رواية المتعجرفة وانا الفصل الخامس
عند تلا
بعد ما حمزه مشي طلعت تلا الاوضه و فتحت اللاب واتصلت بمامتها فديو
تلا: هاي مامي ازيك
الام : هاي تلا
اخبارك
تلا: تمام
مامي انا كنت عايزه اقولك علي حاجه
الام : خير
تلا:انا هتجوز
الام : اخيرا اقتنعتي
تلا: لا مش هتجوز علي انا هتجوز حد تاني
الام : نعم
ومين بقي الافندي ده
ابن مين ومن عيلة ايه
تلا: مش ابن حد معروف بس انا بحبو وهتجوزو
الام : انتي بتستهبلي يا تلا
انتي هتتجوزي واحد ياخد فلوسك
تلا: لا بجد قولي كلام غير دا
علي ال عايز ياخد فلوسي
الام : علي الاقل ده ابن عمك
تلا: مامي انا ببلغك مش باخد رايك تمام
الام : اعملي الي تعمليه
لاكن مترجعيش تعيطيلي
تلا: لا متقلقيش مش هرجع اعيطلك
الام : طيب
سلام ناو
تلا: سلام
وقفلت تلا
اترمت تلا علي السرير بتعيط
تلا في نفسها : هو انا للدرجادي مش مهمه عند حد
وفضلت تلا تعيط لحد ما نامت
روح حمزه البيت وحط اتعشي ونام وقعد علي السرير يفكر
حمزه : ماشي يا تلا
اما ربيتك من اول وجديد مبقاش انا حمزه نور الدين
واهو بالمره اخد فيكي ثواب
وضحك ضحكة خبث تنم عن مستقبل مظلم لتلا
تاني يوم
صحي حمزه من النوم خد دوش ولبس ونزل راح المستشفي
وكانو بداو يجهزو مازن للعمليات
حمزه بمزاح : ازيك يا بطل
مازن : خالووووووو
اخيرا جيت
حمزه : مالك يا حبيبي
مازن : انا خايف اوي يا خالو
حمزه : لا لا البطل بتاعنا ما يخفش
اهما بس هيدوك دوا تنام ولما هتصحي هتلاقي نفسك زي الفل
مازن : بجد !
حمزه : اه بجد
دخلت الممرضه
الممرضه : بعد اذن حضرتك
بعد حمزه والممرضه خدت مازن وراحت علي العمليات
وفضل حمزه واقف يهدي ف اخته ومامته
وفضلو يقروله قران يدعوا
حمزه : يا رب قومه بالسلامه يا رب
عدت كام ساعه
و طلع الدكتور
حمزه : خير يا دكتور
الدكتور: مبروك يا جماعه العمليه نجحت
حنين بدموع : بجد
الحمد لله الحمد لله يا رب
حمزه : الحمد لله
طب ممكن نشوفه يا دكتور
الدكتور: مش قبل 24 ساعه
هو ف العنايه لما نطمن هننقله اوضه عاديه
حمزه : شكر يا دكتور
الام : يعني هو كويس يا ابني
حمزه : اه يا ماما متقلقيش
ده مجرد اجراء احتياطي متقلقيش
الام : الحمد لله
عند تلا
صحيت تلا من النوم
كانت مدايقه وعماله تفرك لحد ما الخدامه طلعتلها
الخدامه : تلا هانم
تلا : خيييييير
الخدامه : علي بيه وأسعد بيه
تحت مستنين حضرتك
تلا: قوليلهم نازله اهو
الخدامه : حاضر يا هانم
تلا: ناقصاهم هي علي الصبح
وقامت تلا خدت دوش ولبست ونزلت
تلا : ازيك يا عمي ازيك يا علي
اسعد : اهلا يا تلا
تلا: خير ايه سر الزياره دي
علي : صح الي سمعناه ده
تلا: هي لحقت توصلكم الاخبار
اة صح
أسعد : يعني ايه
تلا: يعني هتجوز
