رواية قصة وجدان الفصل الثاني والستون 62 بقلم انين الليل

السلام عليكم 

طبعا ما قريت اي شي من تعليقاتكم لان كنت اكتب بالبارت 

بالبدايه كلت خلي اسوي بارتين للنهايه وبديت اكتب لكن البطله رادت ان اخلي النهايه مفتوحه 

يعني اخلي النهايه التصوراتكم لكن انا بصراحه ما قبلت وحتى قررت اعتذر وما اكتب البارت 

ومن سالتني البطله ليش انا سالتها 

القصه حقيقيه ليش اخلي النهايه مفتوحه حسب تصور القارى

لذلك هي بعد انتظار انطتني النهايه 

كتبتها وقررت مو بارتين لا بارت وطووويل كلش 11000 الف كلمه يعني هذا البارت عباره عن تلث بارتات 

صدكوني تعبت هوااي وهاي القصه بالذات اخذت من وقتي وتفكيري وهملت هواي اشياء مهمه 

اتمنى ان تكون راقت الكم وارجو المعذره لان اتاخرت عليكم 

واتمنالكم قراءه ممتعه 

# آنيين الليل # 

////////======/////////

1

وجدان 

صار لازم اخلي حل وانهي هاي المهزله لازم ادافع عن نفسي واوكف بوجه التيار حتى لو ادفع حياتي 

حياتي الي ما عرفت منها شي بس وجود عاصف بيها 

من كنت اشوفه عم الي وهو دووم ساكت لا يدافع ولا يحچي لكن بمجرد ما يتدخل كل شي ينتهي

عاصف الي كان وياي يراقبني من انا زغيره احس بحنيته على علي وشكد تعب ويا 

لو هشام الي داىما يزوره ويطمنه ويشد من ازره بكلامه

وحتى من صار الي صار من غزوان وبهاء هو وكف وياي وكفة رجال قله يسوونها ما تهمني ولا عاقبني بالعكس 

كتب عليه واتزوجني لكن بدون ما يمسني رغم اشوف الرغبه والتمني بعيونه 

الى ان سمعته يحجي ويه رقيه ويكللها مستحيل الي تطلبينه انا احبها واذا اعوفها يعني اموت

مرات افرح من كلامه من مراقبته الي عبالك طفله 

ما اكذب عليكم اني هم كنت انانيه ابد ما اهتمييت المشاعره ولا حاولت احسسه انو هو شي مهم بحياتي 

كان كل همي اعيش اني واخويه ويا يكون النه حامي وسند وحتى اتكفى شر بهاء ومهدي ونهاد ورجاء وفرح  

لان اعرف كلهم يكرهوني اني واخويه لكن بنفس الوقت يحسبوله الف حساب ويخافون منه

ما فكرت من اكبر شنو راح يصير او شراح يسوي اخذت كلامه راس مال وانو لا يمكن بيوم من الايام 

ان يتخلى عني او اياذيني 

سمعت كلامه وصرت ادرس وما همني شنو يصير بعدين

كرهتها الرقيه ما حبيتها وبنفس الوقت ما دام اشوفه موجود ويلبي كل طلباتي واصلا هو ما مطالبني بشي 

انا التهييت بنفسي وردت اكمل السادس بكل صوره 

بديت ادرس وهو بين بغداد والناصريه 

تحي ايام نطلع ونضحك وايام ادرس واعرف بي ضايج ويراقبني

ما فكرت من اكمل سادس شسوي شلون اتصرف ويا شنو الخطوه الي اخطيها يمكن لان اعرف بي يحبني 

لكن انا ما استغليت هذا الحب او استغليته النفسي وحتى بدون ما افكر اسويله شي او اخطي خطوه 

شكر اتجاهه 

واني اشوفه شكد ما بره رزن واله وزنه والكل يهابه يمي عبالك جهال حجالي كل اسراره وامني عليها 

وابد ما حسسني باان اني او اخوي حمل ثكيل على كاهله

تستمر القصة أدناه

الى ان انخطبت فرح وطلب مني اروح ويا وانطاني اهم التعليمات 

البسي هذا ولا تلبسين ذاك 

وحجابج لا تذبينه 

عباتج يمج من تدخل الزلم 

وكل شي كلي اني سويته بطيب خاطر لان بصراحه ما طلب مني الا ان اكون متميزه بحجابي واحتشامي

ورغم الكلام الي گالته الي رجاء حاولت اتماسك ويه نفسي وما اسوي مشكله وقررت من ارجع 

اكل العاصف واسمعه كلام رجاء الي سجلته الها 

رغم اني ما قصرت وياها ورديت عليها

لكن اتفاجآت بوجود رقيه جايه للخطبه هي وامها واختها ضجت حييل من شفتها وتلقاىيا صرت اراقبها 

وما اعرف ليش وبيني وبين نفسي گلت 

= عادي خلي تجي لان ام غياث عمتها واكيد بس يتعشون يرحون

لكن هي ظلت لازكه العاصف ما راحت بقت هي وامها وعمتها باتن رادن يبقن يتونسن بالبستان 

شفتها تحجي ويا وقبلها عرفت من سوالف رجاء ويه نهاد والي ادري متقصده اتسمعني انو عاصف ماخذها

للبيت الي جاي يبني بي والي اني اساسا ما شايفته وحاولت اكون طبيعيه لكن شي بداخلي خلاني اغلي واغار

بدون ما اسال نفسي ليش اني اغار وصار كلام بيني وبينها شد وجذب ومن دخلت للغرفه ويه عاصف كاي زوجين 

امام الناس صار بيني وبينه كلام وعتب وبلحظة غضب كتله كلمه لحد الان اني متندمه عليها لان لا من اخلاقي 

ولا من تربيتي الفظ هالشكل كلمه وعليمن ومنو اقصد بيها عاصف الي ادري بي من يغضب شكد يصير قاسي

وكلبه يموت

واتقبلت زعله رغم اعتذرت منه هوااي مرات لكن هو اذاني بسكوته الى ان عرفت بي متزوج وهنا اني فقدت 

عرفت باان اني احب عاصف واغار علي واريده بس الي لكن هو خذلني واذاني من اتزوج عليه 

اتهجمت وغلطت وحقدت وضربته وعضيته وكل شي سويت بي

بيومها هو اتمكن مني اخذ حقه كزوج لكن بعدها ابد ما اتقربلي 

ومن وقتها عرفت عاصف اني ما صرت اهمه بشي بس انو اني ام ابنه 

واتحفزت لدراستي بعد هوااي امور صارت ودخلت كليه هذا العالم والمجتمع الجديد الي دخلته 

وبوقت اني اكون انسانه ناضجه وشابه وحالي من حال البنات افرح واغير من نفسيتي من ناحية اللبس 

  والتعرف على طالبات وطلاب وتكوين صداقات لكن ارتايت ان اعيش 

الحقيقه وهي انو اني انسانه متزوجه وعندي ولد واهم شي بحياتي احافظ على بيتي وابني

وبكل هاي الاحداث واني اشوف عاصف مرات يحبني ويغار عليه ومرات هو معتبرني ام ابنه وبس 

ابنه الي صار بلحظة غضب منه ويمكن غلطه من عدنا احنه الاثنين

فيصل فرحتي الي اختفت من عالمي من وانا زغيره رغم بداية حملي فكرت اجهضه لكن القدر 

زرع حبه بكلبي وعقلي وروحي وكل شي ومن دخلت للكليه صار كل همي اخذ الشهاده واربي ابني وانتظر

اخويه هشام الي داىما يخابرني ويطمن عليه والفضل العاصف لذلك صرت اتعامل ويا بااحترام اكثر وحتى

ما صرت احجي او اطلب منه الطلاق مثل قبل اخذت بكلام عمتي الي گالت خلي هو ايمل ويطلكج 

بالمقابل هو احترم وجودي بالشقه وصار يجي يشوف ابنه كل اسبوع يجيبله حاجياته يبقى ساعه او اكثر ويروح 

وطبعا يجي بوجود اخويه علي ف اانا اخلي يدخل للغرفه ويبقى يم فيصل وبعدها يروح اني اكون كاعده بغرفة 

علي وقافلتها عليه الى ان هو يطلع من البيت

تستمر القصة أدناه

الى ان اعتدى عليه بالضرب واخذ ابني مني بذيج اللحظه حسيت الدنيا كلها صارت عباره عن داىره زغيرررره

كلش وضيقه بحيث خانكتني واني ما اعرف سبب للي سوا وياي 

حسيت بحبه الي واني بالانعاش وهو يحچي وياي واتاكدت اكثر من گالت ام كرار اربع تيام هو گاعد حتى 

ما اجه وغير ملابسه خاف يصير عندي مضاعفات

وبنفس الوقت كلام بيبي شجعني وقواني وكفتها هي وعماتي خلاني اتشجع اگوم على حيلي واخطط المستقبلي 

وبسبب الي سوا وياي بعد ما طلعت من المستشفى بحيث حرمني من ابني ان يبقى عندي اخذه 

البيت عمو كريم وخلى شرط ما اشوفه اله بوجوده ومن سالو لويش كان جوابه امه مريضه وهو يرادله رعايه

صار عندي فضول اعرف كل الغموض الي عيشني بي عاصف كل هذا الوقت من يوم زواجه الي اتفاجىت 

بي الهليوم واهم شي اعرف ليش راد يقتلني وليش اخذ ابني مني 

لذلك صرت افكر ايام واني افكر شلون اكدر اخطف ابني واخلي دايخ ويسال نفسه اني وين اخذت ابنه 

او وين ممكن اروح عد منو وليش سويت هالشكل

بالبدايه خططت الكل شي اشتريت جهاز نقال وخليت بي سيم كارت جديد وبعد ها صارحت ام كرار

وطلبت منها اتساعدني ان ارجع كرامتي الي سحكها عاصف بجبروته وبقوته 

وخابرت بيبي وشرحت الها كل شي

اثنينهن ما قبلن لكن اني بلغتهن بيهن وبلايهن راح اسوي هذا الشي ومو بس هيج هددتهن

اذا ما يساعدني اخذ ابني وبعد ما يلگوني وكل هذا الشي حتى اعرف ليش هو راد يقتلني وليش 

هالشكل بعد ابني عني اريد اعرف ليش بعد الحب الي كنت اشوفه بعيونه اتحول الى كره وما يباوع بوجهي 

  بيبي كالعاده ترد عليه //. عامياته بسحرهن

لكن اني ما اصدك وطلبت من بيبي كفرصه اخيره تحجي ويا وتساله لويش اعتدى عليه وشنو السبب

لكن هو ايرد عليها ويكللها :: كل شي بوكته حلو تجي اهنا ويصير خير 

  ومن خبرتني بيبي بكلامه عرفت هو يريد ينتقم مني بشي اني ما مسويته 

خطته ياخذ ابني 

ويحرمني اكمل دراستي اكيد بمساعدة مهدي

اتذكرت مهدي ورعانيته والي ما يحسب التصرفاته حساب وشتگله نهاد يسوي بدون تفكير 

حجييت ويه بيبي وذكرتها بسوالف نهاد ومهدي وانو اني ما اتحمل اي توتر وعصبيه بسبب حاالتي 

واخاف بلحظة عصبيه افقد حياتي ويروح ابني من بين اديه ويعيش يتيم مثل ابو بس ع الاقل ابو 

ربته خالته وعمه ابني منو تربي رقيه لو فرح لو رجاء

لذلك طلبت من بيبي تساعدني وهي قبلت بشرط ما اطول السالفه اكثر من اسبوع وهم طلبت مني 

تساعدني بمقابل ما اتطلك من عاصف 

حاجيتها = بيبي من تطلع براءتي ذاك الوكت نكعد ونسولف 

بيبي قبلت لان اعرف بيها شكد تحبني وتحب عاصف وتريدنه نبقى سوا

ام كرار رغم انها ما قابله بس وافقت على مضض وكانت مهمتها بس تنقلي اخبار وكلام عاصف الي تسمعه 

من عمو كريم 

بقى شي واحد اني من اخذ ابني وانهزم وين اروح ؟

تستمر القصة أدناه

فكرت بعمه امل وعمه انصاف لكن عرفت اول ناس يدور عليه عاصف هنه وهم ردتهن يساعدني بخطتي 

بيبي اقترحت عليه اروح البيت عمو جابر 

ومن سالتها = ليش جابر بالذات هو صديق عاصف واكيد راح ايگله 

بيبي ردت. //. لا جابر سبع واخو اخيته وانا اگلج يگدر يحميج وما يهتم الاكبر واحد وهو الوحيد رجلج 

يثق بي حتى اكثر من مهدي

طلبت من بيبي تحجي ويا وتفهمه وتاخذ منه وعد اذا يكدر يساعدني خير على خير ما يكدر لا يحجي 

