رواية أرض الخناجر الفصل السابع والستون بقلم ايلول
باچَر من ترد ما تِلگه شَي .
مَوجَود ؟
تِلگه ألَورد ذابِل ،
والارَض صحَره .
تِلگاني مَدينه مسَدده بيَبان .
بَيهه ألگَمر مَيت .
والشَمس حمره .
══━━━━✥◈✥━━━━══
ميلاد:: طــروادة يدري بيج انتِ الشربتي امه وموتيها ؟
ريـــمه:: اعاينلها بصدمة وگلبي يدك حييل بساع ايدي رجفت عاينت لعيونها هزيت راسي اي صوتي رايح
-يدري عفراء حجتله .
ضحكت بشماته واجت تمشي علي خطوة خطوة رديت ليوره اكثر لمن طخ ظهري بباب الهول. مدت أيدها بساع جرت شعري وي الحجاب شهگت مچلبه بأيدها، يا ريتج مو امي يا ريت اگدر امد أيدي عليج وربي مايحاسبني
مدت أيدها تعصر وجهي وتجر شعري ليوره تحجي من بين اسنانها بغضب
ميلاد:: يمه ما گدرتلج ووولج ريـــمه ولج انه تتجاسر عليه بتي وما اگدرها بوووويه غير اكطعج اكصص رجليج علي ذاك الحسين.
-هددديني.
هزتني بأيدها حييل تنتر
-من عين باجر تگليله يطلگج لا اگلب بيتكم ناررر تحرگهم من جبيرهم لصغيرهم فهمتي ووولج.
أتلوى بأيدها وگلبي يددك بقوة مجلبه بس اريد افرغ شعري منها
-ما تگدرين لو تگدرين جان ماقصرتي ومن زمان سودنتيهم.
ووي حجايتي حسيت طكه نزلت على حلكي بقوة شهگت ايدي على حلكي انترست دم، عتت شعري بقوة
ميلاد:: ياهي الماتگدر ووولج ريـــمه شاده ظهرج بيهممم اكسره والله اكسره.
تحجي بحرگه وتهدد واسمع صوت بچي طفل صغير بس اريد اجر روحـــي منها والتفت عبالي شمس التبجي، التفتت والتفتت وياها لباب الحوش من انفتح وطبت ماريا لابسه تراك وفوكه قمصلة رغم الجو زين معتدل، هالقمصلة شايفتها عد سليم بس هوه وبريا دوم يتلابسون وواحد ياخذ من الثاني، بلا حجاب شعرها نازل على ظهرها.
بأيدها حور ناطه من البجي.
امي بساع هدت شعري وفتحتلها أديها تصيح
ميلاد:: هلااا هلاا بالمفرعة وتفتر بنص القرية هلا بالساقطة الماوراها زلم.
وماريا شايله حاجبها وتعاينلها بغضب
ماريا:: اي أهلين بالشرشوحة يلي ما تركت حدا وما وسختوه بحكيها، شو بددك ولك مأوصه؟
970
ركضت بساع اصيرن بينها وبين امي وهي مدري ليش هاكد حاقده هلى امي ماشايفه صاير بينهن موقف دفعت حور بأيدي ومدت ايدها تكامش امي وصوتها عالي وتغلط غلط ماينفهم منه شي ساعة لبناني ساعة روسي.
ركضت للهول. شمس هم بجت من شافتهن ذبيت حور على المخده بس اريد الحك اطلع لان ادري بأمي طكتها شلون توجع وماريا ناعمه كل ظني ماراح تگدرلها، طلعت اركض اريد احيز بينهن بعدني ما واصلتهن واشوف ماريا مدري. شلون لوت ايد امي الچانت مكسوره وتشگلبت مناه ومناه وركعت امي على ظهرها بالگاع وحطت عكس ايدها على رگبتها خانگتها شلون المصارعين البالتلفزون وامي كاضه ايدها وتصرخ.
ركضت بساع جريتها منها دفعتها للهول وهي تصيح وتغلط
ماريا:: ليكي وليه حيوانه ليكون فكرتي نسيت كلامك يوم عزاء عفراء وحياتك ما نسييت ولا حرف ولا راح انسى وبدفعك تمن كل كلمة حكيتيها خلّي ببالك ماريا بنت الروسيه متل ما بتسميها، ما بتسمح لأي حدا يطالع عليها حكي شروي غرووي فهمتي؟؟
تحجي وتصيح وامي تصرخ من ايدها وتفشر عليها ردت اكومها جريتها من أيدها الجانت مكسورة صرخت وطكتني حييل
ماريا:: ووولك انتِ شوو مفكرة حااالك لسه عم تمدّ ايدها يا الله لسه
تحجي بحرگه وتفتر شايله اديها وتدور شي تطك بيه امي وكفت على حيلها لامه أيدها الصدرها وشالت راسها بغضب
ميلاد:: عاتبيني لو خليتج تعرفين ليلج من نهارج
ماريا:: اي رووحي روحـــي وشو ما بدك اعملي
دارت عيونها من ماريا الي هزت راسها
-اردلج ريـــمه اردلج، وانتِ خايبه بت السكط لو ما لوعيتج وكسرت ظهره انه مو بت امي.
دارت وجها وطلعت ركضت الباب الحوش سديته وماريا طبت للهول تركض الحور مشيت بساع جريت شمس الحضني امسح عيونها راح صوتها من البجي وماريا بساع تغير صوتها وتحجي بقهر
ماريا:: ليكي مــاسه قالت ما تعطيها حليب الا اذا كانت ...
عگدت حاجبه تريد تتذكر الحجاية شالت الگماط والحضينه
-الا لما تكون ملفوفه بهدول.
-مگمطه.
-ااي، وانا حسيتها متضايقة فتحتها وهلق جاعت ماعرفت شو اعمل اجيت لعندك بس لتلفيها
سكتت بست شمس احاجيها
-تعاي شموسه نشوف داده؟
تعاينلي بزعل ومدت ايدها لوجهي تمسح عيوني مثل ما مسحت عيونها بستها ومشينه كعدت بصف ماريا
مديت رجليَّ وحده بصف الثانية وفرشت الحضينه عليهن اخذت حور من أيدها حطيتها على رجليَّ گمطتها وحطيتها بحضني وشمس تدك على صدرها تسكت بيها وتدنك تبوسها
-اووه اووه
جرتها ماريا تبووسها حيل. وتدغدها
ماريا:: لك تؤبري قلبي قديش حلوه، اي شباحة هالوش، بدي أكلك اكل.
حطت شمس بحضنها وتعض بيها وتشاقيها وشمس تضحك بصووت عالي سكتت حور بحضني ودرت الماريا احاجيها
-ماريا شلون تطلعين هيج؟ لا حجاب لا عباية.
عضت شفتها منحرجة وحجت مستحيه
-ليكِ هيك وقت بيكون الكل خارج الضيعة عشان هيك قلت لحالي مالو داعي .
-لا يروحي شلون ما اله داعي احنا حتى من نطلع للحوش نخلي حجاب على راسنه خاف واحد من الولد صاعد على السطح صاعد على نخله على شي ما يشوف شعرنه، انتِ اجيتي هالدرب كله من بيتكم لبيتنا بلا حجاب شلون يصير ماريا؟
دنگت ضايجة
ماريا:: ما بطيقو يا دوب عم علم حالي البُس تياب يكونو اوساع وطوال.
-حقج لان ما متعلمه بس ميخالف شويه شويه تتعلمين عليه وعلى العباية هم ستر الج ومايلوحج حرام لان شعرج ومفاتنج حرام يشوفهن غير محارمج، وهم حتى محد يحجي عليج وعلى اخوانج ترضين يغثون مــيثم وبريا بسبب لبسج؟
وهي مدنگه هزت راسها لا عيونها انترسن دموع وتجر نفس بحسره مختنگه وضايجة من كلشي وحقها بلحظة انگلبت حياتها وكلشي تغير.
مسحت عيونها وشالت راسها تعاينلي
-ماريا شعدج وي امي؟ ليش هلكد كارهتها ما اتذكر هيه حاجيه وياج شي؟
-حكيت كتير من قبل لا تقلعيها كل ما شافتني تقلهن هي بنت خليل وبتبلش تحكي شروي غروي وحكي ما بينقال وبالاخر بتقولهن اذا بدكن تخطوبها تعوا لعند لشاكر.
دنگت ميته من الفشلة هسه شعليج بالبنيه ليش تحجين لا يمج ولا گربج حاطتها برگبتج ليشش. مديت ايدها على رجلي
ماريا:: لا تزعلي مني ريـــمه بس امك وحده حيوانه ومابتنطاق .
