رواية مريضه نفسيا الفصل الخامس بقلم ملك ياسر
اللهم صل و سلم و بارك على سيدنا وحبيبنا محمد صل الله عليه وسلم🌺
مراد بخبث: تتجوزيني..
ليلى فتحت بؤقها بصدمه و معرفتش تنطق ولا حرف...
مراد: هااا.. قولتي ايه؟
ليلى: قول غرضك ي مراد من الجوازه دي و اخلص.
مراد بمكر: عادي عجبتيني و عايز اتجوزك و بعدين بطلبك في الحلال اهو.
ليلى: بس انا مستحيل اتجوز واحد قذ*ر زيك ي مراد ده انا شوفتكم بعيني و دلوقتي عايزني اتجوزك طب اتجوزك بصفتك ايه؟؟! محترم؟ عندك اخلاق؟ تربيه؟ معندكش اي حاجه من دي.
مراد حاول يتمالك اعصابه من كلامها: طب بصي بقى ي حلوه انا عارف ان انتي سرقتي ورق الصفقه و مش محتاج اتأكد لان معايا دليل و طلعتي غبيه اوي فاكره دخول الحمام زي خروجه.
ليلى بتوتر: و ايه هو الدليل بقى ان شاء الله.
مراد: ببساطه كده اوضه مكتبي فيها كاميرا و كل حاجه متسجله فيها بس انتي غبيه شاطره تكدبي و بس.
ليلى بتوتر: و المطلوب دلوقتي؟
مراد بخبث: تتجوزيني.
ليلى بتحدي: و لو معملتش كده؟
مراد بمكر: بسيطه هروح اقول للشرطه انك حراميه و سرقتيني ده غير ان عندك سوابق تانيه و في السرقه برضو اه صحيح و عرفت كمان انك مريضه نفسياً عشان كده بتسرقي.... و الشرطه بقى وقتها تحدد هل هتترمي في السجن ولا هتترمي في المستشفى تتعالجي و شوفي بقى ايه هيحصلك لأخوكي و اختك من غيرك.... هسيبك تفكري لحد بكره الصبح و لو ملقتش منك رد انا هعرف اتصرف ازاي و اجيب حقي... سلام ي.. ي مريضه.
ليلى قعدت تعيط في الشارع و بدأت تفكر بخوف في اخواتها و ايه ممكن يحصلهم من غيرها.
ليلى حبت تفصل عن كل ده و تروح البار بس بلبسها العادي.
قعدت و بدأت تفكر في كلام مراد تاني... لحد ما شافته جاي من بعيد و قعد قدامها.
مراد بإستفزاز: معتقدش اني ممكن اشوفك انهارده و بذات اخوكي في المستشفى و اختك جنبه.
بصتله ليلى بقرف و بعدين بصت قدامها تاني و قالت: موافقه بس بشرط.
مراد ببرود: يعني حراميه و كمان ببتشرطي.. تمام قولي.
ليلى بعصبيه: انت عارف كويس اني مش بإيدي اعمل كده انا بسرق اه بس مش بستخدم الفلوس دي و مش بسرق اي حد و خلاص اللي يستاهل يتسرق بسرقه زيك كده و زي ما قولت فعلا انا مريضه و بتعالج و محدش له حاجه عندي عشان يحاسبني و ربنا عالم بيا.
مراد: حد جه جنبك.. انجزي قولي شرطك مش فاضيلك.
ليلى: اخواتي يعيشوا معايا.
مراد بإبتسامة خبيثه: موافق بس هتفضلي خدامه زي ما انتي و اوعي تفتكري في يوم انك ممكن تكوني هانم او ليكي قيمه عندي انتي زي ما انتي خدامه و مريضه و حراميه هستناكي بعد بكره تيجي الڤيلا و هنكتب الكتاب... سلااام.
ليلى بعصبيه: كسرت الكوبايه في إيديها و قامت مشت راحت على المستشفى لأخواتها.
