رواية معالج الروح الفصل الخامس بقلم جمانه السعيدي
معين بقيت كاعد وهي ممده دايرة وجها للجهه الثانيه
واني ساكت ووهي ساكته
معين...اني مشكلتي ياعزيزتي
مروه...اسكت اني مااريد اسمع مشكلتك وكوم اطلع منا
وخليني محترمتك
معين...اي اطلع عادي اطلع منا بس مو قبل ماتسمعين مشكلتي وتساعدني مثل ماكتلج
تحجي وياي وهي دايره وجها للجه الثانيه ومتغطيه وشعرها متأثر على المخده
مره...ومنو كالك اني احل مشاكل العالم اني اعرف انت المعالج الجديد بس لا تحاول
اني مااريد اتعالج ريح نفسك
معين.... يعني المعالج ماعندا مشاكل اني مليت واني احل مشاكل الناس وهسه محتاج واحد يساعدني احل مشكلتي
اني مشكلتي ماله حل يمكن كل المشاكل تهون
اله مشكلتي ماله حل
انتي بس جربي واسمعيني وبعدين حاولي تساعديني
اذا حليتي مشكلتي
راح اكون ممنون اللج
معين...اني يتيم
مروه...واني شعليه اني مافاتحه دار أيتام هنا انت ماعندك احساس اطلع برا وبعد لا ترجع
معين...يتيم بس امي وابوي عايشبن
مروه...شكد تريد فلوس اني انطيك وروح مااريد اشوف وجهك
معين...اتخيلي واحد عايش بلدنيا يتيم مع ان امه وابو موجودين لا مو بس موجودين عايشبن احلى حياة
كل واحد عندا اسره وعندا اطفال
وعايش حياته بس اثنينهم ناسيني
مروه...انت اجذب عليه تقشمرني تريدني اتعاطف وياك
معين...يعني عندي اخوان واخوات عايشين
جو اسري حالهم حال باقي الاطفال
يمكن اتكولين انت جبير مو طفل
العمر ماله علاقه بلحب والعاطغه حتى العمره سبعين يحب يلكه ناس تهتم بي وتحبه
راسا سمعته تبجي وبعدها دايره وجها عني
معين...اني هم ابجي دائما لان احساس الوحده كتلني
بس من شفت محد مهتم المشاعري
قررت احتضن نفسي وماانتضر احد يحتضني
واحب نفسي لان نفسي تستاهل الحب
كملت دراستي ونجحت وبعد اريد اكمل دراسه واخذ الدكتورا
عرفت شي كلش مهم السعاده تجي من داخل النفس
السعاده قررا اني اقرر اعيش سعيد اخلق السعاده
وماانتضر احد يخليني سعيد
لان الناس كل واحد عندا مشاكله الخاصه بي مستحيل يبقى ينطيني سعاده طول العمر
بس اني ماعايش وحدي
راسا مسحت دموعه والتفت عليه
معين..اني عايش وياا بيبي احبه وتحبني متمسك بيه وهي متمسكه بيه
مروه...هاي القصه حقيقه
معين...هوووو هوو يمعوده بعدج ماسمعتي شي من قصة حياتي ينرادلي مولف حتى يكتبه
مروه...بس انت ليش تحجيلي
معين...ردت افضفض وحسيتج ممكن تسمعيني
مروه...ولو ماااتعالج ابد
معين...ومنو طلب منج تتعالجين
مروه... وانت شكو هنا
معين...محتاج صديقه احجيله مشاكلي وتسمعني
كتلج فضفضه
مروه...يعني مراح تجبرني اتعالج
معين...يمعوده منو اله خلك ياعلاج يابطيخ
اكيد اذا حست اني مجاي اضغط عليه راح تتجاوب وياي
لازم اجرب كل الطرق وياها
احسه مسكينه لا حول ولا قوه
معين...اليوم اني تعبت جمانه السعيدي اريد ارجع لان بيبي منتضرتني
بعد وراي اطبخ وانضف واغسل ملابس
وانام حتى اروح للدوام باجر
يله باي مشيت التفت عليه قبل لا اطلع
معين...انتي صديقتي لا تحجين قصتي لأي أحد هذا سر بينا
هزت راسه مستغربه مني ومن تصرفاتي
طلعت من بيتهم ورجعت والبيتنا
ثاني يوم اخذت اجازه من الدوام لبست تراك رياضي
رصاصي فاتح ورحت اشتريت
جيس طوبات ٦ طوبات بلجيس
بحجم الكف كل وحده لون
واخذتهن وطلعت على بيت مروه
دخلت ام ساره استقبلتني
صعدت دكيت باب الغرفه
ماردت عليه دخلت لكيته مدده ومتغطيه لابسه بدي اسود وبجامه رصاصي
كعدت على الكرسي الي كباله
معين...صباح الخير
فتحت عيونه باوعت عليه ورجعت غمضت
فتحت الجيس طلعت طوبه
شمرته عليه
راسا فتحت عيونه وباوعتلي بستغراب
رجعت طلعت الثانيه شمرته عليه
مروه...انت هي اني مو مرمى ليش تشمر عليه الطوبه
بعدين شنو هاي قلة الذوق شعندك جاي من الصبح
معين...غير كلنا أصدقاء واني جاي اكمل قصتي
مروه...قصتك قصتك خبصتنا خبص بقصتك
شبيك اكو ناس اتعس منك وعايشين عادي
معين...اخذت الطوبه الثالثه وشمرته عليه شنو قصدج اتعس مني يعني مثل حالتج
مروه...لا تشمر عليه
معين...شسوين مثلا
مروه...هسه اعيط واجيب الحرس اخليهم يطلعوك برا
معين...بله جربي شمرت عليه الطوبه الرابعه
