رواية للحب وجوه اخري الفصل السادس
احرصوا دومًا أن يكون ليومكم من التحصيل نصيبًا، تحصيلٌ في الدّين، في العلم، في العلوم عامة، استبدلوا الهمَّةَ بالهمِّ، والعزيمةَ بالركودِ، استبدلوا السّعي بالخوفِ؛ لا تتركوا العمر يمضي وكأن آفةً لم تَقع!
نكبةٌ هي؛ إن مرَّ نهار يلو آخر، ليلٌ يلو ليل، عامٌ يلو عام وأنت.. أنت قعيدُ الحَراك، مُكبدٌ، مُستأنفٌ لعُمرٍ من عُمرك، لا تستزيدُ عِلمًا، ولا تنثرُ نفعًا، والعُمر يمضي.
باللهِ أخبرني؛ كيف تكون الحياةُ حياةً إن ساد كلُّ من يحياها كمثلٍ واحد، مأكلٍ ، ومشربٍ، ونومٍ! حقًا، المرء منّا دون إضافتهِ شيئًا لنفسهِ ولمن حولهِ كالبيتِ الخَرِب، كالحَبِّ المُتناثر، لا منهُ الإفادة، ولا ذاته يُفيد.
أي أُخيَّ؛ أعِد للسؤالِ جوابًا، وعن عُمرك فيما أفنيت؟
عفا اللهُ عنَّا، وغفر لنا، وبارك لنا في أعمارنا، وتجاوز عمّا أخطأنا وأسرفنا، ربنا؛ جُد علينا بعظيم جودك.
______________________________________
راكان: هطلبى إيه
تولين: شكراً مليش نفس إطلب أكل وكل إنت
راكان (ببرود): العفو... بردو متقوليش هتأكلى إيه
تولين(بنفاذصبر): يا صبر أيوب.. عايزة قهوة
راكان: من عيونى بس لما تطلبى أكل وتأكلى الأول
تولين(بإستفزاز): عايزة برجر وبيتزا وشاورما وكريب وكنتاكى 🙂😂
راكان: تمام..(ونادى) جرسون
النادل: إزيك يا فندم نورت المكان طلبات حضرتك إيه
راكان: برجر وبيتزا وشاورما وكريب وكنتاكى... وستيك وسلطه
«ثم نظر لتولين بعد ذهاب النادل»
راكان: كل دة وملكيش نفس أمال لو جعانه كنتى عملتى إيه هتأكلينى 🙄
تولين (بخجل وغيظ): على فكرة كنت بستفزك وأطلب كتير علشان صدعتلى دماغى بكلمى إطلبى روحت إنت قبل مقولك بهظر ندهت على الجارسون
راكان: من غير ما كنتى تطلبيهم كنت هطلبلك علشان إنتى مكلتيش حاجه من الصبح وفرفشى مش بكرة فى حياتى أد النكد فينك ياميرا إنتى وجود وطلال ومالك وآسر كنتوا بتقلبوا القعدة (الجلسه) هظار
تولين: أسفه لأنى منكدة عليك يالا نروح
راكان(بنفاذ صبر): يلعن أبو شكلك هو الواحد ميعرفش يهظر معاكى بقولك إيه الأكل جاى إطفحى عشان أعزمك على آيس كريم وأركبك مركب فى النيل ياستى عدى الجمايل
تولين: ياعم إنت هتزلنى مكنتش عايزة أخرج أصلا
راكان (بغضب): اللهم ما طولك يا روح كلى كلة يا تولين
__________________________
وفى مكان آخر:
روفان: مستر آسر صفقات التصوير كلها خلصت النهارده وأنا خلصت شغلى ممكن أروح
آسر (خلع نظارته الطبيه): تمام يا أنسه روفان تقدري تروحي بس بكره لازم تيجي بدري لأن ورانا صفقه مهمه بكره مع الجماعه الألمانيه
روفان: إن شاء الله حضرتك أول ما أخلص محاضراتي بكرة هاجي على هنا فوراً قبل ما إجتماعنا معاهم يبدأ
