رواية هشاشة قلب الفصل السادس 6 بقلم العباديه

 

 

 

رواية هشاشة قلب الفصل السادس بقلم العباديه 


‏تقبلنيّ بمزاجي الأسود بذنـوبـي 
بهـدوئـي طـفـولـيـتـيّ وغـيرتـي

~~~~~~~~~~~~~~~~~~~~~~~~~~~~~

ثُرىٰ

رجعت للبيت وهم قريت لمن مليت الليل كله لحظه ماغفت عيني وولالحظه نمت بس اقره ذبيت جهدي كله ..

ثاني يوم تريگت ع السريع وطلعنا للكليه اني وإسماعيل كالعاده وصلني وطلع لمحله ..

اول مادخلت للكليه ركض للإداره لان هوَ يحب يمتحن بالمحاضره الاولى دائماً يگول امتحنكم مادام الماده بعدهه ببالكم اذا نراجع هواي ننساهه ..

دخلت للأإداره مليانه دكاتره يبوو .. ادور عليه بعيوني ماكو يربي وين راح؟ هسه وكتك تصير الجني البعلاء الدين وتختفي ..

هسه منين اجيب مصباح علاء الدين احكه وتطلعلي ؟

ظليت اباوع بالاإداره .. واگفه ولمحته من بعيد .. زين شلون ادخل لو شأسسوي؟؟ 

لمحني واگفه رأساً خزرني وأشرلي بحواجبه اني مافهمت شنو معناتهه ؟

ياا هسه وين اعرف شيريد .. هزيت بإيدي بمعنى شنو ؟

قبض وجهه وأشرلي بإيده معنى "روحي"

ياا وين اروح غير اريد امتحن ..

ظليت واگفه بمكاني منتظرته ..

ضغط على أسنانه حيل ورفع راسه بنفاذ صبر .. أشرلي اروح واني طنگرت .. مااريد اروح گوه هيَ غير إمتحاني واريد امتحن .

چان يمه دكتور أحمد الظاهر صحبان همه .. ترخص من عنده وگام إجه بإتجاهي من شفت عصبيته من بعيد خفت .. يييممه افللت إخوي عامر .. رجعت لوره وصرت وره الحايط بحيث مايشوفني ..

طلع من الإداره وإجه عليه معصب ويخوزر بيه .. كال بنتر :-

- شبيج انتِ مو دأأشرلج روحي 

- إستاذ غير گتلي أمتحن 

- يعني شتشوفين امتحنج بين الدكاتره مثلاً؟؟؟

- اي إستاذ عادي 

بحلق بعيوني وخزرني .. حچه بنبرة تهديد :-

- ثُرىٰ روحي لاافرغ بيج رزاله قويه 

- يممممه كلشي ولا هاي رايحه رايحه 

ركضت من يمه وامشي سريع كلشي ولا الرزاله يلا انتظر لما يصير وقت المحاضرات تفرغ الاداره وأمتحن بيهه .

خليته يصير وقت المحاضره وكل أستاذ راح لقاعته وركضت للإداره .. لگيته گاعد لوحده ويمه جنطته الصغيره من الجلد الاسود مثل جنطة المحاميين .. مدنگ ويكتب ويمه اوراق كومه .. دگيت الباب ودخلت كتله :-

- يلا إستاذ تمتحني؟

- اي يلا تعاي گعدي يمي 

أشرلي ع المكان يمه ع القنفه ام تلث نفرات ويمهه هم قنفات .. كل الاداره بيهه قنفات .. كعدت وخليت مسافه بيني وبينه إنطاني الاسئله وبقيت أحل وهوَ كلساع يطلع شغله من الجنطه .

دخل أستاذ أحمد گاله عليه :-

- ها دتمتحن؟

جاوبه :-

- إي 

إستاذ أحمد دخل وگعد يم القنفه الگاعدين عليهه بس من جهته هوَ اول ماكعد إستاذ أحمد تدنه يمي !

الرجال ماگعد على قنفتنه ولا يمه ولاحذاه كعد ع القنفه البصفهه بس على جهته !

صار كلش قريب يمي لزگ !

يا شبيه هذا ؟!

ظليت أحل بالاسئله وكلساع ياخذ ورقه من الجنطه متعمد ويطخ إيده بإيدي !

أني متصنمه لااگدر اتدنى ولااگدر أگوم !

مرتين طخني بإيدي ويسوي نفسه مامنتبه وعود مُنهمك بشغله ! وهوَ يدري كلش زين ويعاند ابو خاولي .

اكو سؤال مافهمته أشرت عليه وگتله :-

- إستاذ هذا شنو السؤال؟؟

حط راسه بالورقه لزگ ..شو هذا لاطش بيه اليوم !

شرحلي السؤال وكملت احل ..

گال إستاذ أحمد :-

- ثُرىٰ عود إنتِ ليش ماتگولين دكتور؟؟ بعدج على التحديث القديم مال الاعدادي 

ركزت بكلمة ثُرىٰ شو هذا ماخذ راحته ويقلد استاذ ماهر واني مااسمحله .. بس شنو شلون حچاهه طالعه من حلگه وويع صج ويعع .. عود چنهه القاسي من يحچيهه ويلاه ..

رفعت راسي وعفت الورقه جاوبته :-

- إستاذ والله شگد حاولت .. يوميه اوگف ع المرايه واكرر دكتور دكتور دكتور بس من اجي لهنا انسطر لوحدهه تطلع كلمة إستاذ

- ههههه حلوه هاي مال ع المرايه

- هههه اي والله چا شأسوي 

بعدني اريد اسولف والله انطلقت واجتني النتره 

- كملي راح اسحب الورقه تره 

- يا يا استاذ بعد ماخلصان الوقت

- ماإلچ وقت كامل اذكرج تره هاي إعاده مو إمتحان

سكتت لان بإعتباره مفضل عليه وگام يتمنن ويتعزز ابو الرزايل عبالك مسويلي تمثال من طين .

كملت وإنطيته الورقه اخذهه وظل يسفط بيهه واني بعدني گاعده يمه كمل تسفيطها وإلتفت عليه بإستغراب كال :-

- ها شكو؟؟

ضحكت ببلاهه كتله :-

- يلا غير تصححهه 

باوعلي بإستهزاء وعبالك يضحك على عقلي

- اصححها مقابيلج؟؟

- اي چا شيرادلهه؟؟

- ههه يابه شبيج انتِ تخبلتي 

ياالله حتى ضحكته أقتصاديه بشرفك هاي ضحكه نص ثانيه ماطولت 

كتله بنبرة توسل اضطر التعامل وياه مثل اليتعامل ويه ثعبان لإستخراج الترياق من بين أنيابه :-

- لا إستاذ عليك الله هسه صححهه لان ابقى الليل كله افكر بدرجتي

- المتأكد من إجابته ماكو داعي يفكر

- اي متأكده بس هم لازم اعرف هسه فدوه 

شكله إقتنع بس من نط أستاذ احمد وگاله :-

- ماهر صححهه لا هم توگف ع المرايه وتظل تتوقع درجتهه .. منا لمن توصل للصفر وتضربها جلطه وتموت ههههه

مستمر يضحك ويصنف عليه وهذا وجهه انگلب وگال بنتر :-

- مااصحح .. وهسه روحي

يح هذا شبيه يطرد بيه ؟ شو ولا يستحي ؟!

بس استاذ ..(قاطعني)

- روحححييي دااگووول

بسرعه لميت غراضي وطفرت من يمه ضجت من تصرفه وينتر بيه عبالك طفله مقابيله مو طالبه جامعيه !!

