رواية رماد انثي الفصل الخامس بقلم جمانه السعيدي
مرام...دخلت المسواك وامي شافته
امي...يااا صلاوات شني هذا المسواك توصيل شنو
مرام....لا هذا ولد يشتغل محاسب بعلوة المخضر واني ساعدته
جاب امه للمستشفى
وجابلي هذا المسواك
امي....الله يرضا علي
هيام...كعدت من النوم واسمع مرام تحجي وياا امي على المسواك
واشوف هيام فرحانه
هيام....باعي لا تفرحين هدية الفكر مثله فكر
مرام...نعمله على الي يساعد حتلو بشي قليل
احسن من النايم ولا حمد ولا شكر
هيام...لا تبقين تعايرني لكيت شغل وبعد مااحتاج منيتج
مرام...اي وشنو هذا الشغل بله فرحيني
هيام.... اكو شركه اروج البضاعتهم وينطوني راتب شهري
مرام...وشلون تروجين ومنو يعرفج
هيام...همه دخلوني بكروبات وكمت اروج الهم
مرام...وتروجين الشنو فهميني
هيام... مكياج
مرام..... خل اشوف
هيام...شتشوفين وانتي بعدج على الصرصور الناس وين وصلت وانتي مكانج
مرام...ولله المسؤليه الي على ضهري تهد جبال شلون ماابقه بمكاني
هيام....هسه راح اطلع اجيب الراتب واجي
مرام...تحجين صدك
هيام...طبعا احجي صدك رايحه للشركه اجيب الراتب واجي
جمانه السعيدي
اني اعرف اشتغل بعقلي واشتغل واني كاعده بلبيت
مو مثلج من الصبح للعصر وتخدمين وتفترين
بين المرضى تالي الراتب يخلص قبل لا تستلمي
مرام...هم مااصدك اله اشوف بعيوني خاف اضحكين عليه
هيام...هسه طالعه ومن ارجع
راح انطيج من اول راتب اليه
مرام...بدلت هيام وطلعت واني بقيت واكفه بمكاني
التفتت على امي وكتله عود صدك
تشتغل وهي نايمه النهار كله ومرتاحه
مااصدك ابد
امي....عوفيه خل نعزل المسواك
مرام... اي صدك نسيت المسواك
اعزل بلمسواك والضحكه من الأذن للاذن فرحانه
بعادل وتصرفاته وياي
يمكن عادل مو هو الإنسان المناسب الوضعي بس هو هذا الموجود
يعني اني طلع كدامي غيره وماتمسكت بي
بس عادل جاي يعوضني الحرمان الي عايشته
تقريبا ساعتين ورجعت هيام
شايله هواي علاليك
بس دخلت الغرفته خلت العلاليك وطلعت
هيام...هاج هاي ورقه من شغلي وهاي وحده الامي
مرام...تحجين صدك هاي ورقه حقيقيه لو مزوره
هيام...روحي اشتري اي شي يعجبج واتأكدي منه
واليوم بليل انطيج هذا التليفون لان اشتريت واحد غيره حديث
مرام....لا مااصدك وين اكو هيج شغل يجيب هلكد فلوس
هيام...باع هاي اصلا وين اكو بعد وحده مثلج
متخلفه ومعتمده على راتب كم فلس
وتكعد تبجي طول الشهر
مرام...احجي صدك تشتغلين بلمخدرات
هيام...هههه ههههه وجهي مال مخدرات بعدين النهار كله
محبوسه بغرفتي شلون ابيع مخدرات
مرام...زين شغليني وياج
هيام...لا عاد مو الهلدرجه خليتي عينج على رزقي
مرام...لا مو خليت عيني عليج
اريد اشتغل وياج واشوف شنو طبيعة شغلج
واذا احصل فلوس هواي
اعوف الوضيفه قابل اني شمحصله منه
اذا هيج تحلصين راتب
اني وياج
هيام...لا ولله ابد ماتقربين عليه وعوفيني بحالي
انتي فكر بس تقربيلي تفكريني مثلج
مرام...دخلت للغرفه وسدت الباب
واني بقيت اباوع على ١٠٠ دولار وصافنه