آسر: عموما أنا خلصت وهروح أنا كمان إستني أروحك معايا لأن الوقت إتاخر ومامتك رنت عليا تطمن عليك وقالتلي إنك قلتلها إن الشركه بتوصل موظفيها بعربيات خاصه بعد الشغل
روفان (بخجل): أنا أسفه حضرتك انا إديتها الرقم لأن كان شرطها إني أشتغل.. عشان أنا مهمله وفوني أوقات بنساه في البيت أو بعمله صايلنت(صامت) وهي بتقلق عليا وموضوع العربيات الخاصه فلأنها بردو ما كانتش موافقه بسبب إن مواعيد العمل متأخره شويه وهي بتقلق عليا فأضطريت أقول لها حوار العربيات الخاصه أسفه حضرتك بس كنت محتاجه الوظيفه دي عشان أساعد ماما في مصاريف البيت وجامعتي ودروس أختي لأنها في ثانويه عامه سنه ثالثه
آسر(إبستم لصراحتها وعفويتها): يا ستي مش محتاج تبرريلي السبب واثق فيكي وفي أخلاقك بس بردو هوصلك عايزه والدتك بعد ما رنت عليا ودعتلي وقالتلي لو ينفع النهارده أروح علشان هي أصرت تعزمني على العشا عايزانى أزعلها وإعملي حسابك من النهارده هوصلك في طريقي كل يوم كده كده بيتك في طريقي يالا هاتي حاجتك عشان نمشي
روفان: بس حضرتك عرفت عنوان بيتى (منزلى) منين
آسر(رفع حاجبه 🤨): من ال CV بتاعك أول يوم
روفان (بتذكر وخجل): أه إفتكرت حضرتك مش مضطر توصلني كل يوم ماما بس أهم حاجه إنها فاهمه كده عشان تطمئن عليا وأنا والله مخبيه الموضوع عنها غصب عنى والموضوع خارج عن إرادتى لأني محتاجه الشغل أنا أول مره أكذب عليها في حاجه وده مضايقني أوي وكمان حضرتك مش مضطر تيجي تتعشى معانا أكيد حضرتك وراك مواعيد مش عايزه أتعب وأزعج حضرتك معايا وأسفه على عفويه ماما معاك
آسر: بقولك هوصلك في طريقي مش هحرق بنزين زياده يعني وما تخافيش مش هخطفك يعني وبالنسبه للدعوه فهي من مامتك ما لكيش فيه ده إنتى عيله بخيله وسعى كده ويالا أنا جعان
آسر: يا ستى إركبى فى العربيه من ورا أكيد والدتك قالت للمنطقه عندكم موضوع شغلك وحتى لو ما حدش يعرف كفايه إن والدتك عارفه ما تخافيش من كلام حد ويالا عشان إتاخرنا على مامتك
روفان: أوك شكراً لحضرتك هتعبك معايا
«وبالفعل ركبت خلفه فى السيارة وبعد مدة وصلوا للمنزل ودلفوا (دخلوا) للعمارة وطرقت روفان الباب ففتحت والدتها»
مروة: أهلاً أهلاً نورت يا أستاذ آسر
آسر: بنورك يا طنط (ولوى فمه) وبعدين أستاذ إيه بقى والله ألف وأرجع أنا مش إبنك بردو ولا إيه
مروة: يوة لأ إبنى طبعاً وغصب عن أى حد كمان إتفضل يا حبيبى ❤قمر 🌗ماشاء الله وكلك ذوق زى البت ساميه قالتلى ربنا يحفظك من العين
آسر: ربنا يخليك يا طنط صحيح حضرتك عندك كم سنه أصل بسم الله ما شاء الله كإنك عندك 30 سنه
مروة: أه يا بكاش إنت هتعمل زى روفان ولارا 😂
آسر: لأ والله بتكلم بجد عيب عليك تعرفي عني كده دأنا كنت بفكر أجوزك لضرغومي بس هطمع أنا وأتجوزك هو وشه فقري طول عمره
مروة: 😂دمك عسل والله يا بنى قومى يا روفان خبطى على أختك فى أوضتها وجهزى السفرة إنتى وهى علشان نأكل