العاصف اي شي واني اتصرف 

بيبي حاجت جابر وهو وافق بعد ما حلفته يوكف وياي وما يتركني

وكانت الخطه انو اتصل بعمو جابر يجي ياخذني عنده وينتظرني من الباب الثاني وفعلا من اجه

راحت ام كرار يمهم ورجعت بعد ان امنت انو اني صرت بعيده يعني لو شيصير ما راح يلحكني 

هي رجعت على عاصف وبلغته باان لا اني ولا فيصل موجودين

طبعا ابو كرار ما عنده علم باتفاقي اني وام كرار وبيبي وهي تجيبلي الاخبار والي تسمعه وعرفت منها 

انو هو متهمني ويه بهاء واهنا صرت اكثر تصميم حتى اعرف سبب تغير عاصف اتجاهي وليش من اجه 

من السفر راد يقتلني اذن اكيد صاير شي او احد ناقله شي مو صحيح بس توصل للقتل معناته اكو سر ولازم اعرفه 

عرفت انو عاصف متهمني ويه بهاء استغربت هذا الشي بس بنفس الوقت عرفت اكو لعبه خبيثه ملعوبه ضدي

ومبين منو لاعبها اكيد الي اله مصلحه انو يبعدني عن عاصف وماكو اله رجاء او رقيه 

لذلك طلبت من انصاف ان تخابر عاصف وتكله على الموقف الي سوته وياي فرح وهذا الشي بس حتى اتفهمه

انو اني طلبت منها اتگله على موضوع العركه ردت اخلي بدوامه من التفكير وانو اني موجوده وقريبه منه

بعدها كتبتله الي سويته لان اريد اعرف منه الحقيقه وليش راد يقتلني فهمته انو اني من كلت ذيج الكلمه 

كلتها بدافع الغيره ومن اتزوج عليه خذلني وطعني وخو هسه ما يهمني بشي كل الي يهمني هو ابني 

الي مسنعدهراتحمل الخاطره كل شي بس في سبيل ان ما يبعد عني

وبعدها اغلق التلفون فتره وارجع افتحه اتواصل ويه ام كرار واني اشوف رسايله توصلني تباعا 

  لكن شي خلاني اخاف وبنفس الوقت اخلي عاصف يعرف طريقي 

الي عرفته من ام كرار انو يريد يقتل بهاء ويجوز يقتلني 

وعاصف رغم كل ظلمه وجبروته لكن ما يستاهل ان يدخل السجن بشي ما صار لذلك قررت اخلي النقاط

ع الحروف واواجهه بعد تلث تيام من اختفاىي

////////////////////////

عاصف 

هاي تلث تيام مثل المخبل بالسياره ادور عليها كل همي اعثر عليها 

مرات احجي واكول :: معقوله اتخوني ويامن ويه بهاء الي حتى من جان يمر اسمه احس بيها تلعب نفسها 

ارجع واكول :: لا هي تحبه انا جنت اشوف الحب بعيونها كبل ما يتزوجون ولو ما عملة غزوان يمكن

كل هذا الشي ما صار 

 :: ياريت متزوجه بهاء ولا صاير كل هذا الشي

تستمر القصة أدناه

  صوت بداخلي يردد كلمة چذاب 

دكيت ع الاستيرن :: اي جذاب انت جنت متخبل من اخذها بهاء عبالك راحت من ايدك 

:: شللفايده مع الاسف ما صانتني

لكن من وصلتني رسالتها وقريتها فسرتها ودرتها براسي شفت هي موجوده وقريبه بس تريد تعاقبني 

لذلك سمعتني الصار بينها وبين رجاء وصور عرسي انا ورقيه والرقم المجهول الي اندز منه وشكوة 

انصاف من فرح والي سوته بيها 

صرت اسوق شويه واوكف السياره اقرا الي كتبته يمكن عدته عشر مرات او اكثر 

حسيت ابعض الراحه او صار عندي امل انها موجوده وما رايحه الاي مكان بس وين

وصلت للكاع لاكاني جابر رايح الاهله وگفتله حاجاني // الله يساعدك عاصف 

:: هلا بيك 

  - - سلامات شكو 

  :: ما بيه شي اركب خلي اوصلك

ركب وصار يسولفلي ع الكاع والبحيره وشغلات هواي وانا ولا يمه سالني 

- - عاصف شني شبيك ؟

ما رديت رد كال // عاصف عاصف انت وياي 

رديت بعصبيه :: ايي وياك 

   حرك ايده // لا ولا يمي جنت احجي ويه روحي 

حجييت بصوت ناصي :: اليدري يدري والما يدري ...

وصلت جابر الاهله وهو حلف عليه اله انزل ما قبلت جابر گلي 

- - انزل عاصف انت تعبان وضايج انزل ارتاح يمنه وتالي رووح 

     :: ما الي خلك 

- - واذا اكلك الخاطري اليوم مسوي ثواب الابوي بداعة فيصل انزل

اسم فيصل رجف كلبي واسال بروحي :: ياترى وين انت هسه 

نزلت غسلت واتوضييت وصلييت وجابو ولده السفره فرشوها وصارو ينكلون بالمواعين وجابر كلي 

- - هاي مركة باميه من اليحبها گلبك 

  :: من يشتهي 

- - انت عاصف تشتهي بس اتضوكها

طابخين دجاج وتمن وروبه وخضره ومرك باميه وخبز حار سميت واخذت خبزه غمستها بالمرگه صدك طيبه 

اكلت شويه لكن المصيبه رغم جوعان ما اكدر الوج اللكمه اغص بيها وانا ما ادري ابني وين وادري 

باامي تندل مكانها وما تگول كملت اكل وقريت الفاتحه وجابر ايگلي // ما اكلت صدك جذب 

:: الحمد لله

وكفت اريد اروح جابر حاجاني // شني اليوم شبيك يا ستار عاد اشربلك استكان چاي 

  :: ما اشتهي اريد اروح للبيت 

- - تلحك تروح للبيت هو استكان اشربه وروح 

هزيت راسي جابر گلي // امشينه للديوان نشرب جاي

    :: جيبلي ايا اهنا 

  - - لا امشي للديوان اريد اطيك شي الك مضموم عدي صارله فتره

:: شني 

- - هسه تمشي نشرب الجاي وانطيك ايا

دخلت للديوان وطلعت جكاره ومصطفى جابلي استكان جاي شربته وسالني جابر // اجيبلك بعد 

  :: لا كافي 

  - - شني ما عجبك 

  :: لا كلش طيب بس ما الي خلك 

- - شبيك عاصف ليش ما تگلي شبيك من يمته تضم عليه 

اتحسرت ونفخت :: تعبان كلش ومالي خلك 

- - مبين عليك 

  :: اكلك اروح لو تطيني الشي الضامه عدك الي 

- - هسه اجيبه دقيقه واجييك

راح جابر طلع وانا منتجي ع المخده لمن ما دخل وبيده فيصل ورا وجدان 

ما عرفت شسوي استعدلت بكعدتي وما اعرف شسوي جابر كلي 

- - عاصف انا اجيت واخذتها 

خزرته هو رد // لان استنجدت بيه انا عمها مثل ما انت رجلها 

رديت بعصبيه :: وانت ضام عليه وت...

تستمر القصة أدناه

قاطعني // لان انت ما سالتني وما ردت احد يعرف بت اخوي هاي تلث تيام عدي ومن شفتك اليوم جبتك

حتى تتفاهم انت وياها

رديت باستهزاء :: ليش هي من استنجدت بيك ما گالتلك السبب 

- - لا ما كالتلي لان هي ما تعرفه عاصف مرتك ما طلعت بره بيتك 

  :: شلون مو هاي هي اهنا شني ما طلعت بره بيتي 

  - - اي ما طلعت خابرتني واجيتها مو ابحدي لا انا وعمتي ودخلت بيت عمها هي وحبوبتها هذا البيت 

ال انت صرت بي وعشت وهاي هي شوفها كتلها خليج عدي لو مية سنه ما نملج لا انتي ولا ابنج بس هي 

ما قبلت گالت خلي انحلها ودي

اتنفست بعمق يمكن ارتاحييت :: تدري جابر انا هسه شكدر اسوي بيها 

  رد عليه بتحدي وهو يحرك اصابعه // شعره ما تمس منها اله انا جوه التراب 

  رفعت حواجبي :: ها الهدرجه 

- - واكثر عاصف البنيه تريد ابنها يبقى بحضنها اكعد واتفاهم انت وياها على كولتكم انتم المثقفين خلو

النقاط ع الحروف واتذكرو انتم اثنينكم وراكم عايز ومتشمت 

شال فيصل من يمي // اطوني فيصل ما اريد يصير طرف بالموضوع حلو مشاكلكم بهدوء

اخذ فيصل ودار يريد يطلع هي ردت بهدوء = اوكف عمو 

باوعلها جابر = قبل لا تطلع اريدك شاهد 

- - لا اثنينكم اكعد...

قاطعته = لا بهذا الشي اريدك شاهد 

طلعت مسدس واتقربت مني مدت ايدها وهي اتكلي

= هاك هذا المسدس اذا تشوف بقتلي ترتاح هسه اقتلني وعمو جابر شاهد اني الي جبرتك تقتلني 

جابر اتقرب واخذ منها المسدس بدون ما يحجي وطلع 

بقينه اثنينه ساكتين الى ان سالتها :: ليش شردتي 

= حتى اعرف لويش تريد تقتلني 

:: ما تدرين 

  = لا 

وصلت يمها فتحت نقالي :: شوفي

باوعت هي ردت بكل ثقه = بلي من اجيت من الكليه شفت بهاء جاي البيبي وسلم عليه بعدها دخلت وهو دخل وراي 

:: دخل وراج 

‎%بلي عمه امل هي دخلته شاف بيبي واعتذر عن تصرف فرح وراح تكدر تتاكد 

  :: اتاكدت وهذا شنو؟ 

    صارت تقرا لكن الشي الي شفته هي ما مهتمه او خلي نكول هذا الشي ما يعنيها سالتها :: قريتي 

= قريت كلام من جهازي البهاء انو احبه وبس اكمل كليه اطلك واتزوجه لان باقيه عندك بس حتى 

تصرف عليه

:: ها هذا كلامج لو غلطان 

=. اكيد غلطان اني باقيه بس حتى انت تصرف عليه ليش بهاء فقير لو ما عنده يصرف 

: : يعني شنو 

=. يعني هذا الشي اني ما ادري بي وشلون اجه ومنو خلا ما اعرف 

  :: وترديني اصدكج 

=. بكيفك تريد اتصدك او لا بس مو اني الي اكتب الواحد ما اشوفه ولا يعنيلي شي

:: زين هاي انتي الي تضحكيين وتسولفيين ويا لو انا متوهم ؟ 

= ما ضحكت الولد اجه وره ما عمه انصاف اتصلت بي بالسوته اخته وقبلها اجه هو ومرته اكيد

من شفت هذا التسجيل هماتين شفته من اجه هو وساره وبعدين راح ويه عمو كريم 

ولعلمك من اجه هو ومرته اني ما قبلت استقبله لو ما كان ساحك ابساطك وامك واخواتك موجودات 

اما اهنا فشفته من رجعت من الكليه وكان جاي يعتذر مني ع السوته اخته واني ما گتله اتفضل وهاي

الي دخلته عمه امل راجع الكامرات وشوف بذاك اليوم وقبلها عمه هم طالعه المكان

تستمر القصة أدناه

:: امنت باالله وهذا الكلام 

= هذا اني ما اعرف شلون وليش ومنو كتبه ما اعرف بس اكيد الي دزالك صورة المحادثه يعرف 

  :: يعني مو انتي ؟

  = لا مو اني لان بهاء لو يبقى اخر شخص بالعالم ما افكر ارجعله سواء كنت مطلقه منك 

او حتى من تموت تدري ليش ؟

= مو لان مثل ما كلت الساره من اجتنه هو متزوج اختي او هو مثل اخويه او هو ابن عمي وما صارت القسمه 

= لا اني اكرهه احتقره حاقده علي لان هو مو رجال بنظري اني. هاي الكدامك (اتاشر على نفسها ) ارجل منه 

:: هاا وترديني اصدكج ؟ 

=. اي ( اتقربت عليه وباصابعها تضرب على صدري ) وهسه اكلك انت غصبا ما عليك تطلع براءتي

لان الي سوا هالشكل كل همه انو يخليك تنتقم مني تقتلني وياخذ فيصل وبالمقابل راح كل شي تملكه يصير اله

= هسه انت بينك وبين نفسك راح تكول هاي كلش متاثره بالمسلسلات بس صدك الي دا يصير ويانه اكثر 

