رواية انتقام وعشق الفصل السادس
وقفنا عند ميرال وروزلى وهما بيدايقوا بعض شوية
روزلى:- طب بالعند فيكى هتقعد هنا ياميرال ايه رايك بقى
ميرال بزعيق:-بت اسكتى انتى لازم تعندى معايا وخلاص
روزلى بصدمه:-بت واسكتى وبتعلى صوتك كمان الكلام ده ليا انا يابت
ميرال بخوف منها:- لا طبعا ي قلبى ده انو بكلم ريما
ميرال ل ريما:- سمعتى روز قالت ايه تاخدى شنطتك وتروحى ع بيتكم من سكات دايما كده جيبالى الكلام
ضحك عليها الجميع و ع خوفها من روزلى وبعدها اتحركوا متجهين للمطار وورائهم سيارتان مليئتان بالحرس وصلوا المطار واقلعت الطّائرة بهم متجهة الى القاهره وبعد عدة ساعات وصلوا وخرجوا و كان ف انتظارهم صديق روزلى ومدير اعمالها ادم الحسينى
«ادم الحسينى 28 عام
شاب جميل جداا ووسيم »

يحب روزلى وميرال وعائلتهم جداا ويعتبرهم عائلته يتيم توفى والداه ف حادث سير وهو صغير يعمل مع روزلى من وقت طويل ماسك ادارة فرع الشركه اللى ف مصر بقالة سنتين وطول الفترة اللى فاتت كان مع روزلى ف انجلترا وهو بيكون دراعها اليمين
خديجة بتساؤل:- روز هو احنا هنروح اوتيل و لا هنروح فين
روزلى:- بقى انا روزلى الاسيوطى العقرب اقعد ف اوتيل مستحيل طبعا
خديجة بستياء منها:- يخرب بيت الغرور اللى انتى فيه
ادم بضحك:- حقها ي ماما خديجة دى غول الاقتصاد حقها تتغر طبعا براحتها
خديجة بغضب مصطنع:- بقى كده طيب ي ادم بتبقى معاها عليا ماشى مفيش اكل من ايدى لمده اسبوع
ادم وحازم ب فزع:- لا لا ي ماما حرام عليكى مقدرش ع كده ابدا
ضحك عليهم الجميع وع حبهم للاكل لهذة الدرجة تحركوا جميعا خارج المطار فتسألت خديجة بعد ان رأت سيارات الحرس الموجودة ب الخارج
خديجة بتساؤل:- ايه ده ياروز كل ده حرس لية ي حبيبتى وامته جم اصلا
روزلى:- عادى ي ديجا ادم اللى جهزهم لما طلبت ودول مش ليا ي قلبى دول ليكم انتم انتى عارفة انا مش محتاجه
ميار بتساؤل:- طيب بردو بردو عاوزين نعرف هنقعد فين بقى
ريما:- ايوة بلييز بسرعه عاوزة انام تعبانه اووى
حازم بحب:- سلامتك ي قلبى من اى تعب
ميار وميرال:- ياربى من المحن والتلزيق نخف شوية بقى ولا ايه
خجلت ريما وتحدث حازن بغيظ منهم وليهم
خازم:- ينفع كده كسفتوها وبعدين ي حبيبتى اللى غيران مننا يعمل زينا غيرانين انتو عشان مفيش حد يعبركم وطلع لسانه ليهم يغيظهم
جريوا وراه كلا من ميرال وميار وهو بيغيظهم لحد م وصلوا للعربيات وطبعا روزلى مجهزة قصر مش فيلا عشان يعيشوا فيها الفترة دى لانها مرتبة لحاجه تانية جامده اووى
_____________♡_______________♡____________________♡_______________♡_______
و نروح عند جاسر ف اوضته كان قاعد مدايق جداا و عمال رايح جاى بسبب اللى حصل امبارح لانه من وقتها وهو مش ع بعضه
جاسر بغضب:- يعنى اى يتقدم ليها عريس هى ممكن تتجوز.. لا لا مستحيل مش ممكن بعد الحب ده كله تبقى لحد غيرى مستحيل مش هتخلى عن حبى مهما حصل ووقف فجأة:- انا لازم اقولها..... ورجع تانى:- لا انا لازم اقول ل جدو ع كل حاجه وهو يتصرف ايوة لازم يعرف لازم