علي : ومين البيه ده بقي
تلا: ميخصكش
اسعد : لا يخصنا
مش انا عمك وولي امرك
يبقي يخصنا
كلميه خليه يجي
اهو نتعرف عليه
ولا انتي بتستعري منه
تلا: اولا انت مش ولي امري
مش هقعد اقول كتير اني 25 سنه واجوز نفسي ومحدش ولي امري عايزين تتعرفو عليه اوي اوي عنيا
لحظه اطلع اجيب موبايلي
أسعد : اتفضلي
وطلعت و مسكت الفون
واتصلت ب السكرتيره
تلا: سهام ابعتيلي رقم حمزه علي الواتس حالا
سهام : حاضر يا فندم
وبعتتلها الرقم
حلا سجلت الرقم واتصلت
حمزه كان واقف مع امه واخته
رن الموبيل برقم غريب
حمزه : الو
تلا:الو
حمزه انا تلا
حمزه بعد شويه
حمزه بإستغراب : ايوه يا تلا
خير
في حاجه
تلا: عمي عندي ف الفيله ومصمم يشوف انا هتجوز مين تعالي عشان هيقرفني من كتر الزن
حمزه : دلوقتي ؟
تلا: اة
حمزه : طب شويه كده
مازن لسه طالع من العمليات
تلا : حاول
اتصرف يا حمزه
حمزه : حاضر هحاول اجي حاضر
تلا: طيب حاول متتاخرش وانا هقولهم انك جاي ف السكه
حمزه : حاضر
سلام عليكم
تلا: سلام
قلت تلا مع حمزه و نزلت لعمها
عمها : خير رد عليكي
تلا: جاي ف السكه
أسعد : يجي بالسلامه
تلا : نفين يا نفين
حضري الغدا لحد ما البيه يوصل
نفين : امرك يا هانم
علي بسخريه : بيه ها
عند حمزه
قفل حمزن مع تلا وراح لولدته
حمزه : ماما
انا مطر امشي عندي مشوار ضروري
الام: مشوار ايه ال ضروري اوي كدا
حمزه : مشوار خاص بالشغل
ومينفغش تبقي الست مدياني 500 الف جنيه وتطلب مني مشوار واقولها لا
حنين : عندك حق يا حمزه
روح يا حبيبي شوف شغلك واحنا هنا مع مازن ولو حصل اي حاجه هنرن عليك
حمزه باس راس حنين: ماشي يا حبيبتي
دعواتك
الام : ربنا معاك يا بني وينورلك طريقك
نزل حمزه من المستشفي وروح البيت غير هدومه ببدله اسمارت زرقه وقميص ناصع البياض وحزام وجذمه بني وبقي اخر شياكه
حمزه بص في المرايه : تمام كده
حط برفانه وخد مفاتيحه وركب العربيه وطلع علي بيت تلا
وصل حمزه ورن الجرس
تلا: نيفين افتحي ااباب
فتحت نفين الباب
حمزه : انسه تلا موجوده
تلا قامت تستقبله
تلا ب ابتسامه:تعالي يا حبيبي حمدلله علي سلامتك
حمزه بابتسامه ساحره : الله يسلمك يا حبيبتي
تلا لاول مره تاخد بالها من ان شكله حلو واد ايه ملامحه حلوه
تلا: تعالي اما اعرفك
حمزه دا عمي ودا علي ابنه
عمي دا حمزه حبيبي وكل حياتي وجوزي
حمزه في سره : اه علي البكش
حمزه مد ايده بشياكه : تشرفنا يا أسعد بيه
تشرفنا يا علي بيه
علي بعيظ:الشرف لينا يا حمزه
عمها: الا قولي يا حمزه انت بتشتغل ايه بقا
حمزه : محاسب في شركة مقاولات
عمها: شركه ايه بقا
تلا: شركه بره مصر يا عمي وهنتجوز ونسافر مش كدا يا حبيبي
حمزه : ان شاء الله