رجعت للقاعه وكلهه تسأل بيه عن الامتحان واگلهم زينه .. صحيح اني كله صح عندي بس كون مايخيب ظني مثل المره السابقه .

شويه ودز عليه طالبه .. رحت لمكتبه گال :-

- امم صححتها هسه الورقه خاف تضربج جلطه .. وماخذه شبه درجه كامله 

ردت اطير من الفرحه ظليت اضحك ومامصدگه

- هههه أستاذ صدگ؟

- قابل اچذب عليج؟

- لاحشاك بس مامصدگه 

شكله جامد ومعصب . كال بهدوء :-

- بس ماينحسب الامتحان !!

انتفضت

- شنوووووو؟؟؟؟؟ 

جاوب بجمود

- إي ماينحسب 

- ليشش؟؟؟

- إجت شكوه عليج لان إنتِ عدتي الامتحان وانتِ ممتحنه حالج حال الطلاب شنو على راسج ريشه ؟

من حرگتي جاوبت بسرعه 

- لا على راسي برنيطه !!

رأساً خزرني وأشرلي ع الباب بإيده

- برررررره 

غلست على كلمته ولطشت اليوم أكون اول لاأكون .. يريدني اطلع واني تعبانه الليل كله أقره .

- إستاذ يعني ليش إمتحنتني وخليتني اقره والبارحه مانايمه ثانيه وفوگ كل هذا اخذت درجه كامله وفرحتني ونغضت فرحتي بهالخبر إذا تخاف ليش امتحنتني؟؟؟

إستفزته كلمة "تخاف" عاط بيه

- مااخاف من اكبر واحد فهمتي لو لا ؟؟؟ 

همست

- مبين !!

طبگ مجموعة أوراق بنتر وكال :-

- اطلعي ودرجتج نفسهه ومو كامله شبه كامله

- يعني شكد؟؟؟؟

نتر :-

- شبه درجه كاااامللله 

- مافهمت؟؟

- يعني درجه كامله الا نص درجه

- عززا ليش 

- ناسيه كلمه

- ع الكلللللممممه؟؟؟

- اي ع الكلمه

سكتتت بس فرحانه يلا ميخالف ع النص درجه خليهه تولي .

طلعت ارگص الگاع ماشايلتني لو ادري من البدايه مستفزته .. 

مر الوقت بهدوء بين محاضرات ودراسه نفس الروتين اليومي .

دزوا عليه الإداره !! تفاجئت اول مره شكو؟؟

خفت حيل خاف صاير شي او لان إمتحني إستاذ ماهر !

دخلت لغرفة العميد دگيت الباب ودخلت لگيته گاعد منتكي ع التخم ورجل على رجل وحاط الاوراق بوجهه يعني ماطالع أي شي من وجهه ومن دخلت بالچذب ماوخر الاوراق وباوعلي الحقير ..

مقابيله كاعده معاونة العميد بس مدري وين شايفتهه !

كالتلي :-

- ثُرىٰ أخوج قبل شويه أتصل بيه وكال مااگدر اجيهه ف راح اوصلج وياي بخطي انتظريني من تطلعين 

گوه طلعت من الكلمه 

- شكراً دكتوره 

ضحكت وكالت

- عرفتيني ؟؟

صفنت بيهه مدري وين شايفتهه بس مااتذكر

- لاقصور بيج بس ماعرفتج 

- ههه اني جيرانكم ببيتكم القديم چنتوا يمنه احنه وياكم اهل حتى ابوابنا مفتوحه للصبح ابوج الله يرحمه صديق اخويه وكلش علاقتنا حلوه ..

- شنو اسم بيتكم؟؟

- بيت ابو صمد

ضحكت اتذكر بس بتهم الصغيره جانت صديقتي ونلعب سويه بالشارع ومره صعدنا بالبلم الخشبي المكسور حاطيه بالساحه والولد يلعبون طوبه واحنه كاعدين بالبلم نگمز عليه 

- تذكرت البنات كلهن ومن نلعب بالبلم واخوج مره وگعني وانشگت شفتي هههه

- بيومهه خفنا عليج فصعونه والگاع ماشايلتج 

يا صخام بوجهي هاي فضحتني وطلعت بطولاتي الصاروخيه .

أردفت 

- وين بيتكم الجديد ؟

- بيتنا وين شارع النبي إبراهيم؟

- منين مااندله؟؟

إلتفتت اريد اوصفلهه وشفته نفس كعدته بس منزل الاوراق عن نص وجهه يعني بس عيونه طالعات ومركز ويانه شنحچي .. اول ماشافني التفتت عليه رجع الاوراق بسرعه على وجهه وسوه نفسه يقره بيهن .
إبتسمت بداخلي وظليت اوصفلهه وعيني عليه 

كالت ؛-

- اندله بيتكم بعيد علينه الخط يتأخر إذا هيج

- خليه اني اروح وحدي

- لا ميصير

وجهتله كلامهه

- ماهر تاخذنه انتَ؟؟ لان الخط مالتي عنده بنات ياخذهن وراي مباشرةً وخاف نتأخر عليه

وخر الاوراق عن وجهه وسوه نفسه مامنتبه ومو ويانه ولاعبالك إذنه چانت متسعه وصارت شكبرهه من التصنت ..

گال .. ها شنو شتحچون؟

- توصلنه

باوع بيه بنظرات فاحصه كال:-

- اي عادي تدللون

خلص اليوم بسرعه وانتظرت المعاونه جيرانه ورحنه سويه اني وياهه لمكان سيارته بالگراج لگيناه يسولف ويه رجال أشرلنه ع السياره عود روحن اصعدن .. صعدنا سويه وهوَ شويه وإجه 

سلم وكعد ظل يسوق ويسولفون هوَ وست أسماء المعاونه بس كلساع ألمح عينه تجي عليه 

يسوي نفسه مامنتبهلي ولا مركز وياي وهوَ كلساع ياخذ نظره لو من الجامه الوسط لو من الجانبيه .

ظليت صافنه ع الطريق لو اباوع بإيديه . سألني ويباوع بيه بالمرايه :-

- ثُرىٰ وين بيتكم؟

- أستاذ تدخل بشارع المرتضى 

- اي هسه راح ندخل

- اي من تدخل اني اگلك عليه

- ماشي

ظل يسوق وآني ادلي بيه لما وصلنا لمنطقتنه ردت انزل ماقبل كال :-

- اوصلج لبابكم كلش يلا !

اني خجلت صحيح مااستنكف من حالتنه بس مااريده يشوف بيتنه ولا يندله 

- لا أستاذ اني انزل منطقتنه مو غريبه

- لا ماكو .. وين بيتكم

اضطريت دليته على بيتنه ووصلوني بالباب ونزلت .. ظل يباوع ع البيت ويباوع عليه .

نزلت ركض مطفحه رأساً دگيت الباب طلعلي حمزه إبتسم بوجهي وباسني براسي ياا هذا منين إجته الحنيه اليوم بس يلا همزين شافه القاسي .

شاف السياره سألني وكتله طلع سلم عليه وتشكر منه ورجع .

دخلت للبيت وحمزه حاضني وحاط إيده على متني .. رفعت راسي وباوعتله 

- شكو شنو هالحنيه اليوم طاگتك صفح ؟

- اي مو راح تصير عدنه خطوبه !!

- شنو خطوبة منو؟؟

- بعدين بعدين تفهمين .

دخلت واتسأل محد قبل يحجي شكو ! بس لا اني مخطوبه ! 

اتخبل غير كلشي ولا زواج هسه !

نهى غلست وتقوى هم وكل وحده لفت راسهه ونامت خاف يحجلي والجو متوتر ! 

