 |
رواية دعني احطم غرورك الفصل الواحد والستون بقلم منال سالم
-حسين: ليه محدش عاوز يقولي ايه اللي حصل لبنتي جانا ؟
-يوسف: آآآآآ... بص يا حسين .. الحكايــ....
-عز مقاطعاً: أنا هأقولك اللي حصل يا عمي ، بكل بساطة بنت اخوك المصونة خاينة
-حسين: ايه ؟؟؟ بتقول ايه ؟؟ خاينة !!!!
-يوسف بحدة: عــــــــــــز !!
-عز: أيوه خاينة ظبطتها مع واحد صاحبي
-حسين: انت اتجننت ؟؟؟
-عز: لأ متجننتش ، ده اللي حصل
-يوسف: عز احترم نفسك ومتكلمش كده عن مراتك
-عز: أنا طلقتها خلاص !!
-حسين غير مصدق : طب ازاي ؟؟ جانا ، مستحيل !
-عز: لأ حقيقي وحصل ، واتفضل شوف بنفسك الصور والفيديو .. ده ان مكنش بقى ع المواقع دلوقتي
-حسين: مســ..مستحيل جانا.. لأ ... مشـــ.. مش ممكن
-عز: أنا جيت بنفسي مش عشان أطمن عليها ، لأ عشان بس أوصلها كلمتين ، أنا عمري ما ندمت في حياتي على حاجة عملتها إلا إني عرفت بني آدمة زيها واتجوزتها وأمنتها ع اسمي وسمعتي ، وانا بحمد ربنا ان العيل اللي كان ممكن يكون رابط بينا خلاص راح !!!!!!!!!!!!!
-حسين: عيل ؟؟ قصدك ايه ؟
-يوسف: أصل.. آآآ.. أصل جانا .. كانت.. حـ.. حامل ، وللأسف الجنين نزل
-حسين بفزع: ايييييييييه ؟؟؟؟
-عز: مش ابني !!
-يوسف: اخرس بقى وامشي من هنا الوقتي
-عز بصوت عالي: خلي الهانم تسمع ، ده مكنش ابني ، هااااه ، ده ابن حـ.....
-حسين وهو يصفع عز : اخرس ! متكلمش عنها كده !!
-دينا : جانا فاقت .. وعاوزانا كلنا .. حتى..حتى عز
-يوسف: الحمدلله يا رب
-حسين: لأ البني آدم ده مش هيدخل معانا خلاص
-يوسف: امشي يا عز
-عز: أنا مش طايق أشوف خلقتها أصلاً ، أنا جاي بس عشان اشمت فيها
-حسين : اقوله يمشــــــــــي يا يوسف بدل ما أخنقه بايدي
-دينا: بليز دادي ، تعالى لجانا
في داخل الغرفة ،،،،
-جانا بصوت متقطع: أنا.. أنا..
-عايدة: ارتاحي يا حبيبتي
-سهير: متتكلميش يا بنتي
-حسين بلهفة: حمدلله ع سلامتك يا بنتي
-يوسف: حمدلله ع السلامة يا جانا
-جانا: أنا ..أنا ..حاسة بآلم رهيب هنا ( وأشارت بيدها إلى أسفل معدتها )
-سهير ببكاء: معلش يا بنتي
-عايدة: حبيبتي يا جانا
-يوسف: لا حول ولا قوة إلا بالله
-حسين: ربنا سبحانه وتعالى اداكي أمانة واستردها تاني
-جانا: يــ..يعني ايه ؟
-سهير: ربنا يعوض عليكي يا حبيبتي
-جانا: يعني ابني راح
-حسين: إنا لله وإنا إليه راجعون
-جانا ببكاء شديد: لألألألألألأ
-دينا: بليز جوجو .. ربنا رحيم هيعوضك خير
-عايدة: لا حول ولا قوة إلا بالله
-يوسف: معلش يا بنتي ، ده مقدر ومكتوب
-جانا: و.. وعز عرف؟
-حسين: متجبيش سيرة البني آدم ده تاني
-جانا: عرف.. عرف ان ..ان ابنه أو بنته.... راح
-يوسف: ارتاحي يا بنتي عشان صحتك
-جانا: ردوا عليا.. أنا.. أنا ..عارفة انه مكنش يقصد.. انه.. انه يزوئني
-حسين: نعم ؟؟ يزوءك ؟؟
-جانا: احنا كنا... كنا بنتخانق.. بس هو..هو.. مكنش...يعرف
-عز مقاطعاً: وحتى لما عرفت أنا مش ندمان !!!!!!!!!