علي: وملقيتيش الا محاسب سيبتي كل ال متقدمينلك وسيبتني عشان محاسب
تلا: اظن انا ال هتجوز ومش حد تاني وانا اتجوز ال احبو وبس وبعدين متنساش انك من غير فلوس ابوك ولا حاجه يا علي
تمام
علي انكبت وسكت وعمها انغاظ
حمزه : وبعدين يا استاذ علي مش كل حاجه فلوس
في حاجات تانيه اهم كتير
لاكن اكيد الي زي حضرتك مستحيل يفهمني
تلا: الغدا جهز اتفضلو
مشي أسعد وعلي في المقدمه وحمزه وتلا وراهم
حمزه بهمس : غدا ايه الي دبستيني فيه ده
تلا: يعني اعمل ايه يعني مكنش ينفع اسكتهم لحد ما تيجي غير لما اقول للشغاله تحضر الغدا
حمزه : انا بقرف اكل بره البيت
اهبب ايه دلوقتي
تلا: بتقرف تاكل بره البيت؟
علي فكره انت مش واكل ف الشارع الاكل دا احسن اكتر ممكن تاكله ف يلا مش بمزاجك دا اصلا
حمزه : صبرك عليا يا تلا
بكره تبقي في بيتي وساعتها هربيكي بطريقتي
تلا: تربي مين انت مجنون الكلمتين ال قلتهم دول حسابنا عليهم بعد ما الناس تمشي
حمزه : ابقي وريني يا شطره
عمها : في حاجه يا جماعه
حمزه : لا ابدا
اتفضلوا يا جماعه
وقعدو يتغدو
عمها: الا قولي يا حمزه عرفت تلا فين
حمزه : كان في شغل بين الشركتين وبالصدفه قبلت تلا
الشغل مكتملش لكن بدأنا علاقه موفقه بإذن الله
علي: موفقه😂
انت متاكد انك بتحبها حد يقول علي علاقته مع تلا الهلالي علاقه موفقه ايه الجو القدبم دا
حمزه : اصلي بأمن ان عمر ما الحب كان مجرد كلمه بتتقال
وان اتقالت لازم يبقي ليها خصوصيتها عشان تبقي صادقه وطالعه من القلب
وانا بحب تلا ومش مجبر اني امشي في الشارع وانادي يا اناس يا هو انا بحب تلا الهلالي
الي يهمني انها تبقي عارفه ومتأكده من ده كويس جدا
تلا كانت بتبصله بإعجاب بكلامه الموزون
وخلصو غدا وتلا كانت دماغها مشغوله بكلامه
ومشي عمها هو وعلي
تلا: ايه ال انت قلته قبل الغدااا دا بقا
حمزه : قولت ايه
تلا:تربي مين بقا هاااا تربي مين شايفني مش متربيه انا متربيه احسن تربيه انت فاهم
حمزه : طيب
انا همشي بقي عشان ماسبش ماما وحنين لوحده كتير
سلام يا قطه
ومشي حمزه
تلا بعصبيه: ماشي يا حمزه انا هوريك
وطلعت علي الاوضه وفضلت تفكر طول اليوم خدت تلا قرار ومسكت موبايلها وبعتت ماسدج لحمزه تقولو
اعمل حسابك كتب الكتاب يوم الخميس
وقفلت الموبيل ودخلت سريرها تنام
عند حمزه
حمزه كان مشغول طول اليوم مع مازن في المستشفي وروح متأخر الساعه ١٢ مقدرش يعمل اي حاجه غير انه ينام
تاني يوم
صحي حمزه الصبح وفتح الموبيل وشاف الماسدج
حمزه : وقعتك زي وشك يا تلا
دخل حمزه غير هدومه لهدوم كجول وركب العربيه وطلع علي بيت تلا
وكانت تلا قاعده فاتحه اللاب بتخلص شغل الجرس رن فتحت الخدامه
ودخل حمزه بدون استأذان