مامصدكه معقوله شغل بلبيت وبس بلتليفون يجيب هلكد فلوس
ايجوز صدك اني بعدني كلشي مااعرف
امي....يمه عوفيه اذا تشتغل بلبيت وبغرفته ولا تطلع
ولا تمشي ولا نخاف عليه
وكدام عيونه طول النهار والفلوس خير من الله
بعد شكووو
جمانه السعيدي
هاج هاي الفلوس مالتي سدي الدين العلينه وجيبي دجاج ولحم وسمج
وجيبيلج ملابس ترحين بيهن للدوام ملابسج تعبانات
مرام...يمه ترا ذني ثنيبنهن ٢٥٠ الف يعني مايخلصن كل هاي الاشياء الي تكولين عليه
امي...اشتري ملابس حلوه عوفي المسواك
والدين سدي من تستلمين راتب بلكت اختج تساعدج
بعد
مرام...اخذت الفلوس وطلعت صرفتهن
سديت ابو الاسواق يطلبني ٣٠٠ انطيته ١٠٠
والبكال يطلبني ١٧٥ انطيته ٧٥
واشتريت كيلو لحم ودجاج ٢٥
بقن ٥٠ الف رحت اشتريت بنطرون وبلوز وحذاء
على كد فلوسي
صحيح هنا مو ماركه ولا أحدث موديل
بس ميخالف يمشني كم يوم
ورجعت للبيت بس مااعرف ليش كلبي مامطمن
ابد مامقتنعه بكلام هيام
يعني وين اكو شغل يجيب هلكد فلوس مشتريه موبايل
وملابس وانطتني اني وامي فلوس
جمانه السعيدي
هيام....طلعت تعشيت ودخلت للغرفه
لحد يزعجني اريد اشتغل
امي...اي براحتج
هيام....دزيت رساله الفتاة مارس
...هلو اذا ماعندج شي راسليني
كمت ابدل واتمكيج وارتب نفسي
سمعت صوت رساله
...هلوووو شلونج
هيام...هلوووو
...هااا استلمتي
هيام...اي استلمت بس ولله ضروفنا حيل صعبه واشتريت كم شغله وموبايل جديد لان موبايلي يفشل
وخلصن اللج يمي مبلغ محترم
فتاة مارس...باعي خاف عبالج انتي ذكيه وضحكين عليه
ترا لا انتي ولا الف وحده مثلج تكدرلي
هيج مبلغ تصرفي بوقت واحد شكد استلمتي من الشيخ ومن عمار
هيام...ولله لا اضحك عليج ولا شي بس انتي ماتعرفين ضروفنا
فتاة مارس....ولو اريد حصتي مثل مااتفقنا
هيام...يله حوليلي كم اتصال محترم وهلمره انطيهم
عنوانج وتجيج الفلوس
فتاة مارس...راح اعديه الج هلمره
هيام.. يله اني مستعده
بهاي اليله سويت اشياء خارجه لا يقبل بيه العقل ولا الدين
وطلعت من هيام البنيه وصرت وحده ثانيه
حقيره وبدون شرف
وفعلا اجتني فلوس وحولته على صاحبت البث
فتاة مارس
شكد رخصت نفسي بس علمود الفلوس
جمانه السعيدي
مرام...ثاني يوم رحت كاشخه بلملابس الجديده والحذاء
عبالك مدري شمحصله
وتليفون هيام عندي طبعا مسحت كلشي علي وانطتنيا
احلام....يااا هاي منووو
مرام...اخذتلي فره هاي اني
احلام...ماعرفتج سبحان مغير الاحوال
مرام....طلعت التليفون وكتله واني رافعه خشمي واغامز
وتليفون بي كامرا
احلام....جذذذذذب شو خاف مو مرام
مرام...ولج عندي سوالف هوواي تعاي خل ابصم واحجيلج
كلشي
احلام...اي ولله كتلني الفضول
مرام..دخلت بصمت وطلعت عليه
تعاي نكعد هاي الشغله تحتاج كعده وجاي
احلام...كعدت احجي بسرعه
مرام...اولا عادل البارحه اجا البيتنا وجابلنا مسواك هوواي
بس حتى يساعدني
تدرين شيكوول
احلام..شيكوول بله
مرام...اتمنى عندي واساعدج