تاني يوم الصبح كان بيلبس عشان يروح يشوف شغله و يحاول يقوم اسم الشركه من تاني.
في المستشفى...
الدكتور: ما شاء الله صحتك بقت حلوه الحمدلله تقدر تخرج بليل بس برضو لازم تهتم بأكلك كويس و متعملش مجهود كبير.
ليلى بفرحه: شكرا ي دكتور.
رضوى راحت حضنت خالد و ليلى انضمت لهم و قالت: يلا ي رضوى لمي الحاجه عقبال ما اروح اجيب اكل و اجي.
نزلت ليلى تجيب الاكل و لقت ماسدج اتبعتتلها..
مضمون الرساله: مهمتك لسه مخلصتش.
ليلى بغضب: عايز مني ايه تاني انا مش نفذتلك اللي قولت عليه عايز ايه تاني مني؟
الشخص: هتعرفي كل حاجه في وقتها بلاش تتسرعي.
ليلى كانت هتبكي بس: اهدي اهدي ي ليلى مش وقته عياط دلوقتي المهم دلوقتي اخواتك و بس متفكريش في حاجه تانيه غيرهم.
جابت الاكل و راحت لأخواتها تاني المستشفى..
كان مراد خلاص فصل من كتر الشغل و قام عشان يروح بيته و يستعد للي جاي.
كان الوقت اتأخر و وصلوا بيتهم و دخلوا الاوضه...
ليلى: تعالي ي رضوى و انت خليك مكانك ي خالد ارتاح عايزه اقولكم على حاجه مهمه.
رضوى: قولي ي ليلى في ايه؟
ليلى بدموع: انا هتجوز بكره و انتوا هتيجوا تعيشوا معايا مع اني كنت قايله مش هتجوز خالص و هفضل معاكم لحد ما اطمن عليكم بس الظروف جبرتني اعمل كده... المهم مافيش حاجه هتتغير كل واحد هيمشي على نفس نمط حياته و كل واحد فيكم هيروح المدرسه عادي و انت ي خالد لازم تاخد دروس خصوصيه انت داخل على تالته ثانوي و مفهاش لعب لازم تدخل جامعه حلوه و اشوفكم احسن الناس دايما و محدش يشيل هم حاجه اسمعوا كلامي و بس و محدش يدخل في حاجه هتحصلي.
خالد بتعب: لا ي ليلى انا هشتغل و اجيب فلوس و هصرف عليكم و على نفسي انا الرجال و انتوا المفروض مسؤولين مني انتي مش مضطره تتجوزي عشانا ي ليلى احنا كبار و نقدر نعتمد على نفسنا صح ي رضوى.
رضوى: اكيد و انا هروح المصنع و اشتغل
قاطعتها ليلى بصراخ و قالت: ايلاااا المصنع اوعي تقربي من هناك ي رضوى انا حذرتك اهو و انت ي خالد اياك تشتغل انت تعبان و اكيد سمعت الدكتور قال ايه انت طالع من عمليه مش سهله و ركز في دراستك عشان تحقق حلمك و تبقى ظابط و تحقق العداله في المجتمع و على الاقل نوفر فلوس الايجار و تاخد بيها دروس و اسمعوا الكلام و متصعبوش الموضوع عليا عشان خاطري انا اختكم الكبيره و انا المسؤوله عنكم و انتوا وصيه ماما و بابا ليا يلا ناموا عشان الصبح هنروح عند مراد الڤيلا.
تاني يوم الصبح كان مراد جهز نفسه و طلب الشيخ عشان كتب الكتاب و جاب شهود....
في الوقت ده كانت جت ليلى هي و اخواتها البيت عند مراد..
مراد بخبث: اهلا بيكم نورتوا.. اطلعي حضري نفسك ي عروسه في اوضتي هتلاقي كل حاجه فوق و بعدين بص لأخوات ليلى و قال: و انتوا ليكم اوضه جنب اوضتنا هتقعدوا فيها.
خدتهم ليلى بصمت و وصلتهم اوضتهم.