من المسلسلات 

:: تدرين انا اگدر اثبت عليج بالمحكمه واقعة الزنا 

هزت راسها وتبتسم = لا غلطان بالعكس اني اكدر اثبت عليك انو انت جاي تتهمني بالزنا لان القاضي

ما ياخذ اله بالجرم المشهود 

:: والكلام الي بينج وبين بهاء ؟

= ممكن اذا محامي شاطر راح يثبت انو انت او اي احد يكرهني ممكن بخطه مدروسه باك نقالي وصار يراسل

بهاء ولو اني ما اتصور الي رد بهاء 

:: ها وليش هلكد مستميته اتدافعيله 

= لان بهاء من اجه واعتذر كانت بيبي وعماتي موجودات وهو كلي سامحيني اني ظلمتج 

لكن اني اساسا ما رديت لان بالحقيقه ما اسامحه

:: لا تخبليني 

= شنو اخبلك شوف اني لو ما بعصمتك ويجيني مهدي يجبرني ارجع البهاء او حتى هو تدري شسوي 

:: شتسوين ؟

= اروح السعاد عمتي الي باكت فلوس ابويه ومسدسه وسوار امي عمتي الي تكرهنب لان اني بت سعدي 

  اروح واخليها تعقدلي على ابنها على غزوان النذل وهو بحالته الي شفتها استغفر الله 

وابقى اخدمه ولا ارجع البهاء شبيك انت مخبل 

  = اصلا اني من اشوفه ابدي اقتله بايدي

:: ليش هلكد ما مهتمه وما خايفه مني 

= لان اعرف نفسي كلش زين اني بريئه واني صاحبة حق وصاحب الحق سلطان 

  :: لوتعرفيني يجوز ما اسويلج شي 

  = ليش انت بعد اكو شي ما سويته 

  :: شقصدج ؟

=. قصدي واضح انت تعرفني كلش زين لان مربيني على ايدك وحتى تعرفه البهاء 

  :: شعرف منه 

=. شوف انت حتى الكلام الي قريته رغم انو ما بي ادنى شك يكون حقيقي بس انت ما مصدكه

:: منو يكول 

=. اني الي اعرفك انت لو عندك شك واحد بالميه كان انت قتلت بهاء وما انتظرت الهسه انت متاكد هذا الكلام ما صار 

:: بس هو صار بينج وبين بهاء 

=. لا قصدك بين نقالي ونقال بهاء

بقيت احجي وياها وانا اشوف شلون بكلمه وحده تردها وهي متفاجىه 

= كذب 

= ما صار 

  = لا يمكن 

بعدها كالت = اني مستعده اتواجه ويه كل واحد وصلك كلمه اني گايلتها 

...... .......... ......

تستمر القصة أدناه

باوعتلي وخاله عينها بعيني = وهسه اجه الوقت الي انت لازم اتطلع براءتي 

حضنتها حيييل وهي ساكته ونفس رجفة گلبي حاجيتها بتعب 

راح اروح واعرف الحقيقه ياويل الي يطلع مسوي هذا الشي واذا ثبتلي انتي الخنتيني اكتلج بايدي

عفتها وركبت سيارتي وصلت للبيت اجتني رقيه وهي تبچي وتكلي بعد ان حضنتني 

- - خوفتني عليك 

اتنفست بعمق :: حضريلي الحمام 

صعدت تركض دخلت الغرفة امي باوعتلي وحاجتني بزعل // الله يساعدك 

بيني وبين نفسي :: احلف تعرفيين مكانها 

جاوبتها :: هله يمه 

اجت رقيه وهي اتكلي //. حبيبي الحمام جاهز 

  :: جاي

صعدت من رادت تصعد وياي درت عليها :: صبيلي اكل انا وامي 

- - تمام هسه 

صعدت للغرفه سبحت ونزلت هي جابت الاكل وتبين زعلها مني خلت الصينيه ودارت وجهها حاجيتها 

: : تعاي اكلي 

- - ما اشتهي 

امي ردت //. كعدت بثنعش اتريكت 

رفعت راسي :: وانتي يمه ؟

- - انا شني 

:: اذا هي گاعده بثنعش انتي منو سوالج ريوك 

- - بعدني اگدر اسويلي ريوك اتدربه هسه قابل ريوكي على اجمال 

خزرت رقيه الي دنكت حاجيتها :: فوتي سويلي جاي 

اكلت شويه وبعدها فتت غسلت وهي جابتلي كوب چاي 

  اخذته منها وحاجيتها :: من تشيلين الصينيه تعاي رايدج

دخلت الغرفتي البصف غرفة امي شربت الچاي وانا اباوع الرسالة وجدان اجتني رقيه 

- - ليش اهنا گاعد ليش ما تصعد فووك 

  :: هاي غرفتي 

  - - اي ادري بس انا غرفتي فووك لو نسيت 

:: لا ما نسيت انتي الي نسيتي 

  — انا ؟

:: اي انتي من تكعدين بثنعش وامي مره جبيره ومريضه وعدها علاج لازم تاخذه وهي تسويلها اكل 

حتى تاخذ دواها هاي انتي نسيتي من كتلج تبقيين اهنا الخدمة امي 

  ردت بعصبيه // وانا مرتك من تگوم بواجبي ذاك الوكت اخدم امك 

  :: ما جان هذا اتفاقنه 

    لمت اديها // وانا هذا العندي 

    نفخت وانا ابتسم :: تمام حبيبني اصعدي فووك ولا تنزلين الى ان اجي

   • —. ليش شعندك ؟

   :: شغل كلش ضروري انتي اصعدي وارتاحي وانا اكمل شغلي واجيج مثل ما انتي مشتاقتلي انا اكثر 

  ابتسمت وصعدت الغرفتها وعلامات الانتصار على وجهها

رحت للمطبخ وصبيت الامي استكان جاي وجبته الها اخذت الاستكان وهي تكلي

• جان ما جبتلي انا اكوم واصبلي 

   باوعت الها :: انتي ضامه عليه 

  حركت ايدها // شني ؟

   :: رقيه ما كايمه بواجبج 

   امي اتحسرت // هي ما ملزوم عليها 

  :: بت الكلب انا اعلمها 

  - - لا عليمن يمه لانضوج روحك مره غريبه حي الله مرت ابن اختي لا هي بت بتي ولا بت ابني حتى امون 

عليها وئامرها 

:: يصير خير اشربي جايج وارتاحي

رحت للغرفه الجوه خابرت ساره 

:: الو ساره 

- - هلا عمي اشلونك 

:: الحمد لله بساع خلي خالتج تجي رايدها 

- - خير عمي 

:: كل الخير بس بوكت انا ما موجود المفروض تجي وتطل على امي ريوكها غداها دواها واذا مو هي 

انتي تجين هاي حبوبتج ام ابوج وحبوبة رجلج

  - - عمي انا ملتهيه بالزغير وهم حامل بس عمتي دووم تجي الحبوبتي 

  :: خوش خلي تجي هسه رايدها انا يم امي

تستمر القصة أدناه

طلعت من الغرفه وصلت يم امي كعدت هي حاجتني // ما تروح تنام وترتاح 

:: شو ما نشدتيني على بت ابنج 

- - ياهي ؟ 

   :: يا هي بعد وجدان لو تدرين بيها وين 

    ردت بنتر // ما الك يمها كل شي اتطلكها وتاخذ ابنك 

   :: وهي 

  - - هي تجي اهنا ابيت جدها تدرس وتكمل وتاخذلها رجل 

   :: ها شو اتبدل حجيج مو على اتفاقنا 

   هزت راسها // اي اتبدل انت تاهمها وان شاالله يطلع الحك وتالي نتصافى احنه وياك وال اله شي ياخذه 

  :: حگج حجيه

صرت ادخن لمن ما سمعت صوت رجاء //. وينج عمه 

باوعت الامي وكفت :: تظلين اهنا وما تطلعيين لو شما تسمعيين 

- - غير اتفهمني 

  :: تالي كل شي تعرفيين 

طلعت شافتني // ها مسا الخير 

:: هلا بيج 

     - - جا وين عمتي  

اشرت على غرفة امي :: هاي اهنا 

دخلت رجاء // خير عمه خو ما بيج شي 

- - ما بيه ما تعرفين عاصف چيفن لكاني بلا عشا صار يحجي على مرته وانا اكله هي ما ملزومه بيه 

رجاء// بعد هي صدك ما ملزومه هم بنيه وزغيره وتريد تتونس 

- - اي حكها وانتي ما مقصره بشي دووم تجين وتنشدين وتسويلي مرات ريوك مرات عشا وتطيني دواي 

    ابتسمت // يا عمه شني انا غريبه انتي اكثر من امي الله يرحمها ربيتيني من انا هاكدني 

   رفعت اديها بالدعاء// الله يرضى عليج ويخلي اوليدج

وكفت :: تعاي ام بهاء رايدج 

طلعت وهي وراي سديت باب غرفة امي ودخلت الغرفتي كعدت ع القنفه جاي ادخن وهي اجت وراي 

  - - ها عاصف 

  :: اكعدي اريد احجي وياج بشغله 

كعدت وهي تكول // خير ان شاالله 

:: كل الخير

درت وراها طلعت المسدس وخليته براسها بايدي الثانيه صميت حلگها صارت ترجف مثل السعفه 

حاجيتها. :: رايد اسولف انا وياج انا هسه بايع ومخلص واذا ما تحجيين الصدك ابنج بهاء اليوم تزتينه للنجف 

لو انتي تصيرين بمكانه بس من تموتين ما راح يجي الكبرج يزورج لا راح يجي هو وبتج يتفلون عليج

وخرت ايدي وهي تباوع لي حاجيتها 

   :: انا عرفت كل شي رقيه سولفتلي بس شي واحد اريد اعرفه منج 

باوعت الها وجهها اخضر وشفايفها بيض 

رفعت النقال وطلعت الصوره الي بي محادثة بهاء ويه وجدان :: هذا شنيه ؟

  رفعت اجتافها // ما ادري انا شفته ونقلته وراويتك ايا بعد ماعليه بشي ذيج مرتك وحاچيها 

  هزيت راسي :: لا راح اجيب بهاء واسمعه هذا وعلى گولة المصري عليه وعلى اعدائي

فتحت التسجيل الي بينها وبين وجدان بيوم خطبة فرح 

من كمل حاجيتها. :: ترديني اخابر ابنج لو ادزله التسجيل يسمعه ويجي 

   هي ردت بخوف // عاصف انا ما عليه انت تعرفني انا بيوم ال... 

     سكتت ابتسمت :: ال شنو رجاء 

- - بيوم الطلكتني انا ما عليه بكل شي عشت بس حتى اربي ابني وحتى احفظ ماي وجه بيت غازي

  ::: ههههههه ضحكتيني ( ااشر عليها واحجي باستهزاء ) 

:: انتي تحفظيين ماي وجه بيت غازي ولج لو ما بيت غازي خافو على سمعة ابنهم المعدوم چان غازي

بيده گتلج وهذا الحجي كله ما يفيدج گتلج رقيه حجتلي وانا يجوز اسامحها لان حبيتها بس انتي 

اذا ما تحجيلي الصدك او اواجهج ويه رقيه صدگي افضحج يم ابنج ويم نسيبج واخوانج وتنجازين

منج الهم

تستمر القصة أدناه

سحبت خشمها وهي مدنكه // انا سويت هاي 

رديت بهدوء :: لا لا ابديلي من اول من وره شهر من خطبة بتج تتذكرين مو 

    :: هو رقيه جانت ماره بيوم الخطبه بالليل من راحت تنام يم فرح ابيتك وسامعه وجدان من كلتلك دجاجه

وهي اجت وحجتها يمي وكالت ساعديني اخذه انا احبه وحتى يعوف وجدان والخير يصير البتج والي 

انا اول مره ما رضيت 

:: تو تؤ هاي مال ما رضيت جذبه كملي واحجي الصدك

- - كتلها وجدان خطيه محد الهم هي واخوها وين تروح گالت تبقى هي واخوها يم حبوبتها والبيت الها 

:: ها قسمتن الورث وانا عدل 

- - انا مالي غرض خفت من وجدان تتهور وتفضحني وهم حقدت عليك 

:: ليش ؟

- - لان انت كلت العمي وعمتي هذا الصار محد يدري بي للموت 

  :: وهو هذا الصدك

  هزت راسها // لا مو هذا الصدك منين درت مرتك 

   نفخت دخان الجكاره. :: لان ابنج صار يجيب ويحط عليها 

  - - يعني هي جذب مو غزوان ...