~~~~~~

ثاني يوم داومت وفرحانه بدرجتي عنده بس الهديه ماانطانياهه إله انطيه بسمار عليهه .. يا بس لا النوب انطي بسمار ويگلي عايده .. لا يابه اهم شي الهديه ..

أخذونه الاساتذه محاضرات روسنا ثالت ولا يملون من المحاضرات وكل واحد يدخللنه صلعته بكد المرمر تتزحلگ عليهه النمله وكرشه عبالك سياره تريله .. حتى واهسي للدراسه إنسد ومنتظره محاضرة ابو الرزايل قابله برزايله ولا هاي الشكول .

إجه وقت محاضرته واني مكيفه اشوفه اليوم متحمسه اشوفه ليش ؟ يمكن لان ماشايفته من الصبح لهسه لو مشتاقتلي لرزاله تليق بشكلي الجميل .

صار وقت محاضرته ودخللنه ظل يشرح بكل هدوء ومارزل ولا عيط بس يتصفن عكس كل يوم ناار بس واحد يسوي غلط يگب بوجهه ظليت صافنه عليه اتأمل ملامحه والله عبالك صار سنه ماشافته شو مشتاقتله مدري مشتاقه لزالته لان ماترزلت اليوم ومرت ربع ساعه بخير .. 

ندست نرجس 

- اكلج شو اليوم ماكو عصبيه شعجب

- الله هاديه علينه بلكي يبقى دوم هيج

ضرب القلم بالحايط قوي وأشر عليه گال :

- ثُرررررىٰ .. ووووويااااي

يا حسدناك شنو ؟

نرجس.. تدورين ع الرزاله دواره أستلمي 

ركزت بالمحاضره بس مافهمت شي لان مركزه بحذاءه وببنطرونه وساعه اصعد اتفحص شعره لو ساعته وإيدي على خدي.واتأمل بيه يعني بالمختصر لايخلولنه دكتور صاك لان كلشي مانفهم ..

باوع بيه بإنتصار وكال :-

- طلعو اوراق إمتحان يومي بس ينحسب وي الشهري والياخذ درجه قليله عقوبه إسمه يندگ يم الاداره 

عزززززا كلبي وككف !! 

يمه شأحل وشأكتب ؟؟؟؟؟! 

اني كلشي ماكو شأسوي هسه؟؟

طلع اسئله من جنطته يمكن مخطط لهالشي او ماخذ احتياطه ..