درت وجهي متفشله مالي عين حتى احجي جرت نفس تمسح على زندي درت وجهي عليها تعاينلي مبتسمه وعيونها الحلوات جنهن بحر متروسات دموع حجت بصوت مخنوك
ماريا:: ما تزعلي وتضايقي حالك، كلنا منعاني من نفس المشكلة، انا امي مش احسن من امك.
هزيت راسي اي متحسره
-الحمدلله على كل حال
شمس واكفه بصفها تلعب بشعرها وتبوس بخدودها عاجبتها كلساع تجرها ببوسه وتودي شعر ماريا مناه وتجيبه مناه، شافت شعرها طويل ويتگلب عاينتلي بضوجه ومدت ايدها على راسها تجر الشكاله من شعرها ضحكت وجريتها الحضني وخرتها من راسها وفتحت شعرها
ماريا:: بدك متل شعري؟ لك يقبشني جمااالك لك انتِ شوو شووو عسل أشطه؟ شوو شوو احكيني.
شبگت عليها جنها مخبله تبوس وتعض وشمس تضحك بصريخ وحور بحضني تضحك على صوتهن .
كامت ماريا تريد تروح
-ضلي يمي.
ابتسمت بحماس وخجل رافعه اكتافها
ماريا:: بريا لساته نايم بدي جهزلوا فطور وفيقوا .
-عزززا بعينج بريا بالبيت وطالعه هيج والله لو شافج يكصص رجليج.
احجي وياها وهي اخذت حور من ايدي جريت شال ألفه على راسها واغطي شعرها تضحك وتكلي
-ليكِ لبست جاكيته كرمال مايحكي.
باوعت لعيونها واحط باطراف الشال جوه القمصلة رفعت حاجبي
-هاي قمصلة اخوي ســليم والله لو شافج لابستها يتسودن
كش وجهه وتصيح لعبانه روحها
-يععع كرمال الله عم تمزحي؟؟
طكيتها على زندها
-الوصخة ترحين فـــدوه وشبيه ســليم خاب يلمع والله اكو بنظافته اكو بحلاته.
گلبت عيونها ما راضيه
-ااي دخيلك لو ماكان اخوكي كان شايفتيه شرشوح متل ما انا بشوفوا.
كرصتها من زندها صرخت وشمس تجر برجلي ماترضى اطكها
-أحجي على اهلي ولا تحجين على اخواني.
ضحكت تركص بحواجبها
-يؤبر قلبي سلطان شو رجال بس سليم شرشوح.
حجتها ومشت تطلع من بيتنا مشيت وراها وشمس كاضتها من أيدها وكفت بباب الحوش
-خل البسج عباية لا واحد يشوفج.
ماريا::ابتسمت لالها مطمئنه لخوفها عليَّ
-لا تخافي رايحه دغري على البيت ماحدا يشوفني.
-يله بساع روحـــي.
ابتسمت ومشيت، حامله حور بأيدي بس وصلت عالبيت حطيتها بمهدها بالصالة وعملتلا رضعتها لحتى نامت، قمت من جنبها للأوضة فتحت الباب عليه لساته غرقان بالنوم وغايص بالفرشة سكرت الباب ورحت على المطبخ احكي مع حالي بالحكي العراقي كرمال لما يفيق بريا من النوم احكي عراقي لحتى مايتضايق.
لما كملت الفطور رحت للأوضه متردده وموتره مايتركلي مجال كون اخت واهتم وكل ماصلح الامور بينا بترجع تتكركب، بالاخص لما يروح عشغلو بيرجع كأنوا غريب.
وقفت قدام التخت اطلع على اكتافو يلي كلا ندوب وأثار جروح توجع القلب، لمستون بأيدي تحرك بتعب ابتسمت لما سمعتوا يهلوس بأسمها، لمست رقبته وتضحكت بصوت لف عليَّ بعصبيّة
-صباح الخير، اعتذر ردّت فيقك، اصحيك، نسيت شو يقولوا بلهجتكن.
احكي سريع موتره من رده، مسح وجهه وتطلع فيه صوتو مكسر
بريا:: اكعدنك.
-ااي صحيح هي.
وقف قدامي يلبُس تشيرته ويتطلع فيي لما كمل تقرب وباسني من بين عيوني بيسأل
-شلونج؟
تطلعت بعيونو كل سعادة هالدنيا مو كافيتني ضحكت
-منيحه كتييير.
قرصني من خدي ومشي وانا اجري وراه وين مايروح
-عملتلك فطور، اقصد ريوق
-ريوك
.-اي ريوك لبناني
-غسل ورجع لجنب حور شالها من مهدها يبوسها ويتشمم ريحتها المسك، اخذت الفطور خليته جنبه رجع حور لمهدها وبلش ياكل
-طيب؟
بريا:: يخبل عاشت إيدج، هاي الخبزة بيها زعتر؟
-اي شو كانُ ماحبيتها، اتركها هي بالجبنه أطيب شوفها.
واضح من ملامحو مو عاجبته يلي بالزعتر بس ما بدو يزعلني ويكسر بخاطري ابتسم لما اكل من يلي بالجبنه
بريا:: اي هاي طيبة
-آي بالهنى
ابتسم يتطلع فيي وانا مابعرف شو بدي اعمل من الفرح
اختفت ابتسامته وسأل بتردد
بريا:: ماريا، هالمده هم شايفه مرتي؟
سكتت احاول اتذكر كيف مــاسه بتحكي عراقي واحكي متلها وهو ناطرني بس لحتى يتطمن
ماريا:: اي انا وماسه نروح لالهم.. هيك كل يومين آو اكثر هي منيحه بس مو كتير حزنها عاختها باين بملامحها.
تضايق وسكت بياكل ويفكر لحتى خلص فطور سمعت باب الجنينه يندفش، قام طلع لعندون تطلعت وراه من باب الصاله شفتن ســليم ووهب يسلموا عليه ويحضنوه كأنُ غايب عنن من شي سنة.
خفت سليم يحكي شي ويخرب يلي صلحتوا مع بريا وطول الوقت موتره وخايفه لحتى اجت مــاسه وحكيتلها
مــاسه:: گـــلبي اوجعني من حجتلي على تهديد ميلاد بس ماردت اخوفها گتلها
-ختولي مالج غرض بيها.
ودينالهم چاي وهي ابد ما مرتاحة خايفه لا ســليم يحجي شي يم بريا وبريا يزعل منها، شويه وراحوا وبريا رجع للهول يبوس حور وهي تضحكله مكيفة عاينتله حسيته هالمره حيل تعبان كعدت يمه احاجيه
-ليمت كعدت؟
بريا:: والله ماصار هواي گبل شويه كعدتني ماريا ولو ضاله عليَّ لا للعصر وما كاعد كاتلني النعاس
-شني مايخلونكم تنامون؟
حط حور على صدره يتثاوب
بريا:: لا وين تناملك ساعة ساعتين ويجونك يله اكعد بدأ واجبك، تضل ودك تحط بعيونك ملح حتى لا تغفه وانتَ بالواجب.
هو يحجي وماريا من يمها كاش وجها عاينلها ابتسم وفتح ايده كمزت الحضنه مكيفه وطااايره من الفرح حطت راسها على زنده شبگها وي حور وباس راسها كتله
-عدنا اثنين جهال احنا ماريا وحور
-ههههه الخايسه ماريا.
يغلط عليها وهي تضحك رد باسها من راسها استغربت كل مره من ينزل جنه مايعرفها وكل الاجه ببالي حس بيها من شاف كهلان خسر عفراء.
كمنه للمطبخ نسوي الغده ومتانين مــيثم يحاول يرد من وكت من بريا ينزل علمود نتغده سوه، وبس اجه بدأ مناگرهم على حور بريا يگله نفس عيوني وميثم يگله لا من تكبر تصير نفس عيوني وهوه اصلاً ماكو هواي فرق بين لون عيونهم، شالتها ماريا من بينهم كالتلهم تشبهه عيوني كامولها اثنينهم اخذوا حور منها وكل واحد كضها منّ صفحة
مــيثم:: اشهدي الحق كولي مثل عيونك.
بريا:: فنننج اگطع شعرج احجي الصدك غير عيونها يشبهني.
وهيه ميته من الضحك بين اديهم يردونها تحجي ماتگدر اختنگت كد ما ضحكت، للعصر كلمن طلعله الولد اجوا اخذوا بريا وراحوا وميثم مشه للگيعان ربع ساعة واجتني بــدور ووياها رضا. اكيف بيها من تجي يمنه حتى لا تحس روحها محد عدها وتضل مصاحبه هذنيج البنات
كعدنا نسولف تلاثتنا وبس ماريا اخذت رضا وراحت للحديقة عاينتلي بــدور بخوف
بــدور:: اريد اكلج شي
-يمه گـــلبي
مسحت وجها محتاره .