آسر: طيب أنا حبيت أسلم على حضرتك عايزة حاجة همشى أنا بقى
مروة: والله هزعل منك ولا هو يعنى أكلى خايف منه أكون حطالك سم فيه ولا قلقان منه
آسر: أبداً والله ربى يعلم معزة حضرتك من معزة فوفا وماهى حاضر هأكل بس متزعليش
«وبالفعل تم تجهيز سفرة الطعام وجلسوا يتناولون العشاء وسط جو من الحب والألفه والمرح»
مروة: يوة.. يابنى إنت بتضحك عليا بص إنت تخلص طبقك ونايبك(نصيبه من الفرخه) وخد ورك الفرخه دى كمان متزعلنيش منك
آسر: حاضر يا طنط بس والله بطنى وجعتنى كدة مش هعرف أروح 😂
مروة: ولد مش عايزة نقاش
آسر: حاضر من عنيا بس بلاش النظرة دى بالله عليكي بخاف 😂.. بس والله بسم الله ماشاء الله الأكل تحفه تسلم إيدك
مروة: شاطر برافو عليك إسمع الكلام أحبك متخلنيش أطلع جعفر إلى جوايا.... وبالهناء والشفاء يا حبيبى ❤
«وظلوا يضحكون في جو ممتع من الضحك والود وانتهوا من العشاء وجلسوا قليلا ثم إعتذر منهم آسر بعدها شرب قهوته التي أعدتها له روفان عندما أصرت عليه مروه على أن يشرب شيئا وغادر بعدما إتفق مع روفان دون أن تلاحظ والدتها على إيصالها يوميا لمنزلها بعد العمل»
__________________________
فى مكان آخر:
زينب: مبروك يا هايدى على خطوبتك من على
ميرا: بجد ألف مبروك يا زمكس (صاحبى) مش كنت تقول كنا قمنا بالواجب معاكم مبروك ليكم ربى يتممهالكم على خير 😍
على وهايدى: الله يبارك فيكم يارب
على: إيه رأيكم أعزمكم على العشاء بالمناسبه السعيدة دى
ميرا وزينب: إشطاا يالا
«ثم قاموا للذهاب فوجدوا طلال»
طلال: رايحين فين وشكلكم مبسوطين فرحونى معاكم
ميرا: على وزينب إتخطبوا عقبال حضرتك وللمناسبه السعيدة دى على عزمنا على العشاء
طلال: ألف مبروك ليكم ربنا يتمملكم على خير خلاص هاجى معاكم والعزومه على حشابى أنا وبعدها أروحك يا ميرا
«وذهبوا للمطعم وقام كل شخص منهم بطلب الطعام وأكلوا فى جو من الألفه والمرح والسعادة وبعد الإنتهاء غادروا بينما ركبت ميرا مع طلال»
ميرا: ممكن أسأل حضرتك سؤال؟؟؟
طلال: أتفضلى طبعاً ومش قولنا بلاش حضرتك إسألى يا ستى 😂
ميرا: هو بص أنا سألت جدو ضرغام عن أختك
«فلاش باك»
ميرا: جدو أنا عايزة أساعد طلال أن يلاقى قاتل أخته... ممكن تقولى عنها وعن فترتها الأخيرة قبل ما تموت فى الشغل معاك وعنوان بيتهم القديم... بس الكلام ده سر بينا
ضرغام: بصى كاثرين جت قالتلى إن فى واحد من موظفينى القديم إسمه (رجب) بيبيع أسرار شركتنا وبيسرق أموالنا وإن ليه علاقه بشخص تاجر أعضاء وكدة
ميرا: وحضرتك طرته