انطانه خمس دقايق نراجع بيهن.. اني ماخليت كلمه مانقلتهه ع الستيج مدري ليش سويت هيج بس ماكدر اتفشل مقابيله يكفي رزايل .

كال خلص الوقت وسدينه الملازم اخذ الاوراق وقعها وانطاهه لبنيه كاعده بالمقدمه بدون ماينتبه كاللهه :-

- هاج ثُرىٰ إنتِ وزعي هاي الجهه واني اوزع هاي الجهه !!

باوعت عليه مامنتبه لنفسه شكال ابدد ! 

نرجس ندستني وضحكت لان يوزع بالاسئله ويجاوب بأسئلة الطلاب وولامركز بكلمته !

دنگت ووصلني السره بالاسئله .. شفتهه تكسر تكسر كالعاده وهيَ يومي عود !

باوعت ع الستيج ولا كلمه جايبهه من الناقلتهن يبووي هسه وين اولي ..

يلا ماعندي حل غير نرجس خل اخبلهه شويه .

ظليت اندس بنرجس .. الحمد لله يمي نرجس والشله البقيه .. ماخذين جهه من القاعه بس إلنه والشباب والبنات هناك ماندري بيهم طشوا رشوا..

ندست بنرجس ومدنگه راسي.. بس رجليه من جوه الكرسي تشتغل بالتنديس .

همست نرجس :-

- ثُرىٰ مااكدر باعي جاي يباوع علينه

- شگد خاينه يااالله والله لو اني انطيج بس افتحي الورقه عدل اول مره اطلب منج شي

سكتت وظلت تكتب اني بس اتصفن .. شويه ومدتلي الورقه مالتهه ع السريع واخذت ورقتي الهه .. شفت الورقه ماليتلي الاجوبه على گد درجة النجاح .. همزين 

لحظات وهوَ فوگ روسنا !!!!!!!!

عزااا انفضحنا يافضيحتنا بين العربان يبوو !!

اول شي سحب الورقه من بين إيديه حيل لان جنت نايمه عليهه خاف يغشون عليه عشتو ع الاساس حاله .. امداني 

بسرعه بالقلم الاحمر أشر على الورقه وسحب ورقة نرجس وأشر عليهه بالقلم الاحمر !!!

ظلينا صافنين إثنينه والطلاب كلهه تباوع علينه نظراته شخلتني شخل خلتني احس نفسي نمله
رأساً غمضت عيوني وإنحدرت دمعه حاره على مُقلتاي .. مااريد اشوف النظرات ابدد .. عود اني خلصانه من الرزاله البسيطه اجت الاتعس يعني لو حاطلي 3 درجات على إسمي ولا صفر وفضيحة الغش ..

ياربي فدوه كون اختفي ان شاء الله الإختفاء عاجلاً .

بس اريد اعرف عقلي وين من سويت هيج !؟

أشر لطالب من الطلاب يگوم يجمع الاوراق ونتر ويأشر علينه بإصبعه

- إثنينجن وياي للمكتب 

نرجس صار وجهه احمر وتبجي واني اسوء منهه والطلاب كلهه تباوع علينه !!!

لا ياالله ليش سويت هيج ليششش !!

اخذ الاوراق مال الطلاب ومشه وصاحنه .. رحنه وراه هوَ يمشي واني ونرجس إيدي بإيد ونمشي وراه ونبچي 

وصل للمكتب فتح الباب وأشرلنه

- تفضلن حبايب

دخلنا اني رجليه تتطاگگ وإيديه ترجف ودموعي ماسكتن ابددد .

كعد على مكتبه وثنه بإيديه على المكتب واحنه واگفين كال :-

- اي ثُرىٰ إحچي 

غمضت عيني حيل ظليت ساكته 

- ماتحجين؟ انخرستي؟؟ لو بس للغش إستاذ ؟؟

نرجس.. دكتور بس هالمره سماح فدوه كافي الفضيحه بين طلاب القاعه وهسه الكليه كلهه تدري 

ظلت تتوسل بيه وهوَ صافن بس عليه واني مدنگه احسه يباوعلي بطرف عين
ي اشوفه .

اني نطقت واخيراً بعد عناء دام لدقائق 

- أستاذ نرجس ماعليهه اني الورطتهه 

طفرت نرجس بسرعه كالت :-

- لا دكتور اني انطيتهه الورقه 

ظلينا كل وحده تذبهه على روحهه .. اخر شي ضرب الميز بقوه وعاط :-

- كااافي .... اني شفت كلشي اصلاً من البدايه عرفت راح يصير هيج لان الست ثُرىٰ جانت صافنه طول ما اني اشرح ولهذا السبب سويت الامتحان وتوقعت طبعاً 

همست ببكاء

- اي هوَ اني دوم اتصفن ف نرجس ماعليهه

- انطتج الورقه نرجس يحبابه يعني هيَ مشاركه وياج وحتى الكلمات النقلتيهن ع الستيج شفتهن وغلست سويت نفسي ماادري ردت اشوفج وين توصلين وهاي النتيجه !

ظلينا ساكتين وهوَ عصب وجهه تحول احمر دموي وصارن عيونه بگصته عاط :-

- تدرن سمعتجن راح تصير بأسفل السافلين بين الطلاب لو لا؟؟؟

اني تخبلت يعني يگول هيج وهوَ السبب كتله بإنفعال :-

- اي غير انتَ فضحتنه لو ساكت وجايبنه لهنا ومعاقبنه 

رفع إصبع تهديد وعاط بيه

- ثُثُررررررىٰ لتنسين حدودج فهمتيييي اني الدكتور هنا مو انتِ اشو بعده لسانج شطوله صدگ صلفه 

انهاريت ابجي من كلمته مستني وجرحتني .. والله صوچي صافنه بيك عمت عيني بعد اذا انطيتك نظره كله من وراك حقييررر .

ولو هوَ منيه الماصافنه بيه مو بس اني مسحوله كل الطالبات مسحولات من وراه .