بــدور:: عاينــي مــاسه انتِ كلتي البنات عوفيهن وانه صدك عفتهن وعلي ومن يگللي تعاي ويانه ما ارضى ولا اروحن وصاحبت بنيه فقيرة بس طلعت گرايب مرت علي ابن غانم المهم معليه بگرايبها دام هيه خوش بنيه وحبابه .
-عفيه والله احسن شي سويتيه خيولن يجيبلج المشاكل وسوايتهن حرام انتِ تتسترين على الحرام؟
مدنگه عيونها متروسه دموع وتهز راسها لا تدنيت يمها امسح عيونها كالت
بــدور:: المشكله نفسهن الجنت اروح وياهن بس حتى اوكفلهن لا وآحد يشوفهن نفسهن هسه يحجن عليَّ يم البنات ويكولن بــدور جانت تطلع تشوف صاحبها وتاخذنه وياها نحرسلها المچان لا واحد يشوفها .
فتحت عيني حيل مصدومة وهيه غطت وجها تبجي
بــدور:: والله ما مصاحبه وبعمري ما محاجيه ولد وجنت اروحن وياهن لان صاحباتي وماردت يعوفني، گلبن كلشي علي ووين مايرحن يكولون بــدور مصاحبة وتاخذنه وياها حتى تشوف صاحبها.
جريت ايدها من وجها ميته من الحركة اتمنى اكضهن جا كسرت ظهرهن، مسحت عيونها احاجيها
-خل ياكلن تبن باجر أمر على مدرستج اطيح حظهن واهددهن احجي الاخواني واخليهم يوصلونها الاهلهن.
تشهك بخوف وترجف
-خاف صــيهد يسمع؟
-لا مايسمع مالج غرض لا تخافين انه باجر اجي وياج لمدرستج.
مسحت عيونها ميته من الحرگة ضلت يمنه شويه وراحت تحلفت باجر اروحن وياها لمدرستها واطيح حظهن هنه وشكو وحده وياهن، عضيت ايدي بقهر حذرتها من الاول ما مشت بحجايتي.
""
رنـــه :: قلقتني ريـــمه من اجيت من المدرسة للعصر وهي تطب الغرفتها وتطلع عيونها مورمه اسألها شبيج تهز راسها ماكو شي وتسكت، وطرواده اجه من الكليه بس بدل باس شمس ومشه للگاع ، طفت الكهرباء العصريات فرشت وكعدت بالحوش كتبي يمي وزهره تكتب كاعده بصفي وحسين حاط شمس على رگبته يلعب وياها ومخليني كاضه گـــلبي بأيدي خاف يطيحها
-حسين وعلي لو طيحتها اگطعك.
عاينلي يضحك الضحكة شمس
-لا تنگين وهيه ماتطيح.
ضليت اعاينلها ولا گدرت انزل راسي واقرأ لمن نزلها واجتني تركض شمرت روحها بحضني شبگتها أبوسها حطيتلها دفتر وقلم وكعدتها بصفّي تشخبط يله كدرت اقرأ، ربع ساعة واجه عبود ايده ما تطيح من گلبه هاي المده كلها كد ماتعبان، كعد بصفنه مبتسم الشمس دنگ باسها يغمض عيونه ويجر نفسس طوويل شبگته وكف شايلها
-رنـــه راح اخذها المنذر يريد يشوفها.
ذبيت القلم من ايدي ووكفت اخذتها من أيده اسأل
-اجه عليها؟
-لا انا راح اوديها
-وتبات؟
تحسر ومد ايده يتلمس وجها هز راسه اي
عبود:: بنته ويشتاقلها.
دنگت كوه احاجيه
-اي، خلي ابدللها.
اخذتها للغرفة توني مسبحتها بدلتلها ومشطت شعرها حطيتلها هدوم بجنطة صغيره جابها الها وهـــب ضميت وجهي برگبتها اشمها حيييل بستها ولميت وجها بينّ ايديي
-روحـــي يم بابا وباجر تجين يمي خوش؟
مدت اديها تكض وجهي مثل ما انه كاضه وجها باستني شلتها وطلعت گـــلبي وروحي يرحن وياها، عبود واكفلنه بالحوش وطب طــروادة اجه علمودها من الگيعان غسل اديه وذب الچفيه من راسه فتحلها اديه
طــروادة:: تعاي خالي
مشتله تطبطب بحذائها وفاتحه اديها مثله
-خالو.
شبگها وشالها من الگاع
-يابعد روح خالج يا بعد عيوني يبت روحـــي
يريد يبوسها وهيه تضوج لان شاربه ولحيته عاليات حيل يضوجنها، باس اديها يحطهن على خشمه ويشمهن حييل
طــروادة:: ها خالي شمسي يا بعد گـــلبي
تضحكله بدلع وتبوسه بخده، اخذها وطلع وي عبود حطاها يمه بالسيارة يله رجع التعب ماكل وجهه اكل عاين بالبيت ورد عاينلي يسألني
-جا ريـــمه وين؟
-اظن نايمه ما ادري.
أشرلي براسه تعاي ما يريد حسين وزهره يسمعون وكفت گدامه عاينلهن وحجه بصوت ناصي
طــروادة:: بيها شي؟ واحد محاجيها ابوها امها هم جايين علينه؟
هزيت راسي لا
-من انه هناه محد جاي بس ما ادري خاف من انه بالمدرسة
مسح وجهه بحيره توه يريد يروحلها واندك عليه الباب اجه صــيهد اخذه وراح ، رديت كعدت بالحوش كوه على روحـــي ادرس بس اريدن اشغل عقلي وما أفكر باشياء تمرد گـــلبي.
اجت ريـــمه كعدت يمي تقري زهره وأيدها على خدها، حسين ماكو بس گلب بالكتاب كال
-كضيت رايح للگيعان وره طــروادة.
تلفتت ومديت ايدي جريت الخيزرانه مالي خلك روحـــي
-اكعد اكضي دروسك
-ترى كضيت شني؟
-شكضيت؟ ليمت كضيت الكتاب هوه انتَ؟ شو بس گلبت بيه اكعدد.
خزرني ماراضي وصاحتله ريـــمه كعدته يمها وتسأل على دروسة قرته شويه يلبگ لبگ بس يريد يكضي طبك الكتب حطهن بالجنطة وطلع يركض يلحك طــروادة وصيهد بالگاع.
وزهره هم كضت وكامت تضم جنطهم درت الريمه احاجيها
-شبيج اليوم ياهو وياج؟
دنگت متسحره والدمعه تفتر بعينها بأطراف اصابعها تمسح على الزوليه
-احجيلي ريـــمه.
شالت راسها مختنگه تلفتت مناه ومناه وحجت بصوت خانگته الغصه
-اجت وتهدد تخلينه يطلگج لو اسولفله انتِ شمسويه، رنـــه تعبـــت والله تعبـــت شتريد مني شخلت بحياتي؟ لا عشت طفولة ولا شباب من وراها شترريد مني بعدّ شترريد.
لطمت على رجليها تبجي جريت ايدها
-ليش سكتي كليلها هذاك طــروادة وروحي سولفيله وخل يدري انتِ شمسويه بأمه وشلون استغليتيني حتى يحرك بيتكم عليكم وينعل والديكم ياچلاب
مالت براسها تبجي
ريـــمه:: خفت وگتلها يدري.
-خررب شبيج ريـــمه شبيج منين تخافين.
مسحت عيونها
ريـــمه:: اريد اسولف كلشي الكهلان. لحد يا وكت أضل خايفه لا واحد يحجيله.
-مو وكتها عاينــي حاله شصاير بيه هسه تصدمينه خل شوي يصير زين وساعتها احجي بس هسه لا ريـــمه يموت والله.
-خاف هيه تحجي.
-ما تحجي لو رادت تحجي جا كبل راحت تگله بس اجت تهددج بلكن ترضين بحجيها تدري بروحها ما تگدر تحجي الطرواده .
سكتت تمسح بعيونها ومحتاره
-ليش ما گتيله انتِ حامل.
-خفت يضوج لان مو وكتها.
-ياهي مالتج انتِ شني المو وكتها كليله احسن حتى بلكن شوي يفرح شي خايفه عليه انه.
هزت راسها خوش ضلت خايفه من سوالف امها وانه بس اريدن تنسه وماتفكر بحجيها لان ماتگدر تسوي شي، لمن اجت الكهرباء وطبينه للبيت وكفت يمها وهيه تسوي عشه احجي وياها وبالي كله يم شمس اضل الوب مناه لمن تردلي .