-حسين: اطلع بره
-يوسف: اهدى يا حسين، امشي يا عز الوقتي
-عز لجانا: أنا طلقتك وأنا مش ندمان ،و لما عرفت انك حامل والحمل خلاص نزل برضوه مش ندمان ، لأن استحالة أصدق ان ده ابني أو حتى بنتي ،أنا بس جاي أشمت فيكي ، انتي معرفتك دمرت حياتي ، دمرت مستقبلي ، انتي.. انتي .....!!!!!!
-يوسف مقاطعاً: اسكت يا عز ، بلاش الكلام ده ، ميصحــ...
-سهير مقاطعة : عيب يا بني الكلام اللي بتقوله ده ، بنتنا متربية و..
-حسين: اسكتي يا سهير ، اطلع برررررررررره
-عايدة: حرام يا عز اللي بتعمله ده
-جانا ببكاء: انت ..انت ظــالم !
-ياسين : تعالى يا عز معايا
-عز: سيبني أقول الكلمتين اللي عندي للهانم
-ياسين وهو يدفعه للخارج: اطلع بره
-جانا بصوت مرتفع وبكاء هيستيري : أنا.. أنا.. بكرهك..بكرهك ع أد حبي ليك .. والوقتي مش عاوزة أشوفك.. والحمدلله ان معدتش في حاجة بينا.. أنا بكرهك.. اطلع بره.. برررره
-ياسين: امشي بقى يا عم من هنا
-يوسف: اهدي يا بنتي
-عايدة: عاوزين بسرعة الدكتور
-حسين: حبيبتي متعمليش في نفسك كده
-سهير: بس يا جانا ، اهدي يا حبيبتي
-جانا: أنا بكرهه .. بكرهه ..
وبالفعل جاء الطبيب وأعطى حقنة مهدئة لجانا التي كانت تعاني من انهيار عصبي ،
بعد مرور يومين ، وتحديداً في مكتب حسين الدمنهوري حيث طلب المهندس حسين مقابلة كلاً من يوسف الكيلاني وياسين في مكتبه ،،،،
-حسين: شوف يا يوسف ، أنا كان ممكن أعمل محضر باللي حصل ده ، وأتهم ابنك عز بمحاولة قتل جانا ، لكن عشان الصداقة والعشرة اللي بينا أنا مش هعمل كده
-يوسف: آآآآ.. أنا
-حسين: متكملش يا يوسف ، بس لحد كده واحنا خلاص
-يوسف: لأ يا حسين ، احنا طول عمرنا أخوات ع الحلوة والمرة مع بعض
-حسين: بس ابنك مرعاش ده ، واتهم بنت أخويا بتهمة فظيعة من قبل حتى ما يتأكد منها وكمان طلقها وموت ضناه
-يوسف:آآآ....
-حسين: كل ده وماشفعش عنده انه يقول كلمة طيبة للبت وهي في حالتها دي ، لأ جاي يشمت فيها كمان
-يوسف: ..مش عارف أقولك ايه ، بس هو مكنش في وعيه ، شركته كانت بتولع وحياته بتدمر و...
-حسين: متقولش حاجة ، احنا زي ما دخلنا بالمعروف ، خرجنا بالـ.. بالاهانة والضرب والـ..
-يوسف مقاطعاً: متكملش يا حسين ، طب بس فكر معايا بالعقل كده شركة عز اتكسرت وولعوا فيها في نفس الوقت اللي حصل فيه الـ...