نرجس.. دكتور آسفين بس هسه شنو عقوبتنه؟؟

- راح اسوي بيجن إعلان بالكليه 

شهكت وحطيت ايدي على حلگي وابجي نرجس ظلت تتوسل واني حسيت نفسي بصدمه والطلاب كلهه تتجمع وتقره بأسماءنه !!

مستحيل اخلي هالشي يصير والله

نرجس تتوسل واني هادءه وهوَ نظراته عليه !

نرجس عصرت إيدي وكالت :-

- ثُرىٰ احچيلچ كلمه راح نصير فضيحه واخبار الاسبوع مال الكليه 

كلت بهدوء الصدمه تعتليني 

- آني مبطله عادي سووا بيه إعلان 

درت وجهي ومشيت اريد اطلع بره المكتب ودموعي تصب عاط هوَ بصوت صلب

- ثُرىٰ 

ماإهتميت ظل يعيط

- ثُرىٰ .. ثُرىٰ داحجي وياج اني لو لا ؟ ماتسمعين ؟؟ 
ثُثثثثثثثثثثرررررىُ

ولااهتزت بيه شعره رغم كل مره هذا صوت يخلي داخلي إنذار !

لحظات وحسيت زندي إنشلع من اللزمه !!!!!!

إنصدمت صدمة حياتي من شفته لازمني من زندي حيل ويضغط عليه بكل قوته باوع بعيوني مخنزر وكال :-

- ماكو إحترام ألي شنو؟؟؟؟

ظليت ساكته ..

هزني من زندي حيل 

- ماتحجييين؟؟؟؟؟ شنو مبطله شدتخربطين انتِ؟؟؟؟؟؟

ظليت ابجي .. وهوَ حس على نفسه باوع بمكان إيده وخنزر عيونه حيل ورجع لوره يفرك بوجهه .. 

ماسيطر على نفسه بسرعه كال :-

- اطلعوا بنات اطلعوا انسوا الموضوع كله اعتبروا شي ماصار يلا كافي !!!!

إنصدمنا أثنينه !

ظلينا وحده تباوع بوجه الثانيه وجهلي كلامه كال وهوَ يحك بإيده بتوتر 

- اذا يسألوكم الطلاب گلولهم اوراقنه ماموقعه وتأشر عليهه فهمتوا

نرجس.. نعم دكتور

ردنا نطلع .. صاح

- ثُرىٰ ماكو داعي تبطلين 

هزيت راسي بقبول وطلعنا 

اني مسحت دموعي ونرجس هم خاف الطلاب يلاحظون شي والنوب نطلع صدك غاشين .

نرجس باوعتلي بشك وكالت :-

- ولج شسويتي بيه؟؟؟؟

التفتتلهه مصدومه

- شكو شسويت؟؟

- شصار بيه من كلتي راح ابطل وغفرلنه هالشي علمود التبطيل مايگدر اكشاي كومار يفارق معشوقته

- نرجس شهالحجي جديد شنو؟؟ 

- تره راد ينجلط الإ شويه شسويتيله ولج .. هيج وگع ومحد سمى عليه

- شنو وكع اني شعليه؟

- مايريدج تبطلين ولافهه علينه من جانب اخر 

- شو سكتي انتي تحجين خمسة بالشهر عوفج بالشهيره الفضيحه هسه بين الطلاب شراح نگول ومنو يصدگ اني اريد اطم روحي .

- تعاي ندور كرك نحفر گبورنا بالحديقه ونتمدد شويه 

- انتِ ماعفتيني الغي واسكت المن سمعتيلي تدرين بيه وحده غبيه وتافهه وحقيره وبعلقي حجاره