اجت زهره تركض جايبه تلفوني يدك مسحت وجهي ودك گـــلبي وي دگة التلفون وخرت على صفحة وجاوبته
-الو.
بريا:: افدي هالصوت انا..شلونج؟
-الحمدلله انتَ شلونك بعدك نايم؟
-لا وين كعدت وطلعت وي الولد وهسه اريد اجي اشوفنج ردت إصبر لباجر بس بعد ما اگدر كلساع اعبر من يم سياجكم .
مسحت وجهي وشلت راسي اعاين لريمه تهز راسها شكو
-الولد ثلاثتهم مو بالبيت.
سكت متحسر وانه محتاره هم مشتاگه اشوفه ماكو شي يواسي گـــلبي گد شوفته، گال
بريا:: هاي هيه حبيبتي خليها باجر اجيج واذا رضى طــروادة نطلع
-وين؟
-وين ما تردين انتِ بس اهم شي مو للمرعى.
-هههه.
-اضحكي يابعد روحـــي والحسين مشتاگ الضحكتچ طك گـــلبي .
دنگت ساكته وزهره تدنك وياي تعاين لعيوني وتضحك جرتها ريـــمه ساده حلكها واثنينهن يتصنتن وياي، جر نفس طويل وزفره
-رناتي
-هممم.
-احبنج.
درت الريمه وهيه خازرتني وتعض بايدها تأشر كليله انتِ هم، ضليت ساكته وزهره من يمها تغم بروحها گال
-يله خل اروحن باجر اشوفنج.
-هلا بيك.
سديت التلفون منه صاحن اثنينهن.
-ليش ما تكليله احبنك؟
-يدري احبنه ومالي خلك كلساع احجيها.
تنرفزت زهره ماراضيه تسوي
زهره::اوووف ماتعرف تحجي شي، كليله وانه احبنك يا گـــلبي وشريان گـــلبي .
ريـــمه:: ياااا.
مديت ايدي جريتهاا وريمه كضتها من اذنها
-منيلج هالحجي ولج
ريـــمه:: ولج اخوج ما متغزل بيه هيج منين جبتي شرياك گـــلبي.
تضحك تجر روحها من عدنه راحت ضحكتها وعاينت لعيوني عيونها انترسن دموع وحجت بغصه
زهره:: جنت دوم من تجينه عفراء وتخابر منذر اتصنت عليها هوه يگلها احبنج گـــلبي وهيه تگله احبنك يگلبي وشريانه
درت وجهي بساع وكمت من يمها دموعي يجرن واسمع شهگتها وبجيها بحضن ريـــمه، طبيت للغرفة وسديت الباب كعدت بالزاوية صارلي باليومين اداري دموعي وماباچيه چيه حلمت بيها ضايجة من عدي ومن بچيي عليها .
شويه واجتني ريـــمه تريد اساعدها بالعشه بس تريد تشغلني وياها حتى لا ابجي كمت وياها للمطبخ كضينه العشه وتانينه الولد لمن ردوا صبينه من شمس هنا ونكعد على الصينية نحجي وياها تجبرنا نضحكلها ومن هيه يم ابوها ناكل ساكتين الحد ما انگوم، توه طــروادة شرب الچاي واجوه شيخ حيدر وولده مشه يمهم للدوانيه والولد هم اجوا يمهم كالت ريـــمه
-شيخ حيدر يريده يزين ويذب الاسود ماراضي عليه، جايبله دشداشة اللوان وجايب ابنه الحلاق وياه
نتصنت عليهم طــروادة مارضى كاله انا بعدين ازين وضلوا كاعدين سوه سمعت صوت بريا يمهم درت الريمه مبتسمه
-حتى بريا هناه.
ريـــمه :: شلت حاجبي اغمزلها
-وهيج تميزين صوته من بينهم كلهم انه عدي هو واخواني وولد عمي نفس الصوت.
ضحكت تمسح بوجها ضلت شويه كاعده تسمع سوالفهم وكامت للغرفة تستاحش حييل بيوم الشمس مو يمها وحتى طــروادة يكضيها حسرات وكلساع يخابر منذر على ابو يسأل على صحته ويحاجي شمس بالتلفون تكضيها وياه خالو.. خالو. وهو تروح روحه وده يطبلها من التلفون ويبوسها.
لملمت وعزلت البيت .
شيخ حيدر وولده راحوا ضلوا بس ولدنه طبيت للغرفة بدلت وتمددت بفراشي گـــلبي معصور وفكري مشغول احجيله كلشي لو امشي بحجي رنـــه واصدك امي ما تگدر تسوي شي لو شني الاسويه، ودي احجي السلطان وسليم كلشي واخليهم همه يتصرفون بس اخافن لا تشوفهم ضدها وتسحرهم ما اريدن اجازف وأخسر اخوتي، سلطان الشافه يكفيه ماعايز.
تحسرت اتگلب بفراشي بحيره جريت تلفوني عاينت للساعة بهدعش، كتبتله رسالة على الرصيد وگلبي يدك حييل
-افتحلي نت.
دقايق وانفتح النت دخلت ابحث على صور اطفال مرتبكه مدري شبيه مستحيه احجيها بوجهه واكله انه حامل خاف يگول شكد بطرانه وانا بيا حال.
دورت الحد مالكيت صورة طفل بالگماط وديتها اله على الوتساب وكعدت على حيلي مرتبكه وگلبي يدك بقوة ربع ساعة عدت يله شافها ووين يله كتب
-تشبهه شمس؟
حطيت وجهي بالمخده اغلط على روحـــي وعلى أفكآري
رديت دورت بالصوره لكيت صورة حامل كصكصتها خليت بس بطنها ووديتها اله كطع گـــلبي يله فتحها ودالي علامة استفهام وراها كاتب
-ها ريـــمه ؟
عضيت ايدي وطبيت للصوره حقه مافهمها جا مكصكصتها ومخليه بس البطن يجوز عباله طوبة ذبيت التلفون وتمددت مغمضة عيوني بحيره تذكرت ورقة التحليل كمت طلعتها اعاين بيها ورقة وعليها كتابة بالانگليزي شراح يفهم اجرب اخليها بأيده واشوف.
التفتت على فتحة الباب درت مرتبكه وضميت الورقة وره ظهري عاينلي ودار مشه حط تلفونه على الشحن
-احم الولد راحوا؟
-اي.
هزيت راسي خوش اجه يمي رجعت ليوره عاينلي ورد عاين للكنتور بدل هدومه وكعد على الچرباية مغمض عيونه ظهره يوجعه طفيت الضوه خليت بس الباجورات تدنيت يمه گـــلبي يدكك حييل شال راسه يعاينلي مديت ايدي البيها الورقة مد ايده يريد ياخذها ويسأل
-شنو هاي.
فتحها يعاين بيها وتدنه على الضوه اليم راسه كعدت على طرف الچرباية اطكطك بأصابعي بس اريدن احجي ماكو نبلع صوتي دار عليه مسح وجهه كوه يحجي
-شنو هاي ريـــمه؟
عاينت بوجهه مرتبكه
-انه.. حامل.
عاينت لعيونه صافن بوجهي ومركز وي عيوني لحد ماضلت عينه تلمع مد ايده جرني من زندي الصدره شبگني حييل احس اديه منطويات على ظهري بقوة ضميت وجهي بصدره والشهگه جلبت ببلعومي، يبوس وجهي ورگبتي
وخرني من صدره كاض وجهي بأثنين أديه ويسأل صوته يرجف
-من ليمت؟
-من تخربطت واخذني سلطان بس خفت اكلك.
مسح على خدي ووخر شعري لوره اذني
-ليش خفتي ؟
-حسيت مو وكتها وخاف تضوج.
ابتسم هز راسه لا وردني الصدره حطيت راسي على گلبه مغمضه عيني وهو شابگني ويمسح على ظهري گلبه يدك حييل ابتسمت
-كهلان.
-هاه عيوني.
-اروحن فـــدوه لعيونك.
دنك باسني. بشعري وجر نفس طووويل
-گلبك يدك حييل
-فرحتيني، واتمنى عفراء موجودة واشوفن فرحتها وضحكتها.
حطيت ايدي على گلبه امسح عليه
-عفّره ويانا، ولا تنسى عدنه عفراء صغيرونه شفت تصرفات شمس حنيتها من واحد يبجي جنها امها تمسح دموعه.
وخرت من صدره هز راسه اااي عيونه ضلت تلمع بعد ماحطهن بعيني جر المخده مالتي طبطب عليها ورجعني تمددت غطاني عدل ونزل من الچربايه وكف كدامي مد ايده تلمس خدي
-نامي ريمي.