درت علبها وضربتها راشدي :: انجبي هاي انتي وابنج سويتوها واذا غزوان معتدي على مرتي فتدبيرج 

هزت راسها بخوف // لا لا هو بهاء جان عصبي وكلي بس حذرني ما اجيب طاري لان انت راح تكتله 

  :: وهو هذا الراح يصير اكتله وره ما اكتلج 

  - - لا الله يخليك شتريد احجي واگول بس ابني لا 

  :: تحجيلي الصدك السمعته من رقيه

ردت بخوف // رقيه فهمتني انو انا اگلك وجدان اجت يمي ومن حاجيتها ليش عصبيه وعاصف اذا يدري بيج 

هالشكل ما يقبل ويجوز يصير عصبي ويضربج هي راده شنو هالدجاجه 

وانا من ما قبلت هالشكل تحجي كالت 

اي هو دجاجه ومسولفلي كل شي حتى شلون اتزوجج وستر عليج لمن ما ابوي سوا سوايته

هزيت راسي :: شنو رقيه تدري بمصيبتج 

  - - لا محد يدري انا حجييت من يمي حتى تصدك لان هذا السر محد يدري بي بس انت مسولفه الوجدان 

:: ها يعني حتى تحميين نفسج اتبليتي على وجدان ليش 

- - من اجت فرح وهي وياها متعاركات 

  : لا بتج متعاركه وياها طبعا الفضل الج 

  - - لا وروح ابوي بيش تريدني احلفلك انا ما گلت البتي تتعارك وياها

:: ما علينه هذا الوديتي الي شلون ولا تكليلي صدك اذا هيج تحجيين ما اكتل وجدان اكتل ابنج لان

اعتدى على عرضي وهسه احچي 

- - اجيت اشوف عمتي وانا ونهاد كبلها اتفقنا لان عرفنه مستحيل اتطلكها ف اتفقنا هي تاخذ نقال بهاء

وتتصل بيه وانا اخذ نقال وجدان 

:: اف اف اف ولج خطه ابليس ما يسويها بس شلون اخذتي نقالها 

- - من اجيتاشوف عمتي انا كلت الوجدان اطيني نقالج شو نقالي ما بي شحن اريد اتصل على ساره

  خليت بدر تعبان مصخن

  :: وساره اخذت نقال بهاء 

    - - لا لا ساره ما عدها علم انا ونهاد 

    :: وصرتن وحده بهاء والثانيه وجدان ومراسلات عشك وحب الله لا يوفقج جان كتلت ابنج وكتلت مرتي 

       ليش على مود فلوسي هاي صار سنين عايشه بخيري انتي واختج وبتج ما اذكر لا سمعتج حجايه 

ولا عيرتج بشي ولا قصرت منج لو من بتج رغم اكرهجن وما اواطنجن بعيشة الله 

لكن احتراما الابوي والبدر الي وصاني على ابنه هالشكل سويت تالي تجازيني باان اتطعنين بعرضي 

انتي فد وحده حتى كلمة ساقطه قليله بحقج

تستمر القصة أدناه

  رجاء بلعت ريكها وصارت تبجي. // انا هذا السويته كله حتى لا وجدان تفضحني وحتى فرح 

   :: شبيها فرح تردينها تورثني مو 

   - - هي بتك ان انت 

  خليت اصبعي على حلكي :: اششش سجلتها الخاطر بدر بگبره والخاطر شيبة ابوي غازي تذكرين من 

صارت واخذها منج غازي وراد يكتلها لو نسيتي 

ولو ما انا وكفت بوجهه بس صوجي لو مخلي كاتلها صوجي 

هسه انتي ردتي تتخلصين من وجدان ما خفتي على ابنج اكتله

ابني ما اله علم گلت تنحل من شفتك شلون سكتت وما حجييت ويه وجدان جيفن اتمرضت بس عرفتك اتطلكها 

وتاخذ ابنك وانا اقنع بهاء نشيل وبعد ما يراويك وجهه 

:: تدرين ليش سكتت ما كتلت ابنج لان انا مربي ويوميه اتعوذ من الشيطان اكول ما يسويها لو شما هو نذل 

مستحييل ايسويها ابنج وين هسه ؟

   - - وديته البيت خاله 

   :: ليش ؟

- - عمتي كالتلي انت تاهمه ويه مرتك كتله انت زعلان منه لان رحت للبيت روح وجيب خالك وتعال طيح علي

وانه فهمت خاله انو انت متهمه ويه مرتك وتريد اتكتله 

   :: كل هذا يطلع منج ليش ؟

    عضت شفتها عضات متسارعه // لان. انا اكره وجدان ومن اشوفهااتذكر ابوها شسوى بيه وشلون خلاني

كل هذا العمر ذليله وخايفه وتالي انت شسويت 

اخذتها اخذتها وكسرت عيني وهي اخت بتي الي انت مسجلها باسمك بتي الي ما الها ذنب بس لان انا 

امها غلطت ويه سعدي ابو وجدان انت نجلتني عفت كل النسوان واخذت بت سعدي زعطوطه 

وتالي شني بتي تطلع كل شي ما الها

   :: ولج صلافيتج الوين توصلج كل السويتي وما مكسوره عينج 

هزت راسها وباوعتلي بتحدي // لا ما مكسوره انا عشت كل عمري عيني مكسوره وذليله ومقهوره  

بدر انعدم وانا شابه ما شفت منه شي تالي ضحك عليه سعدي وغدر بيه وراح وانت ما قصرت سترت 

عليه واتزوجتني كدام الناس وتالي تالي ما فكرت بهاي المره الي كسرت ظهرها وظلت بس حتى تخدم 

امك وتخدمك ليش هيج سوت ليش ما عافت كل شي وراحت الاهلها شني خاف ابني عدك يجوع لو تخلي

احد يحجي ويا وحتى بتي سجلتها بااسمك وما يهون عليك تفضح غازي وتقهره 

چنت اكدر اروح الاهلي واتزوج واعيش حياتي بس انا ما سويتها تدري ليش لان حبيتك وقبلتها على نفسي 

تشوفني وحده خاينه ورخيصه وانا صدك خاينه رضيت بعيشتي كافي عليه اشوفك كبال عيني اشوف طولك 

واسمع صوتك واشوف ضحكتك تالي شسويت انتقمت مني اخذت بت عدوي وخليتها تركب فوك راسي 

وراس بتي انت ما حاس بل انا حاسه بي

:: محد لزمج جان رحتي الاهلج واتزوجتي 

- - هاي غلطت عمري عبالي ما دامني كبالك راح تسامحني بس انت 

  :: شنو انا انا ما بيوم لو لحظه فكرت بيج وكل السويته الخاطر بدر وابوي 

   هزت راسها // اي ورحت حجيته الوحده زعطوطه 

  :: الزعطوطه ما ردت عليج اله لمن انتي حجيتي وعيرتيها شوفي كل شي اتوقع من نهاد من بهاء حتى من رقيه

بس منج انتي لا

اخذت نقالها :: شوفي تبقيين اهنا اواجهج برقيه ونهاد اذا تردين بتج تتزوج وما افضحج وافضحها

وصدكيني الي ايكتلج مو اخوج لا ابنج بعد ما يدري امه شني چانت وشسوت وعود بوكتها خلي فرح تفيدج

تستمر القصة أدناه

اتقربت مني وهي تبجي واخذت ايدي وهاي اول مره هالشكل تسوي وهي اتكول 

- - - مثل ما سترت عليه وانا مذنبه وخاينه استر على بتي وهي ما الها ذنب 

  :: جان ربيتيها زين اخذتج وانتي اكبر مني بعشر سنين ما ادري اكثر بس حتى احفظ شيبة ابوج وعمج وتالي

استخسرتي عليه اعيش ويه مره اختارها گلبي 

- - انا غلطت بس فرح وبهاء ما الهم شغله بكل هذا الصار

طلعت وسديت باب الغرفه عليهاوصعدت الرقيه لكيتها مبدله لابسه بدله حمره قصيره صلوخ ومطفيه الضوه

وبس الشموع 

كعدت وانا ادخن اتقربت مني وكعدت بالكاع وهي خاله اديها على رجليه 

  - - تدري شگد مشتاقتلك 

  :: شكد ؟

وكفت ولزمتني من ايدي // تعال وانت تعرف 

  :: لا اهنا اريد اعرف

- - شبيك عاصف زعلت على مود خالتك 

  :: خالتي ؟

  هزت راسها // اي مو هذا الصدك خالتك وربتك فما كو داعي للزعل 

  :: ها انتي شايفه هيج ما كو داعي للزعل 

- - اي انا بنيه زغيره ومن حقي اعيش ويه زوجي اتشاقى والبس واركصله وكل شي اسويله 

  لزمت وجهها واعدل بشعرها :: تدرين حبيبتي انا من وعيت ع الدنيا الهسه ما سميتها اله يمه وانتي 

صارلج شكم شهر تسمينها خالتك

خلت اديها بركبتي // انت ما فاهمني حبيبي انا اريدك الي اريد اعيش وياك ما اغيب عن عينك ولا تغيب 

عن عيني يعني انت ما ملزم بيها عدها ابنها واولاد ابنها انت حي الله ابن اختها 

  حكيت خدي والم بحلكي :: تدرين كلامج صحيح ويمكن راح اخذ بي 

  ابتسمت // اي حبيبي انا وياك نريد نعيش ونتونس ونسافر كافي تعبت وكبرت ويرادلك راحه ونسه ،

وخرت اديها :: البسي دشداشتج وخلي ننزل

- - ليش 

  :: وديت على رجاء وراح اخابر مهدي يجيب مرته ويجي حتى افضها وياهم صدك كلامج لازم نرتاح 

لزمت ايدي // خلي اناجلها شنو انت ما مشتاقلي 

ابتسمت :: شلون ما مشتاقلج بس على كلامج احل سالفة خالتي ويجوز اخذج ونروح البغداد

على ما يكمل البيت تدرين بيه ساعاتي مو سوا 

   - - وليش خو نبقى ابغداد وانت باشر شغلك مناك 

ابتسمت وعدلت شعرها :: ياالله البسي وعدلي حجابج

نزلت گبلها وصلت يم غرفتي نزلت وهي مبتسمه اشرت الها براسي هي دخلت واتفاجات برجاء هي راسا سالتها 

  - - ها انتي اهنا 

كعدت ادخن وابتسم :: اي اهنا وحجتلي على كل شي 

بلعت ريكها // على شنو

:: على اتفاقج وياها حتى اطلك وجدان 

اتبدل كل تعابير وجهه وراسا ردت // چذابه 

  :: ليش انتي شفتهمتي ؟

وكفت لزمتها من شعرها بكل قوتي :: شوفي تحچيلي كل شي بدون ما اسالج 

  - - عاصف انا ما سويت شي 

  :: انتي سويتي كل شي 

  - - انا كتلك الي هي كالته 

    :: كالته الج ؟

  - - ايي كالته حتى اسال رجاء 

   :: ها رجاء شتكولين 

  رجاء بحوف وسرعه // لا هي هاي جانت تتصنت عليكم واجت وكالت انتي بس ساعديني ونتخلص منها يطلكها

والولد انتي تربينه والحلال الج والي والبتج 

   :: وييي شكد عدجن امل بالحياة 

رجاء // صدكني صدكني عاصف انا ساعدتها لان گالت احبه وهي كلتلي سمعت وجدان باذنها وهي اتكلك

دجاجه عاد هي اجت وكلتلك وانا هم

تستمر القصة أدناه

:: انتي هم جذبتي يعني وجدان لا جايه ولا كايلتلج ابعدي عن رجلي تره هو يمي دجاجه و محبس 

البسه يمته ما اريد وانزعه يمته ما اريد ( باوعت الرجاء ) وانتي واختج حلفتن سمعتنها من حجت 

:: جا انا طلعت حاوي اك...ب ابيتي ولجن انتن اتضحكن عليه 

   رقيه بخوف // كل هذا سويته لان حبيتك اي حبيتك وانت تدري بيه 

  :: انتي التدرين بيه انا احب وجدان

- - اي ادري وردتك جنت اشوف الحزن بوجهك ردت اخليك اسعد انسان وانت ما جنت تتقبلني لان 

حسب كلامك ما تريد تكسر كلبها 

:: ها عاد انتي كلتي شلون اخذه اتصنتي عليه وسمعتي الحجي الي بيني وبين مرتي وصارت عدج

وجبه دسمه لازم تتقاسمينها انتي وحبايبج 

رقيه تبچي // صدكني عاصف انا ما حبيت بحياتي بس انت والي يحب كل شي يسوي وهم المقابل يغفر له

مديت الساني ابلل شفايفي :: ما اجذب انتي احتويتيني نسيتيني وجدان لان ذيج بصراحه چانت خامه 

فقيره ما تعرف حتى تتصرف بهيج امور كل همها اخوانها ما فكرت بنفسها ويوم ما فكرت انا خذلتها 