قطع كلامه مع نفسه صوت اذان الفجر قام واستغفر ربنا وراح اتوضا ونزل عشان يروح المسجد يصلى وهو نازل كان ع الدرج جده وعمه وسليم ويوسف رايحين يصلوا الفجر جماعة
جاسر:- طب كنتوا خبطوا عليا بدل م تروحوا لوحدكم عاوزين تاخدوا الثواب لوحدكم كده شكرا
رد عليه صوت من عند الباب:- افتكروكى نايمه ي بيضة هما غلطانين يعنى
سليمان و محمود ب فرح:- حمدلله ع سلامتك ي صقر
ذهب صقر وقبل يد ورأس جده ووالده
صقر:- الله يسلمك يا جدو الله يسلمك ي بابا
سليمان:- مش كنت تقول انك راجع النهاردة
صقر:- معلش ي جدو رجعت فجأة
سليم:- انا اللى كلمته ي جدو وقلتله ينزل لان الفرع هنا الشغل فيه مش عاجبنى و بقى كل حاجه ع راس جاسر وانا ويوسف الفترة دى مش فاضيين
محمود:- يازين م عملت ي بنى وبغيظ ل صقر
محمود:- عشان انا عاوز اخد إجازة وبفكر اجيبلكم اخ صغنن كده
صقر بغيظ من ابوه:- بقولك ايه ي حج اهدى كده ل حسن امشى تانى واقعد سنتين اخليك تلف حوالين نفسك
ضحكوا عليهم الكل وبعدها راحوا صلوا ورجعوا ناموا وطبعا جاسر كان عاوز يكلم جدو بس بعدها قال هيكلموا الصبح بعد الفطار
____________________
ونجرى ب الوقت شوية تانى يوم بعد الفطار عند عائلة الاحمدى ف مكتب الجد سليمان وبعد م الكل خرج من البيت ع شغلهم او جامعتهم م عدا السيدات وجاسر طبعا اللى فضل عشان يكلم جدو خبط الباب ودخل جاسر ل جدو
جاسر:- جدو حضرتك فاضى محتاج اتكلم معاك شوية
سليمان:- تعالى حبيبى عاوز تتكلم ف ايه
جاسر بتوتر وتقطيع:- بص ي جدو هو.. ب بصراحه ي يعنى ا انا ع ع عاوز
سليمان بصله شوية وعرف هو عاوز يتكلم ف ايه بس بردو عارف انه متوتر وخايف ل حسن يترفض ف حب يغيظه وف نفس الوقت يخليه يتكلم
سليمان بخبث:- مالك يبنى بتقطع ليه صحيح كنت عاوز اخد رايك ف حد كده وعاوزك تقول ل سليم كمان عشان يساعدنى
جاسر:- خير ي جدو اتفضل
سليمان بمكر:- الشاب اللى متقدم ل ايلين عاوز اعرف تاريخ حياته من اول م اتولد فقلت اشوف لو تعرف تساعدنى سليم هيشوف و انت كمان عاوزك تسال عنه ف الجامعه لانه معاك اخر سنه ليه السنادى
جاسر بأندفاع:- جدو انا كنت عاوز اتكلم معاك ف الموضوع ده اصلا ايلين لسه صغيرة مش وقت جواز خالص
سليمان:- لا ي حبيبى البنت تقدر تاخد قرارها بنفسها عادى مش صغيرة هى
جاسر بتسرع:- بس انا بحبها ي جدو و مقدرش اشوفها مع حد غيرى
سليمان براحه:- اخيرا ي بنى نطقت تعبتنى معاك
جاسر:- مش فاهم ي جدو يعنى ايه....... استنى استنى هو حضرتك كنت عارف انى بحب ايلين وبتلعب عليا بقى كده ي جدو
سليمان ب فرحه ل حفيدة:- طبعا امال ايه انا سليمان الاحمدى يبنى مش اى حد
جاسر بتساؤل:- يعنى حضرتك موافق ي جدو
سليمان بتساؤل مصطنع:- موافق موافق ع ايه يبنى انت قلت حاجه
جاسر:- جدو مترفزنيش لو سمحت حضرتك عارف ان انا عاوز اتجوز ايلين
سليمان بضحك:- وانا موافق ي حبيبى وبعد الغدا هتكلم مع عمك واشوف رده
جاسر حضن جده من فرحته:- شكرا شكرا ي جدو ربنا يخليك ليا يارب ي جدو
سليمان ربط ع ضهرة:- ويخليك لينا حبيبى يلا روح شوف جامعتك
جاسر:- لا ي جدو معنديش محاضرات النهاردة هروح ع الشركه علطول عندى شوية شغل
سليمان:- ماشى حبيبى يلا ربنا معاك
جاسر باس ايد جدو وراسه و مشى ع شغله