-وين رايح؟
-اطلع شويه واجيج.
سكتت أعاين بوجهه دار اخذ باكيت الجكاير والجداحة وطلع ضليت بفراشي افكر بيه الحد ما غفيت ما ادري شكد وكت عده وحسيته رد للغرفه جرني الحضنه يبوسني ويشمني يردد
-يا بعد روحـــي ريمتي .
وانه النعاس داگني شلت آيدي عبرتها اشبگه ريحة الجكاير تارسه هدومه وصوته ذاك هوّ مبحوح، ضمني الصدره حييل ألحد ماغفيت وأيده الدافيه محاوطتني.
الصبح هوه ماداوم عده شغل بالگاع اجاه بريا يعاونه وانه ادري بيه يحرمص علمود يخليه يطلع وي رنـــه مشوا للگيعان سوه بالعشرة ردوا للبيت كعدوا بالحوش هوّه وسلطان وبريا، سويتلهم چاي وديته الهم ورديت بلمطبخ فاتحه الشباج اعاينلهم واسمع سوالفهم كدامي كاعدين وبريا يسولفلهم على اجازته لحد ما كضت سالفته تحمحم وگاله
بريا:: كهلان اريد اطلع وي اختك.
وطرواده عاينله بصدمة النوب استوعب رنـــه خطيبته دنك يشرب چاي وسلطان يشرب والضحكه كاضته ويحجي يخنك
سلطان:: فـــدوه اروحنلك ربي وحده بوحده الحك يرد مربع الف الحمدلله.
وكهلان يعاينله بخزر اشرت السلطان بأيدي، لا تحرك كلب رجلي اذبحك غماني وغماه وبريا جلب رد گاله
-ها شگلت؟
-لا.
بريا:: شني لا؟
-عدها امتحان باجر.
-لا ماعدها أدري بيها.
جلب وكهلان مايدور عليه يشرب چاي ويعاين گبل گاله
بريا:: والله تعبان ومهدود حيلي وطلعت وياك للگيعان حتى ينكسر خاطرك عليَّ وترضى تخليها تطلع وياي.
حط الكوب بالصينية رگع ودار عليه
كهلان:: ماينكسر خاطري
بريا:: بداعت مرتك.
-انچب.
-شمالك كهلان وعلي ساعتين واردها
-ووووين؟
-هيج للمدينه هيه تريد شمس وياها يجوز نروح للالعباب.
هز راسه لا ضايج وسلطان يضحك
سلطان:: يخاف لا صــيهد يگله مابيك خير بريا يطلع وي اختك وانتَ ساكت.
بريا:: خل ياكل تبن صــيهد جا انتَ ما تطلع وي اخته؟ مــيثم مايطلع وي اخته؟
واجانه الغضب من وره السياج صاح
صــيهد:: ياهو الياكل تبن ووولك ابن الروسيه اشك حلگك وحلگ الخلفوك اليوم.
وربد باب الحووش حيل وبريا فز يگلهم
بريا:: هذا ما مداوم اليوم؟؟
سلطان حجه بضوجه ماعاجبه گاله
سلطان:: لا ما مداوم شلون طــروادة ما داوم حتى مرته غيبها الخايس مربوط بطرواده .
وكف طــروادة يمشي يريد يفتحله الباب وبريا مچلب بأيده
بريا:: صددك تحجي ... صيهدد لا تطب لا تطب زحمه هاي مرت طــروادة بالحوش مفرعة
صــيهد:: ابن الصخللل تعاااال
يصيح بصوت عالي وبريا افتر يريد يشرد من باب الحوش الثاني وسلطان كضه وصاح
-تعااال صــيهد تعااال جذب أختي بالمطبخ
دفع الباب حيل وطب بأيده خيزرانه بريا بساع فر ايده على روحه وصاح
بريا:: خطة العباس ما تنجاس تگطم الرگبه والراس.
وصيهد بس وصله طكه على رجليّه بالخيزرانه كمز يغلط
بريا:: شتعلوا اجدددادك.
صــيهد:: بمايك بزادك اناا ياهو الياكل تبن وولك؟
بريا يفرك برجله وجلب بظهر طــروادة طكه على ظهره يگله
بريا:: رجل اختك انا احميني.
سلطان يصور بيهم يضحك عليه بس طــروادة ماله خلك كوه يبتسملهم، شويه وضلوا يسولفون وسلطان اجه يمي للمطبخ حاجيته على هاجر گال
-ماترضى تجي يمي
-يجوز امي وابوي مايرضون وهل تكلك لا.
تحسر يمسح بوجهه
-تعبـــت منهم ريـــمه ابوج متعارك وياه انا ما احاجيه صارلي اسبوع.
-يا عليمن ؟
دار وجهه ورد عاين من الشباج شاف الولد بعدهم كاعدين حجه ميت من القهر
سلطان:: ريـــمه ابوي يريد يطرد كل ولد عمامي من القرية ولد عمي خليل وصيهد ووهب ويشرد حتى طــروادة سمعته صدفه يحجي وي امج، ريـــمه ابوج يريد يعيد السواه شعلان مثل ما شعلان طرد اخوته وولد اخوته وخله القرية بس اله والولده ابوي هم يريد يسوي هيج.
وامس معلك خنجر بباب بيت مرتضى والنوب اجاني جايبلي خنجر وجاي تعال علگه ببيتك تعاركت وياه ما رضيت وبس طلعت ورديت لكيته معلكه ورغد تبجي غالط عليها لمن مال، كضيت الخنجر وذبيته بالشط
حجاها غاص دار عيونه من عيوني الشط گبال بيته وما عده يوم اذا ماكعد على الجرف ساعة ساعتين روحه وگلبه ضلن بهالشط .
گـــلبي انمرد ماشاف جدي شني الحصله بحياته حتى هوه يريد يعيد سوالفه، ضلوا شويه يمنه ومشوا، وگبل ما رنـــه ترد من المدرسة اجه منذر جايب شمس لابسه بدله جديدة غير الراحت بيها وجنطة وي جنطتها شلتها ابوس بيها تضحك للهوه اشرتلها على هدومها
-الله شلون بدله حلوه هاي ياهو جابها؟
وهيه تضحك وتمسح على بدلتها مكيفه لان گتلها حلوه
-ياهو جابها الج
جرت الحجايه جر
-عمووووو... مااادن
بستها حييل لمن طب طــروادة أخذها من ايدي بساع غطت خدودها بأيدها تتبزز من لحيته ضحكلها
-ولج خالي ما ابوسنج.
-كهلان حلق والله خطيه وجها يتحسس.
ابتسم يعاينلي
-وانتِ؟
دنگت مبتسمه
-انه عادي ما اتحسس احبنها.
مد ايده جرني جوه ذراعة وشايل شمس بأيده الثانية گالها
-شمسي ياهي هاي؟
عاينتلي شمس تسويلي بوسه ضحك گالها
-خالي انتِ طالعه علي دام كل مشاكلج تنحل ببوسه.
ضحكت شابگته من رگبته نزلها بالگاع كعد سوه رجله مثل الكرسي كدامي كعد شمس عليها ومد أيده على بطني يسألها
-شمس هاي ياهي هناه.
مدت أيدها تكض بطني نفسه كالتله
-عمعم.
ضحك وماگدر يصبر باسها يريد ياكلها وهي تصرخ بضحك .
لمن اجوا من المدرسة رنـــه بس سمعت صوتها طبت تركض جرتها من ايد طــروادة شبگتها تفر بيها وتصيح
-هلاااا هلااا يا روحـــي هلا يا عمررري.
اعاينلهم وگلبي يوجعني يلتمون عليها جن عفراء الگدامهم كاعدين كلهم بالگاع وهيه بنصهم وبس طب عبودي شالت أديها تأشرله شالها من بينهم يضحك وهيه تريد تصعد على رگبته وكهلان انتجه على المخده يگلها
-خالي ماتشوفين رگبته شطولها جنها رگبة جمل بس تصعدين عليها تطكين بالسگف.
وحسين ماصدك كضها على عبود حتى من صبينه الغده كلساع وذاكرها لمن رزله طــروادة يله سكت اكلولهم لگمة ومشوا عبود راح وي سجاد عده مراجعة وطرواده مشه للگيعان شويه وخابرني گال
-خلي رنـــه تروح وي بريا بس لا يبطون كبل الليل يردون.
-خوش
حاجيت رنـــه ضاجت مالها خلك ماتريد تطلع كالت
-خل يجي هناه نگعد بالحوش وين نطلع هيه مال طلعه.
-لا اطلعوا احسن مو تردين تاخذين شمس وياج للالعاب؟
عكدت حاجبها مافاهمه
-اندري سمعته هوه يگول عبالي متفق وياج.