- الله الله.. رحم الله امرأ عرف قدر نفسه

- ياا عبالي تگول حشاج غسل

- لا والله ماسويها 

- اشو احنه فرحانين بالغش مثلاً ؟؟

- والله انتِ فرحانه لان الاوستاذ مهوري صرحلج بحبه 

- عزا ياحب هذا زندي لهسه مشلوع

- اي هاي طريقة تعبير بس جديده اخر تحديث

- صخام براسي اذا هيج رومانسيته

- ههههههاع 


‌‏إعلمي بـأن أنانيتي وحبي الـغريب وطبعي
السيء يؤذيني قبل أن يحـزنك فإغفـري
لي دائـمًا.

~~~~~~~~~

ثُرىٰ 

دخلت للبيت وصافنه بحركاته وكلساع الزم زندي وأتلمس مكان قبضة إيده ! 

اتذكر شكله وملامحه من گتله راح أبطل رأساً إنتفض وعصب !

آني وين اكدر ابطل ومااشوفه ومااترزل منه النوب المشكله مو هنا المشكله رزالته صارت حلاوه .

إجواء البيت ضاربهه عمود كهرباء ومنتوله مااعرف شصاير كلهه گالبه وجوهه واني مالحيت اسئل .. ملتهيه بظيم الرزايل .

اجيت اتغده لا نهى ع السفره لا تقوى ولا مروه حتى إسماعيل ماكو !

بس اني وامي وحسن وحمزه !

- اكلكم شصاير شنو ماحاسبيني فرد من هاي العائله وضامين عليه شنو خطوبه شنو الموضوع؟؟

امي كالت

- نهى إنخطبت !

- ياااا صدگ ؟؟؟

- اي صدگ

- چا شبيكم گالبين وجوهكم

- هيَ تعاركت وي إسماعيل

إسماعيل يتغده... 
من امي حچت خله وگام ووجهه محتقن صاير ناار !

ركضت للفرغه لگيت نهى تبچي وتقوى تهدي بيهه ويمهن مروه لازمه الكتاب وتباوع عليهن ..

حطيت قبضتي على خصري وحجيت بنتر وحرگه :-

- شكو شصاير شبيجن ماتحجن مو اختجن اني لو لا ؟؟ ضامات عليه وكل مااسأل تدورن وجهچن عني من شوكت هذا الحجي ؟

مروه.. اوگفي اوگفي اكلتينه وشربتينه بلسانج خل نفهمج لحظه 

- يلا فهمني بسرعه

تقوى.. إگعدي 

گعدت بالكاع وتربعت وسرفت رداناتي عبالك اريد ادخل ملحمة گلگامش .

مروه.. راح تهجمين علينه لو رراح نحجيلج؟

- اثنينهن حضرن روحجن بأي لحظه اهجم

نهى إجت حطت راسهه بحضني وصافنه ع السگف .

دنگت عليهه بستهه بخدهه وسألتهه :-

- شبيج غير تحجين؟؟

غمضت عيونهه بهدوء والدمعه تنزل من طرف عينها .. هزيت راسي لتقوى وسألتهه كالت :-

- جايينهه خطابه وإسماعيل موافق من يمه ومنطيهم موافقه وبعطلة نصف السنه الخطوبه يعني بعد إسبوعين !

- ونهى ليش مموافقه وأسماعيل شلون هيج يسوي بدون مياخذ رأيهه ؟؟

- عباله توافق لان الولد الجايهه خوش رجال وزين يعرفه جان قبل المدير مالته وگايلله إلهه بيت وحدهه ودراستهه تكملهه والولد مكمل كليه ومتعين بصيدليه !

- ياا .. كلش زينه القسمه بس نهى بعدهه تفكر بوليد موو؟؟

دنگت وهمست

- اي 

دنگت عليهه 

- نهى إلى متى تفكرين بيه يعني ماسوالچ عبره من خلاچ تنرهبين ومسوي عملته الا شويه لو ما هذا الشخص ساعدج وحتى موج إنسحبت شفتيها ع الاقل مابررت موقفهه وبهالتصرف ثبتت هيَ متفقه وياه راح يصير شهرين للسالفه وهيَ ماكو فص ملح وذاب !

نهى.. ثريا إذا مامجربه الحب لاتحچين هيج 

- ياا صدگ آني مجربته لو لا؟؟

مروه.. ثول اكو واحد مايدري بروحه مجرب لو لا؟

- والله مدري يمكن مجربته ويمكن لا ؟

كلهن إلتمن عليه حتى نهى تربعت من گلت هيج ! 

ظلن يباوعلي ونظرات الشك بعيونهن !

كلهن حچن سويه

- أحچييي 

- يمه يمه شنو هاي شأحچي شأگول؟؟

مروه.. شكو شصاير منو هذا تعيس الحظ؟؟

- ياا .. اسم الله برّد تعيس النوب قصدج اني تعيسة الحظ وهوَ مثلي تعيس حظ 

تقوى.. غردي حبي غردي نسمعج لاتلوفين الموضوع

- شأغرد كلشي ماعندي خلصت توزيع خلصت القيمه يلا كلمن تاخذ گدرها وترجع لااهلهه

نهى.. مادام كلتي مجربه اكو إنَّ ف غردي قبل لاتغردين غصب عنج

- ها والله كـ إعجاب ورزايل إي بس حب لا بعدني ماواصله لهالمرحله 

تقوى.. وصلتي حبيبتي وصلتي 

سولفتلهن من طأطأ للسلامُ عليكم .

من خلصت السالفه ظلن وحده تصفن بالثانيه .

- ماتحجن ووجع

تقوى.. حبيبتي هذا مايدري بمشاعره شنو ف إحتمال قوي يمشي وره إحساسه يعني مايخطط شيگول ولا يدري بنفسه وانتِ لاتروحين زايد لان هيج شخصيات ممحروزه شبيها ف ابقي بعيده .

مروه.. انتِ كل عقلج هذا دكتوووور جامعي يحب وحده مثلج مستحيل 

ثُرىٰ.. ليش مستحيل يمه شناقصني؟ اشو وجهي گطن وشفتي زعنونه ومچكلمه تچكلم وعيوني وساع بعد شيريد يمه على حوره هسه هوَ 

صاحت نهى

نهى.. وحماد نفسه شيرادله؟؟؟؟؟؟

اثنينهن صاحن

تقوى،مروه ... رفسسسسسه

يركضن وراي يردن يرفسني واني انطيتهه اللهيب اركض وماكو .. اصعد ع الچربايه وانزل للگاع صرت طرزان بثانيتين مالزمني ابد ثُرىٰ الطرزان بعد منو يلحگهه .

تعبن وظلن يلهثن واني واگفه ع الجربايه مثل القرد ولا تعبت ضحكنا على حالنه وقررت نهى توافق وتعتذر من إسماعيل لان مصيحه بوجهه وكايلتله ماتكدر تجبرني ولهذا السبب نشوف اسماعيل هاليومين معصب ومايتحاجه كلشي ولا وحده من عدنه يتسودن .

~~~~~~~~~~

ظليت الليل كله قلقانه شلون راح اشوفه وشلون نظرات الطلاب إلنه اني ونرجس وشلون وشلون ؟!!

ظليت كاعده ماغمضت عيني لحظه لما صارت بالـ6 كمت حطيت الماي بالقوري وتمشيت شويه بالحديقه وآني اسمع اصوات زقزقة العصافير فوگ الشجره وبرودة الجو تلفح بوجهي الجو هادئ وبيه نسمة هوى بارده قطرات الندىٰ مزينه أوراق الشجر .

اخذتلي شويه بالمرجوحه علما يفور الماي ودخلت حطيت الچاي المهيل .

گعدوا اهلي وظلينا نتريك مشتاقه لهاي اللمه صار فتره طويله يوميه اطلع بدون
ريوگ من وره القاسي .

كملنا وطلعنا كلمن لدوامه .. وصلني إسماعيل وتمشينه للجامعه ودخلت .

لگيت نرجس وظلينه اني وياهه نسولف .. إقترحت عليه نصعد للطابق الثاني ورحنه سويه..

