أرق
_غصون ... بعدها نايمة ماكاعدة
_أركان ... صعدت للغرفة فتحت الباب نايمة خليت العلاكة بصفها على الجرباية حاجيتها أرق أرق أكعدي شوفي شجبت ألج
_أرق ... نايمة سمعت أركان يكول شوفي شجبت ألج فتحت عيوني وكعدت شجبت
_أركان ... فتحي العلاكة وشوفي
_أرق ... فتحت العلاكة عااااااااا أيس كريم🍧
_أركان ... وسسم نصي صوتج شهرتينة
_أرق ...أخذتها وكمت أريد أروح الغصون ناكل أني وياها نزلت من الجرباية دست علة رجلي ااااااااااخ نسيت مجروحة
_أركان ... على كيفج وين رايحة
_أرق ... أروح على غصون ناكل أني وياها
_أركان ... أكعدي هسة اني اصيحها ألج
_أرق ... لا عفية خل أطلع والله ضوجة هناية
_أركان ... ورجلج شنون تمشين والدرج
_أرق ...عود امشي على كيف وانزل
_أركان ... انطيني أيدج واني أوصلج خاف توكعين من الدرج شيخلصنة مشيتهه وصلنة الدرج شفتها وكفت وتباوع عليه حاجيتها تكدرين تنزلين لو لا
_أرق ... مادري انزل واشوف
_أركان ... ادري بيها متكدر شلتها ونزلت ضلت تحجي
_أرق ... أركان نزلني عيب لا ماما أشوفنة شتكول
_أركان ... خل شتكول تكول مرتي وشايلها قابل حرام
_أرق ... وداني للمطبخ دخلني ونزلني غصون شافتنة
_ غصون ... هلا هلا هاي شكو أي عمي امورك عدلة أركان
_أركان ... انجبي ولج مرتي وشلتها انتي شعليج وبعدين جبت أيس كريم وماقبلت تاكلها ألة انتي وياها ومتكدر تنزل وشلتها
_غصون ... فدوة للتفكر بية وبستها😘
_أرق ... ولو عمري شعندي غيرج تعالي ناكل هسة تموع كعدنة ناكل واركان واكف فوك راسنة
_أركان ... جااا يابة كولن واحد واكف يمنة خل نعزمة
_أرق ... نسيتك يلة تعال اكل بعدنة ممخلصينها
_أركان ... بعد وكت ماريد زعلت
_أرق ... اخذت خاشوكة وبيها أيس كريم وقربتها الحلكة بسرعة أبتسم وفتح حلكة أني خليت ودمرت خشمة بيها هوة عيونة صارن بكصتة
_أركان ... ولج هاي شسويتي خرب يومج
_أرق غصون ... هههههههههه
_أركان ... اضحكن وشوفن بعد منو يجيب الجن
_أرق ... عادي أني اروح اجيب
_أركان ... علمود أكسر رجليج
_أرق ... ههههههه عادي ضلينة نسولف ونضحك أني وغصون وأركان صبينة عشة صحناهم أجو تعشو عمتي وأمير وأركان اني وغصون ماتعشينة رحنة نمنة ضليت اني وغصون وحدة اسولف الوحدة على حياتها اخر شي نمنة مر كم يوم لان واجة يوم السابع مال عمي صعدت الصبح تريكنة رحنة اني وغصون كل وحدة على شغلة خلصنة رحت سبحت وتحضرت طلعت من الغرفة عمامهم جايين العرفتو من ذيابة بيت أبو ذياب وأبو فهد سلمت على النسوان بس سلام ورحت للمطبخ أني وغصون نشتغل أجت وحدة أسمها شيماء بت أبو فهد وحاجتني
_شيماء ... هيي أنتي يلفصلية شسوين هنا
_أرق ... والله حبي ششوفين جاي العب مثلآ
_شيماء ...انجبي ولا تراددين
_غصون ...شيماء روحي منا ترة هية عايزة مشاكل أمشي روحي منا جفيني شرج لو تخليني اصيح أركان وتعرفين كلش زين من يعصب شيسوي
_شيماء ...يلة خليها هناية هنة الفصليات جايبينهن للخدم
_أرق ... طلعت شيماء ضلينة بس اني وغصون
_غصون ... أرق خاف ضجتي منها
_أرق ... لا عمري ماضوج هاذ واقعي