تدرين ليش لان انتي اخذتيني بتصرفاتج بسحر كلامج باافلامج بس طلعتي انتي الخاينه 

رقيه // لا انا مو خاينه بيش تريد احلفلك

:: بدون ما تحلفين المره الي تتصنت على رجال غريب وتسويلها فلم على مرته وتتفق ويه ناس وحلف

وتلفيق وصور هاي اكبر خاينه تره الخاينه مو بس التصاحب زلم والي تزني لا هذني دنيات نفس 

وما مليانه عيونهن الخاينه هي الي تعيش ويه رجلها الي اطاها اسمه وطلع ظهره وراها وهي يوميه

اتطعنه بظهره 

  سالتهن :: صدك اريد اعرف ياهو وده التصوير مال العرس الوجدان 

رجاء اشرت على رقيه سالتها :: من يا رقم ؟

   - - من رقم بت عمتي 

  :: مو اكلج انتي خاينه

طلعت النقال. وانا اباوع الها بااحتقار :: الو مهدي تعال رايدك 

  :: جاي اكلك بسرعه وجيب نهاد وياك 

  :: عازمك على عشا مو تمر باامي نايمه تعال الغرفتي الجوه

سديته من مهدي وجهت كلامي الرقيه :: شوفي انا راح اعاملج بمثل ما عاملتيني واستغفلتيني لكن 

ما راح استغفلج لا كل شي ع المكشوف وديت على مهدي هسه ترحين ويا الاهلج والصبح خط طلاكج 

يوصلج اي حجايه اخلي هاي تشوفينها وياها اختهانهوده يذبن عليج تهيمه ما تتوقعينها واخليهن يحلفن 

شافنج ومو اول مره لان انا ما جنت موجود رجال اشتغل واكد حتى اترس بطنج وعينج 

ترحين ولا تفكرين بلحظه لا انتي ولا اهلج ولا عمتج الساقطه تحاولن تسوون شي

- - حرام عليك عاصف انا حبيتك 

:: تو لا انتي استغفلتيني ضحكتي عليه خليتيني اهجم بيتي وانا بكل شي. ممكن اسامح بس بالجذب 

والخيانه لا بسرعه ما اشوفج بطرك هاي اللابستها وهاج 

اخذت عباية رجاء:: هاج هاي العبايه ومن ترحيين الاهلج بعد انتي شوفي شتطلعيلج من جذبه ما شاء الله 

انتي استاده بهيج افلام

اتقربت مني نزلت جوه رجليه وهي تترجاني 

- - عاصف الله يخليك انا سويت كل هذا الشي لان احبك سامحني وانا اعيش خدامه الك والوجدان 

:: لا تجيبين اسمها انتي ترحين هسه الاهلج وراج راح ادزلج كل شي يخصج وما اريد لا اعرفج ولا اشوف وجهج 

وصدكي لو عندي منج عشر اولاد واعرف هذا السويتي اطلكج وما يرفلي جفن وياريت تقنعين عمتج 

ابنها يفصخ الخطبه من فرح لان كل شي ما راح اكتب الها من املاكي

تستمر القصة أدناه

اجه مهدي // وينك عاصف 

:: تعال اهنا 

دخل وهو مبتسم لكن اتلاشت ضحكته من شافني دفعتها :: فوتي اطلعي 

مديت ايدي على جيبي:: هاك

- - شني 

:: ما شني فلوس اخذ وحده من بناتك وروح وديها الاهلها 

- - هسه 

   :: مهدي شسمعت (خزرتها ) ياالله ولج فوتي اطلعي من هذا البيت ،

  مهدي // اي غير تفهمني شصاير 

:: انت شفتهمت تفوت توديها الاهلها ولا تسال لان انت اخذت عمرك كله وانت ساكت 

  - - بس ابوها اخوانها من يسالوني شكللهم 

   باوعت الها وابتسم بخبث :: انت ما تگول شي هي راح اتفهمهم انت توصلها وترجع لا تشرب ماي ولا جاي 

  مهدي // يمعود خاف ايهدون ايصيحون ايلحگوني 

:: لا نا عليك هي بيدها نقالها وكبل ما توصل راح اتفهمهم 

اشرت الها طلعت بدون حتى ما تباوع بوجهي.

حاجييت رجاء. :: خابري نهوده بساع خلي تجي گليلها عاصف عرف كل شي واذ ما اجت انا اروح واكللها

مو سعدي العافج بس رجاء عشكته وذبت روحه حتى يعوفج ويتزوجها بس 

هو طلع ابن امه قشمرها وحبلها وجابت فرح

رجاء اتصلت وهي تباوعلي بعيونها وتستعطفني // الو ها نهاد تعاي 

- - ماكو شي تعاي افهمج 

- - يم عمتي 

بمجرد ما سدت النقال نهاد اجت طلعت رجاء اتاشر على غرفتي // اهنا فوتي 

  - - اگلج شصاير شبيها رقيه ؟

اتفاجات من شافتني رديت :: ما صاير بس هذا الز ووج عرف كل شي كل تدبيرج 

نهاد بابتسامه // يا تدبير هذا خويه انا ما عليه هي البت عاشكتك واتفقت هي ورجاء 

:: بس انتي ويه رجاء گلتي سمعتها هيج حجت 

  هزت راسها // اي ليش اجذب كلتها الخاطر اختي 

:: هههههههه الخاطر اختج يابت الكلب انعل ابوج لا ابو اختج بهاء 

  - - شبي بهاء ؟

   :: لا انتي بهاء ورجاء وجدان وانتن تتراسلن بس سوال ما تخافن من الله

  هزت ايدها وتحجي باستهزاء// شني بهاء شني وجدان انت شتحجي 

استفزتني بكلامها خليت اصابعي برگبتها وحصرتها ع الحايط وهي صارت اتفرفح جوه ايدي رديت وانا صاك اسناني 

  :: هسه من ينگطع النفس تعرفين منو بهاء 

رجاء تبجي وتكللها // عاصف عرف كل شي عوفها عاصف عوفها وهي هسه تحچي

وخرت ايدي منها وهي رغم مختنكه بس غمت رجاء // امدااج دومج تظليين مصكعه 

اشوف نهاد ولا مهتمه ولا حتى خايفه حاجيتها 

:: جنتي دووم اتكولين على وجدان صلفه بس الصدك انتي ماكو بصلافيتج

جرت نفس وردت // شوف عاصف هذني رجاء ورقيه بيه او بلياي راحن يحجن ويسوون خطتهن للن 

رجاء تكره وجدان ليش ما ادري ورقيه هم تكره وجدان لان تحبك وتريد تاخذك انت وفلوسك 

وانا ليش الجذب هم اكره وجدان لان هي بت نجاة

وساره تكره وجدان لان تدري ابهاء يريدها

تره بس امك واخواتك يحبن وجدان كلنه نكرهها حتى عمها انا سويت هالشكل حتى وجدان

تبتعد عن بتي وعني

هزيت راسي :: لا انتي وحده جلبه حالج حال اختج 

— كتلك ما عليه بختي انا مره ردت احافظ على بيت بتي وسويت السويته 

  :: وما خايفه ؟

ابتسمت // منين اخاف منك ههههه قديمه انا عدي اولادي باشاره مني يكتلونك حكك طلقه تايهه ونذبها براس 

ابراهيم خطيه يلعب بمسدس ابو والمسدس بايك طلقه حدث كل شي ما يسووله انت تحجي صدك عبالك 

بعدني نهوده الاباوع الايدك يمته تطي مهدي مصرف لا اصحى عدي اولادي وبناتي ومو بحاجتك ولا بحاجة 

فلوسك ومنيتك تره وحتى مهدي مخليته احديده عن الطنطل اصحى انت ما تخوف احد بس وجدان

تستمر القصة أدناه

:: هاا هيج الحچي ؟

هزت راسها // اي هيج وشتريد اتسوي سوي ما يهمني بيت عدنا وگاعنا اذا مهدي ما يعرف الها نجيبلنه

فلاح نطي ربع ويشتغل النه بيها 

واحنه نروح ناجر بالولايه وهو يشتغل تكسي ونعيش انت شني فلوسك شني 

:: ما خايفه ؟

- - منين اخاف منك انت تخوف وجدان وبس ما تخوفني انا وبحجايه كالتها الك رقيه سوتك محبس بيدها 

عبالك ما شايف مره اذا احنه جذبنه عليك وكلنالك اجت وجدان وكالت مسويته دجاجه ومحبس بيدي بكيفي

افره وانزعه والبسه 

واحنه ما سمعناها ولا شفناها بس سمعنه وشفنه رقيه شلون خلتك محبس بايدها وشلون سوتك ... 

هزت ايدها ههههههه

رجاء // اسكتي نهاد كافي

- - لا ما اسكت اذا انتي خايفه منه انا ما عدي شي اخاف منه شيريد يسوي يكتل بهاء خير على خير 

البيت والكاع والمحل والبيت البلولايه البتي وسنه وازوجها وحتى حلالك انت تنسجن ويتقسم بين فرح وبين

ابنك وياهو الوصي على ابنك مهدي يعني كل شي يصير النه شتريد بعد تسوي انا حاسبه الكل شي 

احساب بس مع الاسف ما ضبطت السالفه

رجاء لزمت بثوبها // ايا چلبه هيج وصلت بيج المواصيل تردين عاصف يكتل ابني حتى تاخذين حلاله

انتي وبتج يكولون عليج حيه وانا ادري بيج بس ما اصدك لا الناس ولا عيوني اگول اختي وكلبها عليه 

هي عتت ايد رجاء وجاوبتها بعصبيه // اي اختج تره مو بس انا الحيه انتي اكبر حيه ليش عبالج 

ما ادري من حبلج سعدي وعاصف ستر عليج الخاطر غازي وانا هم سكتت لان انتي ما قصرتي 

زوجتيني مهدي

رجاء رجعت لزمت نهاد تريد تضربها وتكلها // انتي وحده ساق...

:: اششششش ياالله بره ما اشوف خيال وحده منجن الاشوفها طلقه والبسها تهمة شرف

هنه طلعن وانا بقيت ادخن ومستغرب على هاي الناس الي كل همها الفلوس 

زين انا الي جمعت كل هاي الفلوس ليش ما مهتم بيها لان نسيت نفسي وبقيت اشتري خواطر على حسابي 

باوعت للساعه شفتها الساعه ثنعش بالليل رحت الغرفة امي شفتها متمدده ما حاجيتها اتمددت على جرباية وجدان 

غفييت بسرعه يمكن لان ما فكرت بااي شي

صوت امي وهي تندهني // اگعد يمه عاصف اگعد صلي 

گمت وانا ساكت اتوضييت وصليت ورجعت نمت فزيت على ايد تلعب بوجهي فتحت عيوني شفته فيصل 

امي جايبته حضنته وحاجييت امي بعتب :: جنتي تدرين بيها وين وخليتيني ادور مثل المخبل 

ابتسمت وردت // هاي بت ابني وتربايتي ما تسوي شي اذا ما تكلي 

:: وين هسه هي 

  - - راح تروح البيت كريم على ما انت تشيل البيتك وتجي تكعد اهنا يمي

وكفت :: امشينه يمه 

  - - وين 

:: نودي فيصل 

- - اتريك 

  :: ما اريد

لبست عباتها وركبنه بالسياره دكييت هورن طلع جابر 

هلا ابو فيصل 

  :: وجدان وين 

اشر // هاي بالبيت متانيه حبوبتها 

:: سويلنه درب 

- - بيتك فووت 

:: ياالله

تستمر القصة أدناه

جانت بالديوان دخلت وامي وياي جابر راد يطلع :: اوكف ابو مصطفى رايدك 

رجع كعد وهي كعدت يم امي حجييت 

:: يمه ترحين ويه وجدان البغداد ترحين انتي وياها وابني للشقه اتكعدن بيها 

  - - لا ما اعوف بيتي 

:: نعوفه يم ه ما بيها مجال اذا تردين فيصل وترديني وتردين بت ابنج نعوفه 

- - انت شتحجي شصاير 

هزيت راسي :: اي بعد ما النه عيشه هنا اقلها هسه جابر انت تستلم كل شي ما الكه اامن منك

تستلم الشي الخاص بيه مالي غرض بالباقيين ها شتكول

  جابر // شكول صار ابو فيصل 

  هي باوعتلي وحجت = اني ما اريد اروح للشقه اروح البيت عمو كريم 

  :: روحي ابحدج فيصل يبقى يم امي ويمي 

   = مو بكيفك 

     جابر علي شفته وكفت :: هسه مو وكت الحجي نوصل ونتفاهم انا اذا ابقى اهنا لو اموت لو اجرم