راسا لزمته بعصبيه ورجعت شمرته عليه بكل قوته وكانما تضربني
اني لزمته وشمرته عليه
مروه...اهووو مانخلص اليوم انت شنو من بشر وين ماكو مخبل يشمرونه عليه
معين..ماكو غيرج مخبله شمرت الطوبه الخامسه
مروه..انت ماتفتهم لو جاي تلعب وتخلص وكت
وبعدين تكول ماكدرت اعالجه أنطوني اتعابي
معين حجت هذا الكلام ورجعت ضربتني بلطوبه
اني لزمته وشمرته عليه
راسا لزمتها وضربتني بعصبيه
رجعت شمرته عليه وهي ضربتني بعصبيه
وكامت تصيح
ام ساره ام ساره وينج قندره تعاي مو احجي وياج
راسا ام ساره فتحت الباب
معين اشرتله اطلعي واطبكي الباب وراج
مروه...حيوانه انتي تاخذين الأوامر مني مو منه يله اطلعي برا هسه تاخذين غراضج وتطلعين برا
معين...عادي بعد صعدي صوتج ماتخوفينا
راسا كامت تعيط بشكل هستيري
واني كاعد واباوع عليه
مروه...ماخلص الوقت تروح منا لان مجاي اتحملك
معين شلت اخير طوبه وشمرته عليه
كعدت على حيله اول مره تكعد هيج كدامي
صح شعرها ماكان مرتب بس شكله كلش حلو
اني مركز عليه اجتني الطوبه براسي راسا اخذت الثانيه
وشمرته عليه
اني انتبهت هي تشمر عليه بعصبيه
واني ارجع اضربه هلمره اضربه مو بس ارجع عليه الطوبه
هي تضربني واني اضربه
اكو ضربات اني اصدهن بس هي ولا صدت ضربه
بقينا على هل الوضع اكثر من ربع ساعه
كنت سعيد جدا بلتقدم الي صار
كعدت على حيله وبدت تهاجمني يعني صارت عدها ردت فعل ماستسلمت
بعدين ضربتني وعاطت حيل انت شتريد مني
معين...العب وياج
مروه...شنو تلعب وياي انت مخبل
معين...شكد صار مالاعب هيج لعبه حلوه
مروه..مااريد اللعب
معين...زين سوال اخير واطلع
يمته اخر مره مشطتي شعرج
راسا رفعت ايدها عدلت شعرها
مروه...شبي شعري
معين...بي كمل وصواب عييع شنو هذا
مروه...ليش ماتحترم نفسك
معين...احجي صدك ماجذبت شعرك مخربط ومبين مامشط
مروه...وانت شنو دخلك
معين..غير صديقتي وانصحج
مروه...مااريد نصيحتك
معين..زين اي واحد يتقدملج انصحه ااكول ماتمشط وشعرها بي كمل وصواب
مروه..مااضحك قديمه
معين...اذا ماعدكم مشط اني اشتريلج لو اجيبلج مشط بيبي خشب
مروه...ياربي دخت اطلع برا
معين...مااطلع عاجبني ابقه اضوجج تعرفين تصيرين حلوه لوضجتي
رجعت تمددت وغطت حتى وجها
اني جمعت الطوبات ورجعت اشمرهن عليه وحده وحده
بقت مغطيه وجهااا
معين...زين اني راح اروح ويمكن باجر مااجي
وصلت للباب فتحته وطبكته هي نزلت الغطى من وجها حتى تتأكد اني طلعت
واني ضربته بلطوبه
مروه...حيوووان حيووووان
معين راسا اخذت الطوبه الثانيه وشمرته عليه
كامت تعيط بصوت عالي
...تعالو تعالو الحكو عليه يريد يعتدي عليه خلصوني
منه راسا كعدت كفشت شعرها وكامت اجر بلبدي
معين...انتي شكد رخيصه
مروه...مو ارخص منك اطلع لو اخليك تطلع بفضيحه
معين...ماعندي شي اخاف منه
وأعتقد هاي كامرا بغرفتج عيطي بعد خل يجون يشوفون شلون اعتديت عليج
مروه...انت شنو من بشر ماتحس مو اكلك مااريد اتعالج
عوفني بحالي
معين...شفتيني جاي اعالجج جمانه السعيدي مجرد نحجي وخلاص
مروه...شنو نحجي اخوي ابن عمي ابن خالي شنو نحجي
معين...انتي كلشي مابيج جاي تمثلين علينا لا مريضه
ولا شي
مروه...هااا الحمد لله عرفت وحدك يله اطلع وبعد لا ترجع اكتب بلتقرير مابيه شي مع سلامه اطبك الباب وراك
معين فتحت الباب وصحت ام ساره ريوك بروح ابوج
لان جعنا من الحجي
مروه...شنو ريوك لا تكون هاي مضافة ابوك واني مااعرف
معين...شببج ماضيفين جعت
مروه...جعت روح اتريك بيتكم
معين...الله بيبي تسوي ريوك عالمي سياح وبيض بدهن الحر
بحكم صداقتنا لازم ترحين وياي بيوم البيتنا حتى تتعرفين على بيبي
جابت ام ساره الريوك خلته على الميز وطلعت
معين..تعاي نتريك
مروه...تاكل سم يله اسمم بسرعه واطلع
معين...تعاي ناكل
مروه ...شكرا مااريد
راسا غطت راسه واني كعدت اكل خلصت اخذت الصينيه وطلعت برا
خليته بلمطبخ
معين..شكرا ام ساره
ام ساره...انت ليش متحمله مروه محد يتحمله
معين...لان محتاجه مساعده لازم واحد يتحمله حتى يساعده تتخلص من التعب النفسي
باجر اني مااجي عندي دوام
على عكبه اجيه
شكرا لزيارتكم عالم روايات سكيرهوم
