رواية ضلام الفصل الخامس بقلم جمانه السعيدي
جنه رجعنا البيتنا بس دخلنا هو اخذ تراكه وراح للغرفه الثانيه
وماحجينا ولا كلمه اني وياااا
اني بدلت لبست تراك وحاولت انام بس ماكدرت ابد
صارت الساعه ١٢ واني بعدني كاعده
كلش حاسه بلذنب
ابد مايستحق هاي المعامله من عندي
شكد راقي وشلون يعاملني
كل عمري اعاني من التنمر من المجتمع واهلي
واحجي على اي احد يتنمر عليه
وهسه اني اتنمر علي
واحجي على شي ماله دخل بي ابد
قابل هو بكيفه صار اعمه
الضروف الي جبرته هيج يصير الله يكون بعونه
كان بصير وعايش حباته مثل مايريد
وهسه فاقد اعز شي عنده
مع ذالك عايش حياته ومايشكي ابد
بلعكس كله طاقه ايجابيه
وماجاي يتشكه ويتضلم على عكس هواي ناس الله
منطيهم كلشي وهمه ماراضين
قررت اروح اتاسف منه بلكت يسامحني
طلعت رحت للغرفه الثانيه دكيت الباب
علاء تعاي ادخلي
دخلت لكيته متمدد على القنفه
جنه اني اسفه
علاء تعاي اكعدي هنا كعدت ونزلت رجليه واشرتله
تكعد بصفي
جنه قربت وكعدت بصفه
اني اسفه لان انت سمعتني احجي عليك اليوم
ولله ماكان قصدي ابد
علاء هاي مشاعرج واني مااكدر اجبرج تخفينه
اني مااكدر اخليج تعيشين شي وتحجين شي ثاني
جنه ولله لو اسولف شجانت تسوي بيه زوجت ابوي
تكول شلون تحملتي كل هذا الوقت
من ماتت امي لليوم واني عايشه اتعس حياة
ضرب واهانه وغلط
موبس هي حتى اخواني من يشوفونه تغلط عليه همه هم يغلطون ويضربون
تشتريلهم ملابس وشغلات اشكال واني اباوع بعيني وساكته
حتى ابوي كان زين اليه
بس مااعرف ليش تغير مجرد مادخلت حياتنه هي
عشت اسوء ايام عمري
من اتقدمتلي انت
كنت خايفه اي خايفه لان اتوقعت شي ثاني
اتوقعتك لان ماتشوف انسان انتكالي
خفت يوكع كلشي براسي ومااكدر اتحمل
شكد توسلت بابا يرفض حتى كتلهم اني مستعده ابقه
خدامه بهذا البيت وماازوج
بس هي عناد بيه
كالت اله يتم هذا الزواج
حقي اخاف واتردد
لان اني بعمري ماداخله اي تجربه وماعندي خبره ابد
جمانه السعيدي
علاء اني مقدر وضعج ويمكن لو اني اشوف
ماازوج وحده عميه ابد
وهاي تضحيه منج تقبلين تعيشين ويه واحد مثلي
اني بعيون الناس
رجل مو كامل ومااكدر اعيش بدون مااحد يساعدني ابد
من يوم راح عيوني قررت ارضى بهذا الواقع
واعيش حياتي
ومااكعد اللوم الضروف والزمن
خلاص الي صار صار
الله خلق الإنسان حتى يتكيف ويه الضروف
مو الضروف تتكيف وياااا
هسه الناس الي عايشه بلصحراء تشوفينهم متكيفين
ويه ضروفهم
رغم صحراء وحر وماكو كهرباء بس عايشين
ليش لان الانسان يتكيف ويه الضروف
مو الضروف تتكيف ويااا
وتلكين ناس عايشه بلجبال
لو عايشين بمنطقه كلش بارده ينزل بيه الثلج
اكثر من سبع اشهر بلسنه
من هذا المنطلق قررت اقبل بضروفي واعيش الحياة
مثل ما اني اريد وبس
جمانه السعيدي
هذا المشتمل بنيته من تخرجت
وقررت ازوج بي
كنت خاطب بنيه واحبه وتحبني
البنيه خريجه ومن عائله اغنياء كلش
كنت متعلق بيه بشكل مو طبيعي