وباثنينهن احنه راح نخسر وابنه يصير ضحيه

امي اتقربت منها وحاجتها // استهدي بالرحمن وامشي ياالله حبوبه 

    =. ما اريد اروح ويا ولا اريد اروح للشقه 

  - - واذا اگلج الخاطري شوفيني عفت كل شي وراي الخاطيركم 

  = ارووح بس هو ما يجي للشقه بس يوصلنه وبعد ما اريد اشوفه 

   - - هذا هو ما يجي

باوعت الجابر صار يبتسم بوجهها رحت كبلهم ركبت بالسياره رحت قفلت البيبان وطفيت الكهرباء وقفلت الباب

الرىيسي وهاي اول مره هالشكل اسوي رجعت ودكيت هورن اجت امي وهي اجت وشايله فيصل حاجيت جابر 

:: ما اوصيك وهاك هاي المفاتيح خليها عدك 

- - ليش ما تخليهن يمك 

:: لا خليهن يمك وعود نتخابر 

  - - ان شاالله 

:: فيمان الله 

  - - الله وياكم

دك ع الجامه الوره // عمي وجدان يمته ما تضوجين ترميشه وتلكيني بوجهج 

   = شكرا عمو فضلك ما انسا 

- - يافضل انتي مرت الغالي ديري بالج على نفسج وابنج واهم شي صحتج

سقت السياره وامي تسمي وتدعي هي صارت وره امي بس اباوع الها وهي دايره وجهها وشايله فيصل

يباوع وياها مرات تبوسه ومرات تحرك بي تلعبه 

تقريبا ساعه او اكثر سالت امي اذا تريد تنزل هي كالت // لا يمه ما بيه حييل 

دارت عليها // ها جده تنزلين تحركيين رجليج خافنج تردين تتريكين 

= لا بيبي ما اريد 

امي حاجتني //. ما تنزل انت ما متريك اكلك لكمه وشربلك جاي 

:: حجيه منو يشتهي 

اتحسرت وكالت //. الله كريم يبني

واصلنه السفر رن موبايلي شفته رحيم ابتسمت ورافعه بوجه امي الي سالتني 

- - ياهو هذا 

  :: الطلي الثاني ارحيم 

- - وشيريد 

جاوبته :: الو 

:: هلا بيك ابو غياث 

::الله يسلمك 

  :: اي 

:: اي

:: اكلك شو ما تعرف تحجي هاي شلها غرض بهاي شنو من خطبتو بتي خطبتوها صدق ابيناتنا 

انطيك بتي واخذ بت اخو مرتك 

:: لا تحجي زايد من اجيتو خطبتو انطيناكم ( اتنفست واباوع الها ) وره شهر انا اجيت واخذت بت اخو مرتك 

:: ها 

:: اي براحتك صدك جذب

:: لا تحجي شنو هدووم شنو جهزت بابا فوك فلوسك منطيها خمس ملايين اليوم بس اوصل تانيني بعد ساعتين

احولك الفلوس 

:: لا عمي انا من البدايه ما قابل تدري ليش لان انت زعطوط وطلي بربك ابنك شيطلع قاضي لو ضابط بجهاز 

محاربة الارهاب 

  زمخت :: لا تحجي زايد فلوسك يجنك واذا تريد حتى كروة السياره الجبت بيها الناس اوديهن الك 

:: انا هذا العدي انت واخوها تتجازى ودير بالك تزيد بالكلام ما احلف بس اجيك هناك ازين شاربك

تستمر القصة أدناه

سديته منه وامي تكلي // على كيفك ويه روحك 

:: هذا الطارن بس كون ياخذن ابنه 

- - يمه انت ما تعرف ارحيم شتكله مرته ايكللها آميين 

  :: اي اعرفه طلي مثل الطلي العدنا

شفت بعيونها كلام رديت وانا اباوع الها :: تره حتى انا هم سوني طلي بس هسه انتبهت النفسي صرت ثوور 

انا وامي ضحكنه وهي ابتسمت بس ما بينت بقت تحرك فيصل وتشيله يم الجامه الى ان سوتله ممه ونام

ونامت وهي حاضنته فزت من رن الموبايل شفتها فرح الي تبجي وتكلي

- - بابا ام غياث خابرتني اتكلي نريد نجي نفصخ 

:: اي بابا براحتهم لا تبجيين واتصرفي بهدوء 

- - اي بس ليش ؟

   :: لان هي هيج تريد مو ابنها ولا رجلها 

- - بس بابا 

   قاطعتها :: فرح انتي تردينه 

بقت ساكته :: لاتستحيين انتي تردينه

- - اي بابا 

:: خلص خابري واذا هو متمسك بيج انا اقبل ما افصخ الخطبه وبشرط تكعدون ابيتج 

   - - يابيت 

  :: انا مشتريلج بيت ودايره بااسمج ومخليلج رصيد بالبنك انتي بتي وما اريد من اموت ما تحصلين شي 

كتبتلج حقج بحياتي 

   - - صدك بابا ؟

-:: اي صدك حبيبتي خابري وفهمي اله منا البعد اسبوع تتزوجون وتكعدين ابيتج وعد امج فلوس تجهزلج 

البيت وتاثثه واذا ما يقبل ف احسن الج الله يحبج وراح تاخذين الاحسن منه

:: حبيبتي اذا صادف وما قبل فخليها بوجهي وگولي ابوي ما قبل بي لان هو زعطوط وبدون شخصيه 

- - اي بابا 

:: لا تضوجيين سوي الشي الكلته الج وانتي راح ترتاحيين ياالله بابا مع السلامه 

- - الله وياك

سديته امي تسمع وسالتني // هاي فرح مرت ارحيم مخابرتها 

:: اي حجيه 

- - سبحان الله بكل بيت اكو حيه 

  :: بس انا بيتي كله حيايه 

- - استهدى بالرحمن يمه هنه الخسرن 

  :: لا حجيه انا ال خسرت وخسارتي جبيره 

- - ما بعد الشده اله الفرج يابني عينك بعين الله

   :: المشكله هاي فريحه تريده 

- - تولي يوم يومين وتنسا وداعتك على اسمك وصيتك يجيها اغاته 

  :: ادري يمه 

رفعت ايدها بالدعاء// الله يطول عمرك ما نسيتها طلعت مشتريلها بيت ومخليلها فلوس باسمها

، :: اي چا شلون خطيه ما الها ذنب اذا امها حيه وابوها جلب 

- - الله يطول عمرك يايمه ويوفقك ويطيك على كد نيتك 

  :: آميين

وصلنه لاكانه ابو يوسف وسلم علينه واخذ فيصل باسه بعدها فتحت الباب ودخلت هي وامي 

بقيت بالباب من داخل يعني ما دخلت بس وجهي بالباب حاجييت امي 

  :: خليها تصرف من الفلوس البالقاصه. وراح اخابر كريم يجيب علاوي 

- - يمه عاصف لا تضوج من وجدان 

  :: لاحجيه حكها ابد ما الومها 

- - الله يكملك بعقلك ويخليلك اوليدك ،

طلعت بالطريق خابرت كريم وكتله ياخذ علي للشقه هناك وجدان وامي 

وانا رجعت للفندق كعدت وما الي خلك حتى للشغل حتى النفسي هلكد انا جنت زعطوط وينضحك عليه 

خلي ترتاح وتالي اجي وافهمها كل شي 

//////////////

وجدان 

من اجه عاصف وحجالي على كل شي سمعه من رقيه ورجاء وسالني 

عرفت هنه مسوايتها خطه حتى عاصف يطلكني ومن ما ضبطت سوون خطه ثانيه 

ما كنت ادافع عن نفسي بالعكس اتعاملت ويا ابرود خليته يفهم انو اني لا يمكن اسوي هذا الشي وبنفس الوقت 

اني مستعده اتواجه وياهن

تستمر القصة أدناه

لكن فكرت بيها هذني كل شي ممكن ايسوون فطلبت منه هو انو يطلع براءتي 

وافق بس كلي اذا ثبت العكس اقتلج بايدي 

واني وافقت

ما انكر من ضمني الصدره شلون نفس رجفة كلبه لكن اني بلحظه رجعلي كل شي سوا وياي 

شلونضربني وراد ايموتني 

وشلون خذلني من اتزوج عليه

وبعدها رجعت ويه بيبي للشقه بناءا على طلبه بالبدايه كنت رافضه ارجع لكن هو كال 

:: لازم ترحين ويه امي وهسه لان اذا بقيت اهنا انا لو انكتل لو اجرم وبالحالتين احنه اثنينه نخسر وابنه يضيع 

وافقت وشرطت ما يجي ولا اشوفه ويتركني كانما ما يعرفني وهو وافق ومن ساق السياره الى ان وصلنه

هو لا حجى ولا اتوقف كنت اشوفه مقهور وضايج 

ومن وصلنه ما دخل وصى بيبي منين اصرف

وره ساعه اندك الباب فتحت بعد ان سالت منو جاوبني ابو يوسف انا عمو 

فتحت الباب كلي // هذا الغدا ودا الحجي 

= شكرا عمو 

- - بالعافيه واي شي تحتاجينه اني بالخدمه 

= الله يخليك

داز غدا وحتى روبه ويا لان يعرف بيبي تحب تشرب لبن اتغدينه ونمنا لان كلش تعبنه من الطريق كعدنا المغرب 

وفيصل بعده نايم شفته ورحت لكيت بيبي كاعده ومخليه المصلايه وجاي تسبح قبل الصلاة اني ابتسمت

بوجهها ورحت اتوضييت واجييت اصلي بيبي كالت 

— روحي بالحجره صلي يم ابنج لا تعوفينه ابحده

رحت صايت وبنهاية فرض العشا كعد كملت ع السريع ورحت شلته غسلت وجهه وسويتله ممه واجينه كعدنه

يم بيبي من كملت اخذت فيصل مني وصارت اتهوسله وتصفكله وهو يناغي ويضحك 

بيبي اتكلي // يشبه ابو من هو زغير 

ما جاوبتها لان اعرف تريد تفتح وياي موضوع رحت للمطبخ خليت ماي بالغلايه وبقيت گاعده الى ان اندك الباب 

فتحته بدون ما اباوع للكامرا شفت ابو كرار وعلاوي وام كرار

دخلو وعمو كريم يكول // توه نور المكان بعمتي 

- - هلا بيك عمه 

حضنت علاوي عبالك سنه ما شايفته ام كرار باوستني // هاي شنو حاضنه علاوي هنه كلهن اربع تيام 

باوستها واني ابتسم 

كريم /. ها شارلوك هولمز شلونج 

ااشر على نفسي 

كريم // اي لعد منو تره كلتلي المخبره بكل شي

بقيت ساكته بيبي انطت فيصل الام كرار واشرت العلاوي حضنته وهي تبوس بي وتكله 

- - شني ما تكول اروح الجدتي 

(. ). مو انتي كلتيلي ابقى يم اختك ودير بالك عليها 

- - يابعد حيلي ياجده 

باوعت الكريم وكالت // بالكوه اجت لهنا جانت تريد تروح عدكم 

  كريم // هلا بيها بكل الاحوال البيت بيت رجلها

استغربت وباوعت بتساول ام كرار تهز براسها // لعد منو انطى حصة رحيم غير عاصف احنه شعدنا لو ما 

عاصف الله ينطي العافيه ساعدنا كان الله اليعلم احنه هسه وين 

بيبي // لاتگولين ساعدنا عاصف ساعد اخو ما بيها شي

   كريم // اي عمه ساعدني وهو ابن عمي واخوي ابن امي وابوي وكف عليه يريد حصته 

- - خلي ايولي هسه ينسلت خيطه مثل امهيدي

تستمر القصة أدناه

كريم //. هههه والله ياعمه صدك بس صوجمن صوج اختيارج انتي وامي الله يرحمها انتي اخذتي 

نهاد وامي جابتله هاي ما ادري منين 

  بيبي // مو امك هي التفت علي هذا سراهن شني ما تتذكر من اجت البيت خالها جيرانكم انا امك سولفتلي 

وبيومين اجه هاد لو تخطبونها الي لو انهبها 

ام كرار وهي اتحرك باصبعها على خدها // يايا هذني هاي طريقتهن 

- - اي ما شفتيني تسودنت من عاصف اخذ بت اخوها

باوعت الها بعتب بس ما حجييت هي ردت وتباوعلي // اي تسودنت على عاصف بس ما زعلت وعفته الهن صرت 

مثل واير الكهرباء بس ايكضني انتلهن 

   كريم // ههههه انا اگول وجدان عليمن طالعه 

    بيبي // شسوي عاصف بس الله اليدري شسوله اشربنه وانا لو عايفته الهسه هو لازك بيهن

عمو كريم من جاي موصي ابو يوسف يجيب النه عشا اتعشينه كلنه وهمه هواي بقو يمنه يسولفون لمن ما ام كرار