تلا ب استغراب: حمزه؟
حمزه : هي البعيده معندهاش احمر خالص
مفيش
انعدم من جسمك يا شيخه
تلا بعصبيه: انت داخل عايز تتخانق فيه ايه علي الصبح
حمزه : طب امبارح قولت البت اتزنقت ومعرفتش توزع عمها
لكن مش ابن اختي يبقي عامل عمليه اول الاسبوع وانا اتجوز في اخره
خلي عندك دم يا بعيده
تلا بعصبيه شديده: بقولك ايييه مش من حقك تكلمني كدا انت فاهم ثانيا انا عملت ال عليا ونفذت كلامي باقي انت تنفذ كلامك انا مش هستحمل كل يوم عمي يجي يسمم بدني بكلمتين ويجيي يرخم هو وابنه الرخم واظن حقي اني احدد اليوم ال يعجبني
حمزه جز علي سنانه : عارفه
شكلي هدخل السجن بسببك
لكن القاضيه لو كان عاشر المرحومه يوم كان زمانه افرج عني
تلا: بني ادم مستفز
بس كلامي هيتنفذ فاهم
حمزه : ولو اتنفذ
تلا ببرود : مش مطلوب منك غير كدا
حمزه كان هيطق
حمزه : ياختي بطه ياختي
انتي ناويه تجيبيلي نقطه صح
تلا: قول ان شاءالله
حمزه : يا رب صبرني علي ما ابتلتني به
يا حبيبة ماما افهمي
مينفعش اسيب امي واختي في الظروف ديه واروح اتجوز
ده غير ان مصيبتك مصيبه
نأجلها لحد ما مازن يطلع من المستشفي
تلا بعند: مش مشكلتي يا حمزه انا لازم اترحم في اقرب وقت امال انت ايه لازمتك
حمزه : طب هتترحمي ازاي وانتي متجوزه وجوزك بعيد عنك
تلا: هختفي من الفيله ومحدش هيعرفلي طريق لحد ما مازن يطلع من المستشفي بس يبقو عارفين اني اتجوزت
حمزه : هتروحي فين
تلا: هروح مطرح ما اروح بقا مش شغلتك
حمزه : لا شغلتي
تلا: عندي شقه ف ....... هروحها
حمزه : يبقي اطلعي البسي خلينا نروح للمأذون اهو اخلص من زنك
تلا: دلوقتي؟
حمزه : اه
مش انتي عايزه تخلصي من زن عمك
يلا اتفضلي
انا كمان عايز اخلص من زنك
تلا:اللهم طولك يا روح طيب يلا هلبس الشوز وبس انا اصلا اهو زي ما انت شايف لابسه مش قاعده ب بيجامه انا
حمزه : نعم يا ختي !
هو انتي كده لابسه ولا قالعه مش فاهم
تلا:احترم نفسك انا لابسه مالو لبسي
حمزه : البنطلون مقطع مبين رجلك والبلونه كت مبينه درعاتك
ايه بابي الله يرحمه معلمكيش ان كده غلط
تلا اول ما جاب سيره ابوها خرجت عن شعورها عشان تلا كانت بتحب باباها جدا
تلا: متجيبش سيره ابويا علي لسانك انت فااااااااااهم
حمزه حس انه تمادي في الموضوع
حمزه : انا بعتذر
اتفضلي اطلعي غيري هدومك عشان نخلص
تلا: اعتذارك مرفوض
انا هطلع بس اغير عشان نخلص
وطلعت تلا الاوضه جري مقدرتش تمسك نفسها عيطت لما افتكرت باباها ومسحت دموعها وغيرت وشها ولبست بنطلون جينز وتيشرت بنص كم وكوتشي وسيبت شعرها وحطت ميك اب تداري وشها ال باين عليه اوي انها معيطه
ونزلت
تلا: يلا
حمزه : اتفضلي
وراحو عند الماذون وتمت اجراءات الجواز