چنت لابسه تنوره كلوش... كلش جبيره كلوشتهه وقماشهه ثخين وثگيل وحتى طويله عليه .. بس اصعد الدرج اتعثر وتنعاد طفولتي المأساويه ..

شلتهه وظليت اباوع لرجليه واني اصعد الدرجات .. وشايله التنوره بإيديه ونرجس تقلد عليه

- ولج شايله تنورتج چنچ عروس 

- اي خايبه من اصير عروس مو اني اشيلهه اكلهم انتم خداديمي شيلوهه الاميره ثُرىٰ مكيفه بالعرس لو تروح تشيل بدله

- ههههه بس كلوشتهه كلش جبيره

- اموت ع الكلوشه تدرين كلت لتقوى تخيط القماش بس كلوش هاي مترتين ونص كلوشتهه

- يع هواي 

كملنا الدرج وإحنه نسولف ونضحك ونباوع بالتنوره .. رفعت راسي واشوفلك ابو الرزايل واگف يم باب القاعه المقابله للدرج ومنتكي ع الباب مكتف ويباوع بينه بنظره عجبتني ويضحك بهدوء علينه .!

من شفته نزلت التنوره ودنگت راسي حيل بحيث ماشوف منه شي .

مرينه من يمه ورحنه نفتر .. سألت نرجس :-

- شبيه يباوع بينه هيج؟؟ 

- خايبه من نزلتي راسج وماباوعتي عليه نزل إيديه وعگد حواجبه مزعوج

- بعد يحلم بنظره مني

- ايباا على الاساس ميت عليج بس تبقين على كلمتج ؟ واذا هسه اجه للمحاضره وسحلتي روحج شتسوين؟

- لا لا بعد التوبه ماكو سحل هسه اجه دوره اني اسحله 

- هلو هلو صار اللعب الجد

صار وقت محاضرتنه وردنه ننزل لجوه .. اني احب انزل الدرج ع السريع عبالك عندي سباق ركضت قبل نرجس انزل بسرعه واباوع بالدرجات أي شخص يصير مقابيلي مااشوفه ..

نزلت ركض ونرجس وراي تصيح .. مااحس اله راكضه رجلي مثل القرد أگمز ومجلبه بالمحجر والاتعس من هذا گصه بگصه وي ابو الرزايل .. هوَ صاعد يركض واني نازله اركض .. سانتيمين وانلزگ بوجهه .. فتح عيونه على وسعهن وبحلق بوجهي !

رجعت وجهي لوره ورحت على الجهه المعاكسه .. كملت انزل بهدوء .. نرجس بهاي الحاله ماتكعد ظلت كلساع تلتفت عليه تشوف ردة فعله وتوافيني بالأخبار .

اول مانزلنه سألتهه

- ها شنو ردة فعله

- ظل واگف بمكانه ووجهه علينه ويباوع بيج شلون تمشين او إحتمال مركز ع الشسمه 

- صخام بوجهج مامبين الشسمه التنوره كلوشه مغطيته

- الله أعلم بعد

إجه هوَ وآني مقرره اليوم نظره ماانظرله كله اركز بالدرس . وشعنده صاعد للطابق الثاني يريد يصيحنه شنو ؟؟!

من دخل سلم علينه حتى السلام مارديته عينه تخزر بيه وهز راسه .. ظل يشرح وآني مركزه بالشرح نظره ماانطيته كله بسببي سحلت روحي عليه .

كاللنه إنقلوه الكتبته .. اني ظليت انقل وهوَ لازم قلم بإيده ويتمشى كل كرسي يمر من يمه يضربه بالقلم وهاي عادته المزعجه .. وصل لكرسيي ظل واگف وآني مارفعت راسي ظليت مدنگه وانقل .. ضرب كرسيي بالقلم وسمعت تنهيدته .

إستمر يضرب بالكراسي وبس صوت القلم مسموع واني اتخبل من هاي الحاله تقلقني هيَ وهز الرجل .. 

نرجس ظلت تهز برجلهه وهاي العاده أتخبل منهه وكل مره من تسويهه احط إيدي عليهه واظل اگرص بيهه .

ظلت تهز برجلهه حيل وآني مديت إيدي جوه الكرسي وتگرص وتگرص وهيَ تتألم بسكته لان گرصتي سم مثل مايگولون .

نرجس.. ثُرىٰ إيدج والله اندمج إيدددج اخ رجلي .

- حتى بعد ماتهزين 

بعدني احچي وياهه وإجاني الصوت 

- يلا ثُرىٰ گومي إشرحيلي 

وگفت بغباء كلت

- هااا ؟؟ 

- إشرحيلي 

- اي هسه 

هذا شبيه حاط راسه براسي حسره عليه احچي وي نرجس لو أغفل عنه يگومني ..

ظليت اشرح واني واگفه حسيت بإيد تسللت لرجلي بهدوء .. لحظات وروحي شاغت گرصه مو طبيعيه كارثه سم سم .. وگفت شرح وعضيت شفتي قوي وعصرت عيوني حيل .. كاللي :-

- كملي ليش وگفتي ؟!٣

كملت شرح وهيَ مستمره تگرص وراسهه ع الكرسي حيل عود تكتب وإيدهه على زري وتگرص بيه .. حاولت اوخر إيدهه كلما اوخر رجلي لجهه تجي وراي .. اخر گرصه كرصتنياهه بعد ماتحملت عطت بصوت عالي :-

- اخخخخخخخخخخ

كلهه إلتفتت عليه ومصدومين .. هوَ إجه يركض وگف يمي وصاح بصوت عالي 

- شكووووو؟؟؟؟

نرجس صار لونهه ليمونه وآني رجلي مأذيتني متتت من الوجع گرصتهه موت .

