رواية الخباز والاميره الفصل الخامس بقلم جمانه السعيدي
إياد تمددت هذا اليوم أطول يوم بحياتي شكد صارت بي احداث بس بلنسبه اليه اهم حدث اني نقذت اميره
ابد مامتخيل اكو هيج ام بلدنيا مثل أمه
عافته بلشارع وراحت والدنيا ليل
شلون ماتخاف عليه
انطيه شويه من محنة امي وخوفه عليه وعلى خواتي
كل عمري متوقع الناس الاغنياء مرتاحين
طلعنا احنا الفقراء مرتاحين اكثر منهم حياتهم كله مشاكل بسبب الفلوس
جمانه السعيدي
اميره خاله ام إياد انطتني تراك وردي لبسته اجا على مقاسي تمددت على الفراش والحسبات كامت تجي وتروح
وتندمت ليش مارحت البيتنا
هذا البيت بيت ابوي مو بيت خالد ولا بيت امي
ليش اعوفه اللهم
واني يتحملوني الناس الغرب
شنو ذنبه اياد يوكع بكل هاي المشاكل بسببي
فضل منه نقذني
باجر ارجع البيتنا
لازم ارجع اريد ملابسي ومصرف واشتري تليفون جديد
اني غلطت من اجيت هنا
كله بسبب امي ابدال ماتتمسك بيه عافتني بلشارع وراحت
تخاف استاذ خالد يزعل عليه
وماخافت بته تبقى بلشارع
جمانه السعيدي
بقيت اتكلب بلفراش وعيني ماتاخذ نوم
كل احداث هذا اليوم جاي تنعاد كدام عيني
اصعب يوم مر عليه هذا اليوم
مااعرف يمته نمت المهم كعدت الصبح على صوت ام إياد بلمطبخ
فتحت عيوني لكيت الساعه بلعشره الصبح
كمت اريد اغسل وابدل وارجع البيتنا
هاي مشكلتي واني لازم اتحمله
إياد ماله ذنب يتحملني
طلعت صباح الخير خاله
ام إياد صباح الخير والعافيه
اميره لعد إياد وين
اام إياد بعده نايم الضاهر البارحه حيل تعب
اميره هسه اغسل وابدل وارجع البيتنا
ام إياد بس اتريكي بلاول
اميره دخلت غسلت ولبست ملابسي وربطت شعري صاير مخربط طلعت لكيت إياد كاعد
إياد صباح الخير ياربي كل هاي المصايب الي مرت بيه وهي تخبل
اميره صباح الخيرررر
إياد شو مبدله وين رايحه
اميره ارجع البيتنا اني البارحه غلطت من اجيت هنا وعفتلهم البيت هذا بيتي مو ببتهم
إياد براحتج خل اغسل وابدل ونتريك واوصلج لبيتكم
إياد الصراحه شكد ضجت لان راح ترجع البيتهم
مو عبالك يوم بقينا سو عبالك شهر واكثر صار اعرفه
جمانه السعيدي
تريكنا وودعت امي وصعدت وراي على الدراجه وانطلقنا
مرينا بطريقنا من شارع الفرن
واشرتله علي وكتله اني هنا اشتغل يوميه العصر ماعدا يوم الجمعه يوم عطلتي
ووصلنا البيتهم بمنطقه راقيه والبيت يخبل
اميره تفضل وياي
إياد غير مره بضروف احسن انشاء الله
اميره اريد رقم تليفونك
إياد شلون اكتبه اللج
اميره رده اليه وراح احفضه بس اشتري تليفون نتواصل
إياد اوكي احفضي راح انتضر منج مكالمه
اميره تمام
اميره دخلت للبيت وصعدت كبل الغرفتي
دخلت سبحت وبدلت
امي من سمعت صوتي صعدت الغرفتي
امي هااا شرفتي ست الحسن
اميره انتي شتريدين مني اكو ام بلدنيا تعوف بته بلشارع علمود واحد مثل خالد
امي هذا اقل شي اسوي اللج انتي خليتني بنص هدومي كدام خالد
ولج ليش هيج تكرهينه شمسويلج
انتي متفقه انتي وصاحبج علي
بعدين هذا الولد اذا صدك يحبج ليش مايجي يخطبج
حتى تعرفين انتي ثوله وبسرعه ينضحك عليج
اميره مو صاحبي افهمي مو صاحبي نقذني من ايد خالد
امي هم رجعت النفس الحجي زين ليش رجعتي لازم فلوسه خلصت ودزج يريد فلوس
اميره مامحتاج فلوسكم
امي وين نمتي البارحه
اميره بعد وكت هسه جايه تسئلين
اخذني البيتهم ونمت اني وامه بنفس الغرفه
امي خاف ضحك عليج ولمن اخذ منج الشي الي يريده
شمرج ورجعتي
اميره انتي صدك تحجين انتي مستحيل تكونين امي
امي اي ولله لعد هيج شكول شمتوقعه منه
اميره استغفر الله ربي
امي ومرض فوك مصيبته ماراضيه
راح اعوفج بلبيت بس لان خالد طمني وكال هاي الدعوه كله
جذب وماعدهم دليل ضدي
جمانه السعيدي
البارحه بقه خالد يحجي عليه ليش عفناها
هاي بنيه وغلطت المفروض نجيبه ويانا