احلام...يعني دكلج اليتيمه وضحك عليج بمسواك بس لا هو الي اشترا هاي الملابس والموبايل
مرام...لا شبيج ماعندج صبر جايتج بلحجي هيام
لكت شغل
والبارحة انطتني اني ١٠٠ دولار وامي ١٠٠ دولار
احلام...شغل بهلسرعه وهلكد فلوس
مرام...صار شهر تشتغل واني مااعرف
احلام ...شنو شغله
مرام...تروج الشركة مكياج والبارحة جابت الراتب
احلام...يالله واخيرا شفتج اضحكين وسعيده
وانحلت مشاكلج
مرام....الحمد لله تدرين كتله اشتغل وياج واعوف الوضيفه
وماقبلت الحقيره
تكول لا تخلين عينج على رزقي
احلام...عوفيه ماطول بلبيت وماتطلع عوفيه
مرام...المهم هيام نايمه واني مااعرف الهذا الموبايل واريد وحده تعلمني ولج حتى ياخذ صور
احلام...اني اعلمج علي
شويه واجا اتصال من عادل
مرام...الحكي عليه احلام منيين ارد
احلام...منا
مرام...الووووو
عادل....يالله اليوم الوووحلوه صباح الخير
مرام...صباح الخير
عادل....شلونج البارحه ماكوووو
مرام...عندي تليفون جدبد والبارحة حولت الخط وماعرف اركبه زين وهسه احلام علمتني علي
عادل...بلعافيه
مرام..الله يعافيك
عادل...اكدر اشوفج حتى لو عشر دقايق
مرام...اي تعال من تطلع من الشغل انتضرك
عادل...تمام
جمانه السعيدي
مرام رتبت شكلي وخليت معطر وشويه مكياج
وبقيت انتضره
طلبت اجازه زمنيه
وطلعت بس شافني بقه يباوع عليه
هو عندا حركه مميزه اذا يعجبه شي يعدل النضاره
بقه عينه عليه منا لمن وصلت
مرام...صباح الخير
عادل...صباح الخيرات طالعه حلوه
مرام...شكرا
عادل...لا جديات احس اكو تغير
مرام...اي ملابسي جديده
عادل....ياعمي انتي الي تحلين الملابس جبتلج ريوك
مرام....اني طلبت زمنيه تعال ناخذ الريوك ونروح انشوف امك ونتريك وترجعني
عادل...تحجين صدك
مرام...اي اكيد صدك
عادل...وتصعدين وراي على الدراجه
مرام...اي اريد اجرب هذا الشعور
عادل....ابتسمت تفاجئت ومامصدك صعدت وراي
بس مشيت حضنتني
مرام...على كيف اخاف
عادل....صار اني اصلا مااريد الطريق يخلص على هاي الكعده الحلوه
مرام... يله انتبه للطريق
عادل....تمام..
مرام....وصلنا ونزلت هو كدامي فتح الباب وكال تعاي ادخلي بيتهم حلو احلى من بيتنا ومرتب
دخلت اول غرفه امه نايمه
مرام...نايمه عوفه خطيه
عادل...لا اكعدها شنو نايمه هي ماتعرف منو اجانا
مرام...عوفه
عادل....يمه ماما عيوني شوفي منو اجا يشوفج
فتحت عيونه
ام عادل...هاا يمه اجيت
عادل.. اي وجبت وياي خطار
مرام...قربت عليه شلونج خاله وبسته بخدها
ام عادل...هله يمه
مرام...ما عرفتيني
ام عادل...لا عرفتج هله بيج
عادل....خل اعدل كعدتج
مرام....عادل خالتي متريكه
عادل..الصبح شربت حليب ماقبلت تاكل
مرام...اني هسه اسويله احلى شوربه بس دليني على المطبخ
عادل....لا تعبين نفسج
مرام...لا ماكو اي تعب انشاء الله خليت جنطتي وطلعت
اجا عادل وراي
عادل...تتوصخ ملابسج وتصير بيهن ريحه
مرام... ترا هي شوربه مو كرشه وتصير بيه ريحه
عادل...بكيفج انتي اليوم كاشخه وملابس جديده
مرام...عادي
شكرا لزيارتكم عالم روايات سكيرهوم