تستمر القصة أدناه
رنـــه :: هزيت راسي لا موجوعة وريمه تلح عليَّ گمت بدلت قست السكر طلع مية وعشرة بس مدري شبيه تعبانه حييل، درت عيوني الريمه بدلت الشمس ومشطت شعرها لبست عبايتي ووگفت كاضتها من أيدها لمن اجه بريا طب للحوش مبتسم ركضتله شمس شالها باسها واجه يمي اعاين بوجهه گـــلبي يدك حييل شكثر مشتاگتله تحسر يعاين لعيوني.
مد ايده لوره راسي جرني عليه طبع شفايفه على كصتي جلبت بايده وجريت نفس اشمن عطره براحة وخر ويتلمس خدي بطرف اصابعه
-شلونج؟
-الحمدلله.
عگد حاجبه ومد ايده من خد الخد
-شبيج شو عبالك تعبانه ووجهج اصفر.
مديت ايدي اكض بأيده نزلتها من خدي حاطه اصابعي بين اصابعه
-ما ادري شبيه عبالك السكر صاعد بس هوه مابيه شي
-قستي؟
-اي گبل شويه.
نزل شمس من ايده وجر ايدي يعاين بأصبعي بعده احمر من اثر الابره مال الجهاز مسح عليها
-بله جيبيه
-والله قسته عبالك اجذب.
جر ايدي ودنك باس اصبعي على اثر الابره
بريا:: لا حبيبي ما تجذبين بس خل ارجع أقيسه ماشايفه وجهج شلون اصفر انتِ.
طبيت للبيت وريمه تسأل شكو سكتت وهيه عدلت شاله اخذت بساط وطلعت فرشته اله بالحوش أخذت جهاز السكر وطلعت انطيته اله فتحه ودار علي
-تعاي.
درت وجهي ماله من نغزات الابر، كعدت بصفه بعبايتي كض إصبعي الابهام حط جهاز الابره عليه وماضغطها صافن بايدي عبالي مايعرف كتله
-دوسها مناه.
شال راسه الي يسأل
-توجعج حيل؟
سكتت اعاين لعيونه شايل هم شلون يضغط عليها مديت ايدي ضغطتها انه
-تعلمت .
وخرها وبساع اخذ دم بشريحة الجهاز عاينت وياه نفس الدرجة مية وعشره
-نفس الشي زين بس أنه مدري شبيه.
گلب بالجهاز بدل الشريحة وحط الابره على اصبعه
-ليشش؟
-اصبرري.
عصر اصبعه حييل واخذ دم منّه للجهاز هم طلعت مية وعشرة شال راسه عاين الريمه گاله
-خويه بلا زحمه بس جربيه انتِ هم.
اخذت الابره والجهاز جكت اصبعها واخذت دم بالشريحة دارته علينه هم مية وعشرة گام بساع وجرني من ايدي
-امشيي امشيي بساع.
مديت ايدي الشمس وهوه يجر بيه مستعجل شالها وطلعنه لسيارة مــيثم بالباب صعدت حط شمس بحضني وافتر صعد يسوق بساع
-لا تگلبنه.
دار عليَّ يحجي محترك گلبه بس مايگدر يلومني
بريا:: فـــدوه اروحنلج انتِ ماتعرفين اعراض السكر، من حسيتي روحج سكرج صاعد والجهاز يكلج لا ماصاعد تصدكين روحج لو الجهاز غير انتِ متحربطة وحاسه بيه.
-شدراني قسته شفته طبيعي.
زفر نفس وشال ايده يرفع بشعره من وجهه وجعت راسي على الكرسي وشمس بحضني تعاين من الجامة طبك يم عيادة نزلنه قاسولي السكر عيونه طلعن من كالوله ٣٠٠، وكضيناها من تحليل التحليل روحـــي طلعت وهوه متبهذل وياي خايف وكلساع يسأل ويستفسر لمن كضينه روحـــي طلعت اشتره جهاز سكر جديد وطلعنه جاب بطالة ماي واجه صار الغروب توه صعد بالسيارة وخابره طــروادة التلفون بيني وبينه كاتب عليه بيرغ عراضة.
فتحت الخط انه وفتحت السماعة شايله التلفون بأيدي وهوه يسوق
بريا:: الو
-ها بريا شلونك.
-هلا حبيبي
-وين اختي.
-هاي يمي
-بطيتوا يله تعال مو كتلك كبل الليل ردوا.
دار عيونه عليَّ محتار وشمس تجر بايدي تريد التلفون بس سمعت صوته ضلت تصيح
-خالو.. خالو..
بريا:: عاين تونه طلعنه من العياده وعلي من اجينه الهسه بالعياده.
شرگ كهلان يكح وصوته بساع رجف بس يريد يتنفس
-شبيهاا،شبيها رنـــه؟ شبيها بريا.
حاجيته بساع خايفه عليه
-اسم الله خويه مابيه شي هاي زينه والله بس سوينه تحاليل.
-عليج أبو فاضل رنـــه اموتن شبيج؟ ليش رحتي للعيادة شكو؟
-مابيه شي عمــري انتَ لا تخاف جهاز السكر عطلان سكري صاعد وهوه يقيسلي غلط ومن اجينه للعيادة طلع مرتفع وسوينه تحاليل للتراكمي وهسه زينه وكلشي مابيه والله.
سكت مختنك عاينت لبريا ودنيت التلفون يمه يحاجيه
بريا:: الو.. كهلان شنّي السآلفة؟
-لا تبطون بريا
- ان شاءالله هاي ساعتين واجيبهم.
شمس:: خالو .. خالوو.
جرت التلفون من ايدي كالها
-هاه خالي هاه عيوني هاه.
وهيه ترطن عليه مو كل حجيها ينفهم وفجأة تسد التلفون بوجهه، أقرب مطعم طبك يمه بريا نزل يجيبلنه اكل ضلينه انه وشمس يالسيارة تشبگني وتصيح
-دلبي
-يرووحي شمسي
-روووحي
-اموتن عليج انه.
كضت وجهي. بين اديها وباستني بحلكي فززني بريا من فتح بابي يريد ينطيني علاگة الاكل
بريا:: هنيالج انا غير الايد مابايس.
-هاه بريا؟
ضحك يهز راسه ويتلفت لا واحد يسمع
-ها گـــلبي .
-اصعد عمي اصعد.
عاف الاكل بإيدي وافتر صعد وشمس مدري منها لله مدري عرفته وتريد تضوجه كلساع تبوسني بخدوي وبحلكي وتسوي
- اححح دلبي
بريا:: شني خالي كافي راح اموتن.
شبگتها على گـــلبي
-معليج بيهم شمسي يغارون
بريا:: ااااخ گـــلبي لج جايج من حرب بوسه ما الي حجي هوه هذا؟
-اسكت بريا اسكت هسه السكر يتخربط.
ضحك ومد ايده كرص خشمي وشمس مدت وجها اله كرصها يضحك، طبك يم حديقة وبيها العاب اطفال نزلنه شال شمس وبأيده الثانية الاكل، كال
-فرشة وره تلكينها جيبيها.
طلعتها مفرش صغير قفل السيارة ومشينا كعدنا على صفحة وشمس بنصنا تطفر بينا فرحانة اخذها للالعاب بصفنه وانه فتحت الاكل لعبها شويه وجابها يضحك
-ها؟
-تريد تعارك
كعدنا تعشينا وبس كضينه رجع قاس السكر وحسره يكض ايدي تجي شمس الحضني وتجر ايديي اثنينهن تحطهن على بطنها حتى اشبگها يموت من الضحك
بريا:: ليش هيج شمسنا؟
شالت ايديي من بطنها الحلكها باستها وهوه ضحك بصوت عالي
-خرب روحك كهلان
شبگتها مبتسمه بستها بخدها درت عليه اسأل
-شكد اجازتك؟
-عشرة أيام والتحق
درت وجهي اهز راسي خوش واحجي بيني وبين روحـــي هم راح نرجع النفس الخوف كامت شمس من رجليَّه تعاين للبزونه الگدامنه تحاجيها من بعيد لبعيد، وبريا تدنى يمي جر ايدي يمسح عليها باصابعه ويعاينلها
-شبيج؟
عاينت لوجهه بحيره من ماكو ضوه قوي لون عيونه عبالك اسود
-اخافن من تروح
تلفت عاين مناه ومناه وشال ايدي لوجهه باس اصابعي ورد نزلهن يمسح عليهن عاين لوجهي
-تدرين شيصير بيه من تكليلي خايفه؟ اموتن اضل الوم بروحي يرتفع سكرها من خوفها علي من القلق، بس حبيبي خليني اكلج شغلة ترى الاعمار بيد الله لو كاعد ببيتي وساكت ورب العالمين يكتبلي اموتن اموت ولو مو اروحن الحرب لو امر بين الرصاص مايصيرلي شي اذا ما رب العالمين كاتبلي الشهادة.
