رواية انا والغريب الفصل السادس بقلم هبه حمزة
............لك اهااا ياسر........
التفتنه اثنينه عله مصدر الصوت!!!
لكيته ولد واكف ويباوعلنه ويضحك أحس شايفته قبل بس وين! التفت عله ياسر لكيته صاير عصبي حيل!
الولد اتقدم راد يسلم عليه كام! وجر ايدي وكومني ويا
ويمشي بسرعه
والولد ركض ورانه .
الولد........ هاي شبيك ياسر بعدك شايل بكلبك عليه ،
يمعود شاد محرك اااوكفف خرب يومك
منار"......... منو انته
عاط بيه ياسر
ياسر"...........اسكتي لتدخلين وامشي مالج شغل بي
الولد" يمعودد شبيك هسة هاي مو انتو صرتو مثل العسل واحد لازم ايد الثاني صوجي اني الجمعتك بيهة لو عليك تروح من ايدك مثل مراحت القبلهة
منار "..... باوعت عليه !!!! تذكرت هذه نفسه الي رش منوم بوجهي
أيا حقير
باوعت عله ياسر اريد اتاكد فعلا الي اجاي يصير لكيته يهز براسه!
ردت اروح ارزله بس لازمني ياسر مخلاني اروح
منار".........هدني خل اطيح حضة هل ك* لب*الزما*ل. كله من وراه هوة سبب
ياسر".......اشششش اسكتي فصحتينه ترة احنه بشارع مو بيت خلفوج
منار"....... ضليت اتلاوه ويا بس اريدة يهدني ماكو عبالك حاط حجارة مو أيد
لكيت صديقه يباوعلنه ويضحك لان جنه نحجي بصوت ناصي ! يمكن عباله واحد يتغزل بالثاني
كون هسة يحطونه بايدي اله اشرب من دمه
ياسر".......... امير روح انتهة الحجي وياك روح احسن الك لأن إذا طبكن هسة اسحلك بالشارع
فافضل الك روح ولضل اجفص افتهمت لو لا
امير"..........يمعود بالعباس سويت هيج علمودك ثق بالله ما ردتهة تضيع مثل هذيج
ياسر"......... شجلبت ابن الكل* مو كتلك لجفص وروح احسلك
منار"...........ضلو يتجادلون بالنص ساعة واني صافنه يقصد منو هذيج" يعني جان يحب وحده اكيد وعافته
بعد. كلام طويل هوة ويا وعتاب هاي كله واني واكفه واباوع عليهم ساعه يتصايحون ساعه يتضاربون ساعة نوب الي اسمه امير يبوس ياسر من خدة وذاك ياسر يتخبل يضوج يبوسه تصالحو بل الاخير!
ورى فتره انتبهو عليه واكفه إجه أمير
امير"............هلا خيتي شلونج اعذريني ترة عركه صارت بوجهج
منار"..............
امير ".......اكلك هاي خرسة لو شنو
ياسر".... انجب وروح بله كافي هواي لحيت ترة هاهية عمي راضي عليك اني
امير".......هوة ما دام انته رضيت عليه هسة الله يطيح حضي
ياسر....باوع عليه وخزرة واشر اله ابيده يروح ذاك ضل يدردم عافنه وراح
منار"......رجعني للمستشفى
ياسر"........هوة راح ارجعج
منار"......رحت للمستشفى وصلته الغرفه بيبي إجه دكتور وصل ياسر يسأل دكتور عله حالتهة تالي طلعت كاعدة وطالبتني
منار"........رحت للغرفه ركض من عرفت بيهة كاعدة شبكتهة. حيل
سمعتهة تبجي كامت بصوت
منار"......بيبي هاي اني كلشي ما بيه يمج بعد ما اعوفج لتبجين عيوني انتي
بيبي".........حبيبتي شصار بيه من رحتي والله ردت اموت وراج بنيتي شلونج كون اذوج لو ضربوج
منار"......لا باعي كلشي ما بيه
شبكتني وضلت تبجي ، انداريت وشفت ياسر يباوعلنه وجهة عليه علامات ندم
شيفيد الندم بس الصار صار
انتبهت عليه بيبي
وكالاتله
بيبي".......ابني تعال اكعد ليش واكف
ياسر".........حمدلله علة سلامه حجيه نشالله تنذكر ومتنعاد
بيبي"........بعد كلبي ابني تفضل فوت لتضل واكف ، وفضلك ابد ما راح انسى من رجعتلي حفيدتي
اشكرك ابني أن شاء الله هذة بميزان حسناتك .
ياسر"........ اشكرج اني مسويت غير واجبي
منار"....... اسمعهم وميتة قهر والله لو تدري بيك انته الخطفتني جان عرفت شلون تتصرف وياك
بوكتهة قررت بس ارجع اسولف الهة كلشي
ضليت حاضنه بيبي هوة ضل شويه وراح
باوعت عله بيبي كالت
بيبي".........لو ما الله وهذة الولد يمكن انتي مترجعين الحضني
منار"......حضنت بيبي اقوة وكتلهة خلاص بيبي الراح راح خلينه هسة بالحاضر
بعدهة شفت بيبي نامت واني جعت طلع اباوع برة واشم هوة بالحديقه
سمعت احد صاحني
ياسر".......منااار
التفت عليه مصدومه عبالي راح وعافني
منار"...هااا
ياسر".......تعاي وياي
منار".....وين اروح وياك؟ جر ايدي وكال
ياسر "......امشي بدون صوت
صعدنه بسيارته
منار".........وين رايحين ترة كلش مالي خلكك
ياسر"........عدلي اسلوبج مشوفين نفسج بعدج بملابس دوام مناويه تغيريهن وتلمين كفشتج جنج مخبله .