ضرغام: طبعاً كان ممكن أعمل كدة بس حبيت أمسكه بالجرم المشهود عشان يأخذ جزاته فقلت لكاثرين شكراً يا بنتى قالتلى عينى أشتغل فى فريقه قلتلها لأ مش هعرضك للخطر سيبى الموضوع عليا قالتلى حضرتك فضلك عليا كبير إسمحلى أرد جميلك ولو حسيت بخطر هوعدك إنى هخرج من الموضوع... طبعاً مكنتش راضى سعتها تحت إصرارها إضطريت أوافق (ونزلت دمعه من عينيه) كنت غبى ساعتها يا ريتنى ما وافقت... جت قبل ما تموت بيوم أعطتنى الملف دة وقالتلى دة كل المعلومات إلى جمعتها عنه ولسه هحاول أجمع معلومات تانيه... وراحت.. وفى اليوم دة تقريباً رجب كشفها راح قتلها (زادت دموعه) وبعدها غير إسمه وعمل عمليه تجميل وهرب ساعتها أخدت طلال وربيته وإنتى عارفه الباقى أكيد طلال حكالك
ميرا (ببكاء وتأثر): طب ممكن تدينى الملف دة يا جدى
ضرغام: بصى يا ميرا يا بنتى هدهولك بس خلى بالك إنتى وطلال إلى إسمه رجب دة مش سهل مش مستعد أخسرة وأخسرك وكل خطوة تعملوها تحت معرفتى ومعاكم مالك وراكان إياكم تشتغلوا لواحدكم
جود (حضنته): حاضر ياقلبي ❤متخفش
«باك»
ميرا: الملف أهو وروحت إمبارح بيتك ولقيت الرساله دى تحت بلاطه كانت مش سابته إتكعبلت فيها من أختك ليك إتفضل
طلال(أخذ الملف والرساله منها):(وكان مضمون الرساله): طلال حبيبي لو إنت معاك الرساله دي فعلا دلوأتى فمعناها إن أنا مت أو جرالي حاجه وإعرف إن أنا بحبك وأسفه إنى سبتك لوحدك فى الحياه دى بس كان لازم أعمل حاجه وما تخيلتش إن الموضوع هيقول(هيؤدى) لكده وواثقه إن جدو ضرغام إعتنى بيك ورباك كويس وأرجوك عيش حياتك وحاول تفرح وإياك إياك تستسلم أسفه إن انا سبتك لوحدك في الدنيا دي وأرجوك عيش حياتك وأكبر وإتجوز وجيب عيال كان نفسي أشوفك عريس وإعرف إنك مش لواحدك وأنا معاك دائما في كل مكان وفخورة بيك
«قرأها وهو يبكى نعم يبكى»
ميرا(أول مرة تشوفوا كدة ربتت عليه وهى تبكى): هنجيب حقها صدقنى وأنا معاك وكلنا معاك وبنحبك وعمرنا مهنسيبك
طلال: إنتى ساعدتينى أوى ولحد هنا وإستوب أنا هكمل لوحدى مش مستعد أخسر حد تانى
ميرا(بإصرار): لأ هساعدك
طلال(بعدما أدرك أن كلامه لن يفيد معها فقرر أن يبعدها تدريجياً) : شكراً بس إياكى تعملى حاجه من غير إذنى زى مروحتى البيت كدة من ورايا ماشى إياكى
ميرا: حاضر... ويالا هاتلى آيس كريم وكفايه عياط ونكد أمال فين أنا دمى خفيف أكتر من أسر
طلال: 😂وربنا طفله حاضر إستنى هنزل أجيب
«وجاب آيس كريم وأكلوة ثم أوصلها للمنزل»
____________________________
وفى مكان آخر:
«خرجت جود من المول بعدما إشترت بعض الطلبات التى طلبتها منها فريدة ومهيتاب»
مجهول: إيه الحلاوة دى بقولك إيه يا سكر متحن كدة ونفرح أنا وإنت شويه ونتبسط
جود (برعب): لو سمحت إبعد عني وسيبني في حالي ما ينفعش كده عيب هو أنت ما عندكش إخوات بنات يرضي حضرتك يحصل موقف زي ده معاهم
مجهول: ما عنديش إخوات شكلك هبله بس في نفس الوقت عجباني مش هتيجي بالذوق نعلي ال level شويه ونيجي بالعافيه(ومد يديه ليقترب منها....)