سالت بيبي // شنو عمه اجيتي تبقيين اهنا 

- - اي عمه ابقى يم بت ابني بعد ما اعوفها 

- - الله يطيج الصحه والعافيه 

وكف عمو كريم وكال// ياالله اسمحولنه 

بيبي // ما تباتون اهنا 

- - دايم البيت واهله الصبح عدي دوام تصبحون على خير

قبل لا يطلعون عمو كريم حاجاني //. اسمعيني وجدان كلنه نحبج انا وام كرار وبيبيتج وعلاوي وعماتج 

بس الي يحبج اكثر من عدنا كلنه هو عاصف 

انا صدك ما اعرف شنو ابيناتكم بس الي اعرفه عاصف رزن ومو من هاي الزلم الي يهتز الكلمه 

لو يتغير بس عاصف يمكن الي سمعه او شافه خلا هالشكل يتصرف لان عنده غيره على عرضه 

واي واحد بمكانه يسوي اكثر

بيبي حجت //. هم تدرون انا ليش عفت كل شي وراي واجيت 

انا اكلكم الخاطر اسم غازي واسم عاصف يمكن تكولون هاي شبيها خرفت 

كريم // لا عمه مكرمه 

- - اي صدك اي واحد يسمع يكول عافت بيتها وكاعها واجت اهنا وتكول الخاطر اسم غازي وعاصف 

وانا اكلكم اي الخاطرهم اجيت لن بس ( اشرت على علووش ) هذا وهايه همه اليحفظون اسم غازي 

وفيصل هذا ابن عاصف والكاع والحلال اله وهاي بت سعدي ابن غازي وعدها هذا اخوها وذاك اخوها 

وهمه اولى الناس باسم غازي

  كريم // عمه الله يخلي مهدي واولاده 

  هزت ايدها // هههه يامهدي هسه يبيع الكاع على عاصف شني لدالكم الا عاصف شال ايده منه هذا 

يعرف يزرعله شبر بگاعه انا اجيت اهنا حتى ابرد الكلوب واهدي النفوس 

كريم دنك على راس بيبي وباسه وكللها // والله انتي ياحجيه ذهب صافي

اتمنونه ليله سعيده وراحو بدون حتى ما يسالون على عاصف ولا حتى فتحو وياي موضوع وهو لا خابر

بيبي ولا راسلني ولا عرفت عنه شي هاي صار اكثر من شهر مرتين اخذت بيبي البيت عمو كريم ومناك 

اخذنه للكاظميه زرنه ورجعنا ومرتين طلعنه نتعشى بره 

ولا انا ولا بيبي اتناقشنه بااي شي بس عماتي يتصلن وحدهن السلام والسوال على فيصل وصحته

صراحه مرات استغرب لويش ما اتصل او اجه يشوف بيبي وليش هي ما تفتح وياي موضوع 

هو شي واحد صار انو فرح فصخت خطبتها من غياث ولمن بيبي سالتها ليش 

ردت عليها لان بالبدايه من كالتله امه افصخ راد يفصخ بس من عرف ابوي مسجل بيت بااسمي وعندي رصيد

بالبنك رجع وگلي احبج واريدج وهذا اخاف منه 

بيبي گلتلها // انتي راح تتخرجين والحياة گدامج والحمد لله ما اتزوجتي وصار عدج طفل تحتارين بي

تستمر القصة أدناه

ما اتدخلت ولا سالت لان بصراحه اكرهم وما اطيقهم 

كنت نايمه ما اعرف بيش الساعه حسيت بايد ونفس يطخ باذني ويگلي 

:: اذا انتي ما ترديني انا اريدج ومشتاقلج 

جمدت بمكاني هذا صوت عاصف حاولت اقاومه بس اقاوم منو اذا هو حايط 

حاجيته. = هدني لا اعيط 

:: عيطي يكعد فيصل مخترع والحجيه يوگف گلبها والناس تلتم وانا رجلج

دارني وحضني حييل وكلي :: ولج احبج وما حبيت وحده بگد ما حبيتج 

استهزات بكلامه = اي مبين بزواجك 

:: من تطلع كلمه انتي كلتيها الي واسمعها حاجيتها باستهزاء ومزيده عليها صار لازم اادبج وانجلج 

= بس انا ما حاجيه لكن لكيتها حجه 

  :: وتالي عرفت هذا ملعوب وجاي اتاسف الج وشتردين انا حاضر 

  = ما اريدك اتندمت من عرفت هذا ملعوب يعني انت ما تحبني 

عافني وكعد على حيله راح فتح الضوى :: لا احبج وحتى وانا متزوج زواجي منها حاجة رجال المره مو حب 

باوعتله باستهزاء :: لا تستهزىين انتي اول واخر وحده بكلبي 

= واني ما اريدك وتدري بيه اكرهك بعد السويته بيه 

   اتحسر :: تمام ابقي الخاطر ابني واوعدج بعد ما اجي ولا تشوفين وجهي 

   = هو هذا المطلوب 

   :: ومو تزعلين لان راح اتزوج 

  = معليه بيك حتى لو اتزوجت لان انت ما تهمني 

  :: مو تعضيني خرمشيني اي بس عض لا

ابتسمت اتقرب عليه حضني وهو يگلي :: شتردين يجرالج انتي كل شي بحياتي ومن عرفت الحقيقه اخذتلج حقج 

= ما يهمني انت بعتني وما فكرت باابني رحت وره نزواتك وحاجتك كرجل مثل ما تكول 

:: لا متوهمه وانطيج دليل ياست وجدان شوفي انا شسويتلج وانتي بالمقابل شنطيتيني استخسرتي كلمة احبك

ما گلتيها الي

= جاي تمن عليه لان انت حميتني من بهاء واخذت حقي من غزوان وهذا الشي الي ما راح انسا الك ويبقى

دين بركبتي مدى الحياة 

  :: اتسدينه 

  = بلي اسده اربي ابنك واخلي احسن واحد وما افكر اتزوج طوول عمري 

   :: انا اعرفج وادري بيج انتي كدها بس انا مو بس هذا السويته الج 

   = لا تگلي عيشتني

:: لا انتي طلعتي عايشه براتب ابوج الي امي جمعته الج 

  :: انا يامدام وانا متزوج رقيه كتبت بيتكم السويته عماره باسمج 

:: واشتريت بيت امي والكاع خليتهن الهشام وعلي 

   :: اشتريت بيت مهدي والگاع 

  :: وراح اشتري گاع بهاء وبيته لان بعد ما يرهم نبقى سوا وهذا كله الخاطرج

:: انا هذا ابسويته الج وانتي مستكثره عليه كلمة احبك انتي اتخبلتي بساعة ما دريتي بيه متزوج 

خابرتيني واجيتج لو ما احبج ما اجييت انتي شفتي صوره وقريتي جمله 

وانا شفت صور وقريت محادثه وسمعت اسرار مامنج عليها وطالعه ما ترديني اعاقبج 

:: بس هي كلمه لو تموتين ما اطلكج. هم تدرين ليش خليت الغايب عشر دفاتر واليطلب الطلاك يخسر

كل شي حتى ما اطلكج لان احبج تعرفين شنو احبج وادري بيج تحبيني

= منو گلك ؟

  :: لو ما تحبيني جان ما اتخبلتي بيوم التزوجت جان ما عضيتيني ولا خرمشتيني 

= ولو بيدي اقتلك 

:: هسه اقتليني على كولتج ولج انتي مو بس مرتي انتي بنيتي الربيتج ابنيتي الي الظروف لعبت بيه وبيها 

بنيتي الي ما جنت اكدر انام اذا ما اشوفها واسمع صوتها

  = اي وكسرت خاطرها واتزوجت عليها 

:: اي اتزوجت والملعونه كلشي جانت تسويلي اشياء ما تخطر على بالج ولا راسج هذا الزغير يستوعبها 

بس جانت علاقتي بيها حد الفراش وهذا الدليل

____________________________

= يادليل ؟

:: عفت كل شي طلكتها واجيتج نادم واطلب السماح 

= انت 

  :: اي انا. شوفيني تعبان منج 

= شتريد 

:: احبج 

  = حتى لو ا ني ما احبك 

  = براحتج انا هذا العندي تبقيين مرتي وتاج راسي وانطيج كل الحق ما تسامحيني

+

باسني براسي :: ديري بالج على فيصل وهم اجي اشوفه وانتي بكيفج وين تردين وبااي مكان 

ها وخلي بعلمج ترحيين للقصر البنيته بالگاع 

= ما اروح المكان وحده ادب سزز مثل رقيه دخلت بي 

:: عود اودي عمال يغسلونه ويفرشونه واذا تحبين تختاريله الاثاث براحتج 

  = اني من اروح لهناك ما اريدك تجي 

  :: ما اجي القصر الج والامي وابنج

طلع ودار عليه :: لاتغيرين قفل الباب لان بعد ما اجي 

من راح يمشي حاجيته = عاصف

هو وگف سالته = ليش ما ابقى اهنا ما اريد اروح لهناك 

  :: ابقي براحتج ابقي بهاي الشقه ويمته ما يعجبج روحي البيتج 

  = وبيبي ؟

   :: حبوبتج تبقى يمج انتي تدارينها هي مسووله منج وانتي مسووله منها

راح وبصراحه بقيت افكر هذا السويته صح او خطا يعني اني ممكن اسامح عاصف 

واذا ما سامحته شنو شراح يصير اكيد يتزوج ويعيش حياته

ثاني يوم كعدت بيبي واتريكنا وعادي مشت حياتنا عماتي يتصلن ويردن يجن واني صرت اقرا الدروس 

الي ما امتحنتهن 

وعلاوي بين البلي وبين يطلع يشتريلنه حاجاتنا وعاصف بس يخابر بيبي يسالها على صحتها واذا محتاجه شي 

ويدز المصرف بيد ابو يوسف تقريبا اكثر من اسبوعين من جية عاصف رن تلفونها شافته // ياهو هذا ؟

راوته الي جاوبتها = عمو جابر 

فتحت الحاكيه // الو 

- - شلونج عمه 

- - هلا بيك شو سكته لا تتصل لا تنشد عليه 

- - عمه شغل الفوك راسي ما الحك 

- - هو انت كل ما انشدك تكول ما الحك 

- - عمه وداعتج ما الحك 

- - ليش شعدك ؟

جابر // شني عاصف ما كالج 

- - لا عليش ؟

   - - ها عمه بس لا تضوجيين 

- - شني شصاير 

- - عمه دريتي بمهدي باع كاعه على عاصف 

- - اي وحتى ما كلف روحه يجي وينشد عليه 

- - هم گتله وعاتبته ايگلي امي من راحت حتى ما مرت وخلت خبر لو سلمت عليه

  بيبي // امره مو بيده يابني 

- - عمه (سكت ورد كال ) عاصف مريض 

بيبي نشغت // انت شتكول 

- - اي صارله اربع تيام وما يقبل اگلج 

- - شبي 

- - ماله خلك خشمه ينزف وما ياكل 

- - واخذته للطبيب 

- - اي عمه نام مستشفى يمكم ابغداد وتالي طلع واجه يمنه

  بيبي بعصبيه // وانت ليش ما گتلي 

- - مو تدرين بي ما يقبل 

- - وهسه هو اشلونه 

- - عمه ما اله خلك وما ياكل 

— - وهو گالك تخابرني ؟

  جابر // لا عمه وروح ابوي ما يدري بيه بس انا گلت احجي وياج تجيين يمه وتجيبين فيصل 

  - - اي عمه هسه اجي الله وياك 

  - - اجي اخذج 

  - - لا هسه اخلي الحارس يجيبلي سياره شني شعليه 

- - خوش مو تكليله انا خابرتج 

بيبي // شلون ما اگله اكله واتعارك وياك ويا ضاميين عليه شني متاني اتطكه جلطه لو يموت ياالله تخابرني

  جابر // حجيه هو ما قبل 

- - ادري منين يطلبها هاي تارثة جاسب من غازي اله المرته لا تعلمني بيهم 

- - ها خوش تعرفينهم 

- - اي اعرفهم كلش زين ياالله عمه الله وياك 

- - الله وياج

باوعتلي وراحت الغرفتها طلعت هي وعلاوي// ياالله ابني بساعك كل للحارس يشوفلي سياره 

() بيبي اروح وياج 

باوعتلي وكالت // بكيفك اليريد يجي خلي يجي 

   لبسي فيصل وخليله هدوم وحليبته 

   =ليش ؟

   - - شني ليش اخذه الابو يشوفه واذا تردين امشي ويانه

= بيبي منو يگول صدك ؟

- - شني صدك ؟

  = يعني يجوز مو مريض يج...