ويضحك بستهزاء
منار"........ مو اكو واحد لا يخاف الله ولا يعرفه خطف بنيه من دوامهة وهسة ديسوي عمل خيري براسي
ياسر" .......وتالي منااااار
صاح بصوت عليه
منار"........ اي التالي هوة نطلكك المن تزوجتني لخاطر الله متكلي وكعتني بمصيبه جنت تكدر ترجعني وتخطبني من بيبي ليش خليتني احس بشعور الذنب احس جاي استغفل بيبي
ياسر"..........لأن.....
وسكت
منار"...... المن سكتت اااااحجي فهمني مو راح اتخبل من وراك ،
عافني احجي وشغل سيارة ومشه بينه حته اني سكتت لان تعبت الى درجه حته حجي صار ما بي فايدة......
مرت فترة وسيارة تمشي وصلنه لمنطقنه هذة راح يوديني لبيتي !
منار"......ليش جايبني هنا وبيبي وحدهة هناك رجعني
ياسر "........ كلسع اعيد الكلام ضاهر انتي لو غبيه لو تضاهرين بالغباء
منار"........صدك اذكرت هوة حجه عله ملابسي بس مكلي اوديج لبيتكم بس مسكتت اله
.........نتعلم غباء منك |كلتهه بصوت ناصي|
ياسر".......شنوو شكلتي ، إذا بيج خير علي حسج واحجي براحتج
منار........عفتةة مقهور ويحجي ولا يمي اني اباوع عله شارع لحد ما وصلنه نزلت بسرعه و
فتت لللبيت اوووف ناقص بيبي حتة بيت احسه ميت مابي اي حياه بدونهة
بسرعه طلعتلي سترة وبنطرون وحذاء وطبيت ركض اسبح أفكر بيهة عفتهة وحدهة هناك حتة نسيت ياسر واهله
خلصت من حمام وطلعت واني ودا ابدل انفتح الباب مال الغرفه عطت بصوت عالي عليه شكد ماخذ راحته هذة
بدلت واخذت فلوس والجنطه ورحت عليه
منار"..........انتي متستحي شلون تفوت للغرفه
ياسر"......شمدريني انتي بالغرفه وشفتج تاخرتي عبالي انتحرتي كلت بركت أخلص منهة
منار"....... انته كلش متتحترم وليش انتحر مثلا ، ويله كوم وديني للمستشفى
ياسر"......ليش محسستني سايق الخلفوج ترة لحد هسة اني محترمج جري عدل
منار"......توديني لو اخذ تكسي
شفتة يباوع عله ملابسي
ياسر".....هاي راح تروحين هيج!
منار".......اي ليش اكو اعتراض عندك
ياسر".........منار روحي بدليهن احسن الج لبسي شي مستور وخل نروح
منار"........عفته يحجي ورحت اريد اطلع واخذ تكسي واروح
ما حسيت الة نجريت من شعري عطت
ياسر".......ترجعين لو اطلع خبالاتي عليج ، وبكيفج بعد
منار".....شكد حقير انته هددد شعررري
ما شفته غير شالني وحطاني عله ضهرة وطب للغرفه شمرني عله جرباية
بوكتهة خفت وشكو شغلات جهنميه اجت ابالي
بس حمدلله شفته راح للكنتور طلع ملابس كلهة ويكلب بيهن شفتة جاب فستان طويل انطانيا
ياسر".......ها يله كومي لبسي بسرعه
منار"......اخذته منه وكمت بسرعه للحمام مسحيل انسه شكلة من تعصب يخوف عيونه نكلبن حمر من عصبيه
بدلت وطلعت
شفته باوعلي وضهرت شبح ابتسامه علة وجهة
وكال
ياسر"..........المره جايه البسج حجاب والوراهة عبايه
منار".......باوع مو شفتني مشيت كلامك عبالك ولبست فستان تكوم تمشي كلامك كله براسي لا يعيوني اصلن بس هسه راح اتحملك
من تكوم بيبي بخير وسلامه احجيلهة كلشي وراح اطلكني منك ، باوعلي وضحك بصوت عالي
ياسر"................ بالله خطيه انتي شلون تفكير عابت هل وجه الحلو ، حبيبتي باوعي ترة ما راح تكدرين تحجين
منار".... ضحكت وباوعتله وليش بله
ياسر"......لان..
توة ديحجي اندك باب باوعلي وصاااح
ياسر".......منووووووو
بعد مندك الباب وياسر صاح
ياسر"......منووو
منار"......ضربته وكتله شبيك انته تريد تفضحني ناس متعرفك شلون تصيح
ياسر"..... اي كليلهم ابن عمج ابن خالج اي شي إذا سءلوج عود
منار"..... لا وعوف الباب يندك هسة شويه ويرحون منفتحه
ياسر".......... عوفي شتسوليله .
منار".....اي وشنو ليش ما اكدر احجي لبيبي كلشي ؟ اكدر وبس تطلع من مستشفى راح احجي كلشي الهة