سكتت ودنگت .. عاط بيه بعلو صوته

- ماتحجييين شكوووو؟؟؟؟ 

- لا أستاذ ماكو شي

- ليش عطتي؟؟ 

دنگت راسي وسكتت 

- إلىٰ متى أتغاضى عن تصرفاتج انتِ طفله طفله خبلتيني هاي الطلاب كلهه بكوم وانتِ بكوم بس اني منا وهيج اعرف اتصرف وياج .

ظليت بسكتتي وداخلي ينزف مدنگه وشفتي ترجف أقل رزاله مااتحملهه داخلي هش .

بقيت واگفه .. عاط بنتر 

- إگعددددي

گعدت ومدنگه ألعب بأظافري ووجهي نااار تطلع منه أحس روحي راح انفجر .

ظل يشرح واني حتى راسي مارفعته ولا ركزت بكلمه من الگالهن .

خلص وقت محاضرته وطلع .. خليت وطلعت حتى نرجس ماحچيت وياهه وحتى هيَ تباوع بيه مستحيه . بس اني علت بيهه ماعليهه هيَ .

طلعت من الكليه وظليت واگفه بالشارع انتظر إسماعيل بعد ساعه يلا يجي عندي إستعداد اوكف ساعه كامله وماادخل للكليه .

ظليت واگفه ع الشارع بس رجعت لوره عن السيارات .. 

شويه ووگفت يمي سياره مظلله سوده عرفتهه سيارته !

فتح الجامه وباوعلي وجهه معصب وحواجبه معكوده

- ليش واگفه هنا؟؟

درت وجهي ع الجهه الثانيه ولا عبالك اشوفه !

نتر بصوت شبه عالي

- داحجي وياج اني لو لا؟؟؟؟؟ 

غلسست ووجهي محتقن وحواجبي عاگدتهن وعيوني نااار تطلع منهن اول مره اكون بهالعصبيه .

عاط بصوت عالي فززني

- ثُررررررىٰ

عصرت عيوني وكتله

- بس اني مو بالكليه هسه .. ولايجي اخويه يشوفني إستاذ اني ادبر حالي 

- ليش ششايفتني صاحبج مثلاً ويشوفني اخوج؟؟ ولأن اني إستاذج أأمرچ هسه تصعدين 

- حشاك بس ماگدر اصعد ويه واحد غريب !

ظل يباوع بيه بعصبيه كال بنتر والحرگه باينه بصوته

- هم صدگ غريب ! .. بس نصيحه روحي إنتظري إخوج بالكليه لان التوگف هنا يكولون واكفه للشباب 

- ياا عزا 

- اي هذا العناد بعد

خليت ودخلت للكليه وهوَ ظل واگف لما شافني دخلت يلا راح .. رغم محذرني إسماعيل مااطلع بره الكليه كل مره هوَ يوكفلي يم الاداره واني اطلعله .

انتظرت لما إجه إسماعيل وطلعنا للبيت ..

لگيت البيت مخبوص وكلهه تحضر لمهر نهى ! الجمعه هاي وإحنه امتحاناتنه الاحد مال نصف السنه والجو بارد والصوبات بكل مكان الله أحلى شي المناسبه تصير بالشتا اذا تصير بالصيف المكياج يسيل البوخه تصير تكتل .

دخلت البيت مفروش فراش شتائي والصوبه النفطيه مشغوله وملتمين اهلي حاطين الخبزه ع الصوبه ويحمي بيهه حمزه والگدر يمه يحمي ويحط .. ركضت بدلت وإجيت اركض لابسه تراكي الشتائي وارجف برد .

- حمزه اني خبزتي اريدهه مكسبه مو تتگروط

حسن.. ولج مو تجواعه هاي غده غده

- ميخالف احب الگرواط

حمزه.. عليكم العباس بعد سموهه الگرطه لان تگرط خبز يابس 

- عززا والله اليصيحلي هيج العب لعب

مروه ظلت تصفگ وتصيح

- الگرطه .. الگرطه هه هه .. الگرطه الگرطه

ظلوا يصنفون عليه واني اتحرگن النوب بس الگرطه عليه .

طلع بالتلفزيون لقطه .. قطعه مكتوب عليهه (آه يازينب) ردت انصب على أمي گتلهه :-

- ماما شنو هاي الكتابه؟؟

باوعت بيهه وهيَ تصب .. صبت التمن بالماعون وگالت بثقه :- 

- واحد وخمسين يازينب 

هيَ گالت هيج وإحنه تمددنا وظلينه نرفس من الضحك قرت الـ(آه) واحد وخمسين متنا متنا وإسماعيل كلساع يخزرنه لما عاط بينه

- اسكتوووو شنو تضحكون عليهه احسن من عدهه انتم؟؟؟؟

كلنه إنلصمنه وصار الجو هدوء بس اني كلساع تفلت ضحكه مني وإسماعيل يخزرني يخلي الضحكه تغص ببلعومي .. ظلينه منتظرين التمن يبرد لان اذا اكلناه حار مو زين ع الامعاء يتلهوگ هاي كلهه معلومات امي وقوانينهه .

اكلنا وشربنه چاي وگمنا ننام .

دخلنه بالغرفه سألت تقوى على هذا الولد السيد گالت :-

تعليقات



×
insticator.com, 6ed3a427-c6ec-49ed-82fe-d1fadce79a7b, DIRECT, b3511ffcafb23a32 sharethrough.com, Q9IzHdvp, DIRECT, d53b998a7bd4ecd2 pubmatic.com, 95054, DIRECT, 5d62403b186f2ace rubiconproject.com, 17062, RESELLER, 0bfd66d529a55807 risecodes.com, 6124caed9c7adb0001c028d8, DIRECT openx.com, 558230700, RESELLER, 6a698e2ec38604c6 pmc.com, 1242710, DIRECT, 8dd52f825890bb44 rubiconproject.com, 10278, RESELLER, 0bfd66d529a55807 video.unrulymedia.com, 136898039, RESELLER lijit.com, 257618, RESELLER, fafdf38b16bf6b2b appnexus.com, 3695, RESELLER, f5ab79cb980f11d1