-حسين: ميهمنيش الوقتي ، هو خلاص طلقها ، وأنا مش عاوز حاجة غير ان جانا ترجع زي الأول
-يوسف: يا حسين ، فكر كده ، في اكيييد حد ورا اللي حصل ده ، وظان انت عارف هيكون مين ...
-حسين موجهاً كلامه لياسين: أه .. يا بشمهندس ياسين
-ياسين: خير يا عمي
-حسين: أنا معنديش بنات للجواز .. !!!
-ياسين بخضة: نعم ؟؟؟؟؟؟؟؟؟؟؟؟
-حسين: اللي سمعته !!
-ياسين : طب ليه ؟؟ أنا ذنبي ايه ؟؟؟
-حسين: مش أنت صاحبه ، تبقى أكيد زيه ، واهوو اللي اتلسع م الشوربة ينفخ في الزبادي
-ياسين: طب هو طلع شوربة ، أنا مالي ، ليه تاخدني بذنبه ؟؟
-حسين: المقابلة انتهت .
-يوسف: بقى كده يا حسين؟
-ياسين: حرام تعمل فيا كده يا عمي..
-حسين: شرفتوا .. مع السلامة
-يوسف: أنا مش هعاتبك الوقتي عشان مقدر اللي انت فيه ، رغم ان المفروض انت كمان تعذرني لأن عز برضوه ابني ورغم اللي حصله إلا إن أنا واقف معاك ومع جانا
-حسين: ............
-ياسين: يعني مافيش أي أمل ؟؟؟
-حسين: أنا قولت مع السلامة !!!
-يوسف: يالا بينا يا ياسين يابني ، ولينا كلام بعدين يا حسين أما الأمور تهدى
-حسين: معتقدش
-يوسف: تبات نار تصبح رمـــاد ، سلام يا أخويا !
................
في شركة عز الدين الكيلاني ،،،،،
-عز بكل نرفزة للموظفين: مش معنى ان الشركة خلاص اتكسرت وحاولوا يولعوا فيها أن الشغل يقف ، لأ معلش أنا معنديش دلع أو هزار .. هو اسبوع بالكتير وهتكون الشركة واقفة تاني ع رجلها مسافة ما العمال يخلصوا تصليح وصيانة.. وفي الوقت ده عاوز الكل ينجز المطلوب منه .. فاهميييين ؟؟؟
-الموظفين: مفهوم يا فندم
-عز: اتفضلوا ع مكاتبكم وخلصوا أشغالكم
-عز للسكرتيرة: أ. ريم ، احنا هنشتغل في الدور الأرضي لحد ما يتم تجهيز المكتب بتاعي
-ريم السكرتيرة: حاضر يا فندم
-عز: عاوزك تكلميلي المحامي وتخليه يبلغني بأخر أخبار التحريات اللي عملتها المباحث عن البهايم اللي هجموا ع الشركة
-ريم السكرتيرة: تمام يا فندم ، حاجة تانية؟
-عز: لأ .. اتفضلي !!
-ياسين: خد امضيلي ع الطلب ده
-عز: طلب ابه ؟
-ياسين: انا هنقل عند ابوك
-عز: ليه؟
-ياسين: من غير ليه ، يا هتمضيه ، يا أنا مستقيل
-عز: خلاص براحتك
توترت العلاقة بين ياسين وعز الدين بعد ما حدث، واكتفوا فقط بالسلام هذا إن تقابلوا مصادفةً ، حتى النادي لم يعد عز الدين يذهب إليه كعادته ، وياسين تقريباً قطع كل العلاقات مع شلته السابقة حتى يمنع وجود أي رابط مشترك بينه وبين عز .
...............
في مكتب رامز وسيلين ،،،
-رامز: as you heard
-سيلين: يعني جانا كانت pregrant منه ؟
-رامز: كانت ، بس خلاص راح
-سيلين: كويس ، ده يضمن انهم مش يرجعوا لبعض ، وفرصة أني أرجع جانا ليا
-رامز: والـ money طبعا
-سيلين: شور يا بيبي
-رامز: الديّانة بيطالبوا بفلوسهم ، ومش هينفع نتأخر عن كده
-سيلين: شور بيبي ، don't worry, just couple of days
-رامز: I hope so
-سيلين: أنا هاروحلها الوقتي ، وألعب دور المامي
-رامز: هههههه ولو أنه مش لايق عليكي بس Good luck
...........