ليلى: محدش يطلع من هنا غير لما اجيلكم ارتاحوا و ذاكروا و غيروا هدومكم.
رضوى بغمزه: بس شكله مز اوي.
خالد بعصبيه: لمي نفسك ي رضوى كده عيب و بعدين شكله قفل اوي و عمال يقول في اوامر و احنا ننفذ.
ليلى: مش عايزه مشاكل عشان خاطري لو بتحبوني بجد متجوش جنبه و خدو بالكم من نفسكم و اتعاملوا بحذر.
طلعت ليلى و راحت اوضة مراد عشان تحضر نفسها و لقت فستان لونه ابيض و ميك اب موجود دخلت اخدت شاور و طلعت جهزت نفسها و عملت تسريحه ل شعرها تحفه و حطت ميك اب بسيط ووو
مراد فجأه فتح الباب و قال: انجزي الناس تحت مستنيه.
ليلى قامت ببرود و نزلت معاه و قعدت و الشيخ بدأ بإجراءات الزواج.
و تم الزواج و الناس مشوا.
مراد: اطلعي على الاوضه و انا جاي.
ليلى بتوتر: خالد المفروض ياكل كويس عشان ياخد العلاج هطمن عليه هو و رضوى و هاجي.
مراد ببرود: تمام متتأخريش.. و طلع و سابها.
راحت ليلى جابت اكل و خدته و طلعت عند اخواتها..
رضوى بإنبهار من شكل اختها: وااو شكلك حلو اوي ي ليلو.
ابتسمت لها ليلى و قالت: يلا عشان تاكلوا و تاخد العلاج ي خالد.
خالد بزعل: اتجوزتوا؟
ليلى و هي بتحاول تبين انها فرحانه: أ.. أه ي حبيبي و متقلقش عليا انا كويسه و بعدين اختكم ب 100 راجل انتوا متعرفوش ولا ايه... يلا كلوا و انا همشي و لو احتجتوا حاجه انا في الاوضه اللي جنبكم رني عليا ي رضوى و هتلاقيني موجوده عندكم.
رضوى: مش هناكل من غيرك ي ليلى.
خالد: ايوا و شدها خالد و رضوى عشان تقعد و تاكل معاهم.
مراد خد شاور و طلع ملقهاش لسه جت اتعصب و كان هيخرج يجيبها لقاها في وشه...
ليلى لاحظت انه متعصب ف قالت: معلشي جبروني اكل معاهم عشان مش بيعرفوا ياكلوا من غيري.
مراد بخبث: مممم... طب و انا ماليش نصيب اكل انا كمان؟
ليلى بعدم فهم: ما تاكل حد ماسكك.
مراد بمكر: من عيوني... و بدأ يقرب منها.
ليلى فهمته و بعدته عنها بالعافيه و قالت: مستحيل تلمسني ي مراد مستحيل انت واحد قذ*ر و عملت علاقات كتير مع غيري لايمكن اكون واحده منهم و أحمل من واحد قاتل مستحيل ي مراد ابعد عني.
مراد مكنش شايف قدامه جابها من شعرها و فضل يضرب فيها و هي عماله تصرخ...
مراد بعصبيه و صوت عالي: انتي خدامه عندي و بس و اعمل اللي انا عايزوا فيكي انتي تقولي نعم و حاضر و بس و هاخد حقي منك و غصب عنك ولا انتي خايفه لحسن تطلعي مش عذراء... و كتفها و بدأ ياخد حقه منها و هي من التعب استسلمت و كانت دموعها عماله تنزل....
خالد و رضوى سمعوا صوت اختهم وو
خالد بعصبيه: انا هروحلهم مش هقدر اسكت اكتر من كده وسعي ي رضوى.
رضوى ببكاء: عشان خاطري متدخلش بينهم ي خالد عشان ليلى متتأذيش اكتر و خلاص معدش في صوت اهدااا....
شكرا لزيارتكم عالم روايات سكيرهوم