بيبي قاطعتني بزعل // ها يجوز يجذب بلكت انتي ترحين تشوفينه انتي ظلي واطيني ابنه خلي يروحله

رحت بدلت الفيصل وخليت الحليب والملابس والحفاظات وراحت بيبي هي وعلاوي واني كل فتره اتصل 

الى ان وصلو واطمنت عليهم وهناك هماتين اتصلت حتى اگل البيبي تنطي علاج المغص مالته 

ومن حاجيتها هي گالت// هو يم ابو نايم 

رديت عليها= بيبي شلون تخلينه يم ابو خاف يگلب بنومته ويخنكه 

   ردت باستهزاء// صدك رعنه ولج مخليله كاروك اكبر من حجرتج

   = زين انطيتي علاوي 

- - يم بيت جابر من يجي اخلي يخابرج 

   سديته واني اوصيها على فيصل اجه علاوي وهو اتصل = الو 

( ). هلا وجدان 

= هلا بيك اشلونك 

( ) انا زين 

= وفيصل 

- - زين يم حبوبتي و واجت خاله سميره هم غيرتله وغسلتله وبعدها اخذه عاصف بقى يمه

= مو مريض 

( ) اي بس هو خلا يمه 

= شنو عاصف كله بغرفته 

( ) اي كله بغرفته ونايم بالفراش كلش تعبان 

= لعد ليش فيصل يمه 

(. ) هو يكول خلوني اشبع منه

ما اعرف ليش كلبي وجعني من كلمة علاوي سديته واني اوصي صرت احجي ويه نفسي 

= معقوله عاصف مريض كلش 

رحت الغرفتي اتمددت ما نمت ولا ارتاحييت اتشجعت وحاجيته ع الواتس كلت حتى لو الصبح يرد عليه 

= شلونك عاصف 

هو كانما منتظرني :: هلا وجد 

= الحمد لله ع السلامه 

:: الله يسلمج

= شلون صرت 

:: بخير 

= دووم ان شاالله 

:: شكرا 

= اني داىما اكلك انتبه النفسك وراجع طبيب 

  :: اي صحيح بس انا ما اسمع الكلام 

  = اهم شي صحتك محد يفيدك

بقى ما جاوبني رجعت سالته = فيصل يمك 

:: اي هذا بحضني 

= نايم 

:: لا جاي يلعب 

= ميخالف اشوفه 

:: اي هسه اتصل عليج وشوفي 

= شكرا 

::العفو

اتصل كام وشفت فيصل وهو متمدد بحضن ابو باوعت العاصف ضعفان صرت احجي ويه فيصل 

= ماما حبيبي اشو باوعلي 

هو داره ويكله :: بابا هاي ماما احجي وياها 

= ههه شيحچي 

:: انتي اسالي وهو يجاوب 

= بدون ما اساله شفت جوابه

:: ها 

= بلي المهم انت دير بالك على نفسك 

:: ان شاالله 

= تصبح على خير عود نيمه بسريره 

:: صار 

قبل لا انهي المكالمه كلي :: وجدان 

= بلي 

:: احبج

سد الخط وانا هزيت ايدي = هذا شعباله انا ممكن احبه بعد السوا وياي بطران 

بقت بيبي وعلوش تلث تيام ورجعو واني ابد ما اتصلت ومن اجوي بيبي شويه زعلانه مني بس بعدين صارت 

تحجي وياي عادي ومن سالت علي من. جابكم گلي عاصف صار زين وجابنه 

وعلي صار يسولف على البيت الجديد الي بنا عاصف والاثاث والحديقه الي تخبل بس علي كلي

(. ) المنطقه وحشه 

= لويش 

(. ) لان بيت عمي مهدي شالو وبيت بهاء هم ما بقى بس بيت عمي جابر حتى من اجه عمي مهدي يشوف عاصف 

ما بقى ولا بات بس سلم وكعد شويه وراح وحتى ما سولف ويه بيبيتي بس سلم عليها وباس راسها

صار عاصف مرات يخابر بيبي وتطلع هي ويا وعلاوي وياخذون فيصل ومرات يخابر علي وياخذ فيصل

ساعه ويرجعه وهو مشتريله اشكال اني امتحنت الدرسين الي اكملت بيهن ونجحت مرحله ثانيه 

وبيبي رغم اشوفها ما مرتاحه لكن باقيه وياي عماتي انصاف وامل يجن ويبقن شكم يوم ويرحن

وسعاد حتى ما تخابر بس بيبي تخابرها ومرات اسمعها وهي اتكلها لا تبجيين يمه شتسوين هذا امر الله

وبيوم اني وبيبي كاعدين صلينه وعلوش يقرا واني بالمطبخ اريد اسوي عشا اندك الباب راح علي فتحه

اشو ما سمعت شي درت اريد اروح للصاله اسال علي منو الي دك الباب درت وجانت المفاجاه الي ربطت الساني 

شفت هشام واكف ويباوع الي 

ما صدكت جمدت بمكاني عيوني مليانه دموع واشوف عاصف شايل فيصل وعلي ورا وبيبي تمسح بدموعها 

بجييت حييل واني احضنه واكله = ليش هلگد اتاخرت نسيتنه لو شنو

هو باسني ويكلي // سامحيني 

صرت ابوسه وانا اكله = هلا بيك بعد اختك بعد روحي فدوه الطولك الحلو لا اني بحلم انت بعدك بالسجن 

هو كمشني من اكتافي وكعدني // لا انا طلعت هذا انا اخوج بس جرح كلبي الهسه ينزف سامحيني 

= المهم طلعت بالسلامه نرجع سويه ونعيش وتتزوج واشوف جهالك مو وتكون الي اخ وسند مو بعد ما 

تعوفني ها مو ما تعوفني اااه لو تدري شكد متانيه هاي اللحظه 

وين امي هشام امي وين خلي تجي وتشوفك طالع

صار يبچي وهو حاضني //. تدرين بيه انتي شفتي بعينج الصار غصب عني شفتي انا حتى 

ما حاولت اضربه بس هو 

   بيبي اتقربت :: شتي تظلون تتعاتبون دا تعال يابعد روحي خلي احبنك

هو حضنها وانا اباوع لا اراديا العاصف وهو شايل فيصل والدمعه بعينه هشام يبوس بايد بيبي وعلي واكف 

وره عاصف هشام شافه لزمه وگله // علاوي سامحني انا مو بقصدي اكتل رامي 

علي مبرطم وبس دموع عاصف انتبهلي انطى فيصل الهشام ولزم علي وكله 

:: هاي شني ابو حسين شحال لو ما فهمتك افه عليك هذا اخوك حزام ظهرك لا تعادي 

ياالله شو ياالله شني ما اشتاقيتله شني

اهنا علاوي حضن هشام وبعدها كعدنا وبذاك اليوم بتنا كلنه يم هشام بالصاله بس عاصف راح 

نام بغرفة علي وثاني يوم اجه ابو كرار وام كرار الي تشمر بالجكلييت وتهلهل وهمه يباركون الهشام الهشام 

وصار الاتفاق هشام يسكن ابيت جدي لان صار بيته وكاع جدي غازي اله والعلي طبعا عاصف اشتراها

من بيبي وانطى حصة مهدي

وبيومها اخذنا عاصف حتى اني وياهم وسوا عزيمه السلامه هشام عزم كل اقاربنه واصدقاىه 

وصار لازم اروح للبيت الجديد 

الكل اجه حتى مهدي واولاده وحتى بهاء العزيمه بره واني داخل يمي بيبي وام كرار وخاله شيماء 

وعماتي امل وانصاف وحتى سعاد واجت ساره وفرح ورغم انا ما اطيقها لكن اتحملت حتى

ما اسوي مشكله

اخذتي الفضول بعد الغدا ادخل الغرفة عاصف شفتها تخبل وخال بيها كاروك الفيصل وسرير 

حسيت بي اجه ما كدرت اطلع لان كلهم اجوي وكعدو بالصاله الداخليه شافني وسالني 

:: عجبج البيت 

= اي تتهنى بي 

  :: هذا بيتج وبيت ابنج ام فيصل

ما رديت اتقرب مني :: تدرين انا غرت 

= من شنو 

:: من تبوسين هشام 

  = لويش تغار هشام اخويه 

  يضرب على گلبه :: مو هذا المسودن يغار حتى من امج الجابتج 

    باوعتله متغير وتعبان = عاصف اني ما اعرف شلون اتشكرك 

:: عليش لا تتشكريني انتي مرتي وعرضي واخوانج ولد عمي واخوتي 

= ما ايست 

   يحرك بيده :: منين منج 

  = اي

   هز راسه. :: لا ما اايس للموت 

  = حتى من تدري بيه ما احبك 

:: لا انتي تحبيني وتموتين عليه بس جاي اتعاقبيني 

    = اني

  :: اي من اتمرضت وخابرتيني ادري بيج تردين تطمنيين عليه وسويتي حجتج فيصل 

  = لا متوهم 

:: وداعتج ولا متوهم وهسه اطيج الدليل 

  = اي خلي نشوفه للدليل وينه 

:: هسه

اتقرب مني لزمني حييل وحضني وباسني حييل ما خلاني اتنفس وكلي 

   = لو انتي بت ابوج صرخي كولي جاي يبوسني ويريد ينام وياي 

دفعته. = انت واحد ما تستحي 

:: صدك شتكولين 

  = عوفني 

  :: شبيج هاي اللحظه اخطط الها صارلي سنه 

  = عوفني ما اريدك 

  :: هسه من انام وياج وا حبلج كولي ما اريدك اكرهك ونرجع للمربع الاول 

  = ما تستحي شايب 

  :: اويلي لو تلبسيلي الاصفر 

ابتسمت شالني وهو يكلي :: سامحيني يابعد روحي وعمري وكل حياتي 

// ////////

لا تلوموني لان رجعت العاصف 

عاصف صبر عليه ورباني وانطاني الي هواي من الاباء والاخوه ما انطو البناتهم واخواتهم 

عاصف حفظ كرامتي ودافع عني 

عالج اخوي وانطى امل الاخوي الثاني 

صرف عليه وعليهم وانطاني كل شي يملكه اسراره 

عاصف حتى وهو بعيد عني كنت احس بالامان لان اعرف هو قريب مني

وبرغم بقيت ابحدي فتره لكن ما ملى عيني بس هو 

طيب وكريم وعصبي وما يخاف 

هذا هو زوجي وسندي وابو اولادي 

مو مهم العمر ولامهم المشاكل الي تواجهنه المهم شلون اتغلب واتصرف صح المهم الاختيار يكون صح

رجل سند اخ وهذا الشي شفته بعاصف 

مو بس رباني وصرف عليه 

لا ربى اخويه الزغير وطلعه من الحاله الي كان بيها 

وما ترك اخويه البسجن دارا ومن طلع لكى بيت وعيشه كريمه 

ومو بس هالشكل عاصف حفظ كرامتي بعد ان عرف اني مظلومه وغزوان اعتدى عليه وبهاء ظلمني

عشنا بالبيت بيبي ويانه واني اداوم كليه واعرف هو ما قابل بس بابتسامه مني وشوية دلال يقبل وبعدها 

يرجع وهاشكل. يوميه اني ويا 

اتمنولي اعيش بسعاده واعيشه بسعاده لان هو يستاهل 

صحيح مريت باازمات لكن الله سبحانه من يمتحن البشر يخلي بقربه الحلول 

اني فقدت امي واخوتي لكن الله انطاني عاصف وبيبي وعماتي وعمو مريم وزوجته وخاله شيماء 

انطاني عمو جابر وخاله سميره 

ناس كل همهم ان بس يحبوني ويدورون على سعادتي من خلال كلمه او ضحكه او دعاء

بيبي الي ابويه سوا ما سوا لكن هي لان تخاف من الله ولان داىما تردد 

لا تزر وازره وزر اخرى 

دارتني وربتني وعلمتني ما اخذتني اني واخويه بذنب ابويه بالعكس كانت تشوفني اني الي راح احيي 

اسم جدي بيبي قله مثلها وصدك من نكول الاجداد والجدات همه البخت والخير

الحمد لله استقرينه ونسينه كل الاشياء التعيسه المرينه بيها 

واذا تسالوني عن رجاء ونهاد حتى اسماءهن ما انطقهن حتى بيني وبين نفسي 

فرح اتخرجت واتقدم الها ولد وياها بالكليه وصارت القسمه اتزوجت وتجي بس بااوقات حييل متباعده

هشام بدا حياة جديده يشتغل بالارض ويه جابر والشباب وهسه افكر اخطبله ويتزوج 

وعلووش حبيبي وياي يدرس واي شي يريده اجيبه اله 

الله يخلي اخوتي وزوجي ويحفظ ابني ويطول بعمر بيبي 

ويحفظ كل الناس الي تحبني 

والناس الي ما تحبني الله يبعدهم عن طريقي ويكفيني شرهم

////////////

 

انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم

لمتابعة باقي الرواية زوروا قناتنا على التليجرام من هنا 

شكرا لزيارتكم عالم روايات سكيرهوم