رواية ولاد الهواري الفصل الخامس 5 بقلم رودي سامي

في بيوت العيلة… الكلمة ممكن تهد، وممكن تعمّر. بس لما تُقال بصدق، بتصلّح كتير

الهدوء كان مغلف البيت، بس الهدوء ده مش طبيعي

هدوء كأنه بيسمع… بيترقّب… مستني اللحظة اللي هيحصل فيها حاجة

الكل بيعدّي يومه، بس كل واحد حاسس إن في حاجة قربت تطلع للنور.

---

✍️ بقلم: رودي سامي

في أوضة الجد…

سيف واقف، صوته بيتهز شوية، بس بيكمل:

– "يوم ما حصلت المشكلة في مكتب أبويا… الناس كلها افتكرت إنها غلطته هو"

– "بس الحقيقة؟ كان حد من برّه هو السبب، وكنت أنا في المكتب يومها… وشوفت كل حاجة"

الجد سكت، عينه بتترجّ، وقال:

– "ليه سكتت كل السنين دي؟"

سيف:

– "كنت صغير، وخوفت… ولما كبرت، لقيت إن السكوت أمان لناس كتير. بس دلوقتي؟ الموضوع بقى خطر… الورق رجع يطلع من تاني"

الجد رفع عينه فيه وقال بصوت تقيل:

– "لو الورق ده طلع… ناس هتتأذي"

سيف:

– "بس إحنا مش هنسكت تاني، بس برضه… مش هنكسر حد مننا"

الجد بعد لحظة سكت فيها، قال:

– "يبقى لازم نلمّ الكل… ونتصرّف كعيلة"

---

في الدور اللي فوق…

فرح داخلة على فريدة، وشها مش مرتاح، بس بتحاول تبان هادية

فريدة قاعدة على السرير، بتقلب في كراسة قديمة

فرح قالت:

– "كنتي لوحدك فوق امبارح؟"

فريدة بصّت لها وقالت بهدوء:

– "كنتي فين؟"

فرح:

– "كنت طالعة أنشر… وشفته، شفت نظراته، شفتك ساكتة"

فريدة سكتت، حطّت الكراسة على جنب، وقالت:

– "مشكلتك مش إني كنت معاه… مشكلتك إنك شفتيني ضعيفة"

فرح:

– "أنا مش بلومك… بس خوفت عليكي"

فريدة قامت، وقربت منها وقالت:

– "أنا طول عمري قوية قصاد الكل… إلا قصاده، معرفش ليه، بس هو بيشوفني زي ما أنا"

– "بس متخافيش… أنا مش هقع، ولو وقعت، هقوم"

فرح حضنتها وقالت:

– "أنا جنبك، في كل الحالات"

---

✍️ بقلم: رودي سامي

زين كان قاعد في شقته، فاتح الورقة اللي لقاها من تاني

بيفكّر، بيقلبها، بيحاول يفهم

الورقة مكتوب فيها بخط قديم:

"فيه حد دخل بينا من زمان… وحرّك غلطتنا زي ما هو عايز"

زين نزل بسرعة، دخل على سيف في شقته

سيف قال وهو شايف الورقة في إيده:

– "جبتها منين؟"

زين:

– "كانت في ورق قديم عند أبويا… وانا حاسس إن الموضوع كبير"

سيف قال بهدوء، ووشه اتشد:

– "الجد عارف… وأنا كمان عارف. بس لسه محدش يعرف كل الحقيقة"

زين بص له وقال:

– "طب إحنا هنستنى لحد إمتى؟"

سيف:

– "مش هنستنى… بس مش هنكسّر بعض"

---

في نفس اللحظة، الجد كان في البلكونة، ماسك ورقة تانية

بخط إيده… كاتب فيها:

"مافيش حد هيقسم ولادي… ولا أحفادي. السر لو طلع، يطلع مننا… مش من برا"

الفصل السادس من هنا