في المستشفى ،،،،
-سهير: يا جانا يا حبيبتي كُلي ، محدش هينفعك
-جانا: مش عاوزة
-دينا: ليه بس يا جوجو ؟
-سهير: والنبي يا دودي كلميها
-جانا: بليز أنا مش جعانة ، ولما هعوز اكل هأقولكم
-سهير: يابنتي انتي بقالك يومين مكالتيش حاجة خالص ورافضة تاخدي الدوا
-جانا: بليز أنطي
وفجأة سمعوا طرقات على الباب ،،،
-عايدة: ممكن أدخل
-سهير: أهلا عايدة هانم ، اه طبعاً اتفضلي
-عايدة: مش هدخل إلا لما أسمعها من جانا
-جانا: بليز أنطي ديلة .. اتفضلي
-دينا: هاي أنطي ديلة
-عايدة: حمدلله ع سلامتك يا جانا ، هايدينا ، انا بصراحة مكونتش متوقعة انك توافقي تقابليني خاصة بعد اللي ...اللي... يعني انتي فاهمة
-جانا: أنطي ديلة اللي حصل مالوش علاقة بيكي ، وأنا بحبك من غير حاجة
-عايدة: ربنا يخليكي ليا يا جوجو .. أنا عارفة ان في شيطان دخل بينكم وان شاء الله الأمور تتصلح وترجعوا تاني لبعض
-جانا: معدتش تفرق يا أنطي
-عايدة: متقوليش كده حبيبتي ، انا واثقة ان عز لسه بيحبك ، وان اللي حصل ده كان في ساعة غضب ، وابني ع طول مندفع مش بيفكر و...
-جانا: بليز أنطي ، مش حابة أحكي عنه
-دينا مقاطعة : ثواني يا أنطي ديلة هاروح أجيبلك حاجة تشربيها
-عايدة: مافيش داعي دودي
-سهير: لأ ودي تيجي برضوه ، بسرعة يا دينا
-عايدة: متتعبيش نفسك ، أنا بس جاية أطمن ع جانا ، وهمشي ع طووول
-جانا: ثانكس أنطي ع اهتمامك
-دينا: متمشيش أنطي ، أنا هرجع بسرعة
خرجت دينا من غرفة جانا بالمستشفي لتحضر مشروب ما لعايدة هانم ولكنها تفاجئت بمن يجذب ذراعها .... ،،،
-دينا: انت؟
-ياسين: ايوه أنا، مالك مخضوضة ليه ؟؟ شوفتي عفريت
-دينا: لأ . بس.. بس انت بتعمل ايه هنا ؟؟
-ياسين: جاي أطمن عليكي ، قصدي ع جانا ،واشوفك بالمرة
-دينا: خلاص اطمنت .. Excuse me
-ياسين: لأ استني .. هو أنا لحقت
-دينا: ميصحش نقف كده
-ياسين: هاعمل ايه بس ، ابوكي رفضني
-دينا: What؟؟؟
-ياسين: أنا لسه جاي من عنده ،أنا هيجرالي حاجة
-دينا: عنده حق
-ياسين: انتي كمان
-دينا: بصراحة .. عز بعد اللي عملوه خلانا كلنا .. يعني .. نشك... فــ....
-ياسين مقاطعاً : وأنا مال أمي بعز !!