اثثت بيتنا حسب ماهي تربد
كنت منتضر اليوم الي نرتبط بي
بس اخر مره التحقت قبل زواجنا باسبوعين
صار هذا الحادث
لمن سمعت اني فقدت عيوني
اول وحده هي تخلت عني
بلبدايه ضجت حيل
بعدين عذرته
جنه عذرررته
علاء اي عذرته اني مااكدر أجبره تعيش وياي
واذا قبلت تستمر وياي حتى اجاملني
مستحيل تنجح حياتنا
راح تصير مشاكل هواي ومراح نكدر نستمر سويه ابد
نفترق من البدايه احسن
ليش اني اتفاجئت بيج ماقابله
لان مااريد واحد يعيش وياي غصبا ماعلي
الحياة ماتنعاش بالغصب ابد
واني اوعدج راح الكه حل حتى تخلصين من هذا الارتباط
وتعيشين حياتج مثل ماانتي تردين واحسن
جنه استحيت اكله اني اريد ابقه يمك بعد ماكو مكان اروحله مستحيل اهلي يستقبلوني ابد
..جنه .انت مازعلان مني ابد
..لا مازعلان
جنه كمت وكتله تصبح على خيرررر
علاء وانتي من اهل الخيررررر
رجعت الغرفتي اتمددت ياربي شكد راقي هذا الانسان
شكد مثقف
حرامات مايشوف
جمانه السعيدي
بس اذا كان يشوف مستحيل يكون من قسمتي ونصيبي
ايجوز رب العالمبن دزه اليه انقاذ
بس اني بغبائي خربت الدنياااا
هسه شلون اكله اني بطلت مااريد هذا الزواج ينتهي ابد
لازم أقرب علي
بلكت يحبني ومايعوفني ابد
ثاني يوم كعدت على ريحة الكهوة
شكد طيبه ريحته
عرفت علاء كاعد مادام ريحة الكهوة تارسه البيت
اكيد كعد وجاي يشرب كهوه
كعت وطلعت من غرفتي
جنه صباح الخيرررر
علاء صباح الخيرررر
جنه بس اغسل واحضر الريوك
علاء براحتج
رحت غسلت وخليت معطر ومشطت شعري ورجعت علي
جنه شلون تحب البيض
علاء اي شي اني احب البيض بكل حالاته
جنه خلاص راح اسوي على طريقتي شنو رائيك
علاء براحتج
كملت البيض وخليته كدامه
وكعدنا ناكل
علاء الله عاشت ايدج يخبل
جنه الف عافيه شنو تريد غده اليوم اني اطبخ خالتي
تعبت ويانه كافي
علاء اوكي خل نشوف طبخج شلونه
جنه بس اكمل اروح البيت عمي ابو علاء
علاء ليش شكووو
جنه اساعد خالتي خطيه وحدها بعدين احنا بيتنا نضيف
علاء خاف اتعبين
جنه لا تخاف جنت اشتغل اكثر من هذا الشغل بيت اهلي
علاء اوكي براحتج
جنه بلشت نضفت بسرعه وخليت الملابس بلغساله
وطبخت تبسي وتمن
وعبرت على خالتي اساعده
طبعا هي ماقبلت بس اني صممت لازم اساعدها
ام حمودي بعد هاي المشكله صممت لازم اطلكني من علاء
مهما يكون الثمن
حتى ارجع البيتهم وتتشمت بيه وتطردني
بس منتضره الوقت المناسب
وتكون الخطه مضبوطه
تكون الضربه قويه حتى تنهيني على الأخرررر
شكد حاقده وخبيثه وماتحب اكون احسن منه لو مرتاحه بحياتي ابد
اما اني كان همي الوحيد علاء يحبني حتى ابقه بحياته
ومااطلع منه ابد
لان اني كمت احبه
اهتمامه بيه غير مشاعري
اتبدلت مشاعر الخوف بمشاعر الحب
بس شلون أقرب علي واحنا كل واحد كاعد بغرفه وحده
ولا هو يشوف والبس كدامه شغلات مغريه
ويقرب عليه
اني هم ماعندي خبره بهيج شغلات
كلشي مااعرف بهاي السوالف
شكرا لزيارتكم عالم روايات سكيرهوم