دنكت ساكته ما اگدر اقنع روحـــي مثل ما هو يحجي شلت راسي اعاين لشمس ربع ساعة ورد كهلان خابره يسأل علي كتله
-زينه والله لا يضل بالك.
كهلان:: اكلج يله تعالوا خاف شمس تنعس خطيه.
-يله جايين.
-هلا بيكم.
سديت التلفون وبريا يضحك
-الخايس يخاف عليج مني
-حتى انت لو اختك مخطوبة تسوي هيج.
-اذا خطيبها مثلي اصلاً ما اخليها تطلع وياه.
-هاه؟
-لا اتشاقة وين اكو مؤدب واخلاق مثلي.
-هم انه اكول.
شال شمس يبوس بيها ويعلمها تبوسني وتكلي من بريا، نمشي بالشارع ويحجي وياها كتله
-امووتنك بريا النوب تبوسني كدام كهلان وتجيب طاريك وتعال اقنع كهلان انت ماجايسني.
-معليج معليج.. شمس شتكليلها من تبوسينها؟
-والله اكتلك بريا لا تشلع گـــلبي .
صعدت بالسيارة اخذت شمس من ايده وهوه صعد يضحك
-شلون تكتليني.
مديت ايدي طكيته بخاصرته
-هيج.
تلوى موجوع وكاض بطنه
-خرب روحك كهلان.
وشمس تخبلت عبرت عليه تشهك وتكله
-اوووه؟
-ااي خاله رنـــه طكتني ترضين.
عاينتلي بزعل مدري شلون تلوي وجها ومدت ايدها تجرني عليه وتحجي
-بوثي بووثي.
-شبووث خاله هديني.
وخرت اضــحك هيه من تتعور واكلها اووه ابوسنها وتطيب وبريا ميت من الضحك وحط ايده على خده يگلها
-هناه الاوه هناه.
9
وشمس تجرجر بيه وجلبت
-بووث بوث بوثي
-خاله ما ابوووث.
طكتني على ايدي بزعل وشالت روحها باست بريا بخده
-اوووه.
شبگها يگلها
-يابعد روحـــي تروحلج فـــدوه هذيج المره الخانسه.
جريتها الحضني
-امشي يله امشي يدور بوس
-لا تظلميني دورت بوث مو بوس.
-ههه يله خل نرجع صدك شمس نعست.
حرك السيارة الطريق طويل الشارع ظلام وهادئ نزل الجامة رجعت راسي ليوره اعاين للشارع افكاري متشتته ما ادري اذا ضحكي حقيقية لو جاي اغش نفسي الجاي أعيشه لازم اعيشه لو اوهم بيه روحـــي حتى اطلع من حزني .
مد أيده يتلمس ايدي ويحجي بدفو وحنيه
بريا:: انا وياج بكل وكت رناتي، ليمت ما تردين انا يمج تبجين تشكين تصيحين تعاركين شني التردينه تلكيني.
درت وجهي اعاينله أتأمل ملامحه ودفو لمسة ايده وكلّ حجاية يگولها يعاين للشارع بتركيز واذا يلتفت علي بساع يرجع يعاين للشارع، غفت شمس بحضني.
-احبنك بريا ويمكن حتى اكثر من ما انتَ تحبّني بس أنه تعبانه مالي واهس بشي ومالي گلب يحجي بالغزل وسوالفه وانه مفارگه اختي
احجي بخنگه ودموعي بساع جرن على خدي مد أيده على وجهي
بريا:: اشش رنـــه يا بعد روحـــي عليمن تبجين والله ما رايد شي منج وكل حجيي وياج اشاقيج حتى تضحكين فـــدوه اروحنلج لا تبجين.
مسحت عيوني ساكته وهو طول الطريق يحجي وياي ويسولف بعشوائية على شغله وعلى ماريا
بريا:: اول يوم من نزلت خطيه لكيتها مسويتلي ريوك.
-ديربالك عليها
-ان شاءالله
وصلني للبيت عبود وطرواده وسجاد وميثم وصيهد ووهب كلهم واكفين بالباب نزل يهز بأيده
بريا:: ادري شني جنت خاطفها؟
اخذت شمس وطبيت للبيت لكيت البنات عدنا جويريه وماسه وندى وماريا غسلت واجت يمي ريـــمه سألتها
-البنات زعلانات؟
-لا وولج بس حسيت ندى ووهب متزاعلين مدري شحاجاها خزرته خزره من يمي خفت بس محد جايه زعلانه هيج اجن علمودنا.
هزيت راسي خوش ومشينا كعدنا يمهن ناصبات على جوري لان صــيهد ما مخليها تداوم اليوم كاعده لاكيتها بالتسعه تكله ليش يكلها جا طــروادة مامداوم
-يله جوري ميخالف لا تضوجين.
جــويريه :: باوعتلها مبتسمه وندئ تگلها
-ولج تسوي روحها ضايجه بس هيه ميكفه.
ضحكت وگمت من يمهن الشمس وهي نايمه بستها ردتها بس تكعد العب وياها شويه ما رضت تكعد كالت رنـــه
-نامت بالسيارة.
-والله امس ردت اجي علمودها كالولي يم ابوها
باوعتلها رنـــه متحسره . بقينا يمهم شوية ورجعنا مــاسه وماريا وبدور وندى اتفقن ينامون سوه يم خالتي ايمان اني گتلهن هم ابقى وياجن وفرشنا سوه نسولف وخالة ايمان ويانه تسولف سوالف قديمة شويه وگلبت علينه گالت
-يله دوختني نامن، وين ماريا تعاي يمي عمه.
گامت ماريا من فراشها كعدت يمها ويحجن بصوت ناصي وكلنه مركزين وياهن دارت علينه
ايمان:: حطن اذنهن ويانه شمالجن؟
ندى:: عمه احجي بصوت عالي خل نستفاد
ايمان:: انتِ اخر وحده تحجي بطيطة وهـــب شمالج وياه ولج؟
ندى:: خو انتِ ما تگدرين ما تدافعيله؟ والله الا اطلع حليبج من خشمه واندمه على حچايته ابو البطوط.
جــويريه:: ضحكنه وعمه شمرت عليها المخده اكثر وحده تضحك ماريا مكيفه وبدور كضتها تفتر على امها حتى تسمعها شتسولف وي ماريا، وراحت تمددت بصفهن، طفينه الاضويه وكلمن تمددت بفراشها ونحجي بصوت ناصي انه وماسه وندى وسكتنا كلنه من اندك الباب كالت خالة
ايمام:: هاه؟
تحمحم بصوت ناصي منحرج
صــيهد:: يمه.
-ها يمه لا تفتح الباب البنيات هناه.
-اهلي يمكم؟
-اي
-صيحيلها.
دارت عيونها علي
-كومي الرجلج.
واني أأشرلها اكلها كليله نايمه نترت عاضه ايدها
-ولج گووومي.
جريت حجابي وگمت فتحت ألباب على كيف مديتله راسي مبتسمه وهو مدنك بصف الباب
-ها؟
شال راسه الي خازرني وأشر براسه
-امشي.
-البنات ملتمات اريد ابقى وياهن.
-امشيي.
باوعت لعيونه ضايجة درت جبت عبايتي وطلعت وياه روحـــي بخشمي وهو يمشي بعصبية للمشتمل دخلت ساكته مشيت للغرفة ضميت عبايتي وحجابي واحجي بصوت ناصي ادردم دخل وراي سد الباب رگع ، شايل ايده عاصر السبحة بيها ويحجي بعصبية
-انتِ وتاالي ووياج طرطور گدامج؟
-شكوو؟
يحجي بحرگه واعصاب
-كتيلي اباتن يم البنات؟ لا هيج بكيفج وين ما يحلالج تنامين وطز بصيهد مو الا اگله
رجعت ليوره اباوعله واحجي بهدوء
-واني وين بايته بالمريخ ترى ببيت اهلك مو ببيت غريب حتى ماترضى.
-گليلي گليلي يابه راح اباتمن يم الصخمات، اخااابرج ما تردين ادك الباب عليج ماترضين تگومين لو ما امي.
درت وجهي منه ساكته ومختنگه وهو يحجي بحرگه يفور مدري على شنو شمر السبحة على الميز رگع درت عليه
-ترى ما يسوه تكبر السالفة.