-دينا: مش هو صاحبك ؟
-ياسين: يالهوي ع كده ، حتى انتي .. يا بنتي أنا غيره خالص ولعلمك أنا نقلت من الشغل معاه ، وكمان قاطعت كل أصحابنا عشانك
-دينا: لأ الرجالة كلها واحد
-ياسين: إلا أنا
-دينا: ليه انت مش راجل زيهم
-ياسين: لأ طبعا
-دينا: افندم؟
-ياسين: أنا سيد الرجالة يا بت ، وبعدين لو كنت عاوز حد تاني غيرك كان زماني لايف ع أي واحدة ، ماهو الحريم كتروا وملوا المترو
-دينا: ايه ؟؟ حريم ومترو ؟؟؟
-ياسين: متخديش ع كلامي ، ها ايه بقى ؟
-دينا: اوووف منك ، انت عاوز ايه الوقتي
-ياسين: آآآآ .. دينا ، آآآآآ.. دينا .. دينا
-دينا: ايه انت علقت ؟
-ياسين: لامؤاخذة الشريط سف
-دينا بضيق : تصدق انت واحد فعلا فاضي وجاي يهزر
-ياسين: يا بت اصبري ، أنا عاوز أقولك .. أقولك .. آآآ.. أقولك
-دينا: تقول ايه ؟؟؟
-ياسين في نفس واحد : اني بحبك ومقدرش أستغنى عنك وهتجوزك سواء أبوكي وافق أو وافق برضوه
-دينا بخجل: بليز
-ياسين: هو في كده يا ناس؟
-دينا: بعد اذنك ، سيبني أعدي
-ياسين: لأ مش هسيبك إلا لما أسمع ردك
-دينا: أنت مش قولت ان دادي خلاص رفضك ، خلاص يبقى الموضوع Finished
-ياسين: دي ساعة شيطان وهتروح لحالها ، وأنا هفضل لازق لأبوكي زي البق لحد ما يوافق تاني عليا وأخرته زر بطاطا سخن وهيكون ميت فل وعشرة ، بس المهم عندي انتي الوقتي !!
-دينا وحمرة الخجل اكتست وجهها: بليز ياسين
-ياسين: الله ! هو أنا اسمي حلو كده
-دينا: ......
-ياسين: ردي بقى عليا ، موافقة ولا لأ ؟
-دينا: ..........
-ياسين: يبقى السكوت علامة الرضا
-دينا مقاطعة: أو الرفض
-ياسين: ما أنا بقولك السكوت علامة الرضا
-دينا: أنا بقولك الرفض
-ياسين: لأ رضا
-دينا: رفض
-ياسين: رضا
-دينا: رفض
-ياسين بخبث : رفض
-دينا: رضا
-ياسين: أهوو شوفتي ، انتي قولتيها ..
-دينا: انت اللي لخبطتني
-ياسين بفرحة : أموت أنا في اللخبطة
-دينا: طب ابعد بقى
-ياسين: يبقى ان شاء الله متفقين ، وأوعدك هرجع المياه لمجاريها
وفجأة رن هاتف دينا ،،،
-دينا: اووه ، ده دادي بيتصل !!
-ياسين بخضة: ياساتر يااارب ، هادم اللذات ومفرق الجماعات مش مريح نفسه
-دينا: بتقول حاجة ؟
-ياسين: لأ بقولك ردي ع الحاج ، الله يسهله
-دينا وهي تبتعد: see you بعدين
-ياسين: see you ع طوووول يا دنيتي
............
-سهير: كل ده يا جانا بتجيبي حاجة ساقعة
-دينا: سوري مامي ، اتفضلي أنطي ديلة
-عايدة: ثانكس حبيبتي
-سهير: يالا يا جوجو ، كملي بقى بقية الشوربة
-جانا: مش قادرة ، شبعت
-سهير: يرضيكي يا عايدة هانم ، أهو كل يوم ع الحال ده ، مش راضية تاكل أو تشرب
-عايدة: كده مينفعش يا بنتي ، لازم تخلي بالك من صحتك ، محدش هينفعك
-جانا: معدتش تفرق
-عايدة: أنا... أنا عارفة ان عز ابني هو...
-سهير: مالوش لازمة الكلام عنه يا عايدة هانم
-عايدة: أنا بس عاوزة أقول ....
وفجأة دخل الغرفة شخصاً لم يتوقعه أحد كان بمثابة مفاجأة للجميع .......