حتى لا تتعلم تبات خارج البيت بعد
هذا الي وياها مبين مو راحه اكيد راح يضحك عليه
هسه اشتكت عليه
باجر الله يعلم شراح يخليه تسوي
بس اني ماقبلت ارجعج اله تحسين بغلطج
ردت تباتين بلشارع وتشوفين الذل بعينج حتى تعرفين حجم النعمه الي انتي عايشه بيه
اميره خلفله عليج المفروض تاخذين جائزه احن ام بلدنيا
امي انتي ماتستاهلين واحد يحن عليج
لو ما خالد اعاقبج واحرمج من كلشي
اميره سيارتي منو رجعه شفته برا
امي خالد دز ولد مصلح صلحه وجابه للباب
وانت ماعاجبج
اميره ذني السوالف على غيري لان هو الي خلاها تعطل حتى جماعته ياخذوني
امي انت مايفيد وياج الطيب ابد
اميره مااريد منه طيب بس خل يعوفني بحالي مااريد منه شي
طلعت امي سجلت رقم إياد بورقه وجففت شعري
وقفلت غرفتي ونمت
جمانه السعيدي
خالد اتصل بجماعته اريد معلومات كامله عن اياد
كلشي من يوم نولد لليوم
اريد القنه درس ماينسى حتى يتعلم لا يدخل بشغل غيره
لو عايف اميره وماناقذه جان هسه الحساب كله بجيبي
هاي البنيه ماتجي لا بلحنيه ولا بلقوه
بس وين تروح مني إذا مااكعدهن على الحديده
مااكون اني خالد
اميره العصر كعدت ونزلت جوه مالكيت اي احد بلبيت
اتغديت وبدلت وطلعت
اشتريت تليفون ورحت فولت سيارتي بانزين
ورحت الاياد للمخبز
لابسه نفنوف اسود ضيك وطويل وستره احمر
ومسرحه شعري ومكياج والعطر والجنطه
نزلت كبال الفرن كل الي بالفرن يباوعون عليه
حتى الناس الي تشتري
اعتقد ماكو وحده كاشخه كل هلكشخه وجايه تشتري خبز
قربت تقريبا كل الي بلفرن توقفو عن العمل
اباوع ماكو آياد
اميره هلووو اريد اياد
واحد منهم كال نعم منوووو
اميره اياد اكو ولد يشتغل وياكم اسمه اياد
راسا صاحو اياد تعال يمعود ومستمرين كلهم يباوعون عليه
اكو رجال جبير كال يمعودين اريد خبز
عوفوه هاي ايجوز جايه تشتري الفرن مو خبز
جمانه السعيدي
شويه واجا إياد لا بس بدي اسود نص ردن وعضلاته
بارزه رابط شعره بوصله مثلثه اسود وابيض
وخاله على خشمه وحلكه وصله اسود
بس عيونه طالعه شافني وفتح عيونه حيل متفاجئ من جيتي
التفت شافهم كلهم يباوعون عليه
راسا نزع الوصله من وجه ومن شعره شمرهن وطلع
لزمني من ايدي بدون كلام وطلعنا من الفرن ووكفنا بصف السياره
إياد ليش اجيتي
اميره هاي شبيك ليش هيج تكول جايه اشوفك
جمانه السعيدي
إياد بهذا المنضر جايه تشوفيني وللج أمة محمد كله جاي تتفرج عليج
امير نزلت حواجبي ليش اني شسويت
إياد روحي يمعوده شغل الفرن وكف بسببج اكيد راح
يطردوني
اميره بشرفك تحجي صدك
إياد بعد ممنوع تجين للفرن
اميره واذا اريد اشوفك شلون
إياد اتصلي عليه مو عندج رقمي
اميره اذا انت الصبح دوام والعصر بالفرن وين اشوفك مثلا
آياد افرغ نفسي بس بعد لا تجين هنا باعي شلون يباوعون عليج
اميره يعني شنو مراح اضوك الخبز الي تخبزه وابتسمت
إياد باعي لا تخبليني ياخبز دمي كام يفور روحي يمعود
اميره مااروح اذا مااكل من خبزكم
إياد اصعدي بلسياره وهسه اجيبلج خبز
اميره راح يجيب خبز واني كمت اضحك حسيته خايف عليه مدري يغار لان كلهم عينهم عليه
إياد ياربي شكاعد يصير وياي هاي شطالعه
ودي اضمه من عيونهم
رحت جبت خبز وخليته بلعلاكه
ورجعت عليه هاج تفضلي وبعد لا تجين هنا ابد
اميره اكول اكو عدكم خدمة توصيل لان ريحة خبزكم طيبه
إياد استغفر الله
اميره ليش ماتعوف الخبز وتشتغل خدمة توصيل ويوميه اجيبلنا خبز
إياد روحي منا لا تخبليني
اميره هاي شبيك عصبي مزين اشتري منكم
إياد اذا كلما تجين هيج كاشخه وتلمين الناس علينا بعد لا تجين احسن
اميره خلاص راح اروح وبليل اتصل عليك
إياد راحت وكلبي راح وياها خرررب هبل شطالعه تخبل
رجعت للشغل
بس تقرببا خربت نص الخبز لان بالي ابد مو يم الخبز
عقلي وكلبي راحن وياها