دار خازرني وحاط ايده على حلكه
-اششش اسكتي اسكتييي
سكتت اعاينله بعتب حط عينه بعيني ودار وجهه خرب بروحي وبگلبي الرادنك، درت وجهي اضم عيوني عنه وامسح دموعي سكته ما أريد يشوفني، بس طلع يسبح بدلت وفرشتلي فراش بالگاع يم الميز والله ما انام يمك طفيت الضوه وتمدد ظهري للچرباية غمضت عيوني من فتح الباب شغل الضوه صاح
-لا اله الا الله، صبرني عليها يا ابو الحسن صبرني عليهاا يا أبو فاضل، اللهي الصبرر الصبرر.
ولا درت عليه ولا باوعتله رجع طفه الضوه ويشمر الغراض تشمر واني احس بگلبي محترك مدري على شنو سكت متمدد بفراشها وآنه مغطيه حلكي بأيدي وابجي بلا صوت نص ساعة عدت واني بعدني ابجي واتذكر شكو سالفة تقهر شكو شي يموت من القهر والبجي اتذكره بهاللحظة، شهگت اناشغ وطلع صوت بچيي سديت حلكي عدل وبساع حسيت جر الغطا من عندي يدور بوجهي عليه ويحجي بصدمة
-جوري تبجين عليمن شسووويتلج مو احااجيج
يلزم بوجهي واني ادفع بايده اشهك واريد اغطي وجهي
-وخرر وخررر عوفني
-لج شسويتلج؟ حتى غلطه ما غلطت شبيييج تبجين شبييييج؟
وكل ما يصيح ازيد بالبجي طك ايده بكومدي الميز بحرگه
-اششش لا تبچييين كتلج.
غير لو اسكت بعد غير لو عيوني يبطلن بجي غطيت وجهي بالبطانيه وابجي بصوت ونحيب تخبل يفتر گدامي مثل الخبل يشغل الضوه يشوفني ويرجع يطفيه يحجي يحجي ويرجع يشغله يباوعلي ويطفيه.
-والله ما سويتلج شي يشهد الحسين ما سويتلج شييي البچي عليمن علييييمن بت الخوووش اوادم عليمن مردتي عيــونج عليمممن.
يصيح بحرگة رجعت تمددت منطيته ظهري بقى كاعد وره ظهري الحد ماحس بيه سكتت مد ايده على زندي تحركت ابعدها تمدد وراي راسه على نفس المخده وجر الغطا يتغطه وياي يحجي بهدوء
-لو بس كايلتلي ترى راح اضل يم البنات وعلي مالي غرض بس اجي ما الگاج اتاني بالساعة انا متاني هسه تجي وهسه تجي ماكو اخابر عليج ما تردين حرگتي گـــلبي وتدرين بيه من شويه يطبكن مالات شعلان براسي اصيح بس ترى ماسويت شي يقهرج لا غلطت على امج ولا على ابوج ولا عليج عليمن بعد بجيتي.
زفرت نفس ساكته فترة يله گتله
-لان سالفه ما تستاهل صياح اجي يمك كلي جا جوري ليش ما كتيلي راح أبات يمهن واجاوبك بهدوء وفضت راحت .
-انقهرت.
-وتقهرني؟
سكت فترة طويله ومد ايده على خصرني حضني وقرب وجهه الرگبتي
-والله ولا اقصد
-تعبتني صــيهد .
-تعبيني كثر ما متعبج.
يحرك وجهه برگبتي ويوخر شعري منها
-اني ما ينطيني گـــلبي اقهرك بس انتَ ما تهتم.
-بچيها يمرد بگلبي وتگلي ما تهتم.
-هوه غير انت البچيتني بعد عليمن يمرد بگلبك.
-هيه هاي التقهر انا الما ارضى احد يبچيچ تبجين من وراي.
سكتت هادئه وتعبانه من لا شي وهو بأيده يتلمس خصري ورگبتي الحد ماجر نفس طويل من بين رگبتي وجتفي باسه ويهمس
-ترد روحـــي من اشمنج.
مارديت عليه ولا تحركت الحد ما غفيت وثاني يوم داومت بزعلي وهو يحجي طبيعي ولا كأنُ صاير شي وزعلانه منه.
ريـــمه :: امي ابد ما اجت بعد وعدن چم يوم بهدوء رنـــه تدرس بدون واهس وخلك بالها يم شمس ويم بريا اللي خابروه والتحق گبل لا تكضي اجازته، وطرواده يوم بالگيعان ويوم يطلع وي الولد بالليل يدورون على بيت علوان
الغروب كبل الصلاة توه رد من الگيعان ميت من التعب واكف يغسل وجهه الكهرباء طافية وكاعدين بالحوش كلنه دك تلفونه وبس گال الو فتح عينه على وسعها وركض للغرفة ركضت وراه الخوف ياكل بيه شاعله ضوه التلفون واحاجيه
-كهلان شكووو كهلان حاااجيني
جر سلاحة من وره الكنتور وباب حوشنه انربد ربد روحـــي نخمشت
كهلان:: منذرررر منذر كتلوا منذر
-يممممه.
صرخت ايدي على حلكي وهوه مايشوف دربه طلع يرجف ويركض وي ولدنه رنـــه شبگت شمس تبجي ارواحنا راحت الدنيا انگلبت بالرمي لليل الساعة بالعشرة اجوا عبود وسجاد عبود عيونه مورمه وتعبان كعد يمنه يسولفلنه
عبود:: لاكي حمزه وذاك الكتل عفراء اسمه حسن من غير عشيرة صاحب حمزه رايحلهم وحده مكتلهم وحاطهم بسيارتهم حارگها بيهم ماعافهم وررررد ماعافهم ورد ضل مكابلهم الللمن اللمن يتمت شمس اللمن لمن اجوا اهاليتهم وكتلووه.
بجيت وهو مفرفح يحجي بحرگة كامت شمس شبگها مختنك الدموع مجلبه برمشه وسجاد روحه رايحه من الخوف عليه مايريده يتعب، الليل ما نمناه رنـــه مكابله شمس وبس تبجي لمن صعد سكرها وتخربطت حرت وياها ماضل بيه حييل ل٢ يله غفت عينها وانه افتر گـــلبي مفرفح
اجوا بس سلطان وميثم فتحت الباب احاجيه
-سلطان.
اجه يمي وميثم راح البيته جلبت بايده خايفه
-كهلان وين؟
دنك حسرته تكسر الگلب جريت ايده ابوسها رايحه روحـــي
- حاجيني سلطان رجلي راح يمووون يوميه ينصدم
شال راسه مختنك
-ادعي الله يعين گلبه ما اكولن غيرها
بجيت ميته من القهر
-وينه هسه هوه ليش ماضليت يمه؟
-صــيهد يمه لا يضل بالج ناخذ غراض ونروح احنه.
هزيت راسي خوش ميته من القهر ومن اعاين الشمس روحـــي تروح بلحظة تيتمت لا ام ولا اب.
وهـــب:: كسرة كهلان اكبر من كسرة ولد عم منذر، جن اخوه مو صاحبه ابو منذر شبگه يبجي ومازن متسودن كلساع يلطم على وجهه ويصيح
مازن:: وصااااني وصاااني شلون مافهمت اخوي رايح للموت شلووون مافهمته
كعد يمه كهلان يحاجيه وهوه شاك دشداشته من الطول للطول ويصيح بوجهه كهلان
مازن:: ولك وصاني والحسين وصاني كالي خويه مو أموتن وتاخذ بتي من كهلان خلها يمه ولك ضحكت اتعارك وياه واكله شلك بهالحجي شني تموت، عمتتت عينييي
لطم على وجهه وعلى عيونه كل حيله متسودن
يومين الفاتحة عدن وبالثالث رادوا شمس وجبناها شبگها مازن يبجي
مازن:: ااااخ يا بويه يا كسرة ظهرري
وهيه تبجي مستغربة من الهوسه والوادم حطها بأيد كهلان كوه يحجي صوته راح باسها
مازن::ودّها خويه راح صوتها من البجي.
شالها كهلان وافتر يريد يروح للسيارة ياخذها للبيت مهدود حيله وكلساع يصعد ضغطه، بعده ما واصل السيارة وشاكر واكف بنص عمام منذر دار صاح على طــروادة
شاكر:: تعااال تعااال كهلان بويه.
دار عليه طــروادة مستغرب وكلنه نعاينله شيريد هذا شال ايده وحجه بصوت عالي يسمع الوادم الموجوده كلها وبالاخص عمام منذر، اولهم ابو مرت سلطان المرحومه كالهم
شاكر:: هاي بنيتكم بعد تضلّ عدكم البت عرض وسمعه واحنا مانحمل مسؤوليتها.
شكرا لزيارتكم عالم روايات سكيرهوم