_______________________________
مالك: أيوه يا راكان خلاص ماشي أنا جاي في الطريق وحاضر ما تخافش عليا مش هعمل خناقات مع حد صدقني مع أن هو إللي غلط فيا وفي أهلي وهو إللي خبطلي العربيه وما تخافش أنا بس كسرتله ضلع وخليته ينزف من مناخيره (أنفه).... وجبتلك حلويات وشوكولاته إلى طلبتها منى عد الجمايل يا حبيب قلبي إنت❤
راكان (فى الهاتف): ولا أنا إبتديت أخاف منك تيجي تقول لجدي جاي أطلب إيد إبنك راكان ويا يا إبني جاي على نفسك ليه كده كنت ضربته رصاصه موته الله ما طولك يا روح ما أعرفش عملت إيه في حياتي رزقني بإثنين صحاب أذكياء وزوجه وأخت الذكاء مقولكش بيخر منهم 🤦😓
مالك: والله فكرة المهم إقفل هفول بنزين وجايلك على طول يا قلبى ❤😂
راكان: سلام يا خويا سلام
«ملأ بنزين لسيارته ثم إتجه لمكينه قهوة داخل مول بجانب محطه البنزين ثم خرج من المول ولمح ذاك الرجل الذى يضايق جود ويمسك يدها....ذهب وأمسك يد ذاك الرجل»
مالك: أوباا مش عيب كدة يا وحش إيدك لتوحشك
المجهول:(سكب قهوة مالك): ملكش فيه يا جدع أنا جيت قبلك متعملش دور الشهم مش ناقصاك
مالك: كدة تدلق وترمى نعمه ربنا فى الأرض ميصحش (ثم ضربه برأسه فأرتد الرجل للخلف ثم عاد لضرب مالك فتفادها ببراعه وأمسك ذراع الرجل ورفعه ثم رماه أرضاً فكسر للرجل كتفه وردود فى عظام ظهرة)
مالك(أمسك يد جود التى كانت مصدومه): يالا يا جود هروحك وأنا أصلاً جاى عندكم
جود: شكراً يا مالك تعالى هشتريلك قهوة بدال إلى إدلقت بسببى
مالك: بت شايفانى مفلس إترزعى (إقعدى) فى العربيه هشتريلى قهوة وأجبلك Ice coffee إلى بتحبيها وأجى
جود: حاضر وشكرا
«ذهب وأحضر القهوه و ال Ice coffee وعاد للسيارة بعدما أجرى مكالمه ما.....وذهب لمنزل راكان»
_________________________________
«وفى اليوم الموعود وهو يوم عيد ميلاد تولين»
جود: تولين تعالى عايزاكى معايا هجيب ملابس ليا ومستلزمات ممكن تيجى معايا محدش راضى يجى معايا لو مش هتعبك طبعاً
تولين: لأ ولا يهمك يا قلبي ❤إدينى 10دقايق هلبس وأنزل وراكى
جود: ماشى ياقلبى ❤بس أنا جيبالك الفستان دة بطرحته وكل مستلزماته ممكن تلبسيه معايا النهارده أرجوكى أتمنى ينال إعجابك
تولين: حاضر ياقلبي ❤هلبسه وإنزل
_____________________
جود (بعدما نزلت وهى تنتظر تولين بالأسفل)
راكان: إديتيها الفستان وهتلبسه؟؟؟؟
جود: أه يا قلبي ❤بس جميل أوى تسلم إيدك وفستانى حلو تسلم إيدك
راكان: بجد زوقى عجبك وهل هيعجبها
جود(إبتسمت بحب): أكيد ياقلبي ❤
راكان: ربنا يخليكي ليا وميحرمنيش منك ابداً ياروح قلبي ❤
«وبعد قليل نزلت تولين وكانت ترتدى الفستان كان جميلا وبسيطا عليها كان باللون الأزرق القاتم ضيق من منطقه البطن وواسع حتى قدمها بحزام بنفس اللون به بعض الرسومات السوداء الجميله وحجاب فضى اللون وهيلز فضى فكانت فى غايه الجمال... أما جود فكان فستانها نبيتى (أحمر قاتم) نفس تفصيل فستان تولين بإختلاف أن حزامها نفس لون الفستان وهيلز أحمر وحجابها أحمر فاتح فكانت هى الأخرى فى غايه الجمال والبساطه»
جود: إيه القمر دة
تولين: والله إنتى إلى قمر تسلميلي يارب الفستان جميل تسلم إيدك
«إبتسمت لها جود بحب بينما سعد راكان كثيراً لأنه نال إعجابها»
جود: يالا ياقلبي ❤
«فذهبتا معا ولكن ظهرت سيارة سوداء وأختطفت كلاهما»